الفصل 6
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم عوض_قلبي`*
*❴🔢❵الـــبـــــــــــ❴6️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
Stories 📖:
الجزء السادس
خلال اسبوع كانوا متفقين ومحددين كتب الكتاب لقيس ويارا...
بلشت يارا تجهيزات الخطبة كانت كل يوم تنزل عالسوق مع بنت خالتها وتشتري كل اشي بدها اياه للخطبه .... وحجزت عند صالون ميك اب
كانت كتير مبسوطة مش شوي ماكانت هي وقيس يحكوا كتير بهاي الفتره لانهم تنيناتهم مشغولين بالتجهيز للخطبه ...
ابوها وابو قيس استلموا المعازيم وبلشوا يعزموا
كان كتير متردد مش شوي وخايف يعزم ابو جواد ويزعل بس بالنهايه هاد رفيق عمره ومش حلو مايعزمه اتنهد وكبس ع الجوال ورن عليه
ابو جواد: اهلاا ابو يارا
ابو يارا: كيفكك ؟
ابو جواد: بخير وانت؟
ابو يارا: الحمدلله بدي احكيلك
ابو جواد: احكي مالك متوتر ؟ صاير معك اشي ؟
ابو يارا: بصراحة هو... مش عارف شو بدي احكيلك
ابو جواد: لكك صاير معك اشي.؟
ابو يارا: لا بس صراحة بدي اعزمك ع خطبة يارا
ابو جواد ابتسم: ههههه طيب بدها كل هالتوتر؟
ابو يارا: يعني مالك زعلان مني؟
ابو جواد: ليش بدي ازعل الدنيا قسمه ونصيب صح حاولنا نجوزهم بس مااتفقوا بغض النظر عن الصفقه الكبيره الي خسرناها من وراهم بس خلص مش نصيب بعض واالله يعوضنا المهم صداقتنا ماتتاثر
ابو يارا: ريحتني والله كنت ماكل هم تزعل وكنت بموقف مش سهل وصعب
ابو جواد: ههههه لاتاكل هم ان شاءالله الف مبارك
ابو يارا: الله يبارك بعمرك يارب واحكي للشباب عندك
ابو جواد: ماشي....
سكر الخط واتنهد براحه كان كتير خايف من هاللحظه بس الحمدلله طلع ابو جواد متفهم وباركله ومازعل منه
يوم الجمعه صحيت يارا متحمسه عملت دوش ولبست وجهزت حالها وابوها وصلها للصالون وبلشت تعمل شعرها والميك اب ....
بينما قيس مقضيها نوم بحجة انو معه وقت هههههه
ومارح يروح يجيبها من الصالون لانه لسا مش مكتوب كتابهم ...
ف قضاها نوم براحته....
عند العصر كانت جاهزه وطالعه كتير حلوة وناعمه
رنت ع ابوها يجي ياخدها وبالفعل مسافة الطريق كان عندها .... اخدها وراحوا عمكان كتب الكتاب .....
بلشوا يجوا المعازيم واحد ورا التاني وبلش توترها يزيد
والي زاد توترها اكتر لما سمعت البنات عم يحكوا اجا العريس والشيخ ....
فات قيس وابوه والشيخ وابوها من الباب كانت عم تتامله اديش طالع حلو بالبدله ... دمعوا عيونها بس ماسمحتلهم ينزلوا ... كانت الطريق طويله بالنسبه لقيس والها ... اخر اشي وصلوا وقعدوا وقيس حط ايده بايد ابوها وبلش يعيد ورا الشيخ ...وبعدها وقعوا عالورقه انهم موافقين ...
الشيخ: الف مبارك يارب بالرفاه والبنين ...
قيس بابتسامه: الله يبارك فيك شيخنا
طلعوا الزلام وبقي هو .. قرب لعندها بخطوات بطيئة ومسك ايدها وابتسم ...كانت اول مره بمسك ايدها بحياته ... لانه كان واعد حاله كل اشي يكون بالحلال
وربنا وقف معه لما شاف نيته صادقه ..
قربها لعنده واشتغلت اغنيه
همسلها: طالعه حلوة
خجلت ونزلت راسها ووجها صار احمر
قيس :حد علمي انك مابتخجلي
يارا: بالله؟ هاد الي طلع معك؟
قيس: هههههههه لا بس اول مره بشوفك هيك وجهك احمر وفايته بالحيط ...
يارا: ههههههه اول مره بنرقص مع بعض
صاروا يرقصوا والنسوان تزلغط وعملوا مراسم الخطبه ع اتم واحلى وجه
بعد الحفله راح عند امها وابوها وابتسم
قيس: اسمحولي اخطف بنتككم بدي اخدها معي
يارا: قيسسس
قيس: اي عمي انا رايح عن اذنكم
ابو يارا: ههههههه الله معك
يارا: بابا
ابو يارا: ههههه روحي معه وانبسطوا
سحبها من ايدها وطلع هو واياها بالسياره ...
شغل اغنية حلوة ومشي ...
يارا: ياحرامي وين ماخدني؟
قيس: ههههههه بدي اخطفك
يارا: جد وين بدك تاخدني؟
قيس: هلا بتعرفي لا تسالي كتير
يارا: يالله بس
مسك ايدها وباسهااا
ابتسمت وخجلت اجت تسحبها بس هو ضل ماسكها غصب عنها ....
فاتوا عمطعم كله ورود وبلالين واشياء بتجنن وتزيين احمر ... وفاضي كان
ياارا: ليش فاضي المطعم؟
قيس: لاني حاجز المطعم بس النا
يارا: جد ؟
قيس: ههههه اه جد
يارا: والله ماعرفتك عندك حركات رومنسيه
قيس: ههههه كنت مخبيها لايام الخطبه وهلا صار الوقت اني افرجيك اياها
يارا:بحبك واالله
قيس: وانا بحبك
قضوها بالمطعم كتير مبسوطين وكان احلى يوم بحياتهم التنين وماكانوا مصدقين انهم صاروا لبعض
..... .......
من بعد هديك الليله وبلشت حياه جديده بعيده بعد تام عن جواد وعيلته .....تركت شغل المطعم كله كرهته لاجل جواد ....نزلت عالفييس اني بدور عشغل وصرت ابعت سي في لاكتر من شركة وكل مره انرفض بحجة انو مش متوفر عندهم شاغر وظيفي...كتير يأست..
طبعا استأجرت شقه بحي غير حيهم بس بنفس المدينه
كنت محوشة مبلغ منيح ايام ماكنت عند ام جابر ماكانت تخليني اصرف شيكل وتحكيلي خبيهم بلزموك وفعلا هيهم لزموني دفعت دفعه ل ٦ شهور كان بيت معفش جاهز ..كنت اصرف ع اكلي وشربي من مصاريي الي كنت مخبيتهم ....االي اسبوعين اعده وماعم لاقي شغل كتير زهقت مش شوي شو بدي اعمل ؟ ازا خلصوا المصاري باكل هوا .... يارب الاقي شغل
قطعت علاقتي بكل حد بعرفه لاني تعبت ولازم ارتاح
مابعرف الي عملته صح ولا غلط بسس الواحد ازا انهان خلص ... بس مابكزب عليكم كتير اشتقتله مش شوي والله اخر فتره من مواقفو معي اتعلقت فيه كنت بس اشوفه احس بامان رهيب كنت احسه مسؤول عني كنت احس في حدا بظهري والله .... معقول حبيته؟
مستحيل كلها فتره صغيره الي قضيتها عندهم ...
كان جاكيته الي اعطاني ياه وقت المطر معي ..مارجعتله اياه وقتها نسيت ارجعه ... مابعرف ليش اخدته معي وقتها بس قلبي حكالي اني اخده
كنت امسكه والبسه كل مااشتقله ..كان كله ريحة عطره لجواد بس اشمها احس اني بامان ...هاد الشي الوحيد االي كان محسسني بالامان ...
كنت كل يوم زي فرض الصلاة افتح عصفحته عالفيس واراقبه ... كنت اتامل ملامحه واعيط ... ليش هيك بصير معي؟ معقول حبيته يالله؟ ولا لانه كان اول حدا بحياتي اهتم فيي ووقف معي؟ غمضت عيوني وصرت اصرخ : خلص جواد اطلع من راسيييي حل عنيييييييي
بعد اسبوع بالزبط رن علي رقم ورديت كانت شركه الاحمد
شركة الاحمد: يسعد مساكي انسه حنين
حنين: هلا مين معي؟
شركة الاحمد: معك شركة الاحمد
حنين: اتفضلوا
شركة الاحمد: احنا شفنا ال سي في تبعك وبدنا موظفين ف اخترنا رقمك
حنين: اه مزبوط
شركة الاحمد: فيكي تيجي عنا بعد ساعه بالزبط نشوفك ونقيم شغلك ؟
حنين: اكيد ...
سكرت الخط ونا مش مصدقه ...هاي شركة كبييره ومعروفه ... يارب يارب تزبط معي واتوظف ..يارب كون معيي هالمره ...
لبست وجهزت حالي وبس اجا الوقت طلعت ...
وصلت العنوان بعد عشر دقايق ونزلت باجرين برجفوا ..
فتت عالشركه وصرت اسال ع مكان االمدير ودلوني عليه ... فتت عغرفه كانت موجوده بنت سكرتيره
حنين:مرحبا
الصبيه:اهلا
حنين: انا حنين ...اتصلتوا فيي من ساعه وطلبتوا اجي عندكم
الصبيه: مزبوط ارتاحي شوي عبين مايطلع الشخص من عند المدير
حنين: تمام ..
قعدت يمكن عشر دقايق وزهقت ...
فتحت جواالي وصرت اتصفح الفيس سمعت الباب انفتح وخرج منه شب بس مااهتميت ولا رفعت راسي بس لمحته وهو خارج ماشفت وجهه....
شميت ريحة عطره ...والله ريحة عطره انا متااكده معقول هوووو الي طلع من شوي؟ لا لا مستحيل هو شو بدو يجيبه هون؟ هو هلا بكون بشغله لك حنين شو صرلك؟ صرتي تهلوسي فيه؟ اكيد العطر مش مكتوب باسمه ومليون واحد بستخدمه...خلص اهدي حنين ..اهدي انت هلا بمقابلة شغل لاتخربي الدنيا بسببه وهو الي خربلك حياتك ..مسحت عوجهي وقلبي برجف
انتبهت علي الصبيه وحكت: خير انسه حنين فيكي شي؟
هزيت راسي بلاا ... شوي وحكتلي ادخل
دقيت الباب وفتت لما سمعت صوت من جوا حكالي اتفضل
حنين:السلام عليكم
_وعليكم السلام اتفضلي ارتاحي
مشيت شوي شوي ونا برجف ومتوتره وقعدت
_انا اسمي احمد .... مدير الشركه
حنين: انا حنين ... اجيت عالوقت نفس ماحكيتولي
احمد: منيح كتير ...شوفي ياانسه حنين احنا هون الشغل ماشي مزبوط .... وكله تمام وشكرتنا الحمدلله معروفه بكل البلد ومن اكبر شركات البلد الي بدي اياه منك انو ازا عجبنا شغلك ووظفناكي انو تشتغلي باجتهاد وحق الله والراتب رح يكون برضيكي ..
ممنوع كلمه تطلع برا الشغل ومشاكل بالشغل بديش هون مكان للشغل وبس مفهوم؟
حنين: اكيد وان شاءالله بكون عند حسن ظنكم يارب
احمد: كمان شغله مهمه ..الي شفته انك انت دارسة محاسبه مزبوط؟
حنين: مزبوط
احمد: هلا احنا عنا محاسبة بالشركة بسس بدنا وحده بتدقق بامور الشغل واكيد انت بمجاال دراستك عندك شوية خببره
حنين: اه عندي خبره
احمد: كتير منيح هلا رح تيجي صبيه اسمها ايه تاخدك عمكتبك وتجربك مدة يومين ازا عجبنا شغلك رح تبقي هون ونوظفك رسمي
حنين: ماشي وشكرا الك استاذ احمد
رفع السماعه وطلب من السكرتيره تبعت ورا ايه شوي واجت ايه لعندي اخدتني لمكتبي وبلشت تحكيلي شو اعمل وكيف اشتغل وانا بلشت اتعلم منها ..
حسيتها كتير انبسطت من شغلي
تاني يوم برضو كان تدريب صحيت نشيطة لبست وجهزت حالي افطرت وطلعت ع ٨ كنت هناك .. صبحت عايه وبلشت بالشغل الي اعطتني اياه حطيت كل طاقتي ووقتي فيه كانت ايه كل وين ووين تيجي تشرف علي وماتشوف في غلط ..كانت معي بنفس الغرفه ... ع ٩ راحت جابت كاستين قهوه واجت مدتلي اياها
ايه: خدي اشربي وارتاحي شوي
حنين:والله اجت بوقتها شكرا
ايه: عفوا ...
قععدنا نشرب قهوه وندردش شوي كانت حبابه
حنين: انت كم عمرك؟
ايه:٢٩
حنين:العمر كله يارب
ايه:حبيبتي .. وانت كم عمرك؟
حنين:٢٥
ايه:العمر كله يارب ..مانك متزوجة او خاطبه
حنين: ههههه لا
ايه : يوووه شو عميان الشباب عن هالجمال؟
حنين: ههههههه لا بس انا مابدي اتزوج
ايه: ليي؟
حنين:هيك احسن واريح
ايه: لاتردي عهدول الي بحكولك ماتتزوجي والزواج مش حلو كلهم كزابين هي انا متزوجه وعندي ولدين وبنت وزوج ... شايفتهم ومامصدقه ..بكفي وجودهم عندي
حنين بابتسامه: هههههه الله يخليلك اياهم يارب
حكينا شوي وخلصنا شرب القهوه ورجعنا عالشغل طول اليوم طبعا بس شغل واكيد افطرنا بالاستراحه ...
اخر اليوم بعت وراي احمد
كنت كتير متوتره وخايفه يارب يارب تكملها معي وانقبل
دقيت الباب وفتت واول مافتت شميت نفس ريحة عطر جواد واالله ... لككك بعدين حنين بعدين؟
بجوز هاد المدير حاطط نفس عطره خلص اهدي
حنين: السلام عليكم
احمد بابتسامه: وعليكم السلام اتفضلي ارتاحي
فتت وقعدت صرت افرك ايديي بتوتر ...
حنين:حكتلي السكرتيره انك طالبني
احمد: صحيح ... انا شفت شغلك وايه طبعا اشرفت عليك وتابعت شغلك اول باول وحكتلي انك كتير نشيطة وشغلك ممتاز ف ازا بتحبي من بكره بتنزلي تداومي
ابتسمت وانا مش مصدقه بهالسهوله انقبلت
حنين: عنجد؟
احمد: ههههه اي عنجد هلا دوامك حيكون منن ال ٨لل ٤ وبالنسبه للمواصلات في مواصلات مامنه من الشركه او انت بتقدري تروحي لحالك الي بريحك
حنين: تمام عن اذنك وشكرا الكم
احمد:اذنك معك ...عفوا
.......................
مجرد ماطلعت من عنده رفع خط واتصل ع جواد كان جواد على اعصابه اول ماشاف اسمه عالشاشه بسرعه رفع الخط
جواد: شو احمد طمني؟
احمد: هلا طلعت من عندي اطمن... من بكره رح تبلش دوام هيك بتقدر تنام وانت مرتاح
جواد: كتير منيح والله انك كفووو وصاحب وسند
احمد: عراسي بس انت خففلي من نفسيتك وحاالتك هاي...
جواد: اخخ بس ان شاءالله ....
احمد:يلا بدي اطلع من الشغل ببقى بحاكيك
جواد؛ تمام يلااا
سكر الخط واتنهد ... بقلبه(بعرف انو شو مااعمل مستحيل اقدر ارجع كل شي طبيعي بس رح احاول واضل وراكي لتسامحيني وارجعك عند ستي الي من يوم ماتركتي البيت وهي حالتها حاله وغير اهلي الي كل يوم بحطوا االحق علي وبلوموني .... اخ ياحنين والله الك وحشة كتير مستفقدك ومستفقد طولة لسانك وعصبيتك علي...كل م انزل عند ستي بتخيل انك تخرجي من باب الغرفه.....كلها فتره صغيره الي اجيتي فيها عنا بس قلبتي كياني قلب...)
اتنهد وكمل شغله كان يحط كل طاقته بالشغل لحتى ينسى حنين واثرها عحياته بس عالفاضي حنين احتلت كل تفكيره ..... (الك شهرين بعيده عني ..معقول ماسامحتيني؟ بتفكري فيي زي مابفكر فيكي؟ لك شو عملتي فييي )
............
مرت الايام وحنين اتوظفت بالشركة ومبسوطة بالحياه الجدديده والشغل الجديد الي عمرها مااتوقعت انها تشتغل فيه ... كانت مفكره كل شي صار بسهوله ماكانت تعرف مين كان ورا توظيفها ....ماكانت تعرف انو جواد مراقبها وعارف كل اشي عنها بحكم شغله ماكان الاشي صعب عليه بالمره ....عارف وين ساكنه وباي منطقه وعارف وين بتروح ووين بتيجي كان بحرسها بعيونه .... صح كان بعيد عنها بس كل اخبارها عنده اول بااول ...ماكان قادر يتركها كان يخاف عليها صح جرحها بالحكي بس حسه بالمسؤوليه تجاها لساته كان كتير بخاف عليها لانها بنت وحيده بهيك عالم ...
صاروا شهر وشهرين وتلاته وااربعه والايام ماشية عند حنين ومستقره نفسيا وارتاحت بعيد عن الكل بس حاسه بوحده كبيره كتير مشش شوي اشتاقت لام جابر وجواد وجنى وجود وامهم كانوا ماليين عليها حياتها وحنيتهم مانسيتها ووقوفهم معها وكل اللحظات الحلوة كانت كل يوم تموت عالبطيئ بدهاا جواد رغم انوو جرحها وضربها كف بس اشتاقتله وحبته ....هي ماكانت ناويه تسامحه بس مستحيل تنسى هديك الليله لما حملها وهي مريضه عالسياره وصار يبكي ويحكي ازا صار عليها اشي مارح اسامح حالي كانت سامعه نبرة الندم بصوتو وهي عارفته انو حدا منيح بس مع هيك ماقدرت ترجع .....كان احمد يحكيله اخبارها اول باول
...............
قيس ويارا بلش يجهزوا لعرسهم الي مش باقيله غير اقل من شهر ...ايام متعبه كتير عليهم كل واحد ملتهي بامور جهازه ومليون قصه وقصه ....مامصدقين يتزوجوا ويخلصوا من عجقة العرس ...
اتصلت عليه بالليل ونطرت ليرد
يارا: قيس كيفك؟
قيس: اهلا ي قلبي الحمدلله وانتي
يارا: الحمدلله بس ميته تعب واالله زهقتتتتتت متى حنخلص من هالعجقه؟
قيس: شو عرفني هانت هانت مش ضايل اد الي راح
يارا: شو رايك تيجي عنا؟
قيس: لاا البسي وجهزي حالك جاي اخدك نغير جو برا
يارا: هههههه ازا هيك موافقه يلا ...
سكرت الخط واتنهدت من التعب وقفت عالمراي وصارت تخفي السواد الي حوالين عيونها وحطت ميك اب وجهزت حالها عبين مايوصل قيس ...
سمعت جرس الباب ماكان في حد بالبيت من اهلها راحت تفتح الباب اتفاجأت وصارت تصرخ
يارا: محمددددددددد.....لكككككككككككككك انت اجيتتتتتتت؟ ماعم صدق يالله شو هالمفاجاه؟
نطت عليه وضمته بكل قوتها وصارت تعيط
محمد: اهدي ولككك خربتي ام المكياج
رفعت راسها وصارت تطلع عليه: ليش ماحكيتلنا انك حتيجي ؟
محمد: حبيت اعملها مفاجاه وشو وينهم الاهل؟
يارا: راحوا عند اهل قيس يتفقوا ع امور العرس
محمد: وانت ليش مش معهم؟
يارا: تعبت من هالعجقه بدي ارتاح شوي
محمد: ووين لابسه ورايحه؟
يارا: مع قيس
محمد: طيبب خليني افوت ارتاح شوي تعبان من السفر بدي اعمل دش وانام
يارا: طييب ماشي ...بدك اشي؟ اعملك اشي؟
محمد: لا روحي انت التهي مع خطيبك
يارا: ههههههههههه طيب ماشي ...مارح اخبر اهلي خليهم يتفاجئوا
محمد: اي ونا هيك بحكي ...
فات محمد يرتاح ويارا شوي وطلعت عند قييس الي وصل عباب بيتهم ...طلعت لعنده وضحكتها لاذنها
قيس: شو سر هالابتسامه الكبيره؟ على حد علمي من شوي كنت حالتك حاله وصوتك مش طبيعي
ياارا: لا ولشي
قيس: حطي عينك بعيني اشوف
يارا:مابدي
قيس: يابتحكي شوفي ياااما بلا المشوار كله
يارا: هلا هيك؟
قيس: احكييي بقول
يارا: طيب بحكي بس بشرط يضل سر بينا
قيس: اي انت احكي وماعليك
يارا: احزر مين كان في جوا؟
قيس: مين؟
يارا: محمد
قيس: جدددد؟ رجع من السفر؟
يارا: اه رجع
قيس: طيب ليش ماخبر ؟
يارا: بدو يفاجئ اهلي بس هو الي اتفاجئ فيهم انهم مش موجودين ههههههههههه
قيس: هههههههه وشو ردة فعله؟
يارا: مصدومه بجد ومش بنطق
قيس: ههههههههههههه لانزل اسلم على اخوها لخطيبتي
يارا: لاااااااا امشي بعدين بتسلم عليه
قيس: غيرانه يعني؟
يارا:لاوالله بس اتفقنا انو ماحد معه خبر
قيس: طيب ماشي امري لالله بس ارجع بشوفه وبسلم عليه
شغل السياره ومشي وشغل اغنيه وصار يغني معها ويارا طالت جوالها وصارت تتصور هي وياه مع الاغنيه انقلب مزاجها ونسيت التعب كله وجوده حدها كان كفيل ينسيها كل تعب ....
..................
متل اليوم بالزبط صرلها ٦ شهور تاركه البيت ورايحه ..
كان نفسي اخد ستي عندها بسس مستحيل ... لاني متاكد انها هي لحالها رح ترجع عند ستي ...لو بدها ترجع رجعت زمان طولت الغيبه كتير مااحن قلبها؟ مااشتاقت لاهلي خواتي؟ اخخخ مش قادر يوم عن يوم وجع قلبي بزيد واشتياقي الها متعب بشكل كبير كان احمد يحكيلي عنها انها بالشركه بتضل هاديه ومابتحكي كتير وطول وقتها شارده بس شغلها كان ممتاز كانت تشتغل كتير منيح مش شوي ...رح اروح عالشركه عند احمد بركي لمحتها... والله مشتقلها
مسكت جاكيتي وطلعت حطيت النظاره الشمسيه ععيوني وبلشت اسوق ... ماكان جاعبالي اخبر احمد اني جاي كنت رايح هيك حتى لو مشغول بنطره....
طول الطريق وانا مصمم اني اشوفها لازم اشوفهاا شو ماتكون ردة فعلها قابل بس بدي اشبع عيوني منها
بدي اشوف شكلها ....تعبت والله بدونها ماكنت متوقع حالي بحبها او رح اشتقلها كنت افكرها مجرد ضيفه عند ستي ماكنت اعرف انها ضيفه عحياتي وحتسكن فيها عطول اتنهدت وصرت اسرع بالسواقه حتى اوصل ماصدقت اوصل ... نزلت من السياره وطلعت عالشركة كانت السكرتيره اعده
دقيت الباب وفتت
السكرتيره: اهلا استاذ جواد اتفضل
جواد: اهليك فيك ... احمد جوا؟
السكرتيره: اه رح اعطيه خبر
جواد: في حدا عنده؟
السكرتيره: لاا بس استنى اعطيه خبر
جواد: لا ماتعطيه خبر ... رح افوت
السكرتيره : تمام
كان احمد معطيها خبر انو افوت باي وقت بدي ازا ماعنده حدا ... دقيت الباب وفتت كان عم يدخن وحاطط راسه بين الملفات رفع راسه وبس شافني انصدم
احمد: جواد؟ شو مصبح تحلم فيييي شو جابك بهيك وقت؟
جواد: مااندلك هيك الواحد بستقبل ضيوفه؟ صباح النور
احمد: هههههه مش قصدي فوت .. بس اتفاجأت
جواد: فايت بدون ماتحكيلي
قعدت عنده وطلب فنجاين قهوه الي واله وصرنا نحكي
جواد: احمد انا تعبتت ....انا اجيت اشوفهاااا
احمد:ماتضعف عشان بنت ياجواد ..صدقني رح تحن وترجع لحالها انا دايما شايفها كيف عم تفكر وشارده
جواد: مابعرف مابعرف ...
..............
وصلت الشركه مبسوطة وعغير العاده لابسه احلى اشي عندي كان الجو صيف لبست بنطلون جينز عالموديل ولبست بلوزه لون زهري بارد واسعه شوي كان موديلها نازل تريند .... وفردت شعري كله عظهري كان طولان ...كنت اغير عن نفسيتي باللبس ...
فتت عالمكتب وطلبت قهوه كانت ايه باعتلي انها رح تغيب.... الشغل حيكون مضاعف علي اليوم حكيت بسم الله وبلشت اشتغل عبين ماتيجي القهوه واول مااجت مسكتها وصرت اشرب وادقق بالوراق...
مسكت ورقتين تلاته اربعه وكلهم اغلاط الملف كله غلط ...شهقت كتير مش شوي هلا احمد حيحط الحق علي ...لانه هاد مش غلط هين منيح انتبهتتت ...لاروح اخبره هلا احسلي مش ناقصني اتبهدل .. لو ايه هون سالتها شو اعمل ...بس من حظي غايبه ....ياربي مايعصب علي ...شو بدي اعمل؟ ...
مسكت الملف كله ونا معصبه ومسكت كاسة القهوه معي ورحت عنده كانت السكرتيره اعده
حنين: صباحو
السكرتيره: يسعد صباحك
حنين: ااستاذ احمد موجود ؟
السكرتيره: اه بس في عنده حدا
حنين: بدي افرجيه هاد الملف ضروري كتير مشش شوي
مانطرتها لتحكيلي فوتي او لا سحبت حالي ودقيت عالباب سمعته بحكي اتفضل فتحت الباب وفتت
حنين: صصبا......
ماقدرت اكمل الجمله .....انصدمت لااا لاااا ماتوقعت
هاد جواد والله جواد ...شو عم يعمل هون ؟ شو اعمل اروح ولا اضل واقفة؟ ياربي عهاالموقف شو المفروض اتصرف؟؟ كان يطلع علي...حسيت اني انفضحت قدام احمد ... بس ماقدرت اسيطر عحالي ..ماوعيت عحالي غير القهوه واقعه من ايدي من الصدمه ع الارض وع ايدي ..وكانت سخنه متل النار ...نزلوا دموعي
حنين: اخخخخخخخخ ايدي ...
قاموا احمد وجواد لعندي
احمد: انسه حنين .... انتبهي ...
خرج لعند السكرتيره وطلب منها تجيب اسعافات اوليه وتيجي وانا فتت لجوا ومش هاممني وجع ايدي كله ...
حطيت الوراق عاالمكتب اهم اشي الاوراق ماتوسخوا بالقهوه ... واجيت اطلع ...بدي اغسل ايدي تحت المي ..
بس فات احمد والسكرتيره
احمد: اقعدي حنين
حنين : لااا انا بدي اطلع .. عن اذنك ...
احمد: شو صرلك حنين مالك اشي؟
حنين: لااا لااا مافي اشي استاذ
خفت افضح حالي وقعدت قربت عندي االسكرتيره وصارت تعملي الحرق ويوجعني ...نزلوا دموعي بس مش من الحرق لااا من شوفة جواد ...
كان اعد قبالي وعم يطلع فيي بدون ردة فعل ...كان شكله متغير كتير مش شوي السواد حوالين عيونه مش طبيعي ومنظره تعبان .....
لفتلي ايدي بشاش خفيف حتى يخف الحرق وخلصت
احمد: يعطيك العافيه نور اطلعي ع مكتبك
نور : الله يعافيك استاذ عن اذنك
طلعت نور وانا قمت بدي انظف محل القهوه بس احمد رجعني وحكالي هلا بيجوا المتخصصين بالنظافه بعملوها....
حنين: طيب عن اذنك بدي اطلع
احمد: حنين .... انت بتعرفيه لجواد؟
حنين: انا ؟ لا مين جواد ...
احمد: طيب ليش هيك متلبكه ولما فتي انصدمتي ؟
حنين:ولشي بدي اطلع
احمد: طيب اقعدي فهميني شو هاد الملف الي حطيتيه عمكتبي؟
خفت يعرف اني بعرفه ف سكتت وحاولت ابين طبيعيه مسحت دموعي ورحت قعدت قباله عالكرسي وكان جواد قدامي قاعد بس حاولت مااطلع عليه ...
مسكت االملف وبلشت افرجيه واحكيله كل الاغلاط وانو هاد مش غلطي وشو اعمل وشو اتصرف ... عصب كتير مش شوي بس مش علي ... عالاغلاط االي كانت في الملف ....المهم يعرف اني ماخصني ومش مني هدول الاغلاط...
احمد:يعطيك العافيه حنين ...منيح انتبهتي ولا كان وقعنا بكارثه كبيره بسبب هالاغلاط
هزيت راسي ...
طول ماانا اعده وعم اشرح لاحمد الاغلاط وهو مركز معنا وعم يطلع علي ...توترت كتير مشش شوي ...
حنين: وهلا عن اذنك استاذ احمد
احمد: حنين اقعدي ...
حنين: استاذ علي شغل كتير وايه معطله اليوم
احمد: حنين انا شو حكيت؟
رجعت قعدت
حنين: خير استاذ؟
احمد: فيني افهم شو هاد الي صار ؟
حنين: مامابعرف...
توترت كتير وحسيت انو كاشفني كان جواد صامت مابحكي اشي بس عم يطلع علي ..
احمد: عكل انا عارف كل اشي ... رح اترككم تحكوا شوي وانا رح افوت عالمطبخ اعمل قهوه ...
تركنا وراح عمطبخ المكتب
جواد: كيفك حنين؟
حنين: تمام
جواد: حليانه كتير
حنين: شكرا يلا عن اذنك
جواد: ماحكينا اشي اقعدي والا بنده لمديرك احمد
حنين: انا مش فاهمه اشي ... من وين لوين بتعرفوا بعض؟
جواد: مو مهم ...المهم طمنيني عنك
حنين: الحمدلله تمام
جواد؛ مابدك تساليني انت كيفك؟
حنين: كيفك؟
جواد: مش منيح
حنين: ............... .
جواد: حنين البيت كله مشتقلك
حنين: مش مهم المهم مرتاحين ومابيجيكم حكي بسببي
جواد: مابلومك بس مابتكفي كل هاي المده حتى تصفحي عني وتسامحيني؟
حنين: عشو بدي اسامحك؟ عالشعور الي زرعته جواتي؟ ولا ع اني صرت اكره حالي بسببك؟
جواد: طيب معك حق بكل اشي وانا كتير بعتزر وندمان وحقك عراسي من فوق ...
حنين:مو مشكله حصل خير
جواد: يعني شو؟
حنين:ولاشي ...
جواد: حنين ستي حالتها حاله من بعدك مااشتقتيلها؟
حنين: امبلا اشتقتلها واشتقت لجنى وجود وكل حدا بالعيله ... بس هاد مابعني اني ارجع
جواد: لاترجعي بس عالاقل تعي زورينا
حنين: بعرسك ان شاءلله
جواد: ليش مادريتي؟
حنين: شو بدي ادرا؟
جواد: انا خاطب وكمان كم يوم عرسي
مابعرف بس حكا انخنقت كتير مش شوي ... خطب خلص؟ معقول رح يتزوج ؟ طب والله اني مشتاقه اله .. صابتني الغيره بشكل مش طبيعي وانقهرت بس حاولت ماابين ...
ابتسمت : جد ؟ يلااا الف مبارك يارب .. بس ليش مش شايفه خاتم بايدك ؟او نزلت عالفيس؟
يييييي شووو خبصت ؟ يييي جبت العيد فضحت حالي
ابتسم وحكا: وانت شو عم وتعملي بحسابي عالفيس ؟ عم تراقبيني ماهيك؟
حنين: لا انا .........
جواد: هههههه كشفتي حالك من حالك ماعلينا بعملك بلوك خلص بلا مااكل ردح من خطيبتي
ورفع ايده وصار يطلع عليها وحكالي:بالنسبه للخاتم سؤال حلوو ... ياستي اانا مش لابس خاتم لانه شفتي بالخطبه الاولى كيف لما ضليت لابس الخاتم انطرقت عين مرتبه واتطلقنا ...
مابعرف ليش فرطت ضحك عجوابه ماقدرت امسك حالي ...بس شافني ضحكت ضحك ع ضحكتي ...
خرج احمد ومعه كاسات القهوه ومبتسم
احمد: خير؟ ضحكونا معكم
جواد: اسال حنين
احمد: خير حنين؟
حنين: ولشي استاذ سلامتك ..
اعطاني القهوه واستاذنت عشان ارجع اكمل شغل وقبل لاخرج وقفني صوت جواد
جواد: بستناك بس تخلصي شغل عشان ترجعي معي الكل مشتقلك ... زياره هاا
مالفيت وجهي عند
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`