الفصل 5
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم عوض_قلبي`*
*❴🔢❵الـــبـــــــــــ❴5️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
Stories 📖:
الجزء الخامس
توترت كتير من ضحكته ودقات قلبي صارت مليون مابعرف ليش وخرجت كملت قعده ....
طبعا من بعد هااليوم تقريبا بلشت حياتي تتغير لاني مسكت شهادتي وبعتت سي في لكل الشركات والاماكن الي بدهم موظفات كنت مقرره اشتغل واستقل ببيت لحالي بالنهايه انا مابحب اعيش تحت رحمة حدا بقيت عندهم شهر كامل والحمدلله ماكنت اصادف جواد وجاد كتير ...وبيوم في مطعم بعتلي انو في عندهم شاغر وظيفيي لمحاسبه لاني انا دارسه محاسبه سحبت حالي وطلعت عملت مقابله واتفقنا ابلش دوام بالمطعم وشغلي حيكون بس محاسبه وبكون ورا المكتب عالحساب والدفع ...
كان شغل حلو ومريح كتير عجبني واتفقت معهم ....
ام جابر ماعارضت بالعكس شجعتني حتى اطلع اشتغل واطور حالي واتسلى ... وجنى جود كيفوا ....
جاد وجواد مابعرف ومابهمني اعرف شو ردة فعلهم
ماعلينا ... مر شهر وشهرين وانا بالشغل بلشت احوش وقررت اني استاجر بيت كانت ام جابر بالمطبخ رحت عندها حتى اخبرها انو صار الوقت اطلع من عندها واستقر لحالي ...
حنين: خالتييييي بدي احكيلك اشي
ام جابر : احكي في اشي مدايقك؟
حنين؛ لا ابدا بسس بصراحة انا بدييي ...
ام جابر: شو بدك؟
حنين: بصراحه صار الوقت الي استقر فيه لحالي
حطت ايدها عتمها وشهقت
ام جابر: شوووو؟ شو بتحكي انت ؟
حنين: متل ماسمعتي ..انا مش عارفه كيف بدي اتشكرك انت وبيت عمو ابو جواد ماقصرتوا معي ابدا واحتويتوني بالوقت الي بيت عمي زتوني فيه بالشارع جد شكرا من كل قلبيييي ع كل اشي
نزلوا دموعها وصارت تحكي
ام جابر: بدك تتركيني؟ بهون عليك بعد ماتعودت عليك ومليتي علي هالبيت وكنت ونسي تتركيني هيك؟
حنين: لاتبكي كرمال الله بس انا خلص لازم استقر بحياتي مابدي اضل عايشة عند العالم
ام جابر: عفكره انت هيك بتزعليني كتير مش شوي من هاالحكي
حنين: لاتزعلي كرمال الله
ام جابر: حنين ازا الي معزه عنك وبتحبيني وبدك اكون مرتاحه ومبسوطة مابتطلعي من هاد البيت
حنين: بس..
ام جابر: لا بس ولاشي وبعدين وين بدك تروحي تسكني لحالك ..انت صبيه صغيره
حنين: عادي
ام جابر: لا مش عادي وازا بتحبيني لاعاد تفكري مجرد تفكير انك تطلعي برات هالبيت
ماعرفت شو بدي احكي دموعها كانوا عوجهها بسببي
ام جابر: روحي اعمليلنا فنجانين قهوه وخليك عندي ماتتركيني وتروحي
هزيت راسي وماكان عندي مجال اناقش ... كتير حبيتها وحبتني وقررت اني ابقى عندها ...
طبعا دوامي كان من ٩ لل٥
.............
مسك جوالو ورن عيارا
يارا: الوو
قيس: كيفك؟
يارا: تمام وانت؟
قيس: تمام ..شو عندك الليل؟
يارا:ولاشي لي؟
قيس: هههههه هي امي ح ترن ع امك وتاخد موعد
يارا:احلف .... طببببب قول انك بتحكي جد
قيس:والله بحكي جد .... رح ناخد موعد ونيجي نشوف الاميره ههههههه
يارا: يمااااا قلبيييييييي
قيس: سلامة قلبك يلااا روحيي قرري شو رح تلبسيي وانا رح اروح هلا لاني مشغول شوي ...
يارا: ههههه ماشي يلااا
سكرت االخط ونطت من التخت ووقفت عالمراي صارت تغني وترقص كانت كتير مبسوطة مش شوي واخيرا حلم عمرها رح يصير حقيقه ... قلبها رح يوقف من الفرحه فتحت خزانتا وصارت تشوف شو رح تلبس وبلشت تطول وترمي عالتخت (هاد حلو؟ لاا لا هاد احلى ...لا مش عاجبني لونه خلص رح البس هاد اه هاد مناسب )
اختارت شو رح تلبس وفاتت عملت دوش وخرجت
(يارب تكملها معي ونكون نصيب بعض يارب ... يارب انت عارف اديش النا بنحب بعض وعمرنا ماتجاوزنا الحدود علاقتنا ماتجاوزت الحكي .... يارب)
غمضت عيونها وصارت تتخيل انه اهلها وافقوا وصارت خطيبته ...بس كان في خوف من اهلها انهم يرفضوا بس لا هالمره مش رح تسمحلهم انهم يدخلوا فيها ..اتدخلوا فيها مره والنتيجة كانت سيئة وشافوا بعيونهم شو كانت النتيجة ... وهالمره ازا رفضوا رح اوقف بوجهم ومارح اسكت ابدااا ....انا مش يارا القديمه لاااااا وحياتكممم ....
ضلت طول الوقت على اعصابها لحد الساعه ٤ العصر
فاتت عليها امها
ام يارا: شو عم تعملي؟
يارا: ولاشي عالجوال لي؟ (كانت عارفه انها جاي تخبرها انو في جماعه اتصلوا فيها ...)
ام يارا: في جماعه اتصلوا فيي وبدهم يجوا يشوفوكي
يارا: ايمتا؟
ام يارا: حكتلي بدهم يجوا الليل هما والشب مره وحده ..
ياارا: وشو حكيتيلهم؟
ام يارا: حكيتلهم بس اشوف ابوها وبردلكم جواب
يارا: حكيتي لبابا ولا لسا؟
ام يارا: بدي احكيله بس حكيت احكيلك واشوف شو رايك حاكم كل مره بتطلعيني بسوادة الوجه قدام الجماعه بعد مانتفق معهم بتصيري تردحي بدكيش تخرجي
يارا: خليهم يجوا بنشوف الوضع
ام يارا: متاكده ؟بديش اطلع بسوادة الوجه بسببك لانك كل ساعه بعقل وقرار شكل
يارا: خلص امي حكيتلك عادي بنشوف
ام يارا: يلا هيني رايحة اخبر ابوكي
يارا: ماشي
ماصدقت امها تخرج من الغرفه وصارت تنط وتضحك
اخدوا موعد الليل يجوا يشوفوها .....
زبطت حالها وحطت اللمسات الاخيره عوجهها وابتسمت ...
سمعت جرس البيت برن زادت دقاات قلبها وتوترت
والي زاد توترها لما سمعت اهلها فتحوا الباب واستقبلوهم ....
ضلت تنطر عبين مااهلهاا ينادوها ... اول ماسمعتهم بنادوها خرجت القت السلام عليهم وقعدت عند ابوها وهي خجلانه ومتوتره....
كان عم يطلع عليها ومبتسم ....
كانوا االاهل يحكوا وهما بعالم تاني كل وين ووين يسرقوا نظرات عبعض .....
بعد شوي طلبوا اهله انهم يقعدوا مع بعض شوي ويحكوا... قامت يارا ولحقها قيس فاتوا عغرفة الضيوف وقعدوا
قيس: هههههه ع اساس مامنعرف بعض حتى نتعرف
يارا؛: ههههههههه منيح مانظراتنا فضحونا
قيس:ههههههه بالك حد انتبه ؟ انا اهلي بعرفوا بس انت اهلك مابعرفوا
يارا:لو يعرفوا عادي بطلت تفرق مدام حتصير خطيبي
قيس:ههههه المهم طالعه حلوة نيالي بس
يارا:هههههه بعرف اني حلووه مش محتاجة حد يحكييلي
قيس: هاي نهاية جبر الخواطر
ياارا: ههههههههههه ماازنخك
حكوا شوي وخرجوا ...وقيس عمل حركه لاهله انو موافق خليهم يطلبوا ... طلبوا يارا بس اهل يارا حكولهم يمهلوهم شوية وقت ..
..........................
الي شهر وشوي مش شايف حنين لاني الي فتره انا كتير مضغوط بالشغل مش شوي مرات كان يطلعلي شغل اضافي ..... وكنت ملتهي باكم قضية ...
بس كنت اسمع اخبارها من جنى وجود وعرفت انها اشتغلت بمطعم محاسبة .. يلا خليها تشتغل وتتسلى مع اني مابحب شغل المطاعم للبنات لاني عارف كيف المجتمع بفكر .... وغير هيك مختلط في شباب بكون بالشغل مابكزب عليكم اني من جوا مش مبسوط عشغلة المطعم هاي بس بالنهايه مابحقلي اتدخل فيها
وفوق هيك بتروح ع ٥ متاخر شوي يعني بس الي مهون علي انو النهار بلش شوي يطول يعني بعد لمغرب بشوي بترجع عالبييت ..... جاد حاله انعدل شوي مش كتير بس كان ضايل علييه يصلي ويلتزم ...
كلنا بالعيله بنصلي الاجاد الله يهديه ... من يوم ماحنين حكتله هالكلمتين وهزت بدنه كانها ضربته وكف وصحي عحاله ههههههه ... والله وياحنين ...
مرت الايام وفش اشي جديد وامي رجعت تنق علي عموضوع الخطبه بس انا كنت رافض لاني بدي بنت عمزاجي مش من بنات هالايام المقرفين ومش حمل مسؤوليه ولا زوج ولا ولاد ...
بيوم كنت كتير مضغوط بالشغل مش شوي وكان في شغل اضافي بعد العشا بترن علي ستي بتعيط ومتوتره بس سمعت صوتها هيك خفت يكون صاير اشي
جواد: ستييي شو مالك خير ؟
ام جابر: جواد عم ارن على حنين جوالها مغلق ..المفروض تكون مروحه من ساعتين خايفه يكون صايرلها شي
جواد: شوووو؟ وليش هلا لحكيتي ياستي؟
ام جابر: واالله مابعرف حكيت يمكن ترد علي بس عالفاضي
جواد: طيب طيب ستي سكري وانا هلا رايح اشوفها ..
ام جابر: طمني عليها كرمال الله
سكرت الخط وفركت وجهي من التوتر وين بدها تكون هاي؟ شو بدو يكون صايرلها؟
حملت جاكيتي وررنيت على عمر ونا طالع
جواد: عمر تعال استلم الشغل مكاني اجالي مشوار كتير ضروري
عمر: جواد شو فييي ؟ خير؟
جواد: بعدين بحكيلك مستعجل هلااا بس اشوفك بحكيلك انت هلا تعال استلم مكاني
عمر: يلاا مسافة الطريق...
طلعت برا المكتب وصرت امشي بسرعه كبيره ومش شايف قدامي خايف يكون صاير معها شي مو منيح
طلعت بالسياره وشغلتها ومليون سؤال براسي
كانت الطريق طويله بالنسبه الي مش قابل اوصل
ماصدقت اوصل المطعم الي بتشتغل فيه صفيت السياره ونزلت على اعصابي صرت امشي بدل الخطوه خطوتين لوصلت جوا وقفت وصرت ادور عليها بعيوني
كانت قاعده ورا مكتب بتحاسب بزبون
وبس راح الزبون شفت شب جاي باتجاها وقف عندها وكان كتير قريب منها انحنى باتجاها وفتح جوال وقربه لعندها فرجاها اشي وصار يحكي معها ضحكتله وصارت تحكي معه ...بس قربت عندها وشفت شو لابسه انجنيت .... اتمالكت اعصابي ورحت بكل هدوء عندها
جواد: حنين
رفعت راسها واتفاجأت فيي
والشب بس شافني راح ...
حنين: جوادددد..... اهلااا شو جابك هون؟
جواد بعصبيه مكبوته: شو جابني؟ امشي امشي قدامي ستي حتموووت من الخوف عليك وانت هون اعده بتضحوكي
حنين: شووو ؟
جواد:حنين هما كلمتين اتركي الشغل والحقيني عالسياره بسرعه ...
تركتها ورحت علسياره انطرها تيجي لاني حنفجر فيها
ومن لبسها واسلوبها مع الشب ....
خمس دقايق وخرجت كانت جاي باتجاهي وعلامات الاستغراب عوجهها
كانت لابسه بلوزه صوف وموديلها ساحل عن الكتاف وتاركه كتافها من فوق مكشوفين ... وحاطه سنسال عرقبتها ... ولابسه تنوره لعند الركبه سوده وكلون اسود وجزمه سوده لعند الركبه
يارب تعطيني الصبر يارب ...اول ماوصلت عندي حكت
حنين: جواد شوفي ؟
انفجرت فيها بعصبيه
جواد: شوووفي؟ بتساليني شوفيييييي ؟ لككك ستي عم تبكي وخايفه عليك لانه مارجعتي عالبيت وانت قاعده هون عم تضحكي مع الشببببب ؟؟؟؟؟؟؟
حنين: لككك ليش عم تصرخ علي وشو عم تخبص؟
جواد: لك شووو هاد اللبس؟؟؟شووووووهااااااااااااد؟
حنين: جواد شو صرلك وطي صوتك احنا بالشارع فضحتنا الناس اعده بتطلع
جواد: اوطي صوتي قلتيلي؟ حنين اطلعي عالسياره بسرعه مابدي اشوف خلقتك....
شلحت جاكيتي واعطيتها اياه
جواد: خدي تستري.... بديش اشوفك بهاد المنظر
رجعتلي الجاكيت بعصبيه
حنين: شو هالاسلوب هادددد؟ جواد شو صرلك ؟
جواد بعصبيه وصراخ: حنينن روحي من وجهي واطلعي بالسياره بسرعه ....
طلعت وخبطت باب السياره لفيت من الجهه االتانيه وطلعت خبطت الباب بكل قوتي وشغلت لسياره وصرت امشي
حنين: جوااااااااااد شبكككككككك شبككككك؟ فيني افهم؟
كنت اسوق فجاه وقفت السياره بقوه وخبط راسها بالديركسون ....
حنين: اخخخ لك انتبه جواد ...
اطلعت عليها بعصببه وغل وصرت اصرخ
جواد: حنين بربك تجاوبيني مين هاد الشب االي كان عندك وكنت تضحكي معه ؟ وبعدين هاد اللبس شوووو؟ لحد هلا مش مستوعب هاد اللبس ليش؟ انت وين رايحه؟ رايحه عالشغل ولا رايحه تتمصيعي ؟
حنين: مابسمحلككككككككككككككك .... اوعككككك تحكي معي بهالاسلوب
جواد: اتخيلي الناس تشوفك مروحه بهالوقت وبهيك لبس كانك مروحه من شي ......
حنين: كمل!!!! ليش سكتتتتتت
جواد: لاتخليني احكي حكي اندم عليه بعدين ...
حنين: تمام معناها احكي معي بهدوء وهاي كلمتك رح نفهم قصدك فيها بعد ماافهم شو صاير
مسحت وجهيييي وحاولت اهدى
جواد: فيني افهم ليش متاخره ساعتين زياده بالدوام؟
حنين: مدير المطعم طلب مني لانه الشب الي بداوم شفت مسائي صار عنده ظرف ورح يضطر يتاخر ساعتين ف حكالي ابقى عبين ماييجي
جواد: حلوووو وليش جوالك مطفييييي وليش ماخبرتي حدا فينا انك حتتاخري ؟
حنين: لانه خلص شحنه وشاحني باالبيت
جواد: وهاد الشب شو وضعه؟
حنين: شو قصدك؟
جواد: قصدي واضح ...
حنين: لا مش واضح هلا بدك تفهمني
جواد: بدك افهمك. ؟ ماشي رح افهمك ... لما افوت عالمطعم الاقيه قريب منك لهالدرجة وانت بتحكي معه وبتضحكيي شو معناته ؟؟؟؟؟
حنين: جواد انت مستوعب شو عم تحكي ؟
لااا انت مش طبيعي جددد ...
كنت كتير غيران عليها مش شوي مع انه مافي بينا قصة حب ولا شي بس مابعرف ليش لما شفتها بهاللبس حسيت النار طلعت لراسي من العصبيه وغير الشب الي كان عندها ماكنت فاهم شو مالي وشو بصير معي
......................................
كنت مصدومة كتير مش شوي .....جواد الي كنت اخر فتره احسه معي ووساعدني ووقف معي باكتر من شغله وكنت احسه دايما ساندني اشوفه بهالاسلوب وهالعصبيه معي؟ ههههههه وغير الحكي والاتهامات الباطله الي اعد بوجهلي اياها ومش عاجبه لبسي كمان بالنهايه هو ماخصه بلبسي لانه مش مسؤول عني ومااله كلمه علي....انا طول عمري بلبس لبس حلو وشوي فايع بس مش كل مره هيك كل ووين ووين بيجي عبالي ااغير موديل .....
عصبت عليه وع اسلوبه قام اطلع علي بنظرات بتخوف وشغل السياره ورجع يسوق
حنين: ماحكيتلي استاذ جواد ... شو قصدك ب انو ازا شافوني مروحه بهيك وقت وهيك لبس بفكروني مروحه من شي شو ؟
جواد؛ حنين اختصري لانها واصله معي للسما
حنين: لا مابدي اختصر بدي اعرف.... او احكيلك اانا بكملها عنك كاني مروحه من شي مرقص صح؟ هههههههههههه احكي جاوب ليش ساكت
جواد: حنين اختصري حسابك بس نوصل
حنين: والله ؟ بصفتك شو بدك تحسابني؟ بعدين هي جنى بتروح من شغلها بالمركز عند المغرب
جواد: لاتجيبي سيرة اختي ...
حنين: عفوا؟
جواد:لاتقاررني جنى فيكي ....بتقارني لبس جنى بلبسك؟ بتقارني شغل جنى بشغلك؟ يعني ع اساس مابتعرفي شو هو شغل المطاعم؟ مابتعرفي الناس كيف بتنظر للبنت الي بتشتغل بالمطعم؟هاد غير لبسك الي غير شكل ... عمين بدنا نضحك؟
وبعدين مش ناقصنا نسمع حكي من الجيران بسببك عنا مابدي الحكي ياثر عجنى وجود ....
فتحت عيوني عوسعهم مصدومه مش مستوعبه شو اعد بحكي ولا شو اعد بخبص هاد وكل هاد لاني اتاخرت ؟ ولانه شافني عم احكي مع شب واضحك؟ مهو هاد الشب اد ولادي يادوب ١٧ سنه عمره وكان عم يفرجيني شغله بالاكل وخصوص المطعم .....
اتفاجأت فيه وبكلامه مع كل حرف كان عم يحكيه تنزل دمعه عوجهي وتحرقني حرق....ماتوقعت يجي يوم ويقعد يعايرني بلبسي وشغلي ... وغير هيك طلع خايف عخواته يتاثرو بالحكي ممن الجيران بسببي خايف ينضروا ويروحوا بسمعتي ...ههههههههه جد مش مستوعبه اشي ومش مستوعبه شو اعد بصير
قلبي صار يشد علي من الوجع والقهر بعد ماحكا الي بقلبه
حنين: اااه معك حق استاذ جواد انتو عندكم بنات صبايا محترمات ومابصير ينضروا بسببي عيب انا صايعه وقليلة ادب ومش محترمه وبشتغل شغل مطاعم مش حلوة بحقكم
جواد: ..............
حنين: معك حق تسكت مش عارف شو بدك تحكي ...
بس عكل ماارح اخلي خواتك ينضروا بسببي بلاش بكره حد يبطل يدق بابهم عشاني عيب ......
بعدين مين رح يتزوجهم مهما بروحوا بنصاص الليالي
ماوعيت غير ع كف قوي بنص خلقتي
جواد: اخرسي وسيرة خواتي ماتجيبها علسانك عم تفهمي؟ خواتي لبسهم وشغلهم اشرف من لبسك
حطيت ايدي ع خدي ونزلوا دموعي شو اعد بصرله هاد؟
حنين: وقف السياره ....نزلني ......
طنش وضل ماشي صرت اصرخ واخبط عالباب بقوه
حنين: عم اقلك افتح الباب ونزلني احسن مااعمل بحالي اشي ... افتححححح الباب عم احكيييييي
ضل مكمل سواقه وانا بخبط عالباب وبعيط ....
بس وصلنا عالبيت نزلت عاالبيت ركاض فتت بدون مااحكي نص حرف ....اول ماشافتني ام جابر بهيك منظر انصدمت خدي احمر ودموعي عوجهي ...تركتني وخرجت برا عند جواد تفهم شو في مابعرف شو قعدوا يحكوا انا فتت عالغرفه فتحت الخزانه وصرت اضب بكل اغراضي واواعييي ماكانوا كتار .. ضبيتهم ولبست جاكيت طويل وسكرته ...مسكت الظروف تبعين الاواعي وخرجت عالصالون وفتحت الباب كانوا بدهم يطلعوا ام جابر وجواد لفوق
بس سمعوا صوت الباب التفتوا علي وشافوني خارجه
انصدمت ام جابر وركضت لعندي
ام جابر:حنين لوووووين رايحه؟
حنين:عجهنم الحمرا رايحه خالتووو ... ولاتساليني ليش هي قدامك واحد طوله طول الحيط ابقي اساليه وهو بجاوبك ..اسفه ع اسلوبي معك بسسس الحكي الي سمعني اياه جواد ماحدا بتحمله فوق طاقتي والله ...فوق طاقتييييييييي... صرت اعيط تركتها وطلعت ركاض
صارت تلحق في وتندهني بس مارديت عليها ... ضليت امشي واعيط وين بدي اروح بهالليل مستحيل اروح انام عند حدا من يوم وطالع بكفيني ... ياريتني مارديت عليها لام جابر وبقيت ياريتني طلعت وسكنت لحالي ولاسمعت هيك حكي عالاقل طلعت ونا نظرتي تجاه جواد الشب الشهم الي ساعدني اخر فتره...كل هالعصبيه والحكي بس عشان تاخرت وشافني مع الشب وشاف لبسي .. مابعرف ليش هيك عمل وليش هيك حكا ...حكيه قتلني من جوا ...وقتها جد حسيت اني بلا سند وانه الي بكون لحاله بالححياه حيضل لحاله طول عمره ...ضليت اعيط وامشي بالشارع وين بدي اروح الوقت متاخرر كتير مش شوي والشوارع فاضيه انا كتير خايفه بس كرامتي مابتسمحي ابقى دقيقه وحده عندهم ...
....................................
الحكي الي سمعتها اياه كان كتير قاسي بس هي استفزتني بسيرة خواتي وغير هيك ماكان قدام عيوني غير منظرها ومنظر الشب وهي عم تضحكله ...
مابعرف هو انا كبرت الموضوع وللا شو .. يمكن كبرته وردة فعلي كانت كتير كبيره مش شوي ومتاكد جرحتها بالحكي وقسيت عليها واخر اشي توقعته اني امد ايدي عليها واضربها كف ريتها انكسرت ايدي ولا ضربتها كف ماكنت واعي بهديك اللحظه وحسيت كتير خبصت ودايقتها ... انخنقت كتير بس هي ماااختصرت كنت اختصر واحكيلها تختصر عشان مااحكي حكي يدايقها بس هي ضلت تحكي ومااختصرت ....مش قادر مخنوق كتير مش شوي ليش هيك عملت؟ ليش هيك حكيت؟
طب ليش ضربتها؟ يعني ازا كل العالم عليها اكون انا كمان عليها؟
نزلت دمعه من عيني ولاول مره بعيط ... مسحتها بسرعه ..ماتوقعتها تطلع من البيت بس موقفها كان قوي وكان معها حق صراحة ...اجت عندي ستي تبكي وتترجاني الحقها
ام جابر:جواد الحقها كرمال الله الشوراع فاضيه والوقت كتير متاخر بسرعه
هزيت راسي وطلعت بسرعه بالسياره وصرت امشي ....ماكانت كتير مبعده عن البيت لاني مباشره لحقتها كانت تمشي ومش عارفه وين بدها تروح ..
كنت ماشي بالسياره وراها مسافه منيحه ع اساس ماتشوفني ...كان بدي اعرف شو بدها تعمل ووين بدها تروح ...ضلت تمشي مسافه كتير منيحه وبعدها شفتها قعدت عالرصيف وغطت وجهها بايدها وصارت تشهق وتبكي ... بهديك اللحظه حسيت حالي اديش اني حقير نزلوا دموعي عليها ماقدرت... شغلت سيجاره وصرت ادخن بشراهه ... كان بدي انزل عندها بس هي مش طايقتني ومش رح تتقبل تسمع مني نص حرف شو بدي اعمل يالله؟ انزل عندها واعتذر؟ ولا اضل هون وابعد عنها فتره منيحه ترتاح مني؟
ماقدرت ماانزل ....طفيت السياره ونزلت صرت امشي شوي شوي باتجااها وصلت عندها وقعدت حدها عالرصيف وهي لسا مغطيه وجهها وبتشهق مش شايفتني ...
جواد:انااا اسف .....
رفعت راسها واطلعت في مصدومه
قامت بسرعه مسكت اغراضها وصارت تمشي ...
لحقتها وبخطوتين كنت قدامها معترض طريقها
جواد:لاتحكي شي معك حق بكل اشي بسس ارجعي معي هلا الوقت متاخر
رفعت راسها وركزت نظرها بنظري كان وجهها احمر وعيونها حمر ....
حنين:والله لو بنام بالشارع مابرجع ... شو انا مجنونه اخرب سمعة العيله؟
م انا بدون اهل اكيد رح اطلع فلتانه هههههه
جواد:معك حق بكل اشي بس خلينا نرجع
حنين:مارح ارجع وياريت ياجواد تتركني وتروح لاني انا تعبت ...تعبت من كل الناس من كل العالم ... انا مابدي حددد ..مابدي احس انو في حدا معي ..بدي اضل هيك وحيده اه ... وحيده اشرفلي من كل هالعالم المقرف البشع ... وانت روح ياااجواد روح كمل حيااتك ونام وانت مرتاح انو مافي بنت بتجيب الحكي للعيله والبنايه بشغلها بالمطعم وبلبسها ... وياررب يارب ربنا يبعت لخوااتك ولاد حلال وبستاهلوا قلبهم لانهم خواتك قلبهم ابيض كتير من جوا وبستاهلوا كل خير ..
خلص روحح واتركني ...
كانت تحكي وتعيط ..... ماقدرت امسك حالي وصاروا دموعي ينزلوا منظرها كان مش طبيعي ... كان نفسي اضمها بكل قوتي واهديها بسس مستحيل اقرب من بنت بدون اشي رسمي لاني بخاف ربنا ...
ضلت تعيط وانا واقف قدامها مش مخليها تمشي لايمين ولا شمال ......
جواد:حنين احكي شو مابدك عني سبيني خانقيني اغلطي علييي فشي قلبك بسس ارجعي معي
حنين:مابدي ارجع ...مستحيل ارجع عالمكان الي انهنت فيه ....بعد عن طريقي ...
ماكنت اخليها تمشي خطوه ....وين ماتروح اوقف قبالها اخر اشي انهارت وصارت تضربني بكل قوتها عصدري وتصرخ علي عشان ابعد عن طريقها ....ماكنت قادر احكي اشي ولا عارف شو اعمل اول مره بحس حالي هيك عاجزز اعمل اشي ...
تركتني وراحت قعدت عالرصيف وسندت راسها على عامود كان عالرصيف وغمضت عيونها ..
مسكت جواالي ورنيت على عمر وبعدت عنها مسافة صغيره.... اول مارد علي حكيت بصوت مخنوق ويادوب طالع ...
جواد: عمر.... حط حدا مكانك بالشغل وتعال عندي بسرعه
عمر: جوادد وين انت؟... شوفي ؟ليش هيك صوتك؟
جواد: عمر ... مش قادر احكي كتير ... انا قريب شوي عبيتنا ... بس باخر الشارع لقدام جيب اختك ندى وتعال ضروري
عمر: يازلمه قلقتني شوفي؟
جواد: مخنوووووق ياعمر اعمل متل ماعم قلك ولاتتاخر بس تيجي بحكيلك كل اشي يلا باي ...
معقول كل هاد لاني غرت عليها؟ معقول لاني شفت الشب قريب عليها ؟ ولا عشان لبسها؟ انا مابتحمل حد يحكي عبنات العيله وهي منهم لانها اشي بخصني صار وماحملني عقلي منظرها باللبس كان حلو كتير مش شويي ...جنييت منها وصار الي صار
............................
كل مااجي امشي خطوه يوقف قبالي لامره ولا مرتين ...
ماقدرت امشي خطوه منه اخر اشي انهرت وصرت اضربه بكل قوتي عصدره حتى يبعد عني كان واقف وساكت والدموع عوجهه ..اول مره بشوف جواد عم يبكي ههههه ...اخر اشي لما يئست منه تركته ورحت وقعدت عالرصيف ..كان في عامود كهربا سندت راسي عليه وغمضت عيوني ....كنت كتير تعبانه مش شوي
شفته حكا مكالمه وبعد عني مابعرف مع مين كان يحكي مااهتميت.....شوي واجا قعد عندي عالرصيف وشغل سيجاره ..ماكان يحكي ولا حرف وانا نفس الشي كنت متجاهله وجوده تماما ماكان عندي الطاقه اقوم امشي ..... هيك الكلمه بتعمل بالبني ادم ويمكن اكتر ... قادره ترفعه لسابع سما بلحظه وقادره تنزله لتحت سابع ارض ..... مابعرف اديش بقينا عهالحال وشكله عيني غفلت من التعب ....ماوعيت غير عصوت سياره فتحت عيوني كان الضو بعيني وقفت السياره ونزل منها شب وبنت ....قام جواد عندهم واخدهم على جنب وحكا معهم ..... مين هدول وليش يجوا؟ وشو اعد بحكيلهم؟؟ شفتهم شوي واجوا عندي
قربت عندي الصبيه وابتسمت: كيفك؟
اطلعت فيها وصفنت : تمام مين حضرتك؟
الصبيه: انا ندى ...
حنين: مين ندى ؟
ندى: اخت عمر رفيق جواد
هزيت راسي وماعلقت باشي...
قرب الشب والي اسمه عمر ومعه جواد لعندي ...
عمر: كيفك؟
حنين: تمام
عمر: قومي معنا انا وندى
حنين: عفوا؟ لوين بدي اقوم معكم لا بعرفكم ولابتعرفوني شو هالثقه بهيك طلب ...
نط جواد وحكا: حنين ....مابدك ترجعي معي عالبيت افهمناها وحقك ... بس رح تروحي مع عمر واخته عندهم
فتحت عيوني وجحرته: ماشاءالله شو شهم ع اساس كتير هامك وخايف علي ....مسكت اغراضي وقمت صرت امشي بسرعه لحقوني بس انا طنشتهمم
جايبلي ناس مابعرفهم عشان اروح اانام عندهم؟ يالله الذل.... عم احس انه العالم عم بتعاملوا معي بشفقه او حسنة .....لاااا لااا لحد هون وبسسسس مستحيل اروح مع حددد وانام عند حد انا مالي بحاجة حد لو بدي انام بالشارع .....
صاروا ينادوني وانا امشي بالشارع ورجعوا نزلوا دموعي اخر اشي وقفت ولفيت وجهي عندهم وحكيت بكل قوتي
حنين: مااااابدي اروح مع حدااااااا ...اتركوني بحالي عم تفهمواااااااااا؟؟؟؟؟ حلوا عني كلكم بكفيييي .....
صرت اصرخ واعيط واحكي ...فجاه وحده حسيت جسمي اعد بشد علي وايدي اعدين بشدوا وبسكروا حاولت افتحهم ماقدرت ... قعدت عالارض وجسمي اعد بشد علي شوي شوي .. شو بصير اعد مابعرف .... غمضوا عيوني لحالهم حاولت افتحهم كمان مش قادره حسيت حالي اتشنجت ... كنت سامعه الي حوالي ...
سمعتهم قربوا علي وصاروا يحكوا معي
جواد: حنين شبك شو صرلك؟
عمر: شبهااا؟؟؟
حسيت ندى قربت عندي عالارض وصارت تخبط بايدها عوجهييي وتنده علي وتسالني ازا سامعتها ... ماكنت قادره ارد عليها ... بس سامعه كل اشي
ندى: عم تسمعيني؟
جواد وهو عم يبكي: لكك شو صرلها هاي؟
عمر: جواد خلينا ناخدها عالمستشفى ...
ندى: ماعم تصحى
حسيت بجواد حملني بين ايديه وصار يركض لطلعوني بالسياره كان ريحة عطره معلقه راسي ...
كنت سامعه جواد منهار وعم يبكي : لككككككك انا السببببب انا ....ازا بصرلها شي مارح سامح حالي
بعدها ماوعيت عشي ...
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`