الفصل 4
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم عوض_قلبي`*
*❴🔢❵الـــبـــــــــــ❴4️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
Stories 📖:
الجزء الرابع
تاني يوم صبحت علي حراره الحمدلله مارشحت بس ارتفعت حرارتي بالليل وام جابر ضلت تعملي كمادات طول الليل لحد ماراحت الحراره وخفت كانت نفس حنية ستي واكتر ...صحيت الصبح الحراره رايحه عني بس في شوية تعب ..ضليت طول اليوم بالفرشه وام وائل عملتلي شوربه واخدت دوا حتى هديت ..ضليت هيك طول اليوم ...من الزهق غفيت عند المغرب وسحبتها نومه لبعد العشا فتحت عيوني عصوت ام جابر عندي عم تصحي فيي
ام جابر: حنين كيف صرتي
تجلست وبلشت اصحصح
حنين: الحمدلله ..اديش الساعه وليش تاركيني لهلا نايمه؟
ام جابر:شفتك نايمه ماحبيت اصحيك
حنين: سامعه صوت حكي وضجه برا مين في
ام جابر: ام جواد وجواد ..اجيت اصحيك عشان تقومي تشربي قهوه
حنين: ازا جواد برا مابدي اقوم احكيلهم نايمه
ام جابر: بعرف انك لسا زعلانه من كلامه بس عشان ام جواد قومي وطنشيه ... اعتبريه مش موجود يلا قومي صحصحي طول اليوم بالتخت ... هيني رايحه اعملها
حنين: لا خلص انا بعملها
ام جابر: لاا انت مش قادره لسا وتعبانه اخرجي وانا هيني رايحه يلااااا بلا كسل
ضحكت وقمت ربطت شعري ولبست باجري وطلعت ..كنت حاسه حالي احسن شوي ..
حنين: مسالخير
ام جواد: اهلين حبيبتي يسعد مساكي كيف صرتي
حنين: الحمدلله
ام جواد: تعي اقعدي عندي
رحت عندها وقعدت
جواد: كيف صرتي ؟
حنين:الحمدلله
جواد: شكلك مااخدتي حبتين احتياط عشان ماتمرضي هههههه
كنت بدي اضحك بس مسكت حالي
حنين:انا قايمه اشوف خالتو ام جابر ..
قمت عند ام جابر شوية عبين ماجهزت القهوه وخرجنا مع بعض ...
قعدنا نشرب قهوه وكان جواد عم يحكي عن خطيبته والي فهمته انو بكره رايحين يطلقوا اي معها حق والله من الاول عرفت انو مابنطاق والله يعينها كيف كانت متحملته ..
قطع تفكيري جواد وهو عم يحكي معي ومركز نظره علي توترت وركزت شو عم يحكي
جواد: بكره بعد ماارجع من المحكمه بتكوني جاهزه لانه رح امر عليك اخدك تجيبي اغراضك من بيت عمك
حنين: اي ساعه؟
جواد: بس اخلص اموري بحكي مع ستي وبنشوف ..
اهم اشي بكره ازا شفتيهم ماتتعاطي مع حد منهم خصوصي الكلب كريم لاني وقتها رح احسب الله ماخلقه
حنين: طيب ماشي
ام جابر: انا جاي معكم
جواد: بكون احسن ... انا بعتت عنصرين من عندي اليوم واعطوهم خبر انو احنا بكره جايين وانا متاكد انو كريم لما شاف فيها شرطة انجن بس خليه ...
ام جابر : الله يمضي هاليوم عخير بس
جواد: لاتخافي ستي وانت حنين مش تشتغل طولة اللسان عندك ....
حنين: مادخلك ...
حسيته عصب مني بسس مااهتميت ... ولاول مره بحس انو في حدا بظهري ومش خايفه اواجه حدا دايما بواجه العالم وبشاعته لحالي بس حسيت حالي هالمره كتير مبسوطة صح اني مش طايقته بس مش اكون خايفه زي كل مره كانوا يتعرضولي واكون ميته خوف بس متصنعه القوه ....
.........
طول القعده وانا مستفقدها جاعبالي استفزها وانكش عليها راس مابعرف ليش مع انه طوولة لسانها رح تجلطني بس مع هيك بحب انكش راس عليها ... شفت ستي راحت عالغرفه وبعد شوي خرجت حنين ..اول ماشفتها ابتسمت نص ابتسامه عشكلها كانت لابسه بجامه وشعرها مربوط وحالته حاله ...واول ماقعدت نكشت عليها راس بس للاسف قامت عند ستي وماردت علي جواب هههههه ....
طبعا بعد ماخبرتها انو بكره تجهز حالها خلصت شرب القهوه وطلعت عالبيت ولاول مره بنام مرتاح وبدون ماافكر بنفس الموضوع الي كان زاعجنييي ... فتحت عيوني تاني يوم صليت الفجر ومااجا عبالي انام .... قعدت استغفر شوي وقرات شوية قران وبعدها غليت قهوه شربتها وبلشت اجهز حالي حتى نطلع عالمحكمه بكير وقفت عالمراي واتنهدت (اخ مامصدق وانا اخلص من كل هالقصه يارب يخلصوا هالكم ساعه وبعدها بشوف موضوع حنين واسال الله انه كريم يستفزها ويجرب يحكي معها بس خليني افش كل قهري فيه)
ع ٧ ونص جهزت حالي وتعطرت نطرت ابي وطلعنا سوا ... نزلت صبحت عستي وحكيتلها تصحي حنين عشان تكون جاهزه لما ارجع وطلعنا.....
فرفطت روحي من اجراءات المحكمه ومن غرفه لغرفه بس اخر اشي خلصنا .... تم طلاقنا بشكل رسمي طبعا انا ويااها مبسوطين ههههههه اول مره بعرف انو ٢ بكونوا مبسوطين بطلاقهم مش زعلانين ... ماعلينا ...
وقفت قبال يارا وابتسمت
جواد:فرصه سعيده وهمستلها (حاسستهم شوي ورح ينفجروا ابي وابوكي ههههه)
يارا: ههههههه اخرتهم بروقوا االمهم احنا نرتاح
جواد:معك حق
حكينا شوي وطلع ابي وابو يارا عشغلهم مع بعض ويارا طلعت لحال وانا كملت لحالي...طلعت بسيارتي ورنيت ع ستي
جواد: اه ستي احكي لحنين تجهز مسافة الطريق وبكون عندكم
ام جابر: جاهزه احكيلي شو صار معكم؟
جواد: الحمدلله مشي الحال واطلقنا
ام جابر: الله يعوض عليكم
جواد:ستيييي ...احكي لحنين تلبس لبس مستر تمام؟ لانو قسما برب العزه بشوفها لابسه لبس قصير او ديق ومش مستر لالغي المشوار كله
ام جابر: لككك انت شوووو دخلك فيها ؟
جواد: الي عندي حكيته ... باي ..
سكرت الخط وكملت سواقه لوصلت البيت ..رنيت عليهم شوي وطلعوا ... اول ماشفتها خرجت كانت لابسه جاكيت طويل ومستر وحاطه طاقيه ومش مبين كتير شعرها ضحكت انها لبست اشي طويل وردت علي والله لاخليها تتحجب كمان صبرك علي حنين خانم ببسس
طلعوا وماصبحت علي شكلها مطموزه وقالبه خلقتها ههههههه مش مشكله المهم اللبس طويل ومستر ..
شغلت السياره ومشيت ...سحبت سيجاره وشغلتها وبلشت انفخ ...كنت رايق لدرجة كبيره لاول مره من سنه .... شغلت اغاني حلوه وصرت اغني معهم ...
ام جابر: شوووو بشوفك مبسوط
جواد: كتير ياستي
ام جابر:اي الله يبسطك عطول يارب كل هاد لانك فسخت؟
جواد: شايفه بالله؟ ستي بشرفك عمرك شفتي شب او بنت يوم طلاقهم طايرين من الفرح بدل ميكونوا زعلانين؟
ام جابر: ههههههههههه اه انتو الجوز
حنين:مبروك استاذ جواد
جواد: ههههههههههههه الله يبارك فيكي حنين
حنين: منيح خلصت منك
جواد: مسكينه راح عليها نص عمرها هي الخسرانه يلا
حنين: اي كتير خسرانه ...
جواد: انت شو مشكلتك معي؟
حنين: انت الي شو مشكلتك معي؟ مصبح تعطي ستك قوانين بلبسي ..انا هالمره اختصرت ولبست مش طوعا فيك لاااا بسس عشان بدي اجيب اواعي واخلص من كل هالقصه
جواد: طيب ماشي ...
فرطت ضحك عليها وعلى عصبيتها بس مابينت .....
وصلنا بيتهم ونزلنا وشو كنت متنمني اني اشوف كريم انا متاكد اني رح اشوفه لاني انا اخترت هاد الوقت بوقت طلعته عالشغل ..خليني اربي فيه القرود السود لهالكلب ...
كنت حاسس عحنين خايفه وبترجف كانت ماسكه ايد ستي وملزقه فيها بسس هالمره رح اعلمها شو يعني القوه ع اصولها ... واعلمها كيف توقف بوجه هيك اشكال.....
.................
كنت خايفه وبرجف مش قادره خايفه اشوف كريم او خالتي صرت ادعي بقلبيي انو ماشوف حد منهم لاني متاكده ماحيصير خير ... هاد وقت طلوع كريم عشغله انا بعرف ... معقول جواد خصوصي اختار هاد االوقت؟ يارب تمرق عخير .. طلعنا عالبنايه واحنا عالدرج كان نازل كريم انا بس شفته قلببي هبططط وحكيت اكيد رح تصير طوشة .. اول ماشافني ضحك وحكا
كريم: واالله واهلين ست حنين ...
جواد: والله اهلين سيد كريم ..
كريم: شو ستتت حنين ؟ امبارح باعتيلي عنصرين شرطه عم تهدديني فيهم وهلا جايبتيلي شب طول بعرض ؟ لوين بدك توصلي؟
اجيت احكي بس جواد حكا: حكيك معي مش معها
كريم: ههههه حلو وبصفتك مين؟
جواد: بصفتي كسار راسك
كريم: والله؟
مسكتني ام جابر واجينا نطلع
ام جابر: امشي حنين
مسكت ايدها وبدنا نطلع وقف قبالنا كريم واعترض طريقنا
كريم:مش معناته انك تبعتي شبين امبارح واليوم جاي مع شب الله اعلم شوفي بينك وبينه معناته موافقين تيجي تاخدي اغراضك ...
ماوعيت عحالي غير ضاربته كف بكل قوتي
حنين: اخرسسسس واحد تافهه
هجم علي ومسكني من شعري بقوه وبالايد التانيه شد ع وجهي بكل قوته
كريم: هاد الكف الي؟
قلبي صار يرجف من الخوف ونزلوا دموعي
ماوعيت غير ع جواد هاجم عليه بلمح البصر وبعده عني ونزل في ضرب ..
جواد: ايدك بتكسرها ازا بتنمد عليها ياكلب ياواطي
التفت علي وحكا: حنين ستي ..اطلعوا وخددوا كل اغراضك يلا
ام جابر: جواد اتركه ماتوسخ ايديك فيه
جواد:ستيي اطلعوا هلاا
طلعنا انا وام جابر اخدنا المفاتيح من خالتي وبس شافت جواد نازل فيه ضرب نزلت متل المجنونه تصرخ وتولول
فتنا علسريع عالشقه وبلشت الملم اغراضي ووراقي وكل اشي بدي اياه ماكانوا كتير كتار ...كنت اضب واعيط ع كلامه الي بسم البدن ..
ام جابر: خلص اهدي ماتسمحيلو يزعلك ويبكيكي
حنين: حسبي الله فيه وصلت فيه يتهمنييي بشرفي
ام جابر : هي جواد عمله اللازم
شوي وطلع جواد عنا ...
جواد: يلا شو صار معكم؟
ام جابر: يلااا شوي وبنخلص
جواد:حنين لاتبكي خلص اعطيته اللازم
هزيت راسي بدون مااعلق باشي .. ماصدقت اخلص واخد كل اغراضي....وقفت عند الباب القيت نظره اخيره عالمكان الي عشت فيه كل حياتي وطلعت ...
مسكت المفتاح وطلعت عند خالتي .. اول ماانفتح الباب فتت زتيت المفتاح بكل قوتي عالارض وحكيت
حنين: اتهنوا فيها واشبعوا ...حسبي الله فيكم الله لا يهدي بالكم
تركتهم ونزلت ...
طول الطريق ونا زعلانه ودموعي بنزلوا ع السكت
ام جابر: خلص حنين ..
حنين: بدي اروح ازور ستي ..
ام جابر:مو هلا باخدك بعدين
حنين: كرمال الله كتير محتاجتها
هزت راسها وحكت لجواد ..اخدنا عالمقبره ونزلت انا وستي وجواد
حطيت راسي عالتراب وغمضت عيوني وصرت اعيط ..
(ستييييييي ليش تروحي وتتركيني بهاي الدنيا البشعه وبين هالوحوش؟ تعي شوفييييي شو بعملوا فيي وكيف طحوني ..شوو بدي اعمل كيف رح اكمل بقية حياتي ... انا لحالي والله. ..ضايعه مشتته مافي حدا معييي الكل مستقوي علييي ... انا خلصصصص بطلت قادره بطلتتتتتت)
..........................
ركبت بالسياره طايره من الفرح وفتحت جوالها ورنت عقيس
رد عليها بصوت نصه نايم
قيس": اااه يارا
يارا: لككككك نايم؟ قوممم
قيس: شو صار؟
يارا:قيسسس انا اطلقتتتتتتتتت واخيرا
نط من التخت وقام: بشرفككككككك
يارا:والله
قيس: لكك شو هالصباح الحلوووو هاد والله ماعم صدق
يارا: ههههه صدق صدق .. انا هلا بدي بس اوصل بدي احط راسي واسحبها نومه لحد مااشبع
قيس:والله؟ صحيتيني من نومي وبدك تنامي والله ماحزرتي
يارا: ههههه ليش
قيس: احكيلي وينك بدي اجي واشوفك
يارا:بنطرك بمطعم الورد ..
قيس:يلا مسافة الطريق وبكون عندك
يارا: ههههه لاتتاخر
سكروا الخط وقام قيس بلمح البصر لبس وجهز حاله اتصل عشغيله وحكاله رح يتاخر يروح هو يفتح المحل
رش عطر وطلع ....
........
ماتحملني عقلي لما شفته هجم عليها وضربها ماوعيت عحالي غير هاجم عليه وضاربه ..فشيت غلي فيه وهددته الا احبسه ازا تعرضلها اخر اشي هرب الجبان وامه كانت تولول...
دموعها حرقوني حرق ولما طلبت من ستي تروح تزور ستها واخدناها قعدت عالقبر وصارت تحكي وتعيط نزلت لعندها ستي وصارت تعيط معها وضمتها ...
حكيها قتلني من جوا وحسسني اديش احنا بنعمة وهي وجود الاهل والام والاب حوالينا .. سبقتهم عالسياره وانا كتير مقهور عليهاا ومخنوووق منظرها ودموعها مش راضيين يروحوا من بالي ... غمضت عيوني وسندت راسي عالديركسون عبين ماييجوا ...
قطع تفكيري رنة الجوال كانت امي
جواد: اه امي
ام جواد:وينك
جواد:عالطريق ليش؟
ام جواد:شو صار معك؟
جواد:طلقنا
ام جواد:كتير منيح وحنين شو صار معها؟
جواد:اخ بسس ارجع بحكيلك..جنى وجود شو بعملوا؟
ام جواد:جنى طلعت عالمركز عشغلها وجود طلعت عالمعهد ليش
جواد:ولشي خلص ...
حكيت معها شوي وسكرت ...دقيت عرقم حازم وحكيتله اني مارح اداوم ياخدلي اجازه وسكرت لمحتهم جايين عالسياره كانت ستي ماسكتها وطلعوا ...
طول الطريق ساكتين ماحدا حكا حرف كل واحد غرقان بافكاره ....
بس وصلنا البيت نزلت ستي واجت حنين تنزل بس وقفتهاا بصوتي
جواد:حنين خليك بدي احكي معك ...
ام جابر: انا فايته جواد واصحك تزعلها بكلمه
فاتت ستي وطلبت من حنين تنزل تقعد عندي
اجت قعدت وبقيت ساكته .....
شغلت السياره ومشيت ...
لفت وجها لعندي وحكت لوين رايحين؟
شغلت سيجاره ونفخت .... اطلعت عليها بطرف عيني وحكيت: بدي اخدك نفطر بشي مكان اليوم الجو حلو في شمس ...
حنين: بس انا مابدي اروح مكان رجعني عند خالتو ام جابر
هزيت راسي وطنشتها...ضليت ماشي وهي ماناقشت لفت وجها عالشباك وضلت صفنانه طول الطريق واحنا ساكتين وكل واحد غارق بافكاره ...كان بدي اخدها وابعدها عن العالم ...كان نفسي احكيلها اني انا هون ماتخافي من اي حد مابعرف ليش بس ستي حكتلي قصتها حسيت انو بلشت اكل همها وبلشت افكر فيها وافكر كيف بدي اخليها تواجهه العالم بعد ستها االله يرحمها كيف بدي احكيلها تكون اد حالها من وقتها وانا بحسها مسؤوليتي وخصوصي بعد جاد والي عمله حسيت لازم احميها من الكل ... نفضت افكاري وحكيت بقلبي(شو صرلك جواد ليش هيكككك بتفكر مجرد بننت ضيفه عند ستك)
ربع ساعه عالطريق وماحكينا حرف قطع الصمت صوت رنة جوالي كانت ستي
جواد:اه ستي
ام جابر: لك وين رحتوا تركتكم برا رجعت مالقيتكم
جواد: اخدت حنين ورح نفطر برا
ام جابر: طيب انتبه عليها واوعك تحكيلها اشي يزعلها البنت مش لقيانه ولا متحمله حرف حاكم بعرفك لسانك متبري منك
جواد: ههههههه لا لاتاكلي هم ستي المهم انتو افطروا وماتنطرونا
ام جابر: ههههه طيب ماشي يلا حاول غيرلها شوية جو
جواد: حاضر
سكرت الخط معها ....ماكنت حابب اخد واعطي معها كتير لانها الظاهر مالا قادره تسمع حرف ...شوي ووصلنا
صفيت السياره ونزلت
جواد؛ انزلي وصلنا
نزلت حنين ولحقتني ..وصلنا ع مطعم بطل عالبحر كان الجو والمكان كتير حلوين والشمس طالعه ...والساعه بس ١٠ اخدت طاوله فيها كرسيين وقعدنا
طلبت فطور الي والها وبلشت افطر
جواد: يلاا حنين بلشي فطور
حنين: مااليش نفس
جواد:وانا شو بدي اعمل بكل هاد الاكل لحالي ؟يلااا بلشي
...............
وصلت عالمطعم وقعدت عطاوله ... ومبسوطة كتير مش شوي .. خمس دقايق كان واصل اول مافات المطعم وشافها ضحك وراح لعندها
قيس: مرحبااااا
يارا بابتسامه كبيره: يااااااامية مرحبااا
قيس :نحكي مبروك ولا الله يعوضك
يارا: ههههه لا اجلها شوي المبروك ..والعوض هو انت
قيس: ههههههه الله الله .. اعتبره غزل ؟
يارا: هههههه اعتبره شو مابدك يلا اقعد خلينا نفطر ونسترجع ايام الجامعه والحب واالذكريات الحلوه
قعد وطلبوا فطور بعدها قهوه ...
يارا: هلا بس شوية وقت وبتفتح المووضوع مع اهلك
قيس: انت بس احكيلي موافقه وهلا بجيبهم
يارا: بس شوية وقت لااهدى من هاد الموضوع انا واهلي بس خايفه من شغله وحده ...
قيس: من شو خايفه؟
يارا: خايفه من اهلك لاني بعرف وقتهاا اديش انت تعبت بسببي واديش تعبوا معك لطلعت من حالتك واكتئابك ...
قيس: لاتاكلي هم انت ماعليك
يارا: بركي رفضوا ؟ وقتها بتزكر اختك بعتتلي بهدله طويله عريضه ونزلت تردحلي
قيس: ههههههه بتزكر وقتها عصبت عليها ... وبهدلتها انها بعتتلك ...
يارا: بس والله معها حق .. هههههههه
قيس: خلص لاتزكريني بهديك الايام
يارا:عنجد ايام سودة منيح مرقت
قيس: انا بدي اطلع عالشغل اتاخرت كتير عالشي الي عندي بالمحل بدك اشي؟
يارا: ههههه لا سلامتك انتبه عحالك كتير
قيس: وانت كمان يلااا ...
تركها وطلع عالشغل وهي رجعت عالبيت فاتت اخدت دوش وعملت فنجان قهوه عرواق وبعتت ورا صاحبتها وصاروا يحكوا ويدردشوا ...
.........................
ماقدرت افشله وماافطر كتير خجلت لانه طالب اكل الي واله مع اني مش جوعانه ....مديت ايدي وبلشت اكل شوي شوي ... كان الاكل كتير زاكي والجو بجنن ياالله محلا الشمسات الها فتره بس شتا ....
شمس وهوا وبحر المنظر لحاله كان كفيل يغيرلي نفسيتي بس ليش جواد اخدني افطر برا؟
ليش مهتم لامري ؟ اخدني عند بيت ستي وهلا جابني افطر؟ ...غريب بحسه صح انه زنخ والصبح عكرلي مزاجي بسبب اللبس بسس هلاا اتغير مودي شوي ...
كنا ناكل واغلب وقتنا ساكتين وكل واحد عم يفكر باشي ... بس خلصنا اكل شغل سيجاره وبلش ينفخ
حنين:شكرا عالفطور ...
جواد:عفوا ...
دفعنا الحساب وقمنا ...
جواد: تعي معي
حنين: لوين؟
جواد: امشي بدون اساله
اخدني ع كشك قريب ببيع قهوه جاب كاستين قهوه اعطاني وحده الي ووحده اله وصار يمشي وانا امشي وراه لحد ماقعدنا ع مقعد قبال البحر كان منظر خيالي اول مره بوصل البحر وبشوفو عالواقع ههههه ...
كنا قاعدين وصفنانيين
جواد: كيف صرتي هلا؟
حنين: الحمدلله
جواد: حنين انا مابدي الي صار اليوم ينزع عليك يومك وتسمحي لحدا متل كريم الكلب يزعلك وينزلك دموعك
حنين: انا كل اشي ممكن اتهاون فيه الا انو يتهمني انو في بيني وبينك اشي ...
جواد: مدام واثقه من حالك ليشش اخدتي عكللامه وصرتي تعيطي؟
حنين: لانه حيوان كلب المفروض الوحده ازا مااكان الها اهل يكوونوا بيت عمها وولاد عمها سندها بس انا العكس ..انا مجرد ماستي توفت بدل مايوقفوا معي مباشره زتوني بالشارع
جواد: اانا من لما شفت حالتك بالمستشفى ومنظرك كان بدي اياك تشتكي عليه بس انتي الي رفضتي مع اني ماكنت حابب ترفضي وكنت حابب احبسه واربيه ع طريقتي بسس مابقدر اعمل اشي بدون ماانت تشتكي عليه .. لي مااشتكيتي عليه وقتها؟ هاد اتمادى مره ومرتين وحيضل يتمادى اكتر واكتر والله اعلم شو يطلع معه بالايام الجاي
حنين: ..........
جواد: جاوبيني ليش مااشتكيتي عليه؟
حنين: لاني مش قدهممم لا هو ولا اهله
جواد؛ ليشش مش قدهم؟ لازم تكوني اد حالك وماتخافي من حدا اصحك تسمحي لحدا يتمادى او يتسقوي عليك بيوم من الايام
حنين: ههههههه انت بتحكيلي هيك بس الحكي سهل بتعرف ليه؟ لانه الي ايده بالمي مش متل الي ايده بالنار
انت كشخص عايش طول عمرك مع اهلك امك وابوك واخوتك وخواتك كلهم حواليك ....غير دعمهم الك ..
سواء زعلت او فرحت قررت او كنسلت او اي اشي بدك تعمله بتلاقيهم حواليك ..ان اصابك مكروه لاسمح الله اهلك بوقفوا بوجه كل اشي ممكن يإذيك لانها فطرة الاهل هيك ... سواء كنت كبير او صغير بضلوا يحموك حتى لو صار عمرك مليون سنه .... الواحد وهو صغير بستمد القوة من اهله انت مثلا ليش شخصيتك قويه؟ لانه اهلك بيوم من الايام كانوا معك وانت صغير وكانوا يدافعوا عنك باي اشي...حسسوك انو في حدا ورا ظهرك بحميك بتنام وانت مرتاح ومش ماكل هم حد ... ههههه اما الي متلي انا وعيت عحاالي مافي حدا حوالي غير ستي ..كنت اشوف كيف ولاد عمي دايما مبسوطين وبطلعوا مشاوير مع امهم وابوهم وكيف لما حد يتعب يركضوا فيهم من مستشفى لمستسفى خايفين عليهم ...
كنت اشوفهم وقت شهادات المدرسة كيف يركضوا لاهلهم مبسوطين وفرحانين واهلهم يضموهم ويبوسوهم ... اديش كنت اتمنى يكون عندي اهل ام اب يفرحوا لفرحي ويزعلوا لزعلي .....صح ستي ماقصرت معي ودرستني ومااخلتني احتاج حدا بسس مع هيك كنت حاسة بالنقص والوحده ...كنت اسمعهم بادني ونا طفله لما يكونوا بدهم يطلعوا مشوار تروح ستي عند خالتي تحكيليها خدي حنين مع الصغار خليها تنبسط تصير تحكي انا ماباخد وجه الشؤوم وتصيرلي مصيبه بسببها... خليها عندك انت اولى فيها ...
كنت بس اسمع هيك اروح عالغرفه واحط حالي واعيط صح كنت صغيره كتير بس كنت افهم واعرف ...ولهلا متزكره كل حرف انحكالي ... حسسوني اني طول عمري منبوذه وماحد بطيقني ..حسسوني اني السبب بكل ال صاير وفاة امي وسفر ابي لك حتى عمي الي المفروض يكون سندي يطل يطيقني لاني السبب بسفر بابا وبعده عنهم ......صرت احس حالي وحيده اشوف الكل في حدا حواليه الا انا ... عرفت لي مااشتكيت؟ لاني لحالي مين بدو يوقف معي لما كريم ييجي يإذيني '؟ انا لماا كريم هجم عليي وضربني ماعرفت لوين ارح ولمين بدي احكي ...لولا ستك ولا كان الله اعلم شو يصير فيي ... اه انا بخاف منهم كتير بس عمري مابينت خوفي الهم كنت اظهرلهم اني قويه ومش خايفه منهم بس انا من جوا ميته خوف ...ياما هددوني ...وياما اتهجموا علي بدهم يضربوني ومليون قصه وقصه ...
اه انا مابدي اشتكي ...عرفت ليششش ؟
كنت احكي واعيط من كل قلبييييي وكاسة القهوه بايدي ماسكتها بكل قوتي ....
حكيت لحكي الي اله سنين محبوس بقلبي ومش عارفه لمين احكيه ولما حكيته ماوعيت عحالي غير بحكي لجواد ..... ضليت اعيط واشهق ...كان ساكت وعم يسمعني ماقاطعني ...بس كان يسحب سيجاره ورا سيجاره وويدخن ... قام راح لعند الكشك جاب ازازة مي واجا لعندي اخد مني كاسة لقهوه واعطاني المي ..
جواد: خدي اشربي وبعدها كملي قهوتك ...
..........
كنت اعد بس بسمعها ماحكيت ولاحرف اكتفيت بانه اضل اسمعها واشوف دموعها كيف نازلين وهي عم تحكي بحرقه وبغصة ماعرفت شو بدي اعلق ولا احكي بس كنت مصدوم من كل حرف عم تحكيه وكيف تعامل بيت عمها معها ... ماتوقعت يكونوا بهالنداله والحقاره عاشت حياتها وهي حاسه حالها وحيده ..... عم اطلع عليها واشوف كيف عم تشهق وتحكي ونص الكلمات يادوب تطلع كتير انقهرت عليها مش شوي كان نفسي اقوم احرق بيت عمها كلهم ...اتنهدت وصرت اسحب سيجاره ورا سيجاره ... بقيت اسمعها لحد ماخلصت وهديت شوي قمت جبتلها مي وبعدها خليتها تكمل قهوه .....
جواد: الليل بعد العشا بالزبط بتطلعي انت وستي عنا ضروري تمام؟
حنين: ليش؟
جواد: بدون ليش.. بعدين بتعرفي
حنين: انت بس بدك تعطي اوامر وممنوع نسال
جواد: اه يلا بلشي ردح
حنين: مستفززز
جواد: ههههههه طب قومي قومي بدي اوصلك عالبيت وبدي اطلع عندي مشوار ضروري
طلعنا بالسياره ووصلتها.....
(والله لافرجيك ياجاد الكلب اليوم بدي اخليك تطلب السماح من حنين وحبلش من عندك بعدين بتفضى لبيت عمها)
طلعت عالفرع ومباشره توجهت لعمر صاحبي
فتحت عليه الباب وفتت
عمر: بسم االله مش ع اساس مش جاي اليوم واخدت اجازه ؟
جواد: اطمن مش جاي اداوم بس جاي قاصدك بخدمه
عمر: هات اشوف
جواد: اعطيني جوالك شوي
عمر: ليش؟
جواد: اعطيني انت
عمر: بخاف تكون بدك تعاكس بنت من جوالي
جواد: لا اطمن انا مش متلك هات ..
مدلي الجوال واخدته كبست رقم جاد ونطرته ليرد
جاد: الو
جواد بعصبيه مكبوته: شووو ولا جاد الكلب وينك ؟
جاد: جججججج جججواددددد
جواد: اسمع وله كلب لاتسكر الخط لاني رح طولك من سابع ارض ...
جااد: شووو شووووشششوبدك
جواد: الليل بتكون مزروع بالدار والا ورب العزه الا اطولك من تحت سابع ارض عم تفهم؟ ..يلا سلام
سكرت الخط ونا معصب وعم امسح وجهي بايدي واستغفر ...
عمر: شو مالك معصب؟ متطاوشين؟
جواد: لاا بس هاد جواد الكلب عامل فصل ناقص واله يومين مختفي من الدار ماعم يرجع....
عمر: مابده يعقل اخوك؟
جواد: هالمره انا الي رح اخليه يعقل ... هالمره غير كل مره ...
عمر: طب اقعد انا رايح اطلب فنجانين قهوه تروق دمك
هزيت راسي وقعدت ...حطيت راسي بين ايدي وغمضت عيوني كتير مخنوق عحنين وعحياتها حياتها ماكانت سهله ...والله ياجاد الكلب الا اخليك تعتزر منها الليل ... واالله لاندمك ع كل دمعه نزلت منها بسببك ...
شوي وفاات عمر معه كاستين قهوه ....
عمر:: خود روقلي دمك
جواد:هات اجت بوقتها
شغلت سيجاره وصرت ادخن
عمر: شو صار معك صح؟
جواد: طلقت
عمر: هههههه واخيرا؟
جواد: هههههه واخيرا ...
عمر: جواد شو مالك؟ حاسك مو عبعضك
جواد: اااخ بس ولاشي انسا
عمر: زعلان عالخطيبه؟ مااتوقع😂😂
جواد: ههههههههه لاا
ضليت عند عمر وضيعت وقت وبعدها رجعت عالبيت حطيت راسي ونمت صحيت المغرب صليته ونزلت عند ستي .. دقيت الباب وفتت
جواد: ستيييي...ياسستي ؟
ام جابر: نعم ؟
جواد: شو بتعملي؟
ام جابر: كنتت اصلي وبدي اروح عالمطبخ اعمل اشي اشربه
جواد: وحنين وين؟
ام جابر : حنين والله مابعرف يابالغرفه ياا اما بالصالون ليش؟
جواد: ولشي ...اسمعي ناديها واطلعوا اسهروا عنا
ام جابر : ليش في اشي؟
جواد: لاا ...يلا ستي ماتضيعي وقت انا طالع جيبيها والحقوني ..
تركتهم وطلعت ...خفت حنين ماتطلع وخفت جاد ماييجي بس لا رح يجي هاالمره جاد اخوي وبعرفه بخاف من خياله ..... ربع ساعه وفاتوا ستي وحنين ..راحت حنين عالغرفه عند خواتي وقعدوا مع بعض جوا وانا بقيت انطره ... اجا بابا من الشغل وبعد شوي بنفتح الباب وبفوت جاد
ستي بصدمه: جاااااااد؟
ابي اول مااشافه ضحك: هههههه شو بشوفك اجيت؟
جاد: مسالخير ؟
الجميع : مسالنور
كانت امي بالمطبخ عم تعمل قهوه خرجت حاملتها واتفاجأت بجاد شهقت وحطت ااقهوه عالطاوله وركضت لعنده وضمته
ام جواد: جادد وين مختفي هيك ياامي ماابتطمني عنك؟
جواد:ماحد خربه غيرك امي ...
تركته والتفتت علي
ام جواد: بكره بس تتزوج وتخلف بتعرف شو يعني قلب الاهل ...
جواد: اتفضل جاد اقعد ...
جاد: بدي افوت انام
جواد: حكيتلك اقعد ولاتناقش
ام جابر: شوفي؟
جواد: هلا بتعرفوا ....
قعد جاد وهو
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`