الفصل 2
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم عوض_قلبي`*
*❴🔢❵الـــبـــــــــــ❴2️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
Stories 📖:
الجزء التاني
عصبت عليها وع طولة لسانها معي .. انا عمرو ماحد استرجى يحكي معي بهالطريقة وهالاسلوب والي جنني اكتر لما سالتني شو رح استفيد من المحضر ...
حاولت امسك اعصابي لاني انا ازا عصبت ماعاد شوف قدامي ... غمضت عيوني واخدت نفس عميق ...
جواد: ارجعي اقعدي وهلا بدك تحكيلي كل اشي ولاتعانديني او تتحديني تمام؟
هزت راسها وقعدت بعد ماحست انو مافي مهرب غمضضت عيونها وبلشت تحكي ودموعها ينزلوا ...كان محمد يكتب كل حرف عم تحكيه وانا مع كل حرف عم تحكيه عم انجن اكتر .. الله يكسر ايديه كيف اجا قلب يضرب وحده بتقربه ويسببلها نزيف بالرحم استغفر الله بسس ... عم اطلع بوجهها وشوف كيف شوهها..تمها منفوخ وتحت عيونها منفوخين ولونهم ازرق ..وحالتها كانت بالمره ... ايدها ملفوفه بشاش صغير ... ولزقه عخدها ....
بس خلصت حكيي اشرت لمحمد واحمد انهم يطلعوا عاالمركز ومايعملوا اشي لبين م اجي انا ....
جواد: كتير منيح وهلاا رح تشتكي عليه للكلب
حنين: مارح اشتكي على حدا ...
جنيت عليها اكتر لما حكت هيك وصرت احكي بعصبية كبيرة : انت مجنونه؟ مش شايفه شو عامل بوجهك؟ وكيف مشوه ملامحك ... انت مابتعرفي انو انت بسببه فتي عغرفة العمليات والله سترك؟
حسيتها انصدمت
حنين: شوو شششششوو غرفة عمليات ؟
ووجهت نظرها عستي
ام جابر : ولا شي جواد خلصصص اسكت
حنين:خالتي ام جابر فهميني ليش انا كنت بغرفة العمليات وشو عملولي؟
ام جابر :ولاشي ماعملولك شي
عصبت اكتر وحكيت : لااا عملوللك ... بتعرفي انو ابن عمك من كتر الضرب سببلك نزيف بالرحم ووقفولك اياه؟ بتعرفي انو لما اجينا عبيتكم كنت مرميه عالارض وكنت عم تنزفي وعشوي رح يتصفى دمك؟ بتعرفي انو الله سترك لانه وحده صبيه بعمرك مو منيح تتعرض لنزيف باالرحم؟ استغفر الله العظيم لاتخليني احكي اكترررر....
حسيتها انحرجت كتير مش ششوي ووجها صار احمر ماحكت ولا علقت اشي ....
راحت عالتخت تمددت وغطت حالها بدون ولا حرف ..
ام جابر: جواد امشي معي لبرا ...
سحبتني ستي وبلشت بهادل فيي انو كيف خبرتها وحالتها النفسيه مابتسمح بس انا كنت معصب منها ومن هبلها مابدها تشتكي عليه ... بس بالنهايه مابقدر اعمل اشي ازا مااشتكت ...
ام جابر : اتصل بامك واختك يجيبولها شوية اواعي من عند خواتك لانه كل اواعيها بالبيت ومارح اخليها توصل هناك ... وفهمهم القصة
جواد: ماشي ...
.................
فتحت عيونها كانت الساعه ٩ بالليل والجو برا شتا
قامت عملت كاسة قهوه وراحت عالصالون .. مافي حدا امها وابوها لسا مارجعوا .. واخوها دايما مسافر ..
يارا(وبعدين؟ لك حتى نجتمع متل كل هالعيل مافي؟ نفسي بس لو مره وحده بحياتي نجتمع ونقعد نحكي ونتبادل الاراء .. كتير بمللوا ... اتصلت ع هيفاء وصارت تدردش معها وبعدها لبست جاكيت طويل وحطت طاقية فرو عراسها ونزلت تتمشى لوصلت عالمول ...ضلت تمشي وتدور بعيونها على قيس كان واقف عم يشتغل ويحكي مع الشباب ..انتبه عليها واجا لعندها
قيس: يارا شو جابك؟
يارا:ماله كتير مافي حدا من عيلتي قلت بخرج اتمشى وبميل عليك اشوفك ..
قيس: ليش وينهم اهلك؟
يارا: لك شو بعرفني ؟ ليش انا بعرف وين بروحوا ولا بيجوا دايما مش فاضيين ومشغولين واخر همهم انا خلص انسى مابدي اسم بدني جاي اغير جو ..
قيس:طيب امشي معي نقعد بالكافيه الي عند محلي ..
يارا: شو بدك تشربني؟
قييس بابتسامه: انت شو بدك؟
يارا: اي شي عزوقك
قيس:تكرمي مشي معي ..
مشيت معه وراحوا قعدوا بالكافيه .... كتير كانوا بحبوا بعض ولا زالوا يوم عن يوم بزيد حبهم اكتر ..من ايام الثانوي..ولما خطبت يارا انجن قيس وفات بحالة اكتئاب ويارا ماكانت حابة الخطبة بس اهلها اجبروها غصب عنها لانهم صحبه وفي بينهم مصالح مشتركة
بس يارا ماتركتو وضلت كل يوم تحكي معه .. كانت كرهانه حالها وتحس حالها خاينة بس بنفس الوقت جواد ماكان يهتم فيها ولا يحبها ولا حتى يحكي معها ..طلعه ماكانوا يطلعوا بسس صدفه ليجتمعوا وازا اجتمعوا جواد بقضيها عالجوال ومش حاسس بوجودها ..وهي اصلا ماكانت فارقة معها لانها بتحب قيس وعندها امل يجي يوم وتفسخ الخطبه وترجع لقيس ..
رغم انو قيس كان رافض فكرة تواصلها معه وهي خاطبه بس هي ضلت وراه لحد مارجعوا يحكوا مع بعض ... قيس وضعه جاهز مرتاح بس بستنى يجي يوم ويضحكله االقدر وترجعله حبيبته حتى يخطبها ويتزوجها ...
.................
الساعة ١٠ بالزبط كانت عم تلبس من لبس اخت جواد اسمها جنى .. كانوا برا عم ينطروها جنى وجواد وامهم وام جابر ... وقعولها على ورقة الخروج بعد ماااتطمنوا عووضعها .. وباقي تلبس حتى يطلعوا ....
بس لبست ربطت شعرها بشكل مبعثر ومسكتها الممرضة من ايدها وصارت تساعدها حتى تمشي كانت كتير موجوعه مش شوي حاطه ايدها عبطنها ...
اول ماخرجت وشافتهم عم ينطروها خجلت كتير راحت حد ام جابر ومشيت معهم .. كانت ام جواد ماسكتها من جهه وام جواد من جهه
كانت تمشي شوي شوي ومتوجعه ...
جواد:انا سابقكم تحت اشغل السياره
......................
طول الطريق وانا ساكته وصفنانه كان الوجع يزيد عليي كنت اعده بالنص وجواد انتبه عليه كل وين ووين يطلع علي .. كنت كتير منحرجه منه مشش شوي
حاولت اكتم وجعي بس وجعي كل ماله بزيد لحد ماصرت اعيط واحكي بصوت شوي عالي
حنين: اخخخخ مش قادره االوجع كل ماله بزيد من شان الله ياخالتييييييييي ااااااخخ بطنيييييييييي
جواد:نرجع عاالمستشفى؟
ام جابر: لااا كمل طريقك...حنين بطنك عم يوجعك لانه مفعول المسسكن راح ... استني اعطيك حبة مسكن من الي اعطوني اياهم ..
اعطتني حبة دوا وجواد مدلي ازازة مي من عنده حتى اشربها اخدتها وايدي بترجف ومش قادره ..شربت حبة الدوا وبعد شي خمس دقايق ماوعيت عشي
...........
جواد: لك ستي هاي نامت البنت
ام جابر: اه نامت لانه الدوا في نسبة منوم منيحة مارح تصحى هلا خليها ترتاح مسكينة وجعها مش سهل
ام جواد: لك الله يكسر ايديه وايدين امه شو هالقلب الي عندهم المفروض يكونوا سندها مش ضدها..
جواد: ههههههه الله يجعلهم سند... صدقيني ياامي لاخليها تشتكي عليه غصب عنها
ام جابر: جواد لاتدخل فيها هاي امور خاصة فيها وهي حره ..بدها تشتكي تشتكي بدهاش بلاش ..
جواد: هي مابتعرف مصلحتها
ام جابر:وانت مابتعرف ظروفها بعدين هي كبيره وواعية بتعرف شو بتتصرف واصحك اشوفك راجع تضغط عليها عشان تخليها تشتكي
جواد: طيب امرك ستي بس روقنا ابو الشباب
جنى: هههههههه جواد صحححيح
جواد: شو بدك؟
جنى:يارا قبل شوي منزله ستوري
ام جواد: شو منزله؟
جنى: منزله كاسة هوت فانيلا تحت الشتا حبيييتتت الاجواء والصوره كتير كيوت والله
اطلع عليها بطرف عينه وحكا: وليش عم تحكيلي؟
جنى : عادي موش هي خطيبتك ؟
جواد بعصبيه: من اليوم ماعادت خطيبتي مفهوم؟
ام جواد:اتخيل بس ابوك يسمعك ..
جواد:يسمع انا ماعاد تفرق معي ..وليكون بعلمك اليوم زتتلي خاتم الخطبه عالارض وراحت
جنى:ييييييي ليش؟
ام جواد:هيك زتته فجاه؟ بدك تقنعني انك مش مدايقها او جارحها بالحكي؟ .
جواد:اميييييي لاحد يتدخل فيي تمام؟ وهالخطبة مارح تتم لو تطبق السما عالارض انا واياها مامنطيق بعض
ام جواد: في وحده تانيه بحيااتك يعني؟
جواد:لا مافي بسس هالبنت مانزلتلي من زور خلص سبحان الله
ام جواد: منك لابوك بتصطفل...
خمس دقايق وكانوا واصلين ..
نزلت جنى ونزلت ام جواد بقيت حنين وام جابر
ام جابر : لك كيف رح ننزلها لحنين؟
جنى:صحيها تيتا
حاولت تصحيها بس ماكانت تصحى لانه الدوا في نسبة كبيره من المنوم .
ام جابر: تعالوا اسندوها معي
قربوا يسندوها معها بس ماقدروا كانت رح توقع
ام جابر: جواد بعينك الله تحملها تفوتها عندي عالبيت
جنى: هههههههه ياي زي المسلسلات
زورها وحكا : ستييييي وحدي.الله بحكي شو قصتك معي اليوم؟ احملها واحملها ... ستي والله الحكي مابجوز حرام....
ام جابر:بعرف والله ويارب يسامحنا بسس مافي حل والله
جنى: خطيبته ماحملها يوم الخطبه بدك اياه يحمل وحده مابعرفها ههههههه
ام جواد:اخرسي وله وانضبييي شوهالحكي..جواد بعينك الله تفوتها عالبيت ..
جواد:استغفر الله العظيم يارب.. يارب تعطيني الصبر وتسامحني عهادالحكي يارب ...
قرب لعندها عالسياره وحملهاا .. كانت كتير قريبه منه دقات قلبه صارت مليون ووتوتر كتير .. كانت خفيفه كتير والطريق طويله بالنسبه اله ماصدق يوصلها ويطلع عبيتهم ...
................
طلعت عالبيت وحكيت لجنى وجود يعملولي عشا ويبعتوه عندي عالغرفة ماكنت حابب اخرج واشوف ابي واحكي معه بخصوص الخطبة لاني كتير تعبان ..
غريبة ماحدا حكا بالموضوع شكلها يارا مش مخبره اهلها هههههه اي احسن ... بكره رح احكي لابي انا واخلص من كل هالموضوع ...مفكريني ولد صغير انجبر ع اشي مابدي اياه صح اني وافقت عالخطبة بس من جواتي ناوي افسخها .... عمري ٣١ مش ابن ٢٠ سنه يخططوا عكيفهم واحنا ننفذ .. حتى يارا مش صغيره عمرها ٢٦ سنة... احنا التنين بالغين راشدين عاقلين...
اتعشيت وبعدها طلعت عالبرندا مع الهوا والجو البارد دخنت سيجاره ورجعت حطيت راسي وبدي انام ...كل مااغمض عيوني واجي انام يمر من قدامي منظر حنين .. وهي بالارض وهي بين ايدي ...افتح عيوني واستغفر ربنا .. بعرف الاشي هاد حرام بس مرات الواحد بنجبر ..
نمت بعد مليون محاوله ....
تاني يوم الصبح صحيت اخدت دش سريع ولبست مشطت شعري وحطيت عطر مسكت مفاتيح السياره وطلعت من الغرفه كان ابي طالع عالشغل الحمدلله .. رحت عالمطبخ كانت امي عم تعمل القهوه
جواد:صباح الخير
ام جواد:يسعد صباحك
جواد:جاهزة القهوه؟
ام جواد:شوية وبتجهز .. بس مارح اشربها هون اليوم
جواد:ولا وين؟
ام جواد: بدي اشربها مع ستك تحت
جواد: هههههه شو هالتغييرات؟
ام جواد: لاتغييرات ولاشي .. رنيت عليها زي كل يوم تطلع تشرب قهوه حكتلي مابتقدر تترك حنين انزلي انتي اشربي قهوه حكيتلها بعملها انا وبنزلها ..
جواد: كتير منيح .. معناها اعطيني كاستي بدي اطلع عشغلي ..
ام جواد:اسبقني تحت وهلا ببعتلك اياها
جواد: لك مامعي كتير وقت ياامي بشربها بالسياره
ام جواد:دوامك ع ٩ والساعه لسا ٨ شو تتاخر ماتتاخر
جواد: مابتعرفي عجقة الطرق يعني؟ بعدين اليوم الشغل لفوق راسي مضغوط رح اكون
ام جواد: طيب انزل صبح عستك واشرب معنا القهوه دايما بتشربها لحالك بعدين ستك حكتلي بدها اياك
جواد: استغفر الله العظيم شو مصبحه تحلم فيي ؟
ام جواد: ههههههه شو عرفني انزل شوفها ..
نزلت لعندها دقيت الباب وفتت كانت ام وائل مبلشه عندها شغل
جواد:صباحوو ام وائل
ام وائل: يسعد صباحكك يارب
جواد: وينها ستي؟
ام وائل:عند حنين راحت تشوفها فوت اتفضل ..
فتت قعدت بالصالون وفتحت جواالي اتصفحه ..
........................
فتحت عيوني عصوت ام جابر عم تخبط عوجهي بهدوء وتصحييني ..
ام جابر:حنين ... حنين ... قومي حبيبتي صحصحي
بلشت اصحصح شوي شوي شوي واتزكر شو صار معي ووين انا ..تجلست عالتخت .. وفركت وجهيي
حنين: صباح الخير
ابتسمت : يسعد صباحك يارب كيف حاسة حالك
حنين:الحمدلله هلا مافي وجع ..
حطت ايدها فوق ايدي وحكت: الحمدلله يلا قومي معي اشربي قهوه هي ام جواد رح تعملها وتجيبها حكيتلها تحسب حسابك ..
حنين: يلاا ..
ام جابر : انا قايمه الحقيني ..
قامت ام جابر وانا قمت صرت امشي شوي شوي وقفت عالمراي كان شعري حالته حاله ووجهي بخوف
(الله لايسامحك ياااكريم الله يكسر ايديك)
مسكت شعري وفردته عكتافي حتى احاول اغطي وجهي فيه ... كان لاخر ظهري وكثيف لونه اسود وساحل .. ضليت بالبجامة الي من جنى هههههه لبست باجري وطلعت .. اول ماطلعت انصدمت من وجود جواد مع سته بالصالون .. هاد شو جابه هلا؟
مصبح يحلم فينا ...
حنين: صباااح الخير استاذ جواد
جواد:صباح النور كيف صرتي
حنين:الحمدلله ..
مشيت عالحمام وغسلت وجهي.... كنت كتير محرجه مش شوي من جواد والي صار كل م اتزكر الي حكالي اياه بنحرج وبنخزي ... كيف رح اقعد قدامه هلا؟
الله لايسامحك ياكريم عالموقف الي انحطيت فيه بسببك ... هاد شكله رح يشرب االقهوه معنا ..
اتنهدت وخرجت وانا قلبي دقااته مليون ..مشيت وقعدت عند ام جابر .. بدون مااحكي ولا حرف
كنت حاسة وجهي باالالوان منه ...
كانوا يحكوا
جواد: اه صحيح ستي ماحكيتيلي شو بدك مني امي حكتلي انك بدك اياني مصبحه تحلمي فيي ههههههه
ام جابر: ههههههه بدي ازكرك بموعد حنيين بالمشفى اليوم عشان تيجي تاخدنا وتوصلنا
يييييي يييي ام الاحراج احرجتني فوق ماانا منحرجه ..
جواد: والله ياستي بعيوني بسس بتعرفي اليوم مضغوط كتير بالشغل مش شوي.. هلا بشفلك جاد
ام جابر: لاااااا دخيلك كلشي ولا جاد مابتعرفه عينه زايغهه هلا يروح يدايقها للمخلوقهه
جواد:ههههههه بهاي معك حق اي ساعه هو الموعد؟
ام جابر: بعد صلاة الظهر
جواد:مااتوقع يزبط معي والله ياستي ..
كتير انقهرت منه وحكيت
حنين:مو مشكله خاالتو بنطلع بتكسي ..
اطلع فيي نظره وزورني .. شغل سيجاره وصار يدخن
صرت اسعل ووجع بطني من السعله يشد علي..
ماقدرت وقمت عالمطبخ .. اخدت كاسة مي وشربتها ..
شوي وسمعت صوت ام جواد فايته ومعها ابريق وكاسات قهوه وريحة القهوه فاحتت بالمكان .. الله عالريحة الي زمان ماشربت قهوه ..
خرجت وصبحت عليها انا وام وائل وقعدنا نشربها
جواد كان ماسك جواله وعم يتصفحه ويدخن ويشرب قهوه وهما عم يحكوا وانا حاسه حالي بعالم تاني كتير كنت خجلانه وانا اعده بين عالم مابعرفهم
..........
اول ماشفتها خارجة من الغرفه وفارده شعرها انصدمت من شكلها رغم الخريطه الي بوجهها الا انه شعرها لفت انتباهي وجذبني الها اكتر استغفر الله العظيم يارب كانت كتير مبينه حلوة ووجها كله براءه . عشان هيك ضليت مركز بالجوال ومارفعت نظري عنه مش ناقصني ... لا ومش حاطه حجاب ....احنا كل بنات عيلتنا حاطين حجاب .... بس رغم هيك حلوة والله واحلى من يارا رغم انها بتلط حالها مكياج هههههه شو عم اخبص انا .. لك شو هاد احسن اشي اخد قهوتي واكملها بالسياره ... اول ماوصلت اتنهدت ..شغلت السياره وطلعت عشغلي وبلشت بالشغل كان كتير علي شغل ومافضيت حتى افطر ماوعيت غير عرنة جوالي كانت امي ...
جواد:اه امي
ام جواد :بتحكيلك ستك بدك تيجي تاخدها عالمشفى ولا تطلب تكسي؟
جواد:ليش اديش الساعة؟
ام جواد:١
جواد:اووف...طيب ماشي ربع ساعة وبكون عندكم ..
اخدت اجازة ساعيه وطلعت ...
ماكنت حابب يطلعوا بالتكسي لانو بعيلتنا عنا سيارات رغم اني مابحب اوصل العيله ومرات مابيجي عبالي بس رغم هيك بوصلهم ازا ماكان ابي او جاد موجودين...
مسكت الجوال رنيت على يارا
جواد:شو وين مختفيه
يارا:ع اساس كتير هامك
جواد:استغفر الله العظيم ..
يارا:شو بدك؟
جواد:شو بالنسبه للموضوع حكيتي مع اهلك؟
يارا:ليش انا بشوف حدا منهممم حتى احكي معهم؟
جواد:طيب شوو رح تعملي؟
يارا:ولاشي رح اخبرهم وازا ماوافقوا بننزل انا واياك عالمحكمه بدون علمهم وبنطلق شو رايك؟
جواد:مش خايفة من اهلك؟
يارا: ههههه شو بدهم يعملولي؟ بعدين موش ليكونوا اهل بالاول ولا سائلين عني؟ لك حتى لما خطبت خطبتي كانت لمصلحتهم الهم مش الي
جواد:طييب خبريهم واحكيلي شو بصير معك انا هلا مضطر اسكر لاني عم سوق
يارا:اوك ماشي ...
سكرت الخط وكملت عالبيت رنيت عستي حتى ينزلوا ...كنت حاطط ايدي عالديركسون وعم خبط باصابعي ومشغل سيجاره ..شوي ونزلوا ...كانت فارده شعرها ولابسه بنطلون جينز وبلوز وجاكيت جلد مش طويل كتير وحاطه طاقية صوف ناعمه عراسها ..طبعا هدول من اواعي جنى وجود ..غمضت عيوني واتنهدت
لك هاي كيف عم تطلع بهيك لبس مابتتخجل يعني؟
شو دخلني انا ؟ بس لازم تتستر ... بس حلوةة رغم سمارها الناعم الا انو في اشي فيها بجذب... استغفر الله العظيم يارب سامحني ...
طلعت هي وستي بالسياره ومشينا طول الطريق واحنا ساكتين انا عم دخن وفكر بموضوعي مع يارا وكل شوي اسرق نظرات ع حنين مابعرف ليش ... انا لازم اخليها تشتكي ع ابن عمها بس مابدي افتح معها الموضوع قدام ستي لانها رح تحكيلي مادخلك وتمنعني احكي معها ....وصلتهم عالمستشفى وبقيت انطرهم تحت ...ربع ساعه ونزلوا كانت تمشي شوي شوي وستي ماسكتها طلعوا بالسياره ومشيت ..
جواد: شو طمنوا شو حكوللكم؟
ام جابر:الحمدلله وضعها منيح بس بدها مراجعه كمان اسبوع واعطوها ادويه..
جواد: تمام ...
.........................
سكرت مع جواد ورنت عقيس طول لرد
يارا: شو وينك مارديت بسرعه؟
قيس: كان عندي زبون
يارا: طيب ازا مشغول بنحكي بعدين
قيس: لا كنت مشغول بس هلا فضيت المهم احكيلي كيفك؟
يارا: الحمدلله وانت كيفك؟
قيس: تمام
يارا: حابة اشوفك اليوم
قيس:لا اجليها هالفتره
يارا:ليش؟
قيس:هيك احسن بلاش حد يشوفنا وانت لسا خاطبة
يارا: مابهمني حدا
قيس: بس انا بهمني
يارا:طيب خلص متل مابدك ...بس حبيت اتصل اطمن عليك
قيس: حبيبتي ..صار معك اشي؟ حكيت لاهلك؟
يارا: لا بركي الليلة حكيت معهم
قيس: بركي رفضوا متل كل مره
يارا: لا هالمره غير كل مره وحياتك
قيس:ان شاءالله انو هيك
يارا:لاتخاف هالمره خلص اعتبرني فسخت
حكت معه شوي وسكرت الخط طلعت لبرا ع امل تشوف حدا شافت امها كانت لابسه وبدها تطلع
يارا: امي بدي احكي معك
ام يارا: شو بدك بدي اطلع
يارا: بخصوص جواد
ام يارا: شو ماله؟
يارا: انا مابدي اياه وبدي افسخ الخطبه
ام يارا:رجعنا لنفس الموضوع؟ ع كل انا مش فاضية هلا بدي اطلع بس ارجع بنحكي بالموضوع
طلعت وسكرت الباب
(هففف هاد ازا مارجعتي متل كل مره ....وحياتك ياامي ويااابي الا افسخ من دون علمكم ازا ضليتوا هيك)
مسكت جوالها ورنت ع ابوها ...
ابو يارا: الوو
يارا: باباا وينك؟
ابو يارا: بالشغل ليش؟
يارا: بدي احكي معك بخصوص جوواد
ابو يارا : ماله؟
يارا: احنا ماعاد بدنا بعض
ابو يارا: كم مره صرت حاكي معك بهالموضوع وحكيتلك تسكريه؟
يارا: بس هاالمره غير كل مره ومارح استنى موافقتكم وبدي افسخ ...
ابو يارا: انا هلا بالشغل بس افضى وارجع عالبيت بحكي معك
يارا: ماشي سلام ..
سكرت االخط (لك كلكم اضرب من بعض مش فاضيين تحكوا معي كلمتين وفاضيين تخططوا مستقبلي ههههههههه)
...............
الي اسبوع عند ام جابر كانت هي وام وائل يهتموا فيي وباكلي وام جواد كانت مرات تنزل ومرات احنا نطلع عندهم والحمدلله خلال هالفتره ماصادفت جواد لانه اغلب وقته بالشغل كنت بس اشوف جنى وجود كتير حبيتهم كانت اعمارهم متقاربه من عمري جنى٢٣ وجود٢٢ ..... جاد ماعمري شفته لانه حسب كلامهم انو صايع ضايع ومن بنت لبنت وياما متطاوش هو وابوه كرمال هالموضوع بس الي في طبع مابغيره...
حسيت اني خلص بكفي اسبوع عندهم وانا من النوع الي مابحب يكون تقيل عحدا .. بحب اكون لحالي وتعودت اعيش لحالي فقررت انيي اعتمد عحالي واشتغل بشهادتي بس المشكلة شهادتي واغراضي كلها ببيت ستي الي المفروض اروح اخدهم هاد ازا ماكبوهم .. انتظرت ام جاببر لخلصت صلاة العصر ورحت لعندها
حنين:تقبل الله
ام جابر: منا ومنك يارب
حنين: خالتو بدي احكيلك انو بدي اروح اجيب اغراضي واواعيي من بيت ستي
ام جابر: والله بخاف عليك تروحي هناك
حنين: شو اعمل اغراضي كتير مهمه الي بالبيت
ام جابر:اغراض شو؟
حنين: شهادة الجامعه ووراقها واواعيي وكتير شغلات
ام جابر: مارح اخليك تروحي لحالك
حنين: مع مين بدي اروح؟ اخد معي جنى وجود؟
ام جابر: لا مابخليكم تروحوا لحالكم بركي اتعرضولك ردوا؟
حنين: ماتخافي علي بروح وباخد اغراضي وبرجع مارح يعملولي اشي ..
قمت البس ولحقتني ام جابر
ام جابر:لوين رايحة؟
حنين: بدي اروح اجيب اغراضي ...
ام جابر: اليوم الجمعه واكيد رح يكون ابن عمك بالبيت
حنين: شو اعمله؟
تركتني ومابعرف لوين راحت وخرجت ... لبست اواعي وجهزت حاالي ورحت عالباب لبست البوط وحطيت طاقية صوف ناعمه عراسي ..
اجيت لاخرج من البيت واول مافتحت الباب تصادفت بجواد .. فكرته جاي صدفه بس بعدين استوعبت انها سته بعتت وراه وحكتله اني بدي اروح ..اول ماشفته رجف قلبي منه مابعرف ليش ..
حنين: اهلا جواد
جواد: لوين رايحه؟
حنين: عندي مشوار ضروري
جواد:ولوين هالمشوار.؟
حنين: حكيتلك مشوار ضروري
رحت يمين راح يمين رحت شمال راح شمال
اتلبكت كتير منه وخصوصي كان واقف قبالي وطوله ماشاءاالله ونا قبااله عباره عن نص شبر 🤣🤣
حنين: استاذ جواد ممكن تبعد عن طريقي؟
جواد:لا مش ممكن وفوتي لجوا مافي روحة؟
حنين: عفوااا؟
جواد: متل ماسمعت
حنين: وانت شو دخلك؟
جواد:حكيت الي عندي ..يلا اتفضلي لجوا ولاتخليني افقد اعصابي
حنين: لكككك انت شو دخلكككك مين انت لحتى تتحكم فيي؟ بعدين انا حره وين مابدي اروح بروح
ام جابر: خلص فوتي حنين ...
حنين:انا بدي اروح لانو الاغراض كلها بدي اياها وضروريه
ام جابر: احنا بنجبلك اياهم بس انت فوتي
حنين: ماحد رح يعرف وين حاطة كل اغراضي ..
قدم خطوة لقدام باتجاهي واضطريت ارجع ..
صار يقدم وانا ارجع لفتت جوا ..فات وخبط الباب ..
كنت كتير معصبه من اسلوبو وتدخله فيي من وين لوين لحتى يتدخل ؟
حنين: خالتووو ام جابر انا بدي اروح
ام جابر: بعيوني بجبلك كل اغراضك بس مو اليوم
حنين:ولا ايمتا؟
ام جابر: ليوم يكون وقت مناسب هلا الوضع مش كتير بينكم
حنين: ع اساس رح يتحسن الوضع بيني وبينهم؟
ام جابر:فوتي اعمليلنا قهوه من بين ايديك الحلوين
حنين: يعني عم تسكتيني؟
ام جابر: هلا هيك الي بطلب منك طلب؟
رحت عالمطبخ اعمل قهوه وبدي انجلط كتير مش شوي
مابعرف ليش هيك عملت .... سمعت صوت ام جابر من بعيد بتحكيلي (وطي عالقهوه ماتعمليها هلا انا طالعه شوي فوق وجايين )
وسمعت صوت جواد من بعيد بحكي(واصحك تفكري مجرد تفكير انك تخطي خطوه برا الباب عبين مانيجي تمام؟)
حكوا هيك وطلعوا ...مابعرف لوين راحوا وانا مابكزب عليكم كتير خفت من تهديد جواد ...بقيت بالمطبخ قررت اعمل صحن سلطه لام جابر للعشا لانها كتير بتحبها وام وائل كل يوم بتعملها اياها بس لانه االيوم الجمعه معطله ام وائل قررت اعملها اياها عبين ماييجوا...
................
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`