الفصل 1
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم عوض_قلبي`*
*❴🔢❵الـــبـــــــــــ❴1️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
Stories 📖:
الجزء الاول
رايحة جاي بالصالون وعم تخبط ايديها ببعض بعصبيه
وتحكي
ام كريم : هلااا بتخلوها تطلع من البييت انا بديشش اياها تبقى عم تفهموا؟
كريم: وين بدها تروح طيب؟ بالنهاية هاي بنت ومابتقدر تعمل اشي
ام كريم بعصبيه: بكرههااااا خلصصص وين مابدها تروح تروح بس ماتفرجيني وجهها هي ستك وماتت عند مين بدها تبقى ؟
كريم: اعطيني بس شوية وقت وبنخليها تطلع غصب عنها بس هديلي حالك شوي
ام كريم وهي عم تبكي: هلاااا بدي اياها تطلع مابدي تبقى دقيقه بهالبنايه عم تفهممممم؟ مارح استنى ولا شوي
كريم: لككك امييي شو صرلككك ستي مالهاش اسبوع ميته وصرتي بدك تطلعيها من البيت شو بدهم يحكوا العالم؟
ام كريم: مابهمني حكي العالم كله انا هالبنت من يوم مااجت عهالدنيا وجابت معها المصايب وجهها وجه الشؤووم ... خلصصص انا رح انزل طالعها من البييت
حطت عراسها واجت تخرج من الباب ركض لعندها كريم ومسكها من كتافها
كريم: امي اهديي مش هيك الامور بتصير
ام كريم: كريم حل عنييي واتركنييي اتصرف عكيفي وانت لاتدخل
فتحت الباب وخرجت لحقها كريم عالدرج ونزل وراها وهو عم يناديي عليها بسس هي مطنشة وصلت الباب وصارت تخبط وتصرخ :اطلعيييي ...وينككككك ماعاد الك قعده بهالبيت ..
.......
كنت اعده وصفنانه بال ولاشي بعد موت ستي وعم افكر شو بدي اعمل ؟ وشو رح يصير فيي؟ كنت كتير خايفة من الي جاي وعارفه انو ماحد رح يكون معي وانو الكل حيكون علي لانه اصلا ماعمره حد حبني منهم وطول عمري بحس حالي غير مرغوب فيي عندهم ومنبوذه وبحسسوني اني ناقصة واني ولاشي وهاد الشعور الي تركوه جواتي ضل مرافقني كل حياتي وكرهوني حياتي وخلوني احس انو انا السبب بوفاة امي ... انا حنين عمري حاليا ٢٥ سنةة كنت عايشة طول وقتي عند ستي من اول مااجيت عالهدينا ببساطه لانه كلهم رموني بعد موت ماما هههه امي توفت وهي بتولدني ومن وقتها ابي ترك البلد وسافر وماشافني ولا حتى لمحني لانه حس اني انا السبب بموت ماما و لانه كان كتير يحب ماما واخدها بعد٧ سنين حب ولما حملت ماماا تعبت بالحمل والدكتور وقتها حكالها انو الحمل خطر عليها ولازم تجهض بس هي اصرت انها تتمسك فيي وياريت ردت عالدكتور وخلتني اموت ولا اجي عاالدنيا ..
لما سافر ابي وتركني اقترحوا عخالتي ام كريم تاخدني وتربيني عندها مع ولادها بس رفضت وحكت انها مابدها اياني لانه انا السبب بموت توأمها امي ..كانوا توأم و٢٤ ساعة مع بعض حتى لما تزوجوا تزوجوا اخوه توأم ... ومن وقت مااختها توفت وهي مش طايقتني بالمره ونسوان عمامي التانيين اصلا بغير مدينة ساكنين ومامنشوفهم غير بالمناسبات وهيك ستي ربتني لحالها وتعبت عليي كتير مش شوي وحنيتها كانت كتير علي وعوضتني عن كتير شغلات وعمرها ماحسستني شعور بشع ودرستني جامعه من مصاريها وباعت كم قطعة ذهب حتى تكمل تعليمي كانت مستعده تعطيني عمرها بس ماتشوفني زعلانه كانت تحكيلي مااهتم بالعالم وكلامهم وانو امك توفت قضاء وقدر مش بسببك بس انا من جواتي كنت مقتنعه اني السبب ومن كتر م انا كرهت حالي بسبب الناس قررت اني مااتزوج حتى مايصير فيي وفي بنتي نفس ماصار فيي انا وماما
ههههه مع انه تفكيري غلط بس خلص الاشي صار فوبيا عندي .... بيت عمي طبعا معاملتهم معي بالمره خصوصي خالتي ام كريم وعمري ماحسيتهم بحبوني ..
عيلتهم مكونه من ام كريم وابو كريم وابنهم كريم ٢٨ سنةة ورهف ١٨ سنةة وعلا ١٧ وعلي١٥
قطع تفكيري وصفنتي صوت خالتي وهي بتصيح وبتخبط ... اتنهدت واستجمعت قوتي وانا من جواتي برجف رجف بسس مارح ابينلها ..
مشيت باتجاه الباب وفتحته كانت واقفه ووكريم واقف وراها
حنين: نعم خيير ؟
ام كريم : من وين بدو يجي الخير وانت موجوده هون ؟ هلا بدك تضبي اغراضك وتطلعي عم تفهمي؟
حنين: لا ماعم افهم ومن هون مش متحركة وين بدي روح بحاالي.؟
ام كريم : على جهنم الحمرا المهم مااشوف خلقتك
حنين:والله مش مضطره اطلع واختفي من وجهك عشان حضرتك مابدك تشوفي خلقتي
ام كريم:انا اتحملتك كرمال ستك بس هلا ستك بحح راحت الله يرحمها
حنين:اي ان شاءاالله تلحقيها(مابعرف بوقتها كيف حكيت هيك بس من كتر قهري منها وحكيها الي بجرح)
ماوعيت غير ع كف قوي بنص خلقتي
كريم بعصبيه : اخرسيي ولييييييي عم تدعي ع امي؟
مسك شعري وصار يشد فيه بكل قوته ..صرت ادفشه وابعده عني بسس هو ماسكه بكل قوه
وعم يطلع فيني وعيونه كلها عصبيه وحاسسته عشوي رح يقتلني كنت ارجف رجف من الخوف
حنين: بعد عنيييييييي عم توجعني ..اترك شعري
كريم: انت وحده قليلة ترباية ماحد.عرف يربيك وانا الي بدي ربيك وربي العالم فيكي
فتحت عيوني واطلعت فيه بتحدي وقوه عكس الخوف الي جواتي
حنين: انا مربيه اكتر منك وازا بتحب بعلمك كيف العالم بتربي مزبوط
كريم: شو قصدك ولي ؟ انو امي ماعرفت تربي؟
حنين: هههههه هيك الظاهر ..هي اصلاا ماعرفت تربي حالها حتى تربيك
ماوعيت عليه غير زتني عالارض ونزل فيي ضرب وخبط باجريه عليي عظهري وبطني اكتر شي وعكل مكان بجسمي وانا اصرخ واحاول اقوم بس هو يرجع يزتني ويضرب ..قرب عندي ومسك راسي ورفعه عن عالارض مسك شعري بكل قوته وشده بعدها مسك وجهي وضربني كف من قوته خبط راسي بالارض ونزل الدم من وجهيي .. امه كانت تصرخ وتحاول تبعده عني بس هو كان متل المجنون مش شايف اشي غيري ...
ضل يضرب بكل قوته لحد ماحسيت الدنيا دارت فيي وغبشوا عيوني وبطلت قادره اتحرك .. نزل لعندي واطلع فيي بنظرة حقاره وحكالي: معك بس ساعة بالكتير بتضبي كل اغراضك وبتطلعي من هون عم تفهمي؟ والا ساعتها حتشوفي اشي تاني مايعجبك ... انا طالع هلا وبس ارجع مابدي اشوف الك اثر هون عم تفهمي؟ الظاهر انو لسانك صاير طويل وانا رح اقصلك اياه
تركني هو وامه وطلعوا ...غمضت عيوني وحاسة كل جسمي مكسر وبوجعني مش قادره اتحرك ماعرفت شو بدي اعمل ووين بدي اروح ماكان خاطر عبالي وقتها غير ام جابر بتكون اخت ستي الله يرحمها ستي كانت كتير تحكيلي ازا بيوم صرلي اشي بتتواصلي معها ..
ووقتها اعطتني رقمها ويوم عزا ستي اجت وكانت معي كل ايام العزا... صرت ااشحط حالي شحط باتجاه الطاوله ومديت ايدي بصعوبه وطلت رقمها ونا يادوب شايفه بعيوني من الغباش ..كبست ع اسمها وايدي برجفوا ورنيت عليها ..
اول ماسمعت صوتها صرت اعيط وحكيت بصوت يادوب مسموع
حنين:خالتيييي اا اانا حننين الحقيني ضربنييي ...
ام جابر:شوووو ؟ مين ضربك وشو صايرلك ؟ وين انت؟
حنين:انا بالبييت الحقينيني تعبانه كتير
حكيت هيك وبعدها ماحسيت عشي
..........
اعد مع خطيبته تحت الشجر وعم يدخن ويفكر بالمسخره الي معه مش طايقها بالمره بسس مجبور عليها بسبب ابوه ....بقلبه(اوف الله يخلصني منك ع اهون سببب وبعدين يعني لايمتااا ياجواد حتضل متحمل؟)
يارا: جواد ....وين شارد؟
شف اخر شفه من السيجاره وزتها عالارض قام ودعس عليها بطرف رجله وزبط قميصه وحكا بدون مايطلع عليها
جواد:يعني مابتعرفي انسه يارا؟
وقفت وهي عم تنفض اواعيها من الغبره ومشيت باتجاهه بغيظ وقهر قربت عنده ومسكت قبة قميصه وحكت
يارا:رجعنا لنفس الموضوع ؟
جواد:ليشش احنا في عنا غيره لهالمووضوع ؟
يارا:هف طييب انا شو دخلنييييي ؟ يعني ع اساس انا مالي مجبوره متلك ؟ بس عالاقل انا بحاول اتقرب منك بس انت لا ..ماعمري حسيتك بتحاول دايما مسكر الباب بوجهي
مسك ايدها ونزلها عن قبة قميصه وحكا بعصبية مكبوته : حلوو .. مدام عارفة هالحكي لي عم تحاولي تتقربي مني؟
يارا: خطبة وانكتبت علينا اكيد لازم احاول اتقرب منك واتقبل الامر الواقع ... لانه ابوك وابوي مش رح يرضوا نفسخ الخطبة بتوقع
جواد: بس انا مالي متقبل الامر الواقع ولا رح اتقبله يكون بعلمك وانا رح اعمل المستحيل حتى افسخ هاي الخطبة ..
يارا وحست كرامتها انجرحت مسكت االخاتم وزتته عالاارض وحكت بكل هدوء :ليش لحتى تعمل المستحيل؟ انا رح ريحككك ومن هلا بحكيلك بالناقص منك ومن هيك اشكال متعجرفه ونرجسية ... واحد مغرور
اجت لتمشي بسس مسكها من زندها ورجعها بقوه لخبطت فيه حكا بكل هدوء : هاد الاسلوب مش معي تمام؟ وبترجعي متل الشاطره بتلبسي الدبله لانك اكيد عارفه شو رح يعملوا اهلك ازا عرفوا انك زتيتي الخاتم بهالسهوله صح؟ هههههه مفكره الموضوع هيك بهالسهوله؟ لو انه بهالسهولة كان زمان خلصنا ..
اطلعت فيه بنظرات حقد وحكت
يارا:والله لو تطبق السما عالارض مارح ارجع البسه وخليهم يعملوا الي بدهم اياه بطلت فارقة معي ..
لانه طاقة التحمل عندي صارت صفر ... بدك اياني ارجع البسه لانك خايف ههههه
نترت ايدها بقوه وسحبت حالها وطلعت برا البيت وراحت ... نزل عالارض وطال الخاتم فرك جبينة بتوتر كبير وحس حاله انخنق لانه عارف شو رح يصير فيه اتنهد وطال تاني سيجاره وشغلها وصار يسحبب ويفكر شو بدو يعمل لانه الموضوع مارح يمر عخير
قطع عليه تفكيره صوت سته وهي خارجة ولابسه حجابها باتجاه االبوابة الكبيرره كان باين عليها مستعجله ومتوتره راح باتجاها ووقفها صووته
جواد:ستي لوين رايحه؟
ام جابر:جواد!!منيح لقيتك تعال وصلني بسرعه مستعجله
جواد:لوين رايحه ؟
ام جابر:امشي هلا وعالطريق بحكيلك
جواد:يلااا
شغل السياره وطلعوا
جواد:ماحكيتيلي لوين رايحة؟
ام جابر: لعند حنين
جواد:ومين هاي حنين؟
ام جابر:لكك هاي بنت ابنها لام احمد
جواد:اه هاي الي كانت عايشة عندها
ام جابر:هي بزاتها
جواد:طب شو صاير وليش هيك طلعتي مستعجله مش فاهم
ام جابر:والله مابعرف اتصلت فيي ويادوب حكت كلمتين انا تعبانه الحقيني ضربوني وسكرت الخط
جواد:شو بدو يكون مالها يعني؟ ومين بدو يضربها؟
ام جابر:والله مافهمت منها اشي بس شكله صاير اشي معها
كانت المسافة تقريبا بين بيتهم وبيتها عشر دقايق طول الطريق كان ساكت وعم يفكر بيارا وموضوعهم وشو رح يصير
ام جابر:وصلنااا
جواد:ستي انزلي وانا بستناك هون
ام جابر:لا شو انزل لحالي انزل معي لانه مابعرف شو صاير بعدين مش حابة اشوف حد منهم انزل معي برضاي عليك
جواد:مع اني مش حابب بس رح انزل كرمالك
نزلوا من السيارة وطلعوا عالبناية واول ماوصلوا الشقة واجوا يدقوا الباب لقوا الباب مفتوح قربت ام جابر وفتحته عالاخر وفاتت واول مافاتت شهقت من المنظر كانت واقعه بالارض وشفتها كلها دم ووجها ازرق ومنفخ من الضرب والكفوف اجت لتصحيها بس لقت تحتها بركة دم صارت تصرخ متل المجنونه
ام جابر:جوااااد جوااااد خلينا نلحقها عم تنزف هلا بصفى دمهاااا
كان متلبك كتير مش شوي ومصدوم من الي شايفة مش عارف شو يعمل
جواد:ستيي شوو اعمل ؟
ام جابر:احملهااا ونزلها عالسياره بسررررعه
جواد:لك ستي كيف بدي احمل بنت حرام
ام جابر ودموعها عوجها:ستي كرمال الله البنت رح تروح من بين ايدينا ..الامر مضطر انو تساعدهاااا مافي وقت
جواد:طيب طيب بس اهدي شوي ستي
قرب لعندها وهو متوتر ومنحرج من الموقف وحاسس ايديه مربطة حملها بصعوبة ودقات قلبه صارت مليون ونزلوا عالدرج ركاض كانت بين ايديه ومش حاسة ع اشي ووجها اصفر طلعوها بالسياره وصار يسوق باقسى سرعة حتى وصلوا عالمستشفى نزل من السيارة وراح باتجاها وحملها وركض فيها لجوا وصار يصرخ عحدا يجي يشوفها لحتى اجتمعوا الممرضين والدكاتره اخدوها عالغرفة يشوفوهاا ..
ام جابر كانت اعده ومتوتره عم تدعيلها مسح جواد وجهه بايديه وراح لعندها
جواد:ستي شووهاد ؟ شو صاير معها؟
ام جابر:مابعرف بس اكيد هدول دار عمها الي ضربوهاا فش غيرهم
جواد:وليش لحتى يضربوها ؟
ام جابر:بحكيلك قصتها بعدين مش قادره احكي اشي بس ادعي الله يستر
جواد:ان شاءالله خير بس تصحى رح اجيب عنصرين شرطة واخد اقوالها مارح اخلي الموضوع يمر هيك مرور الكرام
هزت براسها ام جابر شوي وخرجت ممرضه باتجاههم
الممرضة:مين الي عامل فيها هيك؟ رح يتحاسب لانه الموضوع هلا رح يكون في شرطة
ام جابر:شو وضعها طمنيني.؟
الممرضة:صاير معها نزيف بالرحم ورح ندخلها عالعمليات نوقف النزيف وبس نخرج رح نفهم مين عامل فيها هيك وضاربها ..هي خبرنا الشرطة
جواد:عفكرا الي قدامك بكون عقيد بالشرطة ياحضرة الممرضة
الممرضة:عفوا بعتزر استاذ ماكنت بعرف
جواد:هي اعرفتي وهلاا روحي شوفي شغلك وماتكتري اساله
الممرضة:عن اذنك
تركتهم وراحت
قعدت ام جابر عالكرسي وهي عم تبكي عليها وعلى حظها لانها عارفه كتير انه هالبنت مسكينة طول عمرها بس انه توصل معهم يضربوها بهالوحشية ماتوقعت
جواد:بس تصحى رح اخد اقوالها ولازم تشتكي عليهم حتى يتحاسبوا ...ستي انا نازل ادخن سيجاره تحت بس يخرجوها من غرفة العمليات خبريني
طلع يدخن وبقيت ام جابر اعده تستغفر وتذكر الله كتير ...مر تلت ساعه وخرجوا من الغرفه اتوجهت عندهم وصارت تساالهم عنها
الممرضة:الحمدلله قدرنا نوقف النزيف ونسسيطر عليه وهلا وضعها منيح بس يروح المخدر عنها رح ننقلها للغرف جوا
ام جابر:ماشي بنتي يعطيكم العافية
الممرضة:الله يعافيكي
................................
فتحت عيوني بصعوبة وحاسة كل جسمي مكسر وفي وجع ببطني مش طبيعي مابتزكر اشي غير اني حكيت مع ام جابر وبعدها غيبت عن الواقع صرت اصرخ
(اااااااااخ بطنيييييييييييي مش قادره ...ااااااااااخخخخ)
فاتوا لعندي ممرضتين وام جابر
الممرضه:بشو حاسة؟
حنين:بطنييي مش قادره حاسسته بتقطع تقطيع اااأاااخ يابطنييييييييي
الممرضة:اهدي رح نعطيك مسكن وهلا بتهدي عليه
اعطتني ابره بايدي وطلعت ....
قربت لعندي ام جابر وقعدت
ام جابر:الحمدلله عسلامتك
حطيت ايدي ع جبيني وغمضت عيوني
حنين:الله يسلمك بس شو صار؟ انا ليش هون ؟
ام جابر:ارتاحي هلا وبعدين بتسالي
حنين:ضربنيييييي الله يكسر ايديه
ام جابر:ماتحكي اشي هلا بس ترتاحي وتكوني منيحة بتحكي كل اشي
نزلوا دموعي وصرت اتزكر كيف هجم علي وضربني بوحشية كبيره ..كانت اول مره بحيااتة بضربني هههه مااتحمل اطول لساني واقلل ادب مع امه بس خليها بتستاهل ...
..............
اول مابعتتلي ستي رساله انها صحيت زتيت السيجاره وطلعت لعندهم عالغرفه دقيت الباب وسمعت ستي بتحكيلي افوت ..
اول مافتت شفتها متمدده ومغمضة عيونها ودموعها بنزلوا بدون صوت .. قطعني قلبي عمنظرها مين اله قلب يعمل ببنت هيك؟
بس سمعت صوتي فتحت عيونها واطلعت عليي ورجعت بسرعه غيرت نظرها ..
قربت لعند ستي وقعدت سندت ايدي التنتين تحت دقني وحكيت
جواد:كيف صرتي انسه حنين؟
اطلعت في ستي بنظرات كلها تساؤول ابتسمتلها ستي وحكت :هاد جواد ابن ابني ..هو الي جابك لهون
هزت راسها واكتفت بالصمت
جواد:ماحكيتيلي كيف صرتي ؟
حنين:الحمدلله
جواد:قادره تحكي؟
ام جابر:جواد مش وقته
جواد: ستي خليني اكفي شغلي بعد اذنك
ام جابر:بس ياجواد ..
جواد: ستيييي كرمال الله انا بعرف شو بعمل
مسكت جوالي وحكيت مكالمه ( اه اطلعوا عغرفة ٣ الطابق التاني هيني بستناكم معكم بس خمس دقايق سلام)
.........................
ماسكة جوالها وعم تحكي مكالمه
يارا: اي قيس خلص زتيت الخاتم بوجهه اليوم
قيس:ههههه وكيف اجتلك الجرأه تعملي هيك؟
يارا: عم تتمسخر يعني؟
قيس: هههههه لا بسس حد علمي انو خلص اموركم خالصة وحتبلشوا تجهيزات عرس
يارا: اي الله يجعله عرس ان شاءالله ..
قيس: هههههه طيب وشو رح تعملي هلا؟
يارا: رح احكي لاهلي كل كلمه حكالي اياها ورح احكيلهم خلص ماعاد قادره اكفي معه
قيس: هههههه اه وبكره بسكتوك بكلمتين وبترجعي زي التوتو عنده
يارا بعصبيه: قيس خلص الحق مش عليك الحق علي الي حكيتلك اصلاااا باييي ..
سكرت الخط بوجهه ونفخت
(هففف ناقصتك انت التاني ... الليل لازم انهي كل هاالقصة ..ماناقصني غير اشكال جواد بيك محمل حاله جميله عليي .. وغير هيك شوفة حال مش طبيعيه مفكر قاتله حالي عليه مابعرف اني كل هالفتره بحاول ابين اني مهتمه فيه بس انا من جوا مش طايقه اسمه حتى .. انا بدي انهي كل اشي وارجع لقيس الي انحرمت منه بسبب جواد )
وقفت عالمراي وصارت تمسح بالميك اب وتمشط شعرها وتفكر شو رح تعمل الليل مع اهلها ...
..............
اول ماشفته فات الغرفه استغربت مين هاد الشب ولما ام جابر حكتلي انو ابن ابنها وانو هو الي جابني عالمستشفى كتير انحرجت مش شوي ....
حكا مكالمه وبعد اقل من خمس دقايق فاتوا شبين طول بعرض ولابسين لبس شرطة انا هون زادت دقات قلبي وخفت لانهم اكيد جايين ياخدوا اقوالي عالي ضربني ووصلني لهالحاله ...قام جواد من عند سته وحط ايديه بجيابه وصار يمشي باتجاهم ..
وقف قبالهم ولف وجهه واشر علي ..
جواد: هاي هي الصبيه اتفضلوا معي ... محمد افتح المحضر وانت الحقني احمد
مشي هو والشرطي اتجاهي جابوا كرسيين وقعدوا
جواد: اي انسه حنين فيكي تحكيلنا الي صار معك بالتفصيل؟
وقتها خفت اشتكي عكريم لاني انا مش قد دار عمي ومابدي مشاكل بكفيني الي شفته منهم وهلا اجي اشتكي عليهم؟ مستحيل احكي او اشتكي .. مش ناقصني مشاكل او كريم يئذيني
اخدت نفس وحكيت بصوت تعبان
حنين:انا انا كنت ماشية وفجأه كاحل اجري انلوى ووقعت عليه وكانت الطاوله قدامي خبطت فيها لما وقعت وبعدها ماصحيت ع اشي
جواد وهو بهز راسه وبطلع بعيوني بنظرات بتخوف: حلووو ... شو بدك تكزبي وتألفي كمان،؟
فتحت عيوني عوسعهم مصدومه
حنين:عفوا؟ شو قصدك؟ انا كزابه؟
جواد بعصبية : اي كزابة ...مفكرتيني ولد صغير نازله تحكي قصة مابتفوت العقل .... احككييي مين ضربك بالحسنى احسن مافرجيك وجهي التاني
حنين: وانت شو دخلك؟
ماكنت بعرف وقتها انو هو عقيد بالشرطة لما حكيت هيك زادت عصبيته وقرب لعندي ووقف قريب كتير عليي وانحنى باتجاهي ووجهه مواجه وجهيي بشكل قريب ...غمضت عيوني بخوف ونزلوا دموعيي ..
جواد: يابتحكي بالحسنى شو صار معك يااما رح استخدم اسلوبي التاني الي بستخدمه مع كل الي بحقق معهم فاهمه؟
ام جابر: جواد خلص خف عالبنت لاتخليني اعصب عليك واندم الي اجيت معك
جواد: ستي ازا سمحتييي ...
وانت انسة حنين شووو ؟
فتحت عيوني شوي شوي وكان لسا وجهه مواجهه وجهي ونظراته كلها بتخوف عصبية مع قسوه ..
حنين: رح احكي بسس مو هلاا
مسحت دموعي واجيت اقوم بسس حاصرني ورجع وقف قبالي وحكا بعصبية
جواد: لوين رايحة؟
حنين: بدي اروح اغسل وجهي
جواد: اي اقعدي ومارح اسمحلك تروحي مكان غير لتحكي .....
ام جابر : جواد شو صرلك؟ البنت مش قادره تحكي حرف اتركها براحتها جنيت انت؟ بس ترتاح بنسمع منها بس مش بهيك وضع ....
طنش سته وكمل حكي
جواد: يلاا اقعدي واحكي كل اشي
حنين: رح احكيي بسس بدون محضر
جواد: وشو بتستفيدي؟
حنين: وانت شو بتستفيد لو حكيت بمحضر؟
حسيته عصب كتير من سؤالي وكان نفسه يقتلني مابعرف ليش هيك بتدخل فيي او شو هالاسلوب الي بتعامل فيه معي ونا مابعرفه كان كتير مستفز ..انتبهت ع ايده لابس خاتم بايد اليمين معناته خاطب ايي الله يعين خطيبته ع هيك اشكال صح حلو كتير وشخصيه بس كتير زنخ وعصبيييي...
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`