الفصل 3
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم أجهاض_مبكر`*
*❴🔢❵الـــبـــــــــــ❴3️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
Stories 📖:

اجهاض مبكر٣
#قصة #أجهاض_مبكر للكاتبة #مايا_الحجازي
القسم الثالث
دخل لعندي لجين وهي اول مرة بقرف منو هيك مسكلي ايدي وباسها
الدكتورة لازم تهتم بغذاءها هاليومين مع راحه تامه لا تشيل اي شي ثقيل او يتعبها
لجين:حاضر دكتورة
الدكتورة:ازا صار اي نزيف لازم دغري تسعفوها على اقرب مستشفى
لجين:ليش دكتورة
الدكتورة:مرتك حجمها صغير رحمها لساه طفولي والجنين كان عايش وبصعوبة لقدرت اجهضها اضطريت قصلها من بطانه الرحم الوجع راح يكون صعب عليكي بس هيك رغبتكن انتي وياه الله يعوض عليكي
لجين:....
الدكتورة:ساعدها لحتى تلبس اواعيها دير بالك عليها
نفرت بسرعه منو وما قبلت حط ايدي بايدو تجلست بصعوبه لحتى جابتلي اواعيي السكرتيرة فكرني تعبانه هو مشيت شوي شوي لوصلت على مكتبها كانت عم تكتبلي على راشيته
الدكتور:لبعد ساعتين لا تشربي مي اضطرت خدرك تخدير كامل وممنوع تجيبي سيرتي اني عملتلك اجهاض هي انتي وجوزك مسؤولين على هالشي رغم اني شاكه انو مافي صله بينكن
لجين:والمطلوب هلا
الدكتورة:المبلغ الي اتفقنا عليه
لجين:حاضر
اخد مني المصاري الي جبتهن مع المصاري الي كانو معو دفعهن اعطتني الراشيته وطلعت من عندا وانا عم اسند حالي من حيط لحيط لوصلت لعند السكرتيرة استرحت شوي وشفتو طالع من عند الدكتورة وشكلهن تخانقو بس ما كان الي نفس اسالو ولا حتى احكي معو اجى لعندي ومدلي ايدو ليساعدني ومشينا ودغري كان عم يتصل ب حدا
نجمه:بمين عم تتصل
لجين:صاحب الي ساكن هون
نجمه:فضيحه وعليها شهود
لجين:شهود شو وفضيحه شو
نجمه:ليك لجين واصله معي للسما حل عني
كان عم يحكي على جنب وما بعرف شو صرلي جنيت هسترت من الوجع
ضل واقف حدي وعم يطلع بالشارع لحتى صفطت تكسي حدنا ونزل منها يمكن صاحبو اعطاه مفتاح السيارة ساعدني لطلعت
نجمه:لوين
لجين:بس ترتاحي شوي قبل نرجع ع الضيعه
نجمه:رجعني فورا
لجين:بترتاحي وبرجعك
نجمه:بوشك ع الضيعه بسرعه
لجين:يا ويلي عليكي راس متل الصوان
كان الوجع عم يخليني انفعل غصب عني وابكي هاد اليوم اكتر يوم بستحقر فيه حالي بستحقرو هو كلام الدكتورة منظري وانا عم اجهض ولساتني بنت بيوت على اساس 😢اخ من هالعشيه ومن هالحظ وعلى هالعمر الي بدو يمضي هيك.
مسكلي ايدي وسحبتها منو
لجين:انا معك
نجمه:حاجتك تحكي انا وانا انت كزاب
لجين:ليش هيك صايرة قاسيه
نجمه:انت العبت عليي لعبه ما راح سامحك لجين لاخر يوم بعمري
لجين:شو دخلني انا
نجمه:هس لا تسمعني صوتك ومن بعد اليوم انساني اعتبرني صرمايتك وشلحتها عم تفهم
لجين:وبعدين معك انا بشو وانتي بشو
نجمه:انا بشو يا لجين انا بمنظري الوسخ بتعرف شو انا 😭انا وحدة عاهرة
لجين:خلص خلص اسكتي لا تسمعيني ولا كلمه
نجمه:لا ترفع صوتك علي
لجين:لا تغلطي على حالك بترجاكي والله لنصلح كل شي
نجمه:اخرس يا ندل يا واطي
لجين:شبكي شو صار لعقلك جنيتي
نجمه"لا انا اليوم اكتر يوم بكون صاحيه فيو هيك
لجين:روقي هي بس لانك منفعله
نجمه:شو هاد المكان
لجين:راح ترتاحي هون
نجمه 😡
نزل فتحلي باب السيارة وجابلي الدوا من لصيدليه وخلاني فوت للبيت غصب عني وانا متل لمجنونه
تمددت على كنبايه وغمضت عيوني من الوجع غطاني منيح وقعد حدي
لجين:لا تزعلي انا اسف
نجمه:وين بدي اصرفها هي الاسف
لجين:تحملي كرمالي
نجمه:عم موت والله من وجعي
لجين:سلامتك
نجمه"كانو سكاكين عم تقطع بطني معاد فيني
لجين:في نزيف
نجمه:اي في
لجين:هي الدكتورة بنت حرام
نجمه:ليش
لجين:كيف بتقصلك من بطانه الرحم
نجمه:شو بعرفني انا
لجين:بتشوف والله لخليها تندم
نجمه:لا مشان الله لتروح تفضحني
لجين:انا بحلها انتي شو بدك
نجمه:اخ ...اخ يا امي
جابلي كاسه عصير وشربني هو الدوا
نجمه:خليني ارجع ع البيت السفر بدو ساعه
لجين"الساعه لساها 11
نجمه"دوبنا نوصل
لجين:طيب انتي ارتاحي وانا بصحيكي
ما اقدرت اغفى بس غمضت عيوني كان عم يمسحلي على شعري كل الوقت وانا عم يزيد نفوري منو ماني مسدءة ايمتى اخلص وارجع على بيتي الساعه طنعش طلعنا من البيت وبوشنا ع الضيعه خليتو يتركني بالكراج وارجعت على البيت مشي لحالي وانا ماسكه كيس الدوا وحاطه ايدي على بطني .
دقيت الباب فتحتلي مرت ابي
خالتي:يوووه يا نصرة تعالي شوفي نجمه شبها
اجت ماما وبس شافتني طار عقلا
ماما:شو الي صاير معك
نجمه:تعبانه شوي
فزو اخواتي باربعتهن واجى بابا لعندي انا مشي ما عم اقدر امشي من وجعي والنزيف
نجمه:لا تخافو مافيني شي
مصطفى:شو الي صاير
نجمه:وقعت بالمدرسه من التعب مو اكتر
بابا:خليني اخدك ع المركز الصحي
نجمه:بس لارتاح راح صحصح لا تشيلو همي
مسكني مصطفى من خصري ومسكلي بايدي التانيه وضل معي لحتى هو غطاني
مصطفى:ما على قلبك شر
ماما:من شو تعبتي
مصطفى:كل نهارها عم تركض وما عم تلحق علينا 14 نفر معها حق
خالتي"من هيك معقول
نجمه:هلا بصحصح
ماما"راح حضرلك شي تاكليه
نجمه:😢
تركوني وطلعو وعلى قد ما اتصل فيني لجين ضربت التلفون لصار مية شقفه وتمددت بتعب وكل شوي عم اتوجع حضرتلي ماما الغدا واجت هي اشرفت على اكلي مع خالتي وهنن رتبو المطبخ والب
يت لاول مرة بتاريخ حياتهن وكل شوي اسمع صوت بابا عم يسال عني كيف صرت وكيف صرت ودخلو كل اخواتي يطمنو عليي مشالله كنت عم خربط فيهن على قد مو كتيرين يا حرام بدي حط روسكن بالارض لاخر يوم بحياتكن 😢
ماما:يلا اطلعو من الغرفه خليها ترتاح
تركوني وانا غمضت عيوني لاغفى ما قدرت الوجع كان عم يزيد دخلت ع الحمام وكان النزيف حاد صرت وقت شوف الدم ارجف من خوفي وبلشت ابكي بحصرة وندم بس شو راح يفيد الندم هلا ولاشي
طلعت وانا عم امشي شوي شوي ولسى النزيف عم يزيد تمددت على التخت بدون غطا لاني كل شوي عم فوت ع الحمام ومعاد اقدرت اتحمل وبلشت أتوجع بصوت مسموع اخ ...يا امي معاد فيني ...اخ اخ لحتى اسمعت صوت غرفه ماما عم ينفتح وكمان مصطفى وبابا
بابا:شوفي يا بنتي
نجمه:معاد اتحمل انا راح موت
ماما:من شو
نجمه:سكاكين ببطني عم تقطعني تقطيع
ماما:ليكون....
بابا:ليكون شو احكي
ماما:معذورة انتي
نجمه:اي اي
ماما"وكل مرة هيك بتتوجعي
نجمه:لا هي اول مرة هيك
مصطفى:ما بينسكت على هالوجع لبسيها ماما خلينا ناخدها المشفى
كنت عم سايرهن ضل ماسكني مصطفى لطلعت بالسيارة وقعدت ماما حدي
نجمه:بابا لا تاخدني ع المشفى
بابا:لكن وين بدك تروحي
نجمه:عادي لعند الدكتورة غزل انا بخجل روح على دكتور رجال
مصطفى:معها حق
ما سدءت ايمتى وصلت لعند الدكتورة بنص الليل عندا عيادة ببيتها غرفه للفحص دق مصطفى الباب وانا ضليت بالسيارة من تعبي شوي واجى اخدني هو وماما دخلنا وحسيت انو النزيف كتير كتير حاد هلا دخلت انا وماما لعندا وسكرت علينا الغرفه لبست البدلة البيضا والكفوف تمددت فحصتني ع الايكو
الدكتورة:من ايمتى هالنزيف
نجمه:من المغرب زاد
الدكتورة:نزيف حاد والله
ماما:شو السبب دكتورة
الدكتورة:اجهاض
ماما:😱
انصعقت ماما من الكلمه وبلشت تلطم وصوت ضرب لكفوف عم ترن بادنيي
ماما:شو دكتورة بنتي مانها متزوجه
الدكتورة:شلحي لازم افحصك داخلي
من الوجع كنت عم سايرها فحصتني وكانت مترترة كتير
الدكتورة:مين عاملك العمليه
نجمه:دكتورة مو من هون
الدكتورة:الله يصلحها
نجمه:شوفي دكتورة
الدكتورة:هاد اول حمل الك غلط الي عاملتو فيكي
ماما:لك دكتورة شو هالحكي الي عم اسمعو بنتي لساتها بنت
الدكتورة:هاد الي صاير لا تخافي
ماما:والله اليوم لتتشيع والله ليدبحوها ساعه ما بتضل عايشه
الدكتورة:انا راح اعطيكي ابرة ليوقف هالنزيف ولازم تشربي هاد الدوا صبح ومسى
ضربتني ابرة وتجلست البست البنطلون وشفت دموع ماما وهي مكسورة وعم تبكي
ماما:الله لا يوفقك الله يعدمني اياكي
الدكتورة:هالشي يا ام مصطفى راح يكون بيناتنا مستحيل فرط بالسر هاد
ماما:والحل دكتورة ايدي بزنارك
الدكتورة :هلا خليها تصحصح وبعدها جيبيلي اياها انا بعمللها عملية ترجع بنت متل اول
ماما:ولي على قامتك يا نصرة
الدكتورة:بنتك مو اول بنت هيك بيصير معها هاد نتيجه اهمالهكن الها عدم النصيحه ولازم اي بنت بعمرها يكون عندها ثقافه عامه
ماما:ثقافه شو
الدكتورة:يا مدام اي بنت بعمرها بتنجر لعواطفها بنتك اكيد شافتلها شي حدا عوضها كتير شغلات ناقصاهتخا انا ما عم شد على ايدها بس انا عم احكيلك اياها على بساط احمدي ...عليكي العافيه
كانت عيونها عم يصبو غضب وبس طلعنا روقت وضحكت ضحكه صفرا
مصطفى:شو طمنونا
ماما:تسمم مو اكتر
بابا:من شو
ماما:من المي اكيد
مصطفى:اهمشي راح الوجع
نجمه:اي دغري راح
ركبنا سوى ومن الشباك شفت لجين واقف على جنب وعيونو علينا ودغري نزلت راسي وطلعت ب اهلي وشفت ماما عم تمسح دموعها مكسورة من عملتي دخلوني للبيت كانت مرت بابا ناطرتنا على نار ودغري ماما حكتلها متل ما حكت ل بابا اطمنو علي وعملولي كاسه زهورات وتوزعو لغرفهن وانا وقفت لشوف لجين اكيد واقف قريب من البيت لمحتو عم يتمشى وانا ما قبلت فرجيه حالي خليه يقلق عليي ولا بس شاطرو ياخد كلشي بدون ما يحس بذنب .
بنص الليل اجت لعندي ماما وحاطه الشر بين عيونها قعدت قبالي ع التخت واطلعت فيني
ماما:مين هو
نجمه؛....
ماما:احكي وليه
نجمه:بهمك تعرفي
ماما:بدي امسح فيه الارض
نجمه"برضايي كنت عم نام معو
ماما:وعم تحكي بوقاحه معي
ضلت عم تضربني كفوف يمين شمال لحتى خلتني ابكي
ماما:مين هو
نجمه:لجين ابن ام محمد
ماما:😲استاز المدرسه
نجمه:اي هو
ماما:كيف ليكون ضحك عليكي
نجمه:ما بعرف ليش طاوعتو كان دايما يطلع عليي باعجاب ويتاملني ومرة بالصدفه التقيت فيه قدام باب بيتو كنت ناطرة عزة وطلعلي هو ضل عم يحكي معي وبتقرب مني لحتى انكسر حاجز الطالبه والاستاز الي بيناتنا ومرة على مرة قررنا نشوف بعض ببيتو وتاني لقاء كان كتير حميم عوضني حنانك الي انحرمتو من سنين كان كانو اب واخ وام كان حنون ودافي ومتفهم
ماما:من زمان
نجمه:من سنه
ماما:الله يعدمني اياكي اي
نجمه:انتي السبب
ماما:الله لا يسامحك
نجمه:شو بدك تعملي
ماما:شو بدي احكي هاد رجال على اساس قدوة ومثقف وناوي صحيح يتزوجك
نجمه:ما بعرف
ماما:المشكلة لفضيحه ومستحيل اخواتك وابوكي يسكتو الا ما يصير جريمه ويروح واحد منهن عندي ظفرهن بيسواكي
نجمه:😔
ماما:
انقبري وانا بشوف حل يريحنا
طلعت وتركتني ابكي .
▪▪▪▪▪▪▪▪
بعد اسبوع صحصحت المدرسه تركتها وبلشت بالعيلة كالعادة خدامه ببلاش على طبخ ونفخ وجلي وغسيل وكوي هيك لحتى حط راسي بدون ما فكر بحدا لليوم الي اجو لعنا ضيوف وانا عم جهز القهوة دخلت خالتي وماما لعندي
نجمه:شوفي
ماما:البسي خولة خانوم جايه مخصوص لتشوفك لابنها لجين
نجمه:😒
خالتي:حركي لساتك بمكانك
نحمه:لابسه شو بلا اواعي انا
خالتي"لا البسي فستان مرتب وانا راح اعملك شعرك بسرعه
راحت ماما لعند الضيفه وانا خالتي جهزتني وانا ما الي نفس لا فيه ولا بامو ولا بكل هالخطبه دخلت عليهن كانت نفسيتها حامضه وماما خجلانه يا حرام منها بتفكرها معها خبر طلبتني بشكل رسمي وماما خبرتها انو الكلمه الاولى والاخيرة ل بابا بعد ما راحت اجتمعو كل اخواتي وبابا وانا بالمضافه ودغري ماما خبرتو والعيون كلها عليي
بابا: للاستاذ
ماما:اي والله
مصطفى:لجين مافيو منو
خالتي:وخولة خانوم
ماما:شو قلت ابو مصطفى
بابا:شو يا نجمه هاد الاستاز معجب فيكي بيدرس عليكي
نجمه:اي
مصطفى:اي ما حدا قدك لكن
بابا:شو بابا موافقه
نجمه:الي بدكن اياه
ماما:شو الي بدنا اياه انتي بدك استازك
نجمه: 😟
بابا:لا تخجلي احكي
نجمه:الي بدكن اياه
خالتي"خلص موافقه انا عنها
بابا:شو نجمه
هزيتلو براسي بدون نفس
نجمه:بس بشروطك بابا بدي تطلب منو مهر كتير كبير ليعرف انو انا ماني رخيصه عندو وبدي البس دهب ب مليون ليرة
بابا:اوف
نجمه:اي هاد شرطي
بابا:متل ما بدك
نجمه::ومأخري مليونين
مصطفى:شو من ايمتى العروس بتشرط هيك شروط
نجمه:انا هيك بدي وما بدي خطبه دغري كتب كتاب بعرس مطنطن
خالتي:والله خير ما بتعملي
بابا:اليوم بردلهن خبر وبحكيلهن عن شروطنا
تركتن ورجعت للغرفه كان بابا عم يحكي معو ليجيب جاهة رجال ويطلبني بشكل رسمي ما فرحت ابدا وكنت حاطه براسي مخطط ليجيب اجلك يا لجين .
ومتل ما بدي صار والشروط الي حطيتها وفوقهن حبة مسك كل هاد خلى بنات لضيعه كلهم يجن جنونهن مية الف وحدة ببتتمناه وببلاش والعرس ما ضل حدا الا وحكى فيه رغم انو مادياتهن عاديه ما بعرف من وين جاب المصاري ما شفتو الا وانا مصمودة حدو فكرو عمل معي معروف واتزوجني .
لجين:مبروك حبيبتي
نجمه:تسلم
لجين:مبسوطه
نجمه:ماشي الحال
لجين:حاسك مو على بعضك
نجمه:يمكن
كان مستغرب من تصرفاتي راح يجن رقصنا سوى وكنت ضاربه بوز للسما وهو فرحان ومبسوط يا حرام اخواتي اخر رواق وماما متلي متجاكرة ويمكن اكتر.
زفونا بموكب بيجنن طبعن الحفله كملوها ببيت العريس وانا ودعوني اهلي وصفيت لحالي وهو عندو رفقاتو بالمضافه سهران معهن هيك العادات عنا اخدتني خالتي وماما وامو على غرفتي الي بتجنن بكل تفاصيلها وقال يعني علموني شويه شغلات 😏انا قرفانتها وقعدت على التخت انطرو .
دخلتلي حماتي العشى وانا كنت عم فك موديل شعري بوصلتلو باركتلنا من جديد وتركتنا وراحت كان متوتر عكس لجين الي بعرفو ودغري رميتو بنظرات الحقد
لجين:صاير معك شي
نجمه:متل شو
لجين:😑كأنك متغيرة
نجمه:يمكن
لجين:ما بدك تتعشي
نجمه:امبلا بس لبدل الفستان اجى لعندي بدو يساعدني بفتح الفستان وانا بعدتو ضليت عم حاول لحتى فتح الفستان اخدت بيجامه قطن عاديه مو متل ما حكولي تفريعه البسلبو وبدلتها بعيد عنو كان متجمد بمكانو المسكين فكيت موديل شعري لحتى خلصت وربطتو برطبه صغيرة تعشيت بدون ما يعزمني كان بس عم يتاملني كيف متغيرة عليه وبعدها اخدت لمخدة وحطيت فرشه ارضيه ونمت ع الارض
لجين:ليش هيك عم تعملي معي
ما رديت عليه وما بدي رد
لجين:نجمه شو صايرلك زوااج واتزوجتك
نجمه:كتر خيرك ....فضلك على راسي ما بنساه كل العمر بس انا معاد بدي اياك بس هالشهرين بعدها طلقني
للجين:شو عم تحكي انتي
نجمه:😬😡الي سمعتو لجين انا بكرهك
لجين:لك ليش
نجمه:ما تحكي معي ابدا اعتبرني نكرة وانت من زمان اخدتني لا تمثل دور البريء
لجين:بس هالليله بعدها بتشوفي
طنشتو وغمضت عيوني بدل اواعيه وشغل سيكارة وكل الليل وهو عم يدخن ويمكن من قهرو نام الساعه تلات الفجر اخدت المنشفه ودخلت ع الحمام تحممت لحتى انفك شعري ورجعت للغرفه بسرعه البست البيجامه نفسها وتمددت حدو ع التخت تاملتو كتير 😍يقبر قلبي كيف مستغرق بالنوم بستو من جبينو اشتقتلك اشتقت لريحتك لانفاسك بس مضطرة ع الجفا لجين لازم حط لحالي كرامه هلا لانو انمسح فيها الارض غمضت عيوني ونمت دغري .
الصبح صحيت وشفتو عم يمسح على شعري ب حنان وبعدت ايدو عني
لجين"ليش عم تعامليني هيك
نجمه"هيك
لجين؛ازا عليكي شي عادي خبريني
نجمه:لامافيني شي اطمن
لجين:ليش نجمه
نجمه:هيك .انا حرة
لجين:ليش وافقتي ازا ما بدك اياني
نجمه:بس كرمال لفضيحه وبعدها متل ما حكيتلك طلقني
لجين:ما بتحلمي فيها
اسمعنا صوت دقه الباب ودغري تجلست طالعت تفريعه طويلة لتحت الركبه بشوي هي وصتني مرت ابي البسها ومن فوقها كمان ردة بيضا بتجنن البستها وفردت شعري الطويل البني الناعم وحطيت مكياج خفيف والبست شحاطه بيضا الها كعب وتعطرت كان بس عم يتاملني كنت بعرف انو هلا وق
ت زيارة بيت اهلي الي وحماتي لازم تفوت وتشوف الوضع فتحتلها الباب وانبهرت بجمالي
حماتي"صباحيه مباركه يا عرسان
نجمه:الله يبارك فيكي مرت عمي
حماتي:مشالله الله يحميكن
اندق باب البيت وراحت هي لتفتح وبلشت تشارك مرت بابا بالزغاريد اتنهدت تنهيدة طويلة واطلعت فيه بشماته كان منصدم من خباثتي ما توقعها دخلت لعندي مرت ابي وماما وحماتي وهو تجلس وطلع من الغرفه زعلان .
كانو جايبين معهن فطور الي والو بعد ما عملت القهوة وانا عم اتفتلو بالتفريعه خليه يجن جنونو راحو اهلي وانا دخلت على الغرفه لبدل اواعيي من جديد
لجين:اشتقتلك
نجمه:مبروك
لجين:حرام الي عم تعمليه معي
نجمه:والي عملتو معي مو حرام
لجين:خهي نحن تزوجنا
نجمه:اتركني على راحتي لو سمحت
لفني لعندو بقوة وكان عم يتوسلي بنظراتو
لجين:ليش نجمه تغيرتي انا اخترتك لانك بنفهميني وقلت بحالي واعيه ومافي منها
نجمه:اي قولها وبسطتيني كم يوم وخليتك تشبع رغبتك فيني وتكمل رجولتك لا تخجل احكيها
لجين:ليش هيك عم تحكي معي
نجمه:جرحتك يا بعدي
لجين:وبعدين معك انتي
نجمه:حل عني لجين عم تفهم
جمه:مبروك
لجين:حرام الي عم تعمليه معي
نجمه:والي عملتو معي مو حرام
لجين:خهي نحن تزوجنا
نجمه:اتركني على راحتي لو سمحت
لفني لعندو بقوة وكان عم يتوسلي بنظراتو
لجين:ليش نجمه تغيرتي انا اخترتك لانك بنفهميني وقلت بحالي واعيه ومافي منها
نجمه:اي قولها وبسطتيني كم يوم وخليتك تشبع رغبتك فيني وتكمل رجولتك لا تخجل احكيها
لجين:ليش هيك عم تحكي معي
نجمه:جرحتك يا بعدي
لجين:وبعدين معك انتي
نجمه:حل عني لجين عم تفهم
عصب مني ومسكني وهو عم يهددني
لجين:لا تخليني اغصبك على حالي
نجمه:استرجي اعملها والله لخليك تندم
لجين:اكتر من هيك
نجمه:لسى ما شفت شي
لجين:انا بحبك
نجمه:افرح يعني انا ولا قوم ارقص
تركتو وقعدت رتب مكياجي وزبط حالي اكتر لحد هون انا ما صار الا وكلشي عم اعملو متل ما بدي وهو عم يغلي غلى على البطيء لحد ما خلصت اجازتو ورجع للمدرسه ع الدوام وانا ما خليتو يدقرني لو للحظه وكل يوم عم قوم من بكير رتب البيت واغسل ازا في غسيل حضر لفطور واجلي واطبخ انفخ لاني متعودة على هالشغلات كنت عم احشي كوسا ولف يبرق كان داخل ع البيت حماتي رجل على رجل وع التلفزيون عم تحضر مسلسل تركي ركبت الطبخه وهو دخل ليتحمم حضرتها وندهت ل سلفي وحماتي ليتغدو كان قاعد قبل الكل وعم ينطرني اسكب الاكل السفرة كانت مدلله وحطيت لصحون وحضرت ابريق مي وكاسه
نجمه:تفضلو يا جماعه
حماتي:شو هالورايح شي بيفتح النفس
محمد:وبلشت احسدك لجين افندي
لجين:😏على شو
محمد:لازم مرتي تطلع متلها شاطرة انا متل اكلها ما دقت
حماتي:خلص بكرة بتعلمها نجمه
نجمه:مو على عيني😌
تغدو وانا ضبيت الاكل وجليت حضرت الشاي واخدتو لعندن ع الصاله كان عم يطلع عليي بحسرة وانا لابسه فستان اسود بيجنن رافعه كل شعري ومنزلة غرة ولابسه كعب عالي وعم افتل فيه قدمتلهن الشاي وقعدت للبريستيج حدو كل شوي يزورني .
حماتي:يلا بقى صرللكن شهرين متزوجين فرحونا بولد
لجين:لا بكير يامو
محمد:لايمتى يعني والله عبالي صير عم
لجين:اتزوج وصير اب
نجمه:معو حق
محمد:ما عندك اخوات بنات
نجمه:بس متزوجه
محمد:خسارة كنت ناسبتكن😉
نجمه:في بنت عمي ولا يهمك
حماتي"انت انوي وما عليك
اخدت الشاي بعد ما خلصو وعملت ترتيبه اخيرة للمطبخ قبل ادخل على غرفتي لانو فات يعمل قيلوله .
شفتو متسطح وحاطت ايدو على عيونو عم يبكي المسكين اكيد كنت عم غني "غرامك مزيف ضميرك عدم هويتك عشقتك كرهتك نعم كرهتك لانك مجرد خداع وكم مسرحيه بطلها الآلم "زورني بعيونو وتمدد منيح ولف وشو على جنب وانا بلشت رتب خزانتي الجميلة .
وبعدها تمددت حدو وانا بس عم اطلع فيه بملامحو الي عشقتها ..
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`