الفصل السابع
وقربوا رجال بإتجاه الشباب يبون يركبونهم السيارات وبعد محاولات الافلات قدروا يسيطرون عليهم وياخذونهم بالسيارات
وبعد مشوار كان طويل وصلوا لمكان مهجور تماما
دخلوا العيال في مستودع وربطوهم وكان الطفل متواجد معاهم للحين
الزعيم"وهو يقترب منهم بحدة:وين الشنطة؟
محمد:بهمس لشباب:لاتبينوا الخوف وانا بتصرف
الزعيم:وش تقول لهم انت؟
محمد:ولاشي قلت لهم باين عليهم مساكين وضروري نرجع لهم الشنطة
الزعيم"وهو يعطي محمد كف:انتوا الي مساكين وتورطتوا مع ناس مو قدهم،الحين ياتموتون ياترجعون الشنطة
وسكت شوي وكمل:وتموتون
محمد"بضحكة ميتة:يعني بالحالتين ميتين؟
الزعيم:بس في فرق
محمد:نفس الفرق في الكزبرة والبقدونس
الزعيم"وهو يحط عينه بعين محمد بغضب:انت بتستهبل معي؟
محمد"بإستفزاز:ماخوفتنا،بعدين تعال زي ما انت لك مصالح نحنا لنا كمان مصالح وشنطتكم في ايدي امينة
الزعيم"وهو يعطيهم ضهره:اي خلي امينة تنفعك،شباب تصرفوا معاهم
طلع الزعيم ونزلوا رجاله ضرب في الشباب لين اهلكوهم
ولاكن صاملين ع عدم اعطاءهم الشنطة
بعد مافكوهم طلعوا وكان الشباب معدومين من كثر الضرب
سيد:عاجبكوا الي عمال يسير فينا؟
بندر:شباب كل عظمة في جسمي تصيح الرحمة
محمد:انتوا عارفين اننا حتى لو عطيناهم الشنطة مابيفكونا عشان كذا الاحسن مانعطيهم ونتحمل
بندر:تصدق يامحمد انت داهية وش خطر لك تقلنا نخبي الشنطة؟
ناظر محمد في بندر نضرت تذكر
"عودة للماضي"
وقت كانوا بالطريق يمشون
محمد:شباب تدروا شي؟
الكل؟ايش؟
محمد:الشنطة ذي مالازم تبقى معانا لازم نخبيها في اي مكان
بندر:انت غبي شلون نخبيها ونحنا نبي نسلمها لشرطة وثاني شي وين بنخبيها احنا مو لاقيين مكان نتخبئ فيه احنا
محمد:بنخبيها هنا
بندر:في وسط ذي القطيعة؟
محمد:هذا المطلوب،شفتوا الحجرة الكبيرة ذيك؟
العيال:ايه؟
محمد:بندفن الشنطة عندها لأن وجودها معانا اكبر خطر بس بعدها بنسافر ولو سافرنا بنبلغ وبنعلم الشرطة بموقعها
بندر:تصدق انك جهنم ع الارض؟
سيد:مش وقت مديح خلونا نروح ندفنها بسرعة ونكمل طريقنا
ودفنوا العيال الشنطة جنب الحجرة الكبيرة وتابعوا طريقهم
"عودة للمستقبل"
محمد:الحمدلله اننا تخلصنا منها ولاكان قد قتلونا لأن الشنطة ذي املنا الوحيد اننا نضل احياء ولاتصدقوا انهم بيقتلونا وهم للأن مايعرفوا موقع الشنطة ومايدروا هي مع مين
سيد:بس هنعمل ايه دلوقتي؟
محمد:بإذن الله بتنحل
ويقطع حديثهم دخول الزعيم وهو معصب مع رجاله
الزعيم:انتوا مو ناويين تتكلوا الشنطة فين؟
كانوا الشباب مناظرين فيه بصمت
قرب وهو يردد سؤاله بس ماكان لاقي له جواب
الزعيم:يارجال ابيكم تعذبونهم لين يعترفون
قربوا الشباب ورجعوا ضرب وتعذيب في الشباب
بعد فترة محمد بدأت انفاسه تبطئ ويغيب عن وعية وبعد دقايق كان محمد فاقد الوعي تماما
وقفوا الرجال ضرب لما شافوا محمد مغمي عليه
وبندر وسيد خافوا ع محمد
بندر:محمددددد وش فيههه وش سويتو فيه قتلتوه يامجرمين
الزعيم"بتوتر:مات؟
احد الرجال"وهو يتحسس مؤشرات الحياة عند محمد:لا بس شكله فاقد وعيه
بندر"بذكاء:ذا بالذات ماينفع انه يموت ولا يسير فيه شي
الزعيم:ليش مقسم الارزاق ومانا عارف؟
بندر:لا بس هو الوحيد الي يعرف مكان الشنطة الي تبونها
الزعيم"بنظرة حدة:انت متأكد من كلامك؟
بندر:إي متأكد لأن الشنطة كانت معاه من وقت جينا الرياض هو اخفاها
الزعيم:فكووه وحاولوا يصحووه بأي طريقة
قرب واحد منهم صوب محمد وفك قيوده وبدأ يصحيه ويرش عليه مويا بس محمد ماكان يستجيب لأي شي
وبعد محاولات عديدة بدأ يفتح عيونه بس كان وجهه يدمي بطريقة مرعبة وكان مغطيه الدم قرب منه زعيم العصابة وجلس في الارض قرب
الزعيم:عاجبك وضعك الحين؟لو علمتنا مكان الشنطة من البداية ماكان صار معاك كل ذا
محمد"بتعب:وش يضمني انكم لو اخذتوا الشنطة بتفكونا؟
الزعيم:انتوا ماتلزمونا اصلا بس معاكم شي يخصنا عطونا هو ونحنا بنسيبكم ويادار مادخلك شر
محمد:لو انت زعيم عصابة فأنا حرامي محترف فلو تفكر انك بتقنعنا بكلامك فبقلك غلطان عمر الشمال ماضحك ع الشمال
الزعيم"بتفكير:وش طلباتك؟
محمد:تسيبوا اصحابي لأنهم مالهم دخل انا إلي مورطهم معي بكل شي ياخذون الطفل الصغير ويرجعوا ديارهم انا بوديكم لمحل الشنطة
الزعيم:تم وش بعد
محمد:تعطيني ضمان اني بعد ماعطيكم الشنطة اطلع حي
الزعيم:وذا اعتبره تم،بس وش يضمن لي اني لو فكيت اصحابك مابيبلغون؟
محمد:خلاص حتمت خلهم هنا والشنطة تبقى مجهولة
الزعيم"وهو يقوم:باين انك مو سهل
وتوجهه للباب طالع وطلب ان رجاله يطلعون وراه
طلع الكل مابقي إلا الشباب الثلاثه والحارس إلي كان يحرس الباب
محمد"وهو يهمس لشباب:شباب لاتخافوا انا ماغيبت صدق بس سويت كذا عشان اقدر اوصل لأي شي
سيد:زي ايه؟
محمد:اخذت المسدس من الرجال إلي يشبه هالك بدون مايحس
بندر"بحماس:اناشهد انك كفو
لفت نظر الحارس إلي بدأ يقرب منهم وهم يناظرونه بخوف
الحارس:وش في؟
بندر"بإرتباك:مافي ولاشي
الحارس:طيب وعلى ايش تشهد له انه كفو ع الخريطة إلي بوجهه؟
محمد:انت مسكين
الحارس:على ايش؟
محمد:واقف هنا 24 ساعة وهم مو شايلينك من ارضك
فهم بندر انه محمد معاه حيلة جديدة وبدأ يساعده
بندر:اي.وعلى فكرة سمعتهم وهم
محمد:لا لا لاتقله يابندر حرام
الحارس"بفضول:وش الشي الي مايقلي عليه
محمد:هو بس يبي يقلك انه سمع الزعيم ورجاله يقولون شي في الطريق،بس لاتهتم موضوع تافهه
الحارس"وهو يقترب منهم بغضب:وش هو تكلموا
محمد"وهو يتظاهر الخوف:بنعلمك بس توعدنا ماتقلهم لأن لو علمتهم بيقتلونا
الحارس:اي تكلموا
محمد:سمعناهم كان الزعيم يقول بنوديهم المستودع ونخلي الحارس يحرسهم،بعدين احد الرجال قاله منت ناوي تتخلص من الحارس ذا لأنه مسبب لنا مشاكل،رد عليه الزعيم وقال بتخلص منه بس الحين لساتني بحاجته
الحارس:معقول زعلانين مني لأن اخر ضحية هربت مني؟
ناظروا الشباب بعض
سيد:هوا يمكن كدا بس برضوا ماينفعش يتخلصوا منك انتا صاحبهم ومهما غلطت مفروض يعذروك
بندر:اي اي سيد كلامه صح وبعدين ذا غلطهم مو غلطك لأن شخص مثلك مفروض مايكون واقف حراسه مثلك مفروض يكون اليد اليمين لزعيم ذا لو ماكان هو الزعيم
محمد:خلاص شباب بس لاعاد تتكلموا هو صح انه يستاهل اكثر من كذا بس الزعيم باين عليه ظالم
الحارس"بهمس:هو من جد ظالم بس انا لو قلت شي بيقتلني بدون تردد
محمد:لذي الدرجة مالك قيمة عندهم؟
الحارس:الزعيم مو مسوي قيمة لاحد هنا بذات انا
محمد:خلاص مالنا دخل نحنا مانبي مشاكل
وسكت محمد والشباب وسابوا الحارس في نار شاعلة
دخل اقرب شخص لزعيم وكان يقول للحارس:الزعيم طلع معاه مهمة واخذ بعض الرجال ابيك عينك عليهم مايتحركون ولو صار اي شي انا هنا
عم الهدوء في الشباب لأنهم يحسون ان ذي الفرصة المناسبة للهروب بس كيف مايدرون
رغم خوف بندر وسيد إلي كان موترهم هدوء محمد إلي كأنه كان منتظر شي
بندر:محمد ليش احسك مو خايف يعني تتصرف كأننا نمثل فلم مو حقيقة
محمد:مافي شي يخلينا اخاف وانا ادري ان فوقي رب
سيد:ونعم بالله بس هدوءك موترنا اكتر محنا متوترين
محمد:خلوها ع الله بتفرج
وعم الصمت في الشباب كل واحد يفكر وش الي بيسير
بعد دقايق قطع الصمت محمد وهو يناظر في سكينة الكهرباء
بهمس
محمد:شباب عندي فكرة
بندر:وش هي؟
-يـتـبـع📓