الفصل الخامس
السائق:لحظة لحظة الشنطة ذي وش فيها؟
محمد"بإرتباك:مافيها شي فيها اللاب توب حقي
السائق:غريب تشيل االلاب توب للقسم؟
محمد:اي وش فيها يعني؟
السائق"بشك:لا ابد مافيها شي
وبدون كلام مشوا الشباب بسرعة يحاولون يختفون من انظاره
بندر:ذا شكله واحد منهم
سيد:شكله لا لا انا متأكد
محمد:وليش الثقة الزايدة ترا يمكن يكون موضوعه ثاني بس احنا خفنا
سيد:موضوعو تاني ايه ياعم دنا شفت الوشم في رقبتو
بندر:وش من وشم؟
سيد:الوشم الي ذكراه البنت في رسالتها ان افراد العصابة عندهم وشم في رقبتهم
بندر:شباب انا احس انه مو مطولين
محمد:لاتقول كذا ان شاء الله بنطلع منها
بعد دقايق يتصل جوال محمد والرقم مجهول فتح الاتصال وفك السبيكر
محمد:الو
المتصل:انتم تضحكون علي انا والله لا اجيبكم من تحت الارض وصدقوني لو فلتوا بيدي مابرحمكم والشنطة إلي معكم هي تذكرة سفركم للأخره
وانقطع الاتصال
بندر"وهو يجلس ويحط يدينه ع راسه:شباب نحنا رحنا فيها
سيد"وهو يجلس بأنكسار:هيا دي نهيتي انا جيت البلد دي عشان اكون نفسي واحسن حياتي مش انهيها
محمد:يعني وش بتستسلموا؟اعرفوا انه طال ما احنا عايشين واحرار هذا يعني انه لسا في امل لنجاة
بندر:محمد انا ماني عارف ان كيف فيك كل ذا التفائل
محمد:يابندر إلي يعيش الحرب والقصف وينام والطيران من فوق بيته مايخاف من شي وثاني شي الخوف من الله ولي بيجي من الله حياه
سيد:انتا داهية مش عارف الزاي بتقدر تملينا تفائل وطاقة
محمد"بضحكة انكسار:الحين الجلسة ماتفيد خلونا نشوف وش الدبرة
بندر:محمد قفل جوالك
محمد:ليش؟
بندر:ضروري جوالاتنا تطفي لأن بيحددوا مواقعنا عبر الشرايح
وطفوا الجميع جوالاتهم
سيد:نحنا ضروري نسيب البلد
محمد:ليش؟
سيد:المدينة دي بقت خطر علينا بس احنا هنسافر مدينة تانيا وهنبلغ عليهم هناك
بندر:تدري اول مرة تفكر صح
وتوجهوا لمحطة الباصات حجزوا بأقرب رحلة لرياض وبعد طويل الرحلة
"في الرياض"
نزلوا من الباص وكان مهلوكين من الرحلة وقلة النوم
بندر:شباب تعبان وش نسوي الحين
محمد:نشوف لنا مكان ننام فيه
سيد:فندق يعني؟
محمد:باقي معاكم فلوس؟
بندر"وهو يطلع من جيبه فلوس:انا معي ذي بس
سيد:انا مامعيش حاجة
محمد:وانا الي معي ما اضن انها بتكفي في فندق فأضن من الاحسن نشوف لنا مكان ننام فيه والفلوس نخليها للأكل والشرب
بندر:ووش الحل الحين
محمد:نشوف لنا اي خرابة ولا زريبة حتى ننام فيها لين بكرة نفكر
سيد:بقى انا سيد السيد عايزني انام في زريبة؟
محمد"وهو يرمي ع سيد حجر صغير:انت بالذات لو ما سكتت لا اقتلك
بندر:مو وقتكم انت وهو
سكت الكل وبدؤا يمشوا متوجهين للغيب محل ما اراد الله كانوا يمشوا وين مايدروا نحو المجهول يمشون شوي ويوقفوا يرتاحوا ويرجعوا يمشوا وبعد وقت طويل كانت الساعة قرابة 10 الصباح وهم كانوا ماشيين
بندر:شباب شوفوا هناك في بيت باين مهجور
محمد"وهو يلتفت للبيت:ولو طلع فيه ناس
بندر:لاماضن باين مهجور وفاضي
سيد:برأيي نروح نشوف وضع المكان لو فاضي ننام فيه لبعديت
عطوا بعض نظرات انه نجرب وراحوا له
"عند باب البيت"
كان الباب الخلفي شبه مفتوح دخلوا بهدوء وكان البيت باين فاضي
بدأوا يتجولون بالبيت وكان البيت باين راقي وحق ناس اريقھ بس كان مقلب كأن شخص غابث فيه
محمد:شباب احس فكرة النوم هنا مو حلوة
سيد:دا انتا وش فقر مش عايزنا ننام يوم في العز
بندر:وش مخوفك تراه بيت فاضي وماحد فيه وباين مهجور
محمد:لو مهجور ليش الباب مفتوح
بندر:يمكن حد ناسيه مفتوح
محمد"بتشكيك:ان شاء الله يكون كذا
وطلع محمد يناظر بحوش البيت وكان في غرفة مقفلة
محمد:وش فيها الغرفة ذي؟
بندر"وهو يقترب من محمد:محمد وش تسوي هنا؟
محمد:شوف الغرفة إلي هناك
بندر:تحصلها مخزن ولاشي امشي نشوف لنا مكان نريح فيه
دخلوا وبدأوا يشوفون الغرفة إلي كانت حلوة بس معفوسه والاغراض فيها طايحة وفوضوية
سيد:انا هنام في الغرفة دي
محمد"بهمس ضحك لبندر:من الغرف كلها اختار الغرفة إلي باين انها لبنت
بندر"بنفس الهمس:انا اصلا احس انه نسونجي بس ماعندي دليل
دخل سيد الغرفة بتطنيش لكلامهم
وتجولوا محمد وبندر بباقي الغرف
محمد:انا بنام في الغرفة ذي
بندر:وانا في الغرفة إلي جنبك
دخلوا الغرف وكان الشنطة للحين مع محمد
"في غرفة سيد"
كان منسدح سرحان في السقف ويفكر:دلوقتي دي نهايتك ياسيد انتا إلي ضحكت ع ناس كتير وجننتهم دلوقتي ممكن تموت بسبب المشكلة الي انت دخلت فيها انت وحتت العيال دول انا دلوقتي لانا عارف اسيبهم ولا اكمل معاها
"في غرفة بندر"
كان جالس وساند راسه ع الجدار ويفكر:يارب الحين وش ذي الورطة إلي دخلت فيها يارب ساعدني وطلعني منها انا والشباب والله اني اخر مرة امد يدي ع شي مو لي يارب بس طلعني منها سالم
"في غرفة محمد"
كان جالس والشنطة قدامه ومناظر فيها بتأمل ويفكر بضحك شمات ع نفسه:الان يامحمد انت تسرق فلوس وذهب واليوم بسبب شنطة مافيها ولاشي يغني انت يمكن تخسر حياتك انت اليوم روحك ع المحك ويمكن بأي لحظة تمتسك وينتهي امرك
غفت عيون الشباب من تعب اخر يومين وجات لهم نومة سلام بس كانت هدوء ماقبل العاصفة
فتحوا عيونهم ع صوت رجال كان عالي يصرخ ويقول الحقوووووا الرجااال مقتووول اتصلوووااا بالشرطة وبلغوهم
مسك محمد الشنطة مسكة خوف وهو حاسس ان في خطر جاي بالطريق طلع من الغرفة وهو متوجهه ناحية الصوت إلي كان جاي من حوش البيت وصادفوه بندر وسيد وهم مثله يتساءلون عن سبب الصوت
"في الحوش"
وقفوا الشباب يشوفوا وكان في اربع رجال متجمعين عند الغرفة إلي في الحوش وقدامهم رجال طايح بالارض والدم كان ماليه
واحد من الرجال"وهو يلمح الشباب ومعاهم الشنطة:شوفوا شكلهم ذولا إلي قتلووه
التفت ناحيتهم كل الرجال وهم ناظروا في بعض نظرة الزبنة ياعيال
ولفوا وطلعوا يجروا من الباب الخلفي إلي دخلوا منه وكان الرجال يجرون وراهم يبون يمسكونهم وبلغوا الشرطة
وكانوا العيال يجرون بسرعة فلاش مان من كثرت الخوف رغم التعب إلي فيهم
سيد:شباب بصوا هناك سيارة مفتوحة ايه رأيكوا ناخدها ونهرب فيها
بندر"وهو يسحب محمد من يده:اي محمد تعالل
واتجهوا لسيارة إلي كان صاحبها نزل عشان ينزل اغراض منها لا اكثر وراجع لها
دخلوا وكان المفتاح فيها شغلوا السيارة ومشوا بنية الهروب
ومشوا مسافة مو قليلة بالسيارة قرابة ساعة تأكدوا انهم بعدوا وقفوا
كان بندر يسوق ومحمد جنبه وسيد راكب ورا
محمد:تضنوا اننا فلتنا؟
بندر:ان شاء الله
سيد:لا نحنا مافلتناش وبس دا احنا وقعنا في الفخ ولبسنا المقلب كمان
بندر:وش يعني
سيد:بصوا انا عندي ايه
التفت محمد وبندر لجهة سيد إلي كان جنبه طفل نايم توه في عمر الثلاث السنوات تقريبا
بندر"بعصبية:سيد وش ذااا؟
سيد: لاتزعق ولا حاجة انا زيي زيك مصدوم
محمد"بإبتسامه ماليها الصدمة:يعني الحين صرنا متورطين مع مافيا وقاتلين وخاطفين بعد
سيد:البس
بندر:مابي اسمع لك صوت لي من اول ماتعلمنا
محمد:مو وقت عصبية يابندر
اسندوا الشباب روسهم ع الكراسي بنفس الثانية واخذوا شهيق وزفير
رفع بندر راسه ومسك الدركسون وبدأ يمشي بالسيارة
محمد:لوين؟
بندر:لمركز الشرطة
محمد:انت مجنون تبي تورطنا؟
بندر"وهو يوقف السيارة بعصبية ويضرب في السيارة بهبل:يعني ذا الي يسير فينا ماتشوفه ورطة يامحمد وش عاد تبينا نتورط بمخدرات كمان عشان نسير مجرمين حقيقيين؟شوفوا لوين وصلنا نحنا صارت حياتنا بخطر وانتوا مو حاسين نحنا في اي لحظة ممكن نموت
محمد:مو وقت فقدان الاعصاب ذا اكثر وقت يتطلب مننا نكون هادئيين ونفكر بذكاء مو بعصبية
سكت الكل وجات لحظة هدوء
محمد:نحنا لازم نسيب السيارة.
بندر:ليش؟
محمد:تحصلها الحين تم التعميم عليها في كل مكان
سيد:وهنعمل ايه طيب؟
نزل محمد وبيده الشنطة
محمد:شباب انزلوا بنخليها هنا
نزل سيد وبندر طوعا لأمر محمد
سيد:والواد دا هنعمل فيه ايه؟
محمد:يأسفني اقول اننا بناخذه معانا
بندر:محمد تبي تلبسنا هي زين صح؟
محمد:مو كذا بس ضميرك بيسمح لك تخلي طفل بذا العمر لحاله؟
بندر"بتأنيب:خذوه وخلونا نمشي بس
محمد:امسك الشنطة انا بشيله
اخذ بندر الشنطة من محمد واخذ محمد الطفل وبدأوا يمشوون لطريق مايدرون لوين يوديهم
بعد فترة مو طويلة صحي الطفل وكان يبكي ورغم الانزعاج من بكاءه إلا ان محمد كان جالس يحاول يسكته بس المحاولات سدء
بندر:يعني نحنا ناقصنا وجع راس؟
عم السكوت بسبب تعبهم وماحد طايق يتكلم
وبعد فترة حسوا بأنفسهم بمكان خالي شبه صحراء وكان قدامهم خيمة وجنبها في نار شاعل وكان جنبها سيارة صحراوية
ناظروا في بعض نظرات ان شاء الله ماتكون ورطة جديدة مقبلة علينا
-يـتـبـع📓