الفصل الثالث
"عند محمد"
محمد:السلام عليكم
البنت:وعليكم اسلام
محمد:شلونك ياحلوة
البنت:معليش بس تعرفني
محمد:بصراحة ما اعرفك بس حابب احذرك من شي
البنت:من وش؟
محمد"وهو يأشر ع بندر وسيد :الاثنين العيال إلي هناك كانوا جالسين يسولفون عنك
البنت:وش يقولون علي
محمد:يقولون انك حلوة وباين عليك مرتبة وبنت ناس بس انا عندي اخوات وزعلت وحبيت اقلك
البنت:تسلم اخوي ماتقصر
محمد:بس ممكن اطلبك طلب؟
البنت:وش؟
محمد:خففي مكياجك لأنك حلوة بدون
البنت"بإبتسامة:ان شاء الله
محمد:انتي نزيلة بالفندق او ايش؟
محمد:اي انا جيت مع ابوي وامي بس هم فوق وانا نزلت اكل
محمد:طيب انا استاذنك
البنت:اذنك معك ومشكور
وابتعد محمد شوي عنها ورجع
محمد:تدري شي انتي من الناس الي احس اني لازم اتعرف عليهم اكثر
البنت:شلون يعني؟
محمد:يعني احس ان الكلام معك فرصة حلوة مابي ضيعها فلو تحبي نقدر نتواصل بغير الصدف؟
البنت:وضح اكثر
محمد:انا انسان واضح مااحب اللف والدوران فلو سمحتي عادي رقمك عشان يكون عندي رقم أحلى بنت بالدنيا
البنت"بخجل مصحوب بتفكير:اي ماعندك مشكلة
محمد"وهو يطلع جوالھ:اي كم؟
وبدأت البنت تعطيه رقمها
"فوق طاولة الشباب"
سيد:الواد دا داهية شكلو شال رقمها
بندر:والله يامحمد ذا خطيييير
وبعد ثواني جاء محمد جلس عندهم بهدوء
بندر:شليت رقمها ياوسخ؟
اكتفى محمد بإبتسامة نصر
سيد:طلعت مش قليل ياواد دا انتا قنبلة ذرية جهنمية
محمد:اي تعلموا مني
بعد دقايق يشوفون رجال جاء جلس عند البنت في الطاولة نفسها
بندر:محمد ياحبيب شوف مدري من ذا جلس جنب جولييت حقتك
محمد"وهو يناظر:ابوها
سيد:وانتا ايه عرفك بقى؟
محمد:يعني الرجال كبير وهي قالت انها جت مع امها وابوها
بندر:خلوكم من ذا ابوها باين عليه كاش ورجال واصل وشكله يتعامل بالدولار بعد
سيد:شكلهم ناس من الVip
محمد:اي وش عليكم منهم كملوا اكلكم بس
وكملوا اكل واحد برأسه مائة فكرة
بعد دقايق جاء العامل بالحساب
محمد:ادفع يا الوليد بن طلال ادفع
بندر بتفاخر طلع بطاقة الائتمان من جيبه وحاسب
محمد:والله بطاقة صراف وحول وحركات هاه؟
بندر:اي الحمد لله من خير الله
بعد دقايق نزل واحد باين عليه غني وشخصية مهمة جدا كان يكلم الامن الي في الفندق وباين عليه الغضب
وبعد دقائق تشتغل مايكرفونات الفندق ويبدأ شخص يتكلم
صاحب الفندق:السلام عليكم طبعا أبواب الفندق بالكامل مغلقة ويمنع خروج او دخول اي شخص بسبب ان احد رجال الاعمال فقد بطاقة الإئتمان الخاصة به ويرجئ من الجميع ان لو احد عثر عليها يتوجه بها ويسلمها لأستقبال الفندق وسيتم تفتيش كامل للفندق
هنا بندر حس انه في مصيبة
محمد تمنى لو تطيح بيده
سيد جلس يحلم بأنها لو معه بيسير مليونير
بدأت الفوضة في الفندق والتفتيش
بندر:وش بيسوون فيه الي بيلقوها معاه؟
محمد:وش فيك خايف او شكلها معاك
بندر:لا لا بس اسأل
وقام بندر من الطاولة
بندر:انا بروح الحمام
وقام بندر بخوف وارتباك.وهو يقترب من احد الموظفين بدون مايحس ويحط البطاقة بجيبه
وكان محمد مراقب الموقف من بعيد
محمد:والله طلعت مو سهل يابندر
سيد:انتا قلت حاجة؟
محمد:لا
بعد دقايق رجع لهم بندر
محمد:وش فيك تأخرت؟
بندر:وش ذا السؤال؟
محمد:ولاشي انسى
اقتربوا حراس الامن منهم يفتشوهم
اقترب واحد منهم يفتش بندر
بندر"بهمس في اذن الحارس:اسمع بعلمك
الحارس:وش؟
بندر"وهو يأشر:الشي الي تدورن عليه مع العامل ذاك
الحارس:وانت وش دراك وثاني شي نحنا فتشنا العمال قبل النزلاء
بندر:انا عارف بس انا شفته في الحمام كان يخفي شي وخايف الحين
ناظر فيه حارس الامن نظرات مابين التصديق والشك وتوجه للعامل وبدأ يفتشه من جديد وبعد ثوان طلع من جيبه المطلوب
العامل:والله ان انا ماشليتها ولا ادري عنها
الحارس:اجل ماتدري عنها ها؟ كنت تبي تضيع الرجال من فلوسه ياحرامي
وصار فوضه وانطرد العامل ورجعت البطاقة لصاحبها
بندر"بحسرة:مادري كيف ذولا الناس يقدرون ياخذون حق غيرهم ولا يؤنبهم ضميرهم
محمد"بتعزيز:اي والله جد ناس بدون قلوب
سيد:انتا اخر واحد تتكلم انتا اخدت الشنطة بتاع الست ولا ضمير ولا مشاعر واخر حاجة بتقول هرجعها ايه هوا انت اخذت علبة عصير من البقالة وهترجعها؟
محمد"بنظرات ملل:ناوي تفضحنا بعني؟
بندر:خلاص قفلوا السالفة قوموا نطلع غرفتنا نتفاهم
وقاموا الشباب من الطاولة متوجهين لغرفتهم
دخلوا المصعد لان غرفتهم بطابق علوي
"في المصعد"
دخلوا الشباب وبالصدفة كان في اثنين رجال باين عليهم رجاال من الطبقة العليا
الأول:لاتنسى بكرة زي ماقلت لك لو رسل لك الرجال واحد من رجاله عطه الشنطة
الثاني:لاتوصي حريص
الاول:الشنطة ذي غالية جدا لو خسرناها نروح في ستين داهية فتكفى انتبه لها
الثاني:لاتخاف انا مخبيها عندي في الغرفة لين يرسل احد بعطيه
الاول:اي حافظ عليها
الثاني:ان شاء الله
وقف المصعد وطلع الاثنين منه اتجهوا لاجنحتهم الفارهه
وكملوا الشباب لغرفتهم
وصلوا غرفتهم ودخل الكل بهدوء ماحد كان فاضي يكلم احد
"الساعة 1 الليل"
بندر:انا طفشان بنزل اتمشئ شوي في الشارع
وطلع بندر من الغرفة
سيد:وانا جيعان هنزل اشوف حاجة اكلها
وطلع سيد من الغرفة
محمد:الحمدلله افتكيت منهم الحين اقدر انفذ خطتي بأمان بدون غباء يفضحني
وطلع محمد من الغرفة متوجهه لجناح صاحب الشنطة
وقف عند الباب وكان يفكر كيف يفتح الباب وبالصدفة يحصل الباب مفتوح
"عند بندر"
كان في احد غرف الجناح يدور في الادراج والاماكن المشبوهه عن الشنطة إلي رسم فيها احلام كبيرة وقبل مايخلص تدوير سمع خطوات تقترب من الغرفة تخبئ وصار يراقب الموقف من بعيد
دخل سيد الغرفة بتسلل وبدأ يقلب فيها بهدوء يدور ورا الشنطة إلي يشوفها طريقة للمليارديرية وقبل انها بحثه سمع صوت خطوات تقترب منه وقرر يتخبئ ويراقب من بعيد وبالصدفة يتخبئ جنب بندر
دخل محمد الغرفة وهو يراقب كل الجهات لو هي امان ومافي احد ودخل وبدأء يدور بهدوء تام
عند بندر وسيد
بهمس
بندر:سيد؟
سيد:بندر؟
بندر:اجل جاي تسرق هاا؟
سيد:ممكن تقلي انتا جاي بعد ايه؟
بندر"بإرتباك:انا انا دخلت هنا بالغلط
سيد:عشان كدا متخبي صح؟
بندر:اسكت لايسمعنا بس
سيد:هوادا محمد ولا بيتهيالي؟
بندر:لاشكله هو والله
سيد:برايك نهجم عليه؟
بندر:لاخلينا نشوف لوين بيوصل
وضلوا يراقبوا محمد إلي جلس يدور ويفتش بذكاء وبعد دقايق كانت الشنطة بيده
وطلع بكل هدوء من الجناح
سيد:يا ابن اللعيبة
بندر:طلع موبسهل خلينا نطلع بس لايقوم الرجال وننفضح
وطلع بندر وسيد بتسلل وهدوء وقفلوا الباب وراهم
"في غرفتهم"
دخل محمد وهو يحس ان اليا نصيب في يده
محمد:اححح يامحمد شكلها ضحكت لك الايام وبادئة تزهر
بندر"وهو يدخل:شكلها ضحكت لنا كلنا
اخفى محمد الشنطة بسرعة
سيد:بتخبي ايه يلا دا احنا عارفين كل حاجة
محمد:وش عارفين؟
بندر:وش في الشنطة؟
محمد:اي شنطة
اقترب بندر من محمد وحط يدينه ع اكتاف محمد وحط عينه بعينه
بندر:شوف يامحمد تبيها سلم وخير اي شي في الشنطة لنا الثلاثة تبي تسوقها بندمك ع الساعة إلي عرفتني فيها
محمد"ببرود قاتل:وش افهم من كلامك
بندر:الشنطة إلي سرقتها من جناح الرجال نحنا عارفين عنها عشان كذا لاتسوقها علينا
محمد:ايش عرفكم وليش واثقين
بندر"وهو يجلس جنب محمد:اصحى معي واسمع كلنا رحنا الجناح بنية وحدة بس الحظ ذي المرة اشتغل معك
محمد"بضحكة:ليش انتوا بتسرقوا؟
بندر"بتهديد:ونقتل بعد
محمد"ايش رايك بكلامه ياسيد
سيد:بص كدا كلنا بتاع مصلحة فخلينا سلميين سوا احسن
محمد"بضحكة استسلام:خلاص خلونا نشوف ايش فيها وبعدين خير بس بشرط
الكل:وش؟
محمد:لي اربعين بالمية من إلي في الشنطة والباقي لكم
بندر:تم
سيد:تم
وطلع محمد الشنطة وتجمعوا الشباب حوله وبعد تخيولات كثيرة واحلام فتحوا الشنطة وكانت الصدمة
سيد:هوا ايه دا؟
محمد:حظي واعرفه لو اسرق ذهب بيطلع فالصوا
بندر:الحين ذا التعب والتسلل والامال كلها تطلع الشنطة عبارة عن اشياء تافهه مافيها ولا فلس
محمد:الشنطة مو طبيعية وراها شي شباب شكلنا مقبلين ع شي اخطر من مجرد انها اشياء تافهه
سيد:هوا ايه حكاية الشنطة دي وايه الاشياء الغريبة دي؟دفتر ظرف وايه القماش الملفوفة دا
محمد بدأ يقلب بين الاغراض إلي في الشنطة وإلي كانت بالتفصيل عبارة عن
-يـتـبـع📓