.3
صحيت من النوم بدري على غير العادة
دايمًا حتى لو نايم بدري لازم بتأخر في الصحيان.. فضلت قاعد على السرير شوية بفتكر أحداث الليلة اللي فاتت من أول القعدة اللي كانت عند الأهرامات
إيه ده ثواني نسيت عم محمود... ثواني كمان انا بجد لازم أروح أكشف عند دكتور كدة الموضوع بيبهوق مني إمبارح حرفيًا كانت الليلة كلها تهيقات
.. قومت أخدت دش بارد و فطرت و روحت المستشفى علشان اتطمن على خالتي
نسيت أعرفكم على شخص مهم أوي في حياتي يمكن أهم شخص في حياتي
ندى بنت خالتي.. هى انسانة جميلة من جواها بشكل، طيبة كدة و تتحب من أول تعامل معاها.. بحس عيوني بتطلع قلوب أول متتكلم.. ما علينا من ندوشتي دلوقتي
وصلت المستشفى إتطمنت عليها و استأذنت بعدها علشان عندي شغل
وانا في طريقي علشان اشوف عندي Groups إيه انهاردة إفتكرت تفصيلة مهمة حصلت معايا إمبارح..
بس مش مهم اقولها دلوقتي هتعرفوها لوحدكو مع الأحداث..
المهم دلوقتي وصلت مكان الشغل المدير قال إني عندي Two groups واحد دلوقتي و عندي واحد مع شباب بعد الساعة 12
.. بدأت رحلتي مع الGroup الأول كان مجموعة من البنات معاهم ولدين
سمعت صوت مسدج مميز.. أيوة منا عامل لندى صوت مميز لوحدها علشان اول متبعت أعرف إنها هى..
كانت بتطمن عليا حبيت صراحة أخليها تغير فبعت صورة لمجموعة البنات الأجانب ههه
أنا عارف إنها بتحبني هى كمان على فكرة بس هى بتكابر بس انا معاها في الحتة دي صراحة هى عندها حق مينفعش نرتبط.. ناوي ادخل بالحلال بس مستني بس اجمع باقي حق الدهب
ما علينا
كملت باقي الرحلة مع حبة المزز دول و خلصنا كل حاجة من غير أي تهيقات زي بتاعت إمبارح الحمدلله
رجعت قعدت في الإستراحة و رنيت على ندى
.... ألو.. إزيك يا جميل
.. إتلم يا يوسُف جميل في عينك.. إرغي
.... ندى أنا كنت عايز أقولك حاجة قلقاني بس متردد
.. قولي سمعاك.. إيه اللي حصل
.... ندى أنا بقيت بتوهم و الموضوع بدأ يأڤور مني بدأت أحس إن الحاجات اللي بتحصل دي حقيقة مش مجرد أوهام
.. يوسُف لازم نتقابل و تحكيلي إيه اللي بيحصل معاك مش هبنفع نتكلم فون صوتك فيه حاجة فعلًا
.... ندى أنا بجد برتاح لما بتكلم معاكِ بحسك المكان الآمن اللي بجري عليه لما الدنيا تضيق بيا ينفع متبعديش عني حتى لو ايه حصل
.. بطل عبط بقى بالله يا يوسُف أبعد عنك إزاي طيب ده إنت إبن خالتي يا واد
.... ابن خالتك برضو ماشي يا ستي بكرة نشوف إبن خالتك ولا حاجة تانية... المهم فاضية بكرة
.. أيوة
.... طيب خلاص نتقابل بكرة معنديش شغل هعزمك على بيتزا يا بغلة إبسط يا عم
.. أهو أنت اللي بغل.. المهم باي بقى علشان اكلم ماما هبقى أبعتلك واتس
قفلت المكالمة وأنا مبتسم غصب عني.. مراتي المستقبلية بقى وكدة. ههه