دار الطفوله المجهوله - الفصل 5 - بقلم Joory talal | روايتك

متمدده على سرير المستشفى ظهرها مليان جروح وراسها يعورها عيونها تدمع من الحمى خدودها حمراء وساخنه جدااا تتوجع تتوجع مررره تذكر قبل شوي في بنت بنفس غرفتها دخل أبوها واخذها وتطمن عليها وهي تبغى اب يتفقدها تبغى ام تجيب لها اكل من البيت افضل من اكل المستشفى مو بس جسمها يعورها قلبها يعورها تذكر الضرب الي تلقته ماتقدر تتحرك من قوته قطع تفكيرها دخول رجل ملثم خافت وصرخت جرى بسرعه ناحيتها وهمس : أنا رواد لا تخافي ...... وفتش وجهه ناظرته وعيونها غرقانه دموع ومبققه عيونها ناحيته قالت بصوت مليان حزن ومقطع : ر ر رواد.. هز رأسه بالايجاب نزلت دموعها على خدها ولسا عيونها مبققه على رواد رواد وهو يمسح دومعها بأبهمامه : خلاص لا تبكي أنا جيت قالت بصوت متقطع من البكاء : ر ارواد جـ ـسمي يعورني اوجعتني ما ا قــ در ااتحــ ـرك ليـ ـه سـ ـوت فيـ ني كـ ذا رواد بصوت مقهور بس يحاول يخفيه : الله ينتقم منها الله ينتقم منها لا تخافي أنا معك أنا معك طيب مابخليك وحدك .. زينه بدأت تهدأ قالت : رواد مين جابك كيف جيت ؟! رواد جلس على كرسي وقال بأبتسامه : مو مهم المهم اني اليوم جنبك... ضحكت ضحكه بسيطة بس كانت كفيله تذوب رواد رواد : مو حاسه بشئ غريب يعني شفتك مره وحده فقط وصرنا اصحاب زينه : أحلى مره والله أكيد أسيل قالت لك اني هنا ! رواد هز راسه : ايه هي قالت لي تصدقي أحسها تحبك مررره زينه : أيه تربينا من وكان اعمارنا سنتين مع بعض صرنا اخوات .. رواد : ماشاء الله الله يخليلك ياها أنا معي فارس صاحبي هو خارج الان يحرس لي .. ضحكت ضحكه قصيرة وقالت ببراءه : رواد رواد : لبيه زينه : عادي تغني لي .. رواد : هه عيوني وش أغني لك زينه : أريد ذيك الأغنية الي غنيتها .. رواد بدأ يدندن بأغنيه (موعود) لعبد الحليم حافظ وزينه تناظره مستمتعه مرره قطع الأغنية وقال بحماس : عاد تدرين سألت الاستاذ طلال عن اسم المغني قال اسمه عبد الحليم حافظ وحفظت اغنيه ثانيه له عشانك اغنيها ؟! هزت راسها بحماس وقال : ايه بدأ رواد يغني ويقول : على حسب وداد قلبي يابويا رح أقول للزين سلامات سلامات سلامات سلامات على حسب وداد قلبي يابويا.....الخ قطع الأغنية فتح الباب ناظروا الاثنين بخوف لمن طلع .... . . . . . . . جالسه بغرفتها منتظره زوجها يجي دخل الغرفة ووقفت وقالت بحزم : هذا أنت تخرج تتسلى وتلعب بالفلوس وتارك اسرتك متى تحس بالمسؤوليه ها... التفت لها وقال ببرود : مالي خلقك اسكتي الله يحفظ والدينك .. قال بصراخ : ليه أنت بارد كذا ابنك صار لا يأكل ولا يشرب صار ٢٤ ساعه يفكر بعملتك يالحقير وانت ولا همك شئ أنت ماتستحي قال ببرود وحزم : هند بتسكتي والا اسكتك أنا قالت بصراخ : تعال تعال ان كنت رجاااال عيالك فاقدين حنانك وانت ياالملع+++ جالس من.... قطع صراخهها رمي كوب زجاجي مليان كحول على وجهها صرخت بألم دخل بسرعه وشاف امه مرميه والدم ينزل من عينها اليمين وطايحه على الأرض وقال بصراخ : امـــــــــي وجرى ناحيتها دخلوا رزان وريان وشافوا المنظر ابوهم واقف ويناظر امهم بكل برود ريان اشتعل من الغضب راح مسك أبوه من ياقه قميصه وقال بصراخ : أنت ماتستحي وين اخلاقك دفه بقوه مسكته رزان وهمست بخوف : ريان اجلس لا تعمل مشاكل قال : والله لاوريك نجوم الظهر محمد بحزم : ريـان تعال ساعدني ناخذ امي المستشفى ريان ترك أبوه وراح يساعد محمد ونقلوها المستشفى مع رزان وجود وزوجه محمد عشان مايجلسوا وحدهم مع ابوهم ورامي . . . . . . . عند رواد وزينه قطع الأغنية فتح الباب ناظروا الاثنين بخوف لمن طلع .... فارس بهمس: رواد ياالحمار بسرعه في ممرضة شكت بي زينه ناظرت فارس وابتسمت وقالت : هلا فارس ناظرها وابتسم : اهلين كيفك زينه زينه : بخير وانت فارس : بخير الحمد لله يلا رواد رواد : الان جاي دقيقه بس فارس خرج و قفل الباب رواد : يلا مع السلامة بروح انتبهي على نفسك وجاء بيمشي بس زينه مسك يده وقالت : لا تروح اجلس معي رواد التفت وقال بحنيه وبأبتسامه : مااقدر المديره ممكن تكشفني وبعدين فارس وامين بيروحوا فيها بجيك باكر بأذن الله استودعك الله التي لا تضيع وداعته وتقدم منها وسلم على خدها بهدوء وببطئ وابتسم تلثم وخرج من الغرفة فارس : امش بسرعه اقسم بالله لو تاخرنا خمس دقائق امينوووه رح يروح فيها رواد يلا يلا مشينا أما زينه ماسكه خدها وهي تبتسم رواد طيب وحنون مرره فارس رواد يجروا بسرعه عشان الوقت وفجئه فارس دق ببنت كانت لسا بتدخل المستشفى وهو كان خارج جود بصراخ : اييي وقامت تبكي ريان بغضب : أنت ماتشوف فارس بتوتر : آسف ماشفتها وجرى بسرعه هو ورواد . . . . . . . . . . عند محمد جالس على كرسي الانتظار منتظر ريان وجود خرجوا يجيبون ماء هيا : حمود محمد : عيونه هيا : لو استغل الفرصة واروح افحص الجنين محمد : أيه منجد والله يلا حياتي روحي أنتي وأنا بجلس هنا وكمل وهو يناظر رزان : رزان روحي معها رزان وهي عيونها بالارض وقالت بحزن: طيب وراحت مع هيا يفحصوا محمد سرحان على الرغم من ثروتهم بس حياتهم فقر من المشاعر بسبب ابوهم تدمرت حياتهم رزان وجود بالرغم من دلعهم بس كئيبين مررره ماحسوا بحنان الاب رامي صار مدمن كحول ومخدرات بسبب أبوه ايوه أبوه الي ضيعه دخله بالحرام حتى أنه لا يصلي ولا يصوم ريان يكرهه أبوه لأنه عديم مسؤليه وفوقها كان يضربه لمن كان بالاعدادي لأنه كان مو بوعيه وهو هو ماينسى انه مو اخوهم اسرته الحقيقية مايدري من هي الي يعرفهه ان أبوه خطفهه من اهله بس ماحب يصارح أبوه انه عرف ذا الرجال رباه ودرسه واكلهه وشربهه ودرسه بس ليييه خطف ايش السبب وش استفاد قطع افكاره جود وريان لمن جو جلسوا جنبه وماهي الا ثواني وخرجت الدكتورة اسماء وقفوا قال محمد : ها وش صار الدكتورة اسماء: اول شي ذي حكمه من رب العالمين وربي يأخذ شي ويعطي الاجمل ريان بصريخ : تكلــمي محمد : ريان اهدأ الدكتورة اسماء: للأسف الضربه اصابت العين من الداخل ولان كان في مواد كحوليه في الكوب كان مو معقم بسبب ذا صار في فيروس اصاب العين اليمنى واذا تاخرنا شوي يمكن انه يسبب عدوى للعين اليسرى وتعتمي الوالده والحل الوحيد اننا نستأصل العين اليمنى سكوووت تاام من الصدمه ان امهم بتصير عوراء ريان بصراخ : لااا مستحــــيل تكذبون أنتم بس تبغون الفلوس وبس أنتم كذابين محمد بهدوء : ريان قول الحمد لله واهدئ ريان والدموعه بعيونه : لااا كيف تقولي اهدئ امي بتصير عوراء كله بسبب الملع++++ أبوك الله يلعنه الله يلعنه والله رح ادفعه الثمن ..... انتظرونا بالبارت 6