الفصل 7
.
البـارت 7 ☆
غصـن مكسـور 🥀
👌🏻👇🏻 😍
📚 @rewayatyamania 🇾🇪
في الصبح على رجعة شجير من المستشفى إلى محل الأقمشة صادف في الطريق صالح
صالح يحضنه وهو غاثي على صاحبه: الله يعينك ويقوي قلبك أخي ويقوم بنتك بالسلامة
شجير: يارب🤲🏻
وهم بيخطوا وصلوا للمحل وجلسوا يتذكروا كل الذكريات اللي وقعت ورجعوا يبكوا وصالح تماسك نفسه وحب يغير الجو لشجير وبيذكره بالذكريات الحالية بينهم وشجير رجع يضحك
فجأة شجير وصالح بسروا صندوق شبه مدفون
شجير: صالح بتبسر الصندوق هذا؟
صالح بأستغراب🤔: يعلم الله ماداخله.. أخطى خلينا نبسر مافيه
شجير وصالح وهم بيفتحوا الصندوق
وقعت المفاجأة هنا
لقيوا ورقة ولما جوا يبسروا ما فيها طلعت بصيرة البيت المهجور
وهنا بدأ يبان طمع شجير من أول وجديد😢
شجير: أنا بسرتها الأول إذاً لي
صالح كريم وطيب وكان عيخلي البيت لشجير بس لما بسر كلام شجير أنصدم من صاحبه أو بالأصح اللي كان بيتخايل أنه صاحبه وشريكه في العمل وفي الحياة فغير رأيه: وأنا اللي مسكتها الأول
شجير: لو ماحاكيتك أنك مابسرتها
صالح: بس المحل حقي وحقك وأنت بسرتها وأنا أخذتها يعني البيت لي ولك
وبدأت المصياحة تقوى بينهم
صالح بسر أنه مابش فايدة من الكلام والجدال مع شجير
صالح: خلاص معي حل جي نسير لعند الحج محمد قيم الجامع وهو عيفصلها بيننا وعيحكم حكم العدل لي ولك
شجير: يلاه أخطى نبسر حكمه ولو أنه البيت المفروض يوقع لي
.
.
سلطان بعد مالحق سما وسمر وهن سايرات للمحل لقي جهال بيلعبوا من حق الحارة لعبة الزراقيف وبعضهم كانوا بيلعبوا وقال دعوه وهو سار لعب معاهم وماعاد لحقش سما وسمر
@rewayatyamania المصدر الأول للروايات
في بيت القيم
بعد ما حكوا له القصة وكيف لقيوا البصيرة
القيم محمد: انتوا عتقبلوا بحكمي بدون نقاش؟
شجير وصالح داريين أن القيم محمد ما يظلمش أحد حتى لو كان على نفسه الحكم
الأثنين بصوت وأحد: أحنا قابلين بحكمك يا قيم
القيم محمد: أنت معك يا شجير بنت وصالح معه ولد صح او ماشي؟
صالح وشجير: أيوه، لكن ما دخلهم في البصيرة والبيت؟
القيم محمد: أسمعوني للأخير وعادهم عزبان صح؟
شجير وصالح: أيوه
القيم محمد: رضي الله عليكم إذاً لا لك يا شجير ولا لك يا صالح
صالح و شجير كل واحد كان يبسر الثاني باستغراب: كان لمن؟
القيم محمد: نزوج أبنك يا صالح ببنت شجير والبيت يسكنوا فيه عيالكم.. مارأيكم موافقين؟
صالح وشجير بعد ما فكروا شوية وبسروا أنه مابش إلا هذا الحل الأنسب: موافقين بعدك ياقيم وأستاذنوا من القيم وقالوا له يبسر لهم طريق وخطيوا من عنده
في الطريق صالح: أحنا عنجي لعندك العشي أنا وأبني ورجال الحارة نجي نخطب بنتك على سنة الله ورسوله
شجير وعاد قلبه بيهنهن وكان يشتي يزوج كيان لأبن صاحبه اللي في الأردن بس في نفسه بيوت صنعاء القديمة تراث يمني أصيل ومايصلحش أحد يفرط فيهن من جهة ومن جهة قد ركن على بنته تعيش في بيت ملك بدل البهذلة في بيوت الايجار وطه قده محامي كبير يعني عيقدر يعيش بنته: تمام أرحبوا بيتي مفتوح لكم في أي وقت
وكل واحد رجع لبيته
.
.
في بيت شجير: ياكياااان
كيان والحزن ماعد فارقهاش من بعد ما ماتت سما وجالسة أغلب وقتها مع سمر فجيعة لا تفقدها مثل مافقدت غيم وسما: حاضر ياباه
شجير: أتجهزي اليوم خطبتش
كيان بخوف وقلق ونبضات قلبها تدق بسرعة وبترتعش وحست بعطش وماعد تشتيش تنصدم أكثر في هذه الفترة: ماقلتوا ياباه خطبتي؟!😳🥺
شجير وملامح الهيبة في وجهه: أيوه خطبتش
كيان وهي مقهورة: تمام ياباه بعدكم بس أختي ماقد لهاش من حن ماتت خيرات كيف تسبر هذه؟
شجير: إلا تسبر وبعدين ماعنفعلش شي إلا خطبة بالسكتة، وبعدين ماسألتيش من عيجي يخطبش؟
كيان في نفسها قد أنا دارية من تشتي ابن صاحبك الغني لكن ماعد تفرقش معي ماعد بين أحسش بطعم الحياة من بعد موت خواتي: من ابن صاحبك؟
شجير: أيو ابن صاحبي بس مش اللي في الأردن عيجي يخطبش عمش صالح لأبنه طه اللي من البداية حاسس أنش تشتيه
كيان حست بفرحة قليلة: تمام ياباه بعدكم
شجير: أيوه ما ذاحين حاضر ياباه بعدكم لكن يلاه الله يكتب لش مافيه الخير
كيان: آمين وقامت خرجت من عند أبوها
.
.
في بيت صالح
صالح كان مورع لطه لما يجي من العمل وكانت فرحته فرحتين الفرحة الأوله أنه عيزوج ابنه بالبنت اللي يشتيها والفرحة الثانية أنه وقع لأبنه بيت من دون تعب
طه بيدقدق الباب✊🏻🚪
الأم: من؟
طه: أنا يماه أفتحوا لي
الأم فتحت: حيا بابني حيا
طه: الله يحييكم وعيجبرني برأسكم
صالح: الله الله الكلام الحالي والدعوات لأمك وأبوك أين سار؟
طه: كلكم عيجبرني الله براسكم ويحفظكم لي
صالح: تسلم تسلم ياولدي هيا جي للديوان أشتي أحاكيك
طه: حاضر ياباه
صالح: اليوم خطبتك ياطه تجهز
طه بفرح: صدق ياباه قد رد لكم عمي شجير خبر؟
https://t.me/+Ecxq_OzMYh40M2E0
📚 @rewayatyamania 🇾🇪