الفصل 6
.
البـارت 6 ☆
غصـن مكسـور 🥀
👌🏻👇🏻 😍
📚 @rewayatyamania 🇾🇪
سما:حاضر ياباه
.
.
عند القيم محمد
فوق العشاء يقوم الحج محمد
الحج محمد: الحمدلله.. يافاطمة أنا عتسير ارقد لي شوية تاعب
فاطمة: يوه عاد هو بحين مسرع عترقد اليوم.. لكن لو بتحس بتعب سير رقدة العافية تشتي شي أفعل لك قبل ماترقد؟
الحج محمد: ماشي تسلمي وخرج لمكانه وجلس يبكي مثل كل مرة
دخلت فاطمة وهو بيبكي وجلست عنده
فاطمة: يارجال مالك صلِ على النبي ليش بتبكي قلي بتحيرني معك؟
وبين ماهم بيتحاكوا سلطان في المكان الثاني في الطاقة بسر سما وسمر خرجين من بيتهم للمحل أبتسم وخرج بيلحقهن
.
.
عند محل الأقمشة
سما: سمر أنتِ أجلسي عند الباب وأنا عتدخل أبسر الشاحن بسرعتي وأجي
سمر: تمام أقطبي
الباب مفتوح وسمر جلست عند الباب
سما بتدور الشاحن: يووو وين الشاحن حق أبي شكله في المخزن الداخلي عتدخل وأمري إلى الله
صخر جاء لَلمحل وفي يده دبة كبيرة وبيبسر الباب مفتوح وسمر عند الباب دخل المحل ودهف سمر وبدأ يسكب الديزل ولصى القراعة🔥 ورجمها وهرب رغم صياح سمر وبكاها وخرجت سما من المخزن الداخلي وقد المحل بيحرق وجلسين يبكين ويصيحين علاميد أحد يجي ينقذهن بس محد سمع صياحهن😭😭
صخر بيحاكي نفسه ومابش في حسه إلا أنه ينتقم: الآن عتحرق قلبك وأقهرك على بناتك يا شجير مثلما قهرتني وما ماتت غيم إلا بسببك
@rewayatyamania المصدر الأول للروايات
البنات حاولين يخرجين بس ماقدرنش وبيبكين ولا احد سمعهن من الناس لأنهن في المخزن
واحد من أهل الحارة بسر المحل بيحرق وصيح للناس يجوا يطفوا وسار يدقدق لشجير وقله أن محله بيحترق🔥
شجير بعد مابسر الحريق في المحل ذكر بناته وكان يصيح بقوته
شجير: الحقووووني المحل بيحترق وبناتي فيه بناااااتي بناااتي.. 🥺😭💔💔
الحارة كلها خرجت وبيحاولوا يطفوا الحريق الذي حمل بالماء والذي بيطفي الحريق بكوته وشاله وكل واحد من جهته بيحاول يطفي الحريق
بس ماحد منهم تجرأ يدخل يخرج البنات
إلا طه جاء مسرع وأول ماسمع أن البنات داخل دخل ينقذهن وماترددش
الكل كان مورع لطه ويحاولوا يهدئوا شجير
طه وهو داخل بسر سماء خلاص ماعاد بتقدرش تتنفس بس سمر عاد هي خرج أول سما ورجع لسمر وطلعهن فوق السيارة حق واحد من الحارة وسار اسعفهن للمستشفى
طه بيحاكي سمر: من فعل هكذاااا؟
سمر: دهفني ودخل وسعلت ماعد قدرتش تكمل كلامها بتحس بالأختناق قوي
طه: منننننن هوو؟
سمر: كان ملثم ما دريتش من هو
ملاحظة "
طه بيدرس محاماة
وصلوا المستشفى وعلى طول دخلوهن الطوارئ واستدعوا الدكتور سما ماعد قدرتش تقاوم أول ماطرحوها فوق السرير أنقطع نفسها الدكتور بيصيح للممرضين هاتوا الصدمة الكهربائية حق أنعاش القلب
الممرضين بسرعة ناولوه الدكتور حاول معها المرة الأولة والثانية والثالثة بسر مابش تجاوب قال الله يرحمها غطوها
شجير بيبكي قوووووي والذي ساروا معه بيحاولوا يهدئوه وبيبكوا من صدمة الموقف🥺😭
الطبيب رجع لعند سمر يشرف على حالتها بعد ماقد فعلوا الممرضين الأكسجين وأدوا لها العلاج ومهدئات علاميد لاتتأثرش بموت أختها
كيان أول مادريت كانت تبكي قوي وما أستوعبتش الموقف
وقد نسوان الحارة كلهن عندها وبيهدئنها ويصبرنها وهي شوية وتدوخ عليهن وترجع تقوم تبكي
الرجال بعد ما أطمأنوا على حالة سمر شلوا جثة سما للبيت علاميد يغسلوها ويصلوا عليها في حارتهم بعد ماجاء البحث وحقق في القضية وقالوا إن شاء الله يوصلوا للفاعل
الرجال وصلوا لَبيت شجير ودقوا وخلوا النسوان يفعلين طريق علاميد ينزلوا جثة سما ودخلوها للبيت
كيان أول مابسرت سما ممددة في المكان كانت تبكي بقوة والنسوان يحاولين يهدئنها وأول ماهدأت شوية قربت لعند أختها وحبتها: ليش ياسما فلتيني ليش؟ ليش ماقلتي لي أنش عتموتي على الأقل كنت عتحضنش وعاد انتِ بخيرة وأبسر أبتسامتش لآخر مرة ورجعت بذاكرتها لآخر رسالة كانت بينها وبين غيم: جاوبيني أشتي أحاكيش ضروري
يوصل الرد بعد دقائق
كيان بوجع وهي تتذكر كلام أبوها ومحتارة بس قررت تكتب: أشتي أجاوبش ياأختي وقلبي بيتقطع عليش بس ما أفعل أبي قال لي لو أجاوبش لايتبرى منى
كيان رجعت تبكي: ليش ياربي حكمت عليا أفارق أمي وخواتي عاد جرح الأولة والندم عليها ماقد طابش
والآن أفارق الثانية الحمدلله يارب على ماقضيت لي ورجعت تبكي😭..
نسوان الحارة بيبكين من بكاء كيان وبيهدئنها وبعضهن وكفين أمور الغسل كملين يغسلنها وكفننها
وشلوها الرجال صلوا عليها وقبروها وفلتت من خلفها قلوب غاثية مكسورة بعد موتها💔
رجال الحارة في المقبرة: عظم الله أجرك يا شجير والله يعصم قلبك ويقوم بنتك الثانية بالسلامة
شجير بقلب غاثي ومكسور من كل شي بيوقع له: أجرنا وأجركم عظيم يارب🤲🏻
شجير بعد ماكمل المقبار رجع لعند سمر للمستشفى وسمر كل ماتقوم تتذكر أن أختها ماتت تنهار وحالتها تتدهور
📚 @rewayatyamania 🇾🇪