غصن مكسور - الفصل 5 - بقلم هدى قطران ومناهل العريقي | روايتك

. البـارت 5 ☆ غصـن مكسـور 🥀 للكـاتبتـين: هـدى قطـران ومنـاهـل العـريقـي 👌🏻👇🏻 😍 📚 @rewayatyamania 🇾🇪 بعد ماخطيت أربع سنين عند بيت العم صالح طه يكتب في دفتره وهو يفكر في كيان "يلفت انتباهي صاحب التفاصيل والهدوء ، من يعتذر ويشكر رغم بساطة الموقف وعدم الحاجة لذلك، من يستلطفك بأحاديثه التي تلتمس منها براءة الروح وطفولة الوجدان ، نقيٌ لم تدنس روحه خيبات الأيام وقسوتها "🖤 طه يغلق دفتره ويسير لعند أبوه طه: ياباه اليوم حاكي عمي صالح ان انا أشتي أخطب كيان وقدني بين أشتغل الحمدلله صالح: أبشر ياابني أحاكيه اليوم رغم ان انا داري أن عمك شجير عيوافق والنعم في ما أخترت بنت ناس وأخلاق وحماشة والله يكتب لك مافيه الخير . . في محل الأقمشة صالح: ياشجير اليوم أشتيك في موضوع مهم عتمر لك العصر للبيت انت موجود؟ شجير: حياك الله البيت بيتك في أي وقت . . عند صخر بعد ما ماتت غيم وأبنها دخل المصحة واليوم بيجهز أوراق خروجه وهو فارح صخر يحاكي نفسه: اليوم عتدفعك ثمن كل حاجة ياشجير وأبرد قلبي فيك اليوم عتجي لك ورع لي بس . . عند طه طه بيتعذر أنه يشتي يمر لعند أبوه للمحل ياسعم أنه يشتي حاجة ضرورية وهو يشتي يسأل ابوه ماقال لعمه شجير في الطريق بسر سلطان جلس يحاكيه ويلاعبه فجأة بسر كيان خاطية في أتجاههم طه: يا سلطانو بسرت هذه البنت سلطان: أيوه بنت عمي شجير طه مبتسم بسر لعند كيان: أيوة سير قول لها هذا الولد اليوم عيجي يخطبش من أبوش انتِ موافقة؟😅 سلطان خطي لجنب كيان وبيتقنبع علاميد يوصل لها: كيان جي أشاورش كيان وطت لعنده علاميد يقدر يشاورها وبتبتسم له ولحركاته الطفولية🙂🙃 سلطان وهو بيأشر لعند طه: هذا الولد قال لي اقول لش انه عيجي اليوم يخطبش من أبوش أنتِ موافقة؟ كيان رفعت رأسها بسرت طه ورجعت أبتسمت ووجهها حمر من الخزا🙈 @rewayatyamania المصدر الأول للروايات في العصر صالح جنب باب بيت شجير صالح دق دق: ياشجير يا صاحبي وين أنت؟ شجير: الآن الآن عتفتح لك فتح شجير الباب وتفاجأ أن طه معه: حياكم الله أدخلوا طررريق يا أهل البيت، وكلهم قالوا الله الله ودخلوا بعدما خطيت ساعة وهم بيتجابروا صالح: يا شجير ندخل في الموضوع المهم شجير: خير يا صالح أتحاكى صالح: أحنا جينا اليوم نحاكيك ونقلك أن أحنا جينا خاطبين راغبين بنتك المصونة كيان لأبني طه ونتمنى أنك ما تردنا خايبين طه في نفسه وقد وجهه محمر من الخزا يارب تممها لي على خير وتخليه يوافق🤲🏻 شجير بصدمة وتغيرت ملامح وجهه: خير إن شاء الله أبسر رأي البنت أول وأرجع لكم خبر صالح: خير إن شاء الله أحنا عنورع لنابي من عندك وقالوا له يبسر لهم طريق وخرجوا . . في العشي شجير رجع من عمله شجير: كيان سبري لي شاهي وجي أجابرش كيان: حاضر يا باه🥲 كيان وهي في المطبخ بتسبر  الشاهي بتحاكي نفسها: معقولة طه حاكى أبي يووووه وماعيقل أبي ذاحين عيوافق أو ماشي.. إلا إلا إن شاء الله.. الله يستر😰 كيان سارت لعند أبوها والشاهي في يدها وناولته وجلست واقفة ماقدرت تجلس حتى شجير: أجلسي مالش واقفة؟! كيان جلست وهي ميتة فجيعة 😰 شجير: اليوم جاء يخطبش عمش صالح لأبنه وهو ابن صاحبي وشريكي في المحل بس أنتِ دارية بعيشتهم مش هي ولابد وعاد لو زد أعولتي عيكبروا وما عيكنوا يعرفوا إلا حاجتهم وقد كنت عتوافق بس بعد ماخطيوا اتصل لي صاحبي الذي في الاردن يشتي يخطبش لأبنه وهم أغنياء عيقدروا يدوا حاجتش وحاجة جهالش وجهال جهالش وأنا ما أشتي إلا أضمن  مستقبلش وداري انش عتخطي بعد أبوش كيان: بس ياباه أنا ماقد أشتيش أتزوج أشتي أدرس وبعدا الله يسامحكم ياباه ومافيه الفقير المهم رجال مصلي  محترم وابن ناس وشاري لي شجير: مابش هذا الخبر كم عتجلسي عندي وقد كملتي الثانوية ماعاد به قدش مرة وبعدا أنا أخبر بش أنتِ وتفكير الجهال هذا قالت لي ابن ناس كلهم عيال ناس وشاريين لش والنعم فيهم بس هذك غني وهذك فقير وقلي بعدك يابه وبس🤚🏼 كيان ساكتة ودارية بأبوها وكيف فعل أول بأختها قامت خرجت من عند أبوها ودخلت مكانها وبدأت تكتب في دفترها: يبدو أن النصيب لن يجمعنا ياعزيزي ، لكنني أحببتك وسأظل أدعو الله ليلاً ونهاراً ولن أيأس ، اتمنى أن دعائي يغير قدرنا هذا 😴💔 وكملت كتابتها ودمعت عيونها . . صخر يخرج من المصحة النفسية وسار لَمحل الأقمشة حق شجير وعيونه بيتطايرين شرار وباين عليهن الانتقام😡 صخر يحاكي نفسه: اليوم عتأخذ حق غيم منك وأنتقم مثلما فعلت بها هكذا وأريح قلبي . . عند شجير شجير يشتي يتصل لصالح يرجع له خبر أنه البنت مش هي موافقة ومابش نصيب يجي يشل التلفون وهو طافي😤 شجير: يوووه الشاحن في المحل نسيته.. يا سمااا سما: ها اباه مالكم شجير: نسيت الشاحن حق تلفوني في المحل سيري أديه لي أنتِ وأختش أشتي أتصل لعمش صالح ضروري https://t.me/+Ecxq_OzMYh40M2E0 📚 @rewayatyamania 🇾🇪