الفصل 4
.
البـارت 4 ☆
غصـن مكسـور 🥀
👌🏻👇🏻 😍
📚 @rewayatyamania 🇾🇪
طه بتوتر: ولا به شي غر تلفوني وخزا من البنت نخليها تديه ونفتح لها بعد ساعة 😅
كريمة: ساااابر قدك رجال ولابه شي كلمتني وانا أمك
طه وهو يغني ويفكر🤔: عتسبر عتسبر إن شاء الله
ومن عيوني
.
.
عند بيت القيم
الحج محمد كان يصلي قيام الليل ويبكي بكاء شديد 😭
فاطمة قامت من بكائه..
فاطمة: مالك يارجال؟
الحج محمد: سلطااان يا فاطمة سلطااان 🥺
.
.
بعد أسبوع *
غيم خارج اليمن في المستشفى
اليوم الذي كانت تتمنى توصل له يوم عملية ابنها محمد
غيم ودموع الفرح في عينها وبنفس الوقت بتحس بوجع ماقدرتش تفسر لنفسها تكلم محمد وهي ماسكة يده: غطوه ابني عيكبر
وعيوبه لامه ويكون لها السند
والأب والأخ والأخت
وكل شي فلته في هذه الدنيا علاميدك أنت ياابني وإن شاء الله تعوضني عنه إن شاء الله
الله يكمل فرحتي فيك يامحمد ويخليني أبسرك تخطى ماعاد معي في الدنيا إلا أنت بعد الله يامحمد الله يجبر قلبي بك أنا أسأله وأدعيه 🤲🏻💔💔
@rewayatyamania المصدر الأول للروايات
بعد اربع ساعات من العملية 🕗
خرج الدكتور من غرفة العمليات ووجهه شوية مقلوب ومايتفسرش: العملية كانت ناجحة 100%
غيم بفرح ما فرحته طول حياتها: الحمدلله الحمدلله نقدر نبسره الآن؟
الدكتور وهو ماهو داري كيف يتكلم: بس وسكت….
غيم بخوف وفجيعة: بس أيش يادكتور أمانة عليك طمني 😓
الدكتور بحزن: البقاء لله محمد مات بسبب خطأ في العملية والدكتور الذي أخطأ إدارة المستشفى ووزارة الصحة عتتخذ إجراءتها معه وعينال جزائه
غيم مصدومة وعيونها بيدمعين بدون شعور لاقدرت تصيح ولاتفعل حاجة.......
صخر بصياح: كييف خطأ في العملية قتلتوا ابني انا ماليش دخل
غيم: ماعاد يفيدش الصياح الآن محمد قد مات الله يرحمه
" الغربة لا تعني الابتعاد عن الوطن فقط ..قد تكون الغربة ابتعاد روح عزيزة عنك للأبد "..💔
بعد ماروح صخر غيم الفندق
خرج صخر يدي عشاء وعصير لغيم وقده ضابح مهما كان هو ابنه من دمه ولحمه حتى لو كان قاسي عليه و حاسس بفراغ كبير ..
غيم تتصل لأختها كيان بس للأسف كانت تتصل وتعيد الإتصال بس بدون فايدة مابش رد
رسلت لها رسالة
غيم: كيان جاوبيني اشتي أحاكيش ضروري
يوصل الرد بعد دقائق
كيان بوجع وهي تتذكر كلام أبوها ومحتارة ماتقل بس قررت تكتب: أشتي اجاوبش يا أختي وقلبي بيتقطع عليش بس ما أفعل أبي قال لي لو اجاوبش لا يتبرى مني
غيم بهدوء وصدمة من كل شي وفي نفسها بتقول لهذه الدرجة أبي يفعل هكذا حتى ماعد يخلي أختي تجاوبني وأرتجمت فوق السرير وهي بتبكي وهي ضايقة بتحس نفسها جسد بلا روح ماتت روحها بموت محمد وتحاكي نفسها ليش يامحمد فلتني لوحدي وخليت الدنيا بعدك ظلمي كنت أنت النور اللي يضوي لي دنيتي كنت أملي في هذه الدنيا.. كان كل أملي فيك انك تتعافى وتخطى نفس كل العيال وأتطلق من صخر ونعيش حياتنا أنا وأنت بس بهدوء وراحة وسعادة بس القدر ماكتب لي أعيش السعادة من صغري للآن وأنا أقول غطوة أحسن
بس الآن ماعاد أشتي شي من هذه الدنيا بعدك وبعدما اتبرى مني أبي ياربي ألطف بي تعبت من هذه الدنيا وأوجاعها يااااااارب 💔🤲🏻......
* يوما ما سترجعون *
وساكون غارقة في النوم لا صراخ أي أحد
يستطع إيقاظي سترجعون فقط لغلق نافذتين
كانتا مفتوحتين لرؤيتكم
صخر يروح بالعشاء ويشتي يساليها بس مشو داري كيف يفعل : غيم غدوه نسير للشاطئ وبعدا نرجع صنعاء
غيم ولا كلمة............
صخر: مسرع رقدتي غيم قومي هياا العشاء عيبرد
غيم بدون أي حركة
صخر بيهزها وقدو عيجنن وهي ولابتتحرك ولابتجاوب: جاوبي ياغيم لاتفعليش هكذا قوووووومي ياغيم قووووووومي صخر بيحاول يهدئ نفسه وبيحس على نبضها ولاعاد به نبض
غيم مااااااتت وماتت معها كل أحزانها وظروفها الصعبة ماتت وخلت بعدها أثر الأم الحنونة التي حاربت كل الدنيا علاميد ابنها وخلت بعدها وجع كبير في قلب صخر الذي ما كان يلين لها😭
..😔😔
📚 @rewayatyamania 🇾🇪