غصن مكسور - الفصل 3 - بقلم هدى قطران ومناهل العريقي | روايتك

. البـارت 3 ☆ غصـن مكسـور 🥀 👌🏻👇🏻 😍 📚 @rewayatyamania 🇾🇪 بعدما خطيت ثلاثة أشهر من مشارعة شجير وغيم لصخر في المحكمة غيم وأبوها مورعين للقاضي ينطق بالحكم لكن قبل ماينطق القاضي بالحكم بدقائق فجأة تغير كل شي ووقعت حاجة صدمت الكل 😳؟ ........................ صخر بيقل في نفسه: والله أن القضية شكلها قدي ضدي وضروري أفعل حل يخلي غيم تسحب القضية مااشتيش أحقق رغبة شجير ولو على جثتي بعد لحظة صخر يبتسم ابتسامة شريرة 😈وسار لعند غيم وبيداعيها: غيم غيم وهي مطنشة له وسار وقف جنبها.... غيم: ماتشتي ياعديم الضمير والرحمة أخيراً عتتخلص منك ومن جحيمك الذي كنت معيشني فيه صخر قرب لعند أذنها وشاورها وأبتسم إبتسامة شريرة😏: إذا تشتي أسفر أبنش وأعالجه أسحبي القضية وأرجعي معي وأنا أوعدش أعالجه بأفخم المستشفيات في الخارج بدل ما أبوش في يوم من الأيام يعاير أنه عالج ولد مشو ابنه في الأصل صخر وهو جالس يحاكي غيم القاضي دخل وكل واحد رجع لبقعته غيم جالسة في حيرة وبتفكر في كلام صخر وفي نفسها بتقل صح أبي أتغير لكن طمع الدنيا جالس في قلبه وهو من النوع الذي يعاير كيف أفعل ياربي 😔 القاضي وقدو  🔨 بيضرب في الماسة وقدو عينطق الحكم  غيم قامت: لو سمحتوا ياقاضي أنا عتسحب القضية وماعد أشتيش أتطلق من زوجي ولاعاد أشتي حقوقي الكل داخل مشو مستوعب ومصدوم من غيم😳 شجير مصدوم من الذي قالته بنته وجالس يقول في نفسه بعد التعب هذا كله والخساير وملاحقة صخر ولما قد القضية لصالحنا والقاضي عينطق بالحكم تقوم تفعل هكذا والله ماسبرت يا أنا ياهو شجير: غيم لو تسحبي القضية لَتبرى منش من اليوم لًيوم الدين القاضي: أنتِ متأكدة من قرارش يابنتي؟ غيم: ايوه ياقاضي متأكدة من قراري   القاضي ضرب على الماسة بالمطرقة 🔨: رفعت الجلسة شجير سار لعند غيم: لا عاد أنا أبوش ولا بناتي خواتش ولابيتي بيتش والله معش غيم وهي تبكي: سامحكم الله يأباه @rewayatyamania المصدر الأول للروايات عند كيان في طريق رجعتها من المدرسة  كيان: ياالله والشمس قدني تاعبة وميتة من العطش أركب لي باص اخرج كيان فوق الباص تلقى تلفون📱: يوووه حق من هذا التلفون؟ لكن هذه المرة شوقع بنت ساع الناس مش ساع المرة الأوله أنا وصاحباتي لقينا تلفون ومكنا صاحب الباص ومدري وصله لصاحبه او ماشي وجلست في هم وندم كيان لفت التلفون ووصلت البيت إلا شوية والتلفون يرن📲 كيان: ألو  صاحب التلفون: ألو من معي مع من تلفوني؟ كيان: من معي صاحب التلفون؟ صاحب التلفون: هاه يُمه جاوبوا طلعت بنت أم صاحب التلفون: ألو يابنتي بسمش وبنت من أنتِ؟ كيان: كيان شجير، كيف أوصل لكم التلفون لو بيتكم قريب عتديه أنا لعندكم لو مشو قريب عتطرحه لكم في بقعة معروفة وأنتوا جوا له   بعد ماوصفت أم صاحبة التلفون بيتهم لكيان  كيان: هااااه انتوا مرة عمي صالح خلاص العصر وأمر أديه لكم كيان بعد ماطلعت التلفون.. دخل شجير: هيا كيان وين الغداء؟ كيان: الآن اقربه لكم ياباه فوق الغداء... شجير ضابح 😡.. كيان: ياباه لاتضبحوش أنتوا داريين بغيم ماتفعل هكذا إلا وبه حاجة وإلا كانت تشتي تطلق منه وهي تحبكم أو غر يعلم الله ماحصل لها؟! شجير: أنا ضيعت فلوسي وتبهذلت في المحاكم علاميد أخلي الحكم لصالحها وهي في الأخير تفعل هكذا وقدام الناس لي؟ علاميد يقولوا  أبوها يشتي يطلقها من زوجها بالغصب..  هااه ولو أزيد أبسرش تحاكيها والا تتواصلي معها لاتبرى منش تمام كيان وقلبها بيوجعها على أختها: حاضر ياباااه  . . عند غيم وصخر  صخر: غيم أنتِ دارية ان انا لو وعدت بشي أوفي به يله تجهزي وجهزي كل شي عنسافر بعد يومين نعالج الولد غيم بفرح رغم الحزن الذي في قلبها 💔: حاضر . . في العصر عند كيان  لبست وتكشخت وسارت للبيت الذي وصفته لها أم صاحب التلفون مرة عمها صالح عند الباب كيان بتدقدق طه بيبسر من الطاقة الذي في الدور  الطالعي  بصياح: من بيدق دِق؟ كيان وهي تأشر له بالتلفون وقدهي خازية🤗📱 كيان بتحاكي نفسها: يوووه من هو 🥲 يعلم الله ما يوقع لهم على الله مايقع صاحب التلفون 😰 طه استحى ودخل رأسه وتوتر: يوووه والخزاااا كيان 🙈 طه بحماس: يُماااه كيان في الباب تلفوني معها فيسع انزلي أديه قوى فيييييييييسع كريمه: يله ذاحين أنزل أفتح وبعدا أبسر ماقد به معنا😉 كريمة فتحت الباب: حيا ببنتي حياا سامحيني تعبناش معنا.. أدخلي أو عتجلسي عند الباب؟ كيان بخزا ووجهها ملون: مابش تعب ولا حاجة.. مرة ثانية ان شآء الله أنا مستعجلة 😅 بعد ماخطيت كيان طلعت كريمة لعند ابنها طه...... كريمة: ماقد نسيتش مابه معنا فيسع يُمه أنزلي من اين المعرفة 😉 ؟ طه بتوتر: ولا به شي غر تلفوني وخزا من البنت نخليها تديه ونفتح لها بعد ساعة😅 كريمة: ساااابر قدك رجال ولابه شي كلمتني وانا أمك https://t.me/+Ecxq_OzMYh40M2E0 📚 @rewayatyamania 🇾🇪