غصن مكسور - الفصل 2 - بقلم هدى قطران ومناهل العريقي | روايتك

. البـارت 2 ☆ غصـن مكسـور 🥀 👌🏻👇🏻 😍 📚 @rewayatyamania 🇾🇪 في بيت صخر.. ضوى صخر من الشغل وبعد الجاكت - صخر: غيييم جي وادي لي معش قلص ماء -غيم: يله - صخر: وين كنتي اليوم الصبح؟ 🤔 غيم بتوتر: هاه في البيت وين كنت صخر: لاتكذبيش بين أقلش وين كنتِ غيم بشجاعة: كنت عند الدكتور وحكت له ماحصل كله........ صخر: كم مرة أجلس أقلش لاتخرجيش من البيت وأنتِ ولابتفهمي لكن أنا داري كيف أفعل بش ولايهمش غيم من القهر وهي بتبكي: وأنا كم مرة وأنا أراشيك نعالج الولد هذا وأنت ولابتعبر لكلامي ولابتحس بابنك وأنا الصدق ماعدبش معي أمل في الدنيا هذه من بعد الله إلاهو ومااشتيش يعيش طول حياته معاق صخر: أنا قلت لش مابش أمل في هذا الولد قده هذاك المعاق اللي ماعيتعالجش عمره هذا لو سرتي لَعند الدكتور صدق😒؟ غيم: يعني مابتصدقنيش قلي مابتقصد؟ صخر بدأ يرفع صوته ومد يده عليها وبدأ الصياح بينهم يزيد غيم بقهر وغثاء: كنت أسكت لك وأصبر على مدة يدك هذه اللي عيكسرها لك أرحم الراحمين وعلى كل شي بتفعله بي علاميد ابني بس الآن خلاص نفذ صبري عليك وابني عتعالجه أنا مش انا مورعه لك وعتفعل له كل اللي عتقدر عليه صخر: أنا قادر أعالجه بس حناكاً لش ماعتعالجش ولو عيموت يموت الله معه مااشتيش جهال معوقين غيم: أنا تعبت منك ومن عيشتك هذه عتسير بيت أبي يعزني صخر: مقلع وزيدي شلي ابنش معش . . في بيت القيم الحاج محمد  كيان بتدقدق الباب الحجة فاطمة: من؟ كيان: أنا كيان ياخالة أفتحوا لي الحجة فاطمة فتحت الباب: حيا حيا ببنتي أدخلي مابش أحد كيان: كيف حالكم ياخالة قد انا فاقدة لكم ولسلطان قووووي وين هو مابين أبسرش؟ الحجة فاطمة: راقد يابنتي أجلسي شويه وقده عيقوم كيان جلست: ياخالة أشتي أسألكم البيت القديم اللي في طريق المدرسة اللي جنب العمارة البيضاء أيش قصته؟ الحجة فاطمة وهي بتتذكر🤔: قصته قصة قديمة يابنتي هو كان ملك عجوز كان غريب مايجلسش مع الناس ومايخرج إلا للجامع يصلي ويرجع للبيت وكان يجلس في البيت لوحده كانوا يقلوا أن فيه حالة نفسية لأنه فقد أهله كلهم ومايعلم ويخص يابنتي إلاالله، وماعد بقي له إلاهذا البيت مسكين الرجال الله يرحمه كيان: أيوه ياخالة كيف مات؟ الحجة فاطمة: يابنتي مات ومحد دري به إلا لما حس عليه الحج محمد أنه ماعد بيجيش يصلي وقال لأهل الحارة وساروا لَعند بيته وبيدقدقوا له ماجاوبش والحج محمد قلق عليه وقال لهم يكسروا الباب وكسروه وطلعوا يدوروه ولقيوه وقد مات كيان: خيرة الله بس ياخالة ليش غلقوا البيت ليش مايدوه للمساكين دام مابش معه أهل ولاورثة؟ الحجة فاطمة: يابنتي لما دخلوا البيت وبسروه ميت كان جنبه ورقة كاتب فيها أن الذي عيلقى البصيرة يشل البيت له وفي هذاك الوقت كل واحد كان يدور وكانت توقع مشاكل وكانوا يتضاربوا وتقاتلوا عليه حتى أنهم ماتوا بسببه لذلك قررت المحكمة تغلقه والناس مع الأيام نسيوا قضيته وماعد أحد دور البصيرة للآن كيان: خيرة الله والحمدلله أن موضوع هذا البيت تقفل ولو أن البيت حالي لكن قده بدل ماتسير بسببه روؤس قد القفاله له أخرج سلطان بيبيكي 😭.. كيان بتسمع صوت بكاء لكن الصوت كان واطي: يوووه ياخالة قد شكل سلطاني قام أقوم أحبه وأضوي قد تاخرت كيان قامت حبته ولَعبته شوية ورجعت بيتهم . . في محل الأقمشة شجير: الحمدلله الربح هذه السنة خيرات صالح: خير من الله.. الله يديم علينا نعمته إلا قولي كيف بنتك غيم وزوجها؟ شجير: خليها على الله عاد هي حنقت أمس الصبح من زوجها  كل ماأبسرها أغثى عليها وأحس بالذنب لذلك الصدق قد انا أشتي أطلقها منه وذاحين عنسير المحكمة نرفع قضية طلاق علاميد أطلقها تفتهن منه صالح: الله يعينك وأنا أخوك أي وقت تحتاجني فيه قلي شجير: والنعم فيك وكثر الله من أمثالك . . اليوم الثاني كان الجو حالي قوي بعد مطرة العشي💦 كيان بتخطى للمدرسة وفي الطريق كانت بتخطى من جنبها سيارة وصادفت ان الذي وسطها نفس العيال ألذي لقتهم المرة الأولة وحاولت تطنشهم واحد منهم خرج رأسه من الطاقة: هيا ياقمر عتجي معَنا كيان ولاعبرته ومن داخلها قد بترتعش ومفتجعة، هم ضبحوا من تطنيشها ورجعوا  بيتعرضوا لها بالسيارة ونزلوا وهي بتحاول تخطى بسرعة وتتجاهلهم وبتحس الطريق كبرت وماعد كملتش.. وهي بتسرع ظهر طه: خير مابه مابتدوروا هنا 😡؟ كيان تنهدت وجالسة تخطى بسرعة واحد من العيال: مابش معنا شي وبعدين أنت مادخلك والا أنت الحبيب الأولي وغمز له بمكر😉؟ طه: كيف مادخلني ياقليل الأدب مابش معاكم خوات جالسين تلاحقوا بنات الناس يلاه قوموا أنقلعوا من هنا واحد منهم: وإلا ماعتفعل طه: عتتصابح بكم من صباح الصبح نزل واحد من العيال وبدأ يضارب طه بس طه كان قوي وضربه ونزلوا الباقيين اتعصبوا عليه وطه ضربهم كلهم لأنه كان رياضي وبيتمرن في نادي💪🏻وهم أفتجعوا وهربوا... 📚 @rewayatyamania 🇾🇪