الكنز المخفي - الفصل 9 - بقلم عبير الكبسي | روايتك

. البـارت 9 •• الكنــز المـخـفـي 💎 👌🏻👇🏻 😍 📚 @rewayatyamania 🇾🇪 كتبت في الدفتر اللي دائماً تفضفض فيه مشاعرها (متى سيقدر لنا الأشخاص الذي نتمناهم ونستحقهم للأبد؟ ليس لفترة دون أخرى! ليس في الأفراح فقط، وإنما في المواقف السيئة ايضاً !! ليس في الضحكات وإنما في الدموع .. ليس في النجاحات وإنما في الأزمات.. ليس لوهلة وإنما للأبد.. متى سيأتي فعلاً من نستحق؟؟ يأتي ولايغيب ! يأتي لمرة، مرة تدوم للأبد!! متى؟)) كملت تكتب وفجأة غنت وبصوت عااالي تخرج ضبحها.. دق باب بيتهم سكتت نور: من.. مممممااان بضبح ليش بيدق قووي نور واقفة والدفتر في يدها سمعت عمها سمير خافت رجمته للشجرة (دايما تخبيه بين الاغصان) بس هذه المره مع الخوف رفعت يدها قوي و رجمته وصل للحوش.. ضبحت راحت تفتح عمها سمير: وين امي؟ نور: مابحد سمير: من في هنا؟ نور: انا وحدي سمير: اعمامش محد جاء منهم؟ نور: ماشي محد جاء سمير: ولا حد جاء لاعند امي يحاكيها على البيع والبيت؟ نور: ماشي محد جاء سمير: وين سارت؟ نور متحملة غضبها منه وغباء تفكيره: ماقالت لي سمير: طبعا مابش رجال في البيت كل واحد بيفعل اللي يشتيه تخرج وتدخل محد داري وين عتسير ولابترضى تجاوب تلفون نور مستغربة ليش بيتكلم عن امه هكذا !! بتشوفه بصمت سمير: يلا مع السلامة خرج وقفل نور قفلت بعده وفرحت انه ما صيحش فوقها انها مش لابسة حجاب ، تلفتت شافت مابش بيوت كبيرة لابيتهم إلا البيت اللي جنبهم محد ساكن فيه ، تطمنت اكثر انها مش غلطانة جلست تلوي وتسقي الشجر وتغني وتدور وتضحك لما حست بدوخة @rewayatyamania المصدر الأول للروايات دق الباب فتحت لبسمة وهي بتضحك بسمة: مالش؟؟ نور: الحمدلله لحقتيني كان فيوزاتي قرحين ضبحت وحدي جلست ادور لما سومت بسمة مربوشة لحد يشوفها: مش وقتش ، قلي لي قد روحت جدة؟ نور رفعت صوتها: عمي سمير داخل ابسرش في السوق محل رجالي اتصل لابوش يسأله ليش يرسلش للمحل وابوش جاء وهذك هم داخل بسمة صفرت حمرت خضرت: يووو قلدش الله؟ الله يقلعني من قلي ما اتلثم نور ضحكت سحبت الاكياس اللي في يدها : رحمتش على فجعة، بين امزح ، بتشوف الاكياس والمحلات والملابس...وتصيح (اوووف يامجنونة؟؟ ايش هذا كله؟) بسمة: والله اني قرحت ٥٠٠$ كنت مخبية لها اشتري لي فستان لعرس صاحبتي بس يهنا قلبه نور: ليش بتخرفي شليتي اشياء مكلفة؟؟ بسمة: والله ان الشال كشميري عمل يد هو اكثر شي كان غالي، وشليت له كوت فخم وعطر يجنن، والثوب ماشاءالله تراشيت يبيع لي حق واحد كان قد فصل له نفس قياساات عموري نور: عمروا عينش يامجنونة ليش هذا كله هو طلبش ثوب بس بسمة: اشتيه يهنجم ويتخايل روحه بين خبرته بذوقي طالما مايعجبه إلا ذوقي يبقى ما اششتريش اي شي نور: والله انش خبلا ماقد ادالش هو؟ بسمة: ماقد اداش بيخاف عليا فديته لاحد يبسر معي شي ويسألوني من ادا لي نور ضحكت ضحكككة ملاااااان الحوش ضحكة مستفزززة سخرية عليها: اقسم بالله انش من حق الجنة ترحمي، لقي واحدة يخترفها بسمة: بتحسدددي حبي يا اختي وهجعيني هدارش عنبسر ماعتفعلي نور: والله لاخاف عليه هو حد يبسر معه شي مني ، واطلب مرة بس حاجة سوا للعمر بسمة بتقلد جدتها: عتطلبي حبة جنيه والا ارض نور ضحكت: هيا ادخلي خبيهن لحد يجي يبسرهن ويشلهن عليش بسمة: مع مراعيه له عيجي لهن نور: لهنا؟؟؟؟ بعقلش يا بسمة؟ بسمة: بساعته عيمر يشل الكيس ويخطى بسيارته نور: اي حين اشتريتي له السيارة؟؟ بسمة عوجت فمها: بس لغاجة ذلحين عتجلسي تزبجي لبكرة نور بتحس مطر فوق راسها: يووووه يابسمة!!! دفتر حياتي عيبتل بسمة شافت الشجرة: مابش؟ وين هو؟؟ نور: رجمته لداخل السور بسمة: ادخلي اديه وعادو ضوء انتي ساطية؟ نور: طبعااا شدخل بس لو جت جدتي قلي لهم ان انا في الحمام في الحوش صهيب كان بيقرأ مقتطفات من دفترها بيسمع قلق لاتطلع تشوفه وخاف يطرحه بين المطر يتبلل ، قرر يسرع يتصرف طرح الدفتر وغطاه بمشمع شفاف وتخبى ورا عمود في الحوش.. في حوشهن.. بسمة: تمام مش انتي خايفة؟ ماشي ابوه! نور: مااااشي شاديه مش انا خايفة.. بس اجلسي جابريني احس بأمان بسمة: حاضر نور رفعت شوية بنطلونها الجنز من عند القدم وغيرت الشبشب لحذاء رياضي (حاشيكم) ، رفعت شعرها ونزلت اكمام الفنيليه عشان لاتخدشها الاغصان وبدأت تتسلق الشجرة حقهم.. شافت طرف السور من الجهة اللي داااخل عرض الجدر الحجر مش التراب في مكان تقدر تدخل منه وشافت انها بعيدة وبتهم كيف تطلع لها بسلم وتعب، قررت تقفز لفوق تبه نيسه (تراب).. قفزت صهيب سمع الصوت خاف لاتكون استوجعت قرب عينه من العمود يشوف دلا وهي بتقوم من الارض بتنفض التراب من يدها وتبعد الحصى الصغيرة اللي في قاعة يدها.. تخبى بسرعة وخايف بسمة: نور نور: هاااه بسمة: ... https://t.me/+Ecxq_OzMYh40M2E0 📚 @rewayatyamania 🇾🇪