الفصل 8
.
البـارت 8 ••
الكنــز المـخـفـي 💎
👌🏻👇🏻 😍
📚 @rewayatyamania 🇾🇪
نور اقتهرت على جدتها كيف انصدمت من كلام ابنها: كيف ياعم تتكلم مع امك هكذا وانت اكبرهم واعقلهم ومتدين هكذا يكلموا الأم هكذا طاعة الوالدين!!
سمير: ادخلي الآن ماخرجتش الحوش بشعرش مابش من يربيش ماتربيتي على يد رجال يكسر راسش تخرجي حوش بشعرش
نور اقتهرت من كلامه كيف جارح دخلت حانقة
الجدة فتحت باب الشارع: اخرج يلا من هنا ماتدخل البيت هذا إلا وانت محترم اللي فيه
سمير: هيا ناهي عنبسر من عيخرج هذه الخرجة، الله يهديش كيف بتعترضي على حق الله وتعصي الله يمه الله يهديش خرج وهو معصب
@rewayatyamania المصدر الأول للروايات
صهيب بعد اللي سمعه زعل خرج تلفونه كلم صاحبه وقفل
سمير فوق السيارة بيتصل للمشتري: حياك الله بين اتصل لك ومشغول او قد وصلت؟؟ ها الحمدلله كنت اشتي اغير العنوان تجي لبيتي انا نتفق.. ماهو؟؟ ليش !! ايش السبب عادي عننزل بالسعر، يعني مش انتوا حق بيعة بتلعبوا.. عصب وقفل
بيت جدتها زاعلة على اللي سمعته وعلى زعل جدتها وبسمة وعصماء بيتجهزين مروحات بعد ماقضت معهن يومين حلوات ضحك ومغامرات وجنان..
بسمة: مالش؟
نور: ولاشي
بسمة: خايفة حين عتكوني وحدش مع جدتي
نور شافتها: ماشي زاعلة عليكن انكن رايحات
بسمة: انا ماشاسيرش عشانش شمسي
نور فرحت: صدق الحمدلله
بسمة: ذلحين ماهو يا نور هذا الجعالة والشطة نسير لشيخ؟
نور: ايوه لو هم بيلووا حولنا الشيخ يدخلهم عقلش صميل ويوهمش انش مسكونة عشان تجلسي تدفعي له وتسيري عنده
بسمة: طيب طبيعي اللي حصل
نور: ماشي مش طبيعي مدري عقلي وقف عن التفكير الصدق
بعد مامشيوا كلهم والجدة راحت مشوار مارضيت تكلم او تخلي عيالها يوصلوها استأجرت تكس..
بسمة و نور وحدهن في البيت
بسمة: نور جي ندخل البيت فاضي
نور: بيجي لي ضيق داخل وحمى ويفجع اكثر، الحوش مريح اكثر
بسمة: اقلش شي وماتصيحيش؟ قبل ماتجي جدة وما اقدرش اكلمش
نور: الله يستر قولي
بسمة: ذهبي ماشله اخي انا بعته وسلفت
نور: سلفتي من؟؟ لاتقلي اللي مراعي لورثش؟
بسمة: ايوه هو معه بس امواله في البنك لما يلقى بطاقته
نور: انتي غبية يا بسمة والا بتستغبي بتصدقي بسهولة؟
بسمة: مالش يانور لو تبسري على عيشه عايشينها مرتاح مش مراعي لحقي
نور: يا اختي مادراش والعز اللي فيه يمكن شحت وطلاب
بسمة ضابحة سارحة: اللي يزعل مش هذا
نور: ايش؟
بسمة: اللي يزعل انه مايوقع حالي ويحبني إلا لما ادي له شي والا بيجلس ضايق وضابح وما اقدرش اشوفه هكذا
نور: بيعي كليتش امد تفرحيه ويبتسم إلا زعل ابن امه
بسمة: ذلحين معه عرس ابن عمه طلبني ثوب وشال اخرج افصل على ذوقي عيحول لي الزلط
نور: قلي له ذوقش شمات عتختاري له زنه جرز وشال جسميكو يسير هو مافهمش انتي بسوق الرجال
بسمة: يانور لاتوقعي هكذا بين احاكيش امد انتي الوحيدة اللي عتساعديني ونخرج نشتري
نور: والله ما اخرج اكسر رجلي ألف سوق امد واحد بشنب يخرج هو كسروا رجله
بسمة: يخ كيف انتي هرمة نكدية، والله لافلتش وحدش في البيت واسير اشتري
نور: فجعتيني سيري الله معش بس لاترجعي تبكي حين ينذقش ويرجمش لغيره يشتريش مايقدر عليش هو تمام !!
بسمة: هذك زمن جدتش هذا الحكا ماعد بش ناس هكذا الناس كلها بتحب وتنحب وتتزوج عن حب انتي اللي عايشه في كذبات جدتي اللي ربتش بها... شاسير بساعتي
بسمة خرجت وقفلت الباب بعدها..
نور طنشتها وجالسة وحدها في الحوش جنب الشجرة الكبيرة اللي بتجلس عندها رافعة راسها بتشوف حركة الاغصان فوقها: عارفة ليش مابين اخاف من هذه البقعة ، لان وانا صغيرة صدقت ان ابي وامي مدفونين هنا، كنت كل ما ابكي تقل لي جدة بابا وماما عيسمعوش ويزعلوا، صدقت الكذبة وانا دارية انها كذبة
احسش يا شجرة المكان اللي بيفرحني لو زاعلة او ضايقة مدري انا مجنونة مدري انا عاقلة بين اجابر شجرة بس هذا اللي احسه، ضبحت اشكي لاوادم بيجلسوا يطبطبوا عليا وبعدا يعايروني مابش معش من يربيش هذا وهو متدين
بدأت تدندن وتغني ومنسجمة وحدها في الهدوء..
ورا الجدر كان جالس بيسمعها في البداية يشتي يضحك على قصتها وهي صغيرة بس تأثر ، وانصدم بجمال صوتها وهي بتغني داخل نفسه ياريت تجلس تغني بس
كان فاصل بينهم سور تراب بسسسس حاسس بروحها رغم مش شايفها، وهي رغم المقالب اللي حصلت لهن والقصص اللي سمعتها من جدتها إلا انها اكثر مكان آمن بيريحها..
نور بتكتب شوية خواطر وترسم شوية رسومات وجوه بنات حزينة فيها دموع...
كتبت في الدفتر اللي دائماً تفضفض فيه مشاعرها...
📚 @rewayatyamania 🇾🇪