الفصل 7
.
البـارت 7 ••
الكنــز المـخـفـي 💎
👌🏻👇🏻 😍
📚 @rewayatyamania 🇾🇪
بيغسولين بعد الصبوح
نور: ابسرتين كلهم كيف محد سامر امس
بسمة: ايوه والله صدق ولا باين على اي حد انه فعلها
عصماء: ان شاءالله ذلحين تكونين تصدقين لما اقلكن الليل يخوف
نور: خلاص نخرج اكثر شي لاقبل ١٢ من بعد ماشي
بسمة: بعد المغرب ماشي ياسعم انش سندريلا قلك ل١٢
نور: ليش عتخافي طلعوا جن بيت وزير يعني حاجة راقية من اللي يعجبش
عصماء جلست تضحك هي وبسمة
نور: خلاص كملنا غسولة جين نسير نتسلى أمانة
بسمة: اين؟
عصماء: الحوش؟
نور: ماشي من الخبالة مانفعل نرد لهم الشطة يفعلوا غدا؟ اقلكن جين نسير نتسلى فقرة عمي ونسوانه لطيفة
بسمة: آخرتش على طباين يانور شلوش
.
.
في حوش بيت جيرانهم
صهيب ماسك القلص بيتقهوى والورقة قي يده بيلوي حسب المخطط اللي قد خططه في الارض فعل دايره حول البقعة المأشر عليها في الورقة وفعل اكس عطفها في جيبه وسار بقعة التفجير يشوف مابش شي ولا أي اثر دخل البيت واتصل اتصال دولي هكذا كانت المكالمة
صهيب: متأكد، مابش معنا حل غير تزيدوا المبلغ ونشتري البيت حقهم وبسرعة لاني ضبحت اشتي اسافر
@rewayatyamania المصدر الأول للروايات
بيت المنذر
بسمة: وقعت لش صرعة قد روح عمي ونسوانه
نور ضحكت: طيب جين نخرج نلعب شوية
جدتها: اين تسيرين جي قد عجنت شوية حناء احني شعرش ابسري كيف قدو مشعفل
نور: ياربي ماتفهموش انه هذا نوع من انواع الشعر يجي كيرلي مموج مش هو مشعفل الحناء ياجدة عتشعفله
جدتها: قد عجنت جي هيا وانتي مشطي وجهزي بعدها ، وانتي (لحقت آخر واحدة عصماء)
بسمة: انا شعري مصبوغ ماينفعش
عصماء: انا شعري اسود اشتي يجلس اسود
جدتها بتفتح شعر نور وتحنيه: عادو احسن وفرتين الحناء قليل وشعر الجنية هذه خيرات وطويل
نور وهي بتتحنا: عندي فكرة اتحنى واسير ارجع الشطة نرد لهم الفجيعة حق امس
جلسين يضحكين
بعد ربع ساعة خرجين الحوش يشوفين مابش شطة!!! وين سارت؟
نور: عندي فكرة هو عنتأكد بهذه الطريقة لو اذيناهم عيأذونا ساعتها عندرى من وين خرجوا امس لو هو صدق من بيت الجيران
صهيب بيسمع اصواتهن قد خرجين بس مش فاهم ايش بيقولين وهو جالس بيدفن بقعة التفجير اللي فعله
بسمة: ايش الفكرة؟
نور: لفلفين معي هذه القراطيس والزبالة اللي هنا
جمعين من الحوش اثنين اكياس ربطتهن ورجمتهن لبيت الجيران
انصدم صهيب الكيس فوق راسه والثاني جنبه بيشوفهن زبالة!!! عصب وقف مسح شعره وشل الاكياس يشتي يرجعهن بس مسكهن وقرر يردهن بطريقة ثانية
نور: ابسرتين مابش شي
بسمة: نشتي شطة
عصماء: مابيجوا الا الليل
نور بتصيح: نشتي جعالة بدل حق امس اللي مع الفجيعة خليتونا نطيرهن في الحوش
بعد خمس دقايق
وصلهن كيس الزبالة مربط بكيس جعالة؟
(صهيب دخل بسرعة للمطبخ وهو بيضحك على جنان الطفلات هولا ربط الجعالة اللي معه في المطبخ مع كيس الزبالة وقرب لطرف البيت من جهة الشارع ورجم بقوه لبيتهم الكيس)
شافين الكيس حق الزبالة، والجعالة صاحين بصووووت
خرجت جدتهن وامهن: مالكن؟؟
عصماء هربت دخلت للبيت
نور بتصيح: لو تفتحي فمش ياويلش
بسمة بترجف يدها: ماهذا قدو الصدق ماهو
نور: راعين شطلع ابسر من في الحوش (طلعت فوق شجره التوت)
صهيب سمعها ودخل بسرعة يتخبى بيضحك عليهن
نور طلعت بدت راسها تشوف الحوش مصدومة: مابش حد!!!!
بسمة بصوت واطي: ها مالش؟؟ لقيتي حد
نور بصوت بيرجف: ماشي مابش حد ولامخلوق تصدقي ، بتنزل دلا وهي مطننة مصدومة من رجم مش من الشارع اكيد الزبالة كانت في البيت المهجور..
صهيب بيشوف من الطاقة واحدة شعرها مرفوع ومن ورا مشعفل عيونها باينات والصدمة في ملامح وجهها بيضحك على المقلب
جدتها شافتها: ماطلعش الشجرة؟؟
نور: سمعنا صوت وانتوا قلتوا مابش حد طلعت ابسر
جدتها: لحد يأذيكن انا قلت محد يقرب هذه البقعة كم قد قتلنا حنشان فيها
نور: ناهي محد قرب إلا جينا نبسر
الجدة: ومادخلش من الفضول تطلعي تبسري اي حين عتعقلي قدش مرة
نور: ماعد بش عقل ياجدة، كان به ذرتين عقل طارين بتفجعونا بالبيت هذا
وصل سمير عادو دخل من الحوش: وصل لي اتصال عرض سعر للبيت ماحصلش ولا عيحصل اين اخوتي قد اتصلت للمشتري يجي نوقع ونستلم ونسلم البصاير
امه: وانا وين سرت بتقرر من راسك
سمير: نشتي حقنا
امه: وانا مااشتيش ابيع
سمير: انتي مامعش إلا الثمن ، يعني كلنا نشتي نبيع وانتي ماشي
امه: وانا ولو مابش معي فلس لو قلت مابش بيع مابش
سمير بعصبية: ليش بتفعلي هكذا ليششش، هيا حرام لايبتاع البيت ولو فعلتي مافعلتي والا اقلهم عدم اهلية تقرر محد عيسأل رأيش
صهيب بيسمع الصياح بيسمع الموضوع ماله دخل بالجعالة وغيره، موضوع بيت !! بيسمع سكتة
نور اقتهرت على جدتها كيف انصدمت من كلام ابنها: كيف ياعم تتكلم...
https://t.me/+Ecxq_OzMYh40M2E0
📚 @rewayatyamania 🇾🇪