الفصل 17
نزل لعند أمه الي كانت بالصالهـ..
راكان جلس على الكنب:السلامـ عليكمـ..
أم راكان ناظرته بقهر:وعليكم السلامـ والرحمهـ..
أبو راكان يشوف التلفزيون:وعليكمـ السلام والرحمهـ..
أم راكان بنفس قهرها:وأنت مهقيت على اللهـ..تقول لكـ الأم وبنتها ودني للبيت..وأنت على طول بعد ماوديتهم سيدا للبيت مقلت وراي احد وراي ناس أشاورهم..
راكان استغرب من امه:أشاورهم!! ومن متى أشاور أنا أساساً..وبعدين وش أشاوركم فيهـ عشان أني وديت حرمتي وعمتي..
أم راكان قاطعته:والله وصرت تعطيهم الأولولية والأحترامـ..
راكان:أمي أنتي وش تبين توصلين له بالضبط..
أم راكان:..........
راكان كمل:أنا ماأحب أتكلم أو يتكلم لي أحد بالرموز..أرجوا أنك توضحين كلامك ومغزاكـ زين..
أم راكان قامت:أنا لاحظتـ عليكـ هالأيامـ متخمر مع الست جيهان وأمها..مدري وش عندك راز لهم الفيس..
راكان:يايمهـ أنا ماأجي لجيهان إلا كل خميس..لكن صادف الروحه روحه بحر وشفتها..وبنسبة لليوم فهي طلبت مني أني...
أم راكان بعصبيه قاطعه:أنا ألي أمكـ مسويتها معي..تجي تسويها مع بنت هالأرمله..
راكان انصدم من كلام أمه:أرمله!!! "وقام" هالأرمله ذي ياأمي بتكون زوجي بنهاية هالشهر..
أم راكان بصدمه:بنهاية هالشهر!! "والتفتت لحمود" سامع ياحمود وش يقول ولدكـ..
أبو راكان وعيونه على التلفزيون:أي سامع..
أم راكان:وعادي عندك!!
أبو راكان ببرود:أي عادي..هم سوا الشهر ذا ولا الي قبله بيعرسون..وراكان ادرى بمصلحته مهوب صغير..
أم راكان بقهر من بروده:أنت سبب الدمار الشامل لعيالكـ..وهذا ألي خلهم ميصيرون رياجيل عدل..
راكان أنصدم من كلمه أمه وبعصبيه مكتومه:أنا رجال يايمه..وأبوي وأنتي ربانا عدل..
أم راكان التفت له:عجيــــب والله!!! تعال اضربني بعد..والله وصرت وتعلي صوتكـ على أمكـ ياراكان..وعشان من..عشان ارملة لاراحت ولا جات..
راكان اقترب من امه وباس راسه وبتأنيب ضمير:أسف يمه لاني عصبت عليكـ..بس أنتي اجبرتني..واحب اذكرك أن كنتي ناسيه..ولاتتنابزوا بالألقاب..
أم راكان خنقتها العبرة:والله خوش..والله وصرت تعرف تتكلم ياراكان..
راكان مرد عليها وفضل أنه يطلعـ من المكان عشان مايغضب ربه بأي رد سريع منه..
ولأن راكان سريع الغضب..ولعصب محد يعرفهـ..
ابو راكان التفت لها:حرام عليكـ يامره..كل ذا النقاش عشان أنه ودا جيهان وأمها..وبعدين راكان مو مقصر لامعي ولا معكـ..
أم راكان بين دموعها:ذاكـ أول..شوف كيف يعاملني..راكان ألي أعرفه عمره معلى صوتهـ علي حتى لو شكان السبب..
أبو راكان تنهد بصمت:يمكن هو فعلا أخطأ..لكن شوفيهـ أنه باس راسكـ بعد الكلامـ الغثيث ألي قلتيهـ لهـ..واعتذر منكـ بعد..
أم راكان:أنا كلامي غثيث ياحمود!!!
ابو راكان:الكلام ألي قلتيه أنه مهوب رجال..ذي الكلمهـ مايرضاها أي رجال على نفسهـ..ويمكن تصير هوشه بعد أن قالها واحد لخويهـ..
أم راكان بنوحه:ومن متى راكان لما اكلمه يعطيني ظهرهـ هااه..قول بعد أني غثيته بالكلام..المفروض من باب الأحترام أنه يسمعني للأخير مو بنصف كلامي يدير ظهرهـ لي..
أبو راكان تنهد بصوت مسموع:استغفر الله العظيم بس..أنا متأكد ان راكان ماسوا كذا إلا لحاجهـ..
أم راكان قاطعته:ووش ذي الحاجهـ الي تخليه يغضب ربهـ ويعصي أمهـ..
أبو راكان:ولدي راكان وأنا أعرفهـ زين..مستحيل يسوي ذي الحركهـ إلا لشيء..والموضوع حدهـ حامي..لهدأ بيجي بينفسه بيراضيكـ..وراح تشوفين..وأن مراضاكـ هذا وجهي "وهو يمسح بذقنه"مكون انا حمود أن مجاكـ وباس يدكـ عشان يراضيكـ..
وطلع وخلاها بحزنها..
.
.
.
في البحر..
طلال:أنت هدي اعصابكـ..
راكان تنهد:لا إله إلا اللهـ محمد رسول الله..
طلال:لزوم تحدث غيرة بالبداية..ولا تنسى أنك أنت القريب منها..والمفروض مهما وش صار متعلي صوتك عليها مهما وش كان ذي أمكـ..
"إلا برنه جواله ورد"
طلال:هلا يمهـ..أأأوووه انا مش فاضي قولي لمعاذ وبيجيب لك..انا لله بس ياصبر ايوب على بلوااه..طيب طيب خلاص لاتحنين..
راكان بصدمه من كلام طلال وصار يضحك بهسترياا..
طلال سكر جواله:علامك تضحك..
راكان بضحكه:انا اشهد أنك منسم..توك تنصحني وتقول أن ألي سويته غلط اني اعلي صوتي عليها وأنت معلي صوتك شبرين ومبغى أحد بالبحر مسمعكـ..
طلال:هههههههههه..ذي اختي وأنا أخوكـ..
راكان:توك تقول هلا يمه..
طلال ضرب كتفه:ابي اضحكك وبس..
راكان بابتسامه:ونعم الصديق والله..
طلال:احم احم..
راكان:أقول لاتصدق بس..ههههههههه..
طلال ضرب كتفه:ابي اضحكك وبس..
راكان بابتسامه:ونعم الصديق والله..
طلال:احم احم..
راكان:أقول لاتصدق بس..ههههههههه..
طلال بابتسامه:المهم أنا مقدر اقعد معك اكثر..ندأ الأخوه يناديني.."تنهد"مكنا احد بالبيت إلا انا..
راكان:الحال من بعضه وانا اخوكـ..بحفظه..
طلال:سلام...
ناظر للبحر بعيون حيرانهـ..
وتنهد بصمت(الله يستر منك يايمه..هذا من أولها وأنتي كذا..كيف لخذت جيهان..الله يعين بس..مدري وش اسوي احين..اكيد ماخذه بخاطري مني)
بلا شعور دق عليها..وعلى الرنه الرابعه ردت..
جيهان بصوت ناعم يسر له القلب:هلا..
راكان بشوق:هلابش يابعد قلبي..
جيهان بحيا:هلابكـ..أخباركـ؟؟
راكان كتم تنهيدته بصدره:الحمدلله..
طبعا هالشيء ماخفى على جيهان:علامكـ ياراكان..من صوتكـ حسيت أنك متضايق ومكتوم..
راكان أطلق تنهيد قوية من صدره:صدقتي..
جيهان انسدحت على السرير:قول لي وش ألي مضايقكـ ومكدر صدركـ..
راكان بخبث:متاكده أنك بتساعديني..
جيهان:بإذن الله..
راكان بحب:بشوفتكـ تزيح عني الكدر والهموم..
جيهان قلب وجها أشارة مرور من كلامه..
راكان بابتسامه:وين رحتي..
جيهان بصوت قريب للهمس:معكـ..
راكان:فديتـ الخجلان يا ناس..
جيهان بضحكه عذبهـ أسرت قلبهـ:هههههههه..
راكان من قلب:آآآه يايمهـ..
جيهان بحيا ممزوج بدلع عفوي:رااكـــان..
راكان مسكـ جيبه:لا أنا بموت..بموت..
جيهان بضحكه:بسم الله عليكـ..
راكان بحب:جيهان..
جيهان باندفاع:قلبها..
راكان بلا شعور:أنتي تحبيني؟؟
جيهان:...........
راكان بابتسامه:افهم من سكوتكـ أنك تحبيني..
جيهان نزلت راسها وعضت شفايفها وبحيا:كنا أنحرفنا عن مسار موضوع الأساسي..
راكان:ههههههههههههه..تستحي� � تقولينها يعني..
جيهان بدلع:ترى بسكر..
راكان باندفاع:لاااا..
جيهان:تيب قول لي وش الي مضايقكـ..
راكان تنهد بهم:أمي ياجيهان..
.
.
.
..في مطعم هادئ وراقي..
مسكـ يدها وباسها:ياقلبي أنتي..أنا رحت لأبوك بشغلهـ أمس وهم رفضني..
أروى:.........
عبدالعزيز:وطردني قدام الي يسوا والي مايسوا..وكل ذا عشانكـ أنتي..وتقولين لي أني محبكـ..
أروى باندفاع:وربي آسفة ياعزوز بس وش السواه..من حبي لكـ أبي نتزوج بسرعهـ..أباكـ تكون بجنبي على الدوام..
عبدالعزيز بهم:وأنا بعد أبا اتزوجكـ بسرعهـ..بس أبوكـ مو راضي ابد..مغير يطرد فيني..ورحتـ له مع أنه شغله يبعد عن الرياض بكثير..وروحتي له هبأ منثورا..
أروى شدت على يده:تصدق عزوز..
عبدالعزيز:عيون عزوز انتي..
أروى:أنا لو بشكر هياء..بشكرها على حاجه وحده بس..على أنها عرفتني فيك<<يعني اني رومانسية مالت عليك وعلى رومانسيتكـ ألي توطي الرأس..
عبدالعزيز باس يدها:فديتك..
.
.
.
جيهان باهتمام:وبعدين..
راكان:صايرة كلا تصنع المشاكل لأتفه الأمور..
جيهان:تريد الصدق..
راكان:أي..
جيهان:خالتي أسلوبها معي ومع أمي مو ذاكـ الزود..مو أقصد حاجه مهيب زينه..بس حتى أمي قالت كذا..
راكان:..........
جيهان:قلت يمكن أحساسنا خاطئ..
راكان قاطعها:هي تعاملها معكم كذا لأنها متعود عليكمـ..
جيهان بااندفاع:أي يمكن..كل شيء جايز..بس أنت أول ماترجع من البيت بوس يدها وراسها وأعتذر لها عما بدر منك بغير قصد..
راكان:............
جيهان كملت:وأعمل لها أي حاجهـ هي تبيها وأبتعدت عن أي حاجه تعصبها..
راكان بابتسامه:وبعد..
جيهان:والأهم أنك تبين لها أنك ماتبي إلا رضاها..
راكان( أنا عارف وش تبي..بس مقدر أنقذهـ):طيب..
جيهان باأبتسامه:وأن شاء الله مالكـ إلا رضاها..أنا بسكر دحين لأن أمي تبيني..وطمني عاد..
راكان:توا الناس ما شبعت منكـ..
جيهان بحيا:أقول بس..يلا سكر..
راكان:ههههه..طيب..يلا سلامـ..
جيهان:بحفظهـ يارب..
وسكرت منهـ..
ضمت جوالها بصدرها بلا شعور ونزلت تحت عند أمها..
شافتها جالسهـ على الكنب اقتربت منها:يمهـ..
رفعت عيونها المليئهـ بالدموع لبنتها:نعمـ يمهـ..
ضمت جوالها بصدرها بلا شعور ونزلت تحت عند أمها..
شافتها جالسهـ على الكنب اقتربت منها:يمهـ..
رفعت عيونها المليئهـ بالدموع لبنتها:نعمـ يمهـ..
جيهان تنهدت:حسبي الله عليهـ هو وهالعقربة بدريهـ..لا تبكين يالغالية..
أم فهد بين دموعها:وشلون ماأبكي ياجيهان..وشلون ماأبكي وأنا أمهـ ويرفع يده ويضربني ولا والله ثم راكان كان صارتـ حاجهـ ثانيهـ..هالرجال أصيل يابنتي..قدريه ورفعيه فوق راسكـ..
جيهان بابتسامه:إن شاء الله يالغالية..بس أنتي لاتبكين على ناس ماتسوى..
ام فهد تمسح دموعها:المهم يابنتي..لاتقولين لأبوكـ عن أي شيء صار..
جيهان هزتـ راسها بنعمـ..
.
.
.
كانت تقرأ اواخر سورة البقرة..إلا برنهـ جوالها..ألتفتت لهـ ومن شافتـ الأسمـ أبتسمتـ بلا شعور وردت بفرحه كبيرة لاتوصفها:هـــــلا واللهـ بألي دق على جوالي..
جيهان باابتسامه:هلابش مليون ياقلبي..كيفك غناتي؟؟
حنان تنهدت:الحمدلله أحسن من قبل..
جيهان:هاه طمنيني تحسينهـ تغير بعد مشافكم حولينهـ لما كان مريضـ..
حنان بسخريه:أي كلش تغير بقوة..لدرجة أني مصرتـ اعرفهـ..
جيهان بحزن:يعني رجع زي قبل..
حنان:حسبي الله ونعمه الوكيل..قلنا لمرض بنتجمع حوليهـ وبيحنـ..بس ماهقيتهـ كذا مايبين بعينهـ..
**سبحان الله في ناس لو تبنين لهمـ قصر من ذهبـ مابين بعينهمـ..وفي كثير من صنف أبو زياد..وفي ناس بس أبتسامهـ منكـ أو سويتي لهمـ حاجهـ عادية يشوفونها كبيرة ويعملون لكـ ألف حساب وحساب..وجميلكـ ماينسونه لكـ أبد..<<نرجع لروايتنا..
حنان بين دموعها:يبدوا أني بقطن وبيخط براسي الشيبـ..والحال نفسهـ..
جيهان:خلي أملكـ بالله كبير ياحنان..وزي مقلتـ لكـ كثير من الأستغفار ومايغير القضاء والقدر ويرده إلا الدعاء أنتي أدعي..وربكـ بيفرجها..
حنان:بإذن اللهـ.."وحبت تغير الموضوع" قولي لي عنكـ..به جديد بحياتكـ ولا..
جيهان بحزن:وش أقول لكـ ياحنان..وربي ألي صار شيء يحزن ولا يدخل بالبال ابد..تصوري ان فهد مد يده على أمي..
حنان بشهقه قوية:استغفر الله العظيــم..من جدكـ انتي!! ذي أمهـ حرام عليهـ..
جيهان:هو ميعرف أسم حاجه ذي أمي ولا ذا ابوي..بدريه حسبي الله عليها غسلتـ راسهـ..قبل مكان زي كذا..أحس انه تغير من خذها..
حنان بقهر:حسبي الله ونعمه الوكيل..وأمك وش حالها أحين..
جيهان تنهدت:حالها يحزن..ولا تلومينها أنتي..ولدها ألي ربتهـ وسهرتـ عليهـ..وبعد تعبها ذا كلهـ..يعلي صوته عليها ويكذبها ويضربها بعد!!!
حنان:............
جيهان كملت بحزن وألم وضياع:هذا وأنا ماطلعت من البيت لو طلعت وش بيسوي با أمي يا حنان..
حنان بخوف:وربي أني بديت أخاف أن يصير شيء لأمكـ..
جيهان:لاتخوفيني وتسببي لكـ قلق أكثر من كذا..
حنان بتفكير:شوفي جيهان..في بعض الرجال لجيتيهم بالين يتغيرون..أنتي جربيها مع أخوكـ وشوفي..قولي لهـ عن حقوقهـ على أمهـ..وأن ألي يسويهـ حرامـ..
جيهان بيأس:أنا أخوي أعرفهـ..بس ليه لا نجرب ونشوفـ..
حنان:ولاتنسين تبلغيني..
جيهان:أي أكيد..
حنان بابتسامه:يلا مع السلامهـ..
جيهان:بحفظه يارب..
.
.
.
دخل البيتـ وشاف أمهـ جالسهـ بالصاله..ولما شافتهـ قلبت وجها وصدت عنهـ..
ابتسمت واقترب منها ونزل مستواه لمستواها..ومسكـ يدها:علامها الغالية زعلانة..
أم راكان بقهر بعدت يدها عن يده..
راكان بروح مرحه:بل..علامها الحلوة صاده عني..
أم راكان ولا كنها تسمعهـ وتعلي على التلفزيون عشان ماتسمعهـ..
راكان قام لعند التلفزيون وطفهـ.. والتفت لأمهـ..
ام راكان:لو وش تسوي منيب راضيهـ عليكـ..ويلا فارق من وجهي..
راكان يعدل شماغه:افا..افا ياذا العلمـ..قوية الصراحة ذي..
أم راكان تناظره:جالس تطنز حظرتكـ..
راكان بضحكه:فديت روحكـ يالغالية.."وباس راسها" أنا مالي بالدنيا إلا أنتي وراضاكـ علي أشتريهـ بالملايين..
أم راكان:لو تبي صدق رضاي ماسويت ألي سويته..هذا وأنت لسى مخذتها ومسفهني..
راكان بق عينه:أنا مسفهكـ!!
أم راكان:اجل أناا..أنت معدت زي قبل ياراكان..صاير متغير علي..
راكان جلس بالارض وهو قريب منها ومقابلها:افا يايمه..أنا أتغير عليكـ..لا جيهان ولا ألي خلفوها تنسيني أمي..
أم راكان انبسطت من كلام ولدها لكنها تبي تطول السالفه<<تتغلا عليهـ على قولتهم..
راكان باس يدينها الثنتين:وربي أنا ماأبا إلا رضاكـ يايمهـ..
أم راكان تناظره بنصف عين:تبي رضاي..وأنت "وبمبالغه شديدة" معلي صوتكـ علي شبرين..
راكان باس يدها:آسف وحقكـ علي...ومنيب معاودها ابد..
أم راكان تخفي ابتسامتها:أكيد..
راكان با أبتسامه:مئه بالمئهـ..
كان يناظرهمـ من بعيد وابتسم بلا شعور(هذا انت يا راكان..قلبكـ طيب..وبار بوالدينكـ..يبرون فيكـ عيالكـ يارب..منت متغير أبد..ولا حرمهـ تقدر تغيركـ ياولدي) أبو راكان تأثر بهالموقف..وأبو راكان يتأثر بسرعة رغمـ أدعائه بالقساوة في بعض الأمور<<فديته بس يذكرني با أبوي الله يطول بعمره يارب..
.
.
.
فتحت الدولاب وأنا محتارة وش ألبس..
قعدت البس بكل قطعة تعجبني وانسق عليها وبعدها اتردد واشلحهـ..
جيهان:اووف بس..مدري وش ألبس؟؟
ناظرت بالساعة ألي معلقهـ بالحائط وباندفاع:يووه مبغى شيء ويجيني أروح اخذ دوش قبل بعدها أقرر وش ألبس..
..ومن جهه ثانية..
في المرايه كان يعدل شماغهـ الأحمر الي معطيهـ هيبيهـ وحط دهن العود تحت اذانهـ وعطر ثوبهـ..
لبس الكبك حقهـ..وخذ المسواكـ وحطهـ بفمه..
..ومن جهه ثانية..
في المرايه كان يعدل شماغهـ الأحمر الي معطيهـ هيبيهـ وحط دهن العود تحت اذانهـ وعطر ثوبهـ..
لبس الكبك حقهـ..وخذ المسواكـ وحطهـ بفمه..
ناظر بنفسهـ بالمرايهـ..شفايفهـ ألي محددهـ بسكسوكتهـ..وكانت سوداء قوة..سواد شعره وراثهـ من أبوه..
ومكان أسمر ولا ابيض..بشرتهـ حلو عليهـ..
رفع شماغة وعمل كوبرا..
روان وروعه الي بناظرونهـ من مساع:مخلصتـ ياتوم كروز..
راكان:هههههه.."والتفت لهم" هاه وش رايكمـ؟؟
روعه بأعجاب شديد:تجنن وربي..بسم الله عليكـ ياخوي..
روان تتمعن ملامح اخوها:به شيء متغير بوجهكـ مدري وشهو؟؟
راكان:مغير حركهـ الزلف..وش رايكـ فيه حلو صح؟؟
ولف وجهه على جنب..
روعه باأنبهار:يووه وربي أنك تجنن..الزلف روعه بقوة عليكـ..مخليكـ غير وعصري..
راكان بضحكه:أهم شيء أني مبين اني عصري..
روعه وروان:ههههههه..
روان قامت وحطت يدها قريب من اذانه(على زلفه):الصراحة شيء..بس تدري وش الشيء الحلو فيكـ..
راكان:وش؟؟
روان:أن شعركـ أسود قوة ماشاء اللهـ..وحركة الزلف شيء الصراحة..
روعه تحرك حواجبها:كل ذا عشان جيهان..
راكان أنحرج شوي ولاحظوا عليه وضحكوا..
روان بضحكه:والله وصرت تستحي ياراكان..
راكان:ههههههه..أقول شب أنتي وياها..أشوفكم اليوم مستلمين..
روعه تلبس عبايتها:أقول بس لاتأخرني..أبا أروح المشفى..
راكان:روحي مع نايف ولا مشاري..
روعه باأبتسامه:ومن قال لكـ أنكـ أنت ألي بتوديني..أنا أقصد لاتكثر هرج معي..
راكان:أي على بالي بعد..أنا الميت على سوالفكـ يعني هههههههه..
روان با أبتسامه:يلا فارق..
راكان جاء بيطلع من الغرفة إلا التفت لهم:من بيروح معكم..
روان:أنا وروعه وأمي..
وطلعوت من الغرفة وهم ينزلون على الدرج
راكان:أي زين..كلمتوا نايف ولا؟؟
روعه:كلمته وقال أنه بالطريق..
راكان:طيب..
وتوجه لصاله :السلام عليكم..
أم راكان:وعليكم السلام والرحمهـ..وش هالزين تبارك الرحمن؟؟
راكان بغرور:أحم..أحم..
روعه بهمس مسموع وبمزح:القرد بعين امه غزال..
راكان بق عينه:انعبوكـ مرداكـ ياسلوقيهـ..
روعه:هههههههه امزح..
راكان بثقه:ادري انك تمزحين..
روعه:هههههه مقدر انا على هالثقه..
روان:الصراحة من حقه يغتر..إذا البنات لرحت معه السوق..يناظرونه ويرقمونه قدامي من دون لا أحم ولا دستور..
أم راكان تحط عبايتها:ولدي مزيون وأنا ادرى بيه..ويلا لاتعطلونا..يلا ياراكان..حركت السيارة ولا لسى..
راكان:فديتك يمه..أنا مراح أوديكـم..نايف بيوديكم..
أم راكان:وليه منت بمودينا؟؟
روان:ناسيه يمه..أنه كل خميس يروح لجيهان..
أم راكان بقهر:وأنا أقول لمين هالكشخهـ..طلع لست جيهان..
روان:خليه يونس نفسه..ويعيش فترة الخطوبة طالمه أن مابغى إلا أسبوعين على زواجهـ..أو يمكن أكثر من أسبوعين..
أم راكان بحده:أن ماودينا ياراكان..لانت بولدي ولا أنا أعرفكـ..
راكان بصدمه:ليه تقولين كذا؟؟
أم راكان بنفس حدتها:جاكـ الكلامـ..هاه وش قلتـ توديني انت ولا نايف؟؟
ومن جهه ثانية..
بعد العفسهـ والتجارب من كم قطعة من الملابس..فضلتـ تلبس حاجهـ ساترة غير عن قبل..
كلا يشوفني بلبس قصير..خلنا نغير وش ورانا احنا..
لبستـ تنورة طويلة رمادية على حزامـ ذهبي مليئه بالفصوص اللامعهـ..وبدي هاي نكـ بدون أكمام أسود ربط لعند الرقبة..وفيونكهـ تزينه باللون الذهبي..ومن تحت البلوزة مزمزمه بطريق تجذب..وصندل بلاك عالي..
لبست عدساتها الرمادية الفاتحه ألي تميل لزروقة..رسمت رسمهـ عريضة فوق جفنها بالأي لينر البلاكـ وكثفت الماسكار السوداء وحطت بلاشر وردي خفيف..وغلوس اورنج مايل للوردي..لبست حلقها الطويل الذهبي..وعملت بف لشعرها..
صاير شكلها خياااااال..
أختمت اناقتها بعطرهاا بريحه فواحهـ..
نزلت تحت بكل لهفهـ وسألت أمها:هااه جاء..
أم فهد وعيونها على التلفزيون:لا لسى ماجاء يايمه..
جيهان جلست بجنبها وهي متوترة ونفس الوقت مشتاقهـ لشوفتهـ..
أم فهد سبقتها ريحتها العطره والتفتت لها وبأعجاب:ماشاء الله..وش هالزين يابنتي..
جيهان بابتسامه:عجبتكـ يعني..
أم فهد باست خدها:أكيد يابنتي..الله يحفظكـ يارب..
جيهان:اللهم آمين..
أم فهد:كل ذا الزين لراكان..
جيهان بحيا:يمهــ..
أم فهد:هههههههه..الله يسعدكم يارب..
.
.
أم فهد باست خدها:أكيد يابنتي..الله يحفظكـ يارب..
جيهان:اللهم آمين..
أم فهد:كل ذا الزين لراكان..
جيهان بحيا:يمهــ..
أم فهد:هههههههه..الله يسعدكم يارب..
.
.
.
مكان لهـ خيار إلا أنه يوديهم عشان ماتزعل منهـ..وخصوصاً أن زواجهـ قرب..وهو يعرف أمه زين..لزعلتـ زعلت ويمكن يأدي زعلها انها ماتحضر عرسهـ..زي محضرت ملكتهـ..
روان كان جالسهـ جنبه:طيب دق عليها وقول لها أنكـ بتتأخر..
أم راكان بحقاره:أن دقيت عليها..أعرف أنكـ سبب العداوة بيني وبينكـ..
روان بقهر:بس يايمه..مو عدلهـ لافي حقها ولا بحقهـ..أن مايبلغها عن تأخيرهـ..تلقها مسكينة تنتظركـ أحين..
أم راكان بتسلط:عطني جوالكـ..
راكان:يايمه ليه كل ذا؟؟
أم راكان قاطعته:بتجيب جوالكـ ولا شلون..
راكان ماكان عنده خيار ثاني..كان بأمكانه أنه يعاند ومايعطيها أياه..بس هو ماحب أنها تزعل..مو ضعف شخصية زي مايفسرها الغير..
أم راكان بحده:ان معطيتني جوالكـ أحين ياراكان..والله ثم والله اني محضر زواجكـ لو يحطون السيف برقبتي مانيب حاضرهـ..
راكان بصدمه:أنا ماني عارفهـ..وش سبب العداوة والكره بينتك وبين جيهان..
أم راكان قاطعته:جاكـ الكلامـ..
روان تنهدت وبهمس:عطها ياراكان..عطها..الله يكون بالعون بس..
ومد لها جوالهـ وخذته وقفلتهـ..
بنسبة لراكان..
انقهرت وبنفس الوقت انصدمت من رده فعلها وحلفانها أني أعطيها جوالي..
كنت راح أرفض أو اراوغها بالكلامـ..بس لما حلفت ألغتـ جميع الخيارات وعطيتها جوالي..
لا لا لا تقولون أنه ذا ضعف شخصية مني...
أنالو ماأعرف أمي زين مكنت عطيتها جوالي..وأعرف انها أكيد مهيب رايحهـ لعرسي طالمه أني مسويت لها ألي تبيهـ..
ولاتحسبون أن الرجال مايزعل او يتكدر إزا محضرت أمه ولا ابوه..
حلو أن يشوف الفرحه بعيونهمـ..والدموع الفرح تملئ عيونهمـ..
البعض يظن أن بس البنات تفكيرهمـ كذا..غلطانين وربي..حتى احنا يارجال نتكدر ونحزن بعد..
ويكفي عندي انها محضرتـ ملكتي..بعد أخليها متحضر عرسي!!!
صعبة والله..
وربي أني مشتاق لها شووق كبير.مقد أشتقته لمخلوق..
قاطعه تفكيري مسكه يد روان ليدي وبهمس:محنا بمطولين إن شاء اللهـ..
راكان هز راسهـ بنعم..
ومن جهه ثانية..
جات الساعة التاسعة والنصف..وتجاوزت النصف..وأتت الساعة العاشرة والنصف..
وهي تناظر بساعة الحائط تلعن عن قدوم الساعة ال11 والربع..
انقهرت بقوة..دقيت عليه وجواله مغلق..تعبت من المحاولاتـ..وحذفت جوالي على جنبـ..وأنا أشوف الحلا البارد ماع..ودلهـ القهوة بدت تخلص من كثر ماأشرب فيها..
قمتـ من مكاني وجيت بصعد الدرج إلا بصوتها:مجاء يابنتي..
كان فيني قهر لدرجة ان ودي أبكي..لاتقولون ابالغ..وربي أن ذا الشعور اكرهه ولا اطيقهـ.. شخص أنتي عازمتهـ ومجهزه نفسكـ..ومبغى حاجهـ ماسوتها امك ولا أنتي سوتيها..وأمكـ عازمته على العشاء بعد!!
وهمـ مايجي.. وربي أنه قهرر..
كتمت دموعي وأنا أناظرها:لا ماجاء يمهـ..
أم فهد:علامهـ تأخر كذا..
جيهان بقهر داخلي:خلهـ يولي..جاء ولا ماجاء مايهمني..
أم فهد:والعشاء ألي سويته لهـ يابنتي..
جيهان بقهر زود:لا تنتظرينهـ يايمهـ..وعطيهـ الجيران قبل مايجي منتصف الليل..
إلا برنهـ جرس البيت..مكذب عليكمـ أني أبنسطتـ أني بشوفه صحيح اني مقهورة بس مشـــتاقهـ له بقوة..
طرت للباب وفتحتهـ إلا..
أبو فهد:هلا..
جيهان خابت ظنوني..كنت حاطه ببالي انه هو ألي داق الجرس طلع ابوي!!
أم فهد تناظر من بعيد:علامكـ تدق الجرس ماخذت مفتاحكـ معكـ!!
أبو فهد:لا والله نسيتهـ..
جيهان دخلتـ جو البيت وركضت بالدرج ومقدر اتكمت دموعي..رحت لغرفتي وسكرت الباب بقوة..
توجهت للمرايه وجلست بكرسي التسريحة وأنا أبكي..
ناظرت بنفسي للمرايه وصرت اخاطب نفسي كني مجنونه:ليه تبكين ياغبية..عاتي مابه لزوم إذا ماجاء..وش ألي يبكيكـ أنتي بالاساس..
جيهان(الشووق هو ألي يبكيني..الشوق ذبااح..)<<صوت بقلبي يقول كذا..
..ومن جهه ثانيه..بالسيارة وهو يناظر بالساعة تعلن عن دخول الـ12:00
أم راكان:بشويش..لاتسرع..
راكان بكذب:طلال صاحبي تعبان بقوة..
أم راكان بخوف:ياويلي.."وبشكـ" وأنت من قال لكـ والجوال عندي..
راكان بتمتمه:لا..لان هو...
روان قاطعته:نايف دق على جوالي وقال ليه مقفل جواله راكان..وقال لي أني أقول له أن طلال تعبان بقوة..
راكان ناظر بمرايه السيارة وناظرته روان..كنا يقول لها شكراً..
كان همهـ أن يروح لجيهان وبس..وكان متأكد أنها زعلانهـ بقوة بسبب فعله امهـ البايخهـ ألي مالها داعي..
كان يسوق بسرعهـ عشان مايتأخر عليها زود..
وصل أهلهـ للبيت..
وطار لبيتـ جيهــــــــــــــــــــــ ـــانــ!!
السيارة من سرعتها كما لو كانت تطير بسرعة فائقهـ..
فتح جواله ودق عليها وجوالها مغلق انقهر زود من امهـ..
ودق على ام فهد وعلى الرنهـ الرابعه ردتـ!!!
فتحتـ الباب لهـ:هلا والله براكان..
راكان باس راسها وهو يلقط انفاسهـ:هلا عمتي..وين جيهان؟؟
أم فهد بعتاب الأم لولدها:الله يسامحكـ ياولدي..زعلتها وزعلتني أكثر..
راكان:وربي يالغالية مو مني..
أم فهد:الغايب حجتهـ معهـ..بس طولت بقوة..والبنت زعلانه وشسايله بخاطرها منكـ..
راكان بااندفاع:وينها هي!!
أم فهد:صعدت لغرفتها من نصف ساعة تقريباً..
راكان ضرب بيده ، بيده الثانية بقوة..
أم فهد:يمكن نامت ياولدي..
راكان بااندفاع:وديني لها فوق!!!