الفصل 09
أبو راكان:أكل بس أكل أمك حرقت جوالاتنا من كثر ماتدق علينا..واسمع ان قالت لك امك ولا خواتك وين كنت وش تقول؟؟
راكان تعب من كثر مايطرحه نفس السؤال:أقول أني ماكل برا مع ربعي..
أبو راكان:أي..وانا ادخل قبلك بعدها انت بنصف او ربع ساعة تجي البيت عشان مايشكون زين..
راكان ياكل:انزين..
.
.
.
عند الساعهـ 9:30 ليلاً..
كانت تتمشى معهـ با أحدى المجمعات الراقيهـ والمعروفهـ..
ماسكين بيد بعض
التفتت له بابتسامه:جوعانهـ حبيبي..
رد لها الابتسامه:يخسي الجوع..وش تحبي تاكلي ياقلبي؟؟
أروى بدلع:ألي تحبهـ..
عبد العزيز بنفس ابتسامته:خلاص ابشري..بتاكلي أحلا وألذ وأفخم المطاعم..
أروى بحب:يا حبني لك ياعزوز..متى بس نتزوج؟؟
عبد العزيز بهم:مدري عن ابوك..كل متقدم تلك رفض..بس زي مقلتـ لك بحاول..
أروى بابتسامه أمل:طيب..
.
.
.
كان جالس يتصفح أحدى منتديات المعروفهـ..
ناظر فيها:علامك ياريم؟؟
ريم سرحانه:.............
سعود مسك يدها
ريم انتبهت له:هه..نعم وش قلت؟؟
سعود:منتي بطبيعية يا مره..علامك؟؟
ريم:......
سعود كمل:الأيام ذي كلا تميلين لسرحان والسكوت..عسى خير إن شاء الله..
ريم(آآآه بس لو تعرف الي فيني ياسعود..أنا مصدق أنك من هالنوع ابداً...مسستحييل)بابتسامه باهته:مافيني شيء..بس ماعندي شيء أقوله وبس..
سعود بعدم اقتناع:أنتي متغيررة حيل ياريم..قولي لي وش ألي ببالك؟؟
ريم:..........
سعود تنهدت بقله صبر:متبين تقولين لي يعني؟؟
ريم:لا مو كذا القصه..بس صدقني ماعندي شيء اقوله..
سعود:اخلصي وقولي لي..ايشفيك؟؟
ريم:تعبانهـ شوي يا سعود وأبي أريح..
سعود بخوف:سلامتكـ ياقلبي..وش الي متعبك؟؟
ريم:........
سعود:تبين اوديكـ المشفى؟؟
ريم:لا بس اريح شوي واصير تمام..بسس..
سعود:بس وشش؟؟
ريم:أبي اريح ببيت أهلي بسس ليومين..
سعود:ولييه؟؟؟؟؟
ريم:صدقني بس كذا يا سعود..
سعود مسك يدها وبحب:أنا مقدر استغنى عنك ولا دقيقة وحده وأنتي تبين تروحين ليومين..أنا عندي ذا كنا شهرين..
ريم(كافي عذاب ياسعود..أنت تصعب علي المسألهـ..)وقامت:معليش يا سعود..بروح اريح..
سعود قام وصار قبالها:مردي راح أعرف وش سبب تغيركـ يا ريم..وأنا مو مقتنع ابد أن ذا ارهاق..أكيد فيه شيء وأنتي خاشته عني..
ريم:صدقني مافي شيء..بس ارهاق..
وصعدت فوق وخلتهـ مشوش الذهن يفكر بتغيرها وطريقهـ أسلوبها الجديدة..
.
.
.
اليوم التالي..عند الساعهـ 2:22 ظهراً..
كان يناظره بقهر وفتح جواله وكتب له رساله..
وسرعان موصلت له وفتحها(قوول لها عن المزرعة لاكوفنكـ)
راكان تنهد بصمت والتفت لامه:اقول يمه..
أم راكان:هلا يمه..امرر..
راكان بابتسامه:ميامر عليك عدوا..تدرين أني مملك من كم يوم..وأنا أبا اشوف زوجتي..وش رايكـ نعزم اهل جيهان لمزرعتنا بكرا..هااه وش قلتي؟؟
أبو راكان كان مبسوط بكلام ولده..
أم راكان بهم:يا ولدي أباك تقول لي الصدق..
راكان:.........
أم راكان كملت بهم:أنت صدق تبيهاا....
أبو راكان قاطعها:وش ذا الكلامت يامره..أكيد يبيها ولا ليه وافق عليها من البداية..صح يا راكان ولا..
راكان:......
ابو راكان مدت يده لتحت وقرص فخذ راكان بقوة..
راكان نقز من مكانه وباندفاع:أي يمه..صح كلام ابوي..أنا ابيها ولا ليه وافقت عليها..
أم راكان بعدم اقتناع:الحقيقة بتبان بعدين يا ولدي وبنشوف جانكـ مجبور ولا لا..
راكان يحمرر يده بفخذ وبهمس:آآآح والله..
أبو راكان بنفس همسي ولده:تستاهل..
أم راكان تناظر فيهم:علامكم تتساسرون كذا..
راكان:ابد يمه ما فيه حاجه..بس أنا جالس أقول لأبوي متى يبي العزيمه..
أم راكان:خلها يوم الاثنين ذا..
أبو راكان:خلاص تم..وأنا بقول لأبو فهد عن العزيمة عشان يستعدون لها..
وخذ جواله
.
.
.
أم فهد بفرح:ومن قالوا؟؟
أبو فهد:قالوا الاثنين ذا..ومبقى عليه شيء..
أم فهد بنفس فرحتها:الحمدلله..يعني قال ل كان راكان هو ألي طلب هالشيء..
أبو فهد:أي..
أم فهد بفرحه كبيرة تغمرها:الحمد لله..الله يبشرك بالخير يا رب..
أبو فهد:وعلامك كذا مستانسه؟؟
أم فهد:معناتها ان راكان صدق يبي جيهان..وطلبه ذا يثبت.. وأهم حاجه عندي ان بنتي تكون سعيدة وبس..
،
أبو فهد:وعلامك كذا مستانسه؟؟
أم فهد:معناتها ان راكان صدق يبي جيهان..وطلبه ذا يثبت.. وأهم حاجه عندي ان بنتي تكون سعيدة وبس..
أبو فهد:أنا ما يهمني سعيدة ولا لا..أهم شيء عندي أني أخذت المهر..
أم فهد:بس ياأبو فهد..ماتبي تعطي بنتك حتى لو 5 ألف من مهرها..على الأقل تشتري لها شيء لها لعزيمة..
أبو فهد بحده:والله متاخذ شيء..وتنقلع احسن لها..اي والله قال شو قال عطها من مهرها..في الأحلام يامره..
وقام طلع وخلها بمحاتاتها وقلقها..
وبعد 15 دقيقة جات جيهان عند امها
وباست راسها:علام الحلو متكدر كذا..
أم فهد التفتت لها:نفسي يا بنتي أشوفكـ فرحانهـ..
جيهان استغربت من كلام امها:ومن قال لك أني تعيسه..
أم فهد تنهدت بهم:راكان كلم ابوه وقال له انه يبي يعزمنا للمزرعة بيوم الاثنين..وفاتحت ابوكي عن مهرك..يعني لو يعطيك على الأقل 5 ألف تشترين فيها ملابس لك للعزيمة..
جيهان حطت يدها على كتف امها:ألي خلقك وخلقني مانسانا يا يمه..وربكـ راح يفرجها بإذن الله..وأنا منيب مفسخهـ عشان تقولين اتشتري لي..
أم فهد:أنتي ملابسك يا يمه شوي..وابوكي بالموت يمد لنا فلوس..انا ابي الكل يمدحك يا بنتي سوا بشكلك ولا بنفسيتك..
جيهان ابتسامه:ربكـ بيحلها يا يمه.."وحبت تغير الموضوع"وتراني مشتهيه للحلى ألي جابته ريم لنا بيوم ملكتي..ابي اكل بس ماأبا اكل بالحالي..
أم فهد:طيب..
ومسكت يد أمها وراحت معها للمطبخ..
.
.
.
كان جالس يتصفح الجريدة وبعد مخلص منها ألتفت لهم:هاه مقلتوا لي كيفكمـ مع الشغل؟؟
مرامـ كتمت قهرها:تعب بتعب..بس يلا الحمد لله على كل حال..
أبو زياد:أي تعودوا على ها لحال..لأن مراح أجيب شغالة ابد..
مرام ورنيم وحنان تنهدوا بصمت..
رنيم:يبه في حاجات ناقصهـ البيت..من مواد غذائية طبعاً..
أبو زياد:وش هم؟؟
رنيم مدت له الورقة..
أبو زياد وهو يفتحها وبق عيونه:حشى..ذا صكـ.. مو لوازم.."وهو يقرأ"وليه جبن بوك 3 حبات كبيرة..حبة وحدة وتخب..
رنيم:بس يبهت احنا نستهلكـ الجبن بوكـ بحاجات كثيرة بالطبخ..
أبو زياد ولا كنه يسمعها وعيونه على الورقة:بجيب من كل الطالابات حبة وحدة وبس..
مرام:بس..
أبو زياد بحده:أي كلمة ثانية اعتبروا ان ولا وحده من هالطالابات بتتواجد بهالبيت..مفهووم..
وطلع ورقع الباب بقوة
.
.
.
..في أحدى المجمعات..
جيهان:أحس أن مالا داعي أني اروح اشتري لي ملابس جديدة..انا عندي ملابس..
أم فهد:إلا له داعي..
جيهان التفت لها:طب والفلوس من وين بتجيبينها وأبوي ماخذ كل مهري؟؟
أم فهد:أنا تسلفت من عمك سعود..
جيهان:وليه يمه؟؟؟ وربي أنه مابه لزوم..وكيف راح تردينه له..
أم فهد(مادري يابنتي..خليها على ربك بس):مو لزوم تعرفين..بس المهم أني بردهم له..
جيهان تنهدت بقلهـ حيله..
أم فهد حطت يدها على ركبتها:ركبتي تعورني يا بنتي..بروح أنا أجلس مع عمك وحرمته..
ومن الجهه الثانية..
كانوا جالسين با أحدى المقاهي الهادئة باأنوار خافته تشعركـ بهدوء ودفئ غريبـ..
سعود مسك يدها:ليه ما تبين تجاوبيني..
ريم:.......
سعود بقله صبر:اسمعي يابنت..أن مقلتي لي وشفيك..منتي رايحهـ لبيت اهلك..
ريم ناظر فيه:وش راح تستفيد لقلت لك..
سعود ماسك اعصابه:ماللك شغل وش راح استفيد منه..وجاوبيني..
حمدت ربها لما شافت أم فهد مقبلهـ عليهم..
أم فهد جلست بجنب ريم:السلام عليكم..
سعود وريم:وعليكم السلامـ..
سعود كتم غيضه وبدهشة:أمداكم خلصتوا..
جيهان:لا مخلصنا يا عمي..بس أمي ركبتها عورتها و مقدرت تتسوق معي..
ريم قامت وباندفاع:أنا بتسوق معكـ..
جيهان بابتسامه:تسلمين ياقلبي..
أم فهد بابتسامه:تسلمين يا بنتي..ما أوصيك بالذوق يا أم الذوق أنتي..
ريم بنفس ابتسامتها:افا عليكـ بس..
أم فهد:بس أن رحتي يا بنتي..من بيكون معي ومع سعود..بس بالحالنا!!
ريم:وش ذا الكلامـ..أنا اعتبركـ أم لي يا الغالية..وسعود ولدكـ..وبعدين أحنا محنا مطولين شويات بس وجايين..
أم فهد:تسلمين..أي لا تطولون..
وراحت ريم وجيهان يتسوقون..
،
أم فهد:تسلمين..أي لا تطولون..
وراحت ريم وجيهان يتسوقون..
سعود كان يناظرهم بعيونه من بعيد
أم فهد:معليهـ يا سعود..أدري أني ما أخذه منكـ فلوس..بس تأكد اني بردهم لك عن قريب بإذن الله..
سعود بابتسامه:ومن قال لك أني بأخذهم منكـ..ذا فلوس جيهان أساساً.. مو فلوسي..
أم فهد ما فهمت منه:كيف فلوسها؟؟ يعني أبو فهد عطاك من مهرها ولا وش؟؟
سعود:هههههه..أي كثري منها انه يعطيها ولا بعد 5 ألاف مرة وحدة لا ذي قوية..
أم فهد:اجل كيف تقول أن ذا فلوسها..
سعود:بقول لكـ السالفة..
ورجع ذاكرته لورى..عند احتضار ابو يوسف..
أبو يوسف:قول لها أنها طالق طالق طالق..
سعود:.........
أبو يوسف كمل بضعف وهزل:أنا طلقتها ياسعود لأني أخاف أن ربي يكتب لي عمر وحياة جديدة..وتكون جيهان بذمتي وأخاف أني ارجع لسوالفي..وهي بتتعذب زود ياسعود..
"وشد يده على يد ولده يوسف"محللك ولا أبيحكـ أن معطيتها جزء من الورثـ..محللك ولا أبيحك يا ولدي..حالها من حالكم..
يوسف باس يد ابوه:ابشر بألي يسركـ يبه..
ورجع للواقع..
أم فهد بصدمه:أنت تتكلم من جدكـ ياسعود؟؟؟
سعود تنهد:الله يرحمه..أي يا أم فهد..
أم فهد بصدمه اكبر:وليه مقلت أنها تطلقت؟؟
سعود:انا مأمن يوسف أنه ميقول لأي أحد انها تطلقت..وزي منتي عارفهـ أن سمعه المطلقة وسيرتها بالمجتمع مو زين..وأنا ما أبي هالشيء لجيهان..
أم فهد كبر بعينها سعود:طيب..وسالفة الورث..
سعود:أنا مقلت لأبوفهد لأني عارفته طماع وبياخذ فلوس جيهان غصب طيب..ورجائي يا أم فهد متقولين لأي أحد..عن سالفة الورث حتى لجيهان نفسها..ذا بيكون سر بيني وبينك وبين يوسف وبس..ويوسف ولد والنعم منه عطاها الورث..
أم فهد:كم عطاها؟؟
سعود:500 الف..
أم فهد شهقت:كيـــف؟؟؟؟
سعود كمل:وعطاها أرض وجزء من المزرعة..طبعا عيال أبو يوسف باعوها وخذ كل واحد فيهم على 100 ألف والأرض كبيرة وحلوة..لحد الأن معرفت كم مساحتها؟؟
أم فهد كانت مصدومة بقوة وعجزت عن الكلام..
سعود يشرب الكوفي تبعه:أنا أنصدمت أكثر منكـ..
ومن الجهه الثانية..
جيهان:أنا بعد عجبني..
ريم:اجل يلا ناخذه ونحاسب..ولا خاطرك بحاجه بعد..
جيهان تعبت من كثر الكيس:لا..نحاسب احسن لان يدي صارت توجعني من ثقل الكيس..
ريم:ودي اساعدك بس أنا يدي مليانه..هههههه
جيهان بابتسامه:طيب..
وراحوا يحاسبون..
وبعدها توجهوا للمقهى..
سعود شافهم من بعيد وبهمس:وزي مقلتـ لك..بيني وبينك..لا تقولي لأي أحد..حتى ريم ما تدري..
أم فهد:طيب..
جلسوا بالكراسي..
أم فهد:هاه بشروا..خلصتوا ولا؟؟
ريم:الحمد لله..خلصنا..
سعود:أجل يلا نروح"وهو يشوف ساعته"لان أحنا تأخرنا بقوة..
وناد القرسون وعطاه المنيو وحط فيه المبلغ وخذ الكيس من جيهان وركبوا السيارة
وسرعان ما وصلوا..
ودخلت البيت..
وكانت في الواجهة الست بدريه خانوا
جالسه بكنب الصاله وحاطهـ رجل على رجل:توا الناسس..
أم فهد بهمس مسموع:اللهم اجرني بمصيبتي وأخلفني بخير منها..
بدريه بقت عينها:أنا مصيبهـ!!!
جيهان حطت الكيس بجانب باب غرفتها
وتوجهت لها:أن اعتلا صوتك عن صوت أمي وربي لأدفنكـ يابدريهـ..وبعدين ذي الجلسه ورجل على رجل مو زينهـ لك وأنتي حامل..
بدريه عدلت جلستها:والله وطلع لكـ صوت يا جيهان..
جيهان برد قهر بدريه:والله أنا لي صوت من زمان..بس أطلعه للي يستحقهـ..وأنتي مالك خص تأخرنا ولا لا..محد عينك انتداب لنا..
ومسكت يد أمها ووصلتها لغرفتها وتركت بدريه بقهرها وصدمتها من كلامها..
.
.
.
في اليومـ الاثنين..وبالتحديد عند المزرعة..عند الساعة 10:33
كانت عائله أبو راكان وعائله أبو فهد بالطريق..
الجو صافي ومتوسط البرودة والحرارة..
..وفي السيارة..
أبو فهد:أبيكمـ ترفعون راسي..كونوا خدومين..مو تجلسون وبس..
أم فهد:أحنا نعرف الأصول يا أبو فهد..
أبو فهد:بنشوف أحنا..
جيهان:راح نرفع الرأس..
أبو فهد:خير إن شاء الله..
ووصلوا..
أبو فهد:يلا نزلوا..
ونزلت جيهان وأمها وابوها..
وشالت أغراضها والحاجات ألي جابوها..
ودقت على روان عشان تدلها
وسرعان مجات..
روان بفرحه:هلاا واللهـ بحرمهـ أخوي..
جيهان بحيا:هلا روان..اخبارك؟؟
روان:تمام..وأنتي؟؟
جيهان:طيبه طاب حالك..
روان:دوم يارب..
وسلمت على ام فهد..
وفتحت الباب الكبير الأبيض
رفعت عيونها لتشوف أبداع وجمال يكمن بمجرد الشوف..
روان شافت الدهشة بعيون جيهان وبهمس:ما شفتي شيء بعدكـ..
جيهان التفت لها:من جدكـ؟؟
روان بابتسامه:أي..لحظه يجي ابوي..
ابو راكان توه جاي:هلا يا أبو فهد..أخبارك؟؟
أبو فهد باعجاب كبير:طيب..تبارك الرحمن..وش الجمال ذا..
أبو راكان:عجبتك..
أبو فهد:قوووة..اللهم صلي وسلم عليهـ..
أبو راكان:الله يرضى عليك..حياكم.."وبصوت شبه عالي" هلا هلا بالضيوف يا بنتي...
روان:ابشر بسعدك يبه..منيب مقصرة..
وراح أبو فهد وأبو راكان داخل المزرعة عند مجلس الرجال..
روان تأخذ الاغراض من أم فهد:والله مابه لزوم تتعبوا حالكم..
،
روان:ابشر بسعدك يبه..منيب مقصرة..
وراح أبو فهد وأبو راكان داخل المزرعة عند مجلس الرجال..
روان تأخذ الاغراض من أم فهد:والله مابه لزوم تتعبوا حالكم..
أم فهد:ولا تعب ولا حاجه..
روان بابتسامه:تبون تشوفون المزرعة ولا بعدين..
أم فهد بتعب:معليش يا بنتي.. خليها لما نرتاح شوي..
روان:ابشري بسعدكـ ياخاله..حياكم الله..
أم فهد:الله يحيك..
ودخلت لجهة مجلس النساء
كان بداية المزرعة مساحة كبيرة وعشب أخضر وعلى الجوانب طاولات وكراسي بيض..
وهناكـ مجلسين على اليمين مجلس الرجال وتفرق مساحة شويا ويجي مجلس النساء..
دخلت مجلس النساء
كان الجدار بلون البني المائل للبرتقالي الباهت..
وخطوط متموجة باللون البني الغامق ليعطي جمال مبهر..
وجلسهـ عربيه بالبني الفخم المرسوم ببراعة بخطوط البيج..ومساند بكل جوانب ونصف الجلسه بلون البيج ليعطي رونق خاص..
سجادة في منتصف المجلس بلون البني ودرجاته..
وستائر تزين النوافذ من الشيفون وطاولة شفافة من الزجاج بوسط المجلس يعلوها كل ملذ وطاب وريحه المكان عطورات جوية رهيبة تسر الداخلين..
قاطعت سرحانه مسكه يدها:اجلسي يا قلبي..
وجلست بجنبها..
وقامت روان صبت لهم القهوة والشاي وقدمت لهم الحلا..
إلا بدخله روعه وأم راكان..
أم راكان بترحيب:هلا واللهـ..يالله تحييهم..
أم فهد قامت وبعد السلام..
جيهان باست راسها ويدها:هلا بش يمه..
أم راكان بقهر:هلا والله بجيهان..أخبارك؟؟
جيهان بابتسامه:طيبهـ يمه..أنتي كيفك؟؟
أم راكان بنفس قهرها:زينه..
روعه ناظرت روان يعني تصرفي..
روان باندفاع:افسخي عباتك وغطاك جهونه..نبي نشوف..
جيهان بابتسامه:اعذريني نسيت..
روعه ردت لها الابتسامه:تفكرين بااخوي صح..
جيهان نزلت راسها من الحيا..
روعه وروان:ههههههههه..
روعه:فديت ألي يستحون بس..
روان بضحكه:خلاص يا بنت اهجدي..خجلتي البنت..
أم راكان قامت:عن اذنكم..
أم فهد:على وين يا أم راكان؟؟
أم راكان:بجهز للغداء..
أم فهد قامت:أنا معك..
أم راكان:لاا..أنتي استريحي..الضيوف...
أم فهد قاطعتها:محنا بغرب ياأم راكان..
روان:صرنا أهل أحين..
أم راكان كتمت غيضها:خير إن شاء اللهـ..
وراحت ام راكان وام فهد للمطبخ
وجلست روعه بجنب جيهان
جيهان:حبي وين التوليت؟؟
روعه:لطلعتي من مجلس النساء يجي قبالك هو..
جيهان قامت:تيب..
وطلعت من المجلس وشافت التوليت على جنبهاا
دخلت التوليت ووقفت امام المرايه الكبيرة
وشلحت عبايتها وفردت شعرها
وفي هالوقت بالضبط
راكان:مع نفسك بس..
أبو راكان بتهديد:انت تدري ان الهندي مسافر..وان مشلت البيض بيدفنك..
راكان قام:يلا بس..قول لمشاري ولا نايف يسو نلك..مو أنا..
أبو راكان:ترا والله..
راكان قاطعه:يلا بسس..
أبو راكان:هين ياراكان الوعد قدام إن شاء الله..
راكان:هههههه..وش بتسوي يعني..
أبو راكان رجع ظهره لورى الكنب:هين..أنا اوريك..جالس تستخف فيني بعد..
راكان:ههههه واستخف بجدك بعد..هههههه..
ابو راكان:بعدددد!!! هين هين يا ركون الوعد بعدين..
راكان باس راس ابوه:افا عليك بس يا أبو راكان..ما طلبت شيء..لو تبيني انظف دجاجه دجاجه مقل تلك شيء..أنت ابوي..
أبو راكان:أي كفوو والله..هذا ولدي ألي اعرفه..يلا إذا معليك أمر نظف الحوش وجمع البيض من الدجاج و.....
راكان يم باب المجلس:ومصدق بعد..ههههههههه..انسى..
أبو راكان:ايا الثور..أنا اوريك شغلك بعدين..
راكان طلع من المجلس وهو يضحك..
ودق على صاحبه:هلا طلول..وينك أنت؟؟
طلال:بالطريق وأنا اخوك..
راكان وهو يشوف يده:لك 10 دقائق أن مجيت كوفنتك..
طلال:هههههه..طيب..يلا سلام..
راكان:سلام..
وسكر جواله..
راكان يناظر بمعصمه:وين ساعتين.."وبلتفكير"يووه نسيتها بالتوليت..
وتوجه للتوليت و......................
انتهى البارت..