الفصل 08
طلال بقهر:خلها تنقلع..قلعها الله..
راكان بضعف:بس أنا أحبهـــا يا طلال..
طلال بحقد:حبتك القراده يا أخي..
راكان:.......
طلال كمل بحقد:تقول لكـ ما تبيك..وش تبي فيها..خلها تولي بس..
راكان:بس يا طلال..
طلال قاطعه بقهر:لا تبسبس لا تبسبس..ذي المفروض تحمد ربها أنك بيوم حبيتها..ماالت بس..
راكان:يعني وش الحل؟؟
طلال طق بالطاولة من القهر:أنك تنساها..وتنســى بيوم أنكـ حبيتها..ولشفتها سفها..
راكان:طلال أنا وافقت على أني اتزوج جيهان..
طلال بصدمه:كيـــــــف؟؟؟
راكان:من حره ما في قلبي..ادري أني تسرعت بقراري..
طلال بتفكير:تسرعكـ ذا في مكانهـ..
راكان:!!!!
طلال:انساها..اعتبرها من الماضي..وعيش حياتكـ الجديدة مع جيهان..وتسرعكـ ذا بيثبت لبنت خالتكـ انك ما تحبها وأنكـ مو تبيها ذاك الزود..
راكان:طيب وبعدين؟؟
طلال باندفاع:انت ما عليك إلا انك تركز بالخطة...
راكان هز راسه بنعم بعدمـ اقتناع
طلال(نفس عمر راكان 25 سنه..يشتغل نفس شغلته..صديق راكان الروح بالروح وما يخبون عن بعض أي شيء..اسمر من راكان بشوي طويل وسيم بس راكان اوسم منه بكثير..)
*** *** ***
وسرعان ما طلعت التحاليل..والتحاليل تطابقت
راكان رفضت أنه يشوفني النظرة الشرعيهـ..
واقنع ابوه أنه واثق بذوق روان وروعه..
وبيوم الملكهـ..
خلصت الكوافيرهـ آخر لمسهـ بمكياجها:انتهينا..
قمت من الكرسي وتوجهت للمرايه..انصدمت من شكلي..
أم فهد فتحت الباب وبإندفاع:يلا يايمه وصل المليك..تاخرتي....
منتبهت لها..كنت معطيتها ظهري مقابله المرآيه..
اقتربت مني ولفتني قبالها وبإعجاب:تبارك الرحمن..وش هالزين يا بنتي..
جيهان بحيا:صدق يمه..
أم فهد:صدق يا قلبي...
جيهان:احس اني مو حلوه..
أم فهد:لأنك ولا مره حطيتي مكياجـ زي كذا..
وقرت على بنتها القران وتنفث عليها..
كان الصاله مليان بالحضور..ورائحة المشموم والعطورات تبخ المكان..
4 طاولات متوسطات الحجمـ بوسط الصاله..وفوقهن مما لذا وطاب..
دخلت بكل شموخ وثقهـ وابتسامهـ رقيقة تعلوا على شفاتيها..
وصوت كعب صندلها العالـي بتناغمق اللون الذهبي اللامع ليتركـ أثر على مسامع المتواجدينـ..
التفتوا لها..ابهروا الحضور بجمالها..
كانت لابسهـ فستان وردي غامق كاشف من نحرها وبدون اكمام ويزين كتفه كريستال باللون الذهبي..والفستان ماسك بجسمها ليبين ويظهر مفاتنها ومن الصدر مزمزم بشكل عشوائي..ومكياجها كان اوفر بلون الوردي والذهبي اللامع تحت حواجبها وبداية جفنها ورسمه تبرز عينها بالآي لينر الاسود وعدسات بلون التركواز وشعرها البني الغامق المسترسل بحريه على كتفها وينزل لاخر خصرها ببراعهـ فاتنه وحلق ملصع بالفصوص الذهبية وخاتم فخم ذهبي..
البنت الاولى:تبارك الرحمن ذي ملاكـ ولا أنسان..
البنت الثانيه:جميلهـ حيل..الله يحفظها..
البنت الاولى:اللهـ يسعدها يارب..
كانت بجانبها أمها وهـي تسير بكل فخر ببنتها..
مرت بجانب الحضور وسلمتـ عليهمـ..والابتسامهـ لا تفارقها..
وجات بجانبها مرت عمها ريم وبهمس:يبغاكـ عمك..
وراحـ معها ووصلت بجانب باب مجلس الرجال..
،
كانت بجانبها أمها وهـي تسير بكل فخر ببنتها..
مرت بجانب الحضور وسلمتـ عليهمـ..والابتسامهـ لا تفارقها..
وجات بجانبها مرت عمها ريم وبهمس:يبغاكـ عمك..
وراحـ معها ووصلت بجانب باب مجلس الرجال..
وطلع لها عمها من ورى الباب وباعجاب:تبارك الرحمن..وش ذا الزين ياجيهان..
جيهان نزلت راسها بحيا..
ريم بابتسامه:احرجتـ البنت..
سعود مد لها الكتاب:مهركـ زي منتي عارفتهـ 100 الف..وطلبت أنهمـ يكتبوا بالشروط شقهـ مستقلهـ..وحسن العشير..موافقهـ على هالشروط ولا تريدين حاجهـ؟؟
جيهان:موافقهـ..
سعود مد لها القلم عشان توقع..
ومسكت القلمـ ويدها ترتجفـ وسمت باللهـ ووقعت..
سعود بابتسامه:مبروك مقدماً..
جيهان بحيا:الله يبارك فيك..
سعود باس جبينها:الله يسعدكـ يارب..
ودخل للمجلس..
ريم ابتسمت لها..
وجلستها عند الحضور وعين الكل عليها..
روعه بهمس:وش السواه احين؟؟
روان:.......
روعه كملت:أم فهد تسأل عن أمي والناس تسأل..وش نقول لهم..
روان:زي مقلت لكـ قولي لأنها مريضهـ وبس..
روعه تنهدت بصمت:الله يهديك بس يا يمهـ..
روان تدور بعيونها:وين السحليهـ؟؟مشوفها..
روعه بستغراب:السحليه؟؟؟ من تقصدين؟؟
روان بحقد:من غيرها بعد..الهانمـ أروى..
روعه:أبي اعرف بس ليه أنتي تكرهينها..هااه..
روان:أفضل أني أحتفظ بالسبب لنفسي..
روعه بحس نيه:مسكينهـ..تلقينها تبكي لما عرفت أن راكان بيتزوج غيرها..
روان كشرت بوجها:إلا سكينهـ..بقلعتها بس.."وبسخرية" اي والله مسكينة..ذي حيهـ موسى..
روعه:حرام عليكـ..
روان بقهر:أنتي شب شب..لا تحرين قلبي..
روعه اكتفت أنها تناظر أختها ألي باين أنها تكرهـ أروى بالحييل..
ومن جهه ثانيه..
كانت تفركـ يدها بتوتر.. انتبهتـ لها امها:علامك؟؟
جيهان بتوتر:...خايفهـ..
أم فهد:ومن وش خايفه؟؟
جيهان ناظرت أمها:يمهـ قولي لهمـ اني ما أبي أشوفهـ ولا يشوفني..
أم فهد:وش ذا الكلام يابنتي؟؟ لزومـ يشوفكـ وتشوفينهـ..
جيهان:.........
أم فهد كملت:أنتي بس أبعدي عنكـ هالكلامـ ألي مالا داعي..
جيهان:...بس يمه.....
أم فهد قاطعتها:لا تبسبسين..أنتي اذكري الله..واقري المعوذاتـ وربكـ بيخفف توتركـ ذا..
جيهان بعدمـ اقتناع:طيب..
اقتربتوا منها وسلموا عليها:مبروك يا قلبي واعذريني على التأخير..
جيهان بفرحه:هلاا حنونه ..الله يبارك فيكـ..وعقبالكمـ يارب..
حنان بهم:آمين يا قلبي..
رنيم:وش ذا الزين يا قلبي..بسم الله عليك..
مرام:أنتي احلا وحده هنا..
جيهان:ههههه..فديتكمـ بس..عيونكمـ الحلوة..جلسوا فديتكم..
مرام:منقدر ان تاخرنا أكثر بيحلف انم ندخل بيتكم مدى الحياة..
جيهان:بل..
وسلموا عليها..
جيهان ألي ملاحظهـ الهم والغم بوجه حنان..
وفي المجلس..
وقع راكان بعدمـ قناعهـ منه..كان بيتراجع بس مابه وقت..الوقت تأخر كثير على التراجع..
وقاموا يباركون لهـ..
الرجال الاول:مبرووك..
راكان بهم:الله يبارك فيك..
الرجال الثاني:مبروك ياراكان..
راكان بنفس همه:الله يبارك فيكـ..
كان بجانبه صديقهـ ألي حس بهمه وعدمـ فرحته وهمس له:ابتسم يا حظي..لا تفضحنا..
راكان:تسرعت كثير بقراري يا طلال..
طلال:ولا تسرعت ولا شيء..
راكان تنهد:إن لله وإن إليه راجعون..
طلال بهمس:ابتسم وحسس أبوك أنك مو مجبور على هالزواج..لا تزعلهـ..شوفهـ مبسوط كنا هو الخاطبـ..
راكان ناظر بأبوه من بعيد وهو يشوف الأبتسامه ألي لم تفارقه من دخولهـ لبيت أبو فهد..
طلال اشر له وبهمس:ابتسم..
راكان ابتسم غصبن عنه..ابتسامه باهته..
قامـ أبو راكان من الكنب وجاء عند ولده وبفرحه:مبروك يا ولدي..منك المال ومنها العيال..
راكان بابتسامه متصنعه:اللهـ يبارك فيك يبه..
أبو راكان:عاد ما أوصيكـ عليها..حطها بعيونكـ الثنتين يا ولدي..
راكان:إن شاء الله يبه..
أبو راكان ضم ولده قوة..
دمعتـ عينه وهو يشوف ولدهـ..كان حلمهـ من زمان أنه يشوف خطبهـ ولدهـ ، وعما قريب زواجهـ..وجااء هاليوم..
ومسحـ دمعته بشماغهـ وبحب:الله يسعدكـ يا ولدي..
،
دمعتـ عينه وهو يشوف ولدهـ..كان حلمهـ من زمان أنه يشوف خطبهـ ولدهـ ، وعما قريب زواجهـ..وجااء هاليوم..
ومسحـ دمعته بشماغهـ وبحب:الله يسعدكـ يا ولدي..
راكان تأثر بكلام وضمه ابوه له:وياكـ يارب..
راكان حس أن ابوه فخور فيه..كان واقف بجنبه وكل من مر وسلم عليه قال ذا ولدي راكان..وكان يقولها بفخر كبير..محسه من قبل..
دخل من الباب وشاف اخوهـ وبفرح:مبرووك يا خوي..
راكان التفتت لمصدر الصوت وبفرحه:ناايــف..
نايف اقترب منه وضمهـ ضمه شوق:مبروك ياخوي..الله يسعدك يارب..
راكان بنفس فرحته:الله يبارك فيك..وعقبال ما أفرح فيك يا خوي..
نايف بابتسامه:البنت بالجيب..بس أنتظر الموافقهـ على البنت من قبل الوالده والوالد..
راكان بابتسامه:بعد..صدق انك قليل الأدب ولا تقول لي..المهم مقلت لي متى رجعت السعودية؟؟
نايف:توني..رحت بدلت بالبيت وجيت طيران لهنا..تدري وأنا أخوك..صعبهـ اجي ببنطلون..
راكان:ههههههه..اتخيل شكلك..
نايف بهمس:بروح اسلمـ على الوالد..
راكان:أي رح قبل لا يزعل منكـ..
نايف:ههههه..منيب ناقص أنا..
ومن جهه آخرى..
الحلا والقهوة يقدم لضيوف وأصوات الحضور بدأت تعلو قليلاً..
كانت خايفهـ من هاللحظه..ألي يقول بيها....
ام فهد:يلا يا بنتي..
جيهان بخوف:على وين؟؟
أم فهد:علامك كذا خايفه..على وين يعني..بيجي خالك سعود يوديك للمجلس و.....
جيهان برفض تام:لا يمه تكفين..
أم فهد بق عينها:اقوول تعقلي يابنت وقدامي لشوف..
جيهان بدت تبكي:اهئ..ماأبي..
أم فهد بحنيه:يا بنتي..يا حبيبتي أنتي..لزوم هالشيء..
جيهان بين دموعها:بس أنا ماأبا..
أم فهد تنهدت:مالي إلا عمك سعود يتفاهم معك..
ودقت عليه عشان يدخل..
سعود فتح الباب:عسى خير يارب..علامها تبكي؟؟
أم فهد تعدل جلالها ألي على راسها:تقول ماتبي تشوفه ولا يشوفها..
سعود التفت لجيهان:افا بس..وليه يابنتي؟؟
جيهان بتوتر:خايفه ياعمي..
سعود بابتسامه:أنا معك يا بنتي لا تخافين..ألي يسمعك يقول أنك أول مرة تتزوجين..
جيهان ابتسمت بتوتر:ذا غير وذاك غير..
سعود:صدقتي يا بنتي..وش جاب ألي جاب..
أم فهد تناظر ببنتها:يلا يا بنتي..سمي بالرحمن ودخلي وعمك بيكون معك..
جيهان بدت تبكي بخوف..
سعود ضم بنت اخوه وبحنيه:لا تبكين يا بنتي..وأن جانك ما تبين تشوفيه مراح تشوفينه بس لا تنزل دمعه من عينك..تراها غالية..
جيهان ببرائه:صدق..يعني مراح اشوفه ولا يشوفني..
سعود ابتسم له:أي بإذن الله..
أم فهد تنهدت:الله يهديك بس يا بنتي..
سعود:خلاص لا تضغطي عليها يا أم فهد..خليها على راحتها..
أم فهد:إن شاء الله..
سعود:بيدخل راكان ويباركـ لك..
أم فهد:طيب..
ودخلت جيهان داخل بالصالهـ..
وسعود ناد راكان ودخل بكل شموخهـ..
كانت أم فهد ورى الباب..
وجاء قبالها وباس جبينها ومد لها 1000 لحبهـ الرأس..
راكان:أخبارك ياعمتي؟؟
أم فهد بابتسامه(مزيون تبارك الرحمن):طيبه يا ولدي..أنتي كيفك؟؟
راكان:بخير بعد شوفتك ياعمه..
أم فهد:اللهـ يرضى عليك يارب..
راكان:وياكـ..
ودخل للمجلس هو مع سعود..
سعود بهمس:البنت خايفهـ وما تبي تشوفه..
أبو فهد بقهر:قول لها تجي لأكوفنها وأبعطها قدامه..
سعود بقهر:اقول لك البنت خايفه تقول أبعطها..
أبو راكان:أهم شيء راي البنت..وخلوها براحتها..
أبو فهد:وش رايك يا راكان؟؟تبي تشوفها ولا؟؟
راكان بغاها من الله وبتأيد لكلام ابوه وسعود:أي أهم شيء رايها..وخلوها براحتها..بعدين أشوفها بإذن الله..
أبو فهد وسعود:أي إن شاء الله...
ودقايق إلا وهم طالعين..
ولبستها الشبكه أمها
..وخفوا الحضور..
وما بغى في الصالهـ إلا أم فهد وجيهان وريم
ريم:حسافه مشاف جمالك ذا..
جيهان براحه:الحمد لله..هم وانزاح..فديت عمي بس.. أقنعهم..
ريم:ههههه..يقول لي سعود أنه ابوكي ما رضا بس ابو راكان وراكان قالوا خلوها براحتها..
جيهان:........
أم فهد بين دموعها:الله يسعدك يا بنتي..
ريم:امين يارب.."وحبت تغير الموضوع عشان ماتنقلب الكلام لحزن"إلا وين ام راكان انا ما شفتها..
أم فهد تمسح دموعها:انا بعد ما شفتها بس لما سألت بناتها قالوا أنها تعبانه ولا قدرت تجي..
،
ريم:امين يارب.."وحبت تغير الموضوع عشان ماتنقلب الكلام لحزن"إلا وين ام راكان انا ما شفتها..
أم فهد تمسح دموعها:انا بعد ما شفتها بس لما سألت بناتها قالوا أنها تعبانه ولا قدرت تجي..
ريم:الله يكون بالعون..
.
.
في اليومـ التالي..
رجعت من كليتها وشافت امها واخوها عبدالله واختها يتغدوا..
صعدت فوق وبدلت ملابسها ولبست لها بجامه هاديه ونزلت تحت تتغداء معهم..
انتظرت ان اخوها يصعد فوق وبدت كلامها..
أروى:يمه صاحبتي عزمتني على بيتهمـ اليوم..
ام عبدالله:........
أروى:وحلفت أني أن مجيت بتزعل علي..
ام عبدالله:طيب روحي..
أروى كانت واثق هان امها بتوافق وبابتسامه:تسلمين يايمه..
ام عبدالله:من ألي بيوديك؟؟
أروى:كالعادهـ بتجي صديقتي واخوها يوصلني لبيتهم..
ام عبدالله:أي كذا زين..اهم حاجه ان اخته موجوده مو بالحالك يعني..<<مالت بس..
أروى بنفس ابتسامتها:افا عليك بس..
ام عبدالله:متى بتروحين؟؟
أروى:بعد صلاة العشاء..
وسكتوا شوي..
فاطمه:وربي اني منقهره اني مرحت خطوبة راكان..
ام عبدالله تنهدت:كاان خاطري انه ياخذك يابنتي..
أروى كشرت:ذا النصيب يايمه..
.
.
.
جلست تفكر بجيهان وابتسمت:الله يسعدها يارب..
مرام:اميين يارب..
حنان:وربي اني فرحت لهاا كثيرر..
مرام:حتى انا فرحت لها..صايره قمر بسم الله عليها..
حنان:هي ملكة جمال أساساً..بس ابوي قهرني لما مخلانا نجلس اكثر.."وهي تقلده"بسررعه يلاا..
مرام:ههههههه..كل ذه عشان ما يبي يشوفنا احد..ويتقدموا لنا...لان تعب من كثر مايبجيب لنا اعذار..
حنان ابتسمت بهم:ما كذبتي ياخيهـ..إلا وين الست رنيم؟؟
مرام بهمس:عند ابوي..
حنان:الله يستر بس..وش مسويه؟؟
مرام:مدري واللهـ..علمي علمكـ..
ومرت 12 دقيقة وجا ترنيم وملامحها متغيرهـ..
حنان بخوف:عسى خير إن شاء الله..
رنيم جلست قبالهم وبهم:ابوي بيسفر الخدامه..
حنان ومرام بصدمه:وليــــه؟؟؟
رنيم بضيقه:قال خسارة فيها الفلوس واحنا وش حضرتنا..ننظف ونكنس ونطبخ عنها..ومن بكره بيسفرها..
مرام بضحكه وبمزح:اجل نقول لها تسحر ابوي قبل متروح..
حنان:ههههههه..الله يقطع بليسك بس..
رنيم:ههههههه..فكره حلووه..
حنان:الله يعين بس..ندرس وبعدها نكرف..خووش والله..
رنيم ومرام ألي حسوا ان نفسيه اختهم تحسنت بقوة وبشكل ملحوظ..
رنيم حطت يدها على كتف حنان وبابتسامه:دووم البسمه بشفتك ياخيهـ..
حنان ردت لها الابتسامهـ..
مرام بفرحه:أي كذا اختي..ترى الدنيا ماتسوى.."وقامت تنشد"دنيا ما تسوى تعاني ليه مضايق حزين..
حنان:هههه فديتكم بس..
مرام بجديه:بس صدق يا أختي وش ألي غيركـ كذا..بين يوم وليله..قبل كنتي مهموم ودحين غيررر..ابا اعرف السبب..
حنان بابتسامه وهي تسترجع ألي صار لهاا امسس
*** بعد مرجعت من بيت عمها..كانت سعيدة لجيهان قوة كما لو هي ألي ملكت مو جيهان..
جلست بغرفتها تبكي وهي مهمومه بالحييل..
وقاطعه بكائها صوت جوالها..كان الوقت متأخر عند الساعة 1:32
ردت عليها:هلا جهوونه..
جيهان:هلا قلبي..أخبارك ياعمري؟؟
حنان تنهدت بهم:الحال زي منتي عارفهـ..الحمدلله..
جيهان:أنا دقيت عليكـ ياحنان بهالوقت متعمده..
حنان:؟؟؟؟
جيهان:حنان بدل ما تبكين دحين على واقع انتي راح تعيشين بيه..روحي صلي لك ركعتين..لا تقولين لي كيف عرفتـ صووتكـ باين أنك كنتي تبكين..
حنان:..........
جيهان كملت بحب ورويه:ادعي لربكـ في صلاتكـ..وكثري استغفار ياغناتي..سبحان الله للأستغفار والذكر راحه وثواب واجر من ربك عظيم..والأهم رضى اللهـ عليكـ..
حنان:.........
جيهان:ادري أنك مهمومه بسبب ظلم عمي..بس انتي لو فكرتي شوي..مقلتي يمكن تكون خيره..وعسى ان تكرهوا شيئاً وهو خير لكم وعسى أن تحبوا شيئاً وهو شراً لكمـ..والشيء الوحيد ألي يرد القدر هو الدعاء مخلصهـ لله..وتقربي من اللهـ..
حنان:ا.....
جيهان قاطعتها:حنا صدق نصلي بس مو بخشوع وخضوع واخلاص لله عز وجل..شوفيني أنا ياحنان..
من شهور وانا متعذبهـ مع ابو يوسف وكنت ادعي ربي بكل ليله واصلي قيام الليل..أنه يبعدني عنهـ..وسبحان اللهـ شوفي كيف ربي كافئني..والحمدلله على كل حال..
حنان:جيهان..
جيهان:قلبها أنتي..
حنان: شكراً على....
جيهان قاطعتها:لا تشكريني أنا مسويت شيء..روحي صلي ياقلبي وبكذا أنتي شكرتيني وزود بعد..وادعي ربكـ..
حنان بابتسامه:إن شاء الله..مع السلامه..
جيهان:مع السلامهـ..
وسكرت جوالها منها وراحت توضت وذكرت اسم ربها قبل وضوئها وفرشت سجادتهاا..
وكبرت:الله أكبررر..
وصلت بخشوع وخضوع..
ودعت لربها أن يكتب لها ألي فيه الخير..ويبعد عنها الشر..
ودعت عن همها:
اللهم إني عبدك ابن عبدك ابن أمتك ناصيتي بيدك، ماضِ في حكمك، عدل في قضاؤك، أسألك بكل اسم هو لك سميت به نفسك أو أنزلته في كتابك، أو علمته أحداً من خلقك أو استأثرت به في علم الغيب عندك أن تجعل القرآن ربيع ، ونور صدري، وجلاء حزني وذهاب همي"
حست براحهـ كبيرة..محست فيها من قبل..
كنها ملكت الدنيا كلها..
،
حست براحهـ كبيرة..محست فيها من قبل..
كنها ملكت الدنيا كلها..
ولمااذا العجبـ!!!!!
ألا بذكر الله تطمئن القلوب..
سبحان اللهـ..
بمجرد ذكرهـ والتقرب منه يجعلك سعيدة
أيعجز أحدكمـ عن قول"سبحان الله العظيم..سبحان الله وبحمده"
ألا تريدين أن تدخلي الجنهـ..
لماذا إذاً لا تجعلين لسانكـ رطب بذكر الله..
وأنتي جالسهـ تسمعين أو تقرين ذكري اللهـ..
ما يأخذ منك وقت..
وربي راح تحسي أن لدنيا طرف..
راح تحسي بحلاوة ولذه مو طبيعيهـ
بمجرد ذكر اللهـ..
سبحاان اللهـ..
مرام باندماج مع أختها:صدقت واللهـ..حنا وين وذكر ربي وين..انشغلنا عن ذكره..
حنان بابتسامه:ذاكـ أول بس دحين..بيصير رطب بذكره..
مرام ورنيم بحماس:وأحنا بعد نبي نصير زي جيهان وزيكـ..
حنان:ههههههه..
رنيم:ليه تضحكين؟؟
حنان:هههههه حسستوني كني جده وأنتوا أحفادي..
رنيم ومرام:ههههههههه...
.
.
.
وفي التلفون وبهم:اسكتي يا أختي..وربي أني جلست ابكي من أمس لحد اليوم..
أم عبدالله:بسم الله عليك يا أختي..
أم راكان:منقهره..أجل راكان ولدي يا خذ وحدهـ ارملهـ..وش ناقصهـ هو.."وصارت تبكي"
أم عبدالله حزنت على أختها:خلاص هدي يا أختي..
أم راكان بين دموعها:انا خاطري أني أفرح فيه..مو يمر يوم ملكته كالمرور الكرام..كان ودي ياخذ بنتك..
أم عبدالله تنهدت:وربي انا بعد أبي ولدك لبنتي..بس ذا النصيب وأنا أختكـ..
روان ألي جالسهـ تناظر بأمها ولما خلصت من تلفونها التفتت لها:يمه أنتي وش ألي مزعلك؟؟
أم راكان تمسح دموعها بيدها:أنتي ترضين لولدكـ أنهـ يأخذ وحده أرمله..اهئ..اهئ..
روان اقتربت من امها وضمتها:يايمه يا حبيبتي أنتي..أنتي ما تدرين وش الخيره فيهـ..
أم راكان:الله يكون بالعون بس..
روان:أنا مقدره كلامك يا يمه..لاني أنا بعد مراح ارضى لولدي أنه يا خذ وحده ارمله بس أنتي ما تدرين وش الخيره فيه..الله يكتب ألي فيهـ الخير..
أم راكان هزت راسها بنعمـ..
.
.
.
استغربت لان بنتها مقامت لحد الآن وراحت لغرفتها..
وبهمس:جيهان..جيهان..
جيهان بهمس:همممم..
ام فهد:قومي يا بنيتي.."وصارت تهزها وبخوف"ليكون صار لها شيء..جيهان علامك يابنيتي؟؟
جيهان فتحت عيونها بتعب:لا يالغالية مافيني إلا العافيه..بس مانمت إلا متأخر امس..
أم فهد تنهدت براحه:الحمدلله..خوفتيني عليك يابنت..
جيهان تفرك عيونها:عسى خير يمه..وش بغيتي؟؟
أم فهد:ابد يا بنتي استغربت انك تأخرتي بالرقاد وذي مو من عادتكـ..يلا قومي صلي الظهر لاتفوتكـ..
جيهان قامت بكسل:إن شاء الله..
أم فهد:الله يسعدك يا بنتي..
وطلعت من غرفتها وراحت للمطبخ..
بدريه ألي بالصاله تناظر بأم فهد
بدريه بهمس:هالعجيز ذي تدعي الألم وشوفها تمشي بخفهـ..
فهد ناظر با أمه من بعيد
بدريه كملت:ولا أختكـ أمس مفكره حالها ملكة جمال..مالت عليها بس..مدري وش عندها رافعه نفسها لفوق يا حظي..
أم فهد جات لعندهم بصحن القهوة والشاي..وجلست بشويش على الكنب..
أم فهد ناظر فهد وحرمته:قهوة ولا شاي..
فهد:قهوة..
أم فهد:وأنتي يا بدريه؟؟
بدريه حطت يدها على بطنها وبمياعه:القهوة مضره بحملي والشاي مالي مزاج اشربهـ..
أم فهد:.........
إلا بدخله جيهان وحبت ترد عليها:أي قولي انك ماتبين مو أنك تكثرين هرج..قولي ماأبي وخلاص..
بدريه افتشلت من رد جيهان وانقهرت منهاا..
جيهان جلست بجنب امها:مسـاكـ ورد ياأحلا وأغلا أم بالدنيا كلها..
أم فهد عجبها رد بنتها على بدريه وبابتسامه تجيب العافيه:مساكـ نور يا بنتي..صليتي؟؟
جيهان:أي صليت الحمدلله..
بدريه قامت من مكانها بقهر..
جيهان تناظر با أخوها:روح لها لاتزعل منك زود..بعدين تحرمكـ من حقوقكـ..رح بس رح..
فهد انقهر من اخته:الوعد بعدين يابنت امكـ..
ولحقها وأم فهد وجيهان ميتين ضحكـ عليهـ..
.
.
.
..على الغداء..
روان تأخذ الملعقة من يده:وبعدين معك غازي؟؟
غازي:أبا اكل..
روان:انا أأكلك..
غازي بزعل:لا أنا أبي أكل بالحالي..
روعه التفتت لهم:عطيهـ يأكل بالحاله ويفكنا من نوحته.."وصارت تناظر فيه"شوفي بدأ يبكي عطيه يسرعه ترى مالي خلق لضجتهـ..
روان عطته الملعقه:كل بأدب ولا تعفس السفرة..
غازي يمسك الملعقة:تيب..
روعه ناظرت بأمها ألي ما مدت يدها على الأكل:علامك يمه؟؟
أم راكان تنهدت بهم:ما فيني شيء يا يمه..إلا منزلت شريفة تتغدأ معنا؟؟
روعه:لو تبي كان نزلت من دون دعوة..
أم راكان:طيب ليه مجاء اخوكي لحد ألحين؟؟
روعه:قال انه بيتعشى برأ مع ربعه..
أم راكان:اهاا..
.
.
.
..وفي أحدى المطاعمـ الراقيهـ..
راكان مستغرب:وش عندكـ عازمني بمطعم راقي؟؟ مو من عوايدكـ..
..وفي أحدى المطاعمـ الراقيهـ..
راكان مستغرب:وش عندكـ عازمني بمطعم راقي؟؟ مو من عوايدكـ..
أبو راكان:..........
راكان كمل:أنت بالعادة تعزمني على مطاعم عاديهـ مو فخم مرة وحدة..
أبو راكان يأكل
راكان بشك:أكيد الموضوع فيهـ إن..اعترف وش تبي؟؟
أبو راكان التفت له:إن لله بس..الشرها مو عليكـ الشرها علي أنا ألي جايبك بمطعم مو من مستواك..
راكان:هههههههه..
أبو راكان:الغلط مني أنا..ذي غلطهـ مستحيل تتكرر ابد..ويلا قم نحاسب..
راكان جلس أبوه:اجلس بس..المطعم غالي حرام نقط الأكل ولا كلنا منه شيء..
أبو راكان:قم بسس..
راكان:بس أنا مكلت شيء وأنا جوعان..
أبو راكان:ما به لزوم تأكل يلا قم بس..وأنا متعب نفسي وعازمكـ..
راكان:ههههههه..ياشينك بس لتحلطمت..هههههه..
أبو راكان:بعدد!! اجل ذا الكلام لي أنا يا ركوون..ماشي..ألي يعزمك بعدين..
راكان باندفاع:لاااا خلاص...خلاص..
أبو راكان:بل..بل!!!!
راكان بضحكه:هههههه.."وهو يشوف القائمه"..بس وش ذا المطعم ألي الحمص حقهم بـ 30..حششى مو حمص..لو طالب وجبة من أي مطعم مجاء هالمبلغ..وهذا حمص بس..اجل لو اطلب دجاج ولا لحم كان خلوه 400..ههههههههه
أبو راكان بقهر:أي وأنا قلت بعزمك على مطعم راقي عشان انك مملك امس..بس الشرهاا علي انا..لو اعزمك على حمص وعدس بـ 4 ريال من سكندر ابرك لي...
راكان:ههههههههه..امزح معك يبهـ علامك زعلت..
أبو راكان:هههههه..ادري عنكـ..
راكان وهو يأكل:مقلت لي بجد وش هي المناسبة..
أبو راكان بجديه:اسمع يا ولدي..أنت أحين مملكـ ولزوم تشوف جيهان..
راكان:بس هي ألي......
أبو راكان قاطعه:ادري انه هي ألي رفضت بس هذا ميعني أنك متشوفها يا ولدي..لزوم تحسسها أنك تبيها وشاريها والاحترام والتقدير بالحياة الزوجية مطلوبهـ ومهمة يا ولدي..حطها ببالك زين..
راكان:.........
أبو راكان بأهتمام:المهم..أنا جات ببالي فكرة..وش رايك تقول لأمكـ أنكـ تبي تعزم اهل جيهان على مزرعتنا كم يوم..
راكان:وليه أنا ألي أقول لها..ليه مو أنت ألي تقول لها؟؟
أبو راكان:لأنكـ أن قلت لها أنت راح تتأكد أنك أنت ألي تبيها من رضاكـ..أمك حاطه ببالها أني انا غاصبكـ على الزواج..
راكان:.........
أبو راكان:كنك مو مقتنع بفكرتي..
راكان بأندفاع:لا أنا مقلت كذا..
أبو راكان:أي على بالي بعد..
راكان:ههههههههه...
أبو راكان:أكل بس أكل أمك حرقت جوالاتنا من كثر ماتدق علينا..واسمع ان قالت لك امك ولا خواتك وين كنت وش تقول؟؟
راكان تعب من كثر مايطرحه نفس السؤال:أقول أني ماكل برا مع ربعي..
أبو راكان:أي..وانا ادخل قبلك بعدها انت بنصف او ربع ساعة تجي البيت عشان مايشكون زين..
راكان ياكل:انزين..