الفصل 4
.
البـارت 4 ••
الكنــز المـخـفـي 💎
👌🏻👇🏻 😍
📚 @rewayatyamania 🇾🇪
عصماء مبتسمة خرجين بعد نور وهي في يدها الكيكة جلست جنب جدتها وبتغني لها
عمها سمير قاطعها: استغفر الله ماهو هذا يا بنات
عصماء اشرت لها بحواجبها هي وبسمة مبتسمات يذكرنها بتحديهن
نور: ياعمو لو متضايق وانت بتبسرنا استغفر امد والا افعل ركعتين ادعي لنا ربنا يهدينا امد ماافرح جده بسرعة اليوم وبس..
عمها سمير: عادش قمتي من الموت بدل ماتحمدي الله ان الله انقذش بتعصيه..
نور: حاشا لله نعصيه ما اظن ادخال فرحة وسرور لقلب جده تعصي الله، بعدا يا عمو لا طبل ولاغناء ولاشي غنيت لها انا وكيكة
عمها: تشبه بالكفار..
@rewayatyamania المصدر الأول للروايات
في حوش بيت الجيران..
صهيب دخل البيت وطلع الجبا حقهم يشوف ويراقب بيت المنذر..
ضبح وجالش منتظر اي خبر يسمعه عنهم مش عادتهم كل هذا الصمت...
.
.
بيت المنذر
نور: ياعمو جبركم؟؟ الله كبير غفور رحيم إلا بيغفر لنا اخطاءنا البسيطة هذا لو اخطأنا ، هيا عمو ساحت الكريمه في يدي قوم ادعي لنا يامنعاه وجلست تغني وهن معها بنات عمها مبتسمات ومستقويات بها بيصفقين للجدة..
فؤاد بيضحك على سمير اللي متغصب جو مثل هذا: ماسطاه يتفلسف حين هي امي ساكت
الجدة حضنت نور وحبتها: قد انا عجوز يابنتي على هولا الاشياء حق الجهال
نور: اشتي افعل لش كل شي فعلتي لي ومانقصتي عليا شي عن الامهات الشابات اللي بيفعلنه لبناتهن
وكلي هذه كلها حقش وحدش وهم كيكتهم في المطبخ يسيرو يوزعوا هيا بسمة وزعين..(شاورت جدتها): كيكتهم كبانه اللي ماتعجبش
الجدة هزت راسها بإبتسامة وهي فاهمة لها وانها خايفه عليها لاتشوف الكيك لانها يعجبها السكريات: كيف ظهرش؟؟
نور بتحرك ظهرها يمين يسار وتوطي: بخيرر ولافيني شي ابسري
الجدة بدأت تاكل وهم قاموا ياكلوا كيكهم داخل
الجدة: مابش مرواح اليوم لحد بعد القارح كلكم تجلسوا هنا..
نبسر الصبح ايش القارح..
البنات تلتفين وفرحين انهن عيمسين مع نور..
بدؤوا يتوزعوا في غرفهم والبنات اتفقين يرقدين بغرفة نور...
للساعة ١ الكل نوم..
بسمة: هيا يابنات والله انهم نوم
نور: هيا خرجي الكيس اللي تحت السرير قد لفلفت كل الجعاله فيه..
عصماء: ليش مانسمرش هنا مابتخافين انتين
بسمة: من ايش نخاف أمانة جي معنا ابسري على منظر نجوم وقمر والهواء يجنن
عصماء مبهررة والغرفه طافية (عيونها كبار شوية): كيف من ايش نخاف والقارح اللي وقع لوما دهفش للوسط
نور بتشوفها وبتتخبى ورا بسمة: والله مابيفجعين إلا عيونش وانتي مبهررة هكذا
بسمة بتضحك بصوووت وتصفق
نور تمسك يدها وهي بتضحك: اص عيسمعونا ويجوا لنا
عصماء شافتهن بيضحكين وخايفات منها وتصيح وتقرب منهن: مالكن عليا
بسمة ماقدرت تمسك نفسها قامت: انا شسبق قبل ماجدتي تفعل لنا صوت
نور مسكتها وقامت معها..
عصماء بخوف: راعين لي يا تافهات الله يقلعكن شاجي صميل وفيني بكاء خايفة...
خرجين الحوش دلا صوت مشاورتهن وخشخشة الورق حق الشجر اليابس..
صهيب كان بيخطط البيت حسب الاوراق اللي في يده سمع صوت وقف وبيمشي حول الحوش يفكر في حد !!
وصل جنب السور حق بيت جيرانهم وسمع ضحكتهن استغرب صوت بنات والا بيتهيأ له؟ معقول هذولا طبيعيات هذا الساع بعد القارح يخرجين؟؟!
عصماء بخوف بتتلفت وجالسة بينهن
نور: خلاص بس عادها بتزيد تتدكى فوقي ظهري بيوجعني
عصماء وهي خايفة: قولي لروحش اللي طيرش القارح لوسط المكان وطارت الطاقة فوق ظهرش وظهرش ملانه خشب وزجاج وعاد انتي تشتي تخرجي تسمري انتي والمجنونة هذه
نور: تمام ظهري انا.. بيوجعش انتي؟؟ يا تسكتي او قسما بالله لاندعي لش قلي لها من يا بسمة
بسمة: الجني حق اول اللي نغمته نوكيا
نور : وايش نوكيا قديم اول نوكيا في الحياة على كوكب الارض يعني عيشلش للزمن هذك يا لاتيه زمانش انتي وياها
صهيب بيسمعهن رافع حواجبه بيستوعب انهن بيقصدنه بيضحك ماسك نفسه..
عصماء: بحجر الله قلدكن الله ماذلحين اسكتين يامنعاه غيرين الموضوع ، ايوه يانور قلي لنا ليش فسختي
نور غمزت لبسمة: ماعجبنيش مش هو ستايلي ، اشتي واحد اظافره كبار وشعره مشعفل له سنة مامشط
عصماء: يع يانور بس خباله هيا مالش
نور تنهدت: مابش نصيب ، مايشتينيش اوف منكن ضروري نباش ضبح
بسمة غمزت لها تسكت
عصماء: اصلا يمكن هو نكدي يشتي واحدة عاقلة مش مجنونة ومرحة مثلش
بسمة ماقدرت تمسك نفسها كركرت تضحك: تشتي تكحليها اعميتيها خلاص اسكتي لاتواسيهاش..
نور ضحكت: الصدق ضحكتني مدري ايش ماكان خلاص لاعد تسألين شي ضبح كل من دري ان انا فسخت سأل ضببح، ماذلحين يمين بالله ما انخطب ع شور حد وقد هددت جدة
بسمة: يا ساتر هددتهم
في الحوش بيراسل صاحبه: والله يااخي لافندم ولا بطيخ ماوصلت لشي جالس متفرط مع شلة جهال بين احس نفسي راعي غنم، او حارس مدرسة ماعد دريت...
📚 @rewayatyamania 🇾🇪