الفصل الثالث عشر
Part 13
كُن قويا وإبتسم للحياه حتل ولو كانت مؤلمه 🫸🌺
انتهي حفل الزفاف وذهبت الاسرة لتوديع ملاك.
ملاك ببكاء: هتوحشوني اوي
احتضنها والدها: هو احنا هنموت ياملاك مانتي عالطول برة البيت
ملاك: مانا بشوف البنات بيعيطوا في فرحهم فقلدتهم
فرح ببكاء : ياشيخه يعني احنا مش هنوحشك
ملاك: انتي وبسمله هتوحشوني اوي دانا كنت اربعه وعشرين ساعه معاكم
بسمله ببكاء: خلاص بقي متخلينيش اعيط
ياسين وادم: هو اي النكد الي انتوا فيه انتوا شويه بنات نكديه
احمد: اه والله البنات دول عليهم دماغ تانيه
ذهبت العائله الي بيتها وتركوا ملاك
احمد: اطلعي انتي فوق وانا جايلك
سمعت ملاك كلام احمد وصعدت للاعلي
احمد: يالا كل واحد فيكوا يروح يشوفلوا مكان يبات فيه النهاردة
فارس: اي
مراد: اي الي بتقولوا يأحمد مانا اتجوزت مخرجتكوش بره
احمد: سمعتوا انا قولت اي
رويدا ومريم: طب واحنا يأحمد
احمد: هتروحوا تباتوا مع اخواتكم في الڤيلا
رويدا: احم اي الاحراج ده
فارس: ايوة ياعم الله يسهلك
احمد: غور من هنا
ذهب الجميع وتركوا احمد وملاك بمفردهما
صعد احمد الي الاعلي لملاك فوجدها قد غيرت ملابسها ولاكنها يبدوا عليها انها ترتدي الدولاب كله
احمد: انتي غيرتي لي
ملاك: يعني انام بالفستان
احمد: احمد لا المفروض انا الي افتحلك سوسته الفستان زي اما بنشوف
ملاك: متشكرين انا بعرف افتحها
احمد: طب كدة وقولنا ماشي بالنسبه بقي للهدوم انتي لابسه الدولاب كله
ملاك: ايوة الجو سقعه اوي
احمد: احنا في الصيف ياملاك ولمت هو الجو سقعه مشغله التكييف لي علي اسقع درجه
ملاك: هو التكييف شغال اصلا
احمد: متستعبطيش ياملاك عمتا اوكي ادخلي غيري هدومك وانا هشغلك التكييف علي الدافي
ملاك: لا انا هنام كده
احمد: طب يالا نطفح
ملاك: اي ده انت طلعت بلدي اوي اسمها يالا نأكل
احمد: ماشي يا بنت احلامي
ابتسمت ملاك لأنها احبت هذا الاسم كثيرا
ملاك: بمناسبه بنت احلامك اللقب الجميل ده
ممكن تعرفني رسمتني ازاي
احمد: انا هحكيلك انا اعرفك من اكتر من عشر سنين كل يوم كنت بحلم بيكي لو زعلان بتفرحيني وكنتي دايما تجيلي تونسيني انتي عارفه ياملاك انا خدت كورسات في الرسم مخصوص عشان ارسمك
ملاك: ده بجد
احمد: اي والله انا من زمان وانا بعشقك مش بس بحبك
ملاك: طيب ممكن توريني الصور
احمد: ايوة تعالي
اخذها احمد الي الغرفه السريه
ملاك: اي ده انت عملتله باسوورد
احمد: ايوة
ملاك: وعرفت منين عيد ميلادي عشان تعمله باسوورد
احمد: انا من اول يوم شفتك في علي الطبيعة انا عرفت عنك كل حاجه
وعيد ميلادك هو باسوورد كل حاجه بستخدمها في حياتي وهيبقي معاه عيدجوازنا
ملاك: انا مش مصدقه كل الصور دي انت الي رسامها
احضتنها احمد من ظهرها
ايوة انا الي رسامها
ملاك: جميله اوي
احمد: عشان انتي فيها
ملاك.: احمد انا عايزة اقولك حاجه
احمد بفرحه: قولي
ملاك: هو في حد يعرف مكان الوضه دي
احمد: ايوة بس ميعرفووش الباسورد ومعمرهمش شافوا صورك مفيش بس الا صورة واحده عشان لو حد فيهم شافك علي الطبيعه زي ما فارس عمل وجابك ليا
ملاك: ماشي
احمد: مفيش حاجه تانيه عايزة تقوليها
ملاك: ايوة في انا بحبك
احمد: انا بعشق التراب الي بتمشي عليه
لفها اليه واحضتنها ودفن ذقنه في رقبتها
احمد: عشقي ليكي عدي الحدود
ملاك: وانا كمان بعشقك
فتح احمد سوست البيجامه التي ترتديها ملاك
ملاك: لا استني لسه في اساسيات الاول
احمد: اي هيا
ملاك: اولا هنصلي ركعتين لله عشان تبقي بدايه حياتنا مع بعض بالصلاه وربنا يبارك لينا في حياتنا وبعدين نأكل عشان انا مهبطه وجعانه
احمد: ماشي
صلي احمد وملاك سويا وبدأوا في الاكل
احمد:انا الحمدلله كلت
ملاك:لا لو فاكرني هقول انا كمان كلت فأنتا غلطان انا لسه جعانه
احمد:كلي براحتك انتي عارفه انا نفسي اشوف الي قال انوا البنات بيقوا مكسوفين يأكلو في اول سنه جواز
ملاك:مانا كده مكسوفه
احمد: كده مكسوفه امال لو مش مكسوفه كنتي كلتي دراعي
ملاك: الحمدلله كلت انت مش نبرتلي في اللقمه
احمد: يخربيتك انتي ازاي رفيعه اوي كده بالأكل الي بتاكليه ده كله
ملاك: الله اكبر في عينك، انا بعمل تماريين لياقه بدنيه وبعدين انا مش رفيعه اوي ولا حاجه انا بس عشان لبسي واسع انت مفكرني رفيعه
احمد: طب متشيلي لبسك وانا اقول رفيعه ولا لأ
ملاك: انا مش قادرة انا هنام تصبح علي خير
احمد: تنامي اي بس
ملاك بتثاؤب مصتنع: اااااي تصبح علي خير
احمد: وانتي من اهله
بعد قليل شعرت ملاك بعدم ارتياح في ضميرها
ملاك: احمد انت زعلت
احمد: لا مزعلتش هزعل لي
ملاك: عشان قولتلك مش قادرة وهنام
احمد: لا ياحبيبي انتي حقك تكوني تعبانه
ملاك: بس انا مش تعبانه انا بمثل التعب
احمد: طيب لي انتي خايفه مني
ملاك: لا مش خايفه منك انت زعلتني جامد الاسبوع الي فات وانا قررت مش هخليك تلمسني
احمد: عشان كده بقي بس انا فعلا غلط وانا اسف ليكي مع اني عمري مقولت لحد خالص اسف بس انتي مش اي حد
ملاك: وانا مسامحاك بس توعدني انك عمرك ما هتتعصب علي تاني
احمد: وعد واحتضنها احمد وذهبوا معا الي عالمهم الخاص الذي لا يوجد فيه سواهم
~~~~~~~~~•♕•~~~~~~~~~~~~~~
اخذ سعيد بسمه الي بيت العائله الذي يعيشون فيه جميعا
سعيد: ستي انا خبطت البت دي بالعربيه وهي فقدت الذاكرة كيف مانتي شايفه
صفاء (ست سعيد): يعيني عليكي يبتي والله صعبتي علي سعيد هي اسمها اي
سعيد: هي مكنتش فاكرة اسمها بس اني سمتها ريم
صفاء: ريم لساتك فاكرها
سعيد: خلاص ياستي بقي.. نهاد
نهاد: نعم ياسعيد
سعيد: خديها علي فوق وريها اوضه من فوق تبات فوق
نهاد: مين دي يأبيه سعيد
سعيد: ستك هتقولك
نهاد: حاضر
اخذتها نهاد الي فوق
نهاد: انتي اسمك اي بقي
بسمه: مش فاكرة بس سعيد قالي هيسميني ريم
نهاد: ريم! اسمعي يبت انتي عايزه تقعدي حدانا في الدوار اوعاكِ تحطي سعيد في نفوخك لأنوا سعيد ده ملكي انا
بسمه: وانا احطه في دماغي لي
نهاد: ايوة كده هي دي الاوضه الي هتنامي فيها
بسمه: بس دي متربه اوي ممكن تنضفيها معايا
نهاد: من غير ماتقولي عشان ستي متزعلش مني بس
وفي الاسفل
صفاء: معقول ياولدي لسه فاكر ريم ومهتلهاش من دماغك
سعيد: كيف اشيلها من دماغي ياستي وانا حبيتها من وهي لسه في اللفه ودايما كانوا يقولوا سعيد لريم تبجي ريم تتجوز واحد غيري
صفاء: اتمانالها السعادة يولدي في بيت جوزها
سعيد: لو مكانتش مرت عمي وزت لعمي في دماغه كان زمانها معايا انا دلوق
صفاء: مرت عمك جوزتها لأبن اختها الي في الخليچ وريم سافرت معاه وبعديها عمك ومرتوا بس انساها ياولدي وعيش حياتك وإتجوز الي رايداك وهتموت عليك
سعيد: نهاد بنت عمي مش إكده
صفاء: ايوة ياولدي من زمان وهي هتحبك
سعيد: نهاد عمرها ماكانت غير اختي الصغيرة وبس
صفاء: خلاص سيبك من نهاد خليك في ريم الجديده
سعيد: لادي ولادي اني مرتاح إكده
صفاء: الي في دماغك في دماغك
صخر: ازيك ياستي
صفاء: وحشتوني جوي جوي ياواد انت وهي
سهر: انتي الي وحشتينا جوي جوي ياستي
صخر: اي ياواد ياسعيد لساتك بردوا سنجل
سعيد: ايوة
صخر: ربنا يوعدك ببت الحلال
سهر: امال في نهاد
صفاء: مع ريم فوق بيروقوا الاوضه
سهر: هي ريم نزلت من السفر
صخر: لا دي ريم جديده وحكت لهم ماحدث
سهر: يعيني عليها ربنا يشفيها انا هطلع اروق معاهم فوق
صخر: حلوة
سعيد: هي مين
صخر: ريم الي خبطتها
سعيد: عاديه يعني
صخر: امال لي سميتها ريم
سعيد: هو ده الأسم الي جه في دماغي
صخر: هحاول أصدقك
نزلت بسمه والفتيات من أعلي بعد ان وضبوا الغرفه وبالطبع سهر اعطت لبسمه ملابس صعيديه نظيفه علي عكس التي كانت ترديها بسمه ونظفت بسمه فكانت بسمه في حاله لا ترسي لها كانت ملابسها مقطعه ومتسخه وشعرها فك من عليه الحجاب وتبعثر شعرها ووجهها كان عليه تراب
نظفت سهر كل هذا واصبحت بسمه جديده
سهر: اي الحلاوة دي كلها دانتي كيف القمر والعبايه هتاكل منك حته
بسمه: شكرا
سهر: لا من هنا ورايح انا اختك واي حاجه تعوزيها قوليلي
بسمه: اكيد
نزلت بسمه وسهر وبالطبع كانت نهاد تحت من بدري
صخر: بقي دي الي عاديه
نظر سعيد اليها وسرح قليلا بها
سعيد: اي الحلاوة دى يخربيت ابوكي
صفاء: لم نفسك ياواد منك ليه اي ياصخر عايز سهر تقتلك ولا اي
سهر: اي رأيكم اني ظبتها والبت ماشاء الله جميله اوى
صفاء: اهو جدكوا جه هناك اهو ومعاه ولادي
الجد(حازم): مين دي
حكي له سعيد ماحصل وكيف وجدها
حازم: هي مهتنفعش تقعد معنا هنا في الدوار
سعيد: لي بس ياجدي انا غلط
حازم: هي بت والبيت في عزاب واحنا كبارات البلد الي بنتكلموا في الاصول معقول منبقاش عارفينها
سعيد: معاك حق ياجدي طب واي الحل
حازم: الحل انك تتجوزها او نوح ولد عمك يتجوزها
سعيد: طب واحنا اصلا منعرفش ان كانت متجوزه ولا لا
حازم: الحريم هيكشفوا عليها ويعرفوا لو متجوزة ولا لا
سعيد: لو مش متجوزة اني الي هتجوزها.
~~~~~~~~~~~~•♡•~~~~~~~~~~
ذهبت فرح الي المنزل ولم يكن يشغل تفكيرها سوي يوسف وما فعله معها
ودخلت الي السرير لكي تنام ولاكنها لم تستطع النوم من التفكير به
فكررت تفحص صفحته علي السوشيال ميديا
ولاكن ما رأت جعلها تغير ما في تفكيرها فلقد رأت له متابعات كثيرة وايضا صوره مع اكثر من فتاه و من التعليقات التي كانت علي صفحته علمت انه غرضه من الانثي ليس سوي التسلي بها
فرح في نفسها: يبنل دانتا طلعت زبا، له
واتاريك عمال تأكل بعقلي حلاوة اتاري هيا اسطوانه حافظها ونفضت الافكار من تفكيرها ونامت
~~~~~~~~~~~~•♡•~~~~~~~~~~~
وعن بسمله كانت لاتقل حيرة عن فرح فكان فارس يشغل تفكيرها هي لا تحبه ولاكن مهلا هي فتاه مثلا عندما نجد من يهتم بنا نتجه اليه
وجدت بسمله رقم يتصل بها
بسمله: مين هيرن عليا في وقت زي ده بس ولقسم بالله لو طلع فارس ههزقاؤه
ردت بسمله علي الهاتف
الو
الو
ــــــــــ انتي بسمله مسلم
بسمله: ايوة انا مين انتي وبترني في وقت زي ده لي
ــــــــــ مش لازم تعرفي انا مين الي لازم تعرفيه انك لازم تبعدي عن فارس فارس مش كويس بيتسلي بالبنات لحد لما يأخد منهم غرضه ويرميهم وانا زي اختك فلازم انصحك
بسمله: اولا فارس اصلا مش في دماغي ومبفكرش فيه (كدابه😂) وهو بتاع بنات دي بتاعته مش بتاعتي ، سلام
واغلقت الخط قبل ان تكمل الفتاه الاخري كلامه
وشغل بالها التفكير هل كلامها صحيح ام لا
وبعد قليل من الوقت نامت
~~~~~~~~~~~•♡•~~~~~~~~~~~
رانيا: مراد هو انت لي مش معبرني
مراد: عادي يعني
رانيا: يعني انت مش معتبرني مراتك خالص دانتا بتهتم بالكلب بتاعك اكتر مني
مراد: عشا كلها فترة وهنطلق
رانيا: وانا مقولتش اني مش عاوزه اتطلق لا انا هطلق بس علي الاقل يعني سلم عليا اقعد معايا ادينا فرصه نتكلم
مراد: يارانيا انا خايف لما اديكي فرصه اننا نتكلم ونهزر واهتم بيكي تحبيني وانا الي زيي مايتحبش
رانيا: لا يامراد كان زمان انت شخص يتحب كفايه انك بعدت عن السكه الي كنت ماشي فيها ومش عايز ترجعلها تاني و توبت لربنا وبعدت عن المعاصي وبتحاول تقرب من ربنا دلوقتي يا مراد انت دلوقتي شخص تاني غير مراد الي اذاني
مراد: انتي ازاي طيبه وبتسامحي كده انتي فعلا كمز يارانيا بس انتي كل مرة بتسبتيلي اد اي انا كنت زبا، له وو، س، خ
رانيا: لا انت مكنتش كده انت مشيت مع ناس كده فضروك
مراد: انتي جيتيلي رحمه من ربنا يارانيا
رانيا: طب بمناسبه كدة تعالي نصلي مع بعض ركعتين لله
مراد: بس انتي هتعلميني حجات كتير عشان انا عمري ماصليت
رانيا: ماشي واهو اخد صوابك
ابتسم مراد لها واحس انه يمتلك جوهرة تسامح كثيرا علي عكس بسمله الذي كان يظن انها لا تسامح وانها فعلت هذا عندا
~~~~~~~~~~•♡•~~~~~~~~~~~
ايام يا ليتها لم تمضي وايام ياليتها لم تأتي 👌👥
محمد: هي فاكرة نفسها مين انا تعمل معايا كده
يوسف: اهدي بس يامحمد انت الي دايقتها في الاول
محمد: ضايقتها؟ دي وقعتني ع الارض خلت الناس كلها تضحك عليا دانا نزلت تريند يا يوسف
يوسف بضحك: اه شفت الفيديو
محمد: يا برودك يأخي بتضحك علي صحبك
يوسف: هههههههه مانت شكلك يضحك اوي هههههههه
محمد: ماشي ياشهد والله لوريكي انا هعرفك مين هو محمد الدوسري اكبر محامي في البلد
يوسف: متتجننش يامحمد انت لما بتتعصب مبتقباش عارف انت بتعمل اي
محمد: انا هادي قدامك اهو وعارف انا همل اي كويس عشان تعرف انا الله حق
يوسف: ربنا يستر منك انت واحمد لما بتحطوا حاجه في دماغكوا مابترتاحوش الا لما تعملوها حتي لو اذي
محمد: انا عارف انا هعمل اي كويس انا مش طايش لا انا ولا واحمد احنا بنبقي عارفين احنا بنعمل اي ، يالا ادخل نام دلوقتي
يوسف: ربنا يهديكوا يالا تصبح علي خير
-
خالد: انا مش لاقيها خالص يأمي
رقيه: خلاص يا خالد متتعبش نفسك اكتر من كدة يابني احنا بلغنا الحكومه وهما هيدوروا عنها في كل مكان
خالد: انا مش قادر بسمه وحشتني اوي اوي
رقيه: هي وحشتك لوحدك دي وحشتنا كلنا دي كانت روحي
خالد: انا مش صعبان عليا قد خالتي حالتها مدمرة خالص والعلاج مش جايب معاها نتيجه
رقيه: انا كل اما اروحلها القيها قاعده تعيط وتعيط
ومبتتكلمش خالص ربنا معاها
خالد: يارب يأمي طيب لو هتقومي تروحي لها انتي روحي
رقيه: ماشي
-
صلوا علي رسول الله ♥
اللهم صلي وسلم وبارك عليك ياحبيبي يارسول الله ♥