الفصل 6
※الفصل السادس※
رواية جـبـروت أنثى الـاسر
بقلم: الملاك الأبيض ✨
كانت أصوات الرصاص تملأ القصر، بينما ليان تقف خلف آسر تحاول استيعاب ما يحدث حولها.
لكن رغم الخوف الذي بداخلها…
كانت تشعر بالأمان لأول مرة منذ سنوات وهي خلفه.
آسر للحراس بصوت قوي:
ـ فتشوا القصر كله! محدش يهرب!
الحراس:
ـ حاضر يا فندم!
نظر إليها سريعًا ثم قال بحدة:
ـ اطلعي أوضتك واقفلي الباب.
ليان بعناد:
ـ وأنا مش هستخبى.
آسر بعصبية:
ـ ليان متجننيش!
اقتربت منه وقالت بثبات:
ـ طول عمري بحارب لوحدي… متتوقعش إني هخاف دلوقتي.
نظر لها للحظات بصمت، ثم تنهد بضيق وأخرج مسدسًا صغيرًا من درج المكتب.
آسر:
ـ تعرفي تستخدميه؟
أخذته منه بثقة وقالت:
ـ أكتر مما تتخيل.
رفع حاجبه بدهشة خفيفة، لكنه لم يعلق.
وفجأة…
دخل أحد الرجال المصابين وهو يلهث.
الرجل:
ـ آسر بيه… في خيانة!
آسر بحدة:
ـ قصدك إيه؟!
الرجل بتعب:
ـ حد من رجالتنا هو اللي دخل الناس دي القصر…
اتسعت عينا ليان بصدمة، بينما ملامح آسر أصبحت مرعبة.
آسر بصوت منخفض مليء بالغضب:
ـ مين؟!
لكن قبل أن يجيب الرجل…
انطلقت رصاصة من الخارج استقرت في صدره مباشرة.
شهقت ليان، بينما سحبها آسر بسرعة خلف الحائط.
آسر بغضب:
ـ اقفلي راسك تحت!
كانت أنفاسها متسارعة، وقلبها يدق بعنف وهي تسمع خطوات تقترب منهم.
ثم ظهر رجل ملثم عند باب المكتب وهو يضحك بسخرية.
الرجل:
ـ سليم بيه بيسلم عليك يا آسر.
رفع آسر سلاحه فورًا، لكن الرجل قال بسرعة:
ـ لو موتني… عمرك ما هتعرف مين الخاين الحقيقي.
توقف آسر للحظة، بينما ليان تراقب الموقف بتوتر.
آسر ببرود مخيف:
ـ اتكلم.
ضحك الرجل بخبث وقال:
ـ الخاين… قريب منك أكتر مما تتخيل.
ثم فجأة ألقى قنبلة دخانية بالمكان.
امتلأت الغرفة بالدخان، وأصبحت الرؤية شبه معدومة.
ليان بسعال:
ـ آسر!
مد يده بسرعة يبحث عنها وسط الدخان حتى أمسك يدها بقوة.
آسر بقلق واضح لأول مرة:
ـ ليان! أنتي كويسة؟!
لكن قبل أن تجيب…
سمعوا صوت انفجار قوي هز القصر بالكامل. 🔥