الرجال يلي ما إختفى
الفصل التاسع
“الرجل اللي ما اختفى”
الصمت سيطر على الممر بالكامل.
ولا أحد قدر يتحرك.
الشخص كان جالس على الكرسي داخل الغرفة المظلمة، رأسه نازل وكأنه ينتظرهم من زمان.
نور الجوال المرتجف كان بالكاد يكشف ملامحه.
دانا همست بخوف: — “مين هذا…؟”
ما جاها رد.
راكان قرب خطوة بحذر: — “قوم.”
الرجل رفع رأسه ببطء.
وهنا…
تجمد الكل.
سعود تراجع خطوة وهو يفتح عيونه بصدمة: — “مستحيل…”
لأن الوجه اللي قدامهم…
كان يشبه أبوهم بشكل مرعب.
نفس الملامح.
نفس النظرة.
لكن أكبر سنًا… وأبرد.
العنود شهقت وهي تمسك الجدار: — “لا…”
الرجل ابتسم ابتسامة خفيفة: — “واضح إنكم للحين تذكروني.”
سعود صرخ بعصبية: — “أنت مين؟!”
الرجل عدل جلسته بهدوء: — “السؤال الصح… ليش انقال لكم إني مت.”
القشعريرة مشت بجسم دانا بالكامل.
أما تالا…
فكانت تطالعه بصمت مليان غضب وخوف بنفس الوقت.
راكان ثبت عيونه فيه: — “أنت اللي حبستها؟”
الرجل لف نظره لتالا: — “كنت أحميها.”
تالا ضحكت بسخرية: — “تسمي اللي سويته حماية؟”
الرجل وقف أخيرًا.
وصوت السلسلة برجله جرّ بالمكان.
وهنا انتبهوا…
إنه كان مقيد.
مشعل عقد حواجبه: — “مين قيدك؟”
الرجل سكت لحظة.
ثم قال بهدوء: — “اللي فوق.”
الصمت رجع يضرب المكان.
دانا: — “وش يعني اللي فوق؟”
الرجل رفع عيونه للسقف: — “العائلة اللي تعرفونها… مو الحقيقة كاملة.”
سعود انفجر: — “تكلم واضح!”
الرجل اقترب شوي من الضوء.
ثم قال الجملة اللي قلبت كل شيء:
— “أبوكم الحقيقي… ما مات بالحادث.”
يتبع الفصل العاشر ....