حين انطفأت بقيت انا وحدي - دروس ما تنتسي 😔😣 - بقلم همسة حروف - مكتملة | روايتك

في حياتنا تمر علينا مواقف كثير واحيانا نعيش قصص واحداث نشوفها بسيطه او عاديه ويمكن نضحك عليها بعد فتره لكن مع الوقت نكتشف ان كل موقف صار لنا كان يحمل درس ورساله لازم نفهمها ونتعلم منها مو كل شي يصير لنا يكون عبث حتى الكلام اللي ينقال لنا حتى الزعل حتى الخذلان وحتى الغلط اللي نطيح فيه كل هذا يعلمنا اشياء عن نفسنا وعن الناس وعن الحياه كلنا نغلط وكلنا مرات نتسرع بالحكم او بردة الفعل ويمكن بكلمه وحده نجرح شخص او نظلم انسان واحنا مو حاسين لكن الانسان الواعي هو اللي يوقف مع نفسه ويعترف بغلطه ويتعلم منه مو اللي يكابر ويعيش دور الصح طول عمره لان محد كامل والكمال لله وحده وانا اليوم تعلمت درس يمكن من اقوى الدروس اللي مرت علي ان الانسان ما يحكم على الكتاب من غلافه لان كثير ناس نظنهم سيئين وهم من الداخل انظف واطيب من ناس كانت تبان لنا ملاك وتعلمت بعد ان رد الاساءه بالاساءه ما يعالج شي بالعكس يزيد التعب ويكبر المشاكل ويخلينا نخسر نفسنا واحترامنا واحيانا نخسر ناس كان ممكن نفهمهم اكثر لو هدينا شوي وتعلمت ان الاعتذار مو ضعف ابدا ولا ينقص من قيمة الانسان بالعكس الاعتذار يحتاج قلب نظيف وشخص عنده اخلاق وتربيه واللي يعرف يعتذر هذا انسان فاهم الحياه وعارف ان المشاعر مو لعب وان الكلمه لها اثر كبير واحيانا اعتذار بسيط يطيب خاطر شخص ويحذف زعل كبير الحياه مو دايم تعلمنا بلطف احيانا تعلمنا بالقسوه وبالخذلان وبالمواقف اللي تكسرنا شوي لكن بالنهايه كل هذا يبني شخصيتنا ويخلينا انضج وافهم واحرص على مشاعر الناس اكثر واحرص بعد على نفسي وعلى طريقة كلامي وتصرفاتي ومهما صار ومهما غلطنا المهم اننا كل يوم نصير افضل من قبل ونتعلم من اخطائنا بدل ما نكررها ونفهم ان الانسان الحقيقي مو اللي عمره ما يغلط الانسان الحقيقي هو اللي اذا غلط عرف غلطه واعتذر وتعلم وكبر بعقله وقلبه