قرية الموت الفصل الرابع
*🎭 الفصل الرابع: "قرية الموت"*
البيت ساكت + الساعة 1 بليل + يوسف قاعد على الكرسي + كوباية الشاي بردت في إيده.
*يوسف في نفسه:*
_"مين القاتل ده؟ وليه مش قتلني؟ ليه سايبني وأنا عارف إني بحقق في الجريمة؟"_
يوسف مسك الموبايل + اتصل على محمد.
*يوسف:* "محمد... هات الورق وتعالى على البيت حالاً."
*محمد:* "حاضر يا محقق."
بعد نص ساعة... محمد وقف قدام باب بيت يوسف + إيده فيها الملف.
*يوسف وهو بياخد الورق:* "وريني كده."
يوسف فرد الورقة الرابعة جنب الورقة التانية + بص في الخط + عينه وسعت.
*يوسف في نفسه بصدمة:* _خط الورقة الرابعة... زي خط الورقة التانية بالظبط. أنا قولت هما اتنين... مش واحد._
*محمد وهو بيقرب:* "اتنين إيه يا فندم؟"
*يوسف وهو بيقفل الملف + صوته واطي:* "هو مش قاتل واحد... هما اتنين. والاتنين أذكية."
*يوسف وهو بيبص لمحمد:* "امشي انت يا محمد... خلاص."
--
*الصبح 9:00 - المستوصف*
الباب اتفتح + بنت دخلت بضحكة عالية.
*نور وهي بتقرب من ياسر:* "ياسر... إزيك؟"
*ياسر وهو بيبص لها + ملامحه اتشدت:* "الحمد لله... إنتي إيه اللي جابك هنا؟"
*نور وهي بتسند على الترابيزة:* "زهقت من القعدة في البيت. انت زي ما تكون حابسني."
*ياسر وهو بيوطي صوته:* "اسمعي كلامي وامشي دلوقتي... قبل ما حد ييجي."
*نور وهي بتقرب منه + بتهم:* "مش ماشية."
*ياسر وهو بيبص في عنيها:* "عملتي اللي قولتلك عليه؟"
*نور وهي بتغمز:* "أه... عملته بليل."
---
*بعد نص ساعة... يوسف دخل المستوصف.*
*يوسف وهو بيبص لنور + صوته حاد:* "مين دي يا ياسر؟"
*ياسر وهو بيبتسم ابتسامة باردة:* "دي صاحبتي من الجامعة."
*نور وهي بتمد إيدها:* "مين انت؟"
*يوسف وهو بيطلع الكارنية:* "أنا المحقق يوسف."
*نور وهي بتضحك:* "واو... انت محقق؟ أنا بحب المحققين."
*يوسف وهو بيدقق فيها:* "بس أنا مشوفتكيش قبل كده... إنتي جيتي إمتى؟"
*نور وهي بتعدل شعرها:* "أنا جاية من 10 أيام... كنت ساكنة بعيد عن هنا. لحد ما لقيت بيت هنا... لسه هنقل فيه."
*يوسف وهو بيبص حواليه + بيهمس:* "أهلاً بيكي في قرية الموت."
*نور وهي بتقرب + صوتها فيه خوف:* "قرية الموت؟ إيه ده؟"
*يوسف:* "إنتي مش عارفة؟"
*نور:* "أعرف إيه؟"
*يوسف:* "إن في شخص قتل لحد دلوقتي شخصين... ومش عارفين مين هو."
*نور وهي بتغطي بوقها:* "قتل؟! قتل إيه ده؟ انت بتقول إيه؟"
*يوسف وهو بيقرب منها:* "يعني إنتي هتعيشي مع الموت."
*ياسر وهو بيقف بينهم:* "خلاص يا محقق... انت بتخوفها كده."
*يوسف وهو بيبص لياسر + بيبتسم بسخرية:* "خلاص يا دكتور."
*يوسف وهو بيغير الموضوع:* "يلا يا دكتور... هاتلي حقنة انسولين."
*ياسر وهو بيتحرك:* "ماشي يا صاحبي."
يوسف خد الحقنة + مشي من غير ما يبص لنور.
---
*بليل 11:00 - صوت صويت من بيت قديم.*
أهل القرية جريوا + يوسف وصل في 5 دقايق.
لاقى الراجل مرمي على الأرض + لسه بيتنفس + نفسه متقطع.
*يوسف وهو بيركع جنبه:* "القاتل... القاتل هو..."
*الراجل وهو بيفتح بوقه + بيهمس... ومات.*
*يوسف وهو بيصرخ:* "مين القاتل؟! متـموتش!"
---
*الصبح 8:00 - المستوصف*
*يوسف وهو واقف قدام ياسر + صوته مرهق:* "ياسر... شرح الجثة دي كمان."
*ياسر وهو بيلبس الجوانتي:* "ماشي."
بعد ساعة...
*يوسف:* "لقيت حاجة؟"
*ياسر وهو بيبص للكلية:* "هو نفس عدد الطعنات + نفس كل حاجة."
*ياسر وهو بيتردد:* "بس..."
*يوسف وهو بيقرب:* "بس إيه؟"
*ياسر وهو بيبص ليوسف مباشرة:* "بس الرسالة مختلفة."
*يوسف:* "يعني إيه؟"
*ياسر:* "محفور على الكلية... اسمك."
*يوسف وهو بيتجمد:* "اسمي أنا؟ إزاي؟"
*ياسر:* "يعني مكتوب... يوسف."
*يوسف وهو بيتراجع خطوة:* "مكتوب اسمي إزاي؟"
*ياسر وهو بيقفل الكيس:* "الظاهر ده تهديد ليك... بيقولك ابعد انت."
*يوسف وهو بياخد جاكته + بيمشي:* "ماشي يا ياسر... أنا همشي أنا دلوقتي."
---
*الساعة 2 بليل... يوسف ماشي في الشارع الفاضي.*
الهوا بارد + الضباب مالي الشارع + مفيش صوت غير صوت جزمته على الأرض.
يوسف وقف... لاقى ورقة مرمية على الحيطة.
فتحها + قرأها + إيده اترعشت.
مكتوب فيها بخط مائل + متعصب:
> *"أنا مش عايز أقتلك... ابعد انت."*
يوسف بص حواليه... مفيش حد.
الشارع فاضي + الكلاب ساكتة + الضباب بيخبي كل حاجة.