الكابوس الفصل الثالث
*🎭 الفصل الثالث: "الكابوس"*
*الجو:* 6 أيام بعد الجثة الثانية + شك + ضغط
بعد نص ساعة من رسالة التهديد... عربية الشرطة وقفت قدام بيت يوسف.
رجالة الشرطة فضلوا يدوروا في الشوارع + البيوت + الزرع... بس ملقوش ولا أثر.
*يوسف وهو واقف قدام البيت + صوته حاد:* "محمد... هات الورق اللي معاك."
*محمد وهو بيجري + بيطلع الورق من الملف:* "حاضر يا محقق."
يوسف مسك الورق الثلاثة + فردهم قدام عينيه + قارن بين الخطوط.
*يوسف في نفسه:* _خط الورقة التالتة... زي خط الورقة الأولى بالظبط. هما قاتلين... مش واحد._
---
يوسف طلع على قهوة عم سعيد + لقا زكي قاعد في الركن + بيهز رجله من الخوف.
*يوسف وهو بيقعد قدامه:* "زكي... احكيلي على اللي حصل من عشر سنين."
*زكي وهو بيبلع ريقه + صوته مرتعش:* "بس دا كان كابوس لكل القرية يا فندم."
*يوسف:* "إزاي يعني؟"
*زكي وهو بيبص حواليه + بيهمس:* "أنا هحكيلك."
*زكي وهو بيقرب:*
"بص... كان في قاتل مجهول. ولغاية دلوقتي منعرفش مين. القاتل ده قتل حوالي 20 شخص... منهم أبو ياسر."
يوسف سكت + فهم ليه ياسر مبيتكلمش عن ماضيه.
*يوسف:* "عشان كده ياسر مبيحكيش على الماضي؟"
*زكي:* "أه... مبحبش يحكي عن ماضيه."
*يوسف:* "كمل."
*زكي وهو بيغمض عينيه:* "أبو ياسر مات بسبب شهادة زور."
*يوسف وهو بيقرب منه:* "شهادة زور؟ إزاي؟ فهمني."
---
*زكي وهو بيحكي + إيده بتترعش:*
"بص... في يوم واحد اتقتل في القرية."
*يوسف:* "وبعدين إيه اللي حصل؟"
*زكي:*
"واللي كان موجود + شاف القاتل... كان أبو ياسر.
بس كان وش القاتل مش باين... كان لابس عباية سودة + لامم وشه."
*يوسف وهو بيحس بالخنقة:* "يعني أبو ياسر شاف القاتل؟"
*زكي:* "أه... وشافه. بس الناس لما جت... لقوا أبو ياسر هو اللي واقف هناك عند الجثة."
*يوسف وهو بيضرب إيده على الترابيزة:* "وبعدين إيه اللي حصل؟"
*زكي:* "اتهموا أبو ياسر إنه هو القاتل."
*يوسف وهو بيقف:* "يعني أبو ياسر اتهم ظلم؟"
*زكي وهو بيهز راسه:* "أه... واخد حكم الإعدام."
*يوسف وهو بيبص في الأرض:* "يعني مات بسبب جريمة هو مش عملها؟"
*زكي وهو بيبكي:* "أه... ومن ساعتها وياسر عايش في صدمة بسبب إن أبوه اتقتل ظلم."
---
*يوسف وهو بيقوم + صوته واطي:* "يعني أبو ياسر مات ظلم؟"
*زكي:* "أه... وده كله بسبب أهل القرية."
يوسف سكت لحظة + بص لزكي بعين وسعت.
*يوسف:* "يعني ممكن يكون..."
*زكي وهو بيقاطعه بخوف:* "يكون إيه؟"
*يوسف وهو بيهز راسه + بيرجع خطوة لورا:* "لا... ولا حاجة."
*يوسف وهو بيمشي:* "أنا همشي أنا... سلام."
---
يوسف رجع بيته + قفل الباب + قعد على الكرسي + ملف الـ10 سنين قدامه.
فضل يفكر + يبص للسقف + يهمس لنفسه.
*يوسف:* _"يعني معقول... ممكن يكون هو؟ ممكن يكون هو اللي بينتقم؟"_
وفجأة... موبايله رن.
رسالة واحدة دخلت.
فتحها + قرأها + إيده اتجمدت.
مكتوب فيها بخط مرتعش:
> *"هو أنا مش قولتلك ابعد انت؟"*
يوسف قام بسرعة + فتح الباب + بص في الممر + بص من الشباك...
*مبيلاقيش حد.*
الشارع فاضي + الضباب مالي المكان + الصمت بيخوف..