الفصل الثاني عشر
مؤلم ان تدق دقات القلب شوقاً لأحدهم❤️🔥
بسمه: معرفتش اي حاجه عني لسه
سعيد: لا بدور علي اي حاجه تثبت شخصيتك
سمه: انا مش عارفه حاجه خالص عن اهلي ومش قادرة افتكر عنهم اي حاجه
flash 📽📼back
سعيد: ينهار مش فايت يارب ماتكونش ماتت
سعيد: جومي(قومي بس بالصعيدي) جومي يابلوة
هاتچيبيلي مُصيبه اني لازم اوديها المستشفي
وحملها سعيد الي المشفي لكي يعرف ما حدث لها
سعيد: خير يادكتور طمني
الدكتور: الحاله حصلها كسر في رجلها وحصلها فقدان ذاكرة مؤقت
سعيد: اي طب هي مكانش معاها اي اوراق تثبت شخصيتها
الطبيب: لا مكانش معاها اي اوراق خالص
سعيد: طب هي هتفوق متي يادكتور
الطبيب: كمان ساعتين
سعيد: متشكرين يادكتور
وبعد مرور ساعتين فاقت بسمه
بسمه: انا فين
سعيد: السؤال الصح انتي مين
بسمه: مش عارفه مش فاكرة
سعيد: ماني عارف انك مش فاكرة طيب انتي من هنا من الصعيد
بسمه: هو احنا في الصعيد
سعيد: ايوة احنا في المنيا ومبين من لغتك انك مش من حدانا في الصعيد شكلك من مصر
بسمه: مش عارفه
سعيد: الدكتور قال انك عندك كسر في رجلك
بسمه: هو اي الي حصل
سعيد: انا خبطتك بعربيتي وانا ماشي بس انتي الي غالطانه بقي في حد بيچري علي الطريق اكده
بسمه: انا اصلا مش فاكرة انا مين هفتكر انا كنت بعمل اي
سعيد: عمتا يبت الناس انا مهينفعش اسيبك الا لما الاقي اهلك انا هخدك تعيشي مع ستي في البلد
بسمه: ماشي
سعيد: بس لازم يكون ليكي اسم مهو مش معقول تقعدي كده من غير اسم اي رأيك في ريم
بسمه: تمام ريم حلو
سعيد: انا هروح احاسب علي المستشفي علي اما تحضري حالك
بسمه: ماشي روح
~~~~~~~~~~~•♡•~~~~~~~~~~~
خالد وهو يتحدث في الهاتف
خالد: انا جهزتلك الفلوس فين بسمه
ياسر: ده علي اساس انها مرجعتلكوش
خالد: اي الي انت بتقوله ده فين بسمه عارف لو عملت فيها حاجه والله العظيم ماهتعيش ثانيه واحده بعد كده
ياسر: انا معرفش هي هربت من كام يوم فكرتها رجعلتلكوا
خالد بعصبيه وصوت عاالي: يعني اي هيي فييين
ياسر: متعلييش صوتك انا معرفش هي فيين
خالد: انا هوريك ياأبن********#**(اي ياخالد الشتايم دي كلها وانا مفكراك دكتور محترم 😂)
اغلق ياسر الخط في وجهه خالد جلس خالد بشرود قليلا في حبيبته
رقيه: مالك ياخالد
خالد: تعبان يا أمي
رقيه: احكيلي يا خالد متخبيش عليا
خالد: بسمه يأمي حاسس انها حصلها حاجه
رقيه: لي خير يابني انت مش حضرت الفلوس ورنيت علي الراجل الي خطفها عشان ترجعها
خالد: رنيت عليه وهو قال انها هربت من كام يوم يأمي ولسه مجتش انا خايف يكون بيكدب وعمل فيها حاجه
رقيه: يعيني عليكي يابنتي ربنا يجيبك بالسلامه
بس انت جبت منين ياخالد ٨٠٠ الف جنيه
خالد: مفيش يأمي استلفت من صحابي وهردهم علي مهلي في الشغل
رقيه: ربنا يعينك يحبيبي
يارب
~~~~~~~~~~~•♡•~~~~~~
رغم انك بعيد عني الا انك تسرق نصف يومي بتفكيري بك يا من سرق قلبي ❤
انه اليوم المنتظر يوم زفاف ملاك وأحمد
وفي البيوتي سنتر كانت ملاك تتجهز لتصبح عروس ومعها اصحابها جميعا فكان البيوتي سنتر خاص بأحمد وبالطبع كانت معهم مريم ورويدا
رويدا: انتي هتبقي اختي ولا مرات اخويا
ملاك بأستغراب : اي السؤال ده
رويدا: هقولك لو هتبقي اختي يبقي هتحبيني وتتعاملي معايا وتحكيلي اسرارك واحكيلك اسراري يعني بمعني بتحبيلي الخير، انما لو مرات اخويا يبقي هتبقي شريره ومش بتحبي لي الخير
ملاك: وتفتكري بقي يارورو انا هبقي اي اختك ولا مرات اخوكي
رويدا: اختي الصغيره طبعاً
ملاك: وهو كذالك بس هو انتي عندك كام عشان تقولي اختك الصغيرة
رويدا: عندي ٢٥ سنه
ملاك: ماشاء الله بس انتي مش باين عليكي خالص
مريم: ايوة مانا الي بيشوفني بيقول انوا انا الكبيرة مش هي
ملاك: أصلاً! هو انتي اصغر منها
مريم: ايوة هي اكبر مني بتلات سنين
ملاك: اللهم بارك
بسمله: احلي عروسه في الدنيا اي الحلاوة دى انا مش مصدقه انك ملاك اصل ملاك مش بالنضافه دي
ملاك: انتي محسساني اني كنت معفنه عالفكرة انا طول عمري نضيفه بقي
فرح بصوت منخفض قليلا : الله يرحم ايام مكنتي بتستحمي من العيد للعيد
ملاك: بتقولي حاجه يأوزعه الكلب انتي
رويدا: ومالهم القصييرين بقي
ملاك: احلي ناس
فرح: ايوة كده 😂
-
فارس: مبروك ياعريس الليله ليلتك
احمد ببرود: الله يبارك فيك
يوسف: سبقتنا يابن اللذينه
محمد: ماتظبطلنا صحابها
احمد: لا عشان صحابها دول اخواتي الصغيرين وانا بخاف عليهم زي رويدا ومريم الي مترضهووش علي نفسك مترضهووش علي غيرك
يوسف: ايوة وانا عن نفسي بخاف علي اختي
عشان كدة لازم اخاف علي بنات الناس
محمد: انت ازاي اسمك يوسف شاهين مش يوسف طبله بس احمد معاه حق وانا معنديش اخوات بنات اخاف عليهم
احمد: هيبقي عندك بنت في يوم من الايام ولا اي يافارس
فارس بتوهان: ايه، اه اه معاك حق
محمد: سرحت في اي
فارس: مفيش
ياشيخ
فارس: مفيش ياعم اجهزوا يالا عشان نروح نجيب البنات من البيوتي سنتر
احمد،: اه البنات وبالتحديد.......
فارس: باااس سيبها في حالها مش عايز اجيب سيرتها مع حد
محمد: والله رااجل
ذهب الشباب لأحضار الفتيات الي الحفل وكان القصر مجهز تماما فكان الزينه البيضاء الجميله في ممر الدخول الي القصر مع النيران التي تشتعل بمجرد دغطهم عليها والورود المرتبه علي الارض علي شكل قلب به كلمه بنت احلامي وكانت هناك مفاجأه مخصصه لملاك
وصل الشباب الي السنتر
نظر احمد بشرود الي بنته التي تردي الابيض هو كان يحلم بها ترديه منذ ان رأها ولاكنه اول مرة يراها به علي الطبيعه ونظر الي جمالها الذي خطفه من اول نظرة
فارس: احمد احمد
احمد: ها
فارس: بقالي ساعه بكلمك وانت ولا معايا
احمد: عايز اي
فارس: بقولك اطلع هات ملاك ومتبصلهاش كتير عشان في حركات هتعملوها فوق
احمد: حركات اي
فارس: انت هتقعد تلف وهي تلف لحد لما توصل لوشها وتشيلها وتلف بيها
احمد: مش قديمه شويه
فارس: بس البنات بيحبوها
احمد: ماشي
طلع احمد وقام بما قاله له فارس في وسط ضحكات وزغاريط وتصوير الجميع لهم وكانت فرحة ملاك كبيرة ولاكنها لا تقارن شئ بجانب فرحه احمد ببنت احلامه
ملاك بفرحة: انا مبسوطه اوي مكنتش اتخيل اني هبقي عروسه قمر كده
احمد: دانتي القمر بيغير منك اصلا
ملاك احمرت خدودها: انت من امتي وانت رومانسي
احمد: من زمان، انتي عارفه انا من حلاوتك مش عايز حد يشوفك عايز اروح بيكي علي الاوضه علطول
ملاك: بس، يا احمد عيب
احمد: انا مقصدش حاجه انتي الي دماغك منحرفه
ملاك: طب اسكت بقي عشان منكدش عليك يوم فرحنا وانا في النكد ماليش حل
فارس: وصلنا يا عصافير للعش
احمد: بسرعه كدة
فارس: مش هنبات في العربيه
نزلت ملاك واحمد وبمجرد ضغطهم علي الفرش الموضوع في الممر اشتعلت النيران وظهرت كلمه بنت احلامي والعاب الناريه في السماء كانت مرسومة بأحترافيه علي كلمة اعشقك بجنون
ملاك: الله جميله اوى اوى اوى اوى متشكرة اوي ليك
احمد: متشكرة! يابنتي انا جوزك
ملاك: اه صحيح
احمد: مجنونه
ملاك: ربنا يديمك. في حياتي
احمد: لا الكلام الحلو ده مش هنا عشان هلغي الفرح ونتطلع علي فوق علي طول
خجلت ملاك كثيرا واحمرت خدودها
فور دخول احمد وملاك اشتعلت الزغاريط والفرح بدأوا جميعا في الرقص ورقصوا
منه: لولولولو لي ربنا يحفظك من العين ويحميكي
ملاك: مرات اخويا القمر
منه: ماشاء الله عليكي ياملاك امورة النهارده
احمد وهو يتحدث في المايكروفون: ودلوقتي دور المفجأه الكبيرة
المفجأه هي محمد حماقي وتامر حسني وشيرين وعصام صاصا و حودة بندق
ملاك: الله نجومي المفضلين وجرت ملاك عليهم لتغني معهم فغني كل منهم اغنيه له وتجمعوا في اغنيه مؤلفه جديده غنوها معا وكانت ملاك وبسمله وفرح يرقصون ولا كأنهم إش إش في زمانها وبالطبع غار احمد كثيرا عليها وكذالك فارس الذي غار علي بسمله
احمد: بطلي رقص واقعدي واستهدي بالله عشان مكسرش الكوشه فوق دماغك
ملاك: دي ليله العمر يحبيبي مبتعوضش
احمد: وانا اخليكي لي ترقصي قدام الي يسوي والي ميسواش وكله يتفرج عليكي
ملاك: عادي كله بيعمل كده
احمد: كلامي يتنفذ ياملاك
ملاك في نفسها: دانتا الرقص من وراك حلال
احمد: بتقولي حاجه
ملاك: لا ياحبيبي
-
فارس: إتهَدي شويه انتي مبتهمديش
بسمله: انت تقصد اي
فارس: مش مبطله رقص من الصبح والناس كلها عماله تتفرج عليكي
بسمله: يعني هما هيسيبوا العروسه ويتفرجوا عليا انا
فارس: ماهو لما يبقي قدامهم قمر اكيد هيبصوا عليه
بسمله: طب غور من وشي
فارس: اي ده قلبتي لي بس
بسمله: امشي
فارس: ماشي همشي بس لو رقصتي يبسمله تاني وقسما بالله هخليكي عبرا لمن لا يعتبر مفهوم
بسمله: دا اي الرزاله دي بس ياربي ماشي ياعم زفت مفهوم
-
ذهبت فرح الي الحمام لكي تُظبط ملابسها ومكياجها
شاب بمعاكسه: اي القمر ده
فرح: امسينا وامسي الملك لله
الشاب: مال القمر مش مدينا وش لي
فرح: يارب يمشوا عشان متجننش عليهم
الشاب: تعالي بحنان ونجيب حنان
فرح: لا دانتا قليل الادب ووس، خ وانا ساكتالك من الصبح بس لو هتزيد فيها عليك وعلي ابوك وعلي الي جابك
الشاب: اي مسورة المجاري الي طفحت علينا فجأه دي
اتي يوسف في هذا الوقت
يوسف: في حاجه يابا
الشاب: وانت مالك انت
يوسف: انا مالي يبن الك، لب دي خطيبتي
وضربه يوسف حتي كاد الضعيف الموت في يديه
فمن هذا ليقف في وجه يوسف شاهين البطل الحاصل علي المركز الاول في الملاكمه لمده ست سنوات
الشاب: خلاص خلاص والنبي يا باشا سيبني وانا مش هتعرضلها تاني
يوسف: متتعرضش لأي بنت تاني لأن والله لو شفتك اتعرضت لبنت تاني انا هخليك شورمه
الشاب: ماشي يبيه
وترك يوسف الشاب وبمجرد تركه جري الشاب مسرعا الي بيته
يوسف: هو اتعرضلك او اذاكي
فرح: لا
يوسف: احسن والله مكنتش عاوز اسيبه الا وانا مخلص عليه
فرح: انت كده علمته الادب وانا بشكرك جدا شكرا ليك
يوسف: شكرا! العفو ياستي
فرح: سلام
يوسف: لا سلام اي بس انتي مش هتقفي معايا شويه
فرح: واقف معاك لي وبصفتك اي
يوسف: بصفتي خطيبك
فرح: نعم نعم نعم خطيب مين لا طبعا مش خطيبي
يوسف: اهدي بس اي بلاعه انا مقصدش انا قصدي هما كدة إفتكرونا مخطوبين
فرح: انا همشي من هنا عشان مرتكبش جنايه دلوقتي
يوسف: مجنونة انتي والله بس عجباني وخصوصا بالزهري الي هياكل منك حته
خجلت فرح كثيرا من كلامه وذهبت الي القاعه
-
محمد: وحشني القمر اوي
شهد: يارب صبرني
محمد: خلاص مدايقيش نفسك انا جاي اعتذرلك علي الي عملته الاسبوع الي فات
شهد: إعتذارك مش مقبول
محمد: لي بس كدة
شهد: مزاجي كده
محمد: تصدقي انك خسارة فيكي الاعتذار اصلا
شهد: انا يبن ال ولا بلاش محدش قالك اصلا اعتذرلي يا ملزق انت
محمد: انا محمد الدوسري من اكبر المحاميين في مصر واحده زيك تقول عليا ملزق
شهد: ايوة ملزق وبعدين مالهم الي زيي انت تقول اصلا واحده زيي ولا ربعي حتي
محمد: بت انتي لسانك عايز يتقص
شهد: وانت لسانك عايز يتشال خالص
محمد: دانتي عايزة تتربي وانا هربيكي
شهد: ولا تقدر تعمل معايا حاجه
محمد: متأكده
شهد: ايوة متأكده
ــــــــــ ماشي
ورمي عليها قطعه الجاتوه الموضوعه امامها علي الترابيذ
شهد: يبنل بوظت هدومي
محمد: تستاهلي
شهد: ا ستاهل ماشي وقالت في نفسها وربنا لوريك ، انا قايمه من هنا علشان متشبهنيش
وفي نفسها نوت للقيام بشئ لن يفرح محمد
ذهبت شهد الي الحمام وعدّلت ملابسها وبعدها ذهبت الي محمد واعتذرت له
شهد: انا بعتذر علي الي انا عملته من شويه
محمد: عادي ولا يهمك
شهد: انا غلط بردوا مكنش ينفع اعمل مع محمد الدوسري كدة
محمد: انا قصدت بس اعرفك مين انا
شهد: صح كده محمد ممكن لما ال slow تشتغل تيجي ترقص معايا
محمد: ممماشي
شهد: شكرا
-
اشتغلت اغنيه حلو ده معدي لحودة بندق
ولأن ملاك تحب هذه الاغنيه لم تستطع مسك نفسها من الرقص وبالطبع اتت معها بسمله التي لم يكن في نيتها ان تسمع كلام فارس مما اسار الجدل في رأس التؤامين
احمد: يبنتلجزمه ياملاك والله لوريكي لما نطلع
فارس: مبتسمعيش الكلام / ماشي انا هربيكي من اول وجديد
اتي وقت رقصه slow الشهيرة في كل الافراح
والتي غني فيها نجوم الحفل
احمدلملاك: انتي بتخالفي اوامري لي ياملاك
ملاك: عشان ده فرحي يأحمد
احمد: وانا بغير عليكي ياملاك ومش عايز حد غيري يشوفك وانتي بترقصي
ملاك: ياحبيبي هي ليله ومش هتتكرر
احمد: ولو انوا مش علي هوايه، بس ارقصي براحه عشان محدش يحس بيكي واهو كمان توفري مجهود لما نتطلع عشان ليلتنا هتبدأ فوق
احمرت خدودها من الخجل ولاكن اكملت الرقصه معه وقررت عدم النطر اليه
احمد: لا انا مش عايزك من اقل حاجه تتكسفي ياملاكي
ملاك: بطل بقي يأحمد دانتا طلعت قليل الأدب
احمد: اوي اوي ياملاك
ملاك في نفسها: قول الي تقوله واعمل الي تعمله مش هتمس بردوا شعرة مني لحد اما تحس بلأهانه الي عملتهالي الاسبوع الي فات
-
ذهب محمد الي شهد وهي واقفه بجانب صديقتها في رقصه slow لكي يرقص معها
محمد: ممكن ارقص معاكي
شهد: طبعاً وعرقلته شهد (وقعته علي الارض يعني 😎)
محمد: اي الي انتي عملتي ده
شهد: عشان تبقي تعاكسني ياحيوان
وبالطبع توجهت الانظار حول محمد وشهد و
رأهم فارس وذهب اليهم
فارس: قوم متفرجش الناس عليك
محمد: انتي مفكرة نفسك بالي عملتيه ده كسبتي دانا هوريكي مين هو محمد الدوسري
شهد: اعلي ما في خيل خيل خالتك اركبه
محمد: ماشي ياروح خالتك
شهد: يلا طرقونا من هنا
~~~~~~~~~~•♕•~~~~~~~~~~~~
انتهي البارت الثاني عشر علي خير
متنسوش تصلوا علي النبي 🌺
والدعاء لأمي بالرحمه والمغفره 🫀