الفصل الحادي عشر
part11
لاتتعلق بمن حولك كثيرا حتي لا تتعب كثيرا🥺
ده معبرنيش يا بسمله
بسمله: اهدي يا ملاك بس وكل حاجه هتتحل بالعقل
ملاك: لا عقل ولا غيرة انا اول لما بابا يجي هخليه يبعد احمد عني
فرح: يبقي ابوكي نازل تعبان وعايز يفرح بيكي وانتي تقوليله عايزه اطلق قبل حتي من انك تتدخلي البيت طب كنتي قولي قبل اما نعزم الناس كده سمعتك هتبوز يا ملاك بلاش
ملاك بدموع وبكاء: مش قادرة بقي دانا من يوم معرفته وانا بقوله طلقني
وكل اما اروحله اكون عايزه اطلق ويرفض وهو اصلا معندوش دم
بسمله: خير من عند الله احنا منعرفش الخير جاي منين يا ملاك
فرح: هي معاها حق
ملاك: والله لهعلمه الادب وان الله حق
~~~~~~~~~•♡•~~~~~~~~~~~
رانيا: ايوة مانا حاطالك سم في الاكل والعصير
مراد: اي س سم
رانيا: ايوة سم عشان اخد حقي منك ومن الي ظالمتهم في حياتك
مراد: هو لي كل الناس عايزه تنتقم مني
رانيا: عشان انت ظلمت ناس كتير
مراد: انا بطني بدأت توجعني نادي علي حد يلحقني
رانيا: م محتاج انا معايا ترياق
مراد: طب هاتيه
رانيا: لا مش قبل اما تعتذر ممي ومن كل الي عملت فيهم حجات وحشه
مراد: انا اسف ليكي ومم زمان وانا بقولك اسف بس مش هلحق اعتذر من حد هاتي الترياق
رانيا: تزياق لأ مفيش ترياق انا اصلا عايزه اترمل
مراد: الحقيني مش قادر
رانيا: عايز الترياق ده ورمته علي الارض وكسرته بقدمها
مراد: اي ااي انتي عملتي ده
رانيا: اي ياروحي مانا قولتلك ارمله احسن من مطلقه
مراد: اشهد ان لا اله الأ الله محمد رسول الله
رانيا : هههههههههههه 🤣🤣
مراد: بتضحكي علي ايه
رانيا: اصل شكلك يضحك اوي قوم قوم ياولدي ده برشام إسهال حطاه في العصير
مراد: يعني ده كان مقلب
رانيا: ايوة وانت صدقته انا صورت كل حاجه
مراد: طب والله لوريكي جري ورائها لكي يضربها ولاكنه وجد نفسه يضحك ويمرح معها
رانيا: خلاص خلاص والنبي مش هعمل كده تاني
مراد: لأ يا رانيا لازم تتربي
رانيا: لا لا يامراد دانتا لسه معتزرلي حتي
مراد: خلاص اعتذريلي انتي
رانيا: انا اسفه
مراد اقترب منها: بتقولي اي مش سامع
بقولك اسفه
ــــــــــ لا الاعتذار مش كده
ــــــ امال ازاي
مراد: كدة وقبلها مراد من شفتها
احمرت خدود رانيا: انت انت اي الي عملته ده يقليل الادب
مراد: انتي لسه شفتي قله ادب
رانيا: اطللللع بره
مراد: خارج ياقمر
خرج مراد من الغرفة وترك رانيا ولاكنها كلما تذكرت موقفهم سويا كانت تضحك
رانيا لنفسها: بس يا رانيا بطلي تفكري فيه
~~~~~~~~~•♡•~~~~~~~~~~~
احمد: عملت اي يامحمد
محمد: متقلقش ياصحبي الموضوع ماشي بخير
احمد: عايز الموضوع يخلص بأسرع وقت يامحمد
محمد: بص يا احمد اصلا الشركه بتتضرب الادويه بتقلل من الماده الفعاله الي فيها وده بيخلي العلاج ميجبش نتيجه (اه نسيت اقلكم احمد عنده مجموعه من اكبر شركات الادويه في مصر والشرق الاوسط وبيحاول انه يطلعها للعالميه ده بجانب شركات الاستيراد والتصدير )
احمد: طب ما دي نقطه في صالحنا
محمد: انا بقي بلعب علي النقطه دي
احمد: تمام
محمد: بس فكك انت عملت اي مع ملاك
احمد: مكلمتهاش
محمد: انت يابني معندكش دماغ دي زامانها مولعه
احمد: لي يعني عادي
محمد: يا ابني البنات دول عليهم دماغ تانيه يعني مثلا لو سيبتها زعلانه كتير تبقي مش بتحبها
لو اتأخرت عليها في الرد تبقي بتخونها لو زعقتلها تبقي عصبي ومش هتقدر تعيش معاك حتي لو هي الي غلطانه
احمد: طبعا مانت وفارس خبرة
محمد: متنساش يوسف
احمد: ياريتنا جيبنا في سيرة ربع جنيه
محمد: مكنش جه
فارس : انتوا بتجيبوا في سيرتي
احمد: لا انتوا الاتنين
يوسف: وانا كمان طب في الخير ولا في الشر
احمد: لا في البنات وعلاقتكم
فارس: هو بقي في غيرها في دماغي
يوسف: اووباا مين دي يا كبير
فارس: بسمله
محمد: اخس عليك ومش بتقولي
فارس: مجاش وقت اديكوا عرفتوا
يوسف: فكك منه وخليك معايا ملاك ابوها جاي النهارده الطياره هتوصل الساعه واحده دي فرصتك انك تصالحها
احمد: ماشي يعني كمان ساعتين هكون خلصت الشغل واروح اجيبه من المطار
~~~~~~~~~~~~•♡•~~~~~~~~~~
شهد: ماما ياقمر
الام: كملي الاغنيه
شهد: لا مقدرش هتقتليني
دعاء: كويس انك عارفه قولي بقي عايزه اي
شهد: يعني يادودو مدلعكيش الا لما اكون عايزه حاجه
دعاء: ايوة
شهد: حيث كده انا اه عايزة
الام: بتقطعي لي عايزة ايه
شهد: الصراحه كده يادودا انا عايزة اطلع رحله مع صحابي
الام: ماشي واي المشكله مانتي علي طول بتطلعي رحل مع صحابك
شهد: ما المشكله مش في الرحله المشكله انوا انا هعقد في الرحله اسبوعين
الام: نعم ياروح امك
شهد: مانا روحك يا ماما
دعاء: مفيش رحلات والله مانتي خارجه
شهد: ياماما يا ماما دي لسه بعد فرح ملاك
دعاء: لا لامدام بعد فرح ملاك ماشي
شهد: بجد والله
دعاء: بجدين في احلامك يا زفته بت انتي انا ماليش دعوه لما يجي ابوكي قوليلوا
شهد: مانا لو قولتله وانتي مش موافقه هتوقميه عليا وتخليه يرفض لازم الراس الكبيرة هي الي تكون موافقه
دعاء: وانا مش موافقه يا شهد
شهد : ماشي ياماما ماشي بس خليكي فاكرة
دعاء: خليني فاكرة طيب وقامت عليها دعاء وجابتها من شعرها
شهد: اه اه اه والنبي خلاص خلاص يا مامي
وليد: في اي صوتكم جايب اخر الشارع
دعاء: حبيبي كويس انك جيت
شهد: والنبي يا بابا الحقني من دراكولا عايز ياكلني
وليد: في اي يا دعاء
دعاء: مفيش يا حبيبي بنتك عايزة تطلع رحله وهتعقد فيها اسبوعين
شهد: طب داري عليا زي بقيت الامهات
وليد: ودي رحله اي دي ياشهد
شهد: رحله في الصحراء مع البدو والرحاله
وليد: مفيش رحلات ياشهد
شهد: لي بس يابابا
وليد: كلام خلصان
شهد ببكاء: ماشي
وليد: استني ياشهد
شهد: نعم
وليد: انا واثق فيكي يابنتي وعارفك كويس وعارف انك مستحيل تعملي حاجه تكسرني عشان كده ماشي
شهد بفرحه: يعني موافق
وليد: موافق
شهد: احلي بابا بقي ليدو ليدو ليدو
وظلت الاسرة تضحك وتمرح مع بعضهم
وليد: القعدة دي ناقصها هيثم اخوكي
شهد: ربنا يجيبه بالسلامه
دعاء: خلاص كلها شهرين ويخلص جيش ويعقد معانا
بأذن الله
~~~~~~~~~•♡•~~~~~~~~~~
وصل والد ملاك الي المطار وكان مطار فارس
وجد كلا من احمد وياسين
عبدالرحمن: ياهلا ياهلا بمصر وناسا
يس: ياهلا بأبوي الغالي
عبدالرحمن: عامل اي واخواتك عاملين اي
يس: بخير الحمدلله
عبدالرحمن: مين ده
يس: ده احمد جوز بنتك
عبدالرحمن: هو ده اهلا بيك اتشرفنا
احمد: ازيك ياعمي انا الي ليا الشرف
عبدالرحمن: يالا نروح عشان ملوكه وادوم وحشوني
يس: يالا
وفي منزل عبدالرحمن
لا بصي يا حاجه انا مش فايقالك انا فيا الي مكفيني
زوجه الاب (منار): في اي يابنت عبدالرحمن هو انتي عشان اتخطبتي لواحد مبسوط تتنكي علينا
ملاك: الله اكبر في عينك وليه عينيه تفلق الحجر
بصي انا مش هتعِب نفسي معاكي هو كده كدة بابا جاي النهارده وتركتها ودخلت الي غرفتها
وبعد ساعات قليله وصل عبدالرحمن واحمد ويس
جرت عليهم ملاك واحتضنت والدها
ملاك: بابي وحشتني ولاكن انقلب وجهها اي ده اي الي جابه هنا
عبدالرحمن: ندخل الاول ياملاك وبعدين نتكلم
ملاك: طبعا يابابا ادخل
عبدالرحمن: احمد حكالي السبب الي مزعلكوا من بعض وانا غالطته بس ده مش معناه انك مش غلطانه لا انتي غلطانه واكتر منه انتي كده مش معتبراه راجل كان لازم تقوليلوا
ملاك: بس يابابا هو عصبي وبيزعقلي ويتعصب عليا
عبدالرحمن: مجتش من مره يا ملاك احمد باين عليه بيحبك
احمد: انا فعلاً بحبها اوي اوي
يس: يعني شايفه اهو بيحبك
ملاك: وانا مقولتش حاجه
احمد: يعني جنان طلقني من غير منتجوز ده مش في دماغك
ملاك بخباثة: طبعا ده انت الغالي مر الوقت وذهب احمد الي قصره وياسين الي بيته وفي بيت عبد
عبدالرحمن: تعالي ياملاك عايزك
ملاك: نعم يابابا
عبدالرحمن: انا وصلي كلام كتير عنك ياملاك بس انا مش مصدقه
ملاك: خير يابابا كلام اي
عبدالرحمن: انك كنتي علي علاقه مع احمد من زمان
ملاك: زمان ازاي وانا كنت بعشق شادي والما مات انا كنت عاوزه انتقم والباقي انت عارفه
عبدالرحمن: مش ده قصدي انا ققدي انوا الناس بيقولوا انك كنتي مع احمد في الاوضه يوم الفرح
ملاك: حصل يابابا احمد كان حابسني في الاوضه وقال اي عشان برقص
عبدالرحمن بعصبيه: يعني اي الكلام ده
ملاك: اهدي بس يابابا انا اتخانقت معاه حتي تقدر تسأل صحابي من ورايا وكمان بنت اختك انا معملتش حاجه غلط انا مستحيل اوطي راسك في الارض
عبدالرحمن: اكيد بس انا عايز الحكايه بالتفصيل
حكت له ملاك ما حدث بالتفصيل وما رأت وما سبب موافقتها علي احمد
عبدالرحمن: كان لازم تقوليلي من الاول انك متهدده عشان توافقي عمتا لو انتي مش عايزاه قوليلي وانا افض الموضوع
ملاك: مش عارفه
عبدالرحمن: يعني ايه مش عارفه
ملاك: عايزاه ومش عايزاه
عبدالرحمن: مانتي لازم تقرري ياملاك
ملاك: امممم خلاص موافقه
عبدالرحمن: علي بركة الله
~~~~~~~•♡•~~~~~~~~~~~~
بسمله: احلي بوحه في الدنيا الي بتتكلم بلساني
والده بسمله(صباح): يابت يا بكاشه بطلي
بسمله: والله العظيم بعشقك يابوحه
صباح: انا معملتش حاجه
بسمله: ازاي دانتي رفضتي من غير ماأقولك حاجه رافضه العرسان كلها الي متقدمنلي
صباح: عشان انتي بتدرسي في طب والطب مش عايز دلع وعايز دماغ فايقه اجوزك و اشغل بالك وفي الاخر ماتجبيش مجموع لا انا عايزة بنتي الناس كلها تقول مسلم الوائلي خلف بنات اه بس بميت راجل
بسمله: هو ده الي مخليني عايزة افرح قلبكو وارفع راسكوا دايما اه المهم انا اليومين الجايين هباتهم مع ملاكي عشان فرحها
صباح: ربنا يفرحها هي تستاهل كل خير
بسمله: طب وبنوتك
صباح: انتي عارفه من الاسباب الي مخلياني مش عاوزه اجوزك دلوقتي اي
بسمله: اي يابوحه
صباح: انوا هيعقد يدعي عليا كل اما يقولك اعمليلي اكل تقوليلوا مبعرفش
بسمله: انت هخليه يجيب خدامه وبعدين انا هطبخله لي يعني كنت طبخت لابويا وامي احسن وبعدين انا مرتاحه كده وانا مبعرفش اطبخ
صباح: طب غوري من وشي عشان مقتلكيش
~~~~~~~~~~•♡•~~~~~~~~~~
خالد : انا مش عارف ياماما اجهز الفلوس انا تعبت وخايف يعملوا في بسمه حاجه
رقيه: بأذن الله هترجع بس انت قول يارب
خالد: يأمي دول مليون جنيه صعب اوي اجمعهم انا مش معايا منهم غير ٢٠٠ الف جنيه
رقيه: خد دهبي بيعه ياخالد ولما ربنا يكرمك ابقي رجعه ولو مش عايز مترجعهووش
خالد: حتي لو بعت دهبك علي فلوس عمي سالم مش هنكمل المليون
رقيه: طب قوم روح شغلك وعلي اما تيجي يكون ربنا حلها
خالد: مش عايز اروح الشغل
رقيه: لا لازم تروح شغلك
-
بسمه: ف في اي عايز مني اي
ياسر: متخافيش انا جاي اقولك انك بقيلك اربع ايام وتوحشينا بحلوتك دي بس انا هموت وادوق الشهد منك
بسمه: والنبي متأذيني والنبي انا لو اعرف اي السبب بالتفصيل ولو خطيبي غلطان انا هقف جنبك لاكن انت كدة ولا معرفني اي حاجه ولا انا بعمل اي هنا وانا هموت لي
ياسر: مالكيش دعوة ذنبك انك خطيبه خالد
ذهب ياسر من امامها ورحل وتركها في المنزل المهجور لوحدها وبعد ذهابه حاولت بسمه فك يديها بالزجاج التي كسرته واسطاعت بسمه فك يديها وقدميها وبدأت تبحث عن مكان للخروج وكان بالخارج يقف رجل يحرسها تأكدت بسمه من انه رجل واحد وذهبت بعصا وضربته علي رأسها ضربه جعلته يفقد الوعي جرت بسمه مسرعا تجاه الطريق العام لتوقف سياره وبينما هي تجري خبطتها سيارة فخمه فقدت بسمه وعيها
الرجل: يانهار مش فايت يارب متكونش ماتت يارب
~~~~~~~~~•♕~~~~~~~~~~~
مرت الايام وانهااليله السابقه ليلا الزفاف او كما يسمونها ليلا الحنا
كان في بيت ملاك كانوا يرقصون ويمرحون ويغنون ويضعون الماسكات ومنظفات البشرة
وفي قصر احمد كان القصر يُجهز لمراسم الزفاف والدخله مع الاغاني والمرح
فارس: احلي عريس بقي يابختك
احمد: الله اكبر في عينك في اي
فارس: مفيش ياكبير انت ومراد اتجوزتوا قبلي وانا الكبير لسه متجوزتش
احمد: لسه مجاش نصيبك متستعجلش
فارس: بس هي توافق
احمد: بسمله؟ هي علقت في دماغك
فارس: ايوة ومش راضيه تطلع، حاسسها كدة حاجه مختلفه هاديه ورقيقه
احمد: خلاص اتقدملها
فارس: نخلص منك انت الاول
-
وفي بيت عبدالرحمن النويري
الفتيات بغناء: العسل النحل نازل نازل علي تحت العسل النحل نازل نازل علي تحت ولبستله
ملاك بمقاطعه: عيييييب
بسمله: بس يابت انتي يالا معايا الكموني
ــــــــــ وقلعتله
بسمله: الكموني
ملاك: بس حاسب علي عيوني وانت نازل علي تحت
بسمله: اوعي بقي شغلوا الاغاني خلونا نرقص (تعالي يافارس شوف الهاديه الرقيقه 😂🥺)
ملاك : انتوا عارفين اللمه دي ناقصها بسمه
الفتيات: ربنا يجيبها بالسلامه ويرجعها لأهلها سالمه بأذن الله
شهد: يالا بقي تعالوا نشيل الماسكات
بسمله: ايوة يالا
ملاك: انتوا اتفقتوا هتلبسوا لون اي بكرة
بسمله: احنا في فرح رانيا لبسنا كلنا ابيض وده كان من اسبوع فقررنا نلبس زهري
ملاك: الله اللون ده جميل وانا بحبه اوي
فرح: عالفكرة انا الي اختارته عشان عارفه انك بتحبيه
ملاك: ربنا يخليكي ليا يافرحتي
فرح: خلاص خلصنا العروسه نسيبها شويه ونمسك في عروسه الاسبوع الي فات
رانيا: انا
فرح: ايوة انتي، عملتي اي مع مراد نفذتي الخطه
رانيا: نفذت الخطه بالحرفـ _ وحكت لهم رانيا ما حدث وانها جعلته يظن انه سيموت
ملاك بضحك: 😂 والله يستاهل
بسمله: والله حرام عليكوا
غارت رانيا قليلا فهي تعلم ان مراد وبسمله كانوا يحبون بعضهم
نظرت ملاك لبسمله نظرة معناها اسكتي انتي دلوقتي
فهمت بسمله النظرة وتغاضت الفتيات عن الموضوع وظلوا يلهون ويمرحون
تري ما سيحدث غدا؟
وهل سيتم الزفاف علي خير ام هل سيحدث جديد ؟
ومن هو الذي خبط بسمه بسيارته؟