الفصل العاشر
part10
بسمه: انتوا مين وعايزين مني اي
الخاطف(ياسر): ماتخفيش احنا مش عايزين منك انتي حاجه
بسمه: طب لما انتوا مش عايزين مني حاجه خاطفني لي
ياسر: لا ما المشكله مع خطيبك
بسمه: خالد ماله خالد معملش حاجه وحشه في حد
ياسر: خطيبك كان سبب في موت ابني
بسمه: الاعمار بيد الله ومش معني انه عمل عمليه غلط يبقي كده هو السبب
ياسر: هو اصلا مرضيش يعمل العمليه لابني
وتركها ورحل وفي ذهنها تتدور احداث كثيره لماذا لم يرضي ان يقوم بالعمليه لأبنه لماذا هل لأجل المال لم يكن معهم مال كافي ام لماذا
بسمه: اي الحكايه بس ياربي
دخل عليها ياسر: خدي كلمي خطيبك
بسمه: الو خالد الحقني
خالد: اطمني يا بسمه انا جايلك اطمني
بسمه: انا خايفه اوى اوى
خالد: ادعي ربنا يا بسمتي
بسمه: ونعمه بالله
ياسر: الصراحه كده خطيبتك حلوه اوي وانا مشتاق
خالد: قسماً بالله ايدك الوس** لو لمست بسمه هقتلك انت سامع
اغلق ياسر في وجهه الخط ونظر الي بسمه نظرات غريبه ومخيفه
بسمه: والنبي مش تأذيني والنبي ربنا يرحم ابنك ويخليلك اخواته والنبي
ياسر: مش دلوقتي لو خطيبك محضرش الفلوس انا هعمل الي انا عاوزه
بسمه: فلوس قد اي
ياسر: مليون جنيه
بسمه: كام؟ مليون جنيه ودا هيجيبهم منين
ياسر: اتعرض عليه مليون جنيه ورفض عشان كده انا هو مارضيش يخدهم مني انا الي هخدهم منه
بسمه: انا مش فاهمه حاجه خالص ارجوك فهمني
ياسر: مش لازم تفهمي اقعدي ساكته عشان..... ولا بلاش
~~~~~~~•♕•~~~~~~~~~~~~~~~
قومي يازفته نامت عليكي حيطه
شهد: ياماما انا في اجازة وعايزه انام براحتي
الام: قومي يابت دانتي الي هياخدك هيدعي عليا
شهد: مش هتجوز وانا اتجوز لي اتجوز راجل يحكمني ويقولي اعملي اي ومتعمليش اي وانا قاعده في بيت ابويا معززه مكرمه
الام: معززه مكرمه يابنت وليد وربنا لوريكي
وامسكت بسلاح الام المعروف الا وهو الشبشب وبتنشيل مدقق جداً ولا كأنها قناصه اصابت شهد في منتصف رأسها
شهد: وييي جووون براڤوا عليكي يادودو في منتصف الرأس
الام (دعاء): انتي هتجلتيني معاكي
شهد: خلاص خلاص خلاص هعمل اي دلوقتي
دعاء: هنروق الشقه ونمسح عشان جايلك عريس
شهد: ياختي عريس ودا مين عريس الغفله اكيد ميعرفنيش عشان لو يعرفني مكنش جه
دعاء: لا يحبيبتي يعرفك دا ادهم جارنا
شهد: عارفاه الواد الرزل الرخم
دعاء: انتي اصلا عندك كل الناس رزله ورخمه
شهد: احلي مامي عارفاني انتي يادودو
دعاء: اسمعي يبت انتي حركات تطفيش العرسان الي بتعمليها دي لو اتعملت النهارده انا هقتلك الواد مهندس ومجهز شقته ومحترم وكويس وشكله حلو يعني لا تقولي مش متعلم اصله مش محترم اصله شكله مش حلو اصل اصل اصل والله اقتلك
شهد: حيث كده فأنا مقدرش اتكلم اقعد معاه الاول
دعاء: ايوة كده اعقلي
شهد في نفسها: كده هبدأ عمليه تطفيش العريس
ماشي.....................................................
شهد: يا ماما ياماما هو العريس هيجي يرفع السرير يشوفنا مروقين تحته ولا لا
دعاء: لا بس النضافه من الايمان
شهد: يعني هي النضافه دي مبتحلاش الا في وقت لما يكون جاي ضيوف
دعاء: اسكتي انتي يبت
شهد: سكتنا ياحجه
وفي المساء اتي عريس الغفله علي رأي شهد
وبالطبع جلس مع والدها وتحدثا في امور الزفاف
الاب: نادي علي شهد يأم شهد
دعاء: حاضر يحاج دخلت دعاء لتنادي علي شهد
دعاء: بت اي الي انتي عاملاه في نفسك ده
شهد: اي يا ماما وحش
دعاء: اي القرف ده
شهد: انا قولت اما احط ميكب عشان اعجبه
دعاء: عشان تعجبيه مش تقطعي خلفه
كانت شهد تضع الميك أب بطريقه مخيفه مما جعلها في غايه القباحه علي عكس طبيعتها الجميله _________ شهد وليد الهادي______
صاحبه العشرون عاما شهد فتاه جميله جسدها ممتلئ قليلا وخدودها ورديه طبيعية وممتلئه ببشرتها القمحيه وعيناها البنيه الجميله شفتاها العريضه انفها صغير
____________________________________
دعاء: خمس دقايق تمسحي الي علي وشك ده ابوكي عايزك تعقدي معاه انتي سامعه
شهد: يوه حاضر ياماما مع اني شايفه نفسي حلوة
دعاء: ابقي ركبي نضاره والله العظيم الواد صعبان عليا خايفه يدعي عليا وبدل اما يقولي ربنا يخليكي يقول ربنا ياخدك
الاب (وليد) : اي يا حجه فين شهد
دعاء: جايه بقي انت عارف العرايس وتجهيزاتهم يا حج
الاب: انتي متأكده انوا بنتك بتتجهز وتتزوق
دعاء: ايوه ياحج لي
الاب: امال اي العفريت الي جاي علينا ده
دعاء: نهارك اسود ياشهد والله لوريكي
وقامت بحركه الام الشهيرة المخيفه اكثر من دميه تشانكي مما اثار الرعب في نفس شهد
ام ادهم: طيب تعالوا نسيب العرسان مع بعض شويه
دعاء: ماشي
وتركوهم مع بعضهم......
...... ادهم: بس الحجات دي كتير وانا مش هقدر عليهم
~~~~~~~~~•♡•~~~~~~~~~~~~
عندما تنوي ان تقول احبك عليك ان تكن واعيا بحروفها
فألاف تعني انا لست الا لك
والحاء تعني حياتي ملكك
والباء تعني بيتك قلبي واحساسي
والكاف تعني: اكرمني بك ربي فلا تتركني
(فالحب كلمه مقدسه لا يتقنها الا الصادقون) 🥺❤
꧁꧁꧁꧁꧂꧂꧂꧂꧂꧂
ملاك: اااااااااااااااه الحقني ياحمد الحقني
جري احمد مسرعا ومعه البيت كله
احمد: ملاك ملاك انتي فين يا ملاك
ملاك: هنا عند البيسين
دخل احمد الي البسين ووجد من دفعه في حمام السباحه
احمد: اي ده
ملاك: يس يس خدت حقي منك خدت حقي منك نانا نانانانانا كده اتنين واحد ملاك وقامت بحركات جعلت البيت كله يموت ضحكا عليها.
فارس: يخربيتك دانتا دماغك طايره
ملاك: ايوة عندي ربع طاير من دماغي
احمد بعصبيه: ربع واحد دانا هطير الي باقي من دماغك
ملاك: قلبك ابيض انت عملتها مرة وانا مرة من عمل يعمل ولو بعد حين
يوسف: خلاص يأحمد مكنتش تقصد
احمد: لا وكمان واقفه تترقصي يا ملاك
ملاك: خلاص ياأبو احمااا بنهزروا معاك
فارس وهو يموت ضحكا علي زوجه اخيه: انتي نكته اوي اوي يا ملوكه
نظر له احمد بغضب
فارس: طيب انا هنزل عشان متقتلش يالا يجماعه
ملاك: استني يا رويدا مش عندك لبس واسع محترم ليا عشان هدومي كلها مبلوله
رويدا: لا انا لبسي كله ميلقش عليكي بس استني، مريم مش انتي كنتي جايبه طرحه ولبس عليها كده عشان كنتي عاوزه تتحجبي
مريم: ايوة يا روحي تعالي اجيبلك
اعطت مريم الملابس الي ملاك ولاكنها كانت ضيقه قليلا عليها
ملاك: مش ضيقه شويه.
مريم: دي ضيقه؟
ملاك: ايوة انا مش بلبس حاجه ضيقه مش عندك حاجه اوسع
مريم: دي اوسع حاجه عندي
ملاك: خلاص هاتي سكارف طويله وانا هحاول اغطي الاماكن الضيقه
مريم: حاضر يحبيبتي
نزلت الفتيات واكلن وقضوا يوما جميل جداً
ذهبت الفتيات الي شقتهن في القاهرة
ملاك: احنا لازم نروح البلد عشان بابا جاي بكره الصبح
فرح: بجد والله خالي جاي بكره
ملاك: ايوة
بسمله: طيب قوموا لموا حاجتكم عشان نمشي
وضبت الفتيات اغراضهن لكي يذهبوا وتحركت الفتيات الي بلدهن وفي الطريق اتي لبسمله اتصال
بسمله: الو مين
انا فارس يقمر
بسمله: يراجل اي الحركه دي اتعملت معايا مرة قبل كده علي فكره اخوك عملها ولو سألتك جبت الرقم منين هتقولي انا فارس النفراوي ميتسألش عملت كده ازاي ومعرفش اي
فارس: اي اي كل ده انا كنت برن عليكي عشان رنيت علي ملاك موبايلها مقفول ولو احمد عرف انها نزلت البلد من وراه هيقتلها
بسمله: احم اي ده بجد طيب طيب خد ملاك بس ثواني اصحيها ملاك انتي يزفته
ملاك: اي وصلنا
بسمله: لأ يختي دورك في السواقه وجايلك اتصال. ملاك: المفروض فرح هي اللي هتسوق والاتصال قوليلوا نايمه
قومي يازفته
ملاك: حاضر هاتي الزفت الموبايل
الو
ملاك انتي ازاي تسافري من غير اما تقولي لأحمد وكمان برن عليكي تلفونك مقفول
ـــ وهو بقي الي قالك ترن عليا
ـــــــ لا انا عرفت بالصدفه وهو اصلا نايم اسمعي انتي ترني عليه وتقوليلوا انك مسافرة البلد عشان ميتعصبش عليكي
ـ ــــــ ماشي بس انا اتحركت
ـــــــ مش هتفرق احسن من انك ماتقوليش خالص
طيب سلام
رنت ملاك علي احمد
الو يا حبيبي
احمد: امممم خير
ملاك: بقولك حبيبي تقولي خير تصدق انا هقفل
ــــــــــــ مش هتقفلي يا ملاك عشان انتي مسافرة البلد ولو مكنش فارس رن عليكي وقالك مكنتيش عرفتي الخروف الي انتي متجوزاه
ـــــــــ لا يحبيبي متقولش علي نفسك كده
ـــــــ معني انك متقوليش ليا انتي رايحه فين وجايه منين و مكنتيش اصلا عايزه تقولي الا لما فارس كلمك معني كده انك اصلا مش معترفه برجولتي
ـــ لا والله انا مكنتش اقصد كده
ــــــــــ تقصدي او متقصديش انتي عملتيها
ـــــــ عالفكرة انت فاهم غلط
تعصب احمد عليها كثيرا وبدأ يصرخ عليها: انتي اصلا يا ملاك مش بتشوفي نفسك غلط ابدا وده غلط انتي واحده مستهتره بكل حاجه لأ واي بتستخفي دمك وعاملالي فيها البت الي دمها سكر ومفيش زيه ملاك اتظبتي كده
صدمت ملاك كثيرا مما سمعت منه هل تراني هكذا اذا لماذا لا تريد الابتعاد عني وانا اخبرتك كثيرا بالابتعاد
ملاك ببكاء: انت شايفني كده متشكرة ليك اوي
واغلقوا الخط ظلت ملاك تبكي بحرقه وتقطع علي حالها
بسمله: اهدي كده يا ملاك عشان خاطري قومي وفرح هتسوق بدالك وايقظت فرح لتقود السياره
وجلست هي بجانب ملاك بالخلف
فرح: هي ملاك بتعيط ليه هو انا نمت كتير
بسمله: هي اتخانقت هي واحمد بس معرفش قالها اي لما نروح تكون هي ارتاحت حبه تحكيلنا
فرح: ربنا يهديهم
-
هدي: رجعلي بنتي يا خالد
خالد: اهدي يا خالتي انا هجيبهالك
هدي: طيب فهمني هما عايزين اي وانا اعملهلهم
خالد: طالبين فيديه
هدي: كام
خالد: مليون جنيه بس متقلقيش انا هتصرف
هدي: وانت هتتصرف ازاي
خالد: مش عارف بس انا هحاول اتصرف متقلقيش
هدي: والنبي يا خالد متسيبهاش
خالد: انتي بتوصيني علي روحي يا خالتي
رقيه: متقلقيش يا هدي بسمه هترجع بخير بأذن الله
هدي: يارب يارب
-
شهد: انا عايزه اشتغل بعد الدراسه
ادهم: ماشي انا مش هقف قصاد تعليمك او حتي كريرك
شهد: ماشي وعايزه كمان الفرح يبقي في فندق *****
ادهم: بس الفندق ده غالي اوي وانا مش هقدر علي فلوسه
شهد: اممم ماشي طيب عايزه الشقه تتكتب بأسمي
ادهم: بس كده كتير يبنت الناس وانا راجل وماينفعش الشقه تبقي بأسمك
شهد: هي دي طلباتي
ادهم: وده كتير وانا مش هقدر اعمله سلام
شهد: سلام
وبعد ذهاب ادهم
شهد في سرها: yes تمت العمليه بنجاح الله عليا موهبه
دعاء: بت يا شهد اوعي تكوني عملتي حاجه يبت
شهد: لأ ياماما دانا ارتاحتله اوي وشكلي كده موافقه
زغرطت ام شهد من الفرحه ان بنتها اخيرا سوف تتزوج
شهد في سرها: ماتفرحيش اوي دانتي لو تعرفي الي فيها هتصوتي يا حاجه
وبعد قليل من الوقت
يا شششههد انتي يا زفته والله لوريكي
جرت الام وراء شهد بسلاح الامهات المعتاد الشبشب في انحاء الغرفه من السرير الي الدولاب والي الحمام وكل انحاء الغرفه
شهد: اي اي في اي ياماما
____ ماما اول مرة تقوليها يختي
ــــــ طب فهميني بتجري ورايا لي بس
ــــــــــ يعني مش عارفه
ــــــ لا مش عارفه
ــــــــــ انتي يبت عملتي اي في العريس خليتيه اول لما روح قال كل شيئ نصيب
ــــــ هو قال كده يخساره دانا ارتحتله
ــــــــــ ارتحتيله ده هو الي ارتاح منك ومن هبلك عملتي اي
ــــــ مفيش قولتله عايزه اكتب الشقه بأسمي
ــــــــــ ومن اولها كده طب اصبري لما يحبك حتي مش من اول مقابله
ــــــ انا صريحه يا ماما
ــــــــــ يافرحتي بالصراحه يختي انا عايزاكي كدابه
ــــــــــ اهو انتي الي بتقوليلي اكدبي يعني لما اسرق منك فلوس واقولك ماسرقتش ماتلوميش الا نفسك
ــــــــــ يارب صبرني علي بنتي يا رب
ــــــــــ انتي كده هتبقي صبار ياحجه
~~~~~~~~~~~~~~~•♡•~~~~~~~
وفي اليوم التالي
محمد: مبروك يابروو
فارس: اسكت عشان متخانق معاها
محمد: متخانق معاها لي يا أحمد
احمد: رجّعت بلدهم من غير متقولي
محمد: طيب هي اه غلطانه بس عدي يومينك علي وكلها كام يوم وتتجوزوا
احمد: لو معلمتهاش الادب في الفترة دي هتاخد عليا
فارس: يا ابني عدي بس الكام يوم دول لحد اما تبقي في بيتك وخصوصاً انك اصلا هددتها عشان توافق وكمان هي متعرفكش الا من يومين
محمد: ايوة فارس معاه حق روح لها وصالحها
فارس: انا اصلا اعتقد انك مدخلتش بيتهم خالص او اصلا متعرفش عنوان البيت
ظل احمد صامت يفكر فيما يقوله اصدقاءه
اتي له إتصال
احمد: خير
يوسف: مش خير خالص
احمد: اي في اي اخلص
يوسف: في شركه منافسه لينا نازله بس نازله تقييل واكتسحت مننا السوق وفي شركات كانت عامله معانا ثفقات لغوها وثفقه ***** اتلغت
احمد بعصبيه كبيرة : الثفقه الي كانت هتخلي شركتنا واحده من اهم الشركات في العالم اتلغت وكسر الزجاج الي كان امامه
محمد: اهدي بس هو قالك اي يوسف
احمد ــــــــــــ ــــــــــــ
محمد: متقلقش ليها حل احنا نقدر نسترجع الثفقات دي تاني
فارس: ينفع
محمد: ايوة سيبوا الموضوع ده عليا
احمد: انا سايبها علي الله وعليك
-
رانيا: صباح الخير
مراد: في اي
رانيا: مالك كدة يا رورو قالب عليا لي
مراد: اسمي مراد مش رورو ده
رانيا: خلاص متزعلش
مراد: ده من امتي الحنان ده
رانيا: عادي مش احنا متجوزين
مراد: ايوة
رانيا: يعني حقي ادلع جوزي واستته
مراد: انتي مالك يا رانيا
رانيا: مفيش ياروحي اصحي بقي عشان تفطر
مراد: تمام هغير وانزل
رانيا: لأ ميصحش انا نزلت جيبتلك الفطار لحد عندك
مراد: اممممم تمام بس اي الي انتي لابساه ده
رانيا: حلو
مراد: ايوة حلو اوي عليكي
كانت رانيا ترتدي هوت شورت قصير وعليه تيشيرت 👕 ضيق جدا ابرز جمال جسدها النحيل
رانيا: مااشي
انتهي مراد من العشاء واعطت له رانيا كوب عصير حضرته بنفسها له وشربه مراد
مراد: هو اي الرضا ده كله هو انا هموت ولا اي
رانيا: ايوة هتموت يا مراد
مراد: نعم اي الهزار ده
رانيا: لا انا حاطالك سم في العصير
انتهي الفصل العاشر
تري ما سيحدث لمراد؟
هل ملاك ستسامح احمد؟
❤ الكاتبه الصغيره M. L. K ❤