الفصل10.11.12.13 الاخير
*_ࢪوآيـــــة'ة: فريسةة الرعد ♥️⚡𓋜ׅ))_*
*𝑷𝑨𝑹𝑻﴾10﴿♥⚡*
*𝑷𝑨𝑹𝑻﴾11﴿♥⚡*
*𝑷𝑨𝑹𝑻﴾12﴿♥⚡*
*𝑷𝑨𝑹𝑻﴾ 🔚13﴿♥⚡*
*_الـــــبـ10ــاࢪت♥⚡_*
الهانم رايحة علي فين
ردت رهف بضيق وقالتله:
رايحة لبابا انت مش وعدتني امبارح هتوديني انهاردة اقعد معاهم طول النهار
رعد ابتسم وحب يغيظها وقالها ببرود:
اممم وغيرت رأي مفيش مرواح
رهف قامت بعصبية وقربت منه وقالتله:
يعني ايه مش هروح هو كلام عيال انت قولت هروح وهما اكيد عملو حسابهم هه ولا هو يعني كلام عيال
ابتسم رعد ببرود وقالها:
هو كدة ومن الاخر كدة عايزة تروحي لازم تصالحيني
بصتله بغيظ وقالت بسخرية وهيا حاطة ايدها في وس*طها:
اصالحك ده بعينك هو انا اللي زعلتك عشان اصالحك وقربت منه وهيا بتشاور بايدها قدام وشه وبتقؤله ده انت اللي رخ*م ومستفز عشان مرضتش تخلينا نرقص سلو وانت كنت مقضيها مع البو*مة دي
ضحك رعد بصوته كله وقالها بخبث :
مين دي اللي بو*مة نيرة؟ نيرة دي قمرر
بصتله بتحذير وقالتله :
ررررعد بلاش استفزاز هه ثم عاجباك روحلها عادي يا حبيبي
رعد قلبه دق اول ما قالت كدة وقرب منها اوي ورهف اتوترت من قربه وزقته في صدره بتوتر وقالتله :
رعد ابعد كدة مينفعش
ابتسم وقرب منها اكتر وهمس قدام شفايفها وقالها:
انتي قولتي ايه دلوقتي؟
رهف بلعت ريقها بتوتر وقالتله:
مقؤلتش حاجة
رعد ابتسم بمكر وقالها وهو بيرفع حاجبه:
تؤ تؤ قولتي ولو مكررتيهاش تاني دلوقتي هخليكي تقؤليها غصب عنك بطريقتي وبص علي شفايفها
رهف اتكسفت وبصت بعيد عن عينه وقالتله:
طيب بص ابعد شوية وانا اقؤلك
رعد بصلها بتحذير وقرب اكتر من شفايفها فقالتله بسرعة حبيبي وغمضت عنيها بخجل وخبت راسها في صدره من الكسوف
رعد ابتسم علي شكلها وقلبه بقي يدق جامد وكان عايش احساس جميل اول مرة في حياته يجربه احساس مكنش متخيل ان ممكن يعيشه بس رهف ملكت قلبه وعقله خليته غصب عنه يرجع رعد القديم تاني اتنهد وهو ساند بدقنه علي راسها وهيا في حضنه وبقي يكلم نفسه :
وبعدهالك يا رهف هتعملي فيا ايه تاني وهتفضل لحد امتي اناني يا رعد انت عارف انك لو استسلمت لقلبك هتعذ*بها معاك وهتفضل طول الوقت بتشك فيها وطول الوقت ماضيك قدام عنيك بس رهف غيرهم متستاهلش انها تعيش مع واحد زي، اتنهد بضيق وبعدها عنه بهدوء ولف وشه بعيد عنها واتكلم وهو مديها ضهره وقالها:
رهف انا خلاص قررت احررك من سجني
رهف كشرت وقالتله باستغراب لانها مفهمتش كلامه او مش مستوعبة اللي بيقؤله:
رعد انت بتقول ايه اانا مش فاهمة حاجة
لفلها رعد وقالها بغضب مسيطر عليه وكأنه بيصارع قلبه اللي رافض قراره:
زي ما سمعتي انا اتجوزتك غصب عنك بس عشان اربيكي واعاقبك علي اللي عملتيه في فرح صحبتك بس خلاص زهقت من اللعبة دي وقررت اخليكي تهربي من سجني للابد يعني هطلقك يا رهف وهديكي حريتك
رهف كان سامعة كلامه وقلبها بيتقطع حاسة انها في كابوس وكررت كلامه بوجع:
لعبة انا كنت بالنسبالك لعبة وقربت منه اكتر وقالتله فعلا انا كنت لعبة في ايدك تعمل فيها اللي انت عايزه كنت بتقبل مزاجك اللي كل شوية بحال تعاملني كويس افرح واحس اني طايرة في السما وبعدها تجر*حني وتهيني وتوقعني في سابع ارض وكملت كلامها بانهيار وهيا بتض*ربه بايديها علي صدره بجنون:
انت ايه يا اخي ايه قلبك ده حجر انسان معندكش قلب اصلا ليه بتعمل فيا كدة ده انا حبيتك وفجأة وقفت عن ضر*به وبصتله وقالتله بضعف ايوة حبيتك يا رعد رغم قسو*تك معايا بس معرفتش اكر*هك وكنت فاكرة انك انك انت كمان بتحبني بس يا خسارة ودفنت راسها في صدره وهيا بتكمل وبتقؤل هتحررني بعد ايه يا رعد بعد ما اتعلقت بيك وفضلت تعيط وبتتشحتف
رعد كان مصدوم من اعترافها بحبه قلبه كان بيدق بعنف كان سامع كل كلمة وهو نفسه ياخدها في حضنه يخبيها بين ضلوعه يحكيلها عن اوجاعه بس خاف عليها من ناره لتحر*قها وسعتها هتكر*هه ، غمض عينه بألم وقالها بجمود هستناكي في العربية اغسلي وشك وانزلي وبعدها عنه وسابها ونزل وهيا بقت تبص لاثره بحزن ووجع حتي بعد ما اعترفتله بحبها متمسكش بيها واتأكدت سعتها انه فعلا مش بيحبها وانه لسة بيحب مراته الاولانية فغمضت عنيها بحزن وقامت تغسل وشها عشان تنزله
……………………
رقية كانت واقفة في المطبخ بتعمل الاكل عشان عارفة ان رهف اختها جاية فقالت تقعد من الجامعة انهاردة عشان تظبط البيت والاكل عشان رهف لما تيجي تلحق تقعد معاها وافتكرت فرحت ابوها لما جت من الفرح وقالتله ان رهف جاية بكرة تقعد معاهم اليوم كله وفاقت من سرحانها علي جرس الباب فندهت بصوت عالي علي اخوها (علي) وقالتله:
افتح الباب يا علي شوف مين وعلي دخلها المطبخ قالها:
في واحد برة بيسأل عليكي يا رقية
رقية استغربت وقالتله:
طيب ادخل انت وانا هشوف مين
طلعت رقية من المطبخ ولبست طرحة و راحت عند باب الشقة واتفاجأت بسيف قدامها اتوترت واستغربت وقالتله بتوتر:
احم سيف ازيك
ابتسم سيف بهدوء اول ما شافها وقالها:
ازيك يا رقية معلش اني جيت كدة علي غفلة بس بصراحة كنت عايز اشوفك و اتكلم معاكي في موضوع ممكن؟
رقية ابتسمت باحراج وقالتله:
اه اكيد طبعا بس دلوقتي بابا مش هنا متأسفة مش هقدر اقؤلك اتفضل
ابتسم سيف وقالها بسرعة:
منا عارف ان باباكي في الشغل عشان كدة بصراحة طلعت عشان اشوفك و اقؤلك اني عايز اتكلم معاكي
بصتله رقية بصدمة وفاجئة جه في بالها صورة مازن وموقفه معاها لما حكي لرعد اللي حصل واستأذنه انه هيتكلم معاها واستنبهت لصوت سيف وهو بيقؤلها:
ها هنتقابل فين عشان نتكلم؟
ردت رقية بضيق وقالتله:
متأسفة مينفعش اقابلك وبابا ميعرفش انا متربتش علي كدة واعتقد الاصول بتقؤل انك واحد غريب عني يعني مينفعش وقفتنا دي كدة فلو سمحت امشي وهيا بتتكلم اتفاجأت بابوها جاي من ورا سيف هو ومازن اتصدمت من الموقف وخصوصا لما عنيها جت في عيون مازن ولقته بيبصلها بعيون بتطلع شرار بلعت ريقها بخوف ووقف جمال ابوها قدام الباب وهو بيسلم علي سيف وبيسأله:
خير يا سيف يابني في حاجة
سيف اتوتر وبص لرقية وقال لا يا عم جمال انا بس بقالي كام يوم مشوفتكش فكنت بسأل عليك فرقية قالتلي انك مش موجود
ابتسم جمال وقاله بود:
فيك الخير يابني اتفضل طيب معانا
اعتذر سيف وقاله:
مرة تاني ان شاء الله بعد اذنكم وبص لمازن عشان يسلم عليه بس بلع ريقه بخوف من نظرته المرعبة ونزل علطول علي تحت ورقية ابتسمت بتوتر وقالت لابوها وهيا باصة لمازن كانها عاملة مصيبة:
حمدالله علي السلامة يا بابا
رد جمال بابتسامة:
الله يسلمك يا بنتي وشاور علي مازن وقالها:
طبعا انتي عارفة حضرت الظابط مازن
اتوترت رقية وبصت لمازن اللي كان متابعها بعنيه وقالت:
ااه عارفاه وقاطعها مازن قبل ما تقؤل اي حاجة قدام ابوها:
طبعا ما احنا اتعرفنا في خطوبة سيف جاركم ده لما كنتي مع الاستاذ رعد ومراته
فهمت رقية انه مقالش حاجة لابوها فاتنهدت براحة وقالت:
طبعا يا استاذ مازن اهلا بيك هروح اعملكم حاجة تشربوها ومستنتش رد وجريت عالمطبخ وهيا مرعوبة من رد فعل مازن لما شافها مع سيف وحاولت تستجمع شجاعتها وقالت بغيظ وهيا بتعمل القهوة:
وهو ماله يعني بيا اووف ايه ده وخبطت دماغها بايديها وقالت بغباء ولما هو ماله انتي مالك مرعوبة ليه هه كاتك وكس*ة وبعد ما خلصت كانت خايفة تطلع بالقهوة بس اللي انقذها انها سمعت صوت جرس الباب فقالت بفرحة اكيد رهف وخرجت جري وفعلا لقيتها وكانت بتسلم علي ابوها وحاضناه بصتلهم بابتسامة وعنيها جت في عيون مازن فلقيته رافع حاجبه وقرب منها وهيا كانت واقف مرعوبة منه وهمس في ودنها:
حسابنا بعدين يا زوجتي المصونة وسابها وراح وقف مكانه ورقية قلبها بقي يدق جامد اول ما قال كدة وبرقت من الصدمة……
> *≯𝐽𝐸𝑂𝑁𝐾𝑂𝐾𝑌 𝑁𝑂𝑉𝐸𝐿𝑆❀♬*
*_الـــــبـ11ــاࢪت♥⚡_*
رقية مكنتش مستوعبة اي حاجة غير انه بيتردد في ودنها جملة مازن
( زوجتي المصونة)
كانت رهف حاضنة ابوها وبتعيط جامد اوي وهيا نفسها مش عارفة اذا كانت بتعيط عشان ابوها واحشها ولا بتشكيله وجع قلبها بس تشتكي تقؤله ايه انها حبت رعد الانسان اللي اتجوزته غصب عنها وكانت بتتمني تهرب منه ، خرجت رهف من حضن ابوها ومسحت دموعها ووطت باست ايديه بحب وقعدو كلهم فاتكلم ابوها بحزن وهو بيمسح دموعه:
طمنيني عليكي يا بنتي انتي كويسة واللي اسمه رعد ده بيعمل ايه معاكي
ابتسمت رهف بحب وقالتله وهيا بتطبطب علي ايده :
متقلقش عليا يا بابا انا كويسة وبجد رعد طلع انسان كويس جدا غير ما كنت متخيلاه وحاولت تطمنه وهزرت وقالتله وهيا بتغمزله طلع واقع يا ابو رهف وانا مش واخدة بالي
ضحك جمال براحة وقالها:
الحمد لله يا بنتي كنت خايف عليكي وقاطعه مازن اللي اتكلم بأحراج وقال:
انا اسف اني بدخل بس رعد زميلي من ايام الكلية ومن قبل ما يسيب الداخلية كمان و بصراحة هو انسان اخلاقه عالية ومحترم جدا ومحدش يسمع عنه الا وشكر فيه
هز جمال راسه وقال بابتسامة:
هو بس طريقة طلبه لرهف وتفاصيل جوازه منها اللي قلقتني علي بنتي منه وابتسم اكتر وقال بفرح وهو بيبص لرقية: انت مبقتش غريب يا مازن خلاص انت بقيت من العيلة
اتصدمت رهف وبصت لرقية اللي كانت مش اقل صدمة منها واتصدمو اكتر هما الاتنين لما ابوهم كمل كلامه وقال:
حضرة الظابط مازن طلب ايدك مني يا رقية وانا وافقت وبرضه الرأي رأيك يا بنتي:
رقية بصت لمازن اللي كان بيبصلها بتحذير انها ترفض وقالت بتردد وهيا باصة في الارض:
اللي حضرتك تشوفه يا بابا وسابتهم وجريت علي اوضتها وقامت رهف واستأذنت منهم ودخلت وراها
دخلت رهف القوضة واتفاجأت برقية بتعيط قربت منها بلهفة ورقية اول ما لقت رهف اترمت في حضنها وبقيت تعيط فسألتها رهف بقلق:
مالك يا حبيبتي في ايه ده انا قولت انتي فرحانة لما لقيتك وافقتي علي الظابط مازن
رفعت رقية وشها وقالتلها بدموع:
هو عارف اني مش عاوزاه ومش بحبه وبحب سيف بس هو بيستغلني عشان عارف اني هوافق غصب عني ليروح يقؤل لبابا علي كل حاجة
استغربت رهف وقالتلها :
حاجة ايه انا مش فاهمة حاجة وبصت لرقية بشك وقالتلها وهيا بترفع وشها بصباعها رقية انتي مخبية عني ايه
بلعت رقية ريقها بتوتر وقالتلها:
هحكيلك كل حاجة بس ورحمة ماما يا رهف ما تلومي عليا
هزت رهف راسها بقلق وقالتلها:
احكي
……………………
كان رعد في الشركة في اجتماع وواقف قدام الترابيزة وبيتكلم بس حاسس انه مش مظبوط ومخنوق شوية وفك الجرافت وكمل شرح بس كل شوية تيجي صورة رهف قدامه وهيا بتعيط وبيتردد في ودانه الكلام اللي قالته لما قالها هطلقك واعترافها بحبه كان مخنوق اووي وحس انه مش عارف يركز فقال للكل:
هنلغي الميتنج ونكمل يوم تاني اتفضلو وفعلا الكل خرج والمكان فضي من حواليه فقعد عالكرسي بضيق وهو بيفتكر رهف وشكلها وهيا بتركب جمبه العربية بعد ما سابها ونزل
كان باين علي ملامحها الحزن كان نفسه يعترفلها انه هو كمان بيعشقها بس للاسف مقدرش ينطق من خوفه عليها افتكر لما طلبت منه انها تفضل عند اهلها لحد ما يطلقها ودقات قلبه اللي ذادت وحرارة جسمه اللي عليت عشان بس حس انه ممكن يتحرم منها وميشوفهاش ورفضه طلبها بغضب فسرته هيا علي انه تحكم وقسا*وة منه رعد بينه وبين نفسه اتأكد انه ميقدرش يعيش من غيرها حتي لو هتت*عذب معاه اهون عنده من انه يت*عذب لوحده في بُعدها قام بلهفة ومشي وهو مقرر انه خلاص يفتح قلبه ليها ويسلمها مفتاحه بس يارب الاوان ميكونش فات
………………….
اتكلمت رهف بهدوء بعد ما حكتلها رقية كل حاجة حصلت من اول ما قابلت مازن لحد ما قالت لسيف انه خطيبها وكمان اللي حصل في الخطوبة وحتي سيف لما جالها واتكلم معاها فقالتلها : غلطانه يا رقية ازاي تدخلي مازن في قصة انا وانتي عارفين نهايتها ايه ثم ان سيف اللي جه وعزمك بنفسه علي فرحه هيفرق معاه انتي مخطوبة ولا لأ كان فين عقلك سعتها طيب مفكرتيش ان مازن ممكن يكسفك قدامه وتتجرحي اكتر
عيطت رقية وقالتلها بحزن: عارفة اني غلطانة يا رهف بس والله مكنتش اقصد ادبسه انا كنت عايزة اشوف سيف هيغير ولا لا عليا
ابتسمت رهف بسخرية وقالتلها:
سيف ده من نوعية الرجالة اللي مش بيبصو للبنت المدلوقة عليهم بيحبو التقيلة اللي تديهم علي دماغهم وبسم الله ما شاء الله اكيد كان شايف حبك اللي باين للاعمي وعارفة اللي زي ده الحاجه بتحلو في عينه لما بيشوفها مع غيره وده اللي حصل لما شافك اتخطبتي وكرفتيه جه يجري عشان عارف انك هتسيبي خطيبك وتجري عليه زي الهبلة وهو ده اللي انتي عايزة تعمليه مش كدة
رقية اتكلمت بعصبية وهيا بتقوم من مكانها :
لا مش كدة اصلا انا اضايقت لما لقيته كان عارف ان بابا مش هنا وطلع عشان يتكلم معايا لا وعايزني اقابله برة وحسيت اني اتخدعت فيه بس ده ميمنعش ان مازن استغل اللي حصل عشان يقرب مني وقاطعتها رهف بغضب وقالتلها:
وليه لا يا رقية اولا مازن ده راجل وبعد اللي قولتيه كبر في نظري جدا الراجل اللي بيحب واحدة بجد بيخاف عليها حتي من نفسه ومازن عمل كدة خاف عليكي يا رقية عشان ميبقاش شكلك وحش لو حد شافك معاه في الفرح وجه كلم رعد وقاله كل حاجة لكن البيه اللي انتي بتحبيه استنا لما يكون ابوكي مش موجود عشان يطلعلك هنا وكمان عايز يقابلك برة تفتكري ده معناه ايه وهو شايفك ازاي، قالت اخر كلامها وهيا بتربع ايديها بسخرية
حست رقية ان رهف عندها حق في كل كلمة قالتها وقالتها بحيرة:
يوووه طيب ليه مازن عمل كدة لما هو انسان كويس
ضحكت رهف بصوت عالي وقالتلها:
عشان بيحبك يا هبلة طبعا
رقية تنحت وبرقت من الصدمة وقالت:
بيحبني!!ً! ازاي
قربت رهف من رقية وقالتلها وهيا بتحاوط وشها بايديها بحنان:
ايوة بيحبك وكل تصرفاته اللي قولتيهالي دي معناها انه مش بس ييحبك ده بيعشقك يا رقية خوفه عليكي وغيرته وكون انه يتقدملك وهو عارف انك بتحبي سيف ده تسميه عشق مازن راهن علي حبه ليكي وعارف انه هيكسب قلبك اسمعي مني
يا حبيبتي اديلو فرصة يا رقية يمكن تحبيه وسيبي اللي اسمه سيف ده لانه مش بيحبك ده عايز يملكك ويضمنك مش اكتر
رقيه اتنهدت بحيرة و ابتسمت وقالتلها :
حاضر يا حبيبتي اوعدك هديلو فرصة ومكملتش رقية كلامها لما موبايل رهف رن برسالة فمسكت رهف الفون وفتحت الرسالة لقت رسالة من رقم مكتوب فيها:
رهف انا رعد تعالي عالڤيلا عشان تيتة تعبانة بسرعة انا بعتلك السواق يجيبك متتأخريش
قامت رهف بقلق وهيا بتقؤل:
ربنا يستر جدت رعد تعبانة
قالت رقية بقلق وهيا بتطبطب عليها:
ان شاء الله خير بس رعد اللي بعتلك ده
ردت رهف بحزن وقالتلها:
اه حتي شوفي وادت رقية الفون وبعد ما قرأت الرسالة وشافت الرقم قالتلها:
معقؤلة كل ده ومكنش معاكي رقم رعد
ابتسمت رهف وقالتلها:
لا تصدقي نسيت يلا لازم امشي دلوقتي العربية زمانها جت خدي بالك من بابا يا رقية وان شاء الله هاجي تاني نكمل كلامنا وخرجت رهف من البيت بعد ما قالت لابوها اللي حصل ونزلت لقت فعلا عربية مستنياها ركبت بسرعة والعربية اتحركت
……………………..
رقية بعد ما قفلت الباب ورا اختها لفت لقت ابوها قاعد عالكنبة لوحده عرفت ان مازن مشي فراحت قعدت جمبه وقالتله بغيظ حاولت تداريه:
هو مازن قالك ايه بالظبط يا بابا
ضحك جمال جامد وقالها :
لقيته جايلي الشغل وكان هيجبلي جل*طة لما لقيت واحد من زمايلي بيقؤلي في ظابط برة عايزك طلعتله وانا روكبي بتخبط في بعض من الخوف قولت يبقي في مصيبة واول ما قالي انه عايز يتقدملك سعتها خدت نفسي وكان؟ هاين عليا اقؤم اضر*به عشان لعبة الاعصاب دي اللي لعبها معايا هههههه
ضحكت رقية علي كلام ابوها وفجأة اتوترت اول ما لقيته بيقؤلها:
بس ليه مقؤلتيليش ان كان في شباب بتضايقك في الشارع وانتي جاية من عند اختك بقي كدة تخبي عليا يا رقية
اتلجلت رقية ووطت وباست ايد ابوها وقالتله:
حقك عليا والله بس محبتش اقلقك عليا طالما الحمد لله ربنا سترها
اتنهد ابوها وبصلها بحب وقالها:
بس باين عليه انسان محترم واخلاق انا بصراحة ارتحتله وخصوصا انه جه دوغري ودخل من الباب
اتوترت رقية وبقت تفرك في ايديها وحس بيها ابوها فقالها بحنان:
اسمعي يا رقية يا بنتي انا عمري ما هغصب عليكي في حاجة ابدا انا بس شايف انه انسان كويس ومفيش مانع نديله فرصة ولو بعد كدة جيتي قولتيلي يا بابا مش عايزة اكمل معاه سعتها هقؤله كل شئ قسمة ونصيب
قامت رقيه من مكانها وهيا مبتسمة وحضنت ابوها جامد وبتقؤله:
ربنا يخليك ليا يا حبيبي و يباركلي فيك وقطع كلامها جرس الباب راحت رقية تفتح لقت رعد. واقف قدامها وهو مبتسم وبيقؤلها:
رقية ازيك
رقية قالتله باستغراب:
رعد!! الحمد لله ، اتفضل
دخل رعد وهو بيسألها:
اومال فين رهف وسمع جمال وهو جاي ناحيته وبيقؤله بقلق:
رهف ماهي روحت يابني لما انت قولتلها ان جدتك تعبانة وبعتلها العربية تاخدها
رعد اول ما سمع كدة قلبه اتقبض وقاله:
انا كلمتها وقولتلها كدة؟
رقية قالتله بسرعة:
انت بعتلها رسالة ان جدتك تعبانة وعايزها تروح وانك بعتلها العربية بالسواق ياخدها
رعد فهم ان في حاجة وعشان ميخوفهمش علي رهف قالهم بثقة:
ااه فعلا بس انا بعتلها تاني رسالة وقولتها اني هاجي انا اجيبها بنفسي تلاقيها مشفتهاش عموما حصل خير بعد اذنكم انا بقي همشي عشان جدتي لوحدها
جمال قاله بهدوء:
اتفضل يابني والف سلامة علي جدتك
رعد هز دماغه ومشي وهو هيتجنن نزل ركب عربيته ومشي وهو من جواه خايف لا مرعوب لتكون رهف في خطر اول مرة يحس بالخوف والعجز كدة طيب مين اللي عايز يأذيه و فجأة جه في دماغه صوره حسام اخوه عنيه احمرت وضغط بايده علي دركسيون العربيه وجري عالبيت وهو بيتوعدله لو ليه علاقة باللي حصل
…………………
وقفت العريية قدام عمارة غريبة فرهف بصت للمكان باستغراب وقالت للسواق:
هو احنا فين كدة وليه مروحناش الڤيلا
السواق اتكلم بخبث وقالها:
رعد بيه بلغني اجيبك هنا وهو مستني حضرتك في الشقة اللي في الدور التاني
رهف حست بخوف واستغربت طب رعد ليه مقالهاش بس جمعت شجاعتها ونزلت وفعلا طلعت الشقة اللي قال عليها السواق ورنت الجرس بس الباب متفتحش هيا اتفاجأت بحد حط منديل علي وشها من وراها وهيا وفضلت تقاوم لحد ما ابتدت تحس بدوخة وتقل في راسها واغمي عليها
…………………..
دخل رعد الڤيلا بغضب وهو بينده بصوت عاالي جدا:
حساااااام انت فييين وطلع اوضته جري ودخل اوضته واتفاجأ بحسام خارج من باب الحمام وهو بيلبس الچاكت بتاعه فهجم عليه رعد وضر*به بالبوكس في وشه فوقع حسام في الارض من قوة الض*ربة ولقي ر عد ه*جم عليه تاني وبقي يضر*ب فيه وهو بيقؤل بدون وعي:
رهف لا انت فاهم كله الا رهف مش هسمحلك تأذيها انت سامع رهف فين انطق لطلع رو*حك في ايدي
حسام اتكلم بتعب وهو بينهج من شدة الضر*ب اللي خده وهو بيمسح بايده الد*م اللي خارج من بؤه:
رررعد انا فعلا كنت هأذ*يها بس صدقني انا فوقت في اخر لحظة وملحقش يكمل لما ضر*به رعد تاني وهو بيقؤل بغضب:
مفكرني هصدقك يا كل*ب انطق رهف فين…
> *≯𝐽𝐸𝑂𝑁𝐾𝑂𝐾𝑌 𝑁𝑂𝑉𝐸𝐿𝑆❀♬*
*_الـــــبـ12ــاࢪت♥⚡_*
والا هقت*لك يا حسام هقت*للللك وفجأة سمع رعد صوت سهير جدته من وراه وهيا بتقؤله بتعب:
اخوك مش بيكدب يا رعد اسمع منه بابني وصدقه:
رعد مكنش في وعيه كانه بيطلع وجع السنين اللي فاتت دلوقتي فقالها بغضب:
ده ك*لب اصدقه ازاي وقرب منها وقالها بانهيار ثم انتي اللي بتقؤلي كدة ده انتي الوحيدة اللي شاهدة علي كل اللي حصلي منهم دول كسر*وني عايزاني اصدقه وهو دا*بحني قبل كدة وكمل كلامه بوجع:
بس رهف لا كله الا رهف مش هقدر اتحرم منها دي هيا الوحيدة اللي قلبي اتعلق بيها، ولف لحسام وقال بغضب جحيمي:
وانا مش هسمحلهم يأذوها هاخد روحهم قبل ما يفكرو يلمسو منها شعره
بصله حسام بندم وهو لسة مكانه وقال بسرعة عشان يبرر اللي حصل :
اسمعني يا رعد الاول وبعدين اعمل فيا اللي انت عايزه انا فعلا عملت كدة بس اللي متعرفهوش اني عملت كدة عشان احميك نادين مكنتش بتحبك يا رعد كانت بتستغلك ايوة منكرش ان امي طلبت مني اني اكس*رك عن طريقها واخليك تشك فيها وانا رفضت ومرضتيش عشان مكنتش هقدر اعمل كدة فيك يا رعد بس اللي متعرفهوش ان هيا اللي كانت بتحاول معايا عشان انسانة قذ*رة وسعتها فكرت و قررت افضحها مش عشان اكس*رك عشان اعرفك حقيقتها لانك مكنتش هتصدقني لو كنت جيت قولتلك والله العظيم دي الحقيقة عشان كدة طلبت منها تيجيلي شقتي وانا اللي بعتلك الرسالة اللي قولتلك فيها روح شوف مراتك وهيا بتخونك وبعتلك العنوان عشان تيجي تشوفها بس رهف لا يا رعد رهف انضف واطهر انسانة قابلتها في حياتي انا لا يمكن كنت هأذ*يها ابدا بالذات بعد الكلام اللي سمعته من امي
رعد بقي بيسمع كل كلمة وعقله مش مستوعب فبص لسهير جدته بتوهان فصعب عليها اووي وبقت تعيط بحرقه ورعد بقي يقؤل بدون وعي وهو حاطط ايده علي راسه :
بس مكنتش تيجي منك انت ، انت بالذات لا يا حسام
بصله حسام بدموع ندم وحزن وقاله بصوت مخنوق:
مش لوحدك اللي مجني عليه يا رعد انا كمان ويمكن اكتر منك وانتو السبب ايوة انتو السبب
انت وبابا وبص لجدته وقال بقهر حتي انتي يا تيتة وقام ومسح دموعه وقرب منهم بعصبية ووجع سنين وقال:
كنتو فين هه كنتو فين وانتو عارفين انها انسانة مش كويسة سبتوني ليها ليه وجايين دلوقتي تعاتبوني علي ايه علي ذنب انتو السبب فيه انا كنت طفل اربع سنين مش فاهم حاجة غير انه متعلق بامه وشاور علي رعد وقال وانت ايوة انت يا رعد مصعبتش عليك وانا كنت ابنك مش اخوك زي ما انا فاكر لما كنت بتقؤلي، انت كنت كبير وفاهم كان عندك 15سنة يعني
عارف الصح والغلط لكن انا كنت مش فاهم حاجة عيل شايف امه ابوه بيضر*يها وبيطردها برة وزي اي طفل شبط فيها وزعق بصوت عالي وقال مخدتونيش منها غصب عني ليييه ليه سبتوها تربيني وتخليني ابقي نسخة منها سبتوها تكر*هني فيكم كانت كل يوم تفكرني بابويا اللي باعني وباعها وطردنا واخويا اللي اختار ابوه عشان فلوسه وعشان يكتبله كل حاجة بعد ما يموت وبعد ده كله بتعاقبوني انا وتقؤله عليا اني وحش لا انت يا رعد لو كنت روحت معاها كان زمانك مكاني دلوقتي
قعدت سهير علي اقرب كرسي بتعب بعد ما سمعت كل كلام حسام ووجع قلبها واحساس الذنب بيق*تلها حست انه عنده حق وانها هيا لوحديها اللي مذنبة وفكرت فعلا ان العيال هيا اللي بتتظلم بين الام والاب بس هيا جدتهم كانت خدتهم بعيد عن كل ده فبصت لحسام وقالتله بصوت حزين مليان ندم:
مكنش لازم اسيبك كان لازم اخدك منها انا السبب انا السبب حقك عليا يا حسام انا السبب يابني
ابتسم حسام بسخرية وقال:
عارفين انا كنت كل يوم بعيشه معاها وكنت بشوف تصرفاتها مكنتش بصدق الكلام اللي بتقؤلهولي عنكم بس لما كنت بشوف بابا مش بيسأل عني كنت بتأكد انه مش عاوزني وكأنه بيعاقبني علي ذنب انا معرفوش و مليش علاقة بيه وحتي معرفش بيكر*هني ليه ولما كنت بسألها كانت بتتهرب وتقؤل عشان انت مشيت معايا واختارتني
اتكلمت سهير بلهفة:
كدابة والله يا حسام ابوك حاول كتير يشوفك بس هيا كانت بتمنعه لدرجة انه كان بيصعب عليه انه مش بيشوفك وكنت بدخل عليه الاقيه بيبكي هيا دي الحقيقة يابني صدقني
حط حسام وشه بين ايديه وبقي يعيط بتعب وقال من بين دموعه:
انا عرفت كل حاجة بس للاسف متأخر اوووي
بعد ما مشيت من عندها امبارح نسيت تلفوني ورجعت عشان اخده واتصدمت لما سمعتها بتكلم واحد في التلفون وبتقؤله ان خطتها نجحت وانها عرفت ازاي تكر*هني فيكم واني لحد دلوقتي معرفش السبب الحقيقي اللي خلي بابا يطردها وهيا انها خان*ته ، وغمض حسام عينه بوجع وكمل وقال ولما واجهتها منكرتش لا بكل قس*وة وجبروت اعترفت بكل حاجة ورفع وشه وقال بندم:
ياريتني كنت مت ولا اني عشت معاها ياريتني مجتش اصلا للدنيا واشوف كل اللي شوفته
وبص لرعد اللي كان ساكت ومش بيتكلم ولا بيقؤل حاجة بيسمعه بس وشافه قام من مكانه وجاي ناحيته وفجأة شده من كتفه قومه بع*نف وبعدين خده في حضنه بقي يحضنه رعد جامد اوووي ودموعه بتنزل علي خده بصمت وحسام فجأة فتح بالعياط وبقي حاضن رعد وهو بيقؤله ياااااااه كنت فين من زمان يا رعد انا كنت محتاجلك اووي
بجد احساسهم سعتها صعب يتوصف بعد اللي مرو بيه هما الاتنين حتي سهير بقت شايفاهم كدة وحاطة ايدها علي وشها وبتعيط وهيا بتبتسم
بعد وقت بعد رعد عن حسام وهو لسة ماسك كتافه وقاله بحزن:
ساعدني يا حسام رهف هتروح مني مرات اخوك وروحه هتضيع منه
حسام طبطب علي كتفه وقاله………..
> *≯𝐽𝐸𝑂𝑁𝐾𝑂𝐾𝑌 𝑁𝑂𝑉𝐸𝐿𝑆❀♬*
*_الـــــبـ13 🔚ــاࢪت♥⚡_*
متخفش يا رعد ان شاء الله هتبقي كويسة وانا عارف ممكن نلاقيها فين بس برضه لازم نبلغ البوليس
رعد قاله بلهفة:
طيب مستني ايه يلا وخدو وخرجو من الڤيلا وهو بيطلع فونه وبيتصل بمازن
……………….
كانت رقية قاعدة في اوضتها علي سريرها و سرحانة في مازن كانت بتفتكر المواقف كلها اللي جمعتهم سوا وافتكرت لما جت تسلم علي سيف وهو سلم عليه بدالها وابتسمت وافتكرت ملامحه وابتسامته اللي بتوترها وحست بقلبها بيدق برقت بصدمة وحطت ايدها علي قلبها وقالتله معقؤلة انت بتهزر صح يعني ده معناه ايه لالا لا اكيد مش حب صح وفجأة جه في بالها مازن وهو بيسألها عن الحب من اول نظرة ونظرته ليها سعتها اللي خلتها تتوتر وابتسمت وحست انها مبسوطة فاقت من سرحانها علي رنة الفون ومسكته لقت رقم غريب فتحت الخط وحطت الفون علي ودنها واول ما سمعت صوت مازن قلبها دق تاني كان بيقؤلها:
وحشتيني
رقية اتوترت وقالت بتردد:
مازن!!
ضحك وقالها بعشق:
قلبه والله ، هو بجد اسمي حلو كدة؟
رقية كانت حاسة ان قلبها هيخرج من مكانه وخدودها احمرت وحالتها حالة فقالتله عشان تغير الموضوع:
هو هو انت جبت رقمي منين
مازن قالها بخبث:
بتهربي ماشي عموما عيب تسألي ظابط السؤال ده المهم احم رقية قوليلي هو انتي قولتي لرعد ان رهف جاتلها رسالة منه صح؟
رقية قلبها اتقبض وقالتله:
ايوة هو في حاجة ولا ايه يا مازن رهف كويسة
مازن حاول يطمنها وقالها:
متفلقيش ان شاء الله هتكون بخير قوليلي بس انتي متعرفيش الرقم اللي بعتلها الرسالة يعني مش ورتهولك ولا حاجة او قالتلك اي حاجة
رقية اتاكدت ان رهف حصلها حاجة وقالتله ودموعها نازلة بخوف:
يبقي رهف حصلها حاجة صح بالله عليك طمني عليها
مازن غمض عينه بو*جع لما سمع صوت عياطها وقالها بحنان:
حبيبتي متخافيش والله هتبقي كويسة وانتي لازم تساعديني افتكري اي حاجة ممكن تساعدني يا رقية
رقية هزت دماغها ومسحت دموعها وقالتله:
انا شفت الرقم بس مش فاكراه كله
مازن قالها بهدوء وهو بيجيب ورقة وقلم:
حاولي يارهف تفتكري وانا معاكي اهو
………………..
فاقت رهف وهيا حاسة بصداع رهيب وعنيها مزغللة مسكت راسها بالم وربشت بعنيها كام مرة ولما استنبهت وافتكرت اللي حصل قامت بفزع وبصت حواليها بخوف لقت في اوضة نوم غريبة والباب مقفول فجريت عالباب حاولت تفتحه بس لقيته مقفول فضلت تخبط عالباب بخوف وهيا بتقؤل:
افتحو الباب انتو مين خلوني امشي وبقت تعيط بخوف وهيا بتعيط سمعت صوت خطوات بتقرب فبعدت عن الباب ورجعت لاخر القوضة بسرعة وفجأة الباب اتفتح ودخلت منه بهيرة ام رعد فبصتلها رهف باستغراب وقالتلها:
انتي مين وعايزة مني ايه يا ست انتي
ابتسمت نادين بسخرية وقالتلها:
بقي في واحدة تكلم حماتها بالطريقة دي واضح ان رعد معرفش يختار
عرفت رهف ان دي ام رعد فقاتلها :
انتي عايزة مني ايه
بهيرة لوت وشها وقالتلها ببرود:
انا لو عليا مش عايزة منك انتي انا عايزة من رعد بس هو بقي عِندي ودماغه ناشفة ومش هيديني حاجة من غير مقابل ولا ايه
بصتلها رهف بشفقة وقالتلها:
وبعد ما تاخدي اللي انتي عايزاه تفتكري هتبقي سعيدة؟ الفلوس دي هتغنيكي عن ولادك مستحيل صدقيني
حاولت بهيرة تخبي توترها وقالت بصوت حاولت تخرجه مش مهزوز:
انتي متعرفيش حاجة لما تتجوزي واحد طول الوقت مش شايفك غير ام اولاده بس وتبقي عايشة معاه وانتي عارفة انه بيحب واحدة تاني سعتها هتك*رهيه وتكر*هي نفسك حتي ولاده اللي من ريحته هتكر*هيهم قاطعتها رهف وهيا بتقؤلها بثقة:
لا طبعا الكلام ده مش صح حتي لو مريت باللي مريتي بيه عمر ما يوصل بيا الحال اني اك*ره ولادي واحاول ادمر*هم مش عشان هما ولاده هو يبقي تعاقبيهم وحاولت تستعطفها وقالتلها بحزن انتي متعرفيش رعد محتاجلك قد ايه انا عشت معاه وشوفت قد ايه هو
الرواية من قناة عالم الروايات2ميرا اي حد هيسرقها حسبي الله ونعم الوكيل فيه
محتاجلك قد ايه غيابك مأثر عليه انتي لازم تقربي منه وقربت منها شوية وكملت كلامها وقالت لسة في امل يسامحك وترجعو سوا تاني زي اي عيلة طبيعية
حطت بهيرة ايديها علي ودنها وزعقت فيها وقالتلها بدون وعي :
اسكتي مش عايزة اسمع حاجة تاني انتي متعرفيش حاجة رعد بيكر*هني عارفة يعني ايه بيكر*هني عمره ما هيسامحني محدش هيسامح امه بعد ما شافها بتخ*ون ابوه لا وكمان كانت السبب في انه يعرف ان مراته بتخ*ونه
رهف برقت من الصدمة وجسمها اترعش حست انها فقدت النطق وكررت كلامها بتوهان:
بتخ*ون ابوه ومراته كمان كانت بتخو*نه اانتي بتقؤلي ايه وسعتها جه في بالها كل حاجة كل دقيقة مرت عليها مع رعد كانت شايفة حالته كانت ازاي وتحوله لما جابت سيرة نادين مراته شافت اخر مرة لما قالها انه محتاجلها ومتسبهوش حست قد ايه هو شايل في قلبه ومستحمل دموعها نزلت في صمت وبصت لبهيرة بشفقة وفهمت انها عندها حق انه مستحيل فعلا رعد يسامحها فقربت منها وقعدت عالارض قدامها وقالتلها:
طالما عارفة انه مش هيسامحك عالاقل متخليهوش يكر*هك اكتر من كدة ارجوكي كفاية اللي هو شافه ومر بيه انا مش عايزاه يكر*هك اكتر امشي وانا والله مش هقؤله ارجوكي وبقت تعيط بشحتفة
بهيرة غمضت عنيها بو*جع وهيا من جواها ندمانة علي كل حاجة عملتلها عرفت انها خسرت عيالها وجوزها وحياتها اللي لو كان محصلش اللي حصل كان زمانهم حواليها دلوقتي فتحت عنيها وقالت بندم وصوت مخنوق :
امشي يا رهف امشي ومسكت ايديها وقالتلها برجاء وقوليلهم يسامحوني يا رهف
هزت رهف ماغها وقالتلها بحزن وهيا بتقؤم:
متشكرة اوي بعد اذنك وسابتها وجريت وخرجت من الشقة قبل ما رعد يجي ويعرف ان امه اللي كانت خاطفاها ويكر*هها اكتر…..
كانت خارجة من العمارة لما شافها رعد وهو نازل من عربيته الناحية التانية اول ما لمحها ابتسم وقال بلهفة:
رهف وهيا اول ما شافته ابتسمت وجريت عليه واترمت في حضنه وهو بقي حاضنها جامد بتملك وكأنه بيطمن نفسه انها معاه وفي حضنه فضلو كدة شوية كتير وبعدين رعد خرجها من حضنه وهو بيبصلها بخوف وبيطمن عليها وبيقؤلها بقلق:
طمنيني عليكي انتي كويسة عملت فيكي حاجة
اتوترت رهف بس خبت توترها واتكلمت بثقة وقالتله:
انا كويسة يا رعد متخفش عليا لولا مامتك كان زماني مش عارفة ايه اللي حصلي
رعد استغرب وقالها لولااها ازاي مش فاهم
ابتسمت رهف ومسكت ايده وقالتله بعدين يا رعد يلا بينا
رعد شدها لحضنه تاني وحمد ربنا انها بخير وباس دماغها وقالها بحب:
مش متخيل لو كان حصلك حاجة كان ممكن هيجرالي ايه يا رهف
رهف بصت في عيونه وهيا بتحضنه ورفعت حاجبها وقالت باستنكار:
ازاي بقي انت مش كنت ناوي تحررني يعني كدة كدة كنت هتبعدني عنك
مسح بايده علي خدها بحنان وقالها:
كنت غبي لما فكرت ابعدك عني يا رهف بس صدقيني غصب عني خفت تكر*هيني ولما تعرفي هتعذريني
ابتسمت رهف وقالتله وهيا بتحاوط وشه بايديها :
عرفت كل حاجة يا رعد وعذراك صدقني وحتي لو انت حاولت تبعدني عنك انا لازقة بغرا ومش هتعرف تخلص مني ابدا
رعد لسة هيتكلم بس سمع صوت حسام من وراه بيقؤله بسخرية وهو واقف وساند عالعربية:
هيا فقرة الرومانسية دي هتخلص امتي معلش عشان جاتلي حموضة
رهف بصت لرعد باستغراب فرعد ابتسم و هز دماغه فرهف فهمت انهم اتصالحو وان اخيرا رعد بقي عندو عيلة حواليه بتحبه فبصت لحسام وقالتله:
امم اعتقد دي نفسنة مش كدة خلاص سهلة روح شوفلك واحدة وحبها واتجوزها
ابتسم حسام وقرب منهم وقال لرهف بجدية واحراج:
انا اسف يا رهف علي كل حاجة
ابتسمت رهف وقالتله بفرحة:
ولا يهمك المهم انك دلوقتي معانا وحاوكها رعد بايديه وقالها يلا بينا وبص لحسام وقاله كلم مازن قوله ان رهف خلاص معانا
هز حسام راسه وطلع موبايله وهو بيركب العربية هو ورعد ورهف اللي كان رعد ماسكها بتملك كانها هتضيع منه وركبو هما التلاتة العربية ورجعو عالڤيلا
………………………
بعد شهر من الاحداث اللي كانت صعبة عالكل كانو متجمعين كلهم في بيت رهف كان قاعد مازن قصاد جمال ابو رقية وحاطين ايديهم في ايدين بعض والمأذون في النص وحاطط المنديل علي ايديهم ومازن بيردد وراه وعينه علي رقية اللي قاعدة جمب ابوها بتبصله بخجل وقلب بيدق وبيأكد مشاعرها اللي كانت متلخبطة واول ما المأذون قال بارك الله لكما وبارك عليكما وجمع بينكما في خير قام مازن بفرحة وقرب من رقية اللي كان قلبها بيدق من الفرحة وباس دماغها وبعدين حضنها ولف بيها
رقية كانت مكسوفة من الكل وخبت وشها في صدر مازن فنزلها وهيا لسة بين ايديه وقالها بدون مقدمات بحبك يا رقية من اول لحظة لمحت عيونك دول وهما اسروني وحلفت لتكوني ليا
ابتسمت رقية بخجل وهيا باصة في الارض ولسة هتتكلم قاطعها وهو بيحط ايده علي شفايفها وقالها:
من غير ما تقؤلي عارف انك لسة مش بتحبيني بس مجرد انك تقبلي تتجوزيني معناه انك هتحاولي و انا عندي يقين ان في يوم من الايام حبي يسكن قلبك وصدقيني مش مستعجل ومقدر كل حاج.. ومكملش كلامه لما
رقية رفعت وشها بسرعة وعيونهم اتقابلت وقالتله بلهفة وباندفاع:
ومين قالك اني كنت هقؤل كدة يا مازن انا انا بحبك اوي واكتر انت بجد احلي صدفة حصلتلي في حياتي والوقت اللي فات ده اكدلي اني اخترت صح وكفاية دقة قلبي لما عيوني بتقابل عيونك صدقني لو هكدب علي نفسي قلبي مش هيكدب يا مازن انا بجد بحبك
مازن كان سامع كل كلمة منها وقلبه بيرقص من الفرحة مش متخيل انه قدر يكسب قلبها فابتسم وغمازاته اللي بتوترها بانت وقرب منها وقالها بحب :
عارفة بعد الكلام اللي قولتيه ده هاين عليا اديكي بوسة كتب الكتاب حالا وقدامهم
رقية شهقت بخجل وضر*بته في كتفه وقالتله:
انت قل*يل الادب
ضحك مازن بصوت عالي ومسك ايديها وباسها وقالها: بس بحبك يا رقية وعمري ما حد هيسكن قلبي غيرك
كان واقف رعد وحسام جمب بعض وبيضحكو وحسام بيشاور علي مازن وبيقؤله:
بص مازن ما صدق ازاي ميعرفش انه دخل السجن برجليه العب*يط
ضحك رعد وقاله بهيام:
ده احلي سجن والله طالما مع اللي بنحبها الا هيا فين صحيح
حسام قاله بسخرية وهو بيضحك:
كاتك نيلة وانت كمان واقع علي بوزك كدة روحلها يا اخويا روحلها
رعد ضر*به في بطنه وقاله هروحلها يا اخويا اومال اقعد ابص في سحنتك خليك كدة واقف بطولك
ابتسم حسام وقاله لا انا هروح اناكف في سهير شوية وسابه ومشي راحلها وباس ايديها فابتسمت وطبطبت عليه بحب وحنان كانها بتعوضه عن السنين اللي كان فيها بعيد عنهم وهو قاعد جمبها لفت نظره روفيدا صحبة رهف داخلة من باب البيت وهيا محرجة جدا ومش عارفة حد وبدور بعينها علي رقية ومش شايفاها ، بصلها حسام وابتسم ولقي نفسه بيقرب منها وبيقؤلها : بتدوري علي حد؟
بصتله روفيدا بخجل واتوترت لما بصت في عينه فنزلت راسها بخجل وقالتله: رهف صحبتي لو سمحت هيا فين وهيا بتسأله شافت رقية وقالتله طيب متشكرة ليك رقية اهي انا رايحالها ومستنتش رده و مشيت من قدامه بسرعة وهو ضحك علي كسوفها وكان مبتسم وهو متابعها بعينه
كانت رهف في المطبخ بتحضر كاسات العصير فاجئة اتخضت وشهقت لما لقت رعد بيحضنها من ضهرها وبيقؤلها:
القمر غايب عني ليه؟
رهف لفت بسرعة وقالتله بزعل طفولي :
اخس عليك يا رعد خضتني
رعد قرب منها وباس خدها وقالها بحب:
بعد الشر عنك يا روحي بس انتي غبتي عليا فجيت اشوفك
ابتسمت رهف وقالتله : وحشتك؟
رعد قرب منها اوي وهو باصص في عنيها وقالها انتي وحشاني من زمان اووي يا رهف
بعد ما قابلتك ندمت علي كل لحظة من عمري عشتها وانا بعيد عنك وخدها في حضنه وقال وهو بيتنهد ياريتني كنت قابلتك من زمان كانت كل حاجة هتتغير
خرجت رهف من حضنه ومحبتش تجيب سيرة امه بس وعدت نفسها انها تخليه يسامحها واحدة واحدة وقالتله بحب:
بجد يا رعد يعني انا غالية عندك اوي كدة
رعد حضن وشها بايديه وقالها بهمس:
انتي مش غالية عندي بس انتي اهم حد في حياتي كلها انا بعشقك يا رهف بحبك قد عمري اللي فات واللي جاي
ابتسمت رهف وعنيها دمعت من كلامه وحضنته اوي وقالتله بنفس الهمس وهيا قريبة من ودنه:
وانا كمان بحبك يا رعد
رعد قلبه دق جامد وحضنها ورفعها من الارض وهو بيقؤلها بهيام مش اكتر مني يا فريسة الرعد ❤
اتمني تكون الرواية عجبتكم
.
*✓تـمــت بـحـمـدالله♥⚡*