الفصل 20
الجزء 20:
في صباح يوم جديد
في القاهرة
استيقظ نور وذهب للقصر لكي يطمئن على أبوه وبعدها راح على الشركة علشان يشوف شغله
وكعادته من يوم ما سما اختفت أول حاجة لازم يعملها يشوف أخبار البحث عنها ويسأل الناس اللي هو مكلفهم بالبحث عنها
__________
أما في طنطا
سما كعادتها من يوم ما وصلت للدار بتصحي تصلي الفجر وتقعد تقرأ قراءن لحد شروق الشمس وبعدها تصلي الضحى
وبعد كدة تخرج تفطر مع مها والحاج رضوان قبل ماتروح علشان تساعد الأطفال أنهم ياكلوا وكمان تساعد في تعليمهم
( الحاج رضوان :- أبو مها وهو صاحب الدار واللي بيديرها بمساعدة التبرعات اللي بتجيلهم من أهل الخير )
سما / عملت ايه يا عم رضوان في موضوع الشغل اللي كلمتني فيه
رضوان / والله يا بنتي لسه ماشوفتش الراجل صاحب الشركة أول ما اشوفه هكلمه
مها / يا بنتي احنا مش قولنا سيبك من موضوع الشغل ده بقى واهو أنتي بتساعدينا في الإشراف على الأطفال
سما / أنا قولتلك يا مها مش هقدر أنا عايزة اشتغل الشغل هو الحاجة الوحيدة اللي بتشغلني عن التفكير
مها / لا أنتي شكلك بتزهقي من القاعدة معايا انا والأطفال كتير صح
سما / لا طبعا ماتقوليش كدة دا الأطفال دول هما اللي مصبرني على اللي أنا فيه
وأنتي كمان والله اكتر من اخت ليا
بس بس
( سما سرحت شوية وبعدها عنيها اتملت بالدموع )
رضوان / خلاص يا بنتي أنا هقوم دلوقتي واروح للراجل أنا كدة كدة خلصت فطار
وأنتي اطلعي ارتاحي في أوضتك شوية
سما / لا أنا كويسة
رضوان مقاطعا لها / اسمعي الكلام يا بنتي
قومي يا مها طلعيها على أوضتها
مها / حاضر يا بابا. يلا يا سما
طلعوا الأوضة وقعدوا
مها / ممكن تقوليلي مالك بقى
سما / ماليش أنا كويسة
مها / لا يا سما ماتكدبيش قوليلي مالك
سما / عيد ميلاد نور بعد يومين
مها / طيب ودا اللي مضايقك
سما ............
مها / يا بنتي انا مابقتش فهماكي
أزاي انتي هربانة منه ومش عايزة تعيشي معاه وازاي بتفكري فيه وفي عيد ميلاده
سما / .........لا يوجد رد
مها / سما أنا جبت اخري أنتي هتحكيلي كل حاجة دلوقتي أهوه لحد الاخر
سما / مش دلوقتي يا مها
مها / لا دلوقتي احنا مش هنطلع من الأوضة هنا غير لما اعرف كل حاجة
سما / عايزة تعرفى إيه
مها / إيه اللي حصل بعد الكلام اللي هو قالهولك في المقطم
سما / وقتها أنا كنت متفاجأة من اللي سمعته خصوصا أن عمري ما حسيت ان ساهر بيبحني أو أي حاجة من دي وأنا كمان عمر قلبي مادق أو حس بحب حد غير نور
فلاش باااااااااااااااااك
سما بصدمة / يعني أنت كنت ممكن تسيبني أتجوز غيرك
نور بحزن / أيوة كنت هسيبك تتجوزيه لأني شوفت في عنيه حبه ليكي
سما / كنت هتقدر 😱
نور / أنا أقدر أعمل أي حاجة علشانك
كل شئ في سبيل إنك تكوني مبسوطة وفرحانة
وإن ابعدك عن الحزن. بالنسبالي مباحة 😔
سما / بس أنا فرحتي في قربي منك وحزني في بُعدي عنك
أنت كل شئ ليا ومهما كان في حب ليا في قلب اي انسان في الدنيا عمره ماهيكون زي حبك ليا وأنا متأكدة من كدة
وكمان مقدرش أعيش من غير الحب دا
هو اللي بيقويني علشان أعيش
أنا من غيرك ضايعة
اوعى تبعد عني يا نور اوعى
أنا عمري ما اقدر أعيش من غيرك أنت حياتي وأنت الهوا اللي بتنفسه
نور حضن سما جامد / كنت بموت يا سما كل ما احس انك هتكوني لييه هو مش ليا انا
كنت بتخنق لمجرد انك مش هتكوني معايا باقي العمر
سما / أنا مستحيل اكون لغيرك أبدا يا نور
أنت نور عنيا ونور حياتي ونور دنيتي
( نور بعد راسه شويه عن راسها لكي تكمل هي )
سما / أنت الروح يا حبيب الروح
( نور سكت سما ببوسة خطف بيها انفاسها
وقد أودع في هذه القبلة كل الكلام الذي يريد قوله رداً على كلام محبوبته )
__________________
باااااااااااااااااااااااااااك
مها / وبعد كل الكلام دا إيه اللي حصل
سما / بعدها رجعنا عن البيت وأنا وعدته إني هحط حدود في التعامل بيني وبين أي شخص وأولهم ساهر حتى أنس اللي انا بعتبره اكتر من اخوية وفعلا دا اللي حصل
مها / أزاي. والشغل
سما / أنا بعد اليوم دا كنت بشغل نفسي طول ما انا في الشركة وببعد عن ساهر على اد ما اقدر لحد ما أنا أتأكدت فعلا أنا ونور إنه خلاص مابقاش فيه في قلبه مشاعر ليا
مها / مش فاهمه
سما / كنت في الفترة دي كان إعجابه بنسمه صاحبتي ابتدا يظهر ويتحول لحب
ودا لأنهم كانوا بيقضوا مع بعض وقت كتير بحكم شغلهم سوى
مها / وبعدين
سما / بعد الفرح بأسبوع كان مفروض ساهر يرجع دبي بس أجل سفره أسبوع كمان وطلب من سكرتيرته في دبي تبعتله الاوراق المهمة وهو يمضيها في مصر
وفعلا دا اللي حصل
وطول الأسبوع دا كنت أنا بتجنبه على اد ما أقدر وكمان كنت بقرب بينه وبين نسمه
لحد بعد الفرح باسبوعين رجع أنس وتالين من شرم الشيخ
واتجمعنا عندهم بالليل كلنا علشان نباركلهم
وقتها ساهر أعلن عن حبه لنسمه وكمان طلب ايديهاوطلب مننا كلنا أننا نكون معاه تاني يوم علشان يروح يخطبها رسمي قبل ما يسافر وفعلا روحنا كلنا معاه وخطبها وأهلها وافقوا ورحبوا بيه جدا
وبعدها هو سافر علشان شغله
وأنس وتالين رجعوا الشركة
وكانت الفترة دي هادية جدا وسعيدة على الكل
كنا كلنا عيلة واحدة بنحب بعض ومتمسكين ببعض وبنوقف جنب بعض
مها بأستغراب/ طيب ليه بعدتي ليه أنتي هربانة منهم كلهم دلوقتي
سما / هقولك في يوم أنا رجعت البيت في ميعاد الغدا بس بدري شوية
فلاش بااااااااااااااااااااااااااااااااك
أول ما سما دخلت القصر سمعت صوت ضحك جاي من اتجاه المكتب بتاع نور
سما دخلت المكتب علطول / يا تري إيه اللي بيضحك حبيبي أوي ك
( سما سكتت لأنها اتفاجأت بوجود واحدة قاعدة معاه في أوضة المكتب )
نور / أهي يا ستي سما حبيبتي وصلت
سما حاسة إنها شافت البنت دي قبل كدة وشها وملامحها مش غريبة عليها
البنت / أهلا أزيك يا سما
سما / أهلا بيكي أنا حاسة اني شوفتك قبل كدة
نور / لا يا حبيبتي انتي ماشوفتهاش قبل كدة لأنها ماحضرتش فرحنا
وكمان هي مش من القاهرة علشان تشوفيها في مكان هنا
سما / أومال منين
البنت / من الصعيد
نور / أيوة يا ستي دي زينا بنت عمي
سما / أهلا وسهلا بيكي نورتي الدنيا كلها
زينا / الله يخليكي منورة بيكي أنتي
نور / زينا يا ستي فرحها بعد أسبوع وكانت جاية علشان تشترى شوية حاجات من هنا
زينا / وكمان علشان اعرفكوا معاد الفرح وتحتضروا وترجعوا ومعايا علي الصعيد انتوا وعمي كمان
نور / قولتلك هشوف الشغل واشوف بابا وأرد عليكي يا زيزي
سما / طيب هقوم انا اشوف الغدا جهز ولا لسه وأغير هدومي على ما الغدا يجهز
نور / أوك يا حبيبتي
( سما طلعت أوضتها وهي لسه بتفكر هي شافت البنت دي فين قبل كدة
فجأة سما افتكرت حاجة
مسكت تليفونها وفتحت حسابها على الواتساب
وفتحت المحادثات القديمة اللي بينها هي ونسمه
لتتأكد شكوكها أن هي دي البنت اللي نسمه شافتها مع نور في النادي وصورتهم وبعتت الصور لسما )
بااااااااااااااااااااااااااك
مها / يا اختيييييييييي اللي أنتي دخلتي المستشفى في دبي بسببها
سما / اه هي دي
مها / طيب وعملتي إيه
_____________________
في القاهرة
أنس أتصل بنور بلغه بطلب سلوى إنها عايزة تشوفه ونور وافق. وراح فعلا على بيت أنس علشان يقابل أم سما
___________
في بيت أنس
أنس جه من الشركة علشان يستقبل نور
وكانت مديحة كمان موجودة
نور / ازيك
سلوى / الحمد لله يا حبيبي انت عامل ايه
نور / كويس أنس بلغني انك عايزاني
سلوى / أيوة فعلا
نور / خير
سلوى / سما يا نور. لسه ملقيتلهاش أثر. انا هموت عليها عايزة اشوف بنتي
نور / على أساس أني أنا مش عايز اشوف مراتي
سلوى / طيب هي فين
نور بصوت عالي / دا نفس السؤال اللي أنا بسأله كل لحظة تفوت عليا هي فين مراتي فين
أنس / أهدى يا نور
نور باستهزاء / هاهاها اكتر من كدة
أنت عارف يعني ايه راجل مايعرفش مراته فين عارف يعني ايه مراتك تسيبك من غير حتى ماتقولك أو تعرفك مكانها
أنس أتضايق من اسلوب نور / طيب ما انت كمان سيبتها قبل كدة
نور / نعم. انتوا كلكوا عارفين أنا سيبتها ليه
سلوى / ملهوش داعي نتكلم في الموضوع ده
نور بصوت عالي/ وليه مانتكلمش ها ليه
أنت يا انس قصدك ان زي ما انا سيبتها زمان
هي تسيبني دلوقتي
يعني مثلا هي بتنتقم مني رجعتلي واتجوزتني وعاشت معايا وبعد كدة سابتني واتخلت عني علشان تعمل فيا زي ما عملت فيها
______________________
نكمل بكرة
فصل طويل ومن كتر طوله هيقع من طوله اهوه
ياريت تفاعل بقى
اشوفكوا بكرة
رواية( ومازال قلبي يحبك) البارت(12) بقلم:- أسماء أبوشادي
_____________________________________
في طنطا
مها / يا اختييييييييييي اللي أنتي دخلتي المستشفى في دبي بسببها
سما / أيوة هي
مها / طيب وعملتي إيه
سما / بعتله رسالة على الفون
مها / إيه
سما / قولتله فيها أطلع فوق لاوضتنا دلوقتي
مها / وهو طلع
سما / أيوة مافيش دقيقة واحدة وكان طلع
فلاش بااااااااااااااااااااااااااااااااك
أول مانور طلع
نور / ايه يا حبيبتي فيكي حاجة
سما ببرود / لا مافيش حاجة
نور بأستغراب / طيب طلبتي مني اطلعلك دلوقتي ليه
سما / مين اللي تحت دي نور
نور / ما انا عرفتك عليها. بنت عمي
سما / بس بنت عمك بس
نور / سما أنا مش فاهم حاجة
سما مسكت الموبايل وعرضتله الصور علشان يشوفها
نور / إيه الصور دي ومين اللي صورها
سما بصوت عالي / دا اللي همك يا نور مين اللي صورها
نور باستغراب / سما أنتي بتتكلمي كدة ليه
سما / هو ايه اللي بتكلم كدة ليه بقولك أزاي تقعد تتكلم كدة معاها وتمسك ايديها كمان
لا ودلوقتي جاي تعرفني عليها وتقولي بنت عمي وكمان عايزنا نروح فرحها
نور بضحك / سما أنتي بتغيري عليا
سما بصوت عالي والدموع في عنيها وصوتها مخنوق / أنت بتضحك يا نور
بتضحك أنت ماتعرفش أنا جرالي إيه بسبب الصور دي. أنا كنت هموت أنا كرهتك بسبب الصور دي
نور بصدمة / إيه سما أنتي بتقولي إيه دي بنت عمي الصغيرة وأنا بعتبرها أختي والصور دي من فترة كبيرة
من وأنتي في دبي
كان هي عندها مشكلة بسبب العريس اللي هي هتتجوزه حاليا لأن عمي كان رافض
وهي وقتها جت هنا وطلبت مني اساعدها وأنا فعلا وقتها أقنعت عمي
سما ببكاء شديد / اهيئ اهيئ اهيئ أنا كنت هموت أول ماشوفت الصور دي
حسيت وقتها أن حب عمري ضاع
تعرف أنا لما أنت قولتلي كل اللي بينا انتهى ماصدقتش
كنت بستناك وعايشة على أمل إنك هترجعلي بس لما واحدة صاحبتي بعتتلي الصور دي وقالتلي إنك خطبت
وقتها روحي راحت مني وماحستش بحاجة بعدها غير تاني يوم في المستشفى
نور بزهول / يعني وأنتي في دبي لما تعبتي ونقلوكي على المستشفى كان هو دا السبب
( سما هزت راسها بمعنى اه )
نور حضن سما جامد/ حبيبتي اسف اسف اسف مليون اسف والمليون عليكي شوية
سما / خلاص يا حبيبي المهم دلوقتي ان كل دا ماكنش حقيقى وإلا كان زماني قتلتلك أنت وهي سوى
نور بابتسامة / قولتلك مليون مرة قبل كدة
أنتي أول وآخر حب في حياتي
كلمة بحبك مش هقولها لواحدة غيرك
أنتي كل حاجة ليا ومش عايز حاجة غيرك
سما مسحت دموعها / طيب يلا ننزل علشان نتغدا معاها ما ينفعش نسبها لوحدها تحت كدة
نور بغمزة / لا ماتخلينا شوية مع بعض 😉
بااااااااااااااااااااااااااااااااااااااااااااااااااااااااااااك
مها / يعني الحمد لله طلعت بنت عمه وفي مقام أخته
سما / أيوة اخته
مها / طيب وبعدين ايه اللي حصل
سما / هي كانت إنسانة محترمة جدا ولطيفة وأنا حبيتها وكنت بعد ما بخلص شغلي بروح اساعدها في شراء الحاجات اللي هي عايزاها وقربنا من بعض جدا
وكمان اتعرفت على نسمه وتالين وماما والعيلة كلها وحبوها جدا لأنها فعلا شخصية محبوبة
وبعد 5 أيام كان لازم هي ترجع علشان تحضير فرحها وطلبت مني أقنع عمي ونور علشان كلنا نسافر معاها نحضر فرحها وكمان عزمت عيلتي كلها على الفرح
مها / وحضرتوا الفرح
سما بتنهيدة طويلة / للأسف
أنا اقنعت عمي وهو وافق ونور كمان وافق
وروحنا البيت عند عيلتي وعزمناهم
وبعد إلحاح وضغط عليهم
وافقت ماما وطنط مديحة ييجوا معانا
إنما أنس وتالين ماكنش ينفع يسيبوا الشركة هما كمان ويروحوا معانا الصعيد
وقبل الفرح بيوم سافرنا كلنا على الصعيد وياريتنا ما سافرنا
مها / ليه بتقولي كدة هما هناك عاملوكي وحش
سما / بالعكس عمه ومرات عمه وكمان أولاد اعمامه والعيلة كلها كانوا مبسوطين جدا بينا وكانوا فرحنين أوي بوجودنا معاهم معادا عمته اخت أبوه
مها / نعم ودا ليه دا
سما بحزن / لأنها لأنها كانت عايزة نور يتجوز بنتها بس هو وأبوه رفضوا
وكمان هي تبقى بنت عمته وبنت خاله في نفس الوقت
يعني عمته اتجوزت ابن عمها واللي هو خال نور
مها / اممممممم علشان كده بقى طيب وهو دا اللي مخليكي ندمانة انكوا روحتوا الفرح
سما / لأ طبعا مش علشان كده
مها باستغراب / أومال إيه
سما / لأن أنا سيبت البيت بعد الفرح وهربت زي ما أنتي بتقولي
مها / ايون ليه بقى ايه السبب
سما /
فلاش بااااااااااااااااااااااااااااااااك
بعد الفرح. وبعد ما رجعوا على بيت العيلة والعروسة راحت مع عريسها
محمد وأخوه كانوا قاعدين مع بعض في أوضة الجلوس
محمود عم نور بلهجة صعيدية / خلاص اكديه يا محمد هتمشي الصبح عامصر
محمد بنفس اللهجة / غصب عني يا اخوي الشغل ما ينفعش اسيبه اكتر من اكديه
محمود / عراحتك يا اخوي بس ياريت تبقى ترد الزيارة عاد
محمد / أن شاء الله
محمود / بس ايه طلعت واعر يا ابن أبوي
محمد / ليه بتقول اكديه يا اخوي
محمود / إيه مفكرني عبيط ولا ايه
مش أم مرات ولدك نور. هي اللي انت كنت بتحبها زمان وكنت رافض تتجوز بت عمك علشانها
محمد / دا كان ماضي يا اخوي وكمان هي ماتعرفش بالكلام ده عاد
ولا نور يعرف ولا حتى مرته
محمود / بس كيف جوزتهم لبعض
محمد / هو اللي عرفها وحبها أنا عرفت بالصدفة انها تبجي بنتها
( هما بيتكلموا وهما قاعدين لوحدهم ومكنوش واخدين بالهم أن اختهم صفية واقفة ورا الباب وسامعة كل الكلام اللي قالوه لبعض )
صفية أول ما سمعت الكلام ده
اتصدمت. أزاي ابن أخوها يتجوز بنت الست اللي هو حبها وقصاد حبها ماكنش عايز يتجوز بنت عمه واللي هي كانت صاحبتها وقريبة منها جدا
فتحت عليهم الباب ودخلت بكل عصبية وصوت عالي
( ملحوظة صفية اختهم الكبيرة وهي شديدة جدا ومن ذات القلوب القاسية )
صفية بحدة بالغة / أزاي تعمل اكديه يا محمد
محمد بذهول/ صفية
محمود / أنتي كنتي عم تتسمعي علينا يا صفية صفية / لا أنا سمعتكم بالصدفة
رد عليا وجولي أزاي تجوز ابنك لبت عشيقتك
محمد / إيه اللي انتي بتقوليه دا بس يا صفية اسكتي
صفية بصوت عالي/ لاه ماهسكتش مش مكفيك أن هي خطفت جلبك وأنت كسرت بت عمك لاه وكمان سمحت لابنك يتجوز بتها
( كل البيت راح على أوضة الجلوس على صوت صفية ومن ضمنهم نور وسما ومديحة وسلوي )
نور / في ايه يا بابا إيه اللي بيحصل هنا
محمد بتوتر / مافيش حاجة يا نور
محمود / مافيش حاجة يا ولدي اطلع يلا أرتاح أنت ومرتك وجماعتها عندكم طيارة للقاهرة الصبح يلا يا ولدي
صفية / لا في يا نور بيه يلي بقيت راجل كبير
نور بعدم فهم / في ايه انتى بتتكلمي كدة ليه
صفية / وعايزني أتكلم أزاي بعد اللي انت عملته أنت وأبوك
نور / وأنا وأبويا عملنالك إيه
محمد / معملنلهاش حاجة أطلع يا
صفية مقاطعة / لا انتوا عملتوا بس مش ليا عملتوا لأمك اللي عاشت خدامة تحت رجلين أبوك وكانت تتمناله الرضى يرضى وفي الاخر ماتت وهي ماحستش يوم منه بالحب ولا حست معاه بالراحة
نور / أنتي بتقولي إيه وإيه لازمة الكلام دا دلوقتي
صفية / لازمته إنك اتجوزت بت اللي كانت عشيجة أبوك
سلوى ومديحة وسما / اييييييييه 😨😨
نور. اتصدم بس في نفس الوقت ماصدقش اللي هي قالته / نعم ومين بقى اللي قالك الكلام ده
صفية / أسأل أبوك هو وعمك وأنت تعرف مين اللي قالي يا. يا ولد أبوك
نور بصوت عالي/ ما تتكلم يا بابا ساكت ليه
صفية / هيرد يجول ايه عايزه يجولك إنه ولا يوم حب أمك ولا يوم حسسها إنها مراته وأنها ليها مكان بجلبه
وإن اللي انت فضلتها على بت خالك وبث عمتك تبقى بنت عشيقته
نور بصدمة / بابا الكلام دا حقيقي
( محمد باصص في الأرض فنور أتكلم بصوت أعلى )
رد عليا يا بابا. رررررد
محمد / أيوة سلوى هي جارتي اللي انا كنت بحبها قبل ما اتجوز أمك
سما بصدمة / يعني الست اللي انت حكيتلي عنها تبقى أمي أنا
سلوى/ سما أنتي بتقولي إيه
مديحة / أنا مش فاهمه حاجة
محمود / يا جماعة دا موضوع قديم واتقفل من سنين
محمد اخوي كان بيبحب الست سلوى أيام ماكان عايش في القاهرة علشان يدرس
بس وقتها رجع علشان يتجوز بت عمه
والست سلوى ماكنتش تعرف اي حاجة من الكلام ده لان أبوك يا نور ولا مرة صارحها باللي في قلبه بس انا لما كنت بزوره كان بيحكيلي عنها و
نور بصوت عالي / كفاية. كفاااايه مش عايز اسمع حاجة
باااااااااااااااااااااااااااااااااااااااااااااااااااااااااااااك
سما بدموع / ساعتها بقى يصرخ ويقول كفاية كفاية مش عايز اسمع