الفصل 19
الجزء 19:
سما ونور في مكتب سما بيتكلموا مع بعض
دخلت السكرتيرة تبلغ سما عن وجود زائر
سما / طيب هو مين
قبل ما السكرتيرة تتكلم دخل أنس ومعاه ساهر
سما بفرحه / سااااااهر
ساهر مد ايده / ازيك يا سما
سما / الحمد لله انت جيت أمتي
أنس / لسه أنا جايبه من المطار طازة
ساهر مد ايده لنور / اذيك يا أستاذ نور
نور بضيق بيحاول يداريه / أهلا أزيك يا بشمهندس ساهر
ساهر / تمام الحمد لله
سما / على فكره انا زعلانة منك جدا
ساهر / ليه بس يا سما
سما / حضرتك ما بتسألش ولو حتى بالتليفون ومن يوم الفرح ماشوفتكش هو دا كلامك لينا مش كنت بتقول هنزل مصر كل شهر
ساهر / والله غصب عني أنتي عارفة ظروف الشغل
أنس / خلاص بقى يا ساسو وبعدين هو كان دايما بيسألني عليكي
سما / خلاص سماح المرة دي
أنس / المهم بقى بعد أذنك يا نور
ياريت تيجوا تتعشوا معانا النهاردة علشان نبقى كلنا متجمعين
سما / واااااااو دا احنا بقالنا كتير ما اتجمعناش
نور / اسف بس انا عندي شغل
سما برجاء/ لا بليز نور بليييييييييز وافق
وبعدين دا عشا يعني هتكون خلصت كل شغلك
نور / خلاص ماشي يا سما
سما بفرحه / هييييييه هنتجمع كلنا
نور وسما روحوا على بيتهم اتغدوا ونور بعد كدة دخل مكتبه يشتغل وسما كمان دخلت مكتبها تشتغل
____________________
بالليل في فيلا أنس
كان موجود الكل
مديحة وسلوي وأنس وتالين وساهر
وكمان نسمه اللي أنس وتالين دعوها
ونور وسما دخلوا
بعد السلامات على الكل
مديحة / والله يا ولاد انتوا نورتوا البيت كلكوا
سلوى/ اه والله فعلا مافيش احلا من اللمة دي أبدا يارب نبقى متجمعين دايما
الكل / ااااااااامين
( العشا كان لطيف جدا وكانوا كلهم مبسوطين وبيهزروا مع بعض ويضحكوا إلا نور كان متضايق جدا بس ماحبش يبين إي حاجة علشان كان شايف سما مبسوطة ومش عايز يزعلها
خلص العشا ونور وسما روحوا على بيتهم
سما كانت ملاحظة أن نور ساكت خالص مابيتكلمش وحاسه إنه متضايق بس قالت يمكن في حاجة في الشغل شغلاه
وبدأ الأسبوع اللي قبل فرح أنس وتالين وكان كله شغل وتجهيز للفرح والكل كان بيساعد مع بعض وكانوا تقريبا مع بعض دايما ونور كان بيبقى عارف وساكت مع ان جواه نار بتغلي من أن ساهر بيتكلم مع سما ويتعامل معاها بس برغم ذلك ما اتكلمش مع سما في اي حاجة خالص ومر الأسبوع سريعاً جدا على الكل وجه اليوم الموعود يوم الفرح )
سما كانت لابسه فستان وردي جميل طويل للأرض كان قط بس شيك جدا ورائع ومحترم إلى حد ما
سما كانت جميلة جدا
نور يوم الفرح كان نفسه يخبي سما ومايروحش بيها الفرح أبدا
أما ساهر فكان بيتعامل مع سما عادي جدا على انهم أصدقاء مش اكتر
حتى نظراته ليها اتغيرت
وبالعكس بدأ يحس ان سما لما رجعت لطبيعتها مع نور مش هي البنت اللي نفسه يرتبط بيها
واللي لفت نظره أن سما في وجود نور في حياتها مختلفة جدا عن وهو بعيد
أما نسمه فكانت بدأت تنجذب لساهر جدا وبتحس أن قلبها هيقف لما بيتكلم معاها
حتى ساهر كان معجب بشخصيتها جدا
أما أنس وتالين
أنس أول ما شاف تالين بفستان الفرح
عقله طار وجري عليها حضنها
وتالين كانت مبسوطة جدا وجميلة جدا
والفرح كان احلى ما يكون
وساهر كان بيحاول يتقرب من نسمه طول الفرح _________
خلص الفرح على خير ونور وسما رجعوا على بيتهم مع محمد اللي حضر معاهم الفرح
وأول ما سما ونور طلعوا اوضتهم
نور حضن سما / حبيبتي وحشتيني اووووي
سما مبتسمه / أنت وحشتني اكتر
نور. بيغمز لها / طيب ما تيجي
سما بعدم فهم / اجي فين
نور. شال سما / هقولك انا
( مش هكمل الحوار علشان الأخوة السناجل )
______________
طلع النهار
أنس وتالين راحوا يقضوا شهر العسل وتالين طلبت إنها تقضيه في شرم الشيخ لأنها عمرها مارحتها قبل كدة
__________
وسما بعد مافطرت راحت على الشركة بتاعتها لأن طبعا غياب أنس وتالين هيأثر على الشغل
لكن وجود ساهر هيساعد سما كتير
ودا كان مضايق نور كتير كل مايفتكر أن سما هتكون في مكان واحد مع ساهر طول اليوم يتجنن و يبقى عايز يمنعها تروح الشركة بس بيتحكم في نفسه وفي اعصابه
ويقول لنفسه إنه لازم يكون واثق في سما أكثر من كدة
وبعد مرور 5 أيام على فرح أنس وتالين
كان ساهر بدأ يعجب اكتر بنسمه وبتفكيرها وأسلوبها وحتى شغلها
سما اتصلت بنور وقالتله إنها مش هتقدر ترجع البيت في ميعاد الغدا لأن عندها شغل كتير
نور قرر انه يروح هو يتغدا مع سما في شركتها
__________
في شركة سما
سما في مكتبها
خبط على الباب ساهر وسما اذنتله بالدخول
ساهر / سما كنت عايزك في موضوع كدة
سما / اتفضل يا ساهر قول علطول
ساهر بتردد / بصراحة اناااا اناااا
سما / ما تخلص يا أبني أنطق
ساهر / بصي من الاخر كدة انا عايز أخطب البشمهندسة نسمه
سما اتفاجأت / إيه
ساهر/ عايز أخطب نسمه
سما بفرحة / بجد انت بتتكلم جد
ساهر / هي الحاجات دي فيها هزار
سما بفرحة / ألف ألف ربنا يسعدكوا يارب
ساهر / بس يارب هي توافق
سما / ما تقولش كدة يا ساهر أنت إنسان رائع ومحترم وناجح في شغلك وألف واحدة تتمناك وكمان تستاهل كل خير
الباب اتفتح ودخل نور
______________
نكمل بكرة مع بعض
رأيكم وتوقعاتكوا يا فريندز
رواية( ومازال قلبي يحبك) البارت(10) بقلم:- أسماء أبوشادي
____________________________________
سما وساهر قاعدين في مكتب سما بيتكلموا في موضوع ارتباط ساهر بنسمه
نور دخل المكتب بعد ما سمع تقريبا كل الحوار وعرف أن ساهر قرر يخطب نسمه
نور / سلام عليكوا
سما وساهر / وعليكم السلام ورحمة الله وبركاته
نور / اتمنى ما اكنش قاطعتكم في حاجة مهمه بس حبيت افاجاأ سما
سما بفرحه / دي احلى مفاجأة
نور بضيق بيحاول يداريه / طيب سما ممكن تمشي معايا
سما / طيب بس الشغل
ساهر / خلاص روحي أنتي يا سما وماتقلقيش
نور بلهجة أمر / يلا يا سما
( خرجوا سوا من الشركة
سما كانت حاسة ان نور متغير بقاله فترة بس كانت بتقول يمكن شغله
بس قررت تسأله يمكن في حاجة مضايقاه)
في عربية نور
سما / نور أنت في حاجة مضيقاك
نور وهو بيبص على الطريق ادامه / لأ
سما / بس انا حاسة ان في حاجة مضيقاك
نور. / لا يا سما مافيش حاجة مضيقاني
سما / طيب انا زعلتك في حاجة
نور بص لسما / سما مافيش حاجة
سما بضيق / نور أطلع على المقطم
نور / احنا هنروح علشان نتغدا
سما / نور لوسمحت أطلع على المقطم
باااااااااااااااك
عودة للوقت الحالي
واللي هو في دار الايتام وسما بتحكي لمها
سما / وفعلا روحنا هناك
مها / طيب وقولتوا إيه
سما / مها الوقت أتأخر هكملك بكرة
مها / سما بليز كملي وقولي هو قالك إيه بس علشان والله ماهعرف أنام إلا لما أعرف
سما / بس انا عايزة انام
مها / بصي هقوم اعملنا قهوة حلوة كدة واجي تكملي
سما / بس
مها بإلحاح / ما بسش خلاص بقى
________________
في القاهرة
نور بعد ما مشي من القصر راح على الشركة يمضي شوية أوراق وبعد ما خلص الاوراق جاله واحد شهاب اللي كان السواق بتاع سما
في مكتب نور
نور / ايه يا شهاب مافيش اى أخبار
شهاب / لا يا نور بيه أنا عيني عليهم كلهم في الشركة وفي الفيلا
نور / يعني ماحولتش تشوفهم وهما مابيروحوش أي مكان غير الشركة
شهاب / لا يا نور بيه من البيت للشركة ومن الشركة للبيت
نور / طيب عينك عليهم بردو ماتغفلش عنهم ابدا وكمان خليك متابع مع شركة الاتصالات ان اي رقم غريب يكلمهم تعرف عنه كل حاجة لأن هي اكيد هتتصل بيهم علشان تطمن عليهم
شهاب / اوامرك يا نور بيه تآمرني بحاجة تانية سعادتك
نور / لا اتفضل انت
شهاب / عن اذنك يا نور بيه
( بعد ما شهاب مشي نور قام وروح على شقته اللي على النيل )
________
في شقة نور
أول ما دخل خلع هدومه وأخد شور وبعد كدة راح قعد على كرسي يوجه الشرفه التي تطل على النيل
نور بتنهيدة محاولا ان يطلع حزنه فيها وغضبه / اوووووووووف أنتي فين
حبيتك اووووووووي
بس سيبتيني
يعني أنا استاهل إنك تبعدي عني
طيب يا تري بتفكري فيا زي مابفكر فيكي
طيب بتنامي فين وبتاكلي كويس ولا لأ
عايشة أزاي
اكيد الفلوس اللي معاكي خلصت
وأنتي ماسحبتيش فلوس من حسابك من اي بنك
ومشتغلتيش في اي شركة هندسة في مصر كلها
وكمان مش موجودة في اي فندق في اي مكان في مصر
ولا روحتي عند أي حد تعرفيه
ولا سافرتي برة مصر
( نزلت دموع من عنيه )
والحمد لله ملقتكيش في اي مستشفى
يعني تقريبا أنتي محصلش معاكي أي حادثة
طيب روحتي فين
الدنيا اسودت في عنيا
قلبت عليكي الكون كله ومش لقيكي
( حط أيده على قلبه وكمل بوجع )
قلبي واجعني أوي
أزاي مش عارف إنتي فين و
أزاي مش قادر اوصلك
_____________________
في فيلا أنس
وتحديدا في أوضة سلوى أم سما
مديحة وتالين وأنس قاعدين معاها
مديحة / يا سلوى قومي اتعشي معانا على السفرة بلاش تفضلي في السرير كدة كتير
سلوى / 😔😔😔😔
تالين / يا طنط كدة غلط عليكي صحتك هتروح منك
سلوى بصوت ضعيف / ماتروح وهي هتفيدني بأيه ما راح اللي أهم منها
صحتي راحت لما بنتي راحت مني
أنس / ماتقوليش كدة يا طنط سما ان شاء الله هترجع
سلوى / أمتي ها أمتي كل يوم بقول هترجع ومابترجعش
مديحة / ماتيأسيش يا حبيبتي أن شاء الله هترجع
تالين / أيوة يا طنط سما قوية جدا هي بس بعدت علشان تريح أعصابها وهترجع
سلوى / ممكن تكون جرالها حاجة ومترجعش خالص
أنس / لا يا طنط ماتقوليش كدة ان شاء الله هتبقي كويسة وهترجع
سلوى / ياااااااااارب
مديحة / طيب يلا بقى إنتي عايزاها لما ترجع تلاقيكي تعبانة كدة ولا إيه
سلوى / ماشي بس أنس أنا كنت عايزة منك حاجة
أنس / خير يا طنط إيه اللي أنتي عايزاه
سلوى / عايزاك تكلم نور ييجي يشوفني بكرة هنا
___________________
في دار الايتام بطنطا
مها عملت القهوة وشربتها هي وسما
سما / قهوتك دي مافيش منها بصراحة جميلة جدا خلتيني أحب القهوة جدا
مها / بألف هنا وشفى. يلا بقى كملي يا قلبي الله يخليكي
سما / يا بنتي حاضر هحكي أهوه احنا وقفنا فين
مها / لما روحتوا المقطم
سما / اه
فلاش باااااااااااااااااااااااااك
نور وسما وصلوا المقطم ونزلوا من العربية وراحوا وقفوا على جنب في مكانهم
نور / اديني جبتك أهوه عايزة إيه يا سما
سما / عايزة اعرف أنت مالك فيك إيه احكيلي يا نور ريحني
نور / لو حكيتلك يا سما هتزعلي مني
سما / لا يا نور مش هزعل بالعكس انا هزعل لو ماقولتليش إيه اللي مضايقك
نور. / بصي يا سما
أنتي عارفة انا بحبك أد ايه وايام دراستك في الجامعة ماكنتش بطيق إنك تتكلمي مع اي شاب خلقه ربنا لازميل ولا معيد
وأنتي عارفة كويس إني بغير عليكي
( نور نبرة صوته اتغيرت وبقى يتكلم بغضب)
وكنا متفقين ان مافيش حاجة اسمها شغل بعد الجواز
لكن للاسف بعد كل اللي مرينا بيه كان لازم اسيبك تشتغلي علشان تبني حياتك وتقدري تتخطيني
ولما رجعنا لبعض ماحولتش امنعك عن شغلك أو أي حاجة بالعكس بشجعك
لكن إنك تتعاملي مع شباب وكدة دا بيخنقني جدا
أنا متقبل علاقتك ب أنس وبانك بتعتبريه اكتر من اخوكي
مع اني ببقى هموت لمجرد انك بتتكلمي معاه بس مابظهرش ليكي أي حاجة وبستحمل
لكن إنك يكون عندك صحاب شباب كمان
وعلاقتك بساهر دي حاجة أنا مش قادر اتقبلها أبدا يا سما
( نور.رجع يتكلم بهدوء وصوته مليان حزن)
أنتي لما رجعتيلي انا كمان رجعت لنفسي
وقررت إني اتغير أكون ليكي مش بس زوج وحبيب لا وكمان اكون أب علشان أقدر أعوض غياب ابوكي عنك ومتحسيش إنك ناقصك إي حاجة في الدنيا
ولما لقيتك اتغيرتي وبقيتي انسانه طموحه وعايزة يبقى ليها كيان في شغلها وتكبر شركتها قررت اني أنا كمان اتغير ومبقاش زي زمان واقولك دا ممنوع ودا ممنوع لا
بحاول على اد ما أقدر اني أنفذ كل اللي أنتي عايزاه. بس. بس ببس
سما بهدوء / كمل يا نور ارجوك أنا سمعاك
نور / سما أنا والله بثق فيكي بس مش قادر تعبت ما اقدرش اشوفك بتتعاملي مع أي راجل غيري
وخصوصا ساهر
سما بأستغراب/و اشمعنا ساهر
نور بتردد / لأنه. لأنه بيحبك
سما بصدمة / أنت بتقول إيه يا نور
نور. / أيوة يا سما ساهر بيحبك
سما / مستحيل
نور / لا بيحبك وهو بنفسه اعترفلي بكدة
سما / إيه ودا من أمتي دا
نور / من وقت وفاة ابوكي لما روحتلك البيت علشان اخطبك أنا وبابا بعدها بأسبوع يوم ما كنت رايح أعرف ردك بس وقتها أنتي مكنتيش في البيت ويومها خرجنا نتكلم برة انا وهو وانس وأنا واجهته أدام أنس وقلتله انت بتحب سما وهو ما انكرش
سما بصدمة / يعني أنت كنت عارف قبل حتى مانكتب كتابنا
نور بحزن / لما عرفت وقتها بعدت وقولت ما ينفعش اكون أناني
انا مااستهلكيش لأني اتخليت عنك
واكيد أنتي هتختاريه هو
فكان لازم أبعد يمكن هو يقدر يسعدك ويعوضك عن اللي شوفتيه معايا
سما / طيب وايه اللي رجعك ليا
نور / لما هو مشي
وأنا شوفتك بتضيعي نفسك أدام عنيا
مقدرتش اشوفك كدة
( نور دموعه نزلت )
قولت لازم ارجعك أحسن من الاول لازم تفوقي لنفسك وتشوفي مستقبلك
حتي لو غصب عنك حتى لو هتكرهيني
باااااااااااااااااااااااااااااااااااااااك
سما بدموع / كان بيتكلم بصوت مبحوح ودموعه نازله على خده كانت بتكونيي كأنها بتنزل نار على قلبي أنا
مها / طيب خلاص بس متعيطيش
سما بعياط اكتر / مش قادرة مش قادرة
مها / طيب خلاص بصي أنا هسيبك تنامي و ترتاحي دلوقتي ونبقى نكمل بكرة تكوني هديتي
سما / ماشي
( مشيت مها وسابت سما في أوضتها
فضلت سما قاعدة كتير تفكر لحد ما نامت