الفصل 18
الجزء 18:
______________________
أنس نزل من العربية وطلب من سما تنزل وبالفعل نزلوا وسما بتبص حواليها
نور / شكرا يا أنس واسف إني تعبتك معايا
سما 😓 / نور
أنس / طيب استأذن أنا 😉
( أنس ركب عربيته ومشي وبقيت سما مع نور
سما قلقانة جدا وكل اللي شاغل تفكيرها أزاي تعتذر من نور
ومرعوبة إنه يكون زعلان منها وخايفة يطلب منها تبعد هو دا كل اللي في بالها
نور / إيه هتفضلي واقفة كدة كتير
سما بتوتر / ي يعن يعني اعمل ايه
نور مسك ايديها / تعالي معايا
( سما مشيت مع نور وكان المكان اللي هما ماشيين باتجاهه جنينة كبيرة جدا ومليانة بأنواع كتير من الأشجار ومنظرها يسحر )
نور وقف هو وسما في وسط الجنينة وقعد على العشب وأدى ظهره لسما
نور / سما أنا آسف أنا والله ماكان قصدي ارعبك كدة ومتخيلتش أن حاجة بسيطة زي دي هتخوفك بالشكل ده
سما اتفاجأت أول ما نور أعتذر منها وبتقول لنفسها / هو اللي بيعتذر مع اني أنا اللي غلطت واهنته وطردته من الأوضة
نور كمل كلامه / المفروض اكون انا امانك احسسك بالاطمئنان مش اخضك وارعبك أنتي ماتعرفيش أنا لومت نفسي أد إيه على اللي عملته وحاسس إني ما استهلكيش
سما بصراخ / نورررررررر
بس بقى كفاية
هو حصل إيه لدا كله
مش معقول لأنك هزرت معايا وعملت فيا مقلب بسيط وتافه يخلينا نعمل في بعض كدة
أنا غلطت وبالغت في رد فعلي بس صدقني والله كنت هعتذر منك بس قولت اسيبك تهدا شوية لأني عارفة ان غلطتي كبيرة ( ثم أكملت بنبرة تحمل معاني الخوف ) وبصراحة خوفت أتكلم معاك دلوقتي تض تضربني
نور / اضربك سما أنا مستحيل أعمل كدة
مستحيل امد إيدي عليكي أنا يمكن عملتها قبل كدة بس صدقيني كان غصب عني وأنتي عارفة كدة كويس
وكمان ماكنتش حاسس ان اللي كانت ادامي هي سما حبيبتي بالعكس كنت حاسس إنها واحدة كل همها تأذي حبيبتي وعمري
سما بدموع / أنا عارفة بس أنا ماخوفتش بسبب المرة الأولى أنا خوفت لأنك لما بتتعصب مابتبقاش طبيعي
نور حضنها / حبيبتي اوعى تخافي مني أنا مهما حصل مستحيل اضربك أبدا
سما / نور سامحني
بس صدقني أنا مش عارفة انا عملت كدة أزاي والله انا مقصدش
نور حط ايديه على خده وقال بمرح / الألم دا كله ومتقصديش أومال لو تقصدي يا سما كنتي عملتي ايه
سما باسته في خده / أنا أسفة حبيبي نصيبك بقى
وبعدين بصراحة أنت السبب
نور / أنا ليه ان شاء الله كل دا علشان خرجتي من الحمام لقتيني نايم على السرير
سما / لا والله
يعني حضرتك أنا واحدة جبانة وبتترعب من خيالها وبتكره الضلمة لدرجة اني مابطفيش النور لما اجي أنام حتى وأنا في حضنك
وأدخل أخد شاور أخرج الاقي الأوضة كلها ضلمة واروح اسرح شعري ابص الاقي خيال حد نايم على سريري في المرايا والف وشي الاقيه فعلا مش تهيقات وأنا عارفة ان جوزي لسه مش جاي دلوقتي ولما بييجي بيرن عليا قبل مايوصل.
وبعد كل الرعب ده يطلع جوزي عامل مقلب إيه عايزني آخدك بالحضن
نور / لا يا اختي خديني بالألم
سما / ههههههههههههه نصيبك بقى
نور / طيب صرخي زعقي اعملي أي حاجة مش يمكن حد عايز يأذيكي ومستنيكي تخرجي من الحمام
سما / يعني اللي عايز يأذيني هيسيب الأوضة كلها ويستناني على السرير
وبعدين هو أساسا هيدخل أزاي دا أنت حاطط كمية حرس على القصر ولا القصر الرئاسي ومش أي حرس دا الواحد فيهم لو بصلي بصة واحدة هيغم عليا
نور ضمها على صدره / ماحدش يقدر يبصلك أبدا مهما ان كان هو مين
دا انا كنت أدفنه حي
أنتي ماتعرفيش أنا بحبك أد أيه أنا بموت فيكي ومهما فضلت اقولك بحبك مش هقدر اوصفلك بحبك أد أيه
حبيبتي انتي بالنسبة ليا كل حاجة في حياتي مقدرش أبعد عنك لحظة واحدة أنتي سمايا وعشقي ودنيتي وعمري أنا عايش بيكي
بحبك يا سما
( سما ماردتش على نور وهو أستغرب فبيبص عليها لقاها في سابع نومة وهي في حضنه 😂😂)
نور / سما أنتي نيمتي يا حبيبتي
سما / ***
( نور شال سما بشويش وركبوا العربية وراح بيها على القصر وسما ولا اللي مقتولة لاحست وهما في الطريق ولا وهو بيشيلها ولا لما حطها في السرير
نور نيم سما على سريرهم وخلعها جزمتها وراح واخدها في حضنه وناموا هما الاتنين لأن هما الاتنين مانموش الليلة اللي فاتت
بالليل بعد ما اتعشوا سوى قاعدين مع بعض كلهم
محمد / عاملة ايه فى شغلك يا سما
سما / والله يا عمي مقصرة جدا في الشغل
محمد / طيب ليه كدة
سما / لأن في شغل كتير وانا يعتبر لسه راجعة الشغل من أسبوع
والضغط على اللي في الشركة كتير
وأنس وتالين المفروض يجهزوا لفرحهم اللي بعد أسبوعين
ومع ذلك أنا بمشي من الشركة الساعة 4 العصر وهما بيمشوا الساعة9 بالليل وأوقات بعد كدة كمان
نور / طيب انا عندي فكرة يا سما
سما / قول يا حبيبي
نور / إيه رأيك لو عملتلك مكتب هنا زي مكتبك اللي في الشركة وهحطلك فيه كمبيوتر متصل بكمبيوتر الشركة بحيث إنك تيجي من مكتبك في الشركة نتغدا وبعد كدة تكلمي شغلك هنا في مكتبك وأي حاجة مسجلاها على جهاز الشركة هتلاقيها على الجهاز اللي هنا
محمد / فكرة ممتازة
سما قامت حضنت نور / ربنا مايحرمنيش منك أبدا يا احلى نور في الدنيا
نور / هههه ماشي يا مصلحنجية بس ياريت الشغل مايخودكيش مني
سما / بغض النظر عن كلمة مصلحنجية
اطمن أنا مافيش اى حاجة فى الدنيا تقدر تاخدني منك
محمد / ربنا يعينك ويقويكي يا بنتي ويسعدكوا انتوا الاتنين يارب
سما ونور / ولا يحرمنا منك
مر أسبوع ولا يوجد أحداث سوى حب في حب وكمان نور عمل لسما المكتب علشان لما ترجع من شركتها تكمل شغل فيه
وفعلا كان دا اللي بيحصل
بس سما كانت متضايقة جدا من موضوع السواق اللي معاها دا ودايما وياها في كل خطوة وفي يوم وسما في الشركة الساعة 2 الظهر
نسمه دخلت لسما مكتبها
سما / اهلين بالاخت بسمه
نسمه / الاخت بسمه خلاص تعبت حرام عليكوا فصلت شغل شغل شغل
زهقت الشغل ما بيخلصش
سما / ههههههههههههه الله أكبر أهدي يا اختي خلي ربنا يسترها دا احنا لسه بنبتدي
نسمه / ماتخفيش يا أختي مش هحسد
بس يارب تكسبي في كافيه هنا جنب الشركة تعالي نروح نشرب حاجة ونقعد شوية ونيجي علطول
سما / والله يا بنتي ماعنديش مانع بس أنا بصراحة مش عايزة أخرج بسبب البارد اللي اسمه شهاب ده
نسمه بأستغراب / شهاب مين
سما بضيق / السواق اللي نور مخليه فوق دماغي في الرايحة والجاية
نسمه / طيب أنا عندي فكرة
سما / إيه هي
نسمه / تعالي نخلع منه ونخرج من غير ماياخد باله وكدة كدة هو مش هييجي في باله إنك هتخرجي دلوقتي لأن الساعة 2 وأنتي بتروحي الساعة 4
سما / لا يا أختي لحسن نور يزعل
نسمه/ مش هيزعل ولا حاجة وبعدين الكافيه هنا قريب ومش هنتأخر
سما بتردد / خلاص يلا
( سما ونسمه راحوا لتالين المكتب وأخدوها معاهم وخرجوا من الشركة وفعلا قدرت سما تخرج من غير ما السواق يشوفها وراحوا الكافيه )
نسمه/ ههههههههههههه للدرجة دي ما بتطقيش السواق ده
سما / يا شيخة دا بني آدم رخم وثقيل إلهي رجله تتكسر
تالين / ههههههه حرام عليكي يا سما هو عملك حاجة
سما / يا بنتي اسكتي دا بني آدم مستفز دا اللي سماه شهاب ظلمه المفروض يسموه غتت برميل رخامة
___________
في شركة نور
نور وأبوه قاعدين مع عميل علشان صفقة بس نور رافضها لأن العميل دا سمعته وحشة في السوق
العميل / بس الصفقة دي مهمة لشركتي جدا وأنا عايز اشتغل معاكوا ما تتكلم يا محمد بيه
نور / كلامك معايا انا وأنا بقولك الصفقة دي مش هتم واظن كلامي واضح
العميل / أنت كدة بتعاديني يا
نور / ماتكملش وماتقولش كلام أنت ما تقدرش تعمله واتفضل علشان وقتك خلص
العميل / ماشي ماشي يا يا نور
بعد ما العميل مشي
محمد/ ليه كدة يا نور
نور ببرود / ليه إيه
محمد / ليه تعمل لنفسك عدو جديد يا أبني
نور / أنت عارف يا بابا كويس أنا رفضت الصفقة دي ليه
محمد / أيوة عارف بس أنت كنت تقدر ترفض بطريقة تانية بدل ما كنت تطرده كدة
نور / هو اللي استفزني وحضرتك شوفت بنفسك وكمان بيحاول يضغط عليا علشان الصفقة مايعرفش اني عارف عنه كل حاجة
محمد / خلاص يا نور بس ياريت تخلي بالك اليومين دول شوية
نور / حاضر يا بابا عن اذن حضرتك بقى انا ماشي
محمد / هتمشي بدري كدة دي لسه الساعة3
نور / أصلي هفوت على سما وأخدها نتمشى شوية ونتغدا بره ماتيجي حضرتك معانا
محمد / لأ يا حبيبي روحوا انتوا وأنا هروح اتغدا في البيت وارتاح شوية
( خرج نور من شركته وركب عربيته وراح على شركة سما
الساعة3 ونص كان نور عند سما في الشركة بس السكرتيرة قالتله إنها مش موجودة في مكتبها فراح على مكتب أنس
بعد السلام والتحية
أنس / منور الدنيا كلها والله
نور / الله يخليك دا نورك. المهم انا سألت على سما مش في مكتبها اومال هي فين
أنس مايعرفش أن سما راحت من غير السواق
أنس / سما راحت هي وتالين ونسمه كافيه جنب الشركة هنا يشربوا حاجة وجايين
نور / إيه بس شهاب تحت قالي ان هي مخرجتش من الشركة وازاي هي خرجت وهو هنا
أنس / أهدى بس ما تقلقش دا الكافيه جنبنا هنا وهما زمانهم جايين
نور بعصبية / حتى لو قريب أنا منبه عليها انها ما
( قاطع كلام نور تليفون أنس اللي رن وكانت تالين اللي بتتصل )
أنس / سلام عليكوا
تالين /
أنس قام وقف / اهدي بس وقوليلي في إيه
تالين /
أنس / مستشفى إيه
تالين /
أنس / طيب سلام سلام
نور قام وقف وهو مخضوض وقال
نور / في إيه يا أنس وإيه وداهم المستشفى أنطق
أنس بتوتر / سما سمااا
____________________________
نكمل بكرة
فصل طويل أهوه
وياريت بقى تفاعل أنا بتعب واكتب الحلقة فياريت تقولوا رايكوا
واتمنى تكون عجبتكوا
رواية( ومازال قلبي يحبك) البارت (6) بقلم :- أسماء أبوشادي
_____________________________________
أنس بتوتر / سما سمااااا
نور بفزع / سما مالها أنطق
أنس / عملت حادثة وهي في المستشفى
( نور وأنس جريوا بسرعة على المستشفى اللي تالين قالت لأنس عليها وراحوا بعربية نور
نور كان بيطير بالعربية بتاعته لدرجة أن انس كان حاسس أنهم هيوصلوا المستشفى ميتين
نور كان خايف جدا ومرعوب أن سما يكون جرالها حاجة وطول الطريق حاسس انه ممكن سما تكون فارقت الحياة
وبيسأل نفسه لو دا فعلا حصل هو هيعمل ايه هيعيش أزاي من غيرها
طيب يا ترى انا هلحق أشوفها هعرف اخدها في حضني
يارب يارب أنا ماليش غيرك احميهالي يارب دي كل اللي ليا انا مش عايز حاجة غير انها تبقى كويسة يارب خد مني كل حاجة وسبهالي هي
وصلوا المستشفى وأول ما وصلوا
نور في الاستعلامات / لو سمحتي في واحدة جاية في حادثة من شوية
الممرضة / اسمها إيه يا فندم
أنس / سما عادل
الممرضة / هي في غرفة .......
جريوا بسرعة على الغرفة اللي قالتلهم عليها بسرعة
____________________
سما في غرفة الكشف
سما بتفتح عنيها / أنا فين
الدكتور / انتي في المستشفى الحمد لله على سلامتك
سما / الله يسلمك بس أنا فيا حاجة
الدكتور / لا أنتي كويسة دا جرح بسيط بس في دماغك وكدمات في زراعك الشمال مش اكتر
سما / الحمد لله طيب والبنت التانية اللي كانت في الحادثة
الدكتور / دي كويسة مافيهاش حاجة خالص
سما / الحمد لله طيب انا يعني أقدر أمشي
( نور وأنس وصلوا عند غرفة الكشف وكانت تالين ونسمه وفي بنت معاهم واقفين برة )
نور / سما فين حصلها إيه
تالين / ماتقلقش هي كويسة والدكتور عندها جوة بي
( نور مستناش لما يسمع كلامها ودخل غرفة الكشف بسرعة )
نور جري على سما وهي كانت على السرير / سما مالك
الدكتور / حضرتك مين وازاي تدخل كدة
سما / أهدى يا نور أنا كويسة حاجة بسيطة
( سما بصت للدكتور ) دا جوزي يا دكتور
الدكتور / أهلا وسهلا حضرتك اطمن المدام بخير
نور / فيها وانتوا رابطين راسها ليه وزراعها ماله
الدكتور / حضرتك دا خدش صغير في دماغها أما زراعها فادي كدمات مش اكتر ومع العلاج أن شاء الله هتبقي كويسة
نور حضن سما / يعني هي كويسة مافيهاش حاجة تانية ارجوك ريحني
الدكتور / والله مافيها حاجة أحنا عملنلها إشاعات على جسمها كله وهي كويسة وتقدر تروح مع حضرتك كمان على البيت دلوقتي
نور / الحمد لله ألف حمد وشكر ليك يارب
الدكتور / طيب استأذن أنا عن اذنكم
سما / اتفضل
( نور لسه واخد سما في حضنه وحاطط راسها على صدره
لما الدكتور خرج طمن اللي واقفين برة وسمحلهم يشوفوها وفعلا دخلوا تالين ونسمه وأنس والبنت اللي معاهم )
تالين / سما الحمد لله على سلامتك خضتينا عليكي
نسمه / ساسو حبيبتي عاملة ايه دلوقتي
أنس / عاملة ايه يعني ماهي زي العفريت أهي
سما وهي بتحاول تقوم من حضن نور / عفريت يطلعلك يا بيعد هي مين دى اللي زي العفريت
( نور مش عايز يسيب سما ولسه حاضنها رغم أن هي بتحاول تبعد عنه شوية )
أنس / لا ابدا ماتخديش في بالك دي واحدة كدة وقعت قلبي في رجليا من الخضة عليها وفي الاخر أهي زي ال
سما. بحزم / زي إيه
أنس بمرح / زي الباشا
سما بصت للبنت اللي واقفة على جنب/ أهلا أنتي كويسة حصلك حاجة
البنت / لأ الحمد لله أنا كويسة والفضل يرجع ليكي أنتي مش عارفة أشكرك أزاي
سما / لا شكر على واجب انا معملتش حاجة لكل دا
البنت / لا أزاي دا لولاكي كان زماني ميتة وكمان أنتي هنا بسببي
سما / لا ماتقوليش كدة دا نصيب
( بعد شوية البنت استأذنت ومشيت )
أنس / مين اللي كانت واقفة دي وايه اللي حصل أنا مش فاهم حاجة
( نور لسه حاضن سما وهي بتحاول تقوم)
سما / نور أنا كويسة ماتقلقش
نور سابها / إيه اللي حصل بالظبط
سما / أنا هقولكوا على اللي حصل
فلاش بااااااااااك
سما وتالين ونسمه كانوا في الكافيه وقعدوا شربوا عصير واتكلموا شوية ويهزروا وسما حكيت لهم على الموقف اللي حصل بينها هي ونور
نسمه 😂/ ههههههههههههه ههههههههههههه ههههههههههههه😂😂😂😂😂😂😂
تالين / ههههههههههههه لا مش ممكن ههههههههههههه
نسمه / ههههههههههههه ههههههههههههه ههههههههههههه بجد هههه كان نفسي هههه ابقى ههه موجودة في الموقف ده. ههههههههههههه
سما / هههههههههههه بس بقى ماتبقوش رخمين ههههههههههههه
نسمه بتحاول تبطل ضحك / لا دا انتوا مسخرة والله
سما / اتلمي يا بت
تالين / لا بجد يا سما نور سكت لما ضربتيه بالألم ماحاولش يقتلك
سما / ههههههههههههه لا يا أختي طبعا نور عمره ما يعمل كدة
نسمه / دا أنا لو مكانه كنت قتلتك
( بعد شوية قاموا علشان يرجعوا الشركة
وهما خارجين من باب الكافيه وماشين على الطريق
سما شافت بنت بتعدي الطريق بسرعة وفي عربية جاية من بعيد والبنت مش شايفاها وفي اخر لحظة قبل ما العربية تخبط البنت
سما جريت عليها وشدتها جامد على الرصيف في الجهه التانية ووقعوا هما الاتنين بس سما وقعت على زراعها وراسها اتخبطت في الرصيف خبطة بسيطة وفقدت الوعي
والناس اتلموا عليها ونقلوها على المستشفى
بااااااااااااااااااااااااااااااااااااااااااااااك
سما / بس هو دا كل اللي حصل
أنس / الحمد لله ربنا سترها
سما / الحمد لله
نور / أنا هروح اخلص حساب المستشفى على ما انتي تقومي علشان نرجع على البيت
سما / نور أ
( مشي قبل ما سما تتكلم وراح يدفع حساب المستشفى وسما بصت في الأرض )
تالين / متزعليش يا سما هو بس كان خايف عليكي جامد
أنس / وأنتي غلطتي لما خرجتي من غير ما تعرفيه أنتي ما شوفتيش شكله كان عامل أزاي أول ما عرف إنك هنا
سما / أنا ماكنش قصدي وبعدين انا ماغلطتش دا الكافيه جنب الشركة
أنس / لا يا سما غلطتي هو قالك ماتروحيش أي مكان من غير السواق
نسمه / خلاص بقى يا أنس اساسا اللي حصل حصل وبعدين انا اللي طلبت منها اننا نخرج
( نور دخل الأوضة في الوقت ده )
نور / يلا علشان نمشي
سما بتقوم من على السرير / حاضر
( خرجوا كلهم من المستشفى وكان واقف شهاب بالعربية اللي بيوصل سما بيها
نور ركب سما في عربيته وبعد كدة كلم
أنس
نور / أنس شهاب هيوصلكوا بالعربية اللي معاه مكان ما انتوا عايزين
أنس / لا يا عم على إيه احنا هناخد تاكسي
نور / عيب عليك يا أنس اركب وخلص
__________
بعد نص ساعة كان نور وسما وصلوا البيت
نور أول ما دخل / داده. يا داده
الداده جت بسرعة / نعم يا نور بيه
نور / بابا وصل
الداده / أيوة حضرتك وصل واتغدا وطلع يرتاح في اوضته
نور / ماشي جهزي الغدا ليا انا وسما هانم وطلعيه فوق
الداده / حاضر يا بيه
( طلعوا على فوق ونور من أول ما خرجوا من المستشفى لحد ما طلعوا اوضتهم ما اتكلمش مع سما خالص وأول ما دخلوا اوضتهم )
سما / نور لو سمحت ممكن نتكلم شوية
نور / بلاش يا سما بلاش نتكلم دلوقتي أحسن
سما / طيب بس اسمعني أنا
نور / ارجوكي يا سما اسمعي كلامي
( بعد شوية الداده طلعتلهم الأكل
واكلوا مع بعض ونور كان جاب العلاج اللي الدكتور وصفه لسما )
سما / الحمد لله
نور / خلصتي أكل
سما / اه شبعت
نور / طيب يلا علشان تاخدي الادوية
( سما أخدت العلاج واللي هو نوعين كبسول مسكن ومضاد حيوي وكان معاهم علبة كريم علشان الكدمات اللي في زراعها
نور / هاتي زراعك
سما / ماتتعبش نفسك أنا هحطه
نور ماردش عليها ومسك زراعها وبدأ يدهنه بالكريم بالراحة فوق الكدمات
سما اتوجعت شوية / اه اه
نور بلهفة / مالك بتوجعك أوي
سما / لا مش اوى دا علشان أنت ضغطت عليها بس
نور / طيب خلاص معلش انا خلصت
سما / شكرا يا حبيبي
نور قام وقف / هه حبيبك لسه فاكرة أني حبيبك
سما / طبعا يا حبيبي انا عمري ما انساك أو أنسى حبك وحبي ليك
نور راح عند باب الأوضة / ماهو واضح
( نور خرج من الأوضة ورزع الباب وراه
وسما قعدت فى الأوضة متضايقة وزعلانة
سما غيرت هدومها و نامت على السرير شوية وقالت لما تقوم هتصالح نور وتتكلم معاه
سما صحيت الساعة 8 بالليل وبصت حواليها لقيت نور ماطلعش فغسلت وشها ونزلت تحت تشوفه في مكتبه بس مالقيتهوش
سما / داده يا داده
الداده / أيوة يا سما هانم
سما / هو نور خرج
الداده / هو من وقت ما طلعت لحضراتكوا الغدا وبعدها بشوية شوفته بيتمشي في الجنينة وبعدها ماشفتهوش تاني
سما / طيب خلاص يا داده روحي أنتي
أنا عارفة هلقيك فين يا نور