الفصل 16
الجزء 16:
نور بيبص في عين سما / مش مصدق نفسي أنتي معايا وفي حضني بين ايديا
حاسس إني ملكت الدنيا وما عليها يا سمايا
سما / أنا كمان مش مصدقة انك خلاص رجعتلي بجد انا بحبك موت
نور / طيب ممكن تبطلي كلام بقى بدل ما آخدك ونسيب الفرح دلوقتي أنتي حرة ( مش هكمل رحمة للسناجل فقط 😂😂😂)
( الرقصة الرومنسية خلصت وفضلوا يرقصوا مع كل اللي حواليهم وسما مبسوطة جدا ونور طاير من الفرحة.
بس في عيون بتراقبهم من بعيد مليانة حزن و وجع ودي كانت عيون ساهر اللي واقف على جنب على اد ماهو مجروح وحزين إنه سما بتتجوز على اد ماكان مبسوط علشانها وعلشان شاف الفرحة في عنيها
سما ونور راحوا قعدوا على الكوشة بتاعتهم وبدأوا الناس يروحوا يسلموا عليهم
ساهر راحلهم علشان يسلم
نور اول ما شاف ساهر اضايق والغضب بان على وشه
لأنه شاف الحزن اللي في عيون ساهر
ساهر بيسلم على سما وهو مبتسم / ألف مبروك يا سما
سما بفرحة / ساااااااهر أنت جيت
ساهر / طبعا هو أنا أقدر ماجيش فرحك
سما / تعرف لو ماكنتش جيت كنت هزعل منك العمر كله
ساهر / بس بقى خليني ابارك العريس
مبروك يا أستاذ نور
نور وهو بيحاول يداري غضبه / الله يبارك فيك
(بعد ما ساهر سابهم طول الفرح نور بيفكر في النظرة اللي كانت في عيون ساهر متضايق منها بس بيحاول يداري ضيقه عن سما علشان مايزعلهاش في احلى يوم في حياتهم
خلص الفرح وطلعوا على الجناح المخصص للعرسان واللي كان منظره يهوس ويجنن مليان بالورد الجوري في كل مكان
واوضة النوم متزينة بالطريقة الهندية
نور أخد سما في حضنه برقه وحنية
سما بكثوف / نور بتعمل ايه عيب كدة
نور / عيب إيه يا حبيبتي انا مستني اليوم دا من اكتر من 5 سنين
وأنتي تيجي تقوليلي عيب
سما بخجل / نور بس بقى
نور / ههههههه بصي يا سما ادامك 5 دقايق تكوني غيرتي هدومك علشان نصلي ركعتين مع بعض
سما / أوك
( سما دخلت الحمام وغيرت هدومها ولبست ازدال الصلاة
ونور غير هدومه وصلوا مع بعض
وبعد ماخلصوا صلاة وقاموا
نور بيبص لسما بنظرة شوق بعد غياب طال سنين
سما بكسوف / بتبصلي كدة ليه
نور بيقرب على سما / مراتي وببصلها فيها حاجة دي
سما / لا ااه لا اه
نور بعد ما مسكها/ هههه هو إيه اللي لا اه
نور حضن سما وبدء يحب فيها وهي كانت مستسلمة لكل حركاته
بحبك 😘
بعشقك 😘
بموت فيكي 😘
بهواكي 😘
وشالها وحطها على السرير
وغابوا مع بعض في دنيا العشق
___________________________
في العربية بتاعة أنس وهو بيوصلهم على الفيلا
تالين قاعدة جنب أنس
ومديحة وسلوي قاعدين ورا
مديحة / يا سلوى خلاص بطلي عياط بقى مش انتي كنتي بتتمني أن هي ونور يتجوزوا وكنتي مبسوطة
تالين / كفاية يا طنط الفرحة اللي كانت في عيون سما
أنس / فعلا انا من زمان اوى ماشوفتشهاش مبسوطة ولا فرحانة أبدا وكمان الفرحة اللي كانت في عنيها النهاردة أول مرة أشوفها صراحة
سلوى ببكاء / أيوة فعلا بس أنا كان نفسي عادل يكون موجود النهاردة
مديحة / الله يرحمه وبعدين هو في مكان أحسن دلوقتي واكيد حاسس بفرحة بنته اللي مالية الكون
( وصلوا للفيلا. ومديحة وسلوي كل واحدة راحت أوضتها وتالين كمان راحت أوضتها
وغيرت هدومها وبعد شوية باب اوضتها خبط تالين / ميييين
أنس بصوت هامس / حبيبك
تالين لبست الروب بتاعها فوق القميص القطني اللي كانت لبساه علشان تنام بيه وفتحت الباب بسرعة
تالين / إيه يا انس عايز إيه
أنس / هيكون عايز إيه يعني وحشتيني وجيت اشوفك
تالين / أنس ماتهزرش أمشي بسرعة قبل ما حد يشوفك
أنس دخل الأوضة وقفل الباب / أنا مابهزرش و اللي يشوف يشوف خطيبتي ووحشتني وجيت علشان اشوفها وبعدين مش لو كنتي وافقتي على اقتراح سما كنا زمانا في حضن بعض دلوقتي
تالين / لا والله ومين بقى اللي كان هيشوف الشغل ولا كنا نقفل الشركة وبعدين دا كلها شهر وهنتجوز يعني مافرقتش
أنس مقموص/ لا فرقت أنتي عارفة الشهر فيه كام يوم واليوم فيه كام ساعة والساعة فيها كام دقيقة وال
تالين تقاطعه / بسسسسس إيه كل دا
أنت ما صدقت تفتح يلا على أوضتك يلا علشان تنام
أنس / عايزاني أخرج هاتي بوسة وأنا أمشي
تالين بكسوف / أنس أنت اتجننت
أنس قعد على السرير / خلاص أدى قاعدة
تالين بتوتر / أنس الله يخليك حبيبي قوم روح على أوضتك
أنس بيشاور على خده / خلاص هاتي واحدة بريئة
تالين عارفة انه مش هيمشي غير لما تعمل اللي هو عايزاه فقربت عليه
وباسته في خده
أنس / لا دي مش عجباني أنا عايز غيرها
تالين / لا هي دي حلوة واتفضل روح على أوضتك علشان انا عايزة أنام
أنس مسك تالين وراح بايسها في شفيفها
أنس / علشان تبقى تسمعي الكلام بعد كدة
( نسيبهم شوية مع بعض )
_______________
أشرقت الشمس سما نايمة في حضن نور اللي وهو بيتأمل ملامحها وهي نايمة
سما صحيت فنور غمض عنيه وعمل نفسه نايم
باسته على خده وبتحسس باديها على وشه وأول ما أديها جت عند شافيفه راح ماسك ايديها وبايسها
سما / إيه دا أنت صاحي
نور / أيوة يا عشقي صاحي من بدري ومستنيكي تصحي علشان نجهز ونسافر
سما / طيب يا حبيبي ما صحتنيش ليه وقومت جهزت أنت على ما انا أقوم
نور / أولا أنا ماحبتش اقلقك وكمان انا بحب اتفرج عليكي وأنتي نايمة ثانيا أحنا هنجهز سوى حضرتك
سما بتوتر / إيه لأ طبعا أنا هقوم أخد شور وبعد كدة ابقى أدخل أنت
نور ماسمعش كلامها وقام من على السرير وشالها ودخل بيها الحمام
( عرسان بقى يا جماعة )
بعد ساعتين كانوا في المطار وركبوا الطيارة علشان يروحوا يقضوا شهر العسل في باريس ______________________
نكمل بكرة
توقعاتكوا عن حياة سما ونور بعد الجواز
يا تري هينسوا كل اللي حصل ويتعلموا من الماضي ولا الأخطاء هتستمر
كومنتاتكوا أنا بقرائها وبتسعدني جدا
وكمان انا هرد عليكوا كلكم فبلاش تم دي أنا عايزة اتناقش معاكوا
ولو لقيت تفاعل حلو هنزل بكرة حلقتين
رواية( ومازال قلبي يحبك) البارت (2) بقلم:- أسماء أبوشادي
_________________________________
نور وسما وصلوا باريس وراحوا على الفندق اللي هيقعدوا فيه
نور شايل سما ودخل بيها الجناح بتاعهم وعمالين يهزروا
سما / نزلني يا نور بقى فرجت علينا الأجانب
نور / ههههههههههههه مايتفرجوا واحد و مراته وعروسته وحياته ودنيته وجايين يقضوا شهر العسل هما مالهم بقى
( وصلوا الجناح ونور نزلها وحضنها )
نور / قلبي وحشتيني
سما لفت ايديها حوالين رقبته :- وحشتك إيه ما انا معاك أهوه
نور رفعها من على الأرض وهو حاضنها :- حتى وأنتي معايا وحشاني يا عشقي وأغلى ما عندي ( وطبعا الكلام ده مش هيخلى من كام بوسة حلوة كدة )
سما بكثوف / بس بقى ويلا علشان نغير هدومنا وننزل نتفسح
نور شال سما تاني / لأ نرتاح الأول من السفر وبعد كدة ننزل
سما بترفص برجليها / لأ ماليش دعوة أنا عايزة اتفسح
نور / طيب ما أنا هفسحك يا حبيبتي بس فسحيني أنتي الأول 😉😉
( عيب كدة دول عرسان خليهم براحتهم 😂)
سما ونور نزلوا بالليل واتمشوا في الشوارع اللي تجنن واتعشوا في مطعم جميل
بعد يومين من الخروجات في باريس والفسح نور بيصحي سما الصبح
نور / حبيبتي يلا اصحي
سما / أنا صحيت اهوه
(سما بتبص لقيت نور بيجهز شنط السفر)
سما / إيه دا هو أنت بتعمل إيه
نور / بحضر الشنط علشان ماشيين
سما باستغراب/ ماشيين أزاي يعني هنرجع مصر
نور / يلا بس يا حبيبتي جهزي نفسك ومتسأليش كتير
سما / نور أنا مش فاهمه حاجة
نور / بصي يا سمايا أنتي طلبتي مني نيجي باريس وأنا نفذت طلبك وروحنا الأماكن اللي أنتي كان نفسك تزوريها كلها
بس خلاص بقى احنا مش هنقضي شهر عسلنا كله هنا لسه ورانا أماكن كتير
سما بفرحة / بجد هنروح فين
نور / مش مسمحلك تسألي ولا تعرفي أنتي
تسيبي نفسك خالص علشان احنا هنلف العالم كله
( نور أخد سما فعلا وسافروا وقضوا احلى شهر عسل وراحوا أماكن كتير جدا وبدل ما كان شهر عسل كانوا 45 يوم عسل وكانوا أسعد أتنين في الدنيا بس في الاخر رجعوا لمصر ( أم الدنيا )
____________________
في المطار
نور خارج لقاعة الانتظار في المطار وهو شايل سما على ظهرة وهي ماسكة في رقبته بزراعتها ومبسوطين جدا
كان أنس وتالين مستنينهم في المطار
أنس شافهم من بعيد / إيه دا
أنس وقع على الأرض من كتر الضحك
تالين بضحك / أنس بس علشان جايين
( نور وسما وصلوا لحد عندهم ونور نزل سما على من على كتفه )
سما / أنس وحشتني
أنس مش قادر يرد عليها من الضحك
تالين بضحك / أنتي كمان وحشتينا اوي
سما بأستغراب / انتوا بتضحكوا على إيه
أنس بضحك / اصلنا كنا فاكرين اننا جايين نستقبل عرسان جايين من شهر العسل ههههههههههههه بس طلعنا مستين واحدة راجعة من رحلة في المدرسة الابتدائية
سما بستهزاء/ هيهيهي خفيف أوي حضرتك
( ضربته على كتفة بالبوكس )
أنس / اه يا مفترية الله يكون في عونك يا نور أنت متجوز طفلة ومش إي طفلة دي طفلة شريرة
نور / بس هي احلى حاجة في حياتي
سما بزعل مصطنع / كدة يا نور يعني أنا طفلة زي ماهو قال
نور / أنتي احلى واجمل طفلة في الدنيا وإيه المشكلة لما تكوني طفلة يعني
سما / حبيبي يا نور ما اتحرمش منك أبدا
تالين / إيه الرومنسية دي كلها
( ركبوا العربية مع أنس ووصلهم على القصر بتاع نور وكان مستنيهم هناك أبو نور ومديحة وسلوي )
أول ما دخلوا
سلموا على الكل وقعدوا واتغدوا سوى
وهما على السفرة
سما / والله انتوا كلكوا كنتوا وحشني أوي
سلوى / وأنتي كمان يا حبيبتي وحشتينا كلنا
مديحة / يارب تكونوا انبسطوا في شهر العسل
أنس / هو شهر يا ماما دول 45 يوم ونص إيه ماكنتوش عايزين تيجوا
نور / فعلا والله ماكناش عايزين نيجي بس هعمل ايه بقى كان لازم ارجع علشان الشغل
محمد أبو نور / يا حبيبي قولتلك مالكش دعوة بالشغل وخليكوا براحتكوا
أنس / براحتهم إيه يا عمي حرام عليك هما يقضوا شهر عسل وأنا اخلل بقى صح
سما / ههههههههههههه اه وإيه المشكلة دا أنت هتبقى عسل لما تخلل
أنس / اه عشان ابقى عسل مخلل هيهيهي ظريفة والله امد إيدي
نور قاطعه / تمد ايدك أزاي يا ابو الانانيس
أنس فرد زراعته / امدها يمين شمال يعني همدها فين يعني
سما بضحكة شريرة / هاهاهاهاهاهاهاهاها ناس ماتجيش غير بالعين السودة
( خلصوا الغدا وأهل سما مشيوا وأبو نور طلع اوضته
ونور وسما طلعوا هما كمان علشان يرتاحوا
وانتهى اليوم بدون أحداث )
تاني يوم الصبح صحيوا ونزلوا علشان يفطروا وأبو نور كان موجود معاهم على الفطار بس خلص فطار ومشي على الشركة وبقيوا نور وسما في البيت
نور / سما خلصتي فطارك يا حبيبتي
سما / أيوة الحمد لله شبعت
نور / طيب تعالي معايا بقي علشان عايز اوريكي حاجة
( نور اخد سما على المكان اللي ورا القصر في أخر الجنينة ودخلوا سوى )
نور / إيه رأيك يا حبيبتي
سما / جميل جدا جدا جدا
نور / أنا عملت المكان دا قبل ماتتخرجي على اساس أننا كنا هنتجوز علطول
وزرعت فيه كل أنواع الورد اللي أنتي بتحبيه والصور دي احلى زكريات لينا مع بعض
سما حضنت نور / أنا بحبك أوي يا نور
نور / وأنا كمان بحبك بس أنا ليه حاسس انك مش متفاجأة بالمنظر
سما بتوتر / بصراحة أصلي شوفته قبل كدة
( سما حكت لنور وعرفته أزاي هي دخلت وشافت كل حاجة بعد ما اخدت المفتاح من درج مكتبه )
سما / نور انت زعلان مني علشان دخلت هنا من غير أذنك
نور بأبتسامة / لا يا حبيبتي انتي تدخلي أي مكان يعجبك دا بيتك وكل حاجة فيه ملكك وبتاعتك أنا أصلا عامل المكان ده علشانك
سما / ربنا مايحرمنيش منك أبدا
نور / ولا يحرمني منك. انتي ماتعرفيش أنا كنت عايش أزاي من غيرك
أنا كنت بموت من بُعدك عني كنت جسد من غير روح
سما أنا عايزك توعديني إنك عمرك ما تبعدي عني ابدا مهما حصل بينا حتى لو اتعصبت عليكي أو قولتلك سيبيني لأني من غيرك اموت
سما / بعد الشر عنك يا حبيبي ما تقولش كدة وبعدين اطمن أنا على قلبك مش هتعرف تخلص مني ابدا وراك وراك
( سما ونور قعدوا مع بعض طول النهار في المكان ده وبعد كدة رجعوا وانتهى اليوم بدون أحداث تانية )
أشرقت الشمس لتعلن عن بداية يوم جديد
وصحيوا نور وسما وجهزوا نفسهم علشان هيبدءوا شغل من النهاردة
سما خلصت لبس / يلا يا حبيبي أنا جاهزة علشان نلحق نفطر قبل ما نمشي
نور / حاضر أنا كمان جاهز يلا
( نزلوا وفطروا مع بعض ومحمد مشي على الشركة ونور قاله إنه هيحصله )
سما / حبيبي أنا كنت عايزة مفتاح عربيتي اللي أنت اخدته مني علشان اروح بيها الشغل كل يوم
نور / ليه يا حبيبتي ما السواق هيوصلك كل يوم
سما / طيب ليه انا عايزة أروح لوحدي وبعدين انا بعرف أسوق كويس
نور / بصي يا سما علشان نبقى واضحين مع بعض ونعيش مبسوطين دايما
أنتي كل يوم هتروحي الشغل بالعربية مع السواق اللي هو شهاب
لأني مش هسمحلك تسوقي عربية أو تخرجي لوحدك أبدا وممنوع منعاً باتاً إنك تروحي أي مكان من غير ما تقوليلي أوك يا حبيبتي
سما مقموصة / أوك
نور بابتسامة / طيب ممكن تضحكي بقى علشان مابحبكيش تكشري كدة
وصدقيني أنا بعمل كدة لأني خايف عليكي والله مش علشان اتحكم فيكي
سما / خلاص يا حبيبي مافيش مشكلة
( خرجوا وكل واحد راح على شركته
وسما راحت في العربية مع السواق ووصلت الشركة ودخلت على مكتبها بعد ما سلمت على نسمه صاحبتها وأنس وتالين وبدأت تشتغل )
ونور كمان راح على شركته وبدأ شغله