الفصل 13
الجزء 13:
الفصل اللي فات خلص وأبو نور وسما داخلين مكتب نور
نور / أتأخرت ليه يا بابب
محمد / ولا أتأخرت ولا حاجة يا نور تعالي يا سما
نور / أنتي مين سمحلك تخرجي من البيت
محمد / أنا يا نور طلبت منها تيجي معايا لأني بصراحة ماقدرتش أسيبها لوحدها في البيت
نور / على أساس أنها هتتخطف ولا هي قاعدة في الشارع لوحدها
محمد / محصلش حاجة يا نور أنا اللي طلبت منها تيجي معايا
نور / ماشي يا بابا خلاص
محمد / طيب يلا علشان نروح الاجتماع الناس زمانها على وصول يلا يا سما
نور / طيب ممكن حضرتك تسبقنا وأنا وسما هنحصلك
محمد / ماشي بس ما تتأخروش
نور / حاضر يا بابا
( بعد ما محمد مشي )
نور / مستأذنتيش ليه قبل ما تخرجي
سما / أنت ما سمعتش عمي قال إيه هو اللي طلب مني أجي معاه أنا لو عليا ماكنتش عايزة أجي علشان ماشوفكش أدامي
نور / طيب بابا هو اللي طلب منك تيجي معاه إنما هو اللي طلب منك تلبسي اللبس ده وتخرجي بيه
سما😌 / ماله لبسي بقى جيبة طويلة أهي
نور / وبالنسبة لاكتافك دي إيه عادي مافيش مشكلة
سما / اللي يبان مني زكاة عني 😝😝
نور😠 / إيه بتقولي إيه
سما / ماتاخدش في بالك
نور / يعني أنتي بتزكي مثلا كدة أنتي عبيطة يا بنتي
سما 😁/ لأ شكلي كدة
نور خلع الجاكيتة بتاع بدلته
نور / أتفضلي ألبسي دي وأياكي تخلعيها
سما / الجو حر وبعدين الناس تقول إيه لما تلاقيني لابسه جاكيتة حضرتك
نور / مايولعوا الناس أتفضلي ألبسي علشان ما أرتكبش جناية دلوقتي 😠😠😡😡
سما 😏 / ماشي هات
لبست سما الجاكيتة وخرجت معاه راحوا قاعة الاجتماعات وسط نظرات الموظفين على منظر سما وأول ما دخلوا كانت الناس اللي هيعملوا معاهم الصفقة لسه مجوش
محمد / إيه يا بنتي اللي لبسك الجاكيتة دي كدة
سما / 😃 أبدا يا عمي كنت برخم على نور وأخدتها منه بس خلاص هديهاله بقى علشان الاجتماع ومنظرنا مش هيبقى لطيف 😂😂
محمد / أحسن بردو
نور / بس
( قبل ما يتكلم الناس وصلوا ونور لبس الجاكيتة بتاعتة وأستقبلهم وصاحب الشركة التانية طلع العميل اللي سما كانت بتشتغل معاه في دبي ( أسمه راشد ) وهو دخل ووقف قصاد سما وبيقولها
العميل راشد / أنا بشبه عليكي أنتي سكرتيرة الأستاذ نور
سما / لا يا أستاذ راشد أنا البشمهندسة سما
راشد / عن جد شو هالصدف الحلوة أنا أستلمت المشروع من أنس وقالي إنك مرضتي بعد ماخلصتي التصاميم لهيك ما حتقدري تسلميني أياه
سما / أنا فعلا كنت مريضة شوية بس الحمد لله بقيت كويسة
راشد / بس بسم الله ماشاء الله المرض زادك جمال وهيك لون شعرك أفضل
( لو حد معاه طفاية حريق يديها لنور لوسمحتوا 😂😂😂)
محمد / إيه يا سما أنتي تعرفي أستاذ راشد
سما / طبعا يا عمي أنا أشتغلت معاه قبل كدة مرتين في دبي ومرة هنا في مصر
محمد / وياتري رفعتي راسنا في الشغل
راشد / لا رفعتها كتير البشمهندسة سما ليس لها مثيل روعة في الشغل وفي المظهر وفي الخلق
نور / طيب يا جماعة نبدأ الاجتماع ولا هنفضل نتكلم عن البشمهندسة سما وننسي الشغل ( هو أنت هنا أنا أفتكرتك مشيت😂 )
محمد / أتفضلوا أقعدوا
( بدء الاجتماع وكانت صفقة كبيرة وسما شاركت في الاجتماع كمان وكان رأيها كويس جدا وزكية والكل أعجبوا بزكائها وكلامها وبعد ما الاجتماع خلص )
راشد / بشمهندسة سما أمتي هترجعي لشغلك لأن في شغل كتير بانتظارك
( سما ماردتش وبصت في الأرض ومحمد لاحظ منظرها فرد هو )
محمد / إن شاء الله لما صحتها تتحسن علشان ماتتعبش تاني
راشد / بس أنا شايفها الحمد لله أفضل وأحلى من الأول
نور / نورتونا والله ومنور مصر كلها يا أستاذ راشد
( مشي راشد والناس اللي معاه وخرج محمد ونور وسما راحوا على مكتب محمد وبعد مادخلوا )
سما / إيه يا عمي حضرتك لسه في شغل تاني ولا هنمشي
نور / لأ مافيش شغل تاني وهتمشوا
محمد / طيب خلاص يلا يا سما
( مشيت سما مع محمد و بعدها بي 4 ساعات روح نور على البيت ودخل أوضة سما بس كانت فاضية وسئل الداده وعرف إن هما مارجعوش على البيت لما خرجوا من الشركة وأتصل نور بسما وردت عليه من أول رنة )
نور / أنتي فين يا هانم
سما / سلام عليكوا
نور / أنطقي أنتوا فين
سما أديت الفون لابوه هو يرد عليه
محمد / أيوة يا نور
نور / أنتوا فين يا بابا
محمد / أحنا 5 دقايق وهنكون في البيت يا نور عايز حاجة يلا سلام
( محمد قفل في وش نور قبل ما يرد عليه وفضل نور قاعد في القصر نص ساعة مستنيهم وشوية و وصلوا البيت )
نور / كل دا يا بابا 5 دقايق
محمد / والله يا ابني ماكنت عايز اجي الوقت وأنا مع سما بيعدي بسرعة
سما / الله يخليك يا عمي شكرا
محمد / دا أنا اللي المفروض أشكرك على أحلى وقت في حياتي دا أنا من زمان ماضحكتش كدة ولا فرحت كدة
نور / هو أنتوا كنتوا فين يا بابا
محمد / أتغدينا برة وأتمشينا على النيل شوية وروحنا محل بيعمل أيس كريم جميل
نور / نعم أيس كريم يعني حضرتك روحت تاكل أيس كريم
سما / وأيه يعني هو الآيس كريم حرام
بقولك يا عمي أطلع حضرتك أرتاح شوية وأنا هدخل أغير هدومي ولو احتجت حاجة نادي عليا
( طلع محمد على أوضته وسما دخلت أوضتها ونور طبعا دخل وراها )
نور / كنتي فين
سما / يعني أنت ماسمعتش
نور / وأزاي تعملي كدة من غير ماتعرفيني
سما / هو أنا كنت لوحدي وبعدين ما اأنت عارف إن أنا وعمي سوى
نور / وإيه اللي أنتي عملتيه في الشركة دا مش أنا قولتلك ماتخلعيش الجاكيتة
سما / وأنا قولتلك الجو حر
نور / والله وبعدين إيه اللي أنتي قولتيه دا
سما / قولت إيه
نور / مش قولتى اللي يبان مني زكاة عني طيب أنا جوزك لو هتزكي يبقى أنا أولى
( نور بيقرب على سما وهي بترجع لورا لحد ما لزقت في الحيطة ونور بقى قريب منها أوي )
نور / إيه مش مالي عينك ولا إيه
سما / 😓😓نور أبعد عني
نور / أنتي مراتي ولما بتلبسي اللبس ده معنى كدة أنك عايزة حاجة وأنا قررت أعملك اللي أنتي عايزاه
سما / 😨😨 تعمل إيه أنت مجنون
نور مسكها من كتافها العريانين / أنتي اللي عايزة كدة
سما صرخت / عاااااااااااااااااااااااااا
نور بعد عنها / بس يا مجنونة
سما / الحقني يا عمييييييييي عااااااااااااا
( محمد نزل جري على صوت سما )
محمد / في إيه مالك يا سما
سما جريت عليه وأستخبت وراه / 😢نور عايز يضربني يا عمي علشان خرجت مع حضرتك وأتفسحت
محمد بعصبية / أنت أتجننت أزاي عايز تعمل كدة
نور مذهول من اللي بيحصل😓 / والله يا بابا ما كلمتها ولا كنت هضربها أنا كنت بتكلم بهدوء معاها بس
سما / يعني أنا بتبلي عليك تصدق يا عمي إن هو يتكلم بهدوء وبس
محمد / لأ طبعا ما صدقش دا أبني متخلف وأنا عارفه
نور / أنا يا بابا
محمد / نور لو حاولت تزعل سما تاني أنا اللي هقفلك ماشي وأتفضل بقى من هنا
( نور. خرج من الأوضة وهو مش مصدق إن سما عملت كدة وبعد شوية محمد خرج وطلع على أوضته وسما غيرت هدومها وقاعدة في أوضتها وبالليل سما خرجت علشان تتعشي معاهم وبعد الأكل )
سما / عمي بقول لحضرتك إيه ماتيجي نقعد في الجنينة ونشرب الشاي هناك
محمد / والله فكرة حلوة يلا
نور / طيب أنا في المكتب يا بابا لو عوزتني
سما / 😏طيب ما تيجي تشرب معانا الشاي
نور أستغرب / ليه هو في حاجة
محمد / يعني هيكون في ايه يا أبني هو لازم يبقى في حاجة علشان تقعد معانا يلا تعالى
( خرج نور مع أبوه الجنينة وسما دخلت تجيب الشاي وبعد ما خلصت وخرجت )
سما لنفسها / وربنا لاخليك تشوف النجوم في عز الظهر يا نور
حطت سما الشاي على الطربيزة وناولت كوباية لمحمد
محمد / الله الشاي جميل يا سما تسلم ايدك
سما / أصله مغلي يا عمي وعليه نعناع من الجنينة أنا لقيته مزروع فيها
نور شرب شوية شاي ورجعهم تاني بسرعة
نور / إيه القرف ده
سما بخبث / 😢كتر خيرك أنا غلطانة أساسا أني طلبت منك تشرب شاي معانا
محمد / في حد يقول كدة ليه يعني عايز تضايقها وخلاص
نور / حقك عليا يا بابا أنا غلطان
تسلم أيدك يا سما الشاي حلو سامحيني
سما / لو عايزني أسامحك أشرب كوباية الشاي
نور 😨/ إيه لا أصل أنا ماليش في الشاي أوي
سما / 😔😔😔😔خلاص براحتك
محمد / هو انت ماعندكش دم يعني هي عملته وتعبت فيه وأنت مش عايز تشربه
( نور شرب كوباية الشاي واللي هي عبارة عن 4 معالق شاي كبار و 0 سكر يعني هيعمل أحلى دماغ 😂😂😂😂 )
أستمرت المقالب على نور من سما وطبعا نور ما بيقدرش يتكلم
نور وأبوه بيروحوا الشركة وسما بتفضل في القصر بس أبو نور بيرجع بدري علشان سما ونور كمان بيروح يتغدا في البيت معاهم وفي يوم قبل الغدا وقبل ما نور وأبوه ييجوا من الشركة علشان يتغدوا سما خرجت تتمشي في الجنينة بس بعدت شوية وراحت عند أخر الجنينة من ورا القصر وشافت مكان غريب عبارة عن أوضة صغيرة والورد مغطي حيطانها ونازل عليها وكأنها مبنية من الورود ومش باين من حيطانها غير الباب سما حاولت تفتحه وتدخل بس معرفتش فرجعت على القصر وسألت الداده
سما / داده في مكان كدة في أخر الجنينة شكله جميل وحيطانه مليانة بالورد
الداده / أيوة عارفاه دا مكان أستاذ نور بيقعد فيه أوقات هو عمله من حوالي سنتين ومانع أي حد يقرب منه
سما / طيب ليه وبعدين هو قافل الباب ليه
الداده / والله يا سما هانم معرفش حاجة
( وهما لسه بيتكلموا دخل نور وأبوه فقعدوا والداده حضرت الغدا وأتغدوا وسما ماعملتش مقالب في نور النهاردة ولما نور دخل أوضة المكتب سما دخلت وراه )
سما / ممكن أتكلم معاك شوية
نور / إيه عندك مقلب تاني عايزة تعمليه
سما / والله على حسب
نور / أزاي يعني
سما / يعني لو وافقت على اللي اأنا عايزاه مش هعمل فيك مقالب ولا أي حاجة إنما لو رفضت هعلن عليك الحرب لأني كل اللي فات دا كان حاجة بسيطة خالص
نور / هاتي من الاخر وقولي عايزة إيه
سما / ***
__________________________
نكمل في الفصل الجاي
وعايزة أعرف رأيكم
ولو سمحتوا عايزة تفاعل
بلاش نقرأ ونجري
رواية ( ومازال قلبي ينزف) الفصل السادس والعشرون بقلم :- أسماء أبوشادي
___________________________
نور / هاتي من الاخر وقولي عايزة إيه
سما / عايزة أنزل الشغل يا نور
نور / لأ يا سما
سما / والله هسمع كلامك ولما تتصل هرد عليك وهاكل كويس وأخد علاج الانيميا في معاده وهكون هنا قبل معاد الغدا
نور / لو هتعملي كدة فعلا هوافق بس بشرط
سما / تحت أمرك اللي أنت عايزة هعمله
نور / تغيري طريقة لبسك دي
سما / بس
قاطعها نور / مابسش يا كدة يا تنسي موضوع الشغل ده
سما / خلاص موافقة هنزل بقى الشغل من بكرة أوك
نور / أوك وأتفضلي بقى علشان أنا عندي شغل عايز أخلصه
سما / ماشي بس أنا عايزة أخرج شوية دلوقتي
نور / نعم هو أنتي ماصدقتي
سما / مش حضرتك عايزني أغير طريقة لبسي أنا بقى عايزة أروح أشتري هدوم وشوية حاجات
نور / طيب روحي جهزي نفسك على ما أنا أخلص اللي في أيدي ونخرج
سما / ليه هو أنت هتيجي معايا
نور / طبعا أومال هسيبك تخرجي لوحدك
سما / مش أنت بتقول عندك شغل عايز تخلصه
نور / أنتي أهم من الشغل أتفضلي
( راحوا على المول وسما تختار اللبس ونور يقولها رأيه وبعد ساعتين كانت سما أختارت هدوم كتير وكلها شيك وجميلة وخرجوا علشان يدفعوا الحساب )
سما / الحساب كام من فضلك
( سما طلعت كريدت كارد بتاعتها )
نور / أنتي بتعملي إيه
سما / هدفع حق الحاجة اللي أنا أختارتها
نور / أمشي يا سما متعصبنيش
( نور حاسب هو على حق الحاجات وبعدها خرجوا ركبوا العربية )
سما / ممكن أعرف أنت دفعتلي حق حاجتي ليه يا نور
نور / على أساس أني جاي معاكي صاحبتك مش جوزك أنتي عبيطة يا بنتي
سما / لأ شكلي كدة
نور / أنتي بتجيبي الألفاظ دي منين أنتي ماكنتيش كدة أبدا
سما / ما أنا قولتلك أنت بتتكلم مع سما تانية غير اللي تعرفها
( رجعوا على البيت وخلص اليوم بدون أحداث جديدة )
النهار طلع وسما صحيت من النوم أخدت شاور ولبست هدومها واللي هي عبارة عن (بنطلون جينس أسود وتيشرت أبيض بنص كوم عليه رسومات رقيقة باللون الاحمر )
وعملت شعرها ديل حصان وخرجت كان نور وأبوه مستنينها على الفطار
محمد / إيه دا يا سما أنتي خارجة النهاردة
سما / أيوة يا عمي هروح الشركة بتاعتي الحمد لله نور أفرج عني
محمد / ههههههه والله هتوحشيني وأنتي في الشغل
نور / ماهي هترجع البيت الساعة 4 يعني على معاد الغدا يا بابا
صح يا بشمهندسة سما
سما / صح طبعا يا أستاذ نور هو أنا أقدر أتأخر
( خلصوا فطار وكل واحد راح على شغله وأول ما سما وصلت شركتها راحت على مكتب تالين وطلبت نسمه وأنس )
أنس / منورة الشركة يا ساسو
سما / منورة بيك يا أبو الانانيس
تالين / والله وحشتيني أوي وكنت هاجي أشوفك بس المشكلة إن أحنا عندنا ضغط شغل بسبب غيابك
سما / ولا يهمك حبيبتي وبعدين أنا هاجي الشغل كل يوم يعني هكون معاكوا ونعوض اللي فات من الشغل
نسمه / معقولة نور سمحلك تنزلي الشغل
سما / أيوة طبعا يا بنتي هو يقدر يرفض
أنس / لا بجد سابك تيجي لوحدك
سما / لأ طبعا أنا جاية في العربية مع السواق اللي كان نور بعتهولي قبل كدة فاكره
أنس / هو دا يتنسي دا جسمه ضخم بطريقة بشعة
سما / دا كل الحرس والسواقين اللي عنده كدة منظرهم يخض
( كل واحد راح على شغله وسما فضلت في مكتبها لحد الساعة 3 جالها أنس وتالين ونسمه علشان يتغدوا مع بعض )
سما / لا ما أنا همشي كمان نص ساعة وهتغدا في البيت لأن نور سمحلي أنزل الشغل بشرط اأكون في البيت الساعة 4 على معاد الغدا
أنس / المهم إنه سمحلك تنزلي الشغل
سما / يلا الحمد لله
نسمه وتالين خرجوا بعد شوية وأنس فضل مع سما
سما / صحيح يا أنس عملت إيه في موضوع الفيلا اللي أتكلمنا فيه
أنس / كويس أنك فكرتيني الحمد لله لقيت فيلا حلوة أوي وكبيرة يعني هتاخدنا كلنا
سما / كلنا مين يا أبني دي أنت هتعيش فيها أنت ومراتك بس
أنس / لا يا سما احنا هنعيش كلنا مع بعض ونفضل دايما مع بعض
سما / طيب وتالين
أنس / دا رأي تالين أساسا وأقتراحها لأن هي اأرتاحت وأحنا مع بعض وحاسة بالعيلة واللمة اللي هي محرومة منها وطلبت مني إني أشوف شقة كبيرة علشان الكل ياخد راحته فيها
سما / هو أنت مقولتلهاش على الفيلا ولا وريتهالها
أنس / إن شاء الله هفاجأها بيها النهاردة
سما / ربنا يارب يوفقلكم المهم أنا همشي أنا بقى علشان مأخرش
( مشيت سما ورجعت على البيت وأتغدت مع نور وأبوه وأستمر الحال على كدة أسبوعين وفي يوم نور جه من الشغل بدري وكان قاعد في المكان اللي ورا القصر في اأخر الجنينة وسما وصلت البيت الساعة 3 ونص والداده قالتلها إن نور جه وفي الجنينة سما ماصدقت الداده قالتلها كدة علشان تروحله وتشوف المكان دا في إيه وقبل ما توصل كان نور خارج من الأوضة دي وقفل بالمفتاح سما شافته من بعيد فرجعت تاني على القصر ونور رجع وراها ودخل أوضة المكتب وسما شافته داخل وهو باين عليه متدايق فدخلت وراه وأول مادخلت شافته بيحط مفتاح المكان اللي كان فيه في درج المكتب
نور / إيه يا سما عايزة حاجة
سما / هو أنت مالك في حاجة مديقاك
نور / لأ مافيش حاجة بس مصدع شوية
سما / طيب هو عمي مجاش معاك علشان نتغدا
نور / جه وفي أوضته فوق
سما / طيب يلا علشان نتغدا
( أتغدوا مع بعض وسما دخلت أوضتها تشتغل شوية فيها ونور وأبوه رجعوا على الشركة يكملوا شغل )
بعد مرور أسبوع أخر
كان أنس أشتري الفيلا وجهزها وراحوا عاشوا فيها هو وتالين ومديحة وسلوي علشان كل واحد فيهم يكون ليه اوضته الخاصة بيه ويكونوا على راحتهم أكثر وطبعا سلوى ماكنتش موافقة بس الكل أقنعها إنها تعيش معاهم وكل الأيام اللي فاتت أنس بيحاول يقنع سما تقابل أمها بس هي بترفض
وفي يوم سما رجعت على القصر في معاد الغدا بس نور أتصل بيها وقالها تتغدا هي لأنهم عندهم شغل في الشركة مهم وإن هما هيرجعوا البيت على معاد العشا
سما أتغدت لوحدها ودخلت أوضتها أشتغلت شوية وبعدين حاسة بالزهق فخرجت تتمشى في الجنينة وجه في عقلها فكرة
سما دخلت أوضة المكتب بتاع نور وفتحت دورج المكتب وأخدت المفتاح
وراحت المكان وفتحت ودخلت
( وياريتها ما دخلت )
سما بذهول وصدمة / إيه دا مش ممكن