الفصل 12
الجزء 12:
____
كم أشتقت إلى هذا الحضن
وكم طال أشتياقي
كم أنتظرتك طويلا ولكنك لم تأتي
__________
سما في حضن نور حاسة بالأمان اللي كانت مفتقداه حاسة إن هي عايزة تفضل في حضنه على طول وتعيط فيه علشان ترتاح من الوجع اللي في قلبها وفي حوار جواها
قلبها / خلاص بقيتي في حضنه رجعلك تاني متسيبهوش
عقلها / لأ دا بيتهيألك هو مرجعلكيش
قلبها / لفي أيدك حولين رقبته وأحضنيه أنتي كمان وعوضي اللي فاتك
عقلها / أوعى تعملي كدة هيكسرك تاني
قلبها / لا مش هيكسرك دا بيحبك موت بدليل انه بيهتم بيكي وبيخاف عليكي وبيسيب شغله ويقعد جنبك
سما فضلت في حضن نور دقايق لاهي قادرة تبعد ولا قادرة ترفع أيديها تحضنه هي كمان وجواها صراع بس اللي وقف الصراع ده نور
نور / وحشتيني أوي يا سماااياااا
كأن الكلمة دي كانت كفيلة تهز سما وخليتها تزق نور وتبعده عنها وتقاوم حضنه
سما بصوت عالي/ أنا مش سماك فاهم
أنا يمكن رجعت شبها تاني بس أنا مش هي فاهم
نور / لا أنتي سمايا
سما / لا مش أنا متفتكرش أني رجعت تاني لأ مش هرجع تاني أنا رجعت شكلي زي ماكان بس أنا مارجعتش زي زمان ولا في حاجة هترجع زي زمان أنا واحدة تانية خالص وأتفضل أطلع برة
( نور أتصدم من اللي سما عملته وخرج بسرعة وطلع أوضته بس ماقدرش يقعد فيها فغير هدومه ونزل بسرعة وراح على شركته كانت الساعة 1 الظهر
أما سما فقعدت في أوضتها ساكتة ما بتتحركش ولا بتعيط ولا بترمش ولا أي حاجة كأنها تمثال وكل اللي في عقلها إن هي عملت الصح وإن نور حتى مش ندمان إنه سابها وأتخلي عنها ولا حتى أعتذر منها على بعاده عنها وشوية وباب أوضتها خبط أفتكرته نور فماردتش
أبو نور / سما
سما عرفت إنه أبوه / أدخل
أبو نور / إيه أنتي كنتي نايمة ولا إيه
سما / لا حضرتك ماكنتش نايمة بس أنت مش كنت في الشركة
أبو نور / ما أنا لما لقيت نور جه الشركة قولت أرجع أنا أقعد معاكي بدل ما تقعدي لوحدك
سما / بس أنا مش عايزة حد يقعد معايا وعايزة أبقى لوحدي
أبو نور / خلاص يا بنتي أنا أسف عن أذنك
( بعد ما مشي سما أتكسفت من نفسها وقالت أنا أزاي عملت كدة مهما كان دا كبير وله أحترامه أنا لازم أروح أعتذرله
وخرجت سما من أوضتها
سما / يا داده يا داده
الداده / أيوة يا سما هانم
سما / هو فين عمي
الداده / خرج من عند حضرتك راح أوضته
سما / طيب هي فين أوضته دي
( الداده طلعت مع سما الدور التاني ووصلتها لحد أوضة محمد أبو نور ومشيت الداده وسما خبطت
محمد / أدخل
سما / عمي ممكن أعتذر من حضرتك أنا والله ما كنت أقصد
محمد / ولا يهمك يا بنتي أنا مازعلتش منك وبعدين أنا اللي المفروض أعتذر منك مع اأني عارف إني مهما أعتذرت مش كفاية
سما / لا يا عمي ما تقولش كدة حضرتك ماعملتش حاجة
محمد / تعالي يا سما أقعدي ماتتكلميش وأنتي واقفة
سما / مش عايزة أضايق حضرتك
محمد / تضايقيني دا أنا ببقى مبسوط لما بشوفك ومتعرفيش ببقى ندمان أد اإيه على اللي عملته فيكي أنتي ونور
سما / خلاص يا عمي دا نصيبنا وبعدين أنت مغلطش
محمد / لا يا سما غلطت لما سقيت أبني من نفس الكاس اللي أنا شربت منه
سما / مش فاهمه حضرتك تقصد إيه
محمد / قصدي كاس الفراق و وجع القلب
سما / حضرتك تقصد إنك كنت بتحب وبعدت عن اللي بتحبها
محمد / أيوة يا سما أنا حبيت وعشقت كمان بس للأسف
سما / طيب ليه إيه اللي حصل
محمد / أنا أصلي من الصعيد ومكانش ينفع أتجوز غير بنت عمي وأبوية كان مصمم وأنا مقدرتش أخالف كلامه كنت وقتها عايش هنا في القاهرة بدرس في الجامعة لسه بس روحت أتجوزت بنت عمي ورجعنا أنا وهي عيشنا هنا وخلصت الجامعة وفتحت شركة وكبرتها وبقيت زي ما أنتي شايفة
سما / طيب واللي كنت بتحبها عملت ايه
محمد / أنا كنت بحبها بس قبل ما أرجع الصعيد علشان أتجوز عرفت إنها بتحب زميلها في الجامعة ومتفقين على الجواز فعرفت إن حبي ليها كان من طرف واحد علشان كدة وافقت على جوازي من بنت عمي وآتجوزتها
سما / طيب وأزاي قدرت تعيش كدة مع واحدة ما بتحبهاش
محمد / هي كانت طيبة جدا وبتحبني وبعدين لما نور جه الدنيا نور حياتي كلها علشان كدة سميته نور و لما هي ماتت رفضت أتجوز بعدها علشان نور وعيشت علشانه حياتي كلها وكنت بعمل أي حاجة علشان يبقى مبسوط بس للأسف حرمتكوا من بعض
سما / خلاص يا عمي دا كان نصيبنا أحنا مش مكتوبلنا نكمل مع بعض كدة
( سما وهي بتتكلم فجأة لقيت أبو نور تعب وأتخضت عليه جدا )
سما / عمي أنت كويس
محمد بتعب / متخافيش أنا كويس
سما / لأ حضرتك مش كويس أنا هتصل بالدكتور
( قبل ما محمد يعترض كانت سما نزلت تحت بسرعة وطلبت من الداده تكلم الدكتور وطلعت تاني ساعدت محمد ينام على السرير وقلعتله الجزمة من رجليه مع أنه أعترض بس هي ماسمعتش الكلام
الداده بعد ماكلمت الدكتور كلمت نور وقالتله إن نور تعبان
وصل الدكتور وبيكشف على محمد وسما معاهم في الأوضة
نور وصل تحت
نور / داده فين بابا وإيه اللي حصله
الداده / معرفش والله يا نور بيه هو كان قاعد مع سما هانم فوق في أوضته شوية ولقيتها نازلة بسرعة بتقولي أتصل بالدكتور بسرعة فأنا كلمته وبعد كدة كلمت حضرتك
نور / سما وهي إيه اللي طلع سما أوضة بابا
الداده / هي طلبت مني أطلعها وأنا طلعتها
( وهما بيتكلمه نزلت سما و معاها الدكتور فنور جري بسرعة على الدكتور )
نور / بابا ماله يا دكتور
الدكتور / ماتقلقش هو كويس ضغط دمه كان عالي بس شوية وأنا كتبتله على نوع برشام معين يمشي عليه شوية لحد ما يتظبط
نور / طيب ماشي شكرا معلش تعبنا حضرتك
( الدكتور مشي وسما كانت طالعة تاني عند محمد بس نور شدها من زراعها ودخلها أوضتها وقفل الباب وراه )
نور / إنتي قولتى إيه لبابا علشان يتعب كدة
سما / نور أنت أتجننت
نور بعصبية / أيوة فعلا أتجننت لما فكرت إن أنتي ممكن تكوني سما اللي أنا حبيتها
أنتي فعلا مش هي ولا عمرك هتكوني هي لأن سمايا أنا مستحيل تعمل زي ما أنتي بتعملي سمايا كانت بتحبني بجنون ومستحيل تأذيني أو تنتقم مني في أبوية
إنما أنتي حتى متشبهيش ليها تقدري تقوليلي أنتي زورتي أبوكي بعد ما مات كام مرة ها
سمايا أنا عمرها ما كانت بتبعد عن أبوها لحظة واحدة
سما ببرود / خلصت ولا لسه
نور / يا برودك يا شيخة أنتي ملعندكيش دم
سما ببرود / أيوة أنا فعلا معنديش دم وأنا زي ما انت قولت كدة ودا اللي أنا كنت بحاول أعرفهولك بس أنت اللي كنت مش مصدقني وأظن كدة أنا أثبتلك الحقيقة ممكن بقى تسيبني أمشي من هنا
______________________
نكمل بكرة إنتظروني
ياريت بلاش القراءة الصامتة
لو لقيت تفاعل حلو هسهر النهاردة وأنزل كمان حلقة
رواية ( ومازال قلبي ينزف) الفصل الرابع والعشرون بقلم:- أسماء أبوشادي
____________________________________
الفصل اللي فات خلص وسما بتقول لنور إنها عايزة تمشي
نور / أيوة قولي كدة بقى قولي أنك عملتي كدة علشان أخليكي تمشي من هنا
سما / ما أنا قولت أهوه
نور / دا بعدك أنتي مش هتمشي من هنا أبدا فاهمه مش هتمشي من هنا ولو فكرتي مجرد تفكير بس إنك تخرجي من هنا هكون قاتلك يا سما سمعتيني هقتلك وأنا وراكي لحد ماتفوقي من اللي أنتي فيه دا
( نور قال كدة وخرج راح أوضة أبوه علشان يتطمن عليه )
نور / بابا عامل ايه
محمد / الحمد لله كويس يا نور
نور / بابا أنا أسف أرجوك ماتزعلش من سما هي بس أعصابها تعبانة اليومين دول ومابتفكرش في الكلام قبل ما تقوله
محمد / سما وهي قالت إيه ولا أنا أزعل منها ليه
نور / مش هي السبب في تعب حضرتك
محمد / لأ طبعا أحنا كنا بنتكلم مع بعض وأنا تعبت فجأه
نور أوعى تكون زعلت سما
نور / بابا أنت بتتكلم جد يعني سما ماقلتش حاجة تزعلك
محمد / رد عليا أنت زعقت مع سما
نور / ______
محمد قام من على السرير ونور حاول يمنعه بس معرفش ونزل تحت خبط على أوضة سما ودخل علطول ونور وراه بس مالقيوش سما ونور شاف الحمام لقاه فاضي فخرجوا يسألوا عليها الداده
محمد /أنتي ماشوفتيش سما
الداده / سما هانم في المطبخ يا بيه
نور / وهي بتعمل ايه في المطبخ
في الوقت دا سما خرجت من المطبخ وشايلة صينية عليها أكل و شوربة وعصير
سما / وأنت مالك سما بتعمل إيه في المطبخ ولا هو أنا ممنوع أدخله
أبو نور / حبيبتي أنتي تدخلي أي مكان أنتي عايزاه والكل هنا تحت أمرك
سما 😊/ الله يخليك يا عمي أنا دخلت علشان أجيب لحضرتك أكل علشان تاخد العلاج بعده
محمد / طيب ليه يا حبيبتي تتعبي نفسك كدة ما الداده ولا أي حد من الخدم كان جابه
سما / كدة يا عمي يعني حضرتك مش عايزني أنا أجيب الأكل وعايز الخدم اللي يجبوه يعني قرفان مني ولا إيه
محمد / لا يا حبيبتي ماتقوليش كدة أنا مش عايز أتعبك
سما / لا مافيش تعب ولا حاجة وبعدين إنت إيه نزلك من فوق مش الدكتور قال لحضرتك ترتاح
محمد / أنتي قولتيلي هوصل الدكتور وأرجع على طول لما أتأخرتي قولت أنزل أنا
سما / ما أنا أخرت علشان أجيب معايا الأكل ونتغدا أنا وحضرتك فوق يلا بقى أتفضل حضرتك علشان نطلع
( محمد طلع هو وسما على أوضته ونور كل ده واقف مكانه مستغرب من اللي بيحصل وأزاي سما بتعمل كدة مع إن هو لسه مزعق معاها ومزعلها وكمان متغاظ إن هي وأبوه طلعوا يتغدوا مع بعض ومحدش فيهم قاله تعالى أتغدا معانا ( همه على بطنه 😂😂)
فوق في أوضة محمد وهما بياكلوا سوى
محمد / نور زعلك صح
سما / متشغلش بالك بيا يا عمي
محمد / أزاي يعني أنتي زي بنتي وأكتر كمان ولو زعلك قوليلي وأنا أعلمهولك الأدب
سما / لا يا عمي هو ما زعلنيش
محمد بشك / متأكدة
سما / أيوة يا عمي
( سما لنفسها / ماتقلقش يا عمي شيلاك لوقت عوزه دا أنا هعلمك الأدب يا نور 😏)
بعد مرور أسبوع
( طول الأسبوع دا محمد كان قاعد في البيت مابيروحش الشركة وسما كانت دايما معاه إما هي في أوضته إما هو في أوضتها كانوا فطار وغدا وعشا مع بعض أما نور فكانت سما بتتجاهله جدا وهو كان بيفضل طول النهار في الشغل مكانش بيشوفها غير قليل جدا علشان يتطمن أنها بتاخد العلاج )
سما قاعدة في أوضتها لوحدها بعد ما أتغدت مع محمد وسابته ينام شوية ونور جه من الشركة بدري على غير العادة ودخل لسما
سما😒 / خير في حاجة
نور / بصي يا سما أنس جالي النهاردة الشغل وكان زعلان ومتدايق وطلب مني يشوفك وهو قاعد بره دلوقتي
سما 😆/ أنس هنا
نور / أيوة هنا يا سما بس ياريت تعرفى حاجة واحدة أنتي مش هتمشي من هنا فياريت تعدى المقابلة دي على خير
سما 😏/ موافقة بس بشرط
نور / إيه هو الشرط ده إن شاء الله
سما / تديني الموبايل بتاعي اللي أنت أخدته مني
نور / مش موافق يا سما ومش عايزة تقابلي أنس ماتقبلهوش
سما 😠/ لا أنا هقابله بس هقوله إنك بتضربني وبتعذبني وبتحرمني من الاكل وبتشتمني
نور / أنا بعمل كدة يا سما
سما / وأبو كدة وأم كدة وعائلة كدة كلها يا أما تلخص وتديني تليفوني
نور / ماشي يا سما أنا هديكي التليفون بس مش علشان اللي قولتيه لأ علشان أنا كدة كدة كنت هديهولك بس لو أتصلت بيكي مرة ومردتيش هاجي أكسره فوق دماغك
سما / ماشي ماشي هاته بقى
نور / طيب أطلعي قابلي أنس على ما أنا أجبهولك من أوضتي
سما 😏/ لأ أخد الفون الأول وبعد كدة أقابله
نور / أنا لو مش عايز أديهولك مش هقولك هطلع أجيبه على فكرة
سما / خلصت أطلع هاته بقى
( نور طلع جاب لسما الموبايل وأدهاولها وبعدها خرجوا راحوا لأنس اللي ملطوع في الصالون سما أول ما شافت أنس جريت عليه حضنته وأنس باس دماغها وحضنها وكل ده ونور واقف هيولع
نور / مش كفاية أحضان بقى ونقعد
سما / أصله واحشني أوي
أنس / وأنتي كمان وحشاني موت
نور لنفسه وحش لما ياكلك
أنس / عاملة ايه يا حبيبتي في حد مزعلك
نور / طيب أنا هسيبكوا شوية ماشي
بعد ما نور مشي
أنس / عمل معاكي حاجة أزاكي أتعرضلك
سما / مايقدرش هو أنا شوية ولا أيه
أنس / سما بتكلم جد أنتي كويسة
سما / يا أبني ماتقلقش أنا كويسة جدا كمان
أنس / طيب هو اللي خلاكي تغيري لون شعرك صح هو اللي غصبك ترجعيه زي الأول
سما / لأ
أنس / طيب إيه اللي خلاكي تعملي كدة
( سما حكت لأنس على كل حاجة وأزاي نور كان بيهتم بيها وهي تعبانة وإن هي قربت من أبوه وأن أبوه بيحبها جدا وإن هي قاعدة في أوضة وهو قاعد في أوضة )
أنس / طيب يعني أنتي هتفضلي قاعدة هنا لحد أمتي
سما / مش عارفة بس هو مش هيسبني أمشي وكمان أنا مش همشي غير لما أضايقه شوية وأردله حاجة من اللي عملها معاية
أنس / بلاش يا بنتي علشان دا عصبي
سما / ولا يقدر يعملي حاجة طول ما أنا هنا
أنس / طيب ليه
سما / علشان أبوه مش هيسمحله وزى ما أمي كانت بتوقف معاه أبوه بيوقف معايا
( سما قعدت مع أنس أكتر من ساعة يرغوا وبعد كدة أنس مشي وهي دخلت أوضتها وأنتهي اليوم بدون أحداث )
طلع النهار ونور مشي على الشركة بدري علشان في أجتماع مهم وسما طلعت أوضة محمد لقيته بيجهز نفسه علشان رايح الشركة
سما :- يعني حضرتك هتروح الشركة
محمد :- أه يا سما علشان في أجتماع مهم ولازم أحضره
سما 😔 / خلاص يا عمي روح بس حاول متأخرش عليا علشان هتوحشني
محمد / وأنتي كمان هتوحشيني والله
بقولك ايه يا سما ما تيجي معايا الشركة النهاردة نحضر الاجتماع سوى
سما / ياريت بس نور مش هيوافق دا ممكن يقتلني لو خرجت من هنا
محمد / ولا يقدر يعمل حاجة إنزلي غيري هدومك وأجهزي علشان هتيجي معايا
( سما ماصدقت ونزلت لبست جيبة جينس قصيرة عند الركبة شكلها شيك بس خربتها ولبست فوقيها قط أسود وعملت شعرها كحكة وسابت منه خصلتين على وشها وطبعا أكتافها وجزء من صدرها باين )
ركبت سما العربية مع محمد أبو نور وهما خارجين من بوابة القصر
احد الحرس / يا محمد بيه نور بيه مانعنا إننا نسمح للهانم تخرج
محمد / أنت أتجننت ولا إيه الكلام ده لو خارجة لوحدها مش معايا
( مشيوا وراحوا على الشركة وكان نور في مكتبه بيحضر شوية أوراق وفاضل على الاجتماع كام دقيقة بس ومحمد عز دخل المكتب وسما معاه
محمد / سلام عليكم
نور وهو بيبص في الورق / وعليكم السلام ورحمة أخرت ليه يا با
مكملش الكلمة أول مارفع وشه وشاف سما
____________________