الفصل 7
الجزء 7:
_______________________
سما / أنا أخدت قرار مهم
أنس / وإيه بقى هو القرار المهم دا
سما / إني مش هسيب ماما لوحدها هنا
مديحة / ومين قالك يا حبيبتي أننا هنسيبها لوحدها
سلوى / سما أنا مش هسيب المكان اللي عيشت فيه عمري كله مع أبوكي وأسافر
سما / ومين قال لحضرتك أني بطلب منك تسافري وتسيبي المكان ده
ساهر / سما قصدك إيه
سما / ما حضرتكوا لو توقفوا التحقيق شوية وتسمعوني هكمل كلامي علشان تفهموا
تالين / خلص أحكي سما
سما / أنا قررت أفتح شركة صغيرة هنا أبدأ منها شغل جديد
أنس قام وقف وبصوت عالي / ومين قالك أني هسمحلك تقعدي هنا أصلا لوحدك
سما ببرود / ومين قالك أني هبقي لوحدي أنا معايا ماما
سلوى / بس يا حبيبتي الشركة دي محتاجة فلوس كتير
أنس / يا طنط أنتي بتقولي إيه هي المشكلة فلوس ' المشكلة أنا مش هقدر أسيبكوا تقعدوا هنا لوحدكوا
سما / ماتقلقيش يا ماما من جهة الفلوس أنا معايا مبلغ كويس من شغلي في دبي وبابا سايبلي مبلغ في حسابي في البنك وهاخد قرض صغير وأبتدي واحدة واحدة
أنس / سما أنسي اللي في دماغك دا مستحيل يحصل
مديحة / وليه مستحيل يا أنس
أنس / أنتي بتقولي إيه يا ماما دي عايزة تفضل هنا هي وطنط لوحدهم
مديحة / طيب وليه ما نفضلش أحنا كمان معاهم هنا وكفاية سفر بقى وبدل ما سما تاخد قرض من البنك تفتح أنت معاها الشركة وتكونوا مع بعض هنا
أنس / وشغلي هناك يا ماما أعمل فيه إيه ما ترد يا ساهر أنت ساكت ليه
ساهر / أرد أقول إيه يا أنس الفكرة حلوة جدا هي إينعم هتتسبب في خسارة لشركتي لأن أتنين من أكبر مهنديسنها هيسبونا بس الفكرة جامدة وأنا كمان أعرف ناس كتير هنا وهساعدكوا
( أنس سابهم ودخل البلكونة وتالين أستأذنت وقالتلهم إن هي عايزة تتكلم معاه )
تالين / أنس ممكن أتكلم معاك شوية
أنس / مش وقته يا تالين أنا عايز أبقى لوحدي شوية
تالين تجاهلت رده ووقفت جنبه / أنت ليه مش موافق على الشغل هنا في مصر
أنس أتفاجئ من كلامها / نعم إنتي اللي بتقولي كدة
تالين / أيوة يا أنس أنا بقول كدة لأني حاسة أني السبب في رفضك
أنس / تالين أنا ماينفعش أسيب سما هنا لوحدها وكمان مقدرش أتخلى عنك وأسيبك أنتي كمان هناك لوحدك
تالين / ومين قالك إني أنا هفضل هناك لوحدي
أنس / تالين أرجوكي أتكلمي علطول
تالين / أنس أنا كمان هشتغل معاكوا هنا وهدخل شريكة معاكوا كمان
أنس / تالين أنتي بتتكلمي جد هتسيبي دبي وتشتغلي هنا علشاني
تالين / لا يا أنس قبل ما يكون علشانك هو علشان نفسي
أنس / قصدك إيه
تالين / قصدي أني لوحدي طول عمري وأنا لوحدي بس من يوم ماعرفتك أنت وسما وطنطا مديحة وأنا حاسة أني ليا أهل وعيلة زي كل الناس وخصوصا وأنا بقعد وياكوا على السفرة وناكل كلنا مع بعض أنت متخيل أن دي حاجة أنا ممكن أسافر وأسيبها
أنس / طيب وحياتنا اللي هناك وشغلنا وشقتنا
تالين / نسافر نخلص كل حاجة في أسبوع أو أتنين بالكتير ونرجع علطول نبدأ هنا
أنس حضن تالين / أنا بحبك أوي و مش عارف أقولك إيه
سما دخلت عليهم فجأة / أنا متقولش حاجة يا بشمهندس أنس أنا اللي هقول
تالين زقت أنس بعيد / سمااااااا
سما / أيوة يا أختي سما أتخضيتي ولا إيه
وأنا اللي جاية أشوفك يا أنس بحسبك متضايق أتاريك مصدقت دخلت البلكونة
أنس / بس يا بت أجري غوري من هنا
سما / لا يا برنس أنت اللي هتغور وتسافر وتعمل زي البت دي ما قالتلك وترجعوا علطول علشان هتيجوا تلاقوني جهزت الشركة وجهزت كل حاجة
أنس / أنتي كنتي بتتجسسي علينا يا سما وتسمعي أحنا بنقول إيه
سما / طبعا أومال أنت فاكر هسيبك تستفرد بأختي لوحدكوا
أنس / أختك. أختك منين إن شاء الله إذا كنتي أنتي مصرية وهي لبنانية
سما / وانت مالك متدايق ليه ولا منغاظ علشان طلع عندي أخوات غيرك
تالين الدموع نزلت من عنيها وحضنت سما جامد / سما أنا مش عارفة أقولك إيه
سما / لا يا حبيبتي ما تقوليش أي حاجة أنا اللي هقول
( سما بعدتها عنها شوية ومسحت دموعها وبعد كدة بصت لانس وقالتله )
بشمهندس أنس مافيش أحضان وكلام من دا تاني غير بعد كتب الكتاب مفهوم ولا أفركش الجوازة دي
أنس / تفركشي إيه يا أختي دا لا أنتي ولا عشرة زيك أجرى غوري يا بت مالكيش دعوة بينا أنتي
تالين / لأ طبعا ليها مليون دعوة دي أختي
أنس / من أولها كدة بتتفقي معاها عليا
( خلص النقاش بين الكل في الموضوع ده وقرروا أن أنس وتالين هيسافروا مع ساهر علشان يخلصوا كل حاجة هناك في دبي وأنس قرر إنه هيبيع شقته اللي هناك وعربيته وينهي شغله في الشركة ويسلم الاوراق اللي معاه هناك وتالين قررت أنها هتبيع عربيتها والذهب اللي ورثته عن مامتها وكانت محتفظة بيه للوقت ده وهتاخد كل حاجتها من الشقة اللي كانت ساكنة فيها وهتجمع كل الفلوس اللي عندها علشان تدخل بيها الشركة مع أنس وسما
أما ساهر فكان راجع وهو متضايق جدا أن خلاص بعد ما أتصاحب عليهم وأقرب منهم وأتعود عليهم خلاص هيسيبوه ويرجعوا مصر ومش هيشوفهم غير كل فين وفين لما يزوروه أو هو يزورهم )
وبعد أسبوع أستعدوا التلاتة للسفر على دبي على أتفاق أن تالين وأنس راجعين تاني بعد أسبوعين وساهر وعد سما إنه هييجي يزورهم علطول كل شهر
وسافروا وسابوا سما تجهز الشركة وتدور على مكان مناسب ينفع يكون شركة وتجهز كل حاجة علشان يبدءوا شغلهم في مصر
وبعد أسبوعين رجع أنس وتالين بعد ماجمعوا فلوسهم كلها وحولوها في حسابات بأسمائهم في البنك في مصر
وكانت سما جهزت كل شئ والأوراق المطلوبة وأختارت مكان الشركة وكانت عبارة عن فيلا صغيرة جدا مكونة من طابقين بجنينة صغيرة
بس موقعها كويس ليهم جدا وأنس وتالين عجبهم المكان جدا وكملوا الإجراءات كلها
وأنس كان مستغرب جدا إن كل حاجة بتخلص معاهم بسهولة كبيرة بس ما شغلش دماغوا بالموضوع ده
وبعد شهر من بعد موت عادل تم اأفتتاح الشركة وبدءوا شغل وبقى يجيلهم شغل كتير وكأن الناس كانت مستنياهم يفتحوا الشركة دي علشان يروحلهم بالشغل و في يوم ساهر أتصل ب أنس
أنس / حبيب قلبى أزيك
ساهر / أنا الحمد لله كويس أنتوا الشغل عامل معاكوا إيه
أنس / الحمد لله تمام الشغل نازل علينا زي المطر كأنه كان مستنينا
ساهر / ربنا معاكوا أتمنالكوا التوفيق يارب
أنس / بس يا ساهر أنا شاكك في حاجة
ساهر / إيه هي
أنس / أحنا كل حاجة معانا كانت سهلة أوي وكمان الإجراءات خلصت في أقل من شهر وأحنا أهوه بقالنا شهر وكام يوم بدئين والشغل يعتبر جالنا من تاني يوم
ساهر / يا بني دي تسهيلات من ربنا
أنس / ونعم بالله يا ساهر بس صدقني الموضوع في حاجة غلط ودا قالقني أوي
ساهر / طيب وسما رأيها إيه في الموضوع دا
أنس / سما 'ههههههه سما مين يا ساهر هي سما بقت بتاخد بالها من حاجة خالص غير الشغل يا أبني دي أوقات بتنام في مكتبها
ساهر / طيب يا أنس هو أنت مابتشوفش نور
أنس / نور. وإيه اللي هيخليني أشوفه أنا من يوم ما سما تعبت وأحنا في المقابر ماشفتهوش بس ليه بتسأل عنه
ساهر / لا اأبدا أنا بس بسأل
أنس / ساهر أنت قصدك إيه ريحني
ساهر / يا بني ماتقلقش المهم بس قبل ما أنسى أنا بكلمك ليه
أنس / خير يا ساهر في حاجة
ساهر / العميل اللي سما أشتغلت معاه مرتين قبل كدة فاكره
أنس / طبعا فاكره ماله يعني
ساهر / قابلته بالصدفة وسئل على سما وفرح جدا لما عرف إنها فتحت شركة في مصر وأخد منى عنوانكوا ولما ينزل مصر هيجيلكوا في شغل
أنس / أنت بتتكلم جد العميل دا عايز يشتغل مع شركتنا
ساهر / أيوة طبعا بتكلم جد هي الحاجات دي فيها هزار
أنس / الخبر دا هيبسط سما أوي
ساهر / هي عاملة إيه دلوقتي يا أنس
أنس / والله ما عارف أقولك إيه يا ساهر دي بقت بتشتغل ليل مع نهار لدرجة أنها أوقات بتنسي تاكل أو تشرب و اأمها قلقانة عليها أوي لأنها بقت بتتجنب الكل
ساهر / وانت فين يا أنس أزاي تسمحلها تعمل كدة أزاي تسيبها في الحالة دى
أنس / والله يا أبني أنا حاولت كتير معاها بس هي أسلوبها أتغير أوي وبتتجاهل كلامي وكلام أي حد تاني كأنها عايشة في دنيا لوحدها
ساهر / طيب أقفل يا أنس أقفل
أنس / ماشي سلام بس ماتحاولش تتصل بيها لأن هي بتقفل موبايلها طول ما هي بتشتغل
( دا كان حال سما من يوم وفاة أبوها واللي هو بقالوا شهرين
نشوف بقى حال نور بعد الشهرين دول إيه *"
أبو نور / نور أنت مالك اليومين دول حالك مش عاجبني
نور بلا مبالاة / ماله حالي مش عجبك في إيه
أبو نور / يا أبني أنا شايفك علطول تايه وسرحان وعصبي على أتفه الأسباب من يوم البنت المجنونة دي اللي اسمها سما ماجت هنا وانت مش طبيعي
نور وقد ترك الاوراق التي كان يمسكها / بابا لو سمحت ماينفعش تتكلم عنها بالطريقة دي وياريت لو ماتتكلمش عنها خالص
أبو نور / أنت بتعلي صوتك عليا يا نور طب ما تضربني أحسن
نور وهو يهدأ من نفسه / بابا لو سمحت أنا عملتلك اللي أنت عايزه وسبتها وبعدت عنها فياريت أنت كمان ماتجبش سيرتها وشيلها من دماغك خالص
أبو نور / مش لما أنت تشيلها من دماغك الاول أبقى أنا أشيلها
نور والحزن باين في عنيه / هي مش في دماغي علشان أسيبها دي في قلبي يا بابا
( ثم أكمل وهو يشاور على قلبه والدموع في عنيه وملامحه أتغيرت )
هي هنا يا بابا وعمرها ما هتطلع أبدا و هتفضل طول العمر في أعلى مكانة في قلبي وماحدش هيدخله غيرها
أبو نور أتآثر جدا بحالة أبنه وقال وهو سرحان وعقله بعيد / فعلا اللي بيكون في القلب صعب أوي يتنسي
نور لاحظ حالة أبوه / بابا عمر ما حد هيحس باللي أنا فيه يا بابا أبدا
( دا كان حال نور وسما بعد الشهرين دول )
ساهر بعد مكالمته مع أنس قرر ينزل مصر تاني يوم بعد ما خلص الاوراق اللي ممكن الشغل يقف عليها و سافر ووصل مصر الساعة 8 باليل وراح على فندق حجز فيه قبل ما ينزل غير هدومه وبعد كدة راح على بيت سما )
في بيت سما الكل متجمع على السفرة بيتعشوا بس سما طبعا مش معاهم لأنها في الشركة
رن الجرس وأنس فتح الباب
أنس / ساهر إيه دا جيت أمتي
ساهر / يا أبني طيب سلم عليا و دخلني الأول وبعد كدة اسأل
( دخلوا هما الاتنين وساهر سلم على الكل )
ساهر / علشان كدة مادخلتنيش علطول أتاري الموضوع في أكل
أنس / عيب عليك تقول كدة
سلوى / أقعد يا حبيبي يلا علشان تتعشي
ساهر / طبعا هقعد دا أنا هموت من الجوع وبعدين ألاكل دا وحشني أوي
مديحة / بالهنا والشفا يا حبيبي
ساهر / أومال فين سما هي لسه بردو مابطلتش عادت أنها تنام من غير عشا
أنس / ههههههههههههه هي فعلا ما بتحبش تتعشا أبدا بتخاف على نفسها لا تتخن
تالين / سما في الشركة و زمانها جاية
ساهر / في الشركة دلوقتي دي الساعة قربت على 10
سلوى / والنبي يا ابني أنت طيب أوي دي أوقات بتيجي الساعة 12 وأوقات تانية بتبات هناك في الشركة
ساهر / يعني هي ممكن تبات هناك النهاردة
تالين / لأ هي قالتلي هتيجي الساعة 10
سلوى / ربنا يهديكي يا سما يا بنتي ويحمكيي ويشيل الحزن من قلبك
أنس / آيوة يا طنط أدعيلها
( وبعد نص ساعة سما دخلت البيت وكانت الساعة 10 بالضبط )
سما / سلام عليكم إيه دا ساهر أنت جيت أمتي
ساهر / هو في إيه هو أنا وجودي مضايقوا أوي كدة كل اللي يشوفني يقولي جيت أمتي
سما سلمت عليه / لا والله دا أنا مبسوطة جدا أني شوفتك بس كنت قولتلنا علشان نستنالك في المطار
ساهر / لا أنا قولت أعملها مفاجأة وبعدين كنت هقول لحضرتك أزاي وأنتي موبايلك دايما مقفول
سما / والله غصب عني أنت عارف أحنا لسه في أول الطريق ولازم نجتهد علشان نعمل لنفسنا أسم ولا أنت مش عايز حد يكبر غيرك يا أستاذ ساهر
ساهر / والله ربنا اللي يعلم أنا بتمنالكوا النجاح أد إيه كلكم
( بعد ساعة كلام ورغي كتير )
ساهر / طيب أستأذن أنا بقى علشان أسيبكوا ترتاحوا
سما / تسيب مين وتستأذن مين أنت
ساهر / يا بنتي أنا حجزت في فندق وهقعد فيه
أنس / نعم فندق إيه يا ساهر أنت بتهزر ولا إيه أحنا فينا من كدة
سلوى / ليه كدة بس يا حبيبي طيب ما البيت أهوه
مديحة / أنت مش هتمشي من هنا هتقعد معانا
ساهر / والله يا طنط ما هينفع وبعدين شنطتي هناك في الفندق
سما / مش مشكلة الصبح تروح حضرتك تجيبها
ساهر / يا بنتي أنا خلاص بقى مش مشكلة
أنس / سيبيه يا سما شكل البيت مش من مقامه علشان كدة مش عايز يقعد فيه
سما / لا يا أنس أنا عرفت هو مش عايز يقعد هنا ليه ' علشان مش عايز ينام معاك في أوضة واحدة بس بصراحة معاه حق
أنس / لا والله شايف يا ساهر
ساهر / إيه أنتوا هتعملوا عليا حفلة ولا إيه
تالين / ريح دماغك مش هتخلص معاهم
ساهر / أمري إلى الله هقعد معاكوا هنا
( وافق ساهر وقعد معاهم وبعدين دخلوا ناموا كلهم والصبح صحيوا وكانوا قاعدين بيفطروا كلهم وبردو سما مش موجودة وساهر سئل وعرف أنها تقريبا مابتقعدش في البيت خالص وبتيجي بس علشان تنام وتغير هدومها
بعد الفطار أنس وساهر نزلوا علشان يجيبوا شنطة ساهر من الفندق وتالين راحت الشركة لوحدها
وبعد ما جابوا الشنطة راحوا على الشركة علشان ساهر يشوفها
المكان عجب ساهر جدا وكل حاجة فيه كانت جميلة
وطلعوا على مكتب أنس و فضلوا يتكلموا مع بعض وأنس بيحكيله عن الشغل اللي قاموا بيه وساهر فعلا أستغرب إن الشغل دا جلهم في شهر واحد
وبدءو يبحثوا في الموضوع دا سوى وبعدين
ساهر / أحنا كدة عرفنا مين ورا كل التسهيلات دي والشغل دا كله
أنس / أنا مش مصدق نفسي ومش قادر أفهم هو ليه بيعمل كدة
ساهر / اللي بيحب بيعمل أكتر من كدة
أنس / يحب هو مين دا اللي يحب لو كان بيحبها ماكنش بعد عنها وسابها بعد مازهق منها
ساهر / طيب تفسر دا بأيه واللي عمله لما عمي عادل مات
أنس / أحساس بالذنب
ساهر / لا يا أنس أنت ما شوفتش اللي أنا شفته
أنس / وأنت شوفت إيه أنا مشفتوش
ساهر / فاكر يوم الوفاة لما سما تعبت وهو شالها وداها اأوضة في المستشفى
أنس / أيوة فاكر هو دا يوم يتنسي
ساهر / يومها بعد ما طلب مننا نسيبها لوحدها
أنا روحت معاك ولما أنت أخدت المهدأ ونمت أنا سبتك وروحت أشوف طنط وأطمن عليها لقيته دخل أوضة سما وقعد جنبها وفضل يعيط
( ساهر حكي لانس كل اللي سمع نور بيقولوا لسما )
أنس / طيب لو هو بيحبها بجد سابها ليه وأتخلي عنها
ساهر / دا اللي أحنا لازم نعرفه
أنس / ولازم ليه ماخلاص مش هيفيد بحاجة
ساهر / مين قالك أنه مش هيفيد أنت مش شايف سما حالتها عاملة أزاي
أنس / عاملة أزاي يعني ماهي كويسة أهي ونسيته ومابتفكرش في حاجة غير شغلها
ساهر / لا يا أنس سما ما نسيتش نور ولا لحظة ولا عمرها هتنساه هي بتضحك أدامنا وبتبين نفسها قوية بس هي من جواها في حزن كبير دفناه جواها وخوف كبير كل يوم بيكبر أكتر
أنس / خوف وهي سما هتخاف من إيه
ساهر / من كل اللي حوليها خايفة ان حد تاني يسيبها زي ما نور سابها وأبوها كمان هي معندهاش ثقة في حد بدليل أنها بتتجنب حتى أنها تقعد معانا
أنس / طيب وأحنا نقدر نعمل إيه علشان تثق فينا
ساهر / نحاول نقرب منها على أد ما نقدر ونخليها تخرج معانا وتغير جو الشغل
أنس / أزاي وهي دايما في مكتبها ونازلة رسم في تصميمات ورسومات
ساهر / نخرجها أحنا من المكتب وكمان في حاجة تانية أهم لازم نعملها
أنس / إيه هي الحاجة دي
ساهر / نعرف إيه السبب اللي خلي نور يسيب سما
أنس / طيب أزاي
ساهر / سيب الموضوع دا عليا أنا
_____________________
الأحداث النهاردة هادية
بس دا الهدوء اللي بيسبق العاصفة
يا تري إيه اللي هيحصل تاني
وسما هتفضل زي ماهي ولا لأ
إنتظروني
رواية ( ومازال قلبي ينزف ) الفصل الرابع عشر بقلمي :- أسماء أبوشادي
____________________________
مش عايزة أخون ولا أتخان
مش عايزة أجرح ولا أتجرح
مش عايزة أظلم ولا أتظلم
مش عايزة أوهم ولا أتوهم
كل اللي عايزاه أعيش في سلام
___________________
سما / يا ساهر أنت خلتني أسيب شغلي وأجي معاك النادي وبتتكلم في كلام أنا مش فاهمه منه حاجة هات أخرك وخلصني
ساهر / بصي يا سما من الاخر كدة أنا عايز أسألك سؤال واحد
أنتي بجد مش عايزة تعرفى إيه السبب اللي نور سابك علشانه
سما / ساهر أنا قفلت الموضوع ده ومش عايزة أتكلم فيه تاني
ساهر / يا بنتي أزاي يعني لازم تعرفي السبب ولا أنتي خايفة لما تعرفي السبب تضعفي ترجعيله
سما / ساهر مسمحلكش وأنا أساسا مش عايزة أعرف السبب لأنه مايهمنيش وبعدين أنا مش هتعب نفسي على حاجة مش فارقة معايا
ساهر / طيب لما هي مش فارقة معاكي ليه مش عايزة تعرفي ' أنا اللي أعرفه عنك إنك قوية ومابتستسلميش بسهولة كدة
سما / يعني أنت عايزني أعمل إيه أترجاه وأبوس أيديه علشان يقولي رماني من قلبه ليه وأتخلي عني ليه
ساهر / لأ أنا مقولتش أنك تعملي كدة بس أنا هقولك على خطة تخليه هو اللي ييجي يبوس أيدك علشان تعرفي السبب
سما / وخطة إيه دي إن شاء الله
ساهر / ؟؟؟؟؟؟؟؟؟؟؟
سما / أنت مجنون صح هو أنت فاكر إن اللي انت بتقوله دا هيأثر في نور
ساهر / نجرب ونشوف مش هنخسر حاجة
سما / ومين قالك إني هوافق على كدة وبعدين صدقني أنا مابقتش أفرق مع نور اللي عمله معانا ساعة موت بابا كانت شهامة منه وشفقة علينا
ساهر / نجرب مش هنخسر حاجة إلا إذا كنتي أنتي خايفة
سما / أنا مش خايفة وعلشان أثبتلك أنا موافقة
( سما وافقت على خطة ساهر وهي إنهم هيمثلوا على نور أنهم على علاقة ببعض ويحاولوا يضايقوه علشان يستفزوا ويتكلم يقول عن السبب وطبعا ساهر قال لانس على الخطة دي بس طلب منه مايقولش لحد حاجة وبدأت الخطة بأن أنس وساهر يعرفوا الأماكن اللي ساهر بيروحها وبيروحها أمتي وتقريبا عرفوا حاجات كتير لأن ساهر رجل أعمال مشهور وفي ناس كتير تعرف عنه تحركاته )
ساهر / سما نور هيكون موجود في مطعم كبير النهاردة بيتغدا هو و جروب من شركة تانية هناك وأحنا كمان هنتغدا في نفس المطعم
( وفعلا وصلوا المطعم وكان نور قاعد بيتغدا مع الناس اللي هينفذ معاهم صفقة لشركته ودخلت سما وساهر بس نور كان مشغول مع الجروب وماخدش باله منهم خالص لحد ما سما جزبت أنتباهه والجرسون بيحطلهم الغدا وقعت كوباية المياه على الأرض جنبها )
سما بصوت عالي/ إيه دا مش تحاسب يعني لو كانت وقعت على هدومي كان إيه العمل دلوقتي
ساهر / خلاص يا بيبي حصل خير المهم إنها ماجتش عليكي
( ساهر قال كدة وقرب على نور وماسك إيديها وفي اللحظة دي هما فعلا قدروا يلفتوا نظر نور عليهم )
نور أول ماشافهم كدة كأن قلبه بينضرب فيه سكاكين نفسه يقوم يقتل ساهر بس جواه أحساس منعه من إنه يقوم ولبس قناع البرود وكمل شغله ولا كأنه شاف حاجة
ودا ضايق سما وساهر جدا
سما / مش قولتلك أنا مابقتش أعنيله حاجة ولا بقيت أهمه
ساهر / يعني إيه هتستسلمي من أول مرة كدة لأ هو حتى لو مبقاش يهتم هنخليه يهتم
( تاني يوم عدى من غير أي أحداث بس سما من جواها قلبها وجعها أوي وقررت إنها لازم توجع قلب نور زي ما قلبها بيوجعها لازم تحسسه إن زي ماهو نسيها وتخطاها لازم تعرفه إن هي كمان نسيته وأتخطته )
سما في مكتبها مع ساهر / ساهر في مكان كدة في المقطم عايزاك تشوف نور بيروحه ولا لأ
ساهر / أنا كنت لسه هكلمك في الموضوع ده
سما / قصدك إيه
ساهر / قصدي إن نور كل يوم بيروح في مكان في المقطم كدة بيقعد فيه ييجي ساعة وبعدين يمشي
سما بضحكة أستهزاء / وياتري بيروح لوحده ولا بياخد حد معاه
ساهر / لأ بيروح لوحده
سما / طيب عايزاك تعرف هو هيروح النهاردة أمتي وقبل مايروح نكون أنا وأنت هناك
( وفعلا سما وساهر راحوا المكان اللي في المقطم وقعدوا في نفس المكان اللي سما ونور كانوا بيقعدوا فيه قبل ماهو ييجي )
ساهر / سما أنتي كويسة
سما وقد فاقت من شرودها / أه يا ساهر أنا كويسة ماتقلقش بس أنت متأكد إنه جاي دلوقتي
ساهر / أيوة متأكد بس أنتي متأكدة إنك عايزة تعملي كدة أنا حاسس إنه لسه بيحبك بدليل إنه لسه بييجي المكان ده
سما / بيحب هو دا يعرف معنى الحب وبعدين هو أساسا بييجي هنا من قبل ما نعرف بعض بكتير وأنا عايزة أعرفوا إنه زي ماهو تخطاني وخطب واحدة غيري ومسك إيديها كمان أنا حبيت واحد غيره وبعمل معاه نفس اللي هو كان بيعمله وبيقولي كمان نفس الاسم اللي كان بيقوله
( لم تنتهي سما من كلامها حتى شافت عربية نور بتقرب عليهم فأخبرت ساهر )
نور نزل من عربيته و شاف سما وساهر وراح مقرب منهم وقبل ما يوصل سمع ساهر
ساهر / بجد المكان عجبني أوي يا سمايا يا أحلى سما في الدنيا أنتي يا سمايا
( ساهر بيتكلم ونور مقرب وأول ما وصل وسمع كلام ساهر مسكه من هدومه ولف وشه ليه وبعدها مسكه من رقبته ورفعه عن الأرض حتى كاد أن يقتله وساهر مش قادر يشيل إيد نور من على رقبته وسما أتدخلت وأجبرت نور يسيب ساهر )
سما / أنت أتجننت أزاي تعمل كدة مع حبيبي
( لم تكمل كلامها حتى قاطعها نور )
نور / حبيه زي ما أنتي عايزة وروحي معاه أي مكان في الدنيا إلا هنا يا سما
سما / والله أحنا أحرار ونروح مكان ما أحنا عايزين
نور بص على ساهر اللي وقع في الأرض بياخد نفسه وقاله / لو لقيتك في المكان دا تاني أو عرفت إنك نطقت الاسم اللي أنت قولتهولها من شوية هقتلك وساعتها حتى هي مش هتقدر تمنعني عنك فاهم
ساهر بعد ما وقف / لا مش فاهم ودي حبيبتي وأنا أقولها الاسم اللي أنا عايزه
سما / وأنا مش معترضة
نور قرب لسما جامد / وأنا بقى معترض وحزرتكوا
( نور سابهم ومشي روح على البيت بسرعة البرق حتى كاد أن يطير لدرجة إنه كان هيعمل حوادث كتير وأول ما وصل على بيته واللي هو قصر كبير جميل وبرغم إنه في غاية الروعة إلا أنه كئيب )
نور في أوضته بيكسر في كل حاجة وبيصرخ زي المجنون / ليه يا سما ليييييييييه حرام عليكي حرام عليكي 😭 ليه عايزة تحطي على جرحي ملح كفاية اللي أنا فيه حرام عليكي كفاية إن بعدك عنى كاسرني
أبو نور دخل لابنه اللي شافه وهو طالع أوضته / نور نور أنت بتعمل إيه مالك يا نور
نور / بموووووت بموت يا بابا مش قادر أعيش خلاص
أبو نور/ 😢 كل ده بسبب سما صح ما أنا قولتلك أخطب وعيش حياتك علشان تنساها
نور / لأ يا بابا مافيش واحدة هتاخد مكان سما أبدا ومهما حصل عمري ماهنساها هتفضل في قلبي وعمري ما هسمح لأي بنت خلقها ربنا تاخد مكانها في قلبي
أبو نور / يعني أنت لسه عايزها يا نور لسه بتفكر فيها
نور بدموع غزيرة / ههههههه أفكر فيها بس يا بابا لو سمحت سيبني لوحدي
( في صباح يوم جديد سما وساهر وأنس وتالين نزلوا راحوا الشركة مع بعض وكلهم متجمعين في مكتب أنس )
ساهر / أنا كنت خلاص بودع دا أنا نطقت الشهادتين
تالين / ياالله للدرجة دي
ساهر / بقولك كنت هموت في إيده لولا إن الأخت أتكرمت في أخر لحظة وأتدخلت
سما / وأنا مالي مش دي خطتك من الأول
ساهر / خطتي نتقابل في مكان ماشي منه مطعم بيتغدي فيه ' مش نروح عرين الأسد وكمان أناديلك بالاسم اللي هو كان بيناديلك بيه
أنس / 😂😂😂😂😂😂ههههه
ساهر / أضحك يا أخوية أضحك ما أنت ماشفتش اللي أنا شفته
سما 😌/ أنا أسفة يا ساهر أنا السبب في اللي حصل
أنس بضحك / لا بجد يا سما أنتي كان عقلك فين قبل ما تحبيه قبل كدة
تالين / ليش هو الحب فيه عقل
أنس / لا بجد دا يتخاف منه مش يتحب دا جسمه هضبة دا الواحد وهو بيتكلم معاه بيبصله لفوق وسما مابتحصلش حتى كتفه
( فضلوا قاعدين شوية يضحكوا ويتكلموا وبرغم إن سما كانت قاعدة معاهم إلا أن جواها أحساس بشع مالي قلبها ومش مخليها قادرة تشاركهم لا الضحك ولا حتى الكلام فأستأذنت وراحت مكتبها علشان تشتغل وبينما هي ترسم في تصميم أمامها دخلت لها السكرتيرة )
السكرتيرة مني / بشمهندسة سما في واحد برة عايز يقابل حضرتك
سما / خليه يروح يقابل البشمهندس أنس أنا مش فاضية
السكرتيرة / والله قولتله إن حضرتك مابتقبليش حد بس هو صمم وقالي أقول لحضرتك إنه عايز يقابلك ضروري
سما / طيب ما قالش هو مين
السكرتيرة / قالي إن حضرتك هتعرفيه لما تشوفيه
( أذنت سما السكرتيرة تدخله وما كان هو إلا محمد عز أبو نور وآول ما سما شافته أتصدمت )
سما / حضرتك هنا في مكتبي غريبة
أبو نور / ممكن أتكلم معاكي شوية
سما / أتفضل أقعد حضرتك تشرب إيه
أبو نور / ولا أي حاجة أنا جاي أتكلم معاكي في موضوع مهم
أنتي لسه بتحبي نور
سما بأستهزاء / ههههههههههههه يعني حضرتك جايلي مكتبي ومعطلني عن شغلي علشان تسئلني سؤال تافه زي ده
أبو نور / ردي عليا يا سما لسه بتحبيه
سما / أحبه هههه أحب واحد عيشني سنتين في وهم وأمتلكني وخلاني زي اللعبة في أيده وبعد ما زهق منها سابها وطلعها من حياته '. ليه حد قال لحضرتك عليا أني مجنونة
أبو نور / نور طلع من حياتك لكن مطلعكيش من حياته ' نور بيحبك يا سما
سما / هههههههه بيحبني بدليل ما أتخلى عني وسابني من غير سبب ولما روحت مكتبه علشان أترجاه مايسبنيش رماني في الشارع من غير ماحتي يقولي إيه السبب
أبو نور وهو وشه في الأرض / أنا السبب أنا اللي طلبت منه يسيبك
سما بعدم تصديق / على أساس أني هصدقك إنك قولتله يسيبني ' هو كان المفروض يواجهك يقولك دي حبيبتي أنا مش هبعد عنها أنا وعدتها إني أكون جنبها
أبو نور طلع أوراق إداها لسما / بصي كدة في الأوراق دي يا سما وشوفي التاريخ بتاعها
هتلاقيها بنفس تاريخ اليوم اللي كان مفروض نور يخطبك فيه أنا يومها جالي أزمة قلبية وتعبت ونور نقلني على المستشفى
فلاش بااااااك
نور / بابا أنا عمري مارفضتلك طلب وطول عمري بعمل لحضرتك كل اللي أنت عايزه بس أنا هروح النهاردة بالليل أخطب سما إذا حضرتك جيت معايا ولا لأ
أبو نور بعصبية / لأ يا نور مش هسمحلك إلا البنت دي أختار أي واحدة غيرها
نور بصوت عالي / لا يا بابا مش هختار واحدة غيرها دي اللي أنا أختارتها وهتجوزها حتي لو غصب عنك إنت يا بابا
أبو نور وقد تفاجأ / إنت بتعلي صوتك عليا وبتقولي أنا كدة وأنا اللي ضيعت عمري عليك بعد ما أمك ماتت عيشت عمري كله ليك علشان أعوضك عن حنان أمك
( محمد قال كدة ووقع على الأرض )
نور / بابا بااااباااا
( نور طلب الإسعاف ونقلوا أبوه على المستشفى ودخلوه الرعاية المركزة والدكاترة كانوا معاه جوه وأول ما دكتور خرج )
نور بقلق شديد / طمني يا دكتور بابا ماله
الدكتور / ما أخبيش على حضرتك الحالة حرجة واضح إنه أتعرض لصدمة شديدة
نور / يعني إيه قصدك إيه
الدكتور / يعني حضرتك هو دلوقتي في العناية المشددة لو مر عليه 24 ساعة وأستقرت حالته هيبقى كويس
( نور فضل جنب أبوه لحد تاني يوم الصبح وبعد كدة لاحظ إن هو قافل تليفونه من يوم ما أبوه رفض جوازه من سما فمسك الموبايل فتحه وشاف أد إيه سما حاولت تتصل بيه وشاف الرسالة اللي بتقوله( أخرت ليه يا حبيبي ) فمشي بسرعة وراح قابل سما وقالها إن كل شئ بينهم إنتهى وبعد ماروح سما البيت رجع المستشفى وطلب من الدكاترة يدخل لابوه وأول ما دخل قعد جنبه
نور / بابا قوم يلا خلاص أنا سيبت سما طلعت من حياتها يا بابا
محمد بص بأتجاه أبنه بعد كدة بص في الاتجاه التاني
نور / بابا أرجوك سامحني أوعدك إني مش هدخل حياتها تاني
بااااااااااك
أبو نور / بس يا بنتي هو دا كل اللي حصل وقتها وأنا دلوقتي جاي علشان أصلح غلطتي لأني أتأكدت إن نور مستحيل يقدر يعيش من غيرك
(سما قاعدة ومصدومة من اللي بتسمعه وما بتردش عليه وفجأة الباب خبط ودخل أنس وساهر)
أنس / أحنا أسفين للمقاطعة
أبو نور / لا مافيش مقاطعة ولا حاجة
أنس مد أيده يسلم / طيب حضرتك أنا البشمهندس أنس شريك سما في الشركة
أبو نور سلم عليه / وأنا محمد عز وكنت بتكلم مع البشمهندسة في موضوع شخصي بس خلاص خلصنا
( محمد بص على سما وقالها )
أبو نور / أنا خلصت يا سما وأحب أعرفك إن أنا ونور هنيجي نزوركوا النهاردة في البيت الساعة 9 عن إذنكم
( بعد ما محمد مشي )
أنس وساهر / مين ده يا سما
سما ما رتش عليهم وسرحانة
أنس / سما سما
سما بخضة / ها في إيه
ساهر / هو إيه اللي في إيه مالك يا بنتي
سما / ماليش أنا كويسة بس أنا هقوم أروح علشان أنا مرهقة شوية
أنس / مرهقة وعايزة تروحي غريبة عمرك ماعملتيها
ساهر / سما هو دا محمد عز أبو نور عز ولا دا تشابه في الاسماء
سما بعيون مغيمة وتايهة / هو هو
أنس / وإيه اللي جابه هنا وقالك إيه وهييجي يزورنا باليل ليه
سما قامت وقفت / معرفش أنا عايزة اأروح
( ومشيت سما من غير ما تسمع لحد وراحت جرى على بيتها ودخلت أوضتها وطلبت من أمها تسيبها ترتاح )
محمد عز راح لابنه مكتبه الساعة 5 المغرب وقاله
أبو نور / أنت لسه هنا يا نور
نور / أيوة يا بابا يعني هكون فين
أبو نور / طيب يلا قوم روح وأجهز علشان رايحين مشوار مهم على الساعة 8 ونص
نور / مشوار إيه يا بابا اللي هجهزلوا قبلها. بي 3 ساعات ونص
أبو نور / رايحيين نخطبلك
نور متأفف / أووووف بابا أنت عارف إني مش هخطب حد فياريت تريح نفسك وتريحني أنا مش هتجوز خالص
أبو نور / ولا حتى إذا كانت العروسة سما
نور قام وقف / إيه بابا إنت عارف إنت بتقول إيه
أبو نور / أيوة عارف أنا روحت لسما النهاردة مكتبها وحكيتلها على كل حاجة وأخدت معاد نروح نخطبها الساعة 9
(نور نزلت على خده دموع الفرح جرى حضن أبوه وباس أيده ودماغه وقاله )
نور / ربنا مايحرمنيش منك أبدا
( الساعة قربت على 9 وسما في البيت وقاعدين معاها ساهر وأنس وتالين أما مديحة وسلوي فكانوا في المطبخ )
أنس / ممكن أعرف في إيه والراجل دا قالك إيه مخليكي ساكتة كدة وهو جاي ليه هنا
سما / أنس ماتضغطش عليا وسيبني دلوقتي
( جرس الباب رن وأنس قام فتح وكان نور وأبوه في اللحظة دي ساهر دخل الأوضة اللي قاعد فيها مع أنس علشان نور مايشتبكش معاه وسما دخلت أوضتها أما أنس فدخلهم ورحب بيهم )
أبو نور / مش أنت بردوا شريك سما في الشركة
أنس / أيوة حضرتك بس أنا كمان أعتبر أخو سما الكبير ودي تالين شريكتنا في الشغل وخطبتي
أبو نور / أهلا أتشرفنا أومال فين سما وأمها
سلوى خرجت من المطبخ / إيه دا محمد هو إنت أبو نور
نور / إيه دا هو حضرتك تعرفي بابا
محمد بتصنع المفاجأة / إيه دا سلوى بنت جيراني
( سلموا على بعض وخرجت مديحة كمان سلمت عليهم وبعد السلامات والتحيات )
محمد عز / سلوى أنا يشرفني إني أطلب أيد سما لنور إبني !!!!!
________________________