البارت2
وعدتك وعد ما يترك الحر
[صلي عالنبي ولا تخلوا الرواية تشغلك عن ذكر الله]
*
*
البارت 2 (جمعة عائلية)
.
.
واقف يعدل غترته البيضاء من شباك السيارة ..التفت على صوت ابوه :صالح ،اختك اجت..
صالح فتح باب السيارة وهو ينطق: يله يله ..
ركب سيارته وناظر نفسه من المراية الأمامية..كان شكله انيق وواثق وكأن والهيبة تشع منه..
انفتح باب السيارة ..دخلت اخته وريحة عطرها طالعة وعبايتها مزركشة ومكياجها صارخ ..
على طول إلتفت لها وعيونه ترسل اشعة حارقة من الغضب ..
نطق بحده :كلمة وحدة ،تطلعي تغيري عبايتك ولا والله ما اخذك معي ..
عبست :لييش؟
ناظر عيونها بحدة:بدون اسئلة ..
التفتوا على صوت ابوهم من شباك صالح :صالح ماعندنا وقت ..
صالح ضرب الدركسون :لو مافي وقت ترجع البيت مو ضروري تجي ..
(ماجد)ابو صالح ناظر بنته ونطق:سعاد اسمعي هذي اخر مرة لك من بكرة ماتطلع الا بنقاب ..
سعاد كسرت نبرتها :طيب ليش..
ابو صالح بقوة :ولا كلمة ..
وناظر صالح :يله حرك عمك ينتظرنا ..
صالح :بس يبه
ابو صالح :قلت خلاص الحين نحنا رايحين زيارة عند عمك ما بنطلع من السيارة بعدين من بكرة تلتزم بالنقاب ..
صالح زفر بغيض:امرك ..
ابو صالح :يله امكم اجت ..
عائلة ابو صالح..
الأب (ماجد):48
الأم(عالية):41
صالح:25 دارس إدارة أعمال..
سعاد:21 تدرس تمريض ..
.
.
وسن وهي قدام المراية تعدل شعرها،سمعت صوت رسالة من جوالها ..فتحت الرسالة وسرعان ماعبست ملامحها ..نطقت :اففففف
ليان دخلت الغرفة وبيدها البخور : وش اف ؟
وسن طالعت ليان بضيق: هناء وسارة مابيجوا..
ليان رفعت حاجب:وش صاير لهم !
وسن:تقول اخوها مسافر وبيروحوا يودعونه..
ليان :بعدين؟
وسن :مدري!
ليان تقدمت اخذت جوال وسن..حطت المبخرة فوق التسريحة ورنت على سارة ..
ليان تلعب باظافرها :الو سارة ..... لا انا ليان ...هلا فيك ....ليه ماتجون؟......اهاا...وعمي ناصر بيجي ...الله يحييهم..يلا حبيبتي طولت عليك ..باي ..
وسن :وش قالت؟
ليان طفت الجوال :صاحبتها جاية عندها ..
وسن لوت بوزها :اف مو مستعدة اقابل وجه سعاد!
ليان عقدت حواجبها مع نص ابتسامه :مو لذي الدرجه ..
وسن :لهالدرجة ونص ..
ليان ضحكت :هههه تخيلي تجي مهرجة زي كل مرة ..
وسن رفعت حواجبها:ههههههههههههه..
ليان:هههههههههه..
.
.
وقف السيارة ونفسيته بخشمه طول الطريق واخته تبكي بصوت مزعج يحس راسه بينفجر ..
إلتفت لها وتمتم:انزلي .. ماردت عليه وهي مندمجه مع الحان بكاها اللي تفقع الراس ..
طلع من السيارة بسرعة وفتح بابها ..
تكلم بلهجة قوية:قلت انزلي ..
سعاد طالعت فيه بحده وطلعت من السيارة وهي تتشهوق ..
ناظرها باشمئزاز لكن سرعان ما إلتفت على صوت ولد عمه حازم..
حازم بترحيب :يا هلا ومرحبا ..
صالح ابتسم بربكة وهو يسلم:هلا والله اهلين ..
سعاد ناظرت حازم بحقد على انه شافها وهي تبكي وحست انه جالس يستهزئ فيها من داخله ..
هاجت اعصابها ومشت بقوة للباب ..
أمها من وراها :سعاد وش فيك معصبة وتبكين ..أمسحي دموعك مو حلو تظهري كذا ..
سعاد التفتت لها :كل ذا بسبب ابوي وصالح ،كريهين..
ام صالح :افف ،طيب شوفي كيف دموعك خربت الميكب..أمسحيها..
سعاد بنبرة جفاف :ماعندي منديل ..
ام صالح طلعت منديل من شنطتها وناولتها ..
مروا الرجال لمدخل المجلس ..
تقدم حازم لام صالح يسلم عليها :كيفك ياعمه شخبارك ..
ام صالح ابتسمت من تحت النقاب :بخير ياولدي وانت عساك طيب ..
حازم :الحمد لله بخير ..
ام صالح :كيف الدراسة معك ..
حازم :الحمد لله تمام..يله اسمحي لي ..
ام صالح :الله يحفظك ويعافيك يارب ..
حازم مشى متوجه للمجلس..
سعاد بصوت مقهور :شفتي يمه حتى ذا اكيد اجى يتشمت فيني ..
ام صالح :لا يابنتي عيب عليك الولد اجى يسلم علي ..
سعاد :الا اكيد متفق مع صالح يقهروني..
ام صالح بيأس:لاحول ولاقوة الابالله يابنتي وش اسوي لهالعقل الخفيف الله يهديك بس..يله اطرقي الباب..
.
.
مجلس الرجال ..
وصل ناصر وعياله والكل استقبلهم ...
ناصر تكلم :اسمع يا سالم ترا ذي المرة الشريك معنا هو ابن تاجر كبير ومعروف ..
سالم :انا ماهمني مين ابوه انا ابغى اتأكد من الرجال نفسه اذا هو كفو يدخل شريك معانا..
ماجد :خل القلق على جمب ياخوي ترا الفكرة ناجحة مية بالمية بس انت توكل على الله ..
سالم :ومن هو ذا التاجر..
ناصر:ابن غانم الراعدي واسمه عزام ..
ماجد بدهشة:ابن غانم !
سالم :سمعت عليه كثير ..
ناصر :وانا تكلمت معاه عالموقع ورحب بالفكرة ..
سالم :توكلنا على الله بس بعد ما اتكلم معاه وافهم وش وضعه بالضبط ..
ماجد :الله يتمم الأمور على خير..
سالم وناصر :امين..
صالح يهمس لسلطان ابن ناصر :وش معاهم؟
سلطان هز كتوفه مع نظرة غريبة ..
صالح قرصه:وش فيك ياولد ؟
سلطان :خليني بحالي ..
صالح ابتسم بخبث:اهااا الولد للحين زعلان ..
سلطان فلتت اعصابه:اش عندك ياخي خلني بحالي .
ناصر التفت لسلطان :هيي انت وهو وش عندكم!
سالم:استهدوا بالله ياعيال وش صار بينكم ..
صالح باستغراب :انا وش قلت له؟
سلطان عدل جلسته ونطق باستهزاء :لا ماقلت الا الخير ..
حازم ناظر لصالح بنظرة شك:وش قلت له ؟..
صالح طالعه بنظره حرج ورجع يجلس بوضعيته الأولى..
حازم ابتسم وهمس:ماتتغير ابد..
سلطان طالع حازم بحقد بدون مايتكلم..
تكلم أحمد اخو سلطان الاصغر :هي سلطون وش فيك ماد البوز ..
ما رد سلطان ..
احمد هز كتفه:بكيفك..
عائلة ناصر الناصري..
الأب ناصر:54
الأم(سلمى):49
الابن الأكبر(فراس):28 يدرس طب في الخارج..
سلطان:24 يدرس حقوق آخر سنة..
هناء:22 تدرس كمبيوتر ..
سارة :19 ماخذه إجازة بعد الثنوية..
احمد:17 ثاني ثانوي..
.
.
عند البنات ..
دخلوا ام صالح وبنتها المجلس واستقبلتهم هدى ..
ام صالح:وين البنات ؟
هدى :الحين يجون..ولا خلي سعاد تطلع عندهم لو طفشت ..
سعاد وجهها محمر وواضح عليها زعلانه ..
تكلمت وهي توقف :اي الحين بطلع عندهم ..
هدى ابتسمت :اي خذي راحتك حبيبتي ..
سعاد :الله يسلمك ..
وطلعت سعاد من المجلس ..
تلفتت يمين يسار تبغى تروح المطبخ ..
سألت وحده من الخدم:في حد بالمطبخ ؟
الخدامة :لا مافي ..
سعاد هزت راسها ومشت للمطبخ وهي عطشانه..
دخلت المطبخ اخذت كاسة مي باردة ..
فزت على صوت ولد من وراها :وسن شيلي الاغراض
..ارتجفت يدها وعدلت الطرحة اللي كانت على كتفها بسرعة ..مالحقت تلتفت الا وسمعت صوت ولد ثاني :فيصل صالح يسأل عليك ..
سعاد اول ماسمعت اسم صالح زادت رجفتها وطاح الكأس من يدها ..ناظرت الكأس المكسور غمضت عيونها وهي تشتم نفسها من الداخل ..
فيصل استغرب من تصرفاتها وعلى باله انها اخته ..نطق: وسن ؟
سعاد عرفت صوت فيصل ..تطمنت شويه لأنها تعتبره اخوها الصغير ..
تكلمت وهي بنفس وضعيتها بدون ماتلتفت:فيصل في حد ؟
فيصل عقد حواجبه :مين ؟
سعاد زمت شفتها :انا سعاد ..
فيصل حك راسه بإحراج :هااا اسف ..
و كان بيطلع لكن صوت سعاد سبقه:قلت لك في حدد، بمر..
فيصل خاف من نبرتها :ها لا لا حازم طلع..
وطلع من المطبخ ..
سعاد لوت شفتها،همست :نفس هباله..
طلعت من المطبخ وتوجهت للدرج ومن بعدها لغرفة البنات ..
.
.
داخل مكتب راقي وانيق وكل زاوية فيه تعطي انطباع عن صاحب المكتب ووش هي شخصيته الظاهرية..
جالس يناقش نائبه بالشركة عن مشروع جديد داخلين فيه..
النائب بحماس :ترا سالم شريك مرة مناسب واحس هو الوحيد اللي بينجح معاه مشروعنا ..
عزام :مو لهالدرجة بس للأمانه هو محترم وسمعته نظيفة واتوقع مناسب،اي صح ..قلت لي كمان ناصر وماجد معنا !
خالد(النائب):اي كلهم الاخوان ..
عزام :وما قالوا متى نقابلهم ؟
خالد:انا تكلمت مع ناصر وماجد باقي سالم بمر لمكتبه اليوم ..
عزام :لا مافي داعي انا بقابله ..
خالد :خلك انت ارتاح ..
عزام :شفيك ياخالد قلت لك خلاص ..بعدين انا اليوم ماعندي شغل خلني اقابله احسن ..
خالد زم شفته :اوكي امرك..
وطلع من المكتب ..فتح جواله شاف اخر رساله ارسلها الصباح لشخص مقروءة لكن مارد عليها ..
انقهر خالد وزادت نيران قلبه تشتعل..شد على قبضة يده حتى ابيضت اطراف اصابعه وهو يتمتم:الحين يبدأ اللعب ..
.
.
عند البنات ..
سعاد بنرفزة :وعع غثيث الله يعين اللي بتاخذه ..
ليان :بس ماقال شي ..
سعاد بغضب خفيف:اقول لك صرخ علي لا وخلى ابوي ينقبني..
وسن بابتسامة سخرية :اقول سعاد هدي أعصابك ..
سعاد :وكمان دخلت المطبخ وجا فيصل فجعني حسبته حازم ولا حد من عيال عمي ..
ليان ضحكت :هههههه شكلك كنتي سرحانة بموقف صالح ..
سعاد :بالضبط ولما سمعت اسمه من ااا اتوقع ..
كشرت بقرف:ايي بيكون هو حازم قال صالح مدري وش الا واكسر الكأس من الخوف ..
ليان انفجرت ضحك:ههههه كيف كان شكلك..
وسن :كيف قلتي غثيث ومبالغ والحين تكسرين الكأس من كثر الهيبة ..
سعاد ناظرتها :ليه توقفي ضدي،خليني اكمل بعدين صالح غثيث وانتي بعد غثيثة ..
وسن رفعت حاجب :متى وقفت ضدك ..بعدين انا غثيثة ..لااا شكلك مو طبيعية انتي !!
سعاد تكتفت : انتي اللي مو طبيعية ومصروعة ..
ليان رفعت صوتها وهي ماسكة الجوال:بنات هدوا بجاوب حازم ..
فتحت الخط وردت :ها حازم ؟
حازم:انزلي شوفي إذا الاكل جاهز وكل شي تمام ..
ليان وقفت :إي الحين ..
ومشت بسرعة اتجاه الباب وطلعت ..
نزلت للمطبخ تتفقد كل شي ..
حازم دخل المطبخ وتكلم :كيف ؟
ليان التفتت له :كل شي تمام ..يله خذ الصحن..
حازم :الحين ..اولا بشرب مي ..
مشى اتجاه الثلاجه لكن استوقفه ألم بقدمه ..صرخ صرخة مكبوتة :احححح..
ليان ركضت له بخوف :وش في؟
ناظر الأرض والزجاج المتناثر ..ماقدرت تمسك ضحكتها :ههههههههه..
حازم ناظرها بغضب :تضحكين علي؟
ليان كتمت ضحكتها :احم احم لا والله ما اضحك عليك تذكرت شي ..
حازم جلس على أقرب كرسي وطلع الزجاجة وليان ساعدته بربط الجرح ..
وقف على رجل ونص واخذ صحن ومشى لمجلس الرجال ..