الفصل الخامس
part 5 روايه بنت احلامي
ذهبت ملاك ودنيا الي بيت شادي وعند دخول ملاك بدأت عيناها تدمع وبدأت في البكاء
هدي ( ام شادي): اهدي يا ملاك انا مش جيباكي عشان تعيطي انا عايزه اتكلم معاكي شويه
ملاك: حاضر يا ماما اتكلمي وقولي الي انتي عايزاه وانا سامعاكي
هدي: بصي انا عايزاكي تسمعيني للأخر وبعدين تتكلمي اولا يبنتي خلاص شادي ابني مات ومش راجع وانا من زمان وانا بعتبرك زي دنيا بنتي وعشان كده انا عايزاكي تشوفي حياتك وتتجوزي وانا مش هزعل منك والله انا هفرحلك
ملاك: لأ يا ماما انا بحب شادي ومش هتجوز عشان ان شاء الله ابقي معاه في الجنه
هدي: لا يا ملاك عيشي حياتك انتي لسه صغيره ومش كبيره وشادي دلوقتي بأذن الله في الجنه مع حور العين ومش هيستناكي
يا ملاك: بس يا ماما
هدي: مفيش بس فاهمه
ملاك: فاهمه تسمحيلي ادخل اوضه شادي بعد اذنك
هدي: ماشي
وفي الغرفه
دنيا : علفكره امي معاها حق يا ملاك عيشي حياتك
ملاك: المفروض انتي اكتر واحده فاهماني يا دنيا
واني مش عايزه اكون لغيره مش عايزه احلامي الي بانيتها معاه تبقي مع غيره اي كان مين
دنيا: وده نصيبك يا ملاك مش انتي برضو
الي كنتي بتقوليلي ارضي بنصيبي ولا
ملاك: معاكي حق
~~~~~~~~•♡•~~~~~~~~~~~~~~
بسمله: الو مين معايا
المتصل: ازيك يا بسمله انا مراد
بسمله: مراد ازيك عامل اي
مراد: بخير الحمدلله بقولك انا كنت عايز اشوفك
بسمله: تشوفني فين وبعدين انت جبت رقمي منين اصلا
مراد: انا مراد النفراوي بتسأليني جبت رقمي منين انما اشوفك فين فا انا عازمك علي العشاء النهارده
بسمله: انا مينفعش اخرج معاك وبعد اذنك تمسح رقمي
مراد: خلاص لو مش عايزة تخرجي معايا دي حريتك لاكن امسح رقمك دي حريتي انا اعملها او معملهاش
بسمله: طب اقفل بقي
واغلقت الخط في وجهه
مراد: بتقفلي الفون في وشي بس والله بحبك بردوا،،،،،،،،،،،،،،،،،،،،،،،،،،،،،،
فرح: ها قالك اي قولي
بسمله: كان عايز يعزمني علي العشاء بس انا رفضت
فرح: جدعه بس هو اي الفرحه الي علي وشك دي معلش
بسمله: لا مفيش
فرح: بجد
بسمله: الصراحه انا حاسه انوا مراد اتغير يا فرح وبقي كويس علي عكس الاول
فرح: بس عشان ملاك لو سمعتك هتقتلك
ومن المطبخ رانيا: انا حضرت الفطار فين ملاك عشان تأكل 🍽
بسمله: ملاك عند مامت شادي شكلها هتفطر هناك
رانيا: خلاص ماشي ثواني و هجهز السفرة
فرح: والله العظيم انتي جيتي فكيتي عننا كتير يا بنتي ربنا يخليكي لينا يا رب
رانيا: عادي والله العظيم انا معتبراكم اخواتي الصغيرين
فرح: صحيح انتي عندك كام سنه
رانيا: عندي ٢٢
بسمله: مش اكبر مننا بكتير هما سناتين
فرح: سيبيها اصلها كانت اكبر واحده فينا ولما انتي جيتي بقيتي اكبر منها
رانيا: مش انتو كلكوا نفس السن
فرح: لأ بسمله اكبر من ملاك بشهر ويومين وملاك اكبر مني ب ١٥ يوم وانا اصغر واحده هنا
بسمله: شوفي البنات بيغنوا ويردوا علي بعض
دخلت ملاك عليهم في هذا الوقت
بسمله: ياريتنا كنا جيبنا في سيرة ربع جنيه مخروم مكنش جه
رانيا: كويس انك جيتي هتفطري معانا
ملاك: لا مش هفطر انا هدخل انام
فرح: مالك كده يا ملاك
ملاك: مفيش حاجه تصبحوا علي خير
بسمله: انا مش هسيبك تنامي زعلانه مانا عارفاكي كل لما تزعلي تتدخلي تنامي لحد لما يوم نيجي نصحكي نلاقيكي متي مننا
ملاك وقد فاض بها الكيل: مش قادره مش قادره
انا لازم اجيب حق شادي يا بسمله
نظرت الفتاتان الي بعضهما وصمتوا
رانيا: واحنا معاكي يا ملاك محدش هيسيبك لحد لما نلف عليه حبل المشنئه
ملاك: ان شاء الله ، حصل جديد يا بسمله
بسمله: لا محصلش جديد
ملاك: تمام،،،
~~~~~~~~~•♡•~~~~~~~~~~~
محمد: اي يا كبير تسافر من غير لما تقول لصاحبك كده اخس عليك والله
فارس : معلش حقك عليا بس المكالمه جاتلي جريت بسرعه يا صحبي
محمد : ربنا يشفيها يارب انتوا هتيجوا امتي
فارس: الشهر الجاي انشاء الله
محمد: تيجوا بالسلامه
••••••••••••••••••••••♕••••••••••••••••
احمد: ها عملت اي
يوسف: الاجتماع عدي علي خير والشركه الاجنبيه وافقت وشركتنا قريب اوي هتبقي اكبر شركه في مصر والشرق الاوسط وهنعدي
احمد: براڤوا عليك يا يوسف فرحتني
يوسف: علي فكره انا يبني خساره في البلد ده
احمد: ابنك متطلعش فيها اوي كده عشان متنزلش علي وشك
يوسف: طب طبلي حتي
احمد: انا اسمي احمد النفراوي مش احمد الطبال ومش ده المهم انا عايزك في حاجه تانيه
يوسف: خير يا صحبي
احمد: عايزك تراقب ملاك وعنيك تبقي عليها كويس وتخلي بالك منها ومش عايز حد يلمسها وتجمعلي اكبر معلومات عنها فاهم
يوسف: ياابني هو انت عمرك شفتها انت اصلا متعرفش اذا كانت هيا ولا لا
احمد: انا حاسس انها هي وبعدين نفذ الي قلتلك عليه ماشي
ماشي
~~~~~~~~~~~•♡•~~~~~~~~~~~
مر شهر كامل علي ابطالنا
وانتهت امتحانات ملاك وفرح وبسمله واليوم يوم ظهور نتيجه فرح والعائله جمعيهم مجتمعين في بيت فرح وكذالك اصحابها ومن ضمنهم بسمله.
فرح: ها يا ملاك طلعت
ملاك: استني لسه فاضل عشر دقايق
فرح: انا خايفه اوى اوى
بسمله: اطمني وادعي ربنا وصلي علي النبي في العشر دقايق دول
فرح: ماشي اللهم صلِّ وسلم وبارك على سيدنا محمد
ملاك: الشهاده طلعت الف مبروك انتي التانيه للمرة التانيه علي التوالي يا قلبي
فرح بفرحه وصراخ: ياااااااااااااااس الحمد لله وسجدت في الارض تحمد الله
ومعها بسمله وملاك تصرخان وتحمدا الله (هو تقريبا كده البنات كلهم لما يفرحوا يصوتوا 😂)
وكذالك عائلتها واصدقائها والذين كانوا يهنؤها بالنجاح والتفوق
~~~~~~~~~~~~•♡•~~~~~~~~
وفي الجانب الاخر وبالتحديد في فرنسا🇫🇷 ( الحوار مترجم)
الطبيب: لقد تحسنت حالتها كثيرا بأمكانها اكمال العلاج في المنزل وستشفي
احمد: حسنا الان بأمكاني ارجاعها مصر
الطبيب: لا بأس بأمكانك فعل هذا
فارس: ها عملت اي
احمد: الدكتور قالي اقدر ارجعها مصر
فارس: اخيرا الحمدلله يارورو هترجعي مصر
رويدا: الحمدلله لله هنرجع امتي
احمد: انشاء الله الاسبوع الجاي جهزوا الشنط للأسبوع الجاي
ودلوقتي اجهزوا عشان هنخرج
فارس: ايوة كدا بقا شعلل يا كبير شعلل
احمد: ازاي انت الكبير دا انت تافه اوي
فارس: اوي اوي
~~~~~~~~~~في مصر 🇪🇬~~~~~~
مراد: مبروك نجاح فرح
بسمله: الله يبارك فيك
مراد: عقبالك كده وتنقلي تالته
بسمله: مش لما تنقل انت رابعه
مراد: انا ذاكرت وعملت الي عليا وسايب الباقي علي ربنا وانا حاسس اني بأذن الله هنجح السنادي والفضل كله راجعلك
بسمله: الفضل لربنا الاول وانا كنت سبب
مراد: بسمله انتي كنت سبب في كل حاجه حلوه في حياتي انا بطلت عشانك وكمان ذاكرت عشان انجح واعدي وابقي حاجه حلوه عشانك وعشان لما اتقدملك توافقي
بسمله: ان شاء الله
مراد: بسمله ينفع نتقابل انتي واحشاني اوي
بسمله: اممممممم اوكي
مراد: بجد خلاص بكرة هاجي اخدك بالعربيه وهوديكي مكان عمرك ما شفتيه بسمله انا انا بحبك اوي وبموت فيكي
بسمله: اقفل يا مراد
وبعد اغلاق الخط بسمله في نفسها: وانا كمان بحبك
♡♡♡♡♡♡♡♡♡♡♡♡♡♡♡♡♡♡♡♡♡♡♡
ملاك: لا بقولك اي لو فاكرة اني لسه طيبه لا دانا اجيبك نصين دلوقتي لو فكرتي تلمسيني تاني انتي سامعه
زوجه الاب: وانتي اصلا تقدري تكلميني يا بت انتي تعالي بقي وضربت ملاك
ملاك: يا بنت الك، لب والله مانا ساكتالك اهو ده الي خلاني مسافره مش بحب انزل هنا وتشاجرت ملاك مع زوجه ابيها ولاكن هذه المرة ملاك كانت اقوي ولم تسمح بأن تلمسها هذه المرة وكانت اقوي منهاهذه المره وردت عليها
ملاك لوالدها في الهاتف : كانت عايزة تتضربني بس انا مش سكتلها يابابا
الاب (عبدالرحمن) : جدعه يا ملاك انا اول لما انزل من السفر هعلمها الادب
ملاك: انت هتنزل امتي يابابا
عبدالرحمن: لسه بدري يا ملاك
ملاك: ماشي ربنا معاك ويجيبك بالسلامه
(معلومه والد ملاك يعمل خارج مصر وبالتحديد يعمل تاجر في الخليج)
اخو ملاك ( ادم) : عملتلك حاجه الست دي
ملاك: لا مقدرتش تعمل حاجه
ادم: لو عملتلك حاجه عرفيني وانا اجيبلك حقك
ملاك: لا متقلقش امال هو فين ياسين
ادم: ياسين هيتأخر انهارده في الشغل
ملاك: ماشي تعالي نروح البيت عنده عشان انا مش هقعد هنا تاني
ادم: لو هنروح هنروح نسلم عليه وعلي منه مراتوا بس لاكن ده بيتك وبيت ابوكي لو حد هيخرج يبقي هي مش انتي
زوجه الاب: انتوا بتقولوا اي
ادم: بنقول لو حد هيخرج من البيت يبقي انتي انما البيت بيت ملاك
ملاك: ايوة صح لو حد هيخرج يبقي انتي ودلوقتي انا رايحه بيت اخويا عشان اسلم علي منه
وذهبت ملاك الي منزل اخيها الكبير
ملاك: اهلا اهلا البيت نور بوجودي صح
منة الله: انا عماله اقول البلد منوره قوي كده لي اتاري ملاك فيها من اسبوع وانا معرفش
ملاك: معلش بس كنت بتخانق مع البومه مرات ابويا
منه: ربنا يهديها يارب
ملاك: فين مليكه تيجي تسلم علي عمتوا
ادم: دايما عمتوا بتبقي عمتوا العقربه مليكه هتسميكي عمتوا العقربه
ملاك: بس ياض دي حتي اسمها قريب من اسمي مليكه وملاك واكيد مليكه بتحب عمتوا
مليكه: عمتوا وحشتيني اوى
ملاك: انتي الي وحشتيني عامله اي الست الي اسمها ماما بتزعلك ولا حاجه
منه: الله وانا مالي يا لمبي
ملاك: هو كده
مليكه: لا بس هي مش بترضي تجيبلي شوكلاته
ملاك: انا اجيبلك شوكلاته
منه: انا مش بجيبلك شوكلاته يا مليكه دي الاكياس لسه في الزباله مترمتش
مليكه: خلاص يا ماما بقي
ملاك: صحيح البت دي جايلها اخت ولا اخ
منه: لا جايلها اخ كلها شهر ونص واخوها يجي
ملاك: ربنا يقومك بالسلامه
منه: اهو ياسين جه
ملاك: ياسين وحشتني واحتضنت ملاك اخيها الكبير وكذالك اخوها
ياسين: منورة يا ملاك
ملاك: لا ماهو واضح دا احنا قاعدين علي كشاف يا ياسين النور قاطع
ياسين: سامحني يارب انا بكدب
ادم: الله على اللمه الحلوة دي ناقصها بابا وماما ونِكمل
ياسين: الله يرحمها ويجيب بابا بالسلامه
بقولك عملت اي يادم مع البت الي انت بتكلمها
ادم: مفيش يعم لسه بنتكلم
ملاك: هم الاقزام دول بيحبوا وانا لسه هي عندها كام سنه يا ادم
ادم: ١٤ سنه
ملاك: اي ١٤ اي وانت ١٦ سنه يعني انتوا يا أقزام مرتبطين وانا لسه
ادم: دا اناا اقتلك لو فكرتي ترتبطي يا ملاك
ياسين: طب ما الي مش قابله علي نفسك قابله علي غيرك لي
ادم: انا بحبها وهتجوزها
ملاك: اي ده الاندر ايدج هيتجوزوا وبعدين انتي مش لما اختك الكبيرة تتجوز الاول
ياسين: ما انتي لو توافقي علي العرسان الي متقدمنلك كان زمانك مخطوبه
ملاك: انا اصلا مكنتش عايزة اتجوز بس لو هتجوز او هتخطب اكيد مش دلوقتي ده شادي الله بقاله شهرين بس ميت
ادم: هو احنا لي لما بنجيب في سيرة حد بنقول الله يرحمه
ياسين: عشان هي دي الدنيا الحقيقه الوحيدة انوا كلنا فانٍ وكلنا هنموت عشان كده لازما نعمل لأخرتنا
ملاك: والله انت معاك حق يا ياسين صحيح انت هتسمي النونو الجاي اي
ياسين: هسيميه عبدالرحمن
ملاك وادم: الله علي اسم بابا
~~~~~~~~~~~~•♡•~~~~~~~~~~
انا جاي طالب ايد بسمه يا عمي
سالم ( والد بسمه) : اما نشوف رأي العروسه الاول
خالد: طبعاً ياعمي
سالم: بسمه انتي موافقه يبنتي
بسمه بخجل: موافقه
رقيه: طيب نسيب العرسان مع بعض شويه
هدي (ام بسمه): ماشي يالا وتركوهم مع بعضهم
بسمه: ممكن اعرف بقي لي مجتش تقولي انك عايز تتقدملي
خالد: مانا بقالي عشر سنين بحبك ومش قايلك
بسمه: كام؟ عشر اي ازاي
خالد: من لما كنتي صغيرة يا بسمه وانا بحبك يعني انا بحبك من وانا عندي ١٦ سنه من واحنا اندر ايدج
بسمه: طول الوقت ده وانت بتحبني وساكت ومش بينتلي ولا مره بس انت عارف وانا كمان بحبك من زمان
خالد: احلي كلمه سمعتها في حياتي والله
وانتهي البارت الخامس علي خير
يارب يكون عجبكم
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
آلگآتبهہ آلصـغيـرهہ М. ℓ. ĸ♥♥
ممكن فولو و كومنت حلو كدة زيكم
-
-
-
-
-