المشاكسه والعنيد - الفصل10.11.12 | روايتك

*ـ🪾رواية: `المشاكسه_و_العنيد`🦋* … `🪾🪾(10/11/12)`🪾🪾 ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ #المشاكسه_والعنيد 10 خرجت طيف بعد ماغسلت وشها وف إيدها كوباية لمون حطتها قدام يوسف وقالت وهي كاتمه ضحكتها بالعافيه : اشرب دي علشان الخضه ال اتخضتها يوسف بعصبيه: وكمان ليكي عين تضحكي طيف بضحك: بصراحه الموقف يضحك اوي تخيل لو اتحول لشبح يوسف : بقولك اي انا مبحبش الهزار ف حوار العفاريت داه اتلمي طيف بسخريه برقة عيونها وقربت منه وهي بتقول : عووو يوسف بضيق: لا خفه طيف : خلاص فك بقى يابتاع نورهان مكنتش خضه يوسف : مانتي مشفتيش الرعب ال انا شفته لا ومطفيه النور ومولعه شموع طب قوليلي مولعه شموع ليه مش فاهم بتعملي جلسة تحضير عفاريت ولا بتجربي عيشة الإنسان البدائي قبل مايخترعوا الكهربه طيف : يعني ميمشيش معاك اني كنت بحاول اعمل جو رومانسي يوسف بتعجب : جو رومانسي بتاع اي افهم بقى طيف : بص انت متسألنيش على تصرفاتي علشان انا بتفاجئ منها زي زيك بالظبط يوسف بمكر : اها قولتيلي يعني الجو الرومانسي دا ملوش اي سبب طيف : ايوا يوسف بدأ يقرب منها بمكر وقال : مش يمكن حبتيني مثلا طيف رجعت براسها لورا بخوف وهي بتقول لنفسها : الله يسامحك ياماما الراجل فهمني غلط قالت بإرتباك: لا مفيش حب ولا اي حاجه خالص يوسف بنظره ماكره : فكري طيب طيف بإرتباك : فكرت ومفيش اي حاجه ممكن ترجع لورا بقى بعد اذنك يعني يوسف شال شعرها من على عيونها ف لحظه رومانسيه طيف وهي تتصب عرقاً : اي الوقعه المهببه دي يوسف : اي مالك مكسوفه كدا ليه مش انتي ال كنتي عامله اجواء رومانسيه طيف بإرتباك: مش انا كنت بهزر دا كان مقلب هههه وكدا بس مقلب جامد مش كدا حتى واضح انك صدقت يوسف : لا ياشيخه مقلب فجأه الفون بيرن طيف : موبايلك بيرن ع فكره يوسف : سبيه طيف زقته وقالت: لا ازاي يمكن نورهان مينفعش تسبها كدا يوسف: دانتي رخمه وبعدين مسك موبايله لقاها فعلاً نورهان طيف اخدت نفسها وكأن كان في كابوس كان على قلبها يوسف بصلها وبص للفون ال بيرن وراح مكنسل وحط الموبايل ع التربيزه طيف بتعجب: كنسلت ليه يوسف بمكر : علشان نكمل كلامنا ها كنا بنقول اي ولسه هيقرب منها شدة الرمود بسرعه وفتحت التلفزيون وهي بتقول : كنا بنقول ماتش الأهلي هيبدأ دلوقتي يوسف بتعجب: تصدقي نسيت خالص هو هيلاعب مين طيف: صن داونز يوسف : هما ف نفس المجموعه طيف : في حد تقريباً ضايف صن داونز على بطاقة الأهلي يوسف بضحك : إن شاء الله يكسب طيف : ماهو يإما يكسب ياإما يكسب ثواني هجيب شوية حاجات من جوه علشان نتسلى يوسف : هو انتي مبتعرفيش تقعدي دقيقه من غير أكل طيف : واحده بتاكل ومبتتخنش تبطل اكل ليه مش فاهمه وراحت ع المطبخ بتفتح الدرج ال هي شايله فيه الحاجات بتاعتها لقته اتملى شيبسي وحاجات كتير ابتسمت وأفتكرت يوسف اخدت الحاجه وراحتله وهي بتقول : ها عملوا اي في حد جاب جول يوسف : الماتش لسه مبدأش هيجيبوا جول ازاي طيف : كدا اهو هههه يوسف: مش بقول خفه اوي طيف رمت عليه كيس الشيبسي وهي بتقول: خد كل وقعدت بعيد وجابت حاجه اتغطت بيها يوسف قام من مكانه وقعد جنبها طيف بصتله بتعحب وقالت : في اي تاني يوسف: اي بتغطى الجو سقعه وقام شادد البتاعه ال هي حطاها على رجلها واتغطى معاها طيف اتحرجت وبصت ع التليفزيون الماتش بدأ يوسف : ليكي ف الكوره طيف : مش اوي يوسف: طيب فجأه طيف تحولت لكائن متوحش بيعمل حركات غريبه وبدأت تزعق وتقول : ضيعها بردو الجون فاضي وضيعها منك لله يابعيد اجري بسرعه يلا ايوا باصيها للي جمبك للي جمبك يابني ادم مش للي وراك وربنا الجون قدام لعيبه تجيب شلل ثلاثي الأبعاد يوسف عمال يبص عليها بتعجب طيف بصرااخ : فاول وربنا فاول دانت حكم مبتفهمش فعلا وقامت شايله الريمود رمياه ف الارض يوسف خاف وقال بتعجب: طيف انتي متأكده ان ملكيش ف الكوره طيف بهدوء : خالص ولا بحبها يوسف: لا ماهو واضح طيف بضيق : عبدالقادر رقص اللعيبه والحارس وبدل مايحطها ف الجون قالك اروح ارقص الجمهور لحسن يقولوا عليا مبيعرفش يرقص سكوت شويه طيف وهي بتاكل بضيق: تصدق بالله انا خايفه على أفشه ليدوخ ويقع ف نص الملعب من كتر اللف حوالين نفسه مفروض يشربوه كوباية لمون بين الشوطين يوسف وهو بيتفرج ع الماتش: ياااه الواد حسين الشحات عمل اسسيت جامد طيف : حسين الشحات دا بقى ال حير العلماء عامل زي الشفره ال عايزه حد يفكها بتتفرج عليه وانت مش فاهم هو لاعيب جامد وحريف ولا على الله حكايته يوسف بضحك : واضح انك فعلاً ملكيش ف الكوره طيف وهي بتاكل: قولتلك ولا بحبها _________ نهار يوم جديد طيف صحيت لقت نفسها نايمه ف حضنه ع الركنه بصت بفزع ووقعت ع الأرض من الصدمه بدأت تتسحب بالراحه ع الأرض قبل مايصحا ويكتشف انها كانت نايمه جمبه فجأه سمعت صوت يوسف بيقول : بتتسحبي زي القطط كدا ليه وقفت من ع الأرض وهي بتقول بإرتباك : ها انت صحيت يوسف شال الغطا وقال : لا لسه نايم طيف : ماشاء الله مكملناش اسبوعين مع بعض وبدأت تلقط مني يوسف : مانا خايف نطول اكتر من كدا اتحول لطيف رقم اتنين طيف : لا اطمن مفيش غير طيف واحده بس يوسف: دا من رحمة ربنا بالعباد بس طيف بضيق : سئيل يوسف : صحيح لما انا نمت هنا امال انتي نمتي فين طيف بتوتر : جوه نمت جوه ولسه طالعه حالا يوسف رجع بالذاكره لورا وأفتكر امبارح باليلل قال بتعجب : امال انا ليه حاسس انك كنتي نايمه جمبي طيف بإرتباك : محصلش دي تهيؤات تلاقيك كترت من البيبسي امبارح يوسف بتعجب : انتي ليه محسساني انها خمره طيف : ولا احسسك ولا تحسسني انا داخله أوضتي سلامو عليكوا يوسف : بت تعالى هنا طيف بصتله وقالت بضيق: اووف عايز اي يوسف : جهزي فطار اجري طيف قربت منه وقالت : نعم مسمعتش يوسف رجع لورا وهو بيقول: قصدي بعد اذنك جهزيلي فطار يااستاذه طيف طيف بغرور : ايوا كدا لا مش مجهزه انت مفكرني مراتك ولا اي يوسف وقف وقال : انا مش مفكر انا متأكد من داه طيف : بس ... يوسف مسكها من قفاها وقال : مبسش قدامي ع المطبخ اخلصي طيف : ربنا ع الظالم ف المطبخ طيف : ممكن افهم عايزني احضرلك فطار ليه يوسف : علشان انا فكرت وقررت اننا نكمل الكام يوم الفاضلين مع بعض كأي اتنين متجوزين طيف بتعجب : نعم ازاي يعني يوسف: يعني نفطر ونتغدى ونتعشى سوا وتسأليني رايح فين وجاي منين وأنا كمان أسألك عن كل حاجه طيف بتعجب: ولي كل داه طالما هنتطلق يوسف : معرفش نفسي هفتني اجرب حياة الزوجيه معاكي طيف : بس انا نفسي مهفتنيش بصراحه فهتبطل الجنان داه وهتدخل أوضتك وانا هدخل اوضتي وكل واحد يفضل ف حاله لحد ماكل واحد فينا يخلص من التاني يوسف : بقى كدا طيف: ايوا كدا يوسف : طيب حيث كدا بقى اروح انا لنورهان حبيبتي تدلعني طالما مراتي مش عايزه وسابها ومشي مكملش خطوتين ولقى طيف بتقوله : بتحب البيض شكشوكه ولا مسلوق يوسف ابتسم ورجعلها تاني ________ ف الأسفل والدة طيف : بصراحه ياام يوسف انا حاسه اننا غلطنا ف جوازة العيال دي ومكنش لازم نغصبهم والدة يوسف : انا بردو حاسه كدا وطول الوقت ضميري بيأنبني والدة طيف : انا بصراحه دموع بنتي غاليه عليا اوي وكل اما اكلمها الاقيها بتعيط والدة يوسف : وانا الواد يوسف ابني حالته بقت حاله وبقى تايه كدا ومش مظبوط والدة طيف: انا قولت انهم هيحبوا بعض بس واضح ان مفيش أمل العيال مش طايقه بعضهم يااختي وانا عماله اضغط ع طيف وحاسه ان البنت مبقتش مستحمله ليحصلها حاجه مني دول محدش فيهم طايق التاني والدة يوسف : حصل ياحبيبتي والله دا لو طالوا يقتلوا بعض هيعملوا والدة طيف: يبقى الحل اننا نلحقهم قبل ماحد يخلص ع التاني جرايم القتل كترت ودل ال طلعنا بيهم من الدنيا والدة يوسف : يلهوووي لا كله الا ابني والدة طيف : يبقى نصلح ال عملناه وزي مادخلنا بالمعروف نخرج بالمعروف والدة يوسف : وانا معاكي قومي نطلعلهم فوق نقولهم اننا اخدنا قرار خلاص والدة طيف : يلا بينا _______ يوسف وطيف كانوا واقفين بيحضروا الفطار ونازلين ضحك فجأه الباب خبط يوسف بتعجب: هروح اشوف مين طيف مسكت السكينه وقالت: لو كانت نورهان هفتح كرشك بدي يوسف : ياساتر اي العنف داه طيف: روحي شوف مين راح يوسف وفتح الباب اتفاجئ بوالدة طيف ووالدته مع بعض قال بتعجب : اهلا ياطنط اتفضلوا والدته دخلت وهي بتقول : فين طيف والدة طيف ردت وقالت : تلاقيها بتعيط جوه وبعدين بصت ليوسف من تحت لتحت وقالت : ماهي من يوم مااتجوزت وهي مفحومه عياط يوسف بتعجب قال لوالدته بصوت واطي : هي بتبصلي كدا ليه والدته بصتله بغضب وقالت: مش عارف ليه بردو اندهلنا طيف روح طيف خرجت م المطبخ وقالت : اي دا ماما انتي هنا حضنتها بلهفه والدتها: طيف يابنتي انتي كويسه حصلك حاجه فيكي حاجه انا جتلك ياحبيبتي علشان اخلصك من السجن ال انتي فيه يوسف بتعجب وصوت واطي: اي الدراما دي كلها انا دلوقتي عرفت طيف جايبه الجنان دا كله منين طيف بتعجب : في اي ياماما انا كويسه والدتها : هتفضلي تكدبي لحد امتى انا عارفه كل حاجه ياحبيبتي اطمني واخدتها وقعدت والدة يوسف : اقعد يلا علشان عايزين نكلمكوا ف موضوع مصيري يوسف قعد وهو بيبص لطيف بتعجب طيف بادتله نفس النظره انها مش فاهمه بردو في اي والدة طيف : بص يايوسف يابني انا جايه علشان اخد طيف زي ماادتهالك يوسف بإرتباك : تاخديها ازاي يعني والدة يوسف : قصدها تقول اننا هنصلح غلطتنا وزي مااجبرناكوا ع الجواز هنطلكوا طيف ويوسف ف نفس ذات اللحظه: نعم والدة طيف: انا عارفه انكوا فرحانين دلوقتي وبنتمنى انكوا تسامحونا طيف يإرتباك : يعني هو انتو ليه فكرتوا ف الموضوع داه انا ممكن استحمل شويه كمان عادي يوسف بص لوالدته : ماما انتي مش كنتي تعبانه وحالفه عليا اتجوز البنت دي ولو موفقتش هتتعبي وهتدخلي ف غيبوبه وكلام من داه ع فكره انا مستعد استحمل علشانك مش لازم موضوع الطلاق داه دلوقتي والدة يوسف : لا ياحبيبي خلاص انا فكرت وعرفت اني كنت غلط ولازم كل واحد فيكوا يروح لحاله والدة طيف وقفت وقالت : قومي حضري شنطة هدومك يلا طيف : مستعجله لي بس ياماما خليها وقت تاني والدتها : نص ساعه بالظبط تكون حاجتك جهزت يوسف وهو بيبص على طيف : انتو بتهزروا مش كدا ___________ بعد ساعه والدته : اهي مشيت اهي ياحبيبي وريحتك منها متزعلش مني بقى وعندك حياتك عيشها براحتك وشوف انت عايز تتجوز مين وانا هجوزهالك يتبع ........ طيف بإحباط : هو يعني جايه دلوقتي وتحسي بالذنب ياماما والدتها : انا اكتشفت إني كنت غلطانه لما اجبرتك ع الجواز من ال اسمه يوسف داه ومش انا بس دا والدته كمان عرفت غلطها وقررنا نصلح كل حاجه انا عايزاكي تطمني وتعرفي ان ورقتك هتوصلك لحد هنا طيف بفزع: هو هيطلقني بجد والدتها : ايوا اكيد ولا انتي عايزه تفضلي مراته طيف بإرتباك: لا طبعاً انا بس مستغربه اصل موضوع الطلاق دا جه فجأه وكدا وحاسه ان الناس هيتكلموا وانتي عارفه حوارات الناس مبتخلصش والدتها : انا خلاص مبقاش يهمني حد ومش عايزه غير راحتك وبس ولا يمكن انتي حبتيه ولا حاجه طيف بإربتاك: لا طبعاً احب مين دانا مش مصدقه امتى اخلص منه __________ في منزل يوسف يوسف قاعد ف الصاله لوحده كل لما يبص على الركنه يفتكر كلامها وحركاتها قام وهو مدايق دخل المطبخ يعمله حاجه سخنه يشربها تخيل شكلها وهي واقفه ف المطبخ بتاكل وتناكف فيه فتح الدرج بتاعها ال بتشيل فيه الشيبسي والشكولاته لقى حاجتها زي ماهي قفله تاني وراح على أوضته وهو مدايق وبيكلم نفسه ويقول : مش قادر اقعد ف الشقه من غيرها كل ركن ف الشقه بيفكرني بيها بس معرفش انا ليه مدايق دلوقتي مش مفروض اكون مبسوط وان دا ال كنت عايزه ليه احساسي بيقول عكس كدا اخد نفس وقام لبس وخرج وهو خارج عدى على والدته والدته : تعالى يايوسف تعالى كل معايا عارفه انه وحشك أكلي يلا اهي ال كانت قافشه على نفسك مشيتهالك ولا تزعل نفسك يوسف بضيق : مش فاهم انا اشمعنا دلوقتي بقت وحشه وعيزاني اطلقها والدته بتعجب : مش انت ال بتقول انها وحشه وانك مبتحبهاش ولا تكونش بتحبها وعايزها يوسف بإرتباك : لا انا مقولتش كدا بس اقصد اي التغيير المفاجئ داه والدته: حاسه اني غلطت ف حقك وقولت اكفر عن ذنبي يوسف بضيق: بصراحه مش عارف اشكرك ازاي ياماما بجد مش عارف وسابها وخرج والدته بصوت مرتفع: هجوزك نورهان اطمن بعد ما مشي مسكت تليفونها وكلمت والدة طيف وقالتلها بهمس ضاحكه : ها قوليلي طيف عامله اي والدة طيف بهمس أيضا: مش راضيه تاكل من وقت ماجيبتها وبنتي مبتمنعش الأكل الا للشديد الأوي دي باينها حبته فعلاً والدة يوسف بهمس: والواد يوسف ابني بدردو وشه مقلوب علشان مشيتها انا حاسه انهم بيحبوا بعض بس تقلانين وعايزن حد يتلحلح فيهم والدة طيف : خليهم يتقلوا براحتهم دانا هنسويهم على نار هاديه والدة يوسف بضحك: هنخليهم هما ال يتحايلوا علينا نرجعهم لبعض بس اصبري اهم حاجه خطتنا تفضل ماشيه زي ماهي والدة طيف بضحك : اكيد احنا شعارنا لا تراجع ولا استسلام طيف ليوسف ومفيش نورهان __________ ف المساء طيف ف أوضتها عماله تلف حواليين نفسها وبتفكر ف يوسف : ياترى دلوقتي بيعمل اي ممكن نايم لا لا مبينمش دلوقتي اكيد خرج وراح يسهر مع نورهان قعدت على سريرها ‏ومسكت موبايلها وهي بتقول : ابعتله رساله فتحت الشات وقالت : بس هبعتله اي وبعدين لو بتعله هيفكر اني مدلوقه عليه وهو اساسا مبيحبنيش بس انا وبعدين رمت الفون وقالت بصدمه: بس انا اي يكونش بحبه بصت للناحيه التانيه وقالت : لا لا مش معقوله حبيته امتى داه ولا ازاي رمت راسها ع السرير وبصت للسقف وهي بتقول: يعني انا دلوقتي بحبه ولا لا وحتى لو بحبه هيفيد بأي ماهو مبيحبنيش انا انام احسن ________ يوسف قاعد ف أوضته ماسك موبايله وعمال يفكر : دي حتى مهنش عليها تبعت رساله تطمن عليا مش يمكن مستنيه انا ال ابعت بس لا لو بعت رساله هتقول عليا مدلوق وشكلي هيبقى شكلي وحش اوي طب ياترى هي بتعمل اي دلوقتي اكيد بتاكل زي عوايدها عارفها ام كرش اترمى على سريره وهو بيقول : هي ليه فارقه معايا اوي كدا معقول اكون حبيتها بس ازاي وحصل امتى داه فجأه الفون رن بص فيه بلهفه لقى نورهان ال بترن قفل الفون بضيق وقال : هو دا وقتك انتي كمان رنت تاني يوسف رد وهو مدايق وقال : ايوا يانورهان في اي نورهان بتعجب : هو اي الرد دا بقى يوسف بضيق: مدايق شويه لو مفيش حاجه مهمه اقفلي نورهان : يعني بقالي كام يوم برن عليك وحضرتك مطنشني ويوم ماتفتح تكلمني بالطريقه دي يوسف : نورهان ارجوكي مش وقت خناق خالص نورهان : طب ممكن اعرف مالك طيب يوسف : مفيش حاجه نورهان بحزن : اتغيرت اوي يايوسف وبقيت بحس انك بتبعد عني شويه بشويه مالك ياحبيبي اتكلم يوسف : صدقيني انا مش عارف مالي حياتي متلخبطه وكل حاجه عكس بعضها نورهان : دا بسبب الي ماتتسمى ال اسمها طيف هي ال شقلبت حياتك كدا امتى تغور بقى علشان ترجع يوسف بتاع زمان يوسف بحزن: ع فكره طيف مشيت نورهان بفرح : بجد ولا بتهزر يوسف بضيق: هو دا وقت هزار نورهان بفرح وسعاده : انا مش مصدقه نفسي أخيراً الكابوس ال على قلبنا اتزاح ياااه اخيراً يايوسف أخيراً يوسف بحزن : نورهان انا بصراحه حاسس اني مش مبسوط نورهان بتعجب : مش مبسوط ازاي يعني يوسف يوسف : حاسس اني مدايق وكأني اتعودت على وجودها نورهان : يعني ال كنت خايفه منه حصل يوسف : واي ال كنتي خايفه منه نورهان: انك تحبها يايوسف يوسف : بس انا محبتهاش دا ممكن يكون تعود مثلاً نورهان: هنفترض انك محبتهاش بس ليه تتعود عليها انت محتاج تراجع نفسك يايوسف محتاج تفتكر ان طيف عمرها ما كانت شبهك وأنها حد محتلف تماماً عنك فاكر لما كنت بتقولي انها بنت عشوائيه وتصرفاتها غريبه فاكر لما كنت بتحكيلي انك مدايق من حراكتها الزايده ف البيت وأنها مش هاديه ودايما حاسس بدوشه وازعاج بسبب وجودها افتكر كل داه يايوسف وانت هتعرف ان انت وطيف عمركوا ماهتكون مناسبين لبعض ممكن تكون متعلق بيها شويه علشان بقالك فتره عايش معاها فطبيعي انك تتعلق بس متوصلش لدرجة انك تزعل علشان سابتك فاهمني يوسف كان ماسك أسوره بتاعت طيف وسرحان فيها نورهان بتعجب : يوسف انت معايا ولا روحت فين يوسف افاق من شروده وقال: ها كنتي بتقولي اي نورهان بتعجب: لا داانت مش معايا خالص دا واضح فعلاً ان الهانم واخده عقلك بس اطمن انا مش هسيبك وهرجع يوسف ال اعرفه تاني _________ "نهار يوم جديد" ف الكافيه نورهان: هتفضل ساكت كدا يوسف: مش ساكت ولا حاجه اتكلمي نورهان : اتكلم اقول اي وانت قالب وشك بالمنظر داه يوسف : مانا قولتلك انا مليش نفس للخروج وانتي ال اصريتي اعملك اي طيب نورهان مسكت ايده وهي بتقول : مالك ياحبيبي بس اي ال مغيرك كدا يوسف شد ايده وهو بيقول : مفيش حاجه مخنوق شويه نورهان اتحرجت لما شال ايده قالت بضيق : يوسف انت هتطلق طيف امتى يوسف بتعجب: اطلقها نورهان : ايوا تطلقها هي مش غارت ف داهيه ووالدتك هي ال طردتها مستني اي انت بقى ولا انت ناوي متطلقهاش يوسف بتردد : لا هطلقها اكيد بس لسه مفكرتش ف الموضوع داه نورهان بغضب: وهتفكر امتى بقى ان شاء الله يوسف : مش عارف ياطيف مش عارف نورهان بتعجب: طيف ! لا واضح انك فعلاً محبتهاش يوسف: نورهان انا اسف بس صدقيني انا متلخبط الفتره دي ومحتاج ابقى لوحدي انا مش عايزك تزعلي مني نورهان اخدت نفس وقالت: وانا هفضل جمبك لحد ماتكون كويس حتى لو حاولت تبعدني بكل الطرق مش هسيبك وع فكره لو انت فعلاً حبيتها ف افتكر انها سابتك ومشيت عادي يعني انت مش فارق معاها يوسف بضيق: ممكن نقفل ع السيره دي بقى نورهان: حاضر حاضر انا عارفه ان سيرتها تسد النفس مش عارفه كنت مستحملها ازاي يوسف: يوووه ماقولتلك خلاص ولا انتي عايزاني اقوم امشي نورهان : خلاص سكت اهو جاله اتصال قالها: ثواني هرد ع الفون نورهان : خد راحتك قام يتكلم ف الفون وهي استغلت الوقت داه وطلعت حبايه من شنطتها وحتطها ف كوباية العصير بتاعته وهي بتقول لنفسها: انا هوريكي يازفته ياللي اسمك طيف يوسف رجعلها وهو بيقول : نورهان قومي نمشي يلا رايح لواحد صاحبي نورهان بإرتباك : اي دا بجد يوسف بإستعجال : ايوا يلا نورهان بتوتر مسكت كوباية العصير وقالت: طب اشرب دي بسرعه الأول باين انك مهبط كدا يوسف بهبوط: فعلاً انا حاسس ان دماغي بتلف وخدها من ايدها وشربها بسرعه ومشيوا ف العربيه يوسف وهو بيحاول يفتح عيونه : نورهان انا حاسس بدوخه شديده نورهان بتمثيل : من اي بس يوسف بدوخه : مش عارف نورهان : طب وقف ع جمب وتعالى اقعد مكاني انا هسوق بدلوا الأماكن يوسف : بسرعه بس علشان حاسس اني هقع من طولي نورهان بخبث: حاضر ياحبيبي بدأت دماغه تلف اكتر ويفقد الوعي نورهان : يوسف يوسف انت نمت يوسف بهلوسه: طيف انا اكتشفت اني بحبك ارجعيلي انا محتاجك نورهان بضيق : انا هوريك انت وال اسمها طيف دي يوسف فقد الوعي تماماً وقفت ع جمب بالعربيه وطلعت موبايلها وبدأت تاخد صور ليها معاه وبعدين نزلت وسابته ف العربيه وركبت تاكس وروحت ________ ف المستشفى طيف بلهفه : طمني عليها يادكتور الدكتور: اطمني حالتها استقرت وبقت تمام اهم حاجه بلاش اخبار سيئه او حد يزعلها احنا مصدقنا الحاله تستقر طيف : بإذن الله ف الغرفه طيف : حمدالله ع السلامه ياطنط كدا تخضينا عليكي اولادها كلهم كانوا حواليها ابنها الكبير: شدي حيلك كدا ياست الكل مش كل شويه تستلمي للمرض بالشكل داه والدة طيف: غريبه يعني ازاي يوسف مجاش لحد دلوقتي والدة يوسف بتعب: ابني فين حد يشوفلي ابني فين طيف نكزت والدتها ف دراعها وقالت: يوسف كويس اطمني هو تحت ع فكره بيكلم الدكتور وجايلك حالاً والدة يوسف بتعب : بجد ياطيف يوسف تحت طيف بتوتر : ايوا طبعاً هروح اندهولك بسرعه واجي اخت يوسف بضحك: حتى وانتي تعبانه مش عايزه غير يوسف ياوليه مااحنا ولادك بردو اخوها بضحك: آخر العنقود بقى والدلوع بتاعها والدتهم بتعب : دا حبيبي دا هو في حد فيكوا بيسأل عليا ف الرايحه والجايه زيو يامعفنين ابنها بضحك : بقى كدا ماشي ياستي بس ماهو الوحيد ال عايش معاكي ف نفس البيت انما احنا بعيد وانتي عارفه المشوار طيف سابتهم وخرجت بره وفضلت ترن عليه وهي قلقانه وهو كان مرمي ف العربيه مش حاسس بنفسه يتبع....... بقلم #Malak_mohamed حد مستعد للمرار ال جاي ف السكه🥺 #المشاكسه_والعنيد 12 يوسف صحي اخيراً وقام لقا موبايله عمال يرن بص حواليه لقى نفسه ف العربيه ف الشارع ملحقش يستوعب ال حصل ومسك موبايله ورد على طيف طيف بلهفه : يوسف أخيراً رديت يوسف بتعجب : في اي رنيتي كتير اوي طيف : انت فين والدتك ف المستشفى هو سمع الكلمه دي وقلبه وقف يوسف بصدمه: مالها ماما اي ال حصلها طيف : اطمن هي بقت كويسه بس محتاجه تشوفك يوسف بلهفه : انا جاي حالا طيف قفلت معاه ودخلت عند والدة يوسف تاني والدة يوسف : فين يوسف ياطيف طيف بإرتباك: جي حالاً اهو الدكتور بس عايزه ف حاجه مهمه والدة يوسف بتعب: عند الدكتور من امبارح ياطيف طيف : صدقيني هو جي قعدت جمبها وحطت موبايلها ع التربيزه ومسكت ايدها وهي بتقول : طمني بالك انتي بس وريحي نفسك شويه قولتلك جاي والدة يوسف بحزن: لسه مبتحبهوش ياطيف طيف بحزن: مش يمكن هو ال مبيحبنيش والدة يوسف: يوسف بيحبك يابنتي اسأليني انا طيف : طب ممكن نسيبنا من الموضوع داه دلوقتي ونشد حيلنا كدا علشان تطلعي بالسلامه والدة يوسف: انا هبقى كويسه لو شوفتك انتي ويوسف كويسين طيف ابتسمت وطبطبت ع ايدها فجأه والدة طيف ندهت عليها : طيف تعالى عايزاكي دقيقه بره سابت طيف والدة يوسف وراحت تشوف والدتها نسيت طيف موبايلها ع التربيزه جمب سرير ام يوسف فجأه بيتبعت رسايل كتير ورا بعض لطيف وصوت الموبايل فضل يدي جرس ورا بعض شدة الموبايل بفضول وبصت عليه لقت صور كتير ليوسف ونورهان وهما ف العربيه مع بعض وصور جريئه جدا ومكتوب تحتها : يوسف كان معايا طول اليلل لأحسن تكوني مفكره انه قاعد بيفكر فيكي شافت والدة يوسف كل داه عرفت ان يوسف مجاش لحد دلوقتي لأنه كان سهران مع نورهان الموبايل وقع من ايدها ع الأرض ‏كل اولادها كانو قاعدين بيهزروا مع بعض ومحدش واخد بالي ‏جت طيف من بره بتبص عليها لقتها مغمضه عيونها والموبايل بتاعها واقع ع الأرض شالت الموبايل وبصت فيه لقت صور يوسف ونورهان بصت على والدة يوسف بصدمه وقالت بفزع : حد ينده الدكتور بسرعه دخلت والدة يوسف العنايه المركزه وحصلها جلطه ف القلب وبسبب كبر سنها ممكن متستحملش وتموت جه يوسف وعرف ال حصل لوالدته وكلهم كانوا بيسألوا طيف اي ال حصل بس طيف مرضيتش تقول على الصور علشان شكل يوسف قدام اخواته يوسف بصراخ: انطقي اي ال حصل الدكاتره بتقول ان ماما حصلها صدمه وان في حد قالها حاجه تزعلها طيف فضلت تعيط وهي ساكته مكنتش عارفه هي بتعيط على والدته ولا بتعيط على صدمتها فيه وانه حتى مستناش يطلقها لا دا راح لنورهان وهي لسه على زمته يوسف بغضب شديد: انطقي قولتيلها اي طيف ساكته وعماله تعيط يوسف مسكها من ايدها بغضب وقال : سكوتك داه معناه انك انتي السبب ف ال هي فيه اخوه : كفايه كدا يايوسف مش وقته يوسف بغضب: محدش يتدخل فاهمين والدة طيف بغضب: كفايه تزعيق لبنتي بقى بنتي معملتش حاجه ملكش دعوه بيها فاهم وشدتها بعيد عنه يوسف بص ليها وقال : انا فعلاً مبقاش ليا دعوه بيها لأنها من يوم مادخلت حياتي وهي شقلبتها حتى انا مبقتش يوسف ال اعرفه وبعدين بص لطيف وقال :طيف انتي طالق ________ ف المنزل والدتها: طب قوليلي هتروحي فين طيب علشان قلبي يبقى مطمن عليكي طيف وهي بتحضر شنطتها بإستعجال وعماله تعيط : هروح ف ستين داهيه ومحدش ليه دعوه بيا ولا بحياتي بعد كدا والدتها : يابنتي ليه بتعملي فيا كدا ما انتي قولتي انك مبتحبهوش بتعيطي ليه دلوقتي وعايزه تسيبي البيت هو ميستاهلكيش افهمي طيف بصتلها بدموع وقالت: بس انا للأسف حبيتوا رغم ان داه مكنش لازم يحصل بس تعرفي انا مبسوطه دلوقتي علشان كل الحب ال ف قلبي ليه اتحول لكره وبعدين مسكت موبايلها وبعت رسايل لوالدتها ع الموبايل وقالت : الصور ال اتعبتعتلك دي لما يجي اليوم ال هيسأل عليا فيه ورهومله علشان يعرف انه إنسان واطي جدا والدتها مسكت موبايلها وبصت ع الصور بتاعت يوسف ونورهان قالت بصدمه : يلهوووي هو اي داه طيف قفلت شنطتها وقالت: اوعديني انك مش هتقوليلوا ع مكاني مهما حصل والدتها بحزن: طب قوليلي الأول انتي رايحه فين طيف : هنزل القاهره تاني وهكمل حياتي هناك والدتها : طب خديني معاكي هتسبيني هنا لمين انتي عارفه عمتك صعبه وهي سبب كل ال احنا فيه دلوقتي طيف : مش هاخدك دلوقتي اظبط أوموري هناك وادور على شغل كويس وهبعتلك تجيلي على طول والدتها حضنتها ببكاء وقالت : حقك عليا يابنتي سامحيني انا السبب ف ال انتي فيه دلوقتي طيف ببكاء: مفيش وقت للعتاب القطر هيتحرك والدتها: خدي بالك من نفسك طيف مسحت دموعها وقالت بإبتسامه مكسوره : اطمني عليا متخفيش انا قدها ________ بعد مرور عدة ايام فاقت والدة يوسف وخرجت من المستشفى يوسف وهو قاعد جمبها: طب كلميني طيب انا مش فاهم انتي زعلانه مني ف اي وليه مش عايزه تكلميني والدته باصه للناحيه التانيه ورافضه تكلمه يوسف : طب عاتبيني اشتميني قولي اي حاجه بلاش تفضلي ساكته كدا انا مش عارف طيف قالتلك اي خلتك مش طايقه تبصيلي بالمنظر داه والدته ساكته يوسف وقف بإحباط: بردو مش عايزه تتكلمي انا هروح بنفسي للي اسمها طيف دي أسألها بنفسي _______ في منزل طيف : جاي ليه يايوسف يوسف: انا عايز طيف ف كلمتين وماشي والدتها : طيف مش هنا يوسف بتعجب: راحت فين والدتها: اظن دي حاجه متخصكش يوسف: طب هترجع امتى والدتها : طيف مش راجعه طيف سافرت محافظه تانيه ومش راجعه هنا تاني ولو جاي علشان تعرف منها ال حصل ف المستشفى ف الإجابه عندي فتحت الموبايل ع الصور بتاعته هو ونورهان وادتهوله يوسف بص فيه وهو مصدوم : اي الصور دي والدة طيف: هو مش مفروض اننا ال نسألك اي الصور دي يوسف بصدمه : انا بجد مش فاهم اي الصور دي ووصلت هنا ازاي والدة طيف : ياسلام يعني مش عارف دا حصل ازاي يوسف بصدمه : صدقيني مش فاكر أي حاجه بخصوص الصور دي فهميني اي ال حصل والدة طيف : يوم ماوالدتك كانت ف المستشفى الصور دي جت ع موبايل طيف وللأسف الموبايل كان جمب والدتك وشافت كل حاجه وطيف بنتي مكنش ليها ذنب ف حاجه ولا حكتلها حاجه عنك انت ونورهان دا ربنا ال آراد يكشفك قدامها يوسف بذهول: بس هي ليه مقلتش كدا لما كنا ف المستشفى والدة طيف : اخواتك كانوا واقفين ومحبتش تفضحك قدامهم مع انها غلطانه وانت تستاهل الفضيحه وطلعت انسان اناني فعلاً وطلقتها بسهوله رغم انها حبتك بس فعلاً انت متستهلهاش يوسف بتعجب: طيف حبتني انا والدة طيف: للأسف حبيتك وانت بعتها علشان واحده رخيصه حتى مستنتش تطلقها لا دانت بجح لدرجة انك روحت تسهر مع ال اسمها نورهان وهي لسه ع زمتك _______ ف السياره يوسف رن على نورهان وقالها بعصبيه : نورهان انتي كدبتي عليا نورهان بإرتباك: كدبت عليك ف اي مش فاهمه يوسف : لما كنا ف العربيه وحسيت بدوخه وقولتلك انتي سوقي وبدلنا الأماكن وصحيت لقيت نفسي ف الشارع ولما كلمتك انتي قولتيلي اني كنت بهلوس وانتي خفتي مني ف نزلتي من العربيه وسبتيني نورهان بإرتباك : ماهو دا ال حصل فعلاً يوسف بعصبيه : متأكده ان دا ال حصل نورهان: في اي يايوسف ماتتكلم ع طول يوسف بغضب شديد وصوت مرتفع : في انك كدابه والصور ال بعتيها لطيف كنتي عارفه اني عمري ماهشوفها لأن طيف عمرها ماكانت هتواجهني بيها نورهان بغضب: ايوا أنا عملت كل داه علشان بحبك وبعدين طيف اساسا مش فارقه معاك وكانت السبب ف تعب والدتك واديك طلقتها لي راجعه تفكر ف القديم يوسف بغضب: تعب والدتي بسببك انتي علشان لما بعتي الصور لطيف الموبايل كان ف ايد والدتي وبعدين تعاليلي هنا انتي مين سمحلك تصوري صور زي دي وتبعتيها لطيف نورهان بغضب: طيف طيف طيف انا زهقت من البنت دي خلاص بقى انساها وال حصل حصل يوسف بغضب: ال لازم تتنسي هو انتي شخصيه متلاعبه وكدابه زيك عمري ماهعرف أمنلها طول حياتي نورهان بصدمه : نعم انت جاي بعد السنين دي كلها تنهي كل حاجه بسهوله كدا يوسف بغضب : انتي ال نهيتي كل حاجه بنفسك نورهان بحده : طب بما ان كل واحد فينا هيروح لحاله ف انا حابه اقولك انك اكتر انسان بندم اني عرفته وانك تستاهل ان طيف تبعد عنك لأنك اناني مبتفكرش غير بنفسك شخص كان مشتت بين اتنين شخص مفكرش يقف مع نفسه بشجاعه ويقول انا هكمل مع واحده لا حضرتك كنت مستمتع بوجدنا احنا الأتنين حواليك ومفكرتش للحظه ف مشاعري او مشاعرها واظن انك اخدت جزاتك كويس اوي وع فكره انا عارفه انك بتحب طيف بس مكنش عندك الشجاعه انك تعترف بداه ليها زي بردو لما مكنش عندك الشجاعه تقف قدام اهلك علشان حبنا يكمل اتمنى ف المستقبل انك تبطل غرور وعند ولو حبيت اعترف وحارب علشان حبك لآخر لحظه الإعتراف بالحب عمره ماكان ضعف حتى لو المقابل كان الرفض وآخر حاجه عايزاك تعرفها اني عمري ماكنت هوافق اعيش مع واحد قلبه مع واحده تانيه وانت قلبك مع طيف مش معايا لسه هيرد عليها قفلت الفون ف وشه يوسف وقف مع نفسه دقيقه وهو بيستوعب كلامها وحس فعلاً انه كان غلط من البدايه وان ولا طيف ولا نورهان أشخاص سيئين هو الشخص السئ بين الأتنين وحس فعلاً انه اخد جزاته ببعد طيف عنه يتبع ..... بقلم #Malak_mohamed