المشاكسه والعنيد - الفصل7.8.9 | روايتك

*ـ🪾رواية: `المشاكسه_و_العنيد`🦋* … `🪾🪾(7/8/9)`🪾🪾 ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ #المشاكسه_والعنيد 7 نهار يوم جديد يوسف بفزع: ااااا طيف وهي ماسكه صنية الأكل : اي شوفت عفريت يوسف : انتي دخلتي هنا ازاي طيف : من الباب يوسف بلخبطه: وازاي تدخلي من غير ماتخبطي طيف : واخبط ليه هو انا داخله ع ابن الجيران يوسف بعصبيه : اتفضلي اطلعي بره ومتدخليش تاني الا لما تستأذني طيف حطت الصنيه ع السرير وقالت : انا ادخل براحتي يوسف بتعجب: صنية اي دي طيف: الفطار يوسف : والفطار بيعمل اي ع سريري مش فاهم طيف قعدت وقالت : لازم تتغذى كويس يوسف : انتي اتجننتي ولا اي طيف مسكت البيضه وقشرتها وقربتها من بوئه وهي بتقول: افتح بوئك ايها الفرعون الصغير يوسف بصدمه : فرعون اي! انتي كنتي مطبقه على فديوهات ياسمين عز ولا اي بالظبط طيف: اي دا عرفت ازاي يوسف بإشمئزاز : كل حاجه واضحه قدامي اهي طيف : افتح بوئك يلا هم ياجمل يوسف قام من ع السرير وقال: انتي اتجننتي بلا جمل بلا حمل خدي صنية الأكل دي واطلعي بره مش ناقصه جنان ع الصبح طيف وقفت وقالت بعصبيه : بقولك اي انا طلع عيني ف الفطار داه هتاكله يعني هتاكله يوسف بعصبيه : قولتلك مش هاكل يعني مش هاكل _______ وهو قاعد ع السرير طيف : يعني كان لازم تعصبني يوسف : انا باكل بس علشان اخلص من زنك وتقومي تفتحي الباب ال خبيتي مفتاحه داه طيف : خلص الأكل دا كله وانا هفتحلك الباب يوسف وهو بياكل : ربنا ع الظالم منك لله يا ياسمين عز طيف شدت بيضه وبدأت تاكل وهي بتقول : يوسف هو انت اي اكتر حاجه بتحبها ف نورهان يوسف بتعجب: مش فاهم طيف وهي بتاكل : يعني بتحبها ليه اقصد يوسف ساب الأكل ورجع براسه لوار وبدأ يسرح ويقول بنظره كلها رومانسيه : كل حاجه فيها تتحب رقتها ف الكلام نظرتها عيونها ال كلها حب ولا ابتسامتها عليها ابتسامه بتدوب قلبي كدا طيف بلامبالاه وهي بتاكل : ايوا ايوا كمل يوسف بصلها وقال : اكمل اي انتي مش معايا اصلا انتي مع الأكل طيف وهي بتاكل: لا لا متقولش كدا كمل انت بس وقولي اتعرفتوا ع بعض ازاي يوسف رجع سرح تاني وهو بيبص برومانسيه وقال : كنا ف الجامعه واتقبلنا صدفه كانت مستعجله وقتها وانا كنت مستعجل وخبطنا ف بعض ونزلت ألم معاها كتبها ال وقعت عيونها جت ف عيوني قلبي دق وحسيت انها هي دي حبيبتي سكوت ثواني طيف وهي بتاكل بلامبلاه : ايوا كمل كمل يوسف بصلها: اكمل اي انتي مش معايا قولتلك طيف بلعت الأكل ال ف بوئها وقالت: قولتلك معاك يوسف : طب تقدري تقولي انا كنت بقولك اي طيف اخدت بوء عصير ولفت وشها ليه وقالت: كنت بتقول انك اتقابلتوا ف الجامعه وخبطتوا ف بعض تعرف انا حصل معايا نفس الموقف داه ف الجامعه وخبطت ف واحد وانا ماشيه الفرق بس اننا بدل ماننزل نلم الكتب مع بعض قالي ماتفتحي ياجاموسه يوسف بضحك : تصدقي عنده حق طيف بعصبية: بقى كدا طب شوف مين هيفتحلك الباب بقى يابتاع نورهان يوسف : لا انتي كدا ذودتيها قومي افتحي الباب خلصي قالت بعند: مش فاتحاه وقامت مطلعه لسانها يوسف بعصبيه : بقى كدا طب متزعليش بقى من ال هيحصلك ولسه هيمسكها قامت طالعه تجري يوسف وهو بيلف وراها ف الأوضه: هاتي المفتاح بالزوء أحسنلك طيف بضحك وهي بتجري منه: دا بعينك يوسف مسكها ولقت نفسها ف حضنه فجأه وهو بيقول : قولتلك هاتي المفتاح احسنلك طيف بصت ف عيونه ف لحظه اكتشف انها ف حضنه سكوت ثواني والأتنين بيبصوا لبعض يوسف حس بالإحراج فشال ايده وبعد لبعيد طيف رجعت لورا وطلعت المفتاح من جيبها وقالت : المفتاح اهو يوسف أخد المفتاح وهو محرج يبصلها وفتح وخرج طيف ف أوضتها قاعده سرحانه وبتفكر : انا ليه حسيت ان قلبي هيتخلع من مكانه دي اول مره يكون قريب مني كدا وبعدين خبت وشها ف المخده وقالت :هرفع عيني ف عيونه ازاي انا دلوقتي يوسف وهو بيغسل وشه ع الحوض : اي ال انا هببته داه واضح اني بقيت بنسى نفسي كتير طب هتقول عني اي دلوقتي ياربي ع الإحراج (وفضلوا طول اليوم بيتهربوا من بعض لحد مااتصادفوا سوا على باب الشقه) اول لما شافوا بعض حسوا بإرتباك وبقوا مش عارفين هما رايحين ولا جايين يوسف بإرتباك : انا كنت خارج انتي كنتي خارجه انتي كمان طيف : لا انا كنت داخله اقصد اه اه أنا كنت خارجه يوسف : رايحه فين طيف بإرتباك : نازله لطنط اقعد معاها شويه زهقت من القعده لوحدي يوسف : اها طيب انا خارج انا بره البيت لسه هيمشي طيف قالت بسرعه: رايح تقابل نورهان يوسف بصلها بتعجب طيف بارتباك:اه مليش اني أسألك انا عارفه اتفضل روح نزل وهي قفلت الباب ونزلت وراه والدته ساكنه ف الدور الأرضي كانت فاتحه الباب صدفه لقته نازل والدة يوسف: عريسنا رايح فين ياترى بالشياكه دي يوسف: خارج ياماما عايزه حاجه والدته بتعجب وهي بتبص وراه : امال فين طيف فجأه نزلت طيف وقالت : انا هنا ياطنط والدته بفرح: اها انا قولت بردو ازاي هيخرج ويسيبك طيف : لا مانا مش خارجه معاه انا كنت نازله اقعد معاكي شويه والدة يوسف بتعجب : ازاي يعني مش خارجه معاه يوسف: انا خارج لوحدي ياماما زهقت من قعدة البيت قولت انزل اشم هوا شويه ولا دا كمان ممنوع والدته : لا مش ممنوع بس مراتك دي مش من حقها تخرج بردو ولا اي يوسف : ابقى خرجيها انتي انا مااشي والدته بحده : استنا انا بكلمك يمين بالله لو مااخدتها معاك لتكون مش ابني ولا اعرفك يوسف بعصبيه : ياماما انا مش فاهم انتي عايزه اي مني قولتلي اتجوزها علشان ابقى راضيه عنك يابني واتجوزتها اعمل اي تاني والدته بغضب: هو انا قولتلك اتجوزها علشان تعاملها المعامله دي دي مراتك يعني ليها حق عليك وبعدين بصت لطيف وقالت: انتي مش عايزه تخرجي معاه ياطيف يوسف بصلها بحده ونظره قاسيه بمعنى انها تقول لا طيف ردت بعند: ايوا عايزه أخرج معاه ياطنط وهو مش راضي يوسف بصدمه : نعم يااختي طيف بمكر وبكاء مصطنع : بقالي ساعه بتحايل عليه اجي معاك وهو مش موافق والدة يوسف: اخص عليك دا بجد وبصت لطيف وقالت: اطلعي ياطيف غيري هدومك علشان تخرجي معاه يوسف دخل الشقه عند والدته وقال : طب مش خارج بقى ارتحتوا ________ ف العربيه طيف بخوف : أ.. قاطعها بعصبيه : شششش طيف اتعدلت وقالت: انت هتفضل مدايق كدا كتير يوسف بعصبيه : ليه قولتي انك عايزه تخرجي معايا طيف : علشان عايزه أخرج معاك فعلاً يوسف : كل حاجه عندك عند مش كدا طيف : لا مش عند انا فعلاً كنت عايزه أخرج معاك يوسف بصلها بتعجب وقال :بتهزري طيف بصت ناحية الشباك وقالت: مبهزرش بس لو عايز تروحني روحني انا عارفه انك كنت خارج تقابل نورهان يوسف :بس انا مكنتش خارج اقابلها طيف بصتله بلهفه وقالت : بجد يوسف بتعجب: اه بجد طيف بفرح : ياااس وقف بقى عند عربية الدره ال هناك دي يوسف : في اي طيف : وقف بس وهقولك يوسف ركن ع جمب ولسه بيقولها في اي لقاها فتحت الباب ونزلت يوسف بإحباط : يابنت المجانين طيف راحت ع بتاع الدره وقالتله : ازيك ياعمو ابراهيم فاكرني ابراهيم : طيف يا اهلا يااهلا اي الغيبه دي انا قولت حصلك حاجه طيف :عمر الشقي بقي ياعمو ابراهيم قولي انت عامل اي والدره بتاعتك لسه حلوه زي زمان ولا هي كمان الزمن جه عليها ابراهيم بضحك : الدره بتاعتي دي عامله زيك كدا مهما الزمن يعدي عليها هتفضل حلوه وجميله ومسكره طيف بإبتسامه : لا بقولك اي مبقاش ينفع تعاكسني خلاص انا بقيت مدام ابراهيم بضحك : الاه مش كنا متفقين اخدك لابني محمود كدا تغدري بيا طيف : اهو ال حصل بقى ياعمو ابراهيم ابراهيم : وفين جوزك دا بقى طيف بصت ع العربيه وقالت : هو ال قاعد هناك داه يوسف كان بيراقب الحوار من بعيد وقرر ينزل من العربيه يروح يشوفها بتعمل اي يوسف : بتعملي اي يلا علشان نمشي طيف : سلم على عمو ابراهيم الأول يوسف اخدها ع جمب وقال وصوت واطي : هو انا اعرفه منين اي الإحراج داه طيف : انت متعرفش مين داه يوسف : لا طيف دا عمو ابراهيم معقوله متعرفوش يوسف: ايوا معرفوش طيف : ولا انا يوسف : ايوا هنبتدي نستظرف طيف بضحك: لا خلاص خلاص دا عمو ابراهيم اشهر واحد بيشوي دره ف المنيا كلها لما كنت بنزل اجازه مع بابا نزور عمتي كنت بحب اجي عنده انا وبابا ناكل دره يوسف : هو علشان انتي تعرفيه يبقى خلاص دا اشهر واحد طيف : ايوا تعالى بقى نجيب دره وأخدته من ايده ورجعت لعمو ابراهيم طيف : اتنين دره مشوي ياعمو ابراهيم بقى ابراهيم: انا عيوني ليكي ياطيف اتفضلي احلى اتنين دره مشوي لعيونك انتي والأستاذ طيف اخدتهم وقالت : تسلم يا راجل ياعسليه انت ابراهيم بص ليوسف وقاله : خد بالك منها دي كانت هتكون مرات ابني بس انت طلعت محظوظ وامك دعيالك يوسف بضيق: اه تمام طيف دفعت الحساب ومشيوا يوسف : تعالي العربيه هنا اهي طيف وهي بتاكل ف الدره بصت وراها وقالتله: مبعرفش اكل الدره الا وانا بتمشى يوسف : نعم يااختي انا مروح طيف بصتله وقالت : روح وخليني انا للكلاب تاكلني او حد يخطفني وتكون انت السبب وسابته ومشيت يوسف : يارب يديني الصبر علشان اقدر استحمل البت دي لحقها وهو بيقول : انتي يازفته استني طيف بضحك: تعالى يلا يوسف مشي جمبها طيف كانت عايزه تعدي الشارع فبحركه لا اراديه وهي باصه قدامها مسكت ايد يوسف وعدت بيه الشارع كان مستغرب اوي تصرفها وصلت للنص الشارع واستوعبت انها ماسكه ايده سابت ايده بسرعه وقالت : انا اسفه مخدتش بالي ولسه هتمشي لوحدها راح ماسك ايدها ومشي هو قدامها وعداها معاه ع الرصيف طيف : خد كوز الدره بتاعك كله وهو سخن يوسف: مش عايز طيف : احسن بردو دي طعمها جميل وكملت أكل يوسف وهو ماشي جمبها : هو انتي تعرفي ابن الراجل داه طيف وهي بتاكل : راجل مين يوسف : ال جبتي منه الدره طيف : اه محمود دا كان بيفضل يهزر معايا وكان دايما يقولي انه هيخطبني وبتاع يوسف بضيق : وانتي كنتي بتهزري معاه عادي طيف وهي بتاكل : لا طبعاً مكنتش بديله وش ابدا انا مش زي البنات اياهم يوسف ابتسم وشد من أيدها كوز الدره وبدأ ياكل فيه طيف بتعجب : ماانت كنت بتقول مش عايز يوسف وهو بياكل : حبيتها فجأه يتبع......... بقلم #Malak_mohamed وقفنا عند طيف وسيف وهما بيتمشوا سوا وياكلوا دره طيف بضحك: اقولك نكته كمان يوسف : لا كفايه كدا طيف بضحك : استنا هقولك مره اتنين فراعنه دخلوا كافيه طلبوا اتنين آمون ههههه يوسف : انا بقالي خمس ايام مضحكتش وكدا بقوا سته طيف : ع فكره نكتي حلوه بس انت ال قفوش اوي يوسف : انا مش قفوش انتي ال نكتك بايخه اوي طيف بذمجره : بقى كدا طيب وسابته ومشيت يوسف ضحك وقال : استني خلاص نكتك حلوه وجري علشان يلحقها طيف وهي تستنشق الهواء: هيييح الجو جميل اوي من زمان مااخرجتش خروجه زي دي يوسف بإبتسامه: بصراحه انا اول مره اخرج خروجه زي دي واكل دره وانا بتمشى واشرب عصير قصب طيف بتعجب : ازاي اول مره يعني معقوله مخرجتش انت ونورهان قبل كدا يوسف : لا بنخرج بس كل خورجتنا بتبقى ف كافيهات مطاعم كدا يعني طيف: اه قصدك تقول الخروجه البلدي مش متعود عليها يوسف : لا مقصدش كدا ع فكره هي عجبتني اوي اكيد هجربها مع نورهان طيف بضيق : طيب فجأه بيجي إتصال ليوسف بص ف الموبايل وهو متردد طيف : نورهان مش كدا يوسف رد ع الموبايل وقال : ازيك يانورهان نورهان بهلع : يوسف الحقني انا ف الشارع ومعيش اي فلوس اروح شنطتي اتسرقت وكل حاجتي كانت فيها يوسف بلهفه : خليكي مكانك انا جايلك حالاً وقفل الموبايل وبص لطيف وقال بتردد : طيف انا .. قاطعته وقالت : روحلها عادي انا هركب تاكسي واروح يوسف: انا اسف بجد طيف بإبتسامه مكسوره: ملوش لزوم الأسف روح يلا دي مهما كان حبيبتك يوسف سابها ومشي فعلاً طيف فضلت تتمشى ع الرصيف ودموعها مغرقه وشها ___________ يوسف بذهول : غريبه يعني قاعده مع صحابك وبتضحكي امال اي ال شنطتي اتسرقت وتعالى الحقني نورهان بضحك : دا احنا كنا بنلعب الشايب ودا كان حكم عليا بس تصدق كلهم راهنوا انك مش هتيجي الا انا قولت اكيد هيجي يوسف بعصبيه وغضب وصوت مرتفع : بتلعبي بأعصابي يعني وانتي قاعده تضحكي مع صحابك نورهان بتعجب : مالك يايوسف قفشت كدا ليه احنا بنهزر محصلش حاجه يعني لكل داه يوسف بغضب : انتي عارفه اني بسببك سبت طيف لوحدها ف الشارع وجتلك نورهان: طب واي يعني من امتى هي بتفرق معاك يوسف بغضب : يعني انتي شايفه ان عادي اسيب مراتي ف الشارع لوحدها علشان حضرتك بتلعبي الشايب نورهان بغضب: بقيت بتقول مراتك عادي اهو واضح انك متجوزها غصب فعلاً يوسف: انتي عمرك ماهتفهمي كلامي انا خوفت عليكي بجد نورهان اتنهدت واترمت ف حضنه وقالت : ياحبيبي انا فاهمه ومقدره خوفك عليا ودي حاجه اثبتتلي انك فعلاً بتحبني وهي مش فارقه معاك يوسف فضل حاتط ايده جمبه ومرضيش يلمسها حست بالإحراج فبعدت وقالت : واضح انك زعلان مني يوسف بغضب : نورهان لو سمحتي متهزريش معايا تاني تمام وسابها ومشي ركب عربيته ورجع البيت طلع شقته بسرعه وفتح الباب وهو بيقول : طيف انتي جيتي فضل يدور عليها ف كل الأوض ملقهاش نزل لتحت خبط ع مامته وقالها بإستعجال وخوف : طيف هنا والدته بتعجب : هو انتو مش خارجين سوا وهي كانت معاك يوسف : يعني هنا ولا مش هنا والدته : لا طبعاً مش هنا هتكون هنا ازاي ساب والدته ومشي والدته : جيب العواقب سليمه يارب ركب عربيته وطلع موبايله وفضل يرن عليها وهي تكنسل يوسف بغضب : عنيده ودماغها ناشفه وعارف ان عمرها ماهترد فضل يدور عليها بالعربيه ورجع لنفس المكان ال سابها فيه وفضل يسأل عليها الناس ‏بعتلها رساله انها تقول هي فين مردتش عليه اتصل بوالدتها وقالها : ازيك ياامي عامله اي والدة طيف : الحمدلله ياحبيبي انت عامل اي وطيف عامله اي عرف ان طيف مش عندها فرد بإرتباك : كويسه الحمدلله والدة طيف : الوقت متأخر يعني بترن في حاجه يوسف بإرتباك : ها لا مفيش دانا بطمن بس والدة طيف : اه طيب ياحبيبي تسلم اديني طيف اكلمها يوسف بإرتباك: طيف اه طيف نايمه هخليها تكلمك بكرا مع السلامه وقفل التليفون قال بإحباط : انتي فين بس ياطيف ليه بتعملي فيا كدا وبعدين خبط بإيده ع العربيه وقال : انا عارف اني استاهل بس ارجوكي قولي انتي فين افتكر ابراهيم بتاع الدره لف بالعربيه وراحله سأله عليها قاله انها لما كانت بتتخنق كانت بتروح تزور قبر والدها اخد منه عنوان المقابر ومشي بالعربيه وراحلها دخل لقاها منوره الفلاش وقاعده قدام القبر بتعيط يوسف دخل بهدوء وقال بتعجب: طيف مسحت دموعها وبصت وراها لقت يوسف وقفت وقالت : عرفت مكاني ازاي يوسف بغضب: انتي مبترديش عليا ليه طيف قعدت وقالت بهدوء : المكان ليه حرمته لو عايز تتخانق اطلع بره يوسف اخد نفس وقعد جمبها وقال: مش خايفه من القعده لوحدك ف مكان زي داه ف الوقت المتأخر داه طيف وهي باصه قدامها: وهخاف من اي دا بابا حبيبي كنت بفضفض معاه شويه يوسف : بس... قاطعته وقالت: ياريت بعد اذنك تقعد ساكت ياتطلع تستناني بره يوسف اخد نفس وقعد ساكت هدوء لدقائق كانت دموعها بتنزل بغزاره بدون اي صوت بص عليها وبدأ يقرب منها ومسك ايديها كنوع من المواساه وهي فضلت تعيط ف السياره : ممكن اعرف مردتيش عليا ليه طيف: وانت جيت ليه يوسف : علشان .. قاطعته وقالت: علشان اي هو انت مش سبتني ومشيت يوسف : كنت مضتر امشي طيف : تمام وانا مقولتلكش حاجه وع فكره عياطي دا مش علشان انت سبتني ف الشارع انا اعرف اروح لوحدي عادي انا كنت بعيط علشان بابا وحشني انما انت متفرقش معايا يوسف : تمام ________ وصلوا البيت لقا والدته فاتحه الباب ومستنيه اول لما شافتهم قالت : اخيرا جيتوا طيف يابنتي انتي كنتي فين طيف بإبتسامه : مفيش ياطنط بابا وحشني فقولت اروح اشوفه واقعد معاه شويه والدة يوسف : وحشك الساعه 11 باليلل طيف : اهو ال حصل بقى هطلع انا علشان تعبانه جدا بعد اذنك وسابتهم وطلعت يوسف لسه هيطلع وراها والدته ندهت وقالتله تعالى يايوسف عيزاك دخلوا وقفلت الباب يوسف: خير ياماما والدته : عملت اي ف البنت يوسف : مفيش حاجه والدته : لا والله يعني انت كنت بتدور عليها كدا من فراغ ولا عملت مصيبه كعادتك يوسف : ماما صدقيني انا متخلبط ودا مش وقت عتاب خالص والدته : ماشي ياحبيبي براحتك بس انا حبيت اقولك ان دي اول مره اشوف ف عيونك الخوف انت كنت خايف عليها اوي يايوسف يوسف بإرتباك : مش مراتي لازم اخاف عليها دي ملزومه مني والدته قعدت وقالت : كنت خايف عليها علشان هي مراتك ودا واجب عليك ولا علشان هي طيف يوسف بتعجب : واي الفرق مش فاهم والدته : لا في فرق كبير دور السؤال ف دماغك وشوف اجابته اي يوسف : هو دا وقت فوازير بس ياماما والدته : ولا فوازير ولا غيره بص يابني انا لما اخترت البنت دي علشان تبقى مراتك مش علشان انا أم متسلطه وعايزه امشي كلامي وخلاص بس علشان انا شايفه ان طيف هي البنت ال هتسعدك ونورهان ال انت كنت بتحبها دي عمري ماشوفت الحب ف عيونها ليك وكنت عارفه انك لو اتجوزتها سنتين وهتزهق والجواز مفهوش زهق لو البنت مقدرتش تكسر روتين الحياه الممل بخفة دمها وجنانها الحياه هتبقى ممله وكل واحد هيزهق من التاني وطيف ميتزهقش منها يوسف بتردد : مش عارف اقولك اي والدته : متقولش حاجه اطلع شقتك يلا راضيها لو كنت زعلتها وطيب بخاطرها يوسف سمع كلام والدته وطلع شقته فعلاً فتح باب الشقه وهو بيقول لنفسه هصالحها ازاي دلوقتي دي اكيد مموته نفسها عياط ف أوضتها دخل وخلع الجاكيت وحط المفاتيح ع الترابيزه فجأه سمع صوت قرقشه جايه من المبطبخ قال لنفسه بتعجب: معقول يكون في فار ف المطبخ راح علشان يشوف في اي كل اما يقرب صوت القرقشه يزيد وقف وقال بخوف : دا باين فار كبير طب انده طيف تيجي معايا وبعدين قال : طيف اي بس دلوقتي يعني البنت ميته من العياط جوه واجي انا اقولها تعالي معايا نموت الفار انا هدخل انا وأمري لله شمر ايده وقال بثقه: يلا بينا دخل المطبخ شد المقشه ولسه هيخبط لقى طيف قاعده ع الأرض وقدامها اكياس شيبسي وبسكوت وقزازة بيبسي يوسف بصدمه: طيف طيف بتعجب: في اي يوسف بذهول: انتي بتعملي اي طيف وهي بتاكل : باكل يوسف : هو مش مفروض انك تكوني زعلانه وف اوضتك دلوقتي طيف بلامبلاه : وهزعل ع اي يعني قولتلك انت مش فارق معايا يوسف حط المقشه مكانها وقال : مقولتش اني فارق معاكي بس مفروض تكوني بتحسي شويه يعني ال حصل النهارده دا يدخل اي واحده ف اكتئاب سنتين طيف بسخريه : يااااه اكتئاب سنتين دا انا اخر مره اكتئبت كان المغرب وكنت ف الملاهي مع صحابي العشا اكتئاب اي داه ال اكتئبه احنا هنعيش مية مره محدش يستاهل تعالى كل تعالى يوسف قعد جمبها ع الأرض وقال اوقات بحس ان معاكي حق وريني كدا بطعم اي الشيبسي داه طيف : بالشطه يوسف بدأ ياكل وهو بيقول : حراء اوي طيف : استنى اجبلك واحد بالجبنه يوسف بتعجب : مش معقوله هتنزلي السوبر ماركت دلوقتي طيف وقفت وفتحت درج المطبخ وقالت : سوبر ماركت دا اي انا السوبر ماركت بحاله عندي اخدت الكيس ورجعت قعدت جمبه وادتهوله يوسف فتح الكيس وقال بضحك : تصدقي اول مره اعرف ان الدرج داه في كل الحاجات دي طيف وهي بتاكل : انت مش مهتم تعرف اي حاجه ف الشقه انا حاسه اني عايشه لوحدي يوسف سكت بإحراج طيف : هو صحيح انت مش كنت رايح لنورهان رجعت تدور عليا ليه يوسف اتحرج يقولها ان نورهان كانت عامله فيه مقلب قال بكذب : روحتها وبعدين رجعت ادور عليكي ملقتكيش طيف وهي بتاكل : غريبه يعني انا قولت انك لما ترجع متلاقنيش هتقول ف داهيه أخيراً استريحت منها يوسف وهو بيبصلها: وانا كنت متوقع كدا بس تعرفي انا لحد دلوقتي مش عارف انا كنت بدور عليكي ليه طيف بضحك : يمكن علشان الألف جنيه ال عليا يوسف ابتسم وقال : يمكن بردو طيف بطلت أكل وبصتله وقالت : تعرف انا نفسي حد يخاف عليا زي ماانت بتخاف على نورهان وبعدين ابتسمت وقالت :حلو الحب مش كدا يوسف وهو سرحان ف عيونها : مش عارف طيف بتعجب: ازاي مش عارف يوسف فاق من شروده وقال: كلي كلي وسيبك من الحب داه مبيجيش من وراه غير الهم طيف وهي بتاكل: هو اه مبيجيش من وراه غير الهم بس حلو يوسف : انتي تعرفيه علشان تقولي حلو ولا لا طيف : اه شوفته ف عيونك النهارده وقت ماكنت خايف ع نورهان وسبتني ومشيت يوسف : ممكن بردو طيف بصتله وقالت: هو احنا هنطلق امتى يوسف بتعجب : مش عارف انتي مستعجله ولا حاجه طيف وهي بتاكل: اه عايزه الحق احب واتحب اشمعنا انت ماتقوم نتطلق دلوقتي ونخلص يوسف بضيق : كلي ياطيف كلي وانتي ساكته طيف بإحباط : مبعرفش اسكت للأسف بحب الرغي وبعدين بصتله وقالت : احكيلك حدوته يوسف: بتعرفي تحكي حواديت طيف : اه يوسف : طب أحكي يتبع .......... بقلم #Malak_mohamed #المشاكسه_والعنيد 9 الباب بيخبط يوسف فتح عيونه لقى البوتجاز قصاده اتفزع ولسه هيقوم اتفاجئ بطيف نايمه على دراعه وحاضنه كيس الشيبسي رجع بالذاكره لورا افتكر انهم كانوا سهرانين ف المطبخ وآخر حاجه فاكرها انها قالتله انها شاطره ف حكاية الحواديت وهو طلب منها تحكيله حدوته ومش فاكر اي ال حصل بعد كدا الباب خبط تاني شال دراعه بالراحه من تحت راسها وقام بسرعه راح يفتح الباب وهو بيتألم بسبب ضهره ال وجعه من نومت الأرض فتح الباب وكان مفكر والدته اتفاجئ بنورهان يوسف بصدمه : نورهان انتي بتعملي اي هنا ولا انا لسه بحلم ولا اي بالظبط نورهان زقته ودخلت وهي بتقول : بتحلم دا اي يوسف بذهول: دا باينله مش حلم لحقها وقال : تعالي هنا يخربيتك بتههبي اي واي ال جابك هنا نورهان وهي بتبص على ديكور الشقه : جيت اعتذرلك علشان حسيت انك زعلت مني امبارح يوسف : هو انتي كدا بتعذري ولا عايزه تجننيني اتفضلي روحي يانورهان وخلي يومك يعدي ع خير نورهان قربت منه وقالت برومانسية: هي دي مقابله تقابل بيها حبيبتك بردو شكلك لسه زعلان مني يوسف زقها لبعيد وقال بعصبيه : قولتلك امشي دلوقتي حالاً قبل طيف ماتصحى او حد يشوفك نورهان بتعجب : هو انا بعبع بتكلمني كدا ليه يوسف هدي وقال : نورهان بعد اذنك روحي فجأه طيف بتطلع من المطبخ وهي بتفرك ف عيونها وبتقول : اي الصوت داه يوسف حط ايده على وشه وقال : يادي المصيبه طيف بصدمه : هو انا بحلم ولا دا انتي بجد نورهان قعدت وقالت ببرود : لا دا انا ياحبيبتي طيف بصت ليوسف وقالت بغضب شديد : هي وصلت انك تجبها البيت يوسف : طيف انا هفهمك كل حاجه بس ارجوكي اهدي طيف سرحت بخيالها وتخيلت أنها راحت عليها جابتها من شعرها وضربتها وعضتها جامد يوسف طرقع صوابعه قدام وشها وقال : سرحتي ف اي بلاش مصايب ارجوكي ماما لو عرفت انها هنا هتبقى مصيبه طيف افتكرت كلام مامتها وهي بتقولها : متحسسهمش انك ضعيفه ياطيف قعدت وحطت رجل ع رجل وقالت : واي يعني ماتيجي تزورك فين المشكله يوسف بتعجب: يعني مش فارق معاكي وجودها طيف : وهيفرق معايا ف اي نورهان بغرور : بصراحه الله يكون ف عونك يايوسف ياحبيبي بتصطبح بالوش ال يسد النفس دا كل يوم طيف ببرود : هو مش بيصطبح بس دا بيصطبح ويتمسى عليه متشليش همه انتي ياحبيتي يوسف قعد وقال : نورهان بعد اذنك قومي روحي نورهان قامت وقعدت جمبه وهي بتقول: حبيبي انا جايه علشان اعتذرلك انت عارف اني مقدرش على زعلك يوسف : انا مش زعلان ياستي ممكن تروحي بقى ونبقى نتكلم ف الموضوع داه بعدين نورهان مسكت ايده وهي بتقول : بجد مش زعلان مني طيف ادايقت فقامت وهي بتقول : انا داخله أوضتي فجأه الباب خبط يوسف : ماما يادي المصيبه نورهان : مش فاهمه انت خايف من مامتك اوي كدا ليه يوسف بتوتر: انا مش خايف منها انا خايف عليها ماما مريضه ولو شافتك مش بعيد تطب ساكته طيف : ع الأقل جت ف الوقت المناسب وراحت علشان تفتح يوسف لحقها ومسكها من دراعها وقال : طيف ارجوكي بلاش انتي عارفه ظروف ماما الصحيه طيف : طب وانت مش عارفها ازاي تسمحلها تيجي هنا يوسف : انا مقولتلهاش تيجي هي ال جت بنفسها الباب خبط تاني يوسف بتوسل : ارجوكي بلاش طيف بتنهيده : دخلها جوه وانا هتصرف نورهان: انتوا ليه محسسني ان انا مصيبه يوسف راح ومسكها من أيدها وهو بيقول: امشي قدامي طيف شافته ماسك ايدها فقالت : استنى عندك انا هدخلها جوه وانت هتتصرف مع مامتك شدت أيدها من ايده بضيق واخدتها ومشيت يوسف ابتسم وأخد نفس وراح فتح لوالدته والدته دخلت وهي بتقول : اي يابني ساعه علشان تفتحوا يوسف : معلش ياماما كنت نايم والدته : ازاي دانا سامعه ودودتكوا من بره وقولت يمكن بيقولوا لبعض حاجه يوسف بإرتباك : ها لا دي تهيؤات ياحبيبتي طيف نايمه والدته وهي بتبص حواليها : نايمه بجد ولا بتهزر يوسف قعد وقال : لا نايمه ياماما نايمه والدته : طيب انا كنت طالعه اطمن عليها واعرف منها اي ال حصل امبارح يوسف : مفيش حاجه حصلت ياماما دا سوء تفاهم بسيط وعدى والدته : سوء تفاهم اي بس دانا متأكده انها مبطلتش عياط طول اليلل بسببك يوسف افتكر شكلها وهي قاعده ف المطبخ بتاكل شيبسي قال لوالدتها : لا اطمني مفيش الكلام داه دي ف سابع نومه والدته وقفت وقالت : طيب حيث كدا بقى اقوم انزل شقتي ولما تصحى ابقى اطلعلها فجأه بتسمع صوت بيقول: اااا والدته بتعجب : اي الصوت داه يوسف بإرتباك : مفيش صوت ولا حاجه دي تهيوئات ياحبيبتي انزلي خدي علاجك انتي ومتشغليش بالك والدته : ماشي ياحبيبي فجأه الصوت بيرجع تاني والدته : الاه يابني في اي جوه ف الأوضه لتكون طيف بتتألم ولا حاجه يوسف بإرتباك : ها لا هو انا مقولتلكيش مش طيف ياحرام بتتكلم وهي نايمه وبتزعق واوقات بتصوت زي ماسمعتي دلوقتي كدا دي اوقات بتمشي كمان وهي نايمه تخيلي ادعيلها ياماما ادعيلها والدته بتعجب : لا حول ولا قوة الا بالله ودا مرض اي دا يابني يوسف بتردد : مرض ال مرض الهلوسه ايوا مرض الهلوسه والدته بحزن : طب وملوش علاج ولا اي فجأه الصوت بيرجع تاني يوسف : لا للأسف ملوش انزلي انتي دلوقتي وانا هروح اصحيها والدته : طيب ياحبيبي ربنا يهدي سركوا وسابته ونزلت يوسف قفل الباب واخد نفس وكأن كابوس كان على قلبه سمع صوت الصريخ تاني راح بسرعه ع الأوضه فتح الباب وبص لقا طيف مدخله نورهان جوه الدولاب وقافله عليها وعماله تزق بضهرها ع الباب ونورهان جوه عماله تصرخ بسبب الألم لأن الدولاب ضيق خالص شد طيف لبعيد وفتح الدولاب وهو بيقول : بقولك خبيها مش تموتيها طيف ببرود: دا بدل ماتشكرني نورهان بألم : ااااه ضهري اتكسر منك لله يابعيده يوسف مسك ايدها وطلعها وهو بيقول : اظن كفايه لحد كدا وتروحي تمام نورهان بألم وضهرها محني : دانا عمري ماهعملها واجيلك تاني اي القرف داه انت متجوز متوحشه طيف بصتلها بحده نورهان بخوف : ياماما وخدت بعضها ونزلت تتسحب علشان والدة يوسف متشوفهاش وخرجت من البيت بسرعه ________ طيف ف المطبخ بتعمل لنفسها أكل يوسف: بتعملي اي طيف بضيق : بعمل اندومي يوسف بسخريه : اندومي الله يسامحك ياما فضلت تقولي دي شاطره اوي ياحبيبي وكل أصناف الأكل هتعملهالك طيف بعصبيه : عايز تستظرف اطلع بره يوسف سند ع الرخامه وقال : حاسك مدايقه من وقت مانورهان كانت هنا طيف خبطت المعلقه جامد ع الرخامه وقالت: هدايق من اي يعني مش فاهمه يوسف بإبتسامه ماكره : يعني حاسس انك غيرانه شويه مثلا طيف بصتله بضيق وقالت بعصبيه : غيرانه على مين بقى ان شاء الله لتكون فاكر نفسك فارق معايا انا لو كنت مدايقه فمدايقه علشان والدتك بس مش اكتر احنا كدا كدا هنطلق اوعى تسرح بخيالك تاني وفوق شويه واخدت الأندومي ومشيت راحت قعدت ف الصاله يوسف بتعجب: اوقات بحس انها تخوف وبعدين راح وراها وقعد طيف وهي بتاكل : هو انت موركش ولا شغله ولا مشغله يوسف :للأسف لا واخد اجازه طيف بضيق : الواحد قرب يتخنق يوسف : للدرجادي وجودي مدايقك وقف وقال : انا اسف مش هخليكي تشوفي وشي تاني ودخل غير هدومه وخرج اول لما خرج من الشقه طيف انفجرت ف العياط وقعدت ع الأرض تكلم نفسها : هو انا ليه مدايقه انها جت هنا مااكيد ف يوم دا هيبقى بيتها هو اي ال بيحصلي داه انا لازم اطلق ف اقرب وقت موبايلها رن طيف : ازيك ياماما والدتها بلهفه: صوتك معيط كدا ليه مالك بس طيف وهي بتمسح دموعها : مفيش حاجه انا تمام انتي كويسه والدتها: لا انتي مش تمام يوسف زعلك تاني طيف : ياماما دا جابها الشقه هنا تخيلي والدتها: بتتكلمي جد طيف : ايوا والدتها: لا كدا زودها اوي متزعليش مني بقى بس انتي طلعتي عبيطه اوي مش قولتلك خليه يحبك طيف : عملت كل ال قاتلي عليه ياسمين عز وبردو مجبش فقلبت على رضوى الشربيني وعايزه أطلق بقى مليش فيه والدتها : هو ياكدا ياكدا مفيش وسط عندك طلعتي ضعيفه اوي ومش جامده زي امك طيف : ياماما كفايه بقى انا زهقت والدتها : قصدك تقولي استسلمتي مش كدا ونورهان كسبت يلا ياخسرانه ياعبيطه طيف : بس بقى ياماما مدايقنيش والدتها : لازم ادايقك علشان تحسي ع دمك وتسيبي الأكل ال ف ايدك داه وتقومي تشوفي جوزك وبيتك هي نورهان احسن منك ف اي طيف بتعجب: ثواني بس انتي ازاي عرفتي اني باكل والدتها : مش بنتي ياام كرش قومي خلصي ظبطي نفسك وحطي احمر واخضر واصفر وخلي الواد يدوب فيكي دوب طيف :هو بعد الأحمر والأخضر والأصفر كدا مش هيدوب فيا انا كدا هبقى مربوحه مرات الكبير والدتها: يابايخه وليكي عين تهزري قومي يابت يلا طيف : حاضر حاضر يلا باي قفلت وقالت بتعجب : احمر وأخضر وأصفر هعملها ازاي دي انا كدا محتاجه الوان الطيف ________ ف الخارج مروان: بقيت عريس خلاص ومبقناش نشوفك يوسف : ياعم عريس اي وزفت اي انا تايه اقسم بالله مروان: لي بس كدا ياصاحبي دا حتى الجواز استقرار يوسف : مع كل الناس الا انا شوفت بقى مروان : طب احكيلي مالك بس يوسف: هو ينفع احب اتنين مروان بضحك : انت بتهزر يوسف : لا انا بتكلم بجد مروان : بص ياصاحبي انا مش هدخل ف تفاصيل واسألك عن حياتك بس هقولك ربنا قال ولن تستطعوا ان تعدلوا بين النساء ولو حرصتم ودا مش معناه العدل ف الأكل واللبس لا دا قصده العدل ف المشاعر فصعب اوي يكون عندك مشاعر تجاه اتنين اكيد بتميل لواحده اكتر من التانيه يوسف : طب اعرف ازاي مروان : شوف انت بتحب تقضي وقتك مع مين اكتر مين مبتقدرش أنها تغيب عن عيونك مين بتوحشك مين بتضحك معاها من قلبك مين قلبك بيدق لما تكون جمبها مين اول واحده جت على بالك لما سمعت الكلام داه يوسف ابتسم وقال: لا مانا مش هقولك مروان بضحك: ماشي ياعم ربنا يصلحلك الحال بس خليك عارف لما توجه مشاعرك ناحية شخص واحد مبتبقاش مشتت وبتقدر تدي للشخص ال قدامك كل الحب ال محتاجله فحاول ف اقرب وقت تطلع نفسك من الدوامه دي وتختار ال فعلاً حابب تكمل معاها حياتك سكت وبدأ يفكر ف كلام مروان ________ ف المساء يوسف رجع البيت لقا النور مطفي والشقه مضلمه قال بتعجب : هو النور قاطع ولا اي قرب شويه شاف شموع ع التربيزه ابتسم وقال : دا واضح ان فيه قعده رومانسيه ولا اي رفع عيونه لفوق شويه شاف زي مايكون شبح قاعد ع الركنه صرخ وقال : اااا شبح جريت طيف عليه ومسكت ف دراعه وهي بتصوت هي كمان هو يبص عليها ويصوت وهي تبص عليه وتصوت على صوته يوسف بفزع: انصرف انصرف اعوذ بالله من الشيطان الرجيم طيف بصرااخ : هو فين العرفيت فين انطق يوسف هدي شويه ومد ايده ع كوبس النور وفتحه لقا طيف قال بصدمه طيف طيف بفزع : فين الشبح انطق يوسف رجله مبقتش شيلاه قعد وهو بيقول : منك لله ياطيف اي ال انتي مهبباه داه طيف بتعجب : مالي مش فاهمه يوسف وهو بيترعش : انتي مبصتيش ف المرايه طيف بتعجب : ماله شكلي مش فاهمه يوسف : انا قطعت الخلف خلاص وانتي بتسألي مالو شكلك حسبي الله ونعم الوكيل طيف بتعجب: هو انا شكلي وحش اوي كدا يوسف شدها من قفاها وقال : يعني انتي مبصتيش ف المرايه قبل ماتعملي ميكب الهالويين داه اتفضلي معايا كدا وراح بيها ع المرايه طيف اول لما شافت نفسها اتفزعت وقالت : يلهووي مين داه يوسف وهو ماسكها من قفاها : لا والله انتي بتسأليني انا مين داه طيف بصدمه : بس انا شكلي مكنش كدا وبعدين رجعت بالذاكره لورا وافتكرت انها دخلت المطبخ تعمل أكل وبعدين غسلت ايدها وطست وشها بالمايه ونشفت ف الماسكرا والكحل نزلوا على وشها والروج اتلخبط وبقت خلطبيطه بالصلصله وهي متعرفش يوسف: مالك متنحه كدا ليه طيف مقدرتش تمسك نفسها من الضحك وقعدت ع الأرض من كتر الضحك يوسف بغضب: انتي شايفه دي حاجه تضحك طيف بضحك : استنى بس هفهمك يوسف سابها وراح قعد ع الركنه وهو بيقول : بنت المجانين هتجنني معاها طيف دخلت غسلت وشها وهي بتقول : الله يسامحك ياماما احمر وأخضر اي بس الراجل كان هيموت فيها يتبع ...... بقلم #Malak_mohamed متحمسين للباقي 💙🙈