المشاكسه والعنيد - الفصل4.5.6 | روايتك

*ـ🪾رواية: `المشاكسه_و_العنيد`🦋* … `🪾🪾(4/5/6)`🪾🪾 ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ #المشاكسه_والعنيد 4 (وقفنا عند طيف ويوسف وهما بيتخانقوا وجرس الباب بيرن) فتحت طيف لقت والدتها بتقولها:صباحيه مباركه ياحبيبتي طيف بدون مقدمات: ماما انا عايزه أطلق والدتها بصدمه: تطلقي طيف : ايوا أطلق والدتها دخلت وقالت : وطي صوتك اي ال بتقوليه داه عمتك طالعه ورايا ولو سمعتك هتفشفشلك دماغك طيف بضيق: كل حاجه عمتي عمتي انا زهقت خلاص وبعدين مش انا نفذت ال انتو عايزينه سبوني اطلق بقى طلعت عمتها ودخلت وهي بتقول : نفسي اتقطع م السلم قعدوني بسرعه طيف : عمتو انا عايزه اطل... قاطعتها والدتها بقرصه جامده طيف : اي في اي والدتها ادخلي قدامي واخرسي خالص __________ ف المساء يوسف ف أوضته وطيف ف أوضتها عماله تلف حوالين نفسها بعصبيه : انا اتهزقت اناااا اتهزقت واتقل مني انا لازم اخد موقف بعد ال قالهولي داه بقى انا ال خربت حياتو وحياتي انا مخربتش يعني هو فاكر نفسه مين فتحت باب اوضتها وراحت ناحية أوضته اخدت نفس وفردت كتافها فتحت الباب وبصتله بغضب يوسف : في اي طيف اتنهدت وقالت بإحباط : لو عايزني اجي معاك افهم حبيبتك ان مفيش بينا اي حاجه واننا هنطلق قريب شوف معاد وقولي يوسف لسه هيتكلم خرجت وقفلت الباب وراحت ع المطبخ فتحت حلة الأكل وهي بتقول : ايوا كدا لازم ارجع كرامتي ال اتهانت هو فاكرني مين هه أخدت الحله وقعدت ع السفره من فوق بدأت تاكل وهي بتكلم ف نفسها وبتقلد يوسف ‏ ‏: بسببك حياتي ادمرت وخسرت حبيبتي نننني قال يعني كان عنده حياه انا عارفه بتحبه ع اي ‏ دي اكيد مغيبه دا شبه القرد لا لا حرام القرد احسن منه فجأه بتسمع يوسف وهو بيقول: لا ياشيخه طيف رفعت وشها وبصتله وقالت : انت هنا من امتى قرب وهو بيقول : مش مهم المهم فاضيه بكرا نروح نقابلها وتفهميها كل حاجه طيف وهي بتاكل بضيق : هشوف وقت فاضي واقولك يوسف : انتي هتستعبطي هو انتي وراكي حاجه غير الأكل والنوم وبعدين دي طريقة اكل بني ادم طبيعي انزلي من ع السفره طيف حطت الحله وبصتله بعصبية: بقولك اي يابتاع .. الا قولتلي انت اسم حبيبتك اي يوسف بتعجب : نورهان طيف نزلت من ع السفره وقربت منه وبصتله بحده وقالت: بص يابتاع نورهان طول فترة جوازنا ملكش دعوه بيا ولا بتصرفاتي خالص وملاحظاتك دي وفرها لحبيبتك علشان مزعلكش يوسف بسخريه : ايدي بتترعش مش قادر كفايه تهديد بقى انا مش قدك طيف ببرود مسكت ايده وقالت : لا ياروحي متخفش مش ههددك تاني وراحت موطيه ع ايده وعضاه جامد يوسف زقها لبعيد وقال بألم: يخربيتك قطعتي ايدي طيف وهي بتمسح بوئها : علشان تستظرف تاني يابتاع نورهان وعدت من جمبه بكل ثقه وبعدين وقفت مره واحده ورجعت لورا خطوتين وقالتله قرب لتحت شويه بصلها بتعجب ووطى شويه راحت خابطه كتفها ف كتفه جامد ومشيت من جمبه بكل غرور يوسف بتعجب : انتي مجنونه ولا اي بالظبط طيف : بشوفهم بيعملوا كدا ف المسلسلات لما يعدو من جمب حد مدايقهم بس طلعت جامده تصدق يوسف بتعجب : لا دانتي لاسعه ع الآخر طيف بحده : شششش مش عايزه اسمع صوت وسابته ومشيت يوسف قرب ع الأكل وجاب طبق علشان يغرف ليه وياكل ولسه هيحط المعلقه ف بوئه طيف بصت من بعيد وقالت بصوت عالي ومكر : ع فكره تفيت فيه يوسف رمى الملعقه بسرعه وقال : جاتك القرف مش واكل خالص طيف وقفت تضحك عليه طلع يجري رواها وهو بيقول : بطلي استفزاز بقى طلعت تجري منه بسرعه وهي بتضحك وراحت على أوضتها وقفلت الباب __________ "نهار يوم جديد" : ماتسوق ع مهلك هتموتنا علشان خاطر الست نورهان يوسف : مش عايز أتأخر عليها او اسيبها لوحدها كتير حد يدايقها ولاحاجه وانا مش هستحمل طيف : استنا استنا يوسف بتعجب: في اي طيف بسخريه: في شوية حنيه وقعوا منك ع الأرض كنت عايزه انزل المهم يوسف : ياخفه يااختي بعد شويه وصلوا الكافيه طيف : هي فين الست هانم يوسف : بقولك اي انتي لسانك يتلم نص ساعه بس تمام نص ساعه بس تصلحي كل حاجه وتتكلي ع الله طيف: اي اتكل ع الله دي انت جايبني من الشارع ماتحسن ألفاظك يوسف : خلاص خلاص يلا علشان هي هناك اهي طيف : استعنا ع الشقه بالله ومشيو ناحية نورهان يوسف: ازيك يانورهان نورهان بحزن : ممكن اعرف انت عايز تقابلني ليه ومين ال معاك دي طيف ببرود : انا مرات حبيبك ياحبيبتي نورهان بتعجب: نعم ! يوسف خبطها ف كتفها طيف : اقصد ضرتك هه يوسف خبطها تاني طيف : امال اقولها اي وبعدين قالت : انا الفتاه التي تزوجها حبيبك رغماً عنه بصتله وقالت : اظن كدا تمام يوسف : اقعدي اقعدي نورهان : كدا يايوسف تخوني وتتجوز ومن مين من دي طيف : يخونك اي ياحبيبتي فوقي انا مراته وانتي ال بيخوني معاها يوسف بصلها بحده طيف بإبتسامه مصطنعه : هههه دمي خفيف مش كدا كملوا كملوا يوسف مسك ايد نورهان وقالها برومانسيه: صدقيني انا بحبك انتي واتجوزتها غصب عني انا مبحبهاش طيف ببرود : ايوا ايوا صدقيه دول حبسوه ليله كامله ف اوضة الفيران علشان يتجوزني دول كانوا بيطفوا سجاير ف ودانه يوسف بصلها بحده طيف : أفورة مش كدا كملوا كملوا يوسف بعصبيه: انتي تسكتي خالص طيف حطت القفل وقالت : حاضر نورهان : بس تصدق زوء مامتك طلع وحش اوي مجوزاك لوحده بتلبس نضاره وبتعمل شعرها كعكعه طيف مسكت نضارتها ولمست ع شعرها وقالت : مالها ياحبيبتي النضاره والكعكعه مش فاهمه نورهان بصت ليوسف وقالت: يوسف متخلهاش تكلمني تاني انا مش طايقه كلامها يوسف بص لطيف وقالها: قولتلك اسكتي طيف بضيق : الصبرر يوسف بص لنورهان وقالها برومانسيه: وحشتيني اوي ياحبيبتي تعرفي اني مبنمش اليلل بسببك وبسبب التفكير فيكي شايفه تحت عيوني بقى اسود ازاي ومبقتش شايف قدامى من السهر طيف: هو انتو تشربوا حشيش وتجبوها ف السهر يوسف بصلها بحده طيف بإبتسامه مصطنعه : سوري كملوا كملوا نورهان برومانسيه: ياااه ياحبيبي كل داه علشاني طب تعرف بقى اني منعت الأكل اسبوع لما عرفت بموضوع جوازك داه وكنت هموت وركبت كالونه حتى شوف ايدي يوسف باس ايدها وقال : الف سلامه عليكي ياقلبي ان شالله انا وانتي لا طيف مسكت جمبها بألم: اااااه يوسف بصلها وقال: في اي طيف : لا المراره شدت عليا شويه كدا كدا هشيلها كملوا كملوا نورهان: هو انت هتطلق البنت دي امتى يوسف : شويه بس علشان انتي عارفه ماما عندها السكر وخايف ازعلها يحصلها حاجه نورهان بصت لطيف وقالت : مش عارفه عاجبه مامتك ف اي دي طيف ببرود وابتسامه مصطنعه : مش هتعصب لا خدوا راحتكوا خالص يوسف : يعني مسامحاني ياحبيبتي ومصدقاني نورهان : اه ياحبيبي وهستناك لحد اخر يوم ف عمري وبصت لطيف وقالت بغيظ : بالعند ف ناس طيف بصوت خافت : اي العلاقه المنتنه دي يوسف بص لطيف وغمزلها طيف بتعجب : في اي مش فاهمه يوسف غمزلها تاني وهز براسه انها تقوم تمشي طيف بتعجب : لا مانا مبفهمش الكلام صريح ف متستناش افهم التلميحات يوسف بضيق: قومي امشي علشان نقعد لوحدنا شويه طيف : اااها بردو مفهمتش يوسف : هنهزر طيف : خلاص خلاص قايمه وقامت مشيت وهي بتقول : فعلاً الطيور ع اشكالها تقع ________ قعدت ع تربيزه تانيه وهي بتكلم ف نفسها بشرود : الإنسان مش متخيل انه وسط اتنين ملزقين بالشكل داه فجأه سمعت صوت حد بيقول : عفواً طيف بفزع :بسم الله انت طلعت منين شد الكرسي وقعد وهو بيقول : من ناحية اليمين طيف بضيق: ظريف اوي حضرتك اتفضل قوم يلا أنس بتعجب : وحضرتك هتحاسبي ع العصير بصت بذهول ع التربيزه لقت كوباية عصير ومحفظه ومفاتيح قالت بإحراج : هو حضرتك قاعد هنا أنس : ايوا وكنت واقف بعمل مكالمه اتفاجئت ان حضرتك قعدتي مكاني طيف قالت بإحراج : انا اسفه جدا مخدتش بالي أنس : هو مش انتي كنتي قاعده وسط الأتنين ال هناك دول هما طردوكي ولا اي طيف : طردوني دا اي انا ال سبتهم علشان ياخدو راحتهم أنس بضحك : اها جايبينك هفأ يعني طيف بعصبيه: ع فكره انا مرات الإستاذ ال قاعد هناك داه وجيت علشان اصالحه على حبيبته أنس بضحك : واضح انك بتحبي الهزار طيف : وههزر معاك بتاع اي وبعدين حطت ايدها ع خدها بإحباط وقالت: للأسف متجوزين غصب لا انا طيقاه ولا هو طايقني أنس اتعدل وقال : يعني بجد انتي مرات ال هناك داه وال قاعده معاه دي حبيبته طيف : تخيل! أنس : وهو ساب واحده زيك وراح للي هناك دي طيف وهي حاطه ايدها ع خدها : معندوش زوء أنس: تسمحيلي اقولك انه مبيفهمش طيف بصة ناحية يوسف وقالت : اه اسمحلك عادي هو فعلاً مبيفهمش انس ضحك وقال: وهتطلقوا امتى طيف بتفكير : معرفش بش بفكر ارفع عليه قضية خلع واخلص انس شد موبايلها من ايدها وهو بيقول : طب خدي دا رقم موبايلي خلي معاكي لو قررتي تطلقي كلميني طيف شدة موبايلها من ايده وقالت بغضب: اي الأستظراف داه انت إنسان مهزء فعلاً وقامت من ع التربيزه أنس بضحك: مقبوله منك مااشي بس انا محامي خلع ودا رقمي هتحتاجيه لو فكرتي ترفعي قضيه فجأه بيجي يوسف ويمسك ايدها وهو بيقول: انتي بتهببي اي يتبع ........ بقلم #Malak_mohamed *في طريق العوده* يوسف بعصبيه:تعرفيه منين الأخ ال لقيتك بتكلميه ف الكافيه داه طيف : وانت مالك ماتخليك ف نورهان الملزقه وتسكت يوسف : أولا نورهان مش ملزقه اتكلمي عنها كويس ثانياً انتي ناسيه اني جوزك طيف : لا تصدق صدقتك هو انت بتبقى جوزي بمزاجك ولا اي بالظبط يوسف : بقولك اي قصر الكلام طول مانتي ع زمتي ملكيش كلام مع حد طيف ببرود: طب اتنين وتلات عادي هاهاهاهاها يوسف وقف العربيه ع جمب وقالها: انزلي طيف : خلاص وربنا يوسف بعصبيه: انزلي قولتلك طيف نزلت وقفلت باب العربيه جامد وهي بتقول : رجاله قفوشه اوي فضلت تكلم نفسها وتقول : فاكرني هخاف اوي هه وبعدين بصت حواليها لقت المكان ضلمه قالت بخوف : ممكن اخاف شويه صغيره بس وبعدين راحت مفتوحه ف العياط وقالت : اااااا ياماما تعالى خديني مشيت شويه وهي بتبص حواليها بخوف : مااشي يابتاع نورهان يارب تتسخط كلب فجأه سمعت صوت كلب بيهوهو جاي ناحيتها طيف بذهول: معقول دعوتي استجابت بسرعه كدا الكلب قرب منها طيف بحزن : يوسف دا انت بجد انا اسفه مكنتش اقصد الكلب هوهو تاني طيف نزلت ع الأرض وقربت منه وقالت بحزن: شايف وصلتنا لأي انت السبب علشان زعلتني وقالت بتفكير: دي نورهان لو عرفت هتعملني بطاطس هقولهم اي ف البيت دلوقتي فجأه سمعت صوت يوسف بيقولها : يعوض عليا عوض الصابرين طيف بذهول بصت للكلب وقالت : انت بتتكلم كمان يوسف وهو بيخبط كف بكف : انتي مجنونه رسمي بتكلمي كلب طيف رفعت وشها وبصت لبعيد لقت يوسف وقفت وبصتله وبصت للكلب وقالت : اي اللخبطه دي بقى يوسف: لا ياشيخه طيف بغرور: انت رجعت ليه دلوقتي ها يوسف : امشي خلينا نروح طيف بغرور : مش مروحه معاك يوسف بص حواليه ملقاش حد راح شايلها وقال : مليش خلق للمحايله انا طيف بغضب: نزلني بقولك يوسف وصل للعربيه وحطها فيها ومشي _________ "ف المنزل" طيف واقفه قدام المرايه افتكرت نورهان وهي بتقول : بس تصدق زوء مامتك طلع وحش اوي مجوزاك لوحده بتلبس نضاره وبتعمل شعرها كعكعه قربت من المرايه أكتر وشالت النضاره وفضلت تبص لوشها كويس وتقول : مانا حلوه اهو هي ليه بتقول عليا وحشه وفكت الكعكه وفردت شعرها ع ضهرها وسرحته وفتحت صباع روج لونه هادي وحطت منه على خفيف بصت لنفسها وقالت : اكيد غيرانه مني علشان كدا قالت عني وحشه ابتسمت وباست المرايه ولسه هتروح تنام حست بعصافير بطنها بتزقزء خرجت تتسحب بالراحه وفتحت التلاجه طلعت منها علبة الشكولاته لسه بتقفل وبتبص حواليها لقت ال بيقلها : مين انتي طيف بإرتباك بصتله وقالت: دا أنا يوسف قرب منها اكتر وقال وهو بيبصلها بتمعن : طيف! طيف بإرتباك: اه انا يوسف بتعجب: اول مره اشوفك فارده شعرك كدا طيف بإرتباك وهي بتحاول تبين انها مش مكسوفه: عادي حبيت اغير شويه يوسف وهو باصصلها: وكمان شيلتي النضاره طيف : اه زهقت منها عادي يوسف : وهتشوفي ازاي طيف : زي الناس يوسف رفع ايده وقال : طب دول كام طيف بضيق: انا نظري ضعيف مش عاميه اي الهبل داه وزقته واخدت علبة الشكولا وكيس العيش ومشيت راحت قعدت قدام التليفزيون وحطت الشكولا ع التربيزه ولسه هتاكل راح وراها وقال بغرور: قولي ان كلام نورهان هز ثقتك بنفسك طيف بضيق: بلاش استفزاز علشان مش قادره اتخانق انت ونورهان بتاعتك دي متفرقوش معايا يوسف قعد ومسك الريمود وقلب وهو بيقول : مش بستفزك بس دي الحقيقه انتي معندكيش ثقه بنفسك انتي عمرك اتحبيتي من حد؟ طيف وهي بتاكل وبتبص ع التليفزيون: لو الحب شبه العلاقه الملزقه بتاعتك انت ونورهان مش عايزاه يوسف بغرور: انتي بتقولي كدا بس علشان غيرانه ومعندكيش حبيب طيف : يابني انا بس اشاور بس كدا هلاقي مليون حبيب بس انا ال مش عايزه قولتلك واقعد ساكت بقى ياتدخل أوضتك سكوت ثواني فجأه النور بيقطع طيف بصدمه : يوسف يوسف يوسف : في اي طيف : انا اتعميت يوسف : يعني ميمشيش معاكي ان النور قطع طيف بفرحه : بجد يعني انا متعمتش يوسف : يعوض عليا عوض الصابرين يارب طيف بصراااخ : ااااا يوسف بفزع في اي طيف بهلع : افتكرت اني بخاف م الضلمه يلهوي يلهوي يلهوي يوسف قام وحسس ع الركنه لحد ماوصلها وقعد جمبها وقال : متخفيش انا هنا طيف بهلع : كدا انا خوفت اكتر يوسف : يعني اقوم امشي طيف مسكت ف دراعه بخوف وقالت: لا خليك هدوء ثواني يوسف حس بتوتر قال : فين موبايلك ننور الكشاف طيف : كان مرمي جمبي هنا استنا اشوفه فضلت تحسس ملقتهوش فجأه سمعت صوت حاجه استخبت ف دراعه بسرعه يوسف : متخفيش مفيش حاجه بعد مده من الوقت النور جه ويوسف كان محرج جدا لإنها ماسكه ف دراعه وسانده على كتفه قال بإحراج وهو باصص قدامه : احم النور جه مردتش عليه بص عليها لقا شعرها مغطي وشها شال شعرها لورا اتافجئ انها نايمه يوسف افتكر شكلها وهي نايمه ف القطر جمبه قال لنفسه : بتنام ف اي مكان كائن غريب فعلاً وبعدين افتكر حركاتها وكلامها المجنون قال لنفسه : مجنونه خالص البنت دي لو مقابلتهاش عمري ماكنت هصدق ان فيه بنت بالجنان داه رجع راسها لورا بهدوء وبص ليها بتمعن ودي كانت اول مره يركز اوي ف ملامحها افتكر مامته وهي بتقوله ‏: دي زي البدر بتنور ف الضلمه ابتسم وقال : دي الحاجه الوحيده ال ماما صدقت فيها تقريباً قام من مكانه يحرك دراعه بألم : جاموسه نايمه ع دراعي اي داه واتنهد وقال: امتى اخلص منك ياشيخه لسه هيروح أوضته فجأه سمع صوت رساله بيص ناحية الصوت لقى موبايلها مرمى ع الأرض وفوقه المخده شال المخده ومسك الموبايل وبفضول شاف الرساله ال جت لقى مكتوب : ها اتطلقتي ولا لسه وجب الرساله ايموشن ضحك اتشاط غضب لما شاف الرساله حاول يفتح الموبايل علشان يدخل ع الشات لكن معرفش لأن طيف عماله برقم سري لسه هيصحيها بغضب وقف مره واحده وقال : وانا مالي ماتتحرق بجاز وراح رامي الموبايل وداخل أوضته فضل يتقلب ع السرير يمين وشمال وهو متعصب وبعدين قال لنفسه : مانا لازم ادايق برضوا هو انا مش جوزها ولا اي حتى لو جوازنا ورق بس بردو مينفعش تكلم حد غريب وهي على ذمتي قام من ع السرير وفتح باب الأوضه وخرج راح ناحيتها وصحاها بعصبيه وهو بيقول : قومي كلميني حالاً طيف صحيت بفزع : في اي يوسف مسك موبايلها وقال : افتحي الموبايل وقوليلي مين داه طيف فتحت موبايلها بتعجب : مين اي يوسف : الأخ ال باعت الرساله طيف بصت ف الرساله وقريتها وقالت : اه دا المحامي ال قابلته النهارده ف الكافيه يوسف بتعجب: محامي! طيف : ايوا محامي وبعدين انت مالك وبعدين قالت بإبتسامه ماكره : تكونش غيران يوسف بإرتباك : وهغير من اي يعني اكيد لا طبعاً قامت طيف وقربت منه بمكر وقالت : غيران وربنا غيران بس معقوله لحقت تحبني بسرعه كدا يوسف بإرتباك : قولتلك مش غيران بطلي الحركات دي بقى طيف قربت اكتر وهي بتبص ف عيونه وقالت بإبتسامه ماكره وفي محاوله منها انها تدايقه اكتر : عيون الحبيب بتفضحه قول انك غيران وحبتني عادي عادي انا ممكن احبك يوسف زقها لبعيد بس الزقه كانت جامده بدون قصد ووقعت وراسها اتخبطت طيف بخوف : انا كنت بهزر يوسف نزل ع الأرض وقرب منها وهو بيقول : انا مكنتش اقصد طيف رجعت لورا بخوف وهي بتقول : انا عارفه ان عمرك ماهتحبني انا فعلاً كنت بهزر لسه يوسف هيتكلم وقفت بسرعه وجريت ع اوضتها بخوف يوسف ادايق من نفسه جدا ورجع على اوضته يتبع....... بقلم #Malak_mohamed #المشاكسه_والعنيد 6 " نهار يوم جديد" يوسف فضل يطلع ويدخل ع أوضته وشويه يروح المطبخ وشويه يقعد قدام التلفزيون وعيونه كل داه ع أوضة طيف كان مستنيها تطلع بس هي مطلعتش الوقت فضل يعدي والمغرب قرب يأذن وهي مطلعتش بردو يوسف كلم نفسه وقال : ممكن تكون ماتت : لا لا معتقدش هي أكيد زعلانه من ال حصل امبارح بس ماهي تستاهل حد قالها تعصبني ثم انا شاغل بالي ليه ها وبعدين قال بإحباط : بصراحه وجودها بيخلي المكان ليه روح اه هي مشاكسه ومبتقعدش ف مكان بس القعده من غيرها ممله جدا اتهند وقال : طب هروح فين انا دلوقتي وانا واخد اجازه اسبوعين من الشغل اي الملل داه بس قام من مكانه وقال انا هروحلها وبعدين قعد وقال : لا كدا هتفتكر انها فارقه معايا وبعدين قال بتفكير : انا عرفت اي هيطلعها من الأوضه دخل ع المطبخ وطلع طبق كبده وبدأ يشوح ف البصله ويعمل أكل والريحه كانت ماليه الشقه كل شويه كان بيبص على باب الأوضه قال لنفسه: مكلتش من الصبح يعني اكيد هتيجي ع الريحه انا عارفها ام كرش وبتحب الأكل طيف ف أوضتها قاعده ع السرير : يوووه بقى انا مليت م القعده لوحدي وبعدين شمت ريحة الكبده قامت من ع السرير وراحت ناحية الباب وهي بتشم ف الريحه وبتقول: الله دي كبده لسه هتفتح الباب افتكرت انها زعلانه وواخد ع نفسها عهد انها مش هتخرج بره أوضتها طول ماهو موجود وبعدين حطت أيدها ع بطنها ال عماله تصوصو من الجوع وقالت لنفسها : مبدهاش بقى وفتحت الباب وخرجت تتسحب بالراحه ناحية المطبخ لقت يوسف واقف بيعمل ف الكبده قالت لنفسها : شكلي مش هعرف أكل ولسه بتلف وترجع لقت يوسف بيقولها : تعالي علشان تاكلي بصتله وقالت بإرتباك : لا انا مش جعانه كنت طالعه اشرب بس قربت من التلاجه واخدت قزازة مايه وشربت بوء وحطتها لسه هتمشي يوسف قالها : انا غرفت لنفسي وداخل أوضتي عندك باقي الأكل وسابها ومشي اول لما مشي جريت بسرعه ع الأكل وبدأت تاكل بجوع يوسف دخل اوضته وحط الصنيه وقال بإبتسامه : عامله زي القطط بتيجي ع الريحه طيف بعد ماخلصت أكل قالت لنفسها : اعملي حاجه سخنه بقى وادخل جحري تاني وهي بتعمل حاجه سخنه تشربها جتلها فكره شيطانيه وافتكرت يوسف وهو بيزقها قالت بتفكير : ماااشي اصبر انا هوريك وطلعت برشام ملين وهي بتبسم بمكر بعد دقيقه عملت ليوسف فنجان قهوه وخبطت ع باب أوضته يوسف : ادخل طيف دخلت وهي بتقول : عملتلك قهوه يوسف بتعجب : مكنش له لزوم تتعبي نفسك طيف حطت القهوه قدامه وقالت بمكر : انت تعبت ف عمايل الأكل وحبيت اردلك الجميل اتفضل اشرب يوسف بإبتسامه: شكراً وحطت القهوه ولسه هتمشي يوسف قال : استني طيف بخوف : اتقفشت يوسف قرب منها وشال شعرها من على جبهتها وقال : اتخبطي جامد مش كدا طيف بضيق : انت شايف اي دي قورتي ازرقت كمان يوسف : انا مكنتش اقصد ع فكره وانا عارف انك كنتي بتهزري انا اسف طيف بتعجب : انت بتعذرلي يوسف : ايوا طبعاً مش غلطت يبقى لازم اعتذر وبعدين قعد ولسه هيشرب من الفنجان طيف لحقته وقالت بلهفه : ثواني اعملك واحد تاني واخدت الفنجان وجريت ع المطبخ يوسف بصدمه : معقوله كانت حطالي سم ف القهوه طيف وهي بتكب القهوه ف الحوض : كان لازم يعتذر دلوقتي اوووف منه رجعت بعد شويه وف إيدها القهوه حطتها قدامه وقالت بإبتسامه مصطنعه : اتفضل عملتلك واحده غيرها يوسف رجع براسه لورا بخوف : لا مش عايز شكراً ________ ف المساء والدة طيف وعمتها ومامت يوسف متجمعين عندهم عمتها: طيف عامله معاك اي يايوسف يابني يوسف: مابلاش رأي انا والدة يوسف بضحك : تلاقي مكسوف يتكلم بصراحه بقى طيف بنتكوا زينة البنات هدوء اي وعقل اي ورقة اي حاجه كدا زي البلسم يوسف بص لطيف بصدمه وقال: دي ! طيف بصت ف الأرض بكسوف يوسف: حد يلحقها دي صدقت والدة يوسف: بس ياواد اسكت والدة طيف بضيق: طيف كنت عايزاكي دقيقه لوحدنا عمتها : في حاجه ولا اي والدة طيف : لا مفيش ومسكت ايد طيف ودخلت اوضتها وقفلت الباب طيف بتعجب: في اي ياماما والدتها قعدت ع السرير وقالت : فارده شعرك يعني ودي مش عادتك طيف قعدت جمبها وقالت: عادي يعني زهقت من الكعكعه والدتها شالت شعرها من على جبهتها وقالت : زهقتي ولا بتداري الزرقه ال ف قورتك طيف بإرتباك : انتي اخدتي بالك والدتها مسكت ايدها وقالت : ولو مخدتش بالي مين ياخد بالو قوليلي يوسف ال خبطك كدا طيف بلهفه : لا انا وقعت والدتها : وقعتي بردو طيف انفجرت ف البكاء واترمت ف حضنها وقالت : مش انتو ال اجبرتوني اتجوزه وهو مش عايزني ولا بيحبني والدتها احتضنتها قائله : انا كان نفسي افرح بيكي قبل مااموت الجواز نعمه كبيره يابنتي انتي بتكبري وخفت تعيشي باقي حياتك لوحدك طيف ببكاء: واي فايدة الجواز لو مع حد مبيحبنيش ولا بحبه مانا كدا بردو وحيده والدتها : مين قال انه مبيحبكيش طيف : انا عارفه ياماما انه مبيحبنيش ولا عمره هيحبني هو مش شايفني اساسا ومستني اليوم ال هيخلص مني فيه بفارغ الصبر دا بيخلي حبيبته تقعد تتريق عليا وتدايق فيا وبيقعد يدلعها قدامي ياماما انتي متخيله انا بعمل نفسي مش فارق معايا بس من جوايا بموت انا عمري مااتهنت بالشكل داه والدتها بغضب : وهي والدته تعرف ان ابنها لسه مرتبط بالبنت دي طيف : معرفش والدتها بغضب: انا هتطلع اقولها تشوف حل للموضوع ده طيف مسكت ايدها وقالت: لا ياماما ارجوكي انا مش فارق معايا خليه يحب فيها براحته والدتها: يعني اي مش فارق معاكي فوقي انتي مراته طيف : قولتلك مبيحبنيش ياماما مبيحبنيش والدتها : خليه يحبك ياطيف طيف بتعجب : أخليه يحبني ! والدتها: ايوا خليه يحبك ووقتها هترجعي كرامتك ال اتهانت قدام حبيبته وهيعرف قيمتك طيف: اخليه يحبني ازاي بس ياماما هو انا فيا حاجه تتحب والدتها: مين قالك كدا انتي كلك تحبي ياطيف متسمعيش كلام اي حد يفكر يهز ثقتك بنفسك طيف :بس انا مبحبوش ياماما ولا عمري هحبه والدتها : ولو قولت انك بتحبيه طيف حطت وشها ف الأرض وقالت بإرتباك: لا انا مبحبوش والدتها رفعت وشها لفوق وقالتلها : ماشي هنعتبر انك مبتحبهوش بس اسمعي مني وخليه يحبك ع الأقل تردي إعتبارك _______ بعد ما اهل طيف ويوسف مشيوا موبايل يوسف رن فقام علشان يتكلم ف أوضته طيف ف الصاله قاعده بتتفرج ع التليفزيون قالت لنفسها : اكيد بيكلم الهانم دلوقتي وبيحبوا ف بعض علاقه منتنه حرفياً وبعدين افتكرت والدتها وهي بتقول : خليه يحبك ياطيف اعتبريه تحدي بينك وبين نفسك علشان تثبتي لنفسك وليهم انك فعلاً تتحبي قالت لنفسها: وأخليه يحبني ازاي داه وبعدين جتلها فكره وفتحت موبيلها وكتبت : ازاي اخلي زوجي يحبني طلعلها اول حاجه ف البحث : اسهل طريق لقلب الراجل معدته قالت لنفسها بتعجب : معدته ازاي يعني هو بيحب بقلبه ولا بمعدته وقفت وقالت يلا مش مهم معدته معدته ودخلت ع المطبخ بعد نص ساعه يوسف شم ريحة شياط قال لنورهان : ثواني ياحبيبتي وجي وساب موبايله وفتح باب أوضته وراح ناحية المطبخ لقا الريحه بتزيد دخل وبص لقا طيف بتطلع صنية من الفرن قال بصدمه : انتي بتهببي طيف وهي تتصبب عرقاً ابتسمت ابتسامه مصطنعه وقالت : بعملك صنية فراخ ياحبيبي يوسف بصدمه : حبيبي ! انتي سخنانه ولا اي وبعدين صنية فراخ اي دي ال بتتعمل الساعه 12 باليلل طيف : وهي صنية الفراخ عرفت منين ان الساعه 12 باليلل يوسف قرب وقال : بت انتي هتجنيني ثم دي مش صنية فراخ دي صنية فحم هي فين الفراخ دي طيف دارت الصنيه بسرعه وقالت : مش مهم المنظر المهم الطعم يوسف بسخريه : وهي واضح عليها لا ريحه ولا طعم طيف بثقه: بس بس انت اش فهمك انت ف حاجان الأكل دي وبعدين مسكت حته علشان تدوقها بكل ثقه اكتشفت ان طعمها وحش جدا بلعتها غصب عنها وقالت بإحراج : هي طعمها مش آد كدا يعني يوسف بضحكه ساخره : عرفتي أنها لا شكل ولا طعم بطلي إفتكسات بقى وروحي نامي وسابها ومشي طيف بذمجره : اوووف بقى اي البني ادم المستفز داه يتبع......... بقلم #Malak_mohamed