الحلقه ١٢
الحلقه { ١٢ }
حكايه واقعيه
للكاتب : فؤاد
باداره مشرفين قناه : اعماق عالمنا
العنوان : لـكــل شخص حـكـايه ولكـل حكـايه نـهـايه
________________________________
°° في بيت اهل امين °°
جلس امين مستلقي على السرير في غرفته
واتصل بكنعان ليرى الاخبار
. كنعان : مرحبا مدير
. امين : كيف الوضع
. كنعان : كل شي تمام التمام
. امين : ان شاء الله بكره نفتحه لحياته الحلوه
. كنعان : انا ما في افهم كلام انته
. امين : هههه مش ضروري تفهم المهم احرس اللقاء قريب
. كنعان : حااضر
°° في بيت اهل حاشد °°
اخذ هاتفه واتصل على مالك لاكنه لا يرد ويعود الاتصال به عده مرات وأخيراً يفتح الخط
. حاشد : الووو مالك
. باركر : هلاااا بالكنج هلاا بالخاين
. حاشد .. بصراخ : فينه مالك ي مجرم
. باركر : مالك موجود معزز مكرم واموره طيبه بس فقداان لك ما سمع صوتك وهو ضحى بحياته عشانك
. حاشد : اعطني مالك اكلمه ي نذل نتفاهم انا وصاحبي
. باركر .. باستهزاء : هههههههه مافيش مشكله رح اعطيك اياه
ــ توجه باركر الى السجن ودخل على مالك وهو تعبان من شده الالم من التعذيب
. باركر : هاه ي مالك في واحد حشره يشتي يكلمك
. حاشد : ي مالك انا حاااشد انا والله مش خاين بس كنت في السجن واليوم خرجت وعلى طول اتصلت بك ، لاتخاف انا رح انقذك لا تصدق هذولاء الكلاب اني خاين والله لانقذك ولو اموت عاادي
. مالك : ..
ــ اخذ باركر الهاتف ولم يسمح لمالك بالكلام
. باركر : انا اعطيته التلفون يسمع لكن يجاوب لا
. حاشد : خله يكلمني خلني اسمع صوته
. باركر : انته غبي ما تفهم في هذه الاشياء ما يصلح نرخي الحبل كاامل خلك تموت بخوفك وشجنك
ثم فصل الخط
ــ اخذ حاشد يدور في الغرفه ذهاباً وإيابا وهو مثل المجنون
فتح تلفونه واتصل على اصحابه اتصال جماعي
. حاشد .. يحكي لهم القصه
. حاشد : لازم ننقذه ولازم نكون يد واحد
ـ اخذ الجميع يتعذر ويقول هذه منظمه واخر يقول مارح ننقذه بس رح نموت معه ايش الفايده
. حاشد : هذا صاحبنا ي مجرمين
. نزار : هذا صاحبك المقرب اما بالنسبه لنا صديق عادي واحناء لسا نشتي نعيش ونشوف اولادنا واحنا مش مودفين بانفسنا ، هذا شيء يخصك لانه انقذك اما احناء مش المسؤلين انته اللي ورطته مالنا علاقه
.اغلق الخط حاشد
وبداء يبكي ويكسر كل شي قدااامه
°° مكتب المدرسين °°
وبعد ان هدات العجوز بداااات تبكي بحررقه والشاب الدموع في عينيه ويحاول حبسها
. المدرسه : ي خاله احكي لي ااايش فيك
. العجوز : ي بنتي تعرفوا شاب عندكم اسمه عماااد
. المدرسه … تفكر شوي : ايووه صاحب المكتبه تقصدي
. العجوز : مدري المهم شاب وسيم وصاامت ووحيد ومنعزل عن العالم
. المدرسه : ايووه هو هو
. العجوز : فينه اشتي اشووفه
. المدرسه : ليه ي خاله في شي
. العجوز : ابني ابني ي بنت
. المدرسه : واايش اللي خلاك تجي لهنا تبحثي عليه
. العجوز : قصه طويله
. المدرسه : ي خاله احكي لنا هو مخطووف لا ضايع
. العجوز : لا ي بنتي بحكي لكم القصه كلها بس توعدوني تعطوني ابني
°° في المعهد °°
البنات انسحبين وخرجين لما الكل عرف انه يقرب لها
نبض كانت لابسه فليله سوداء على تنوره سوداء قصيره
. نبض : ااايش تشتي مني اتكلم اايش جايبك عامل حالك رجاال علي خلاااص حتى لو تقرب لي هذا ما يسمحش انك تبقى تضايقني يلا اطلع والا
. فؤاد : والا اايش ايش باتعملي
. نبض : والله ي فؤاد باتندم باكلم ابووي واخليه يمسح بك البلاط
. فؤاد : ابوك اي مشكله واي خبر شيء يتعب واحتمال يتوقف قلبه
. نبض : بعيد الشر عليه
. فؤاد : انتي عارفه وساكته على ظلمي لانك خايفه على ابوك
. نبض : بتصل بابوك واقول له انك ولد شراني وابوك بيربيك
. فؤاد : بالعكس هذه تربيه ابوي واذا اتصلتي بابوي بتصل بابوك واقول له انك عملتي حادث ورح تطلعه صدمه ويمكن يموت بلحظتها
. نبض : انا بتصل بالبابا واكلمه ان اي اخبار منك كااذبه
. فؤاد : وتحسبيها صعبه بتصل فيه من اي رقم ي هبلا
. نبض : وانت مجرم باتعملها
. فؤاد : لا تستبعديها بس ...
. نبض : طيب ايش تشتي الان
. فؤاد : اشتي اكلمك بموضوع مهم وانتي فكري فيه كثير هذا الموضوع يخص سلامه ابوك يعني حياه ابوك بيدك
. نبض : لو سمحت لا تدخل ابي في اي شي من احقادك
. فؤاد : اسمعي انا ناوي اتزوجك
. نبض … بصدمه وتعجب : اااااااااايش مستحيل ما بقي الا انت عشان تعذبني ي مجرم
. فؤاد : قولي عني اللي تشتي بس اعرفي ان هذا كله لصالحك
. نبض : لو سمحت اطلع من غير كثر كلام
. فؤاد : باتسمعي كلامي للنهايه وبعدها بطلع على طول
. قام فؤاد وتوجهه للنافذه وتنهد تنهيده قويه وقال :
اسمعي ي نبض انا بتزوجك زواج شكلي بس يعني الكل يعرف ونقيم حفله زفافنا امام كل العائله بس ما بلمسك ولا بقرب منك بس انتي وافقي قدام الكل لغرض وبعد ما اخلص الغرض ننفصل بهدوء واعرفي ان هذا الغرض لصالحك
واذا انتي رافض الفكره بتصل بابوك واعطيه خبر سيء وبعدها راااح يمووت على طوول لو تشتي حياه ابوك قضي معي شهرين لما احل اللي بيني وبينك من غير ما احد يعرف انك مغصوبه وبعدها ننفصل وانتي فكري لانك لو ......
نبض : ايش دخل صحه ابوي ي مجرم
. فؤاد : انتي حره هذا ابوك مش ابوي وانتي باتكوني ارحم به حتى ابوي لو تقولي له انك مغصوبه ترحمي على ابيك
. نبض : قل لي ايش اللي براسك مليت من الالغاز ذي
. فؤاد : وانا اوعدك ان هذا كله لصالحك لانك لو تزوجتي غيري باتتمنى الموت قبل ما كنتي نويتي الزواج
. نبض : ايش ذنبي انا ، ايش في ، ايش اللي تتكلم عنه واايش اللي بتصفي بينتا تشتي تاخذ بثارك بشيء انا مش متذكرته او على شي انت حاقد عليه
. فؤاد : هههه لا انتي فاهم خطا اللشي هذا انا بعمله لصالحك لا تخافي بس فتره وتعرفي كل شي بالوقت المناسب
. نبض : تشتي تضرربني وتموتني
. فؤاد: لا عاش من يضربك لا تخافي انا مش باذيك ابدا بس عشان تعرفي شي مهم .....
خرج فؤاد وترك نبض في حيره وقلق وتوتر
_________________
ضحيه ماليس لها ذنب به
______________________
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖