كذبة العمر
الدنيا اسودت. نسرين تزوجت بعد ماسافر بشهر ، هذا الي يعرفه
لكن مريم قالت : " يما متزوجتش مباشرة. باباك راح لها وقالها تبعد عليك . قالها هو في العاصمة راح يضيع . وحرام تضيع معاك "
"وباباتك؟!!"
"مات قبل منزيد .حادث سيارة، يما ربتني وحدها ، وعمار خو بابا رباني معاها"
سليم رمى المنشار.
" عشر سنين وانا نكرها . ونكره روحي . ونكره بابا.... وكل هذا كذب؟!؟؟!!!"
عمار دخل :" باباك كان قاسي بصح كان خايف عليك.كي شافك تحلم بالعاصمة خاف تذوب.حبك ترجع راجل قبل ماتولي نجار"
ودرك ؟؟"رجعت جثة "
"الجثة متنحاتش ياوليدي. يالله ، عندك طلبية من دار الثقافة طالبين باب خشب منقوش ."