مابين الخير والشر - الفصل الثاني - بقلم توفيق الجحيفي - مكتملة | روايتك

مرت الايام عامر نفذ اللي في راسه وخرج زوجته وعياله اليمن خروج نهائي ورغم كل اللي حاول يسويه عشان تتغير زوجته بس للاسف زاد عنادها وتكبرها عليه كانت تقضي وقتها تخازين وشيش وشلل طول وقتها يا اما في بيت اهلها مع امها وخواتها يا اما في بيت زوجها وكل صحباتها واهلها عندها في يوم تعب عامر من هذا الوضع ودخل عليها جالسه مخزنه والدنيا ظلام من دخان الشيشه ومن كثر ما كان عامر معصب منها اخذ كاسة ماء ورشها على الشيشه وصارت هذاك الصيحه والمشكله بينهم دخل عامر غرفته وقده كارهه عيشته واتصل على عمه عامر: والله العظيم تعبت سويت المستحيل عشانها ايش ما طلبتني جبته لها مصروفها اكثر من خمس مئة الف في الشهر غير الذهب والاراضي والبيوت اللي باسمها احمد: تعال بكره يا ابني الى عندي للشركه ونتفاهم عامر: ع الساعه كم انت فاضي احمد: اي وقت تعال وبنتكلم عامر: طيب بجيك ع الساعه 5 العصر احمد: طيب وانا مننظر لك عامر: ان شاء الله غلق عامر وهموم الدنيا كلها فوق راسه جلس يفكر ايش الغلط اللي سواه في حياته عشان الله رزقه بمره مثل ساره اليوم الثاني راح عامر لعند عمه احمد واتفقوا ع كل شي عامر: عم احمد من هذه اللي خرجت احمد بعصبيه: وانت ايش دخلك انت جاي تشوفني عشان نحل مشكلتك او جاي تشوف بنات الناس عامر: ولاشي مجرد سؤال احمد: طيب خلاص لاعاد تجي للشركه لو عندك اي كلام تعال للبيت عامر: ليش احمد: بدون ليش عامر: حاضر ياترى من هذه اللي شافها عامر وليش سأل عنها تحديداً مع انه يتعامل ويشتغل مع نسوان بس ماعمره سأل من يكونين او بنات من ياترى ايش اللي في راس عامر