حين التقى الحب ب الغموض - حين التقى الحب ب الغموض بارت 4🦋 - بقلم حلم من حبر | روايتك

🦋4 فتحت شغف مذكرات امها وقرأت ما صدمها على لسان سهير... فلاااااش بااااااك سهير: من بعد ما شوفت احمد وانا دايما بفكر فيه وهو بقى دايما يجي عشان سماح هو كان بيقول كده. سماح: شوف مين بقى بنشوفه بعد ما كنا بنشوفه صدفه في البيت. احمد: يعني انا غلطان عشان جاي اطمن ع بنت عمي ولا ايه رائيك يا سهير سهير: لا ملكيش حق يا سماح طاب دنا ياريت الاقي حد يجي يسأل ويخاف عليا، احمد: ليه منا جمبك قصدي يعني كلنا جمبك ولا ايه يا سماح سماح: بغيظ اه طبعاً، بقولك يا سوسو كنتي دايما تقولي اتأخرت ايه متأخرتيش النهارده سهير: احم لا منا قايله لخالي اني هتأخر النهارده، احمد: بما انكم لسه مطولين وخلصتوا محاضرات تعالوا اعزمكم على الغداء. سهير: لا مش هينفع. وطبعا سماح عشان نفسها ولو لمره واحده تخرج مع احمد اقنعت سهير وراحوا معاه للمطعم. وبقى ما ينفعش يعدي يوم من غير ما اشوف احمد فيه وفي يوم زي ما بيجي أتكلم وقال. احمد: سهير انا عايز اقول لك حاجه مهمه. سهير: اتفضل احمد: انا بحبك وعايز اتجوزك. سماح: نعم انت بتقول ايه ايه الكلام ده. احمد: مالك يا سماح. سماح: لا مقصدش قصدي يعني ان سهير كانت قيلالي انها عايزه تخلص جامعه الاول. احمد: بقلق اي يا سهير مش بتردي ليه موافقه ولا لا؟؟؟؟؟؟ سهير: بفرحه ممزوجه بخجل انا موافقه ☺️ احمد: بجد طاب يعني اقدر اجي اتقدملك امتي اتفقوا ع كل حاجه. وطبعا انتم متخيلين شعور سماح من غل وحقد علي سهير. وفعلا احمد اتقدملي واتجوزنا وعملي فرح متعملش لحد قبل كده. ودخلت لقيت احمد بيربي اولاد اخوه وشايل مسؤليتهم ازاي ارفض اساعده وانا مجربه احساس فقدان الأهل وكان اقرب واحد فيهم ليا هو أدم ومكانش بيقولي غير ي ماما وانا كنت بحبه جداً . وكنا عايشين وفرحانين وبنحب بعض انا واحمد وكان بيتمنالي الرضا ارضي وف يوم حسيت اني تعبانه شويه روحت كشفت وطلعت حامل كان اجمل يوم في حياتي اني شايله جوايه حته من أحمد حبيبي🥺 ومابقتش مصدقه امتي اقوله لأنه كان عنده شغل ف الوقت ف الغردقه وهيقعد اسبوع ومكنتش حابه اقوله ف الفون عشان كنت عايزه اشوف الفرحه ف عيونه . بس قولت لسماح دي صاحبتي وانا بثق فيها عدي الاسبوع وجه معاد رجوع احمد من السفر. لقيت سماح بتخبط ع باب اوضتي. سهير: ادخل سماح: سهير كان في واحده صاحبتي تعبانه ورايحه ازورها وبعدها عايزا اروح اشتري هدوم ف ممكن تيجي معايا. سهير: بنيه صافيه ماشي بس المهم منتأخرش عشان احمد راجع النهارده. سماح: اكيد، ولكن سهير متعرفش سماح مخططلها ايه؟؟ وراحم الشقه ع أساس إنهم يزوروا صاحبتهم التعبانه. وعلي الجانب الأخر، احمد: الو مين معايا انت بتقول ايه! الشخص: زي ما بقولك كده مراتك بتخونك ولو مش مصدققني روح شقه ف المعادي العنوان........ راح احمد زي المجنون فضل يخبط لحد مكسر الباب ودخل وكانت الصدمه سهير حب عمره بتخونه من وجهه نظره طبعاً. لقاها نايمه ف اوضه النوم ومعاها راجل غريب، احمد: بجنون كب مايه ع وشها، سهير: اي ده انا فين، هوب لقيت قلم نزل ع وشها من احمد. احمد: انتِ حسابك معايا استني بس اشوف الكلب اللي فضالتيه عليا ونزل فيه ضرب وسهير بتصوت وتعيط وتقول مظلومه 🥺. المجهول: فجأه ضرب احمد ع دماغه ب الفاظه وطلع يجري. سهير: احمد لا ااااااالا احمد قوم، احمد مكانش اتصاب جامد قام وقال. انتِ انتِ ياسهير تعملي فيا كده عملتلك ايه انطقيييييي حتي وانتِ كده مش قادر أأزيكي ملعون ابو قلبي اللي حبك، بكرهك خاينه بعتي نفسك بكام انطقي انتِ خساره فيكي اودي نفسي ف داهيه عشانك سهير: بعياط هستيري مظلومه والله ممظلومه يا احمد اسمعني. احمد: اخرسييييييي انتِ طالق ومش عايز اشوف وشك تاني سهير: حرام عليك مظلومه والله ممظلومه حسبي الله ونعم الوكيل حسبي الله ونعم الوكيل . مشي احمد، وطبعا سهير خافت تقوله إنها حامل وميصدقهاش ويقولها انه مش منه. رجع احمد للبيت. سماح: بخبث ايه ده احمد اومال سهير فين. احمد: بعصبيه مش عايز اسمع اسمها في البيت تاني. سماح: ايه اللي حصل ل ده كله احمد: انا قولت اللي عندي وانا طلقتها وانسوا انه كان في واحده ب الأسم ده ف حياتنا. ادم: بعياط لا ماما سهير طيبه انا عايز ماما سهير انتَ وحش. احمد: متقولش ماما دي بدل ما تخلنيش امد ايدي عليك انتَ فاهم. ومر شهر وسهير بتحاول تكلم احمد اوتثبت الحقيقه ولكن سماح مش مدياها فرصه. وف يوم دخلت سماح ع احمد الاوضه احمد: في ايه ي سماح. سماح: كنت عايزه اقولك اننا نتجوز. احمد: انتِ بتقولي ايه انتِ تجننتي. سماح: اسمعني اديك شايف سهير كل يوم بتحاول تقربلك وعشان تثبتلها انك نسيتها وإنها مبقتش فارقه معاك نتجوز حتي لو شهر وبعدها طلقني. تكون هي بعدت، وطبعا يا ساده الذن ع الودان امر من السحر. واحمد وافق ع الفكره واتجوز سماح.، سهير عرفت وفقدت الأمل وقررت انها تبعد وتربي اللي ف بطنها وتنسي عيله الأسيوطي تماما. طبعاً انتم عايزين تعرفوا ازاي ده حصل مع سهير اول ما وصلت الشقه. الفكره ي حبايب قلبي ان سماح اتفقت مع الشخص المجهول انه يبقي ف الشقه واول ما يوصلوا يخدر سهير ويدخلها اوضت النوم طبعاً مُقابل فلوس كتير.. بااااااك شغف: بعياط كل ده حصل معاكي ي امي😭 وبقوه مسحت دموعها انا لازم انتقملك وأرجعلك حقك وشرفك. ياتري شغف هتنتقم لأمها ازاي وهتعمل ايه وازاي هتدخل عيله الأسيوطي وايه اللي هيحصل لما تقابل أدم.. ده اللي هنعرفه البارت؟؟؟؟ الجاي ان شاء الله ♥ ـــــــــــــــــــــــــــ🌹